اغار اغار اغار عندكم مانع

بحور حب رومنسيه · #1 04-19-2008, 07:06 PM

السلااااااااااام عليكم ورحمة الله وبركاته

هلااااا شحااالكم اخواني وخواتي عسااااكم بخير يارب

****وصبااااااااااكم/مسااااااااكم خير وبركه*****

صور للغيره عبرو عنها لو تبون ولو انتو جي(يسمونها غيره فوق التصور)

حبيت اطرح موضوع يمكن انطرح بنطاق محدد بس انا حبيت اطرحه باسلوبي وبنطاق عام

الموضوع بعنوان الغيره بشكل عام مع ان الموضوع يدل على الغيره الزايده فقط للتوضيح وجذب للموضوع

اول شي بعرف الغيره بمفهومي الخاص

الغيره:احسها شي طبيعي فكل انسان له مشاعر وهي غريز فينا محد يقدر ينكرها والاسلام حث عليها بس بشروطها والغيره انواع غيره على الاسلام غيره على الوطن غيره على الزوجه غيره على الام غيره على الاخت غيره على القبيله غيره النفس وهالشي طبيعي يعني لولا غيره مانقدر نحمي الدين والوطن والام والزوج والحبيبه والخ والغيره شعور حلو بس له ضوابط وشروطه

انا بتكلم اول شي عن الغيره عن الاسلام وبعطيكم مثال

احنا حاول ننشر الاسلام ونحاول نحبب الناس بالاسلام ومجرد نشوف اي انتهاكات على الاسلام تحس الدنيا طاحت فيك وتقاوم هالشي وتسوي المستحيل لاعلاء كلمة الاسلام وهالشي اكبر دليل على الغيره على الدين الاسلامي وابسط مثال

مثال

الحين نشوف الدنمارك يحاربون الرسول بمسلسلات كرتوني وصور تشوه صورة الرسول ماذا فعل المسلمون اقل ردت فعل كانت الانكار القهر على هالشي وثاني شي المقاطعات وغيره من الاحتجاجات هالشي نعتبره غيره على رسولنا الكريم ومانرضا فيه هني الحده في الغيره واجبه
يعني مانقدر نقول ان الغيره الزايده مضره لا بالعكس هني كل ماكانت الغيره اكبر كل ما خافو منا الدنماركيين ووقفو عن التشويه لصوره الاسلام والرسول الكريم عليه الصلاة والسلام
والغيره هني مطلوبه

اما الغيره عن الوطن

ابسط مثال موضوع االاخت يعلني هب بلاه حسيت فيها غيره حلوه على الوطن وهالشي يدل على الانتماء وحب الوطن والوفاء وهني كل مواطن يعبر بطريقته عن الغيره على الوطن بعضهم يرفضون ان وطنهم يكون اقل مستوا من الدول الاخرى بمايرضي الله والتنافس للوصول لكل يديد يعتبر نوع من انواع الغيره وهني حلوه الغيره واشجعها

الغيره على الاهل بشكل عام الام االاب و الاخ لاخت والزوج الزوجه اروع شي تحسه هالغيره لما تكون عن حب وحرص وماظني تكون اكثر عن حب وحرص وانا هني اوقف احترام لكل اهلي لغيرتهم وافتخر فيها بس الي اسمعه ان الغيره لو تعدت الحدود ووصلت للاختناق هني ممكن ينقلب الشي عكسه واكيد في ظوابط للغيره مثلا لو كان لغلط وهالغلط مخالف للدين لازم نغار

بس اكثر شي اسمعه غيرة الزوج والزوجه احس في زوجات يستانسون من غيرة زوجهم ونفس الشي في ازواج يحبون غيرة زوجتهم ويعتبرونها اهتمام ودلع ويستانسون عليها بس في غيره تخلي الجو كله مشاكل وخلاف مثلا الشك الزايد مثلا الريال غلط غلط المراءه تحس كله اغلاط وتم تشك فيه وتعفس حياته ونفس الشي الزوج لما يشوف حرمته تغيرة عليه وانشغت بعيالها او شي ينعفس وتنعفس الدنيا ليش الغيره الزايده الي تؤدي الى الاختناق ليش مايكون الاساس التفاهم وتكون الغيره دليل وعربون حب وليس شك وظن سوء والخ

انا عن نفسي حتى لو غرت ماحب ابين الغيره الا اذا صار موقف يستاهل الغيره ويكون باسلوب لان الغيره الي فيها عصبيه وجي تخلي لواحد يتنرفز ومايتقبلها الطرف الثاني اما لو كانت باسلوب وتتفاهمون بينكم انا ماسويت جي الا لانك جي في حياتي ماظني بتكون سبب خلاف بالعكس الغيره مرات تزيد محبه وتوافق وتفاهم

انا بسالكم الحين كم سؤال

ابي منكم تحطون ضوابط للغيره وشروط ؟؟؟؟

ثانيا كل واحد يقول على منو يغار اكثر شي وليش؟؟عادي يكون لكل شي ذكرته مثلا دين وطن زوجه اخت الخ مع ذكر السبب لكل شي

ثالثا كم تعطي مجال للغيره في حياتك من 100%؟؟؟

رابع هل الغيره حب ام ظن في نظرك؟؟؟؟

اتمنى اشوف تفااعل منكم لاني كنت بحط شروط وضوابط واحددها لشي واحد او اثنين وحبيت اكبر الوضوع عسب اشوف تفاعل منكم

تقبلو خالص احتراااامي

بحور حب رومنسيه

دمتم بحفظ الرحمن

من كتاباتي

اهداء باقة ورد لكل من تفاعل ^^

__DEFINE_LIKE_SHARE__

المواضيع المتشابهه
الموضوع	كاتب الموضوع	المنتدى	مشاركات	آخر مشاركة
قصيدة : مني عليه اغار الشاعر : الدكتور مانع سعيد العتيبة	شآعرة يآلبيه	الشعر المنقول	15	04-16-2009 10:27 AM
لست ُ اغار ُ منها بل عليك َ	وحـداويـ بـرسـتـيـج	الإستراحه العامة	14	08-22-2008 02:15 AM
من قصائد مانع	سهولتي	الشعر المنقول	3	07-12-2008 02:06 PM
اغار عليك من حبــــــــــي لك	داعمة دورية	هواتف , مسجات , وسائط , برامج , ثيمات , نغمات , بلوتوث	13	03-30-2008 01:02 AM
اغار عليك من حبي لك	داعمة دورية	هواتف , مسجات , وسائط , برامج , ثيمات , نغمات , بلوتوث	11	02-21-2008 02:10 PM