لا مقـــــــــص ولا رقيــــــــــــــــــب - الصفحة 3

النعيمي · 11-09-2008, 07:23 PM

المشاركة الأصلية كتبت بواسطة مس جلكسي

انا ببدأ فالبدايه ع موضوع التجنيس وعقب بكمل ع النقطه الثانيه

اول شي التجنيس :
لو ما جنسوا الوافدين احسن النا ما بقى مواطن الوافد ياخذ حق المواطن والمواطن ما يبقاله شي
ع الاقل خذوا ارضنا هم اكثر انزين يخلون حق المواطن فهالبلد ويحترمون الارض اللي ظمتهم كلهم ولا طردت اي انسان
بالعكس رحبت بالكل وبصدر رحب
لكن التجنيس اللي صار خذوا حقنا بالصدفه اذا انحصل مواطنين اصل والباقي كلهم تجنيس
وايد ناس لو تعرف اصولهم بتقول نحن اعيال البلاد ما عندنا هالشي وهاييل خذوا احسن الاشيا
ليش جيه ها كله من الجنسيه
لو كل واحد احتفظ بجنسيته ما صار هالشي
لو ما جنسوا الوافدين ولا اماراتي بتشوفه ساكن في بيت اجار ولا اي مكان غير
لان جنسوا والوافدين خذوا حقنا وحق كل مواطن فهالبلد والمشكله يعاملونك ع انك اانت المجنس
وهم الاصل ما اقدر اقول اكثر عن هالشي
عندي كلام وايد بس اخاف اتعدى في الكلام

ثاني شي القنوات الفضائيه :

والله الواحد يستحي يشوف القنوات الاماراتيه وهم مظهرين هاييل اللي هب لابسين
شو بيقولون الدول الثانيه عنا ها مجتمع الامارات هاييل الناس اللي محافظين ع دينهم وعاداتهم وتقاليدهم
ما شي اي رقابه ع القنوات ايحطون اللي يبونهم
ع سبيل المثال :
مخرج اجنبي شو بيظهر ع القناه غير تفكيره هل بيحترم المكان اللي يشتغل فيه اكيد لا
لان محد بيقول له شي
و اخر شي عندي
قلبي يعورني ع كل مواطن او خليجي يشترك بالبرامج مثل ستار اكاديمي وسوبر ستار
لانه يعكس عادات ثانيه فهالبرنامج
بدال ما هو يعلمهم عاداته هم يعلمونه عاداتهم ويرجع فالنهايه انسان ثاني

خلاصة كل هالكلام (( اختلط الحابل بالنابل)) ومحد بيقدر يفرق بين اي شي وبس

تسلم اخويه النعيمي ع الطرح الغاوي
ونترقب منك كل يديد

تأكدي اختي مس جلكسي ان ماشي حد ياكل او ياخذ حق المواطن ..
المجنسين لا ياخذون ماياخذه المواطن الأصلي مثل الإنتخاب والترشيح ..او الحصول على خلااصة القيد

وعندي نقطه احب اوضحها ان بعض العوائل الإماراتية لاتتحدث اللهجة الإماراتيه بل لهجة " مكسره " اعجميه
حتى مخارج الحروف " حدث ولا حرج " .. انا اتحدث عن تجنيس الاخوه العرب اللي تشربوا ثقافة الإمارات واللهجه الإماراتيه والعادات والأعراف الأصيلة في دولتنا ، الكثير منهم من يمتلكون الإنتماء والهوية والذين عاشوا على ارضها اكثر من 40 عام ولاكن دون جنسية الإمارات ولا يتمتعون بها .
0
0

قلبي يعورني ع كل مواطن او خليجي يشترك بالبرامج مثل ستار اكاديمي وسوبر ستار
لانه يعكس عادات ثانيه فهالبرنامج
بدال ما هو يعلمهم عاداته هم يعلمونه عاداتهم ويرجع فالنهايه انسان ثاني

نحن لو فكرنا بالعقل ليش الخليجي يروح يشترك في برامج هابطه خارجه عن اطار الدين الإسلامي يحطونهم في بيت
ويدسون وياهم بنات !!!!!!

تسلمين يامس جلكسي ع المرور والله يعطيج العافيه __DEFINE_LIKE_SHARE__

اميرة بتواضعي · 11-09-2008, 07:37 PM

اول شي يعطيك العافيه على الموضوع

بالنسبة لتجنيس البدون ان كانو صج مب هم الي تالفين اوراقهم بيدهم حتى ياخذون الجنسية هالناس مايستاهلونها الصراحة

لكن فيه ناس من مواليد الامارات واستوا عمرهم 40 و50 سنة هالناس يستاهلون التجنيس عاداتهم وتقاليدهم مثل عيال البلاد لكم مب اي واحد يعطونه جنسية

ومسئلة المذيعات بصراحة فاسخااااااااات الحيااااااااا لابسه شيله وعباية بس حق الكشخة مب اكثر الشعر من جدام كله بااااااين حق شو لابستها مادري وكل شوي تطيح

المفروض فيه رقيب على كل شي المذيعات والبرامج كلها لان التليفزيون حق كل الاعمار مب محصور حق ناس معينين

والسلام ختام

السموحة على الاطالة __DEFINE_LIKE_SHARE__

النعيمي · 11-09-2008, 07:58 PM

المشاركة الأصلية كتبت بواسطة نوافي

السلام عليكم ورحمه الله وبركاته ................

ماشاء الله عليك .... كاتب اكثر من مووضوع في موضوع واحد .... يعني تحملنا الله يعينك ........

اول موضوع كان عن(( البدون ))....

البدون يعانون بكل شي ونحرموا من اشياء كثيره بذكر بعض منها .....

ـ لا يحملون أوراق ثبوتية

ـ الحرمان من حق السفر ...

ـ الحرمان من حق العمل ....

ـ الحرمان من حق الإحترام .. منبوذ بشكل كبير

ـ الحرمان من حق العلاج حتى لو كانوا على حافة الموت ..

ـ الحرمان من الزواج ..

باختصار انحرموا من ابسط حقوق الانسان ......

طبعاً موب كل حد يستاهل ياخذ الجنسيه يعني مثلاً يجيك واحد له سنتين يطالب بالجنسيه ( هو اساسا بدون يعني جاي من بلد ثاني ) ....

ويجيك واحد ثاني له عشرين سنه هذا اذا موب اكثر ..... من اللي له الحق ياخذ ؟؟!!!........

اتمنى من كل الدول خصوصاً الخليجيه انهم يجنسون البدون ويعطونهم ابسط حقوقهم .... لاني انا سمعت ان هالمشكله موب موجود الا بالخليج ( اقصد بكثره ) لان بالدوله الاجنبيه من السهوله تاخذ الجنسيه ....

نجي عند الموضوع الثاني (القنوات الفضائيه )

حنا ولله الحمد القناه السعوديه تشابه حد ما ( قناه الشارقه ) وصدقت هاذي القنوات هي اللي تحترم المشاهد وفوق هذا كله اسم الدوله ......

ولكن للاسف .... يوجد بعض القنوات واغلبها تكون حاملها اسماء قنوات ( خليجيه ..((بشكل عام))ومالكينها رجال اعمال خليجيين )..... تجيب كل شي ... ولو لو لاحظت اغلبها اجنبيه .....

وبما انك جبت موضوع البرامج ( الهابطه ) انت قلتها بنفسك هابطه انا اصلن ماعرف كيف الناس يطالعوون فيهم من جد تلوع كبدي يوم اشوفهم ....واللي يشاركون فيها يدل على مستواهم .....صدق انه يعور القلب انهم خليجيين ..... فيه شي حلو طبقته (المملكه العربيه السعوديه ) منعت كل الاشخاص من ارسال رسائل التصويت ( طبعا المنع من نفس الشركات بحيث انها ماتستقبل اي شئ ) وانا اقوول الله يقويهم .....ليت الكل يسوي مقاطعه ......

سؤال للجميع ..

هل انته مع او ضد التضييق على قروض العقارات في فترة الأزمه الماليه ...لماذا ؟!!

صدق انه مايخصني هذا السوال بس انا احب هالمجال ممكن توضح وش قصدك بمعنى ( التضييق ) ؟؟؟؟

اللي فهمته .... انه مثلا بالبنوك يطلبون ضمان للقرض العقاري تفوق قيمه القرض العقاري نفسه ....

اذا كان هذا قصدك فأنا معه .... السبب ... لان سمعت صايره مشكله هالايام كل من هب ودب طلب قرض حتى لو موب محتاج واغلبهم من فئه الشباب وغالبا مايكونون جاهليين بهالاشياء ......فلو صعبت البنوك طلب القروض رايح يقل طالبين هالقروض .... ( بالذات الللي موب حاجتها )

فيه حالات استثنائيه يعني لو واحد صدق يبي هالقرض ..... ماعتقد انه بيرفض الضمانات اللي تطلبها البنوك ..... يعني بوافق على طوول

وباعتقادي انه الحكمه من التضييق ... لان بعض الناس مايدفعون هالقروض ( يعني يمسك القرض ويرووح ولايرد لهم حقوقهم ) طبعا ً هالشئ يرجع لذمه الشخص نفسه .......

اشكرك يامشرفنا ( النعيمي ) بمواضيعك المتميزه دوووم

مع تمنياتي لك بالتوفيق.........

تقبل مروري ..............

والسمووحه على الاطاله ....

اختكم / نـــــــوافـــي

وعليج السلام ورحمة الله وبركاتة

فعلا ليس كل شخص يستحق الجنسية الا ماذكرتي ..

وبالنسبة للتلفزيون السعودي وقناة الشارجه يمكن مايلاقون نجاح مثل سما دبي او ام بي سي وغيرهم
ولكن يكفي سمعتهم الطيبه وبرامجهم المفيده ولا يلتفتون الى بهرجة المذيعات والمضامين والبرامج المخله بالآداب
اكيد البعض يقول الناس وصلت للقمر وانت ياغدير يالس تهربد وتقول مذيعات وبرامج رقص ومصاخه ..
لا انا ماعلي من الناس انا ارمس عن برامج تنعرض على تلفزيونات حكومية وعيب انها تنعرض وخصه انها تحمل
اسم دولتنا الغاليه ..

ولا اييج مطربه مثل رويدا المحروقي تقول انها اماراتية ومسلمه وهي مسويه فديو كليب رقص في حمام من الشوكلاته
يعني بالله عليكم حرام تقول انها مسلمه واماراتيه .. حسبنا الله ونعم الوكيل .. الله يهديهن مطربات وفنانات الامارات والخليج
تخبلن صارت كل وحده تفتخر بفصخها للحيا ولباس غير محتشم وتفتخر بالطلااااااااااااق !!!!!
عشان شوه !! عشان والله ريلي مايقدر عملي .!! ، اي تقدير للعمل وانتي يالسة تضحكين مع فلان وعلان
ولا تتلومين على الرياييل جنه الا ريلج ويالسه فالمشهد راقده في نفس الفراش ولا يمسك يدها !!.!؟!

فعلا القابض على دينه كالقابض على جمر ، لاحول ولا قوة الا بالله

رجاء اخواتنا واخوانا لاتكونوا " امعه " للفنانين والفنانات .. انتبهوا لدينكم وعباداتكم ..

اسف اختي نوف على الإطاله ، بس حديث يجر حديث آخر .. وتسلمين يزاج الله خير على التعقيب الطيب
وانتي انسانه متابعه للقسم والله يوفقج

النعيمي __DEFINE_LIKE_SHARE__

النعيمي · 11-10-2008, 12:32 AM

المشاركة الأصلية كتبت بواسطة ]] مغروره الجمال وعمه [[

وعليكم السلام ورحمه الله بركاته

في البدايه أحب أشكر الأخ النعيمي على هالموضوع المميز

أولا بعقب على موضوع الجنسيه أنا من رايي إن ما نعطي الجنسيه لأي حد إلا لناس قله بس أقصد الناس اللي عايشه في الإمارات فتره طويله ( في ناس تستغل الجنسيه لأشياء ثانيه )وصراحه دولتنا مش مقصره حتى اللي ما عندهم جنسيه مش مقصره وياهم والعالم كله يشهد بمكانه دولتنا وعطاءها للجميع وهالشي كله بفضل زايد الله يرحمه

أما بالنسبه لقناه بوظبي فأنا وياك فهالشي تخيلوا الصدمه إنها طرحت مسلسل تركي ( دموع الورد )فرمضان وهاي الطامه الكبرى ما أقول غير الله يعين وان شاء الله يعيدون النظر في البرامج اللي تنطرح

وبالنسبه للبرامج الهابطه اللي تنعرض مثل الوادي وستار أكادمي فأنا ضد هالشي حتى برنامج نجوم الخليج يشجعون عالاختلاط بين الرجل والمرأه وهالشي حرام مش من عاداتنا ولا تقاليدنا وللأسف إن برنامج نجوم الخليج ينطرح من دولتنا وأنا أوجه رساله للمسؤولين إنهم يحدون من البرامج اللي تأثر على دولتنا وربي تحفظ بلادنا من السوء

وبالنسبه للملصقات أنا أفضل ما يمنعون الملصقات اللي تحتوي على التذكير بالله سبحانه وتعالى أحيانا الإنسان ما يذكر ربه وهو ماشي فطريقه لكن لو انتبه لسياره عليها لا تنس ذكر الله يتم يذكر ربه وهالشي لصالحه

أما بالنسبه لسؤالك

هل انته مع او ضد التضييق على قروض العقارات في فترة الأزمه الماليه ...لماذا ؟!!

طبعا أنا ضد التضييق على القروض وقت الأزمات الماليه لأن هالشي يؤدي إلى حدوث زياده في الأزمات الماليه وليس الحد منها والتضييق على المواطنين وبالتالي تزيد من الديون المترتبه على المواطنين

والسموحه عالقصور

القروض الآن لاتعطى لأي مواطن بسبب الأزمة الماليه العالمية " الله يعلم متى بتنحل" يعني اللي يبا يعرس وفخاطره
يبني مايروم الا اذا راتبه فوق سقف معين من الرواتب .. فالواحد يتريا لأنها مسألة وقت .. الله يعين كل الناس صراحه

0
0

والله ياختي مغروره نحن الحينه ناقصين مطربين ولا مطربات ؟!!
على قولة طارق العلي ، عسانا نعابل باللي عندنا لووول ّ!!!

ماعرف اصحاب القنوات هابين هبه في برامج الأغاني جنه الناس ماوراها الا اغاني ورقص وقلة ادب والفئة المستهدفة هي فئة المراهقيين !

0
0

مغرورة تسلمين على المتابعه والنشاط الواضح فالقسم ، بارك الله فيج

النعيمي __DEFINE_LIKE_SHARE__

هملول · 11-10-2008, 02:38 AM

السلام عليكم ورحمه الله وبركاته

يعطيك العافيه اخويه وما شا الله عليك كاتب متمكن في كتاباتك

ومواضيعك اللي تطرحها ماشا لله تستحق من يقراها ويثني عليها
ربي يحفظك ويكثر من امثالك ويجعلك ذخر لأهلك ولبلادنا ان شالله

اما عن النقاط اللي ذكرتها في هالموضوع المميز يطول الحديث فيها
والصراحه انت وخواني الاعضاء كفيتو وفيتو ماتقصرون يعطيكم العافيه

والسموحه / اخوكم هملول __DEFINE_LIKE_SHARE__