لا مقـــــــــص ولا رقيــــــــــــــــــب - الصفحة 4

رمز البداوه · 11-10-2008, 05:21 PM

وعليك السلام والرحمه ..

طبعا فيه قنوااات إماراتيه تعرض برااامج خليعه والمفروض من هالقنوات أنها ما تعرض هالبرامج مثال قناه دبي تعرض برنامج ترتاتا وفيه واااايد قنوااااات تعرض مسلسلات فيها لقطات المفروووووووض ما تنعرض مثل مسلسل أبله نوررره .. في ها لبرنامج واااايد مبالغين فيه وأعتقد ان المجتمع الاماراتي هب لها المستوى مثل ما قلت أخويه بس قناه الشارجه هي القناه الوحيده ألي برامجها مفيده و في هذا الدهرررقلت البرامج الدينيه وكثرت البرااااامج الغنائيه والمسلسلات التركيه ,,, حتى المسلسلات الاماراتيه ما تلقى فيها حشمه المفروض أن القنوااات الاماراتيه ما تعرض هالبرااامج والمسلسلات التركيه .. الصراااحه أنا ألحين ما حب أطالع التلفزون أمره ..

أما برنامج الوادي وستار أكاديمي المصااااخه كلها في هذا البرناااامج ولا بعد موااااااااااااااااااطنين مشاركين فيه ما ناقص إلا موااااطنات بعد عسب تكتمل .. الله يستر علينا والله يرحمنا برحمته ..

أما عن الملصقات بالنسبه لي أنهم ما يمنعون الملصقات إلي فيها اسم الله ولا إله إلا الله عااااادي اما إلي يكتبووون اسم النادي إلي يحبه وإلا كلام حب فهذا من حقهم أنخم يمنعونه
تسلم أخويه النعيمي ع المووووضوع المميز .. وأتمنى لك المزيد من التقدم ..

أختك رمز البدااوه ..[/size] __DEFINE_LIKE_SHARE__

النعيمي · 11-10-2008, 06:37 PM

المشاركة الأصلية كتبت بواسطة :*'*: مغازلجي مسجون :*'*:

[align=center]

بعلق على رد أختي الفاضله نوافي

من قال إنهم محرومين من حق العمل

يحظى البدون في دولة الإمارات خصيصاً بحق العمل إلا أنهم لا يحملون عموما أي

أوراق ثبوتية أو جوازات سفر. بلادنا مب مقصره وبعد التعليم مب محرومين منه

على أيامي كانوا وايد من شباب البدون يتعلمون ويشتغلون

الإمارات ماحرمتهم من هالشيء على حسب علمي يعني

ومن يومين تم غلق باب التسجيل للأفراد أو المقيمين الذين

لايحملون أي أوراق ثبوتيه وإن شاء الله تتسهل أمورهم أكثر من قبل

بخصوص التجنيس في دول الإمارات

الكل يعرف شروط التجنيس

ويتم دراسه ملفات عديمي الجنسيه

في لجان خاصه تدرس الملفات جميعا كل حالة بحاله

حتى لا تظلم أحداً وحتى لا تعطي الجنسية لمن لا يستحقها.

وفي أشخاص كثيرين يستحقون الجنسيه لين الحين

ما أنحلت مشكلتهم ... لازالت المشكله قائمة

من مكرمه الشيخ خليفه من 2006 على ما أعتقد يعني لين الحين

داخلين 2009 لم يغلق هذا الباب نهائياً

سؤال ؟؟

ليش كلمه بدون توجد فقط في الإمارات وفي الكويت على مااعتقد يعني

ليش هالكلمه ماتوجد في بلاد ثانيه ...

هاي الكلمه تجرح بحد ذاتها
.................................................. .....
ليش لين الحين ماتجنسوا شو العائق إلي واقف طريقهم

بس بسهوله نقدر نجنس الإعيبه الأجانب

على الأقل البدون عايشين على أرض البلاد من سنين

وإلي انولد على هاي البلاد يعني ماعنده بلاد غير الإمارات

في البلاد الثانيه الواحد لو عاش فوق 5 أو 10 سنوات ينجسوهم على طول

نحنا الإمارات بطلوع الروح الواحد عندنا يتجنس

.................................................. .......

على فكرة هاذيلا البدون أو إلي مكانوا يحملون أوراق ثبوتيه

كانت عندهم جوازات سابقاً بس يوم التجديد ما جددوا لهم جوازاتهم

لي عودة ثانيه للرد [/align]

انا اتريا تكلمة تعقيبك اخويه مغازلجي ..

كلمة بدون منتشرة في دول الخليج كلها بما فيهم قطر والسعوديه وهب شرط بدون اصل ، بالعكس الكثير منهم اصولهم وجذورهم عربية اصيله من شبه الجزيرة العربية ,.. ونحن فالإمارات وفي ظل حكم الشيخ خليفة حفظة الله ورعاه تم النظر في حالة العديد من حالات البدون والاخوه الوافدين وانا ارى ان الكثير من الوافدين يستاهلون الجنسية
الكثير منهم متطبع بالهيئة الإماراتية يكاد يكتشف ان اصوله مثلا من فارس او بلاد الشام او او اضف على ذلك الرمسة الإماراتية ..

وفي انتظارك يامغازلجي ..

اخوك/النعيمي __DEFINE_LIKE_SHARE__

النعيمي · 11-10-2008, 06:46 PM

المشاركة الأصلية كتبت بواسطة حـلـو الاطـبـاع

السلام عليكم ورحمة الله وبركاته
فالبدايه انا اعتقد بانه هناك فئه معينه تستحق االحصول على الجنسيه الاماراتيه ومثل ما ذكر صاحب الموضوع اخويه النعيمي بانه هناك من اتلف او تخلى واو اخفى جنسيته السابقه لكن اعتقد انه مجموعه كبيره من فئة البدون او الوافدين الذين اعترفو او تقدمو بطلب تجنيسهم وسحب جنسيتهم السابقه اعتقد انه هم من يستحق اللتجنيس لكن فعلا هناك فئه من ضعاف النفوس ومن يستغل مكرمة الشيخ رئيس الدوله ويحاول التلاعب على ادارة الجنسيه والاقامه ..

وعن موضوع البث التلفزيوني والاعلام بشكل عام ..
اعتقد انه اعلامنا العربي والخليجي اصبح له له شأن في مجال الاعلام بالعالم لكن للأسف هناك بعض القنوات الفضائيه اللتي تعرض الافعال المخله للآداب وانا أأسف بأن ارى هذه الفعله من محطه اعلاميه خليجيه عربيه عالميه كبيره مثل قناة ابوظبي لاكن اعتقد انه الغلط واذا اعتقد المخرج بانه يخرج هذا البرنامج لاحدى القنوات العربيه اللي لا تمتنع من عرض هذه الالكليبات او الفديوهات المخله للآداب وهنا تأتي مسؤولية الرقابه للأذاعه او التفزيون بفرض العقوبه على مثل هؤلاء المخرجين واعلامهم وتوضيح الامر له بأن هذا القناه لا تقبل بعرض هذه الكليبات والفديوهات وبان شعبنا ومجتمنعنا له الغنى من مشاهدة هذه المشاهد

وشكرا
تحياتي لصاحب الموضوع
حلو الاطباع

وتحياتي لك ياخوية والف شكر على التعقيب الطيب .

وانا متعيب من شي واحد ان قنواتنا تنادي بالهوية الوطنية ولكن اي هيئة وطنية في هذه البرامج !!
والمذيعات كل ماتكشف اكثر زاد عدد المشاهدين اكثر .!! اظن نحن في غنى عنهم وعن هذي الأشكال ..

اخوك/النعيمي __DEFINE_LIKE_SHARE__

النعيمي · 11-11-2008, 10:33 PM

المشاركة الأصلية كتبت بواسطة اميرة بتواضعي

اول شي يعطيك العافيه على الموضوع

بالنسبة لتجنيس البدون ان كانو صج مب هم الي تالفين اوراقهم بيدهم حتى ياخذون الجنسية هالناس مايستاهلونها الصراحة

لكن فيه ناس من مواليد الامارات واستوا عمرهم 40 و50 سنة هالناس يستاهلون التجنيس عاداتهم وتقاليدهم مثل عيال البلاد لكم مب اي واحد يعطونه جنسية

ومسئلة المذيعات بصراحة فاسخااااااااات الحيااااااااا لابسه شيله وعباية بس حق الكشخة مب اكثر الشعر من جدام كله بااااااين حق شو لابستها مادري وكل شوي تطيح

المفروض فيه رقيب على كل شي المذيعات والبرامج كلها لان التليفزيون حق كل الاعمار مب محصور حق ناس معينين

والسلام ختام

السموحة على الاطالة

الله يعافيج اختي وانا شاكر لج التعقيب الطيب

النعيمي __DEFINE_LIKE_SHARE__

النعيمي · 11-11-2008, 10:36 PM

المشاركة الأصلية كتبت بواسطة هملول

السلام عليكم ورحمه الله وبركاته

يعطيك العافيه اخويه وما شا الله عليك كاتب متمكن في كتاباتك
ومواضيعك اللي تطرحها ماشا لله تستحق من يقراها ويثني عليها
ربي يحفظك ويكثر من امثالك ويجعلك ذخر لأهلك ولبلادنا ان شالله

اما عن النقاط اللي ذكرتها في هالموضوع المميز يطول الحديث فيها
والصراحه انت وخواني الاعضاء كفيتو وفيتو ماتقصرون يعطيكم العافيه

والسموحه / اخوكم هملول

وعليك السلام ورحمة الله وبركاتة

حيهم عرب ، وينك من زمان مالك شوووف !؟!
نتمنى نشوف لك مشاركات معنا فالقسم وماتقطعنا

واذا هالتشجيع كله منكم فالكم طيب بحط لكم مواضيع اكثر واكثر ..

تسلم ياهملول ويعطيك العافيه

اخوك/النعيمي __DEFINE_LIKE_SHARE__