لا مقـــــــــص ولا رقيــــــــــــــــــب - الصفحة 2

مغازلجي مسجون · 11-09-2008, 12:04 PM

[align=center]

ـ الحرمان من حق العمل ....

بعلق على رد أختي الفاضله نوافي

من قال إنهم محرومين من حق العمل

يحظى البدون في دولة الإمارات خصيصاً بحق العمل إلا أنهم لا يحملون عموما أي

أوراق ثبوتية أو جوازات سفر. بلادنا مب مقصره وبعد التعليم مب محرومين منه

على أيامي كانوا وايد من شباب البدون يتعلمون ويشتغلون

الإمارات ماحرمتهم من هالشيء على حسب علمي يعني

ومن يومين تم غلق باب التسجيل للأفراد أو المقيمين الذين

لايحملون أي أوراق ثبوتيه وإن شاء الله تتسهل أمورهم أكثر من قبل

بخصوص التجنيس في دول الإمارات

الكل يعرف شروط التجنيس

ويتم دراسه ملفات عديمي الجنسيه

في لجان خاصه تدرس الملفات جميعا كل حالة بحاله

حتى لا تظلم أحداً وحتى لا تعطي الجنسية لمن لا يستحقها.

وفي أشخاص كثيرين يستحقون الجنسيه لين الحين

ما أنحلت مشكلتهم ... لازالت المشكله قائمة

من مكرمه الشيخ خليفه من 2006 على ما أعتقد يعني لين الحين

داخلين 2009 لم يغلق هذا الباب نهائياً

سؤال ؟؟

ليش كلمه بدون توجد فقط في الإمارات وفي الكويت على مااعتقد يعني

ليش هالكلمه ماتوجد في بلاد ثانيه ...

هاي الكلمه تجرح بحد ذاتها
.................................................. .....
ليش لين الحين ماتجنسوا شو العائق إلي واقف طريقهم

بس بسهوله نقدر نجنس الإعيبه الأجانب

على الأقل البدون عايشين على أرض البلاد من سنين

وإلي انولد على هاي البلاد يعني ماعنده بلاد غير الإمارات

في البلاد الثانيه الواحد لو عاش فوق 5 أو 10 سنوات ينجسوهم على طول

نحنا الإمارات بطلوع الروح الواحد عندنا يتجنس

.................................................. .......

على فكرة هاذيلا البدون أو إلي مكانوا يحملون أوراق ثبوتيه

كانت عندهم جوازات سابقاً بس يوم التجديد ما جددوا لهم جوازاتهم

لي عودة ثانيه للرد [/align] __DEFINE_LIKE_SHARE__

м!sS Gα|αҳcy · 11-09-2008, 02:57 PM

انا ببدأ فالبدايه ع موضوع التجنيس وعقب بكمل ع النقطه الثانيه

اول شي التجنيس :
لو ما جنسوا الوافدين احسن النا ما بقى مواطن الوافد ياخذ حق المواطن والمواطن ما يبقاله شي
ع الاقل خذوا ارضنا هم اكثر انزين يخلون حق المواطن فهالبلد ويحترمون الارض اللي ظمتهم كلهم ولا طردت اي انسان
بالعكس رحبت بالكل وبصدر رحب
لكن التجنيس اللي صار خذوا حقنا بالصدفه اذا انحصل مواطنين اصل والباقي كلهم تجنيس
وايد ناس لو تعرف اصولهم بتقول نحن اعيال البلاد ما عندنا هالشي وهاييل خذوا احسن الاشيا

ليش جيه ها كله من الجنسيه
لو كل واحد احتفظ بجنسيته ما صار هالشي
لو ما جنسوا الوافدين ولا اماراتي بتشوفه ساكن في بيت اجار ولا اي مكان غير
لان جنسوا والوافدين خذوا حقنا وحق كل مواطن فهالبلد والمشكله يعاملونك ع انك اانت المجنس
وهم الاصل ما اقدر اقول اكثر عن هالشي
عندي كلام وايد بس اخاف اتعدى في الكلام

ثاني شي القنوات الفضائيه :

والله الواحد يستحي يشوف القنوات الاماراتيه وهم مظهرين هاييل اللي هب لابسين
شو بيقولون الدول الثانيه عنا ها مجتمع الامارات هاييل الناس اللي محافظين ع دينهم وعاداتهم وتقاليدهم
ما شي اي رقابه ع القنوات ايحطون اللي يبونهم
ع سبيل المثال :
مخرج اجنبي شو بيظهر ع القناه غير تفكيره هل بيحترم المكان اللي يشتغل فيه اكيد لا
لان محد بيقول له شي
و اخر شي عندي
قلبي يعورني ع كل مواطن او خليجي يشترك بالبرامج مثل ستار اكاديمي وسوبر ستار
لانه يعكس عادات ثانيه فهالبرنامج
بدال ما هو يعلمهم عاداته هم يعلمونه عاداتهم ويرجع فالنهايه انسان ثاني

خلاصة كل هالكلام (( اختلط الحابل بالنابل)) ومحد بيقدر يفرق بين اي شي وبس

تسلم اخويه النعيمي ع الطرح الغاوي
ونترقب منك كل يديد __DEFINE_LIKE_SHARE__

نوافي · 11-09-2008, 04:16 PM

السلام عليكم ورحمه الله وبركاته ................

ماشاء الله عليك .... كاتب اكثر من مووضوع في موضوع واحد .... يعني تحملنا الله يعينك ........

اول موضوع كان عن(( البدون ))....

البدون يعانون بكل شي ونحرموا من اشياء كثيره بذكر بعض منها .....

ـ لا يحملون أوراق ثبوتية

ـ الحرمان من حق السفر ...

ـ الحرمان من حق العمل ....

ـ الحرمان من حق الإحترام .. منبوذ بشكل كبير

ـ الحرمان من حق العلاج حتى لو كانوا على حافة الموت ..

ـ الحرمان من الزواج ..

باختصار انحرموا من ابسط حقوق الانسان ......

طبعاً موب كل حد يستاهل ياخذ الجنسيه يعني مثلاً يجيك واحد له سنتين يطالب بالجنسيه ( هو اساسا بدون يعني جاي من بلد ثاني ) ....

ويجيك واحد ثاني له عشرين سنه هذا اذا موب اكثر ..... من اللي له الحق ياخذ ؟؟!!!........

اتمنى من كل الدول خصوصاً الخليجيه انهم يجنسون البدون ويعطونهم ابسط حقوقهم .... لاني انا سمعت ان هالمشكله موب موجود الا بالخليج ( اقصد بكثره ) لان بالدوله الاجنبيه من السهوله تاخذ الجنسيه ....

نجي عند الموضوع الثاني (القنوات الفضائيه )

حنا ولله الحمد القناه السعوديه تشابه حد ما ( قناه الشارقه ) وصدقت هاذي القنوات هي اللي تحترم المشاهد وفوق هذا كله اسم الدوله ......

ولكن للاسف .... يوجد بعض القنوات واغلبها تكون حاملها اسماء قنوات ( خليجيه ..((بشكل عام))ومالكينها رجال اعمال خليجيين )..... تجيب كل شي ... ولو لو لاحظت اغلبها اجنبيه .....

وبما انك جبت موضوع البرامج ( الهابطه ) انت قلتها بنفسك هابطه انا اصلن ماعرف كيف الناس يطالعوون فيهم من جد تلوع كبدي يوم اشوفهم ....واللي يشاركون فيها يدل على مستواهم .....صدق انه يعور القلب انهم خليجيين ..... فيه شي حلو طبقته (المملكه العربيه السعوديه ) منعت كل الاشخاص من ارسال رسائل التصويت ( طبعا المنع من نفس الشركات بحيث انها ماتستقبل اي شئ ) وانا اقوول الله يقويهم .....ليت الكل يسوي مقاطعه ......

سؤال للجميع ..

هل انته مع او ضد التضييق على قروض العقارات في فترة الأزمه الماليه ...لماذا ؟!!

صدق انه مايخصني هذا السوال بس انا احب هالمجال ممكن توضح وش قصدك بمعنى ( التضييق ) ؟؟؟؟

اللي فهمته .... انه مثلا بالبنوك يطلبون ضمان للقرض العقاري تفوق قيمه القرض العقاري نفسه ....

اذا كان هذا قصدك فأنا معه .... السبب ... لان سمعت صايره مشكله هالايام كل من هب ودب طلب قرض حتى لو موب محتاج واغلبهم من فئه الشباب وغالبا مايكونون جاهليين بهالاشياء ......فلو صعبت البنوك طلب القروض رايح يقل طالبين هالقروض .... ( بالذات الللي موب حاجتها )

فيه حالات استثنائيه يعني لو واحد صدق يبي هالقرض ..... ماعتقد انه بيرفض الضمانات اللي تطلبها البنوك ..... يعني بوافق على طوول

وباعتقادي انه الحكمه من التضييق ... لان بعض الناس مايدفعون هالقروض ( يعني يمسك القرض ويرووح ولايرد لهم حقوقهم ) طبعا ً هالشئ يرجع لذمه الشخص نفسه .......

اشكرك يامشرفنا ( النعيمي ) بمواضيعك المتميزه دوووم

مع تمنياتي لك بالتوفيق.........

تقبل مروري ..............

والسمووحه على الاطاله ....

اختكم / نـــــــوافـــي __DEFINE_LIKE_SHARE__

zgerty-boy · 11-09-2008, 04:23 PM

السلام عليكم ورحمة الله وبركاته

فالبدايه انا اعتقد بانه هناك فئه معينه تستحق االحصول على الجنسيه الاماراتيه ومثل ما ذكر صاحب الموضوع اخويه النعيمي بانه هناك من اتلف او تخلى واو اخفى جنسيته السابقه لكن اعتقد انه مجموعه كبيره من فئة البدون او الوافدين الذين اعترفو او تقدمو بطلب تجنيسهم وسحب جنسيتهم السابقه اعتقد انه هم من يستحق اللتجنيس لكن فعلا هناك فئه من ضعاف النفوس ومن يستغل مكرمة الشيخ رئيس الدوله ويحاول التلاعب على ادارة الجنسيه والاقامه ..

وعن موضوع البث التلفزيوني والاعلام بشكل عام ..
اعتقد انه اعلامنا العربي والخليجي اصبح له له شأن في مجال الاعلام بالعالم لكن للأسف هناك بعض القنوات الفضائيه اللتي تعرض الافعال المخله للآداب وانا أأسف بأن ارى هذه الفعله من محطه اعلاميه خليجيه عربيه عالميه كبيره مثل قناة ابوظبي لاكن اعتقد انه الغلط واذا اعتقد المخرج بانه يخرج هذا البرنامج لاحدى القنوات العربيه اللي لا تمتنع من عرض هذه الالكليبات او الفديوهات المخله للآداب وهنا تأتي مسؤولية الرقابه للأذاعه او التفزيون بفرض العقوبه على مثل هؤلاء المخرجين واعلامهم وتوضيح الامر له بأن هذا القناه لا تقبل بعرض هذه الكليبات والفديوهات وبان شعبنا ومجتمنعنا له الغنى من مشاهدة هذه المشاهد

وشكرا
تحياتي لصاحب الموضوع
حلو الاطباع __DEFINE_LIKE_SHARE__

النعيمي · 11-09-2008, 06:52 PM

المشاركة الأصلية كتبت بواسطة سلمى

عليك سلام الله ورحمتهـ

اول شي ياليت كل الدول العربيهـ تحذو حذو الإمارات وتبادر لتجنيس الوافدين وأعطائهم كافة الحقوق الي تعطى للمواطن

ثاني شي وبخصوص البرامج والأعلانات الي تنعرض ع الشاشات العربيهـ بدون تحديد اشوف ان المسؤول الأول

والأخير عنها (مديرة القناة & وزير الأعلام ) لو حد منهم تكرم وطالع شو ينعرض للمشاهدين ماضن بيرضا

بالي نشوفهـ والي يحز ف الخاطر شرات ماقلت ان القنوات تحمل اسماء دولنا وبالنسبهـ للمذيعات وملابسهم المحتشمهـ

تقدر تقول انها سياسة بعض القنوات لجذب انظار المشاهدين لا أكثر والفضل لبعض شبابنا وخبالهم

تلاقيهم يتابعون برنامج مدتهـ ساعتيين أقل مايقال عنهـ تافهه وسخيف بس عسبت المذيعة الغاوية الي تقدمهـ ..

تسلم يمناك غدير موضوع رااااااائع وهذا الي تعودناه يوم نشوف موضوع يحمل أسمك

يعطيك الف عافية وزود وعساك ع القوة يارب

تقبل مروري ولك التحية والشكر

سياسة جذب كلمة في محلها يا سلمى " احسنتِ" ومذيعات المسخره موجودين وللأسف كل وحده ترخص بنفسها بس عشان فلوس ..

وبعضهن هداهن الله تحط شيلتها وتظهر نص شعرها ، ماتدري ان كل شعره بجمره !!!

تسلمين ياسلمى يامرحبا بج امبينا ..

النعيمي __DEFINE_LIKE_SHARE__