| ||||||
| قصص و روايات تهتم بالقصص المنقوله وقصص الاعضاء الطويلة والقصيرة |
 |
| | LinkBack | أدوات الموضوع | انواع عرض الموضوع |
11-16-2008, 09:41 PM
| رقم المشاركة : [ 91 ] |
| عضو ماسي |  بو خالد حس بشي في قلبه وحظن بنته ..
عوشه : لو حصلت منك الشقى ما تغير حبي لك .. يا بويه .. أفداك انا بروحي .. وبما أملك من قلب يالغالي .. بس ما اشوفك تصيح لجلي بو خالد : انتي نور عيني يا امييه لا تقولين هالرمسه دش سالم عليهم وشاافهم يصيحوون حس بغبنه .. وشاف انه المفرووض يغير الجو اللي هم فيه : ياسلالالالالام وانا محد يدلعني في هالبييت شو هالتفرقه العنصريه يعني بو خالد مبتسم : هاي الغاليه المفروض ندلعها سالم سار ويلس عدال ابوه : دلعني اشووف يالله عوشه ضحكت سالم : هاااااااااه ضحكت شووف مب انته يالس تعرض لها فلم هندي هنييه عوشه : سالم مالي بارض اضحك والله سالم شل ورق الكلينكس وحطه على عيونهااا .. : يا ختيي انتي لين متى بتصيحيين ..؟! يعني ابا اعرف انا عوشه صدت الصوب الثاني بو خالد منصدم ويقول ليش سالم يقول هالكلام عوشه مشت دموعها سالم : اممم انتي يبالج قوانيين صارمه تردعج عن الصياح عوشه تطالعه بأستغراب سالم : خلاص انا قررت انه امنعج من شوفة مبارك عوشه : حراام عليييك كله ولا مبارك سالم : امبلا امبلا عشان تحسيين بيقمته .. يعني كل ما تحسين انج تبين تصيحيين تذكري الامتناع عن شوفة مبارك وبتحسين بالفرق عوشه : سالم شو هالكلام سالم : اتكلم جد والله اذا صحتي بخلي فطووم تمنعج من شوفت مبارك بو خالد : سالم تخبلت انته سالم : كيفي ولدي وانا حر فيييه عوشه مشت دموعها : والحيين اوكيي سالم : الحين ؟؟ اممممممم خليني اشووف عدل وتم يتمنضر في ويها عوشه يتها ضحكه : سلوم عاااد سالم : فديت هالنبره انا والله من زمااان ما سمعتج تزقريني جييه عوشه مبتسمه : اوكي من اليوم وساير سالم : هيه جيه اوكي .. سيف كان ملالالالالان من روتينه المتشابه وشاف اجازة الصيف فرصه انه يودي امه وسلمى يسافروون ويعزم قوم شيخه وخواته ويسيروون صوب فارس يشوفونه بالمره صوب فرنسا .. سلمى : والله العظيم انها فكره غااااااااااويه سيف : وام سيف شو تقول ام سيف : ما اقول الا على هواك وين ما تبا ودنا سيف : الله يخلييج يالغاليه بنسويها مفاجاه لفارس سلمى : فديييته والله متولهه علييه سيف : يالله بتصل حق قوم شيخه ومريم واحمد اطالعهم سلمى : هيه لحظه بطالع ربيعتي بعد متى بيسيروون احيدهم بيسيرون فرنسا سيف يلس يتصل بخواته عشان يخبرهم ------------------------------------------------------- بو خالد كان يشوف بو محمد ضعفان وبان عليه الشيب من انسجن ولده وتطلقت عوشه بو خالد يتنهد : ما يسرني حالك يا بو محمد بو محمد : لا تطريلي اسمه بو خالد : وشعنه عاد لو سار ورد ترااه يستوي ولدك بو محمد : ولدي اللي ليتني ما ربيته ويبته بو خالد : الله يهدييه ادعيله ما يبال غير هالشي بو محمد : وبنتك واللي سواه فيها تغفرله كل هاا انا ما اعرف ويين اودي ويهي منك يا راشد .. لو تشوفني ايلس ويااك بس عمري ما بسامح نفسي لانه انا السبب في تعاستها .. بو خالد : بنتي ان شاء الله ماجوره على كل شقا وكل عذاب تحمله من ولدك , لكن ولدك ضنااك لازم توقف ويااه في هالشدايد .. ربك يسامح يا بو محمد وانته ما بتسامحه ؟! بو محمد يتنهد بو خالد : الشغل يباك يا بو محمد وها الفقرا اللي يكدوون لا تقطع عيشتهم .. والدنيا بعدها تسير ما توقفت على هالمشكله ... وام محمد تحتاجك توقف عدالها في هالشده والمحنه .. تداريها وتراعيها وتشل عنها همها بو محمد يتنهد .. : يالله انك يا بو خالد ملاك وما انسالك فضايلك قبل وعقب الشده .. بو خالد : انا لك وانته اخويه اللي ما ولدته امي .. ما عندي اخو غيرك يابو محمد بو محمد : الله يخلييك لي يالغالي ------------------------------------------------------- مر اسبوع وسيف جهز كل شي حق السفر وفي المطاار ... سيف : هذا النداء قبل الاخير ترااه وانتوا متأخريين ولين الحين ما سويتوا اموركم شيخه : لا لا خلاص ياييين وسكرت عنها احمد : وينها ؟ سيف : الحين يايه مايد : سيف .. قولي انا جيه كاشخ ولا والله اني سيف ضحك : خذ راي مرتك لا تاخذ رايي مايد : خذت رايها بس اباك تقولي رايك لانه انته راعي الكشخه ويغمزله سيف : لا لا ماشاء الله علييك غااوي بيموتن عليك الفرنسياات الكل ضحك الا مريم مريم : سيف شو هالرمسه سيف : قولي حق مايد شعنه متكشخ هالكثر مريم تسأل ريلها : شعنه ؟ سيف مات من الضحك مايد : اونج تغاريين .. انا ما اتكشخ الا على شانج لا تخافيين ما عندي بيزات اعرس علييج سيف مات من الضحك والكل كذالك مريم : ويعني لو عندك بيزاات بتعرس مايد : اهبي مريم : هيه اتحرى سيف : والله انكم تضحكوون وصلت شيخه وركبوا الطياره جمييع .. --------------------------------------------------------- __DEFINE_LIKE_SHARE__ |
|
| |
 |
|
11-16-2008, 09:43 PM
| رقم المشاركة : [ 92 ] |
| عضو ماسي | --------------------------------------------------------- عوشه : كيف ؟ حمد : غرام مريض عوشه زاغت : احلف حمد : هيه والله عوشه حست انها تبا تصييح : شو فييييييه حمد : ما ادري والله البيطري يقول انه من كثر الحر مع انه الاسطبلات مكيفه عوشه : ما يخصني خله يعالجوونه ما اباه يمووت حمد : بيعالجونه يبقول لازم ياخذ كل يوم ابره عشان يغدي اوكي عوشه : ان شاء الله يكون بخير حمد : ان شاء الله --------------------------------------------------------------------------- شيخه ويلها غانم كانوا يالسيين عدال بعض ومريم وريلها واحمد ومرته ساره وسلمى وامها يلسين عدال بعض الا سيف كان يالس روحه .. ماخذيين كلهم سيد واحد .. كان يحس بيضييييق فضييع في صدره .. لانه يالس روحه .. وقبل ما تطير الطياره بدقايق يت بنيه ويلست عداله .. سيف تفاجأ وصد الصوب الدريشه كانت البنيه مواطنه ..ولابسه عباه ووقايه بس مب مطلعه نسبه كبيره من شعرها .. والعطوور تفووح منها سيف مستغرب وما عرف يرتااح في اليلسه اول ما اعلنوا انه الطياره بتطيير سيف ربط الحزااام .. والبنت كذالك وهي كلحيين تطالع سيف .. سيف : يطالعها من تحت رموشه طارت الطياره وبعدها البنت تطالع سيف سيف ما حب الوضع وتم يبدل في القنوات وهي سوت نفس حركته سيف يكلم مايد ومريم جدامه .. : اقولكم عندكم كاكاو ؟ مايد ألتفت صوب سيف وتفاجأ يوم شاف البنت : لا والله ما عندنا كافي سيف : اوكي قول للي جدامك يمكن حد يايب مايد : اوكي فتحت البنت شنطتها وشلت الكاكاو وحطته على الفاصل اللي من بينها وبين سيف وابتسمت له سيف انصدم وصد الصوب الثاني وما سوالها سالفه البنيه : هذا يزاي بعد سيف ألتفتلها متفاجا : وانا طلبته منج ؟ كانت البنيه تطالعه في عيونه ببروود سيف : ع العمووم مشكوره عنود : اباك تاخده ولا تشكرني سيف : ما اباه مشكوره ما احب هالنوع عنود : انزين خبرني شو من الانواع تحب؟ سيف : كم بعدد ؟ عنود : انته قول يمكن عندي مايد زقر سيف : يود هذا من عند سلمى عنود تغايضت مايد تم يطالع عنود لين يلس سيف يته ضحكه وضحك : شكلج تغايضتي عنود : ما يخصك سيف ضحك عنود : لا والله سيف : ع العمووم اسمحيلي شوي امر .. عنود : وين ساير سيف : ما يخصج وطالعها وهو مار يضحك سار صوب امه وسلى وقالها انه يبا يبدل مكاانه لانه هنااك بنيه يالسه سلمى : منو هالبنت ؟ سيف : شدراني والله قويت عين يالسه تسولف ويايه وتبا تعطيني كاكاو سلمى : ههههههههه اعشقتك سيف : يالله يالله سيري ام سيف : انا بسير عندها سيف : هههههههههه لا لا خله سلمى تيلس عدالها شكلها من سناينها ام سيف : يالله برايج سيري سلمى : اوكي يلس سيف مكان سلمى وسارت سلمى وتخطت عنود ويلست عنود تمت تطالع سلمى من فوق لين تحت بشمأزاز سلمى تغايضت وقالت بصوت عالي : شو عندها هاي تطالع عنود : من زيينج اطالعج سلمى : لو سمحتي انا ما طريتج مايد ومريم نشوا وطالعوها عنود : منو تطرين عيل منو متفيج يطالعج انتي سلمى : لا تخليني اخليج تندمين انج يلستي هنيه اييييه مايد : شو السالفه ؟ سلمى : ما تشوفها كيف ترمسني ؟ مايد : سلمى اسكتي ولا تسوين مشاكل سلمى : شو اسكت انا ما اسكت لين تقولي آسفه عنود : أنا اقولج آسفه ليش ما عندي موونه شيخه يت وسيف بعد ... : شو السالفه سلمى : سيف ليش تيبني عند هاي الارف عنود : ارف بعينج سلمى عصبت يايه بتمد ايدها عليها لكن مايد يودها من الصوب الثاني .. مايد : سلمى سلمى اذكري الله مب زيين جييه سلمى : مايد هدني سيف : شو استوى ... ليش ها كله سلمى شو السالفه سلمى : تطالعني بشمازاز وتقول منو متفيج يطالعج سيف سحب اخته من عدال عنود : استهدي بالله غناتي وتعالي هنيه سلمى : خص الله الويه وطافت من عدالها سيف : سيري سيري صوب امايه ويلسي هنااك سلمى : عيل والله ما تيلس حذاها سيف : يا سلمى لا تحلفين سلمى : حد ايلس عدال وحده جيه سيف : استهدي بالله ويالله ردي مكانج سلمى ردت مكانها ... وشيخه بدلت ويا سيف ويلست عدالها لين وصلوا فرنساا ... خلصوا اجراءات في المطار .. وسيف اتصل حق فارس اخوييه .. فارس : ويا ربعي في الشقه سيف مبتسم ومره وحده كلهم زعقوا فاااااااارس فارس استانس : وين انتوا ؟ سيف : والله نتمشى في الشنزليزيه فارس : هههههه أكييد عازمنهم على مطعم ولا مكان راعي سوالف ادريبك سيف : انا ما اقص عليك صدق نحن نتمشى في الشنزليزيه فارس : شووو جذاب ؟ سيف : والله العظييم تحيديني جذااب احمد يرمس : بنسواااااار فارس فارس مب فاهم : شو السالفه ... سيف : ترانا نحن هنيييه في باريس يايين نفاجأك فارس : احلف انته بس ... الحييييين يايينكم سيف : هههههههههه فارس : وين انتوا سيف : لحظه ليين نرسيلنا على فندق وبعديين تعال فارس : انا بقولكم عن فندق زين .. -------------------------------------------------------------------------------- مرت الايام وسيف وعايلته مستانسيين في فرنسا وعوشه طلعت من العده وتحاول تنسي عمرها شقاها وتسلي عمرها بمبارك ولد فطيم سيف كان طالع وياهم وصدفه كانوا في محل للثياب .. شيخه ومريم وسلمى وام سيف وساره كلهم كانوا برع والشباب يتريونهم برع .. كانت وحده يايه تتمشى .. ودخلت محل الثياب وردت تطلع .. كانت هالبنيه عنود اللي كانت عدال سيف في الطياره .. عنود حست انها بتتخبل يوم شافت سيف .. ردت ورى.. وكان سيف متكشخ والباقين .. شويه وحس انه حد يدقه على جتفه ؟ سيف ألتفت والكل عنود ابتسمت وتمت تطالعه الكل كان مذهووول عنود : السلام عليكم محد رد السلالام لانه الكل مذهول الا أحمد أحمد : وعليكم السلام ؟ سيف حس بنوع من الغيض : نعم أي خدمه عنود مبتسمه : شفتكم هنييه قلت اسلم عليكم دامني ماره سيف منذهل من تصرفات عنود والكل غانم : كيف تسلمين علينا وانتي ما تعرفينا ؟ عنود : امبلا انا اعرف سيف الكل صد على سيف ؟؟؟؟! عنود : مب كان يالس عدالي في الطياره غانم : هذي هي ؟ أحمد : وخيير سيف انته تعرفها ؟؟ سيف : حشى عليه مظاربه اختي وبعد لها عيين تسلم عليه عنود تغاايضت : انا اللي نزلت نفسي لاشكالكم ولا انتوا ما تستاهلوون .. حيوانااات وتسير تمشي بقو احمد انبق من الضحك ومايد كان طول الوقت واقف يطالعها ومستغرب من القوات اللي فيها مايد تم يضحك سيف : ههههه والله انها عجيبه هالبنيه ما ريت شرواتها مايد : هذي شكلها طاحت في حبك سيف يأشر عليها : امثالها ما يهزن فيني شعره احمد : عااااااش عاش بو سعوود عااش --------------------------------------------------------------------- __DEFINE_LIKE_SHARE__ |
|
| |
| |
|
11-16-2008, 09:44 PM
| رقم المشاركة : [ 93 ] |
| عضو ماسي | وفي الامارات حمد كان في هالفتره يحس بآلام في صدره وانه ما يقدر يتنفس .. وحتى الاكل ما ياكله ودايما يحس بجسمه حاار... حمد كان برع البيت .. حس بدوار فضييع في راسه .. ورد بسرعه صوب البيت مع انه امه قايلتله لا تظهر .... دخل حمد وسار صوب امه ... اول ما زقر حمد : امايه وطاح مغمى علييه ام خالد قفزت وسارت تركض صوب ولدها .. ام خالد اول ما شافته صرخت : حممممممممممممممد وتزاعق وتصارخ سمعها حميد ويا يركض صوبها .. حميد بيصيح : اميه شو السالفه وشاف حمد طايح على الارض وام خالد عداله تزاعق حميد ع طول اتصل في سالم سالم كان يالس ويا فطيم وعوشه ع البحر يتعشون ومحطين مبارك في سلته ومغطينه لانه كان راقد فطيم : منوه سالم : حميد متصلي فطيم : شله انزين سالم : اول ما شل التيلفون سمع الصريخ طالع من السماعه وسالم مب سامع شي من كثر مب ام خالد تزاعق سالم تروع .. وعوشه وفطييم نقزن .. سالم : بند التيلفون وركض ع الموتر سالم : تعالوا بسرعه فطيم ركضت وشلت مبارك وياها وعوشه اولهم حميد يصييح وام خالد تصييح شويه ووصل سالم وشل ام خالد وحمد في السياره ووياهم عوشه وودووه صوب المستشفى.. فطيم وحميد كانوا يصيحوون ما قدروا يسيروون وياهم لانه ماشي مكاان وبعد فطيم يالسه عند مبارك (الدكاتره أكتشفوا انه حمد مريض بألتهاب عظة القلب .. وهالمرض شديد على اللي مثل سنه تداركوا الوضع ونقلووه المستشفى الامريكي في دبي ... وقالوا الدكاتره لازم يسوون له قسطره من الايد علشان ياخذون عينه من نسيج القلب , علشان يجرون عليها الفحوصات ) مرت اياام صعيبه على أهل حمد وعوشه كانت تدعي وتصلي علشان يقوم اخووها بالسلامه ... عوشه كانت يالسه في البيت وعدالها فطييم وعدالهم مبارك وحميد ومرت خالد وعيالها.. عوشه كل ما تصد على حمييد تتذكر حمد لانه توأمه ويشابهه .. عوشه نزلت دموعها ويلست تمشهن فطيم متضايقه : يا عوشه الصياح ما بيفييدج والله ما بيفيدج المفروض طوول ما انتي يالسه تدعيله .. عوشه تصيح : فطيم والله ابا اسيرله .. ابا اسير عنده خلوني اسير فطيم : انتي ما تتحمليين يالغاليه وشوفة حمد طايح على فراشه يفطر القلب وانتي ممكن تنفعليين .. اكيد هو مشتاق لنا بس راحته تهمنا بعد ,, انتي في هذيج اللحظه ما تدرين شو بيتسويين جدامه يمكن تنهاريين وهذا مب زيين له والله عوشه كانت تعبانه من كثر الصياح اوكي بتصل فيهم يمكن اقدر اكلمه فطيم : لا تتصليين ولا شي عوشه وهي تصييح : خليينييييي .. مشتاقتله فطيم حست بعوشه واللي فيها .. : اوكي اوكي اتصلي بس ارجوج لا تصيحين عوشه تهز راسها أتصلت في امها وقالتلها انه حمد راقد وكانوا حاطينه في غرفه خااصه محد يدخلها شويه ووصل سالم وخالد البيت عوشه كانت عيونها تدمع بدوون ما توقف .. سالم وبو خالد وخالد : السلام عليكم الكل : وعليكم السلام سالم يشوف عوشه وهي تمش عيونها وقلبه عوره زياده : يسلم عليكم الغالي نش دقايق ورد يرقد ما خلونا وايد عنده عوشه : خالد ما يخصني بااجر ابا اسير صوبه والله لو ما سرت باخذ تكسي وبسير صوبه خالد : شووووو سالم يطالع خالد : ان شاء الله بنودييج فديتج لا تحاتيين والله بنودييج وتقرب عندهاا ويلس يمسح دموعها عوشه تصيح سيف كان ولهااااااااااااااان على بو خالد وولهان على عوشه وحمد وحمييد ... كان كل ما يشوف صبيّان من عمرهم يتذكرهم وحس انه يبا يكلمهم ويسولف ويااهم كانوا كلهم يالسيين في الفندق شل تيلفونه واتصل في خليفه وقاله انه يبا رقم سالم عشان يتصل يسلم علييه وهو بعده في الغربه .. سالم شاف انه رقم غرييب ياينه من برع وشله على طوول .. : ألو سيف : السلام عليكم سالم : عليكم السلام سيف : شحالك يا بو راشد سالم : بخير الحمد لله بس انا مب بو راشد غلطان يالغالي سيف : غلطان ؟؟؟!! مب انته سالم بن راشد سالم مستغرب : هي نعم سيف ابتسم : انا اعرف صوتك ومستحييل اضيعه ويااك سيف بن سعوود سالم تم يتذكر وعقب عرفه : هلا واللله هلا .. يا مرحبا السااع الغالي شحالك اسمحلي ما عرفتك سيف مبتسم : هههه لا لا مسمووح يالغالي . اانا بخير الله يعافييك انته شحالك سالم : بخير الحمد لله قالها بحزن سيف : هاه ما يا راشد سالم : ههه لا يبنا مبارك يدنا العوود سيف : والنعم سالم : الله ينعم بحالك سيف : ما طاع بو خالد يسموون علييه جنه سالم : هه قال اول بادي على ابووه وعقب عليه سيف : فيهم الخير والبركه سالم كان يحس انه سيف ما يعرف بسالفه حمد ,, عرف من صوته سالم : شفت الاتصال من الخارج قلت بشوف منو اللي متصل فيني سيف : هههه سايريييين ويا الاهل سياحه فرنسا .. وقطع السالفه وقال ... الا شخبار حمد وحمييد تدري والله انه شوقي لهم خلاني اتصل لخليفه عشان اخذ رقمك وانشد عنهم وآخذ ارقامهم ... ذاك اليوم اتصلت وحصلت الارقام مقطوعه سالم يتنهد : والله يالغالي ما اعرف شو اقولك سيف حس بنغزه في قلبه : شووو سالم : حمد تعب علينا وودينااه المستشفى سيف حس انه قلبه يدق بسرعه : شووووووووووووووو متى سالم : الحين من اسبوعيين سيف وهو زايغ : شو تقول انته شو فييه شو صابه ؟ سالم : آلتهاب في عظلة القلب نقلناه المستشفى الامريكي وحاطينه في حجره خاصه .. واميه وابويه بايتيين في فندق في دبي من هذيج الايام كل يوم يسيرونله .. سيف تنهد : لا حول ولا قوة الا بالله العلي العظيم ,, الله يعايفييه ويعافوا عنه ياربي .. سالم انا لازم اشوفه انا لازم ايي البلاد سالم : سيف ما عرف شو اقولك يالغالي بس هذاك اليوم ... كنت يالس عداله وقالي حلم ما خبر حد به الا انا سيف : شووو هو الحلم سالم : كان حلمان بأنك انته كنت تسحب خيله واللي اسمه .. اممممم سيف : مكحول سالم : هيه انته كنت تسحبه ولون الخيل ما كأن لونه بني كان لونه أبيض وانته كنت في مزرعتنا وتعلمهم على الخيول .. من هاك اليوم قالي انه يبا يرمسك بس انا ما عرفت كيف اوصلك ..؟ سيف حس بقلبه يعوره على حمد : فديته والله .. والله على شانه راد البلالاد سالم : الله يخلييك يالغالي ... تسوي زيين لانه الدكاتره قالوا لازم تسوون له اللي يبااه يقول انه الالتهاب بدى يخف عنه لانهم يعطونه حبوب دايما ويقولون انه الراحه وتنفيذ طلباته يمكن يهون عليه مصابه .. بدت تدمع عيونه يا سيف ما شفته كيف يتالم .. ما ادري هل طفل في سنه يتحمل هذا المرض لي ياه سيف حس بقلبه يعوره سيف : والله من هالساعه ساير احجز سالم : الله يحفظك يالغالي وترد سالم وتفرح قلب اخويه سيف خبر أهله بأنه بيرد البلاد علشان حمد سار على طوووول دور حجز له وحصل في اليوم الثاني الصبح .. وفي اليوم الثاني وبدوون ما شل كشار بالهاند باق الصغيره سيف ودع اهله وسار على طووول المطار علشان يلحق بالطياره . ------------------------------------------------------------ عوشه : متى بتسيروون خالد : مب الحين لانه امايه قالت تعالوا العصر عوشه تأففت .., وليش مب الحين خالد : عوشه قري مكانج رويه : انا بعد ابا اسير حميد : انا بعد خالد : يا سلالام حميد : من طااح في المستشفى ما سرتله الا مرتيين شو انتوا ما تحسوون خالد : تم هنييه يالس عند الحرييم سالم : اقوولكم اليوم كلكم بتسيروون خالد : سالم ؟ سالم : خلهم يسيرووون قلوبهم بتتقطع علييه ما شافووه انته ما سمعت الدكتور قال انه زيا..... خالد : بس بس كلكم بتسيروون وصارخوا الصغاريه مستانسيين خالد : بس بشرط تدخلوون بهدوء وكل ثنين مع بعض الكل : اوكي ------------------------------------------------------------ __DEFINE_LIKE_SHARE__ |
|
| |
| |
|
11-16-2008, 09:45 PM
| رقم المشاركة : [ 94 ] |
| عضو ماسي | كانت الساعه 5 العصر سيف يتريا الهاند باق تطلع من الينب الثاني علشاان بسرعه يسير صوب المستشفى الامريكي
في هالوقت وصلوا عوشه والكل صوب المستشفى وعوشه كان قلبها يدق .. تحس انها مشتاقه لحمد شووق فضييع .. بو خالد وام خالد عنده من الصبح ... اول ما دشوا خبرهم بو خالد في التيلفون انه حمد طلعووه من الحجره الخاصه ويابووه في حجره رووحه يعني ممكن الكل يدش علييه ... أستانسوا من الخااطر .. وساروا صوب عنبر الاطفال وعلى حجرة حمد الخاصه كلهم دخلوا عليه ... وأستااانس بشوفتهم عوشه كانت تصييييح صياح فضييع وحاظنه حمد بالخفيف. خالد : شو نسوي عزموا علينا وقال سالم لازم نوديهم كلهم بو خالد : فديت الرحووم انا . حمد ويرمس بصعوبه : من زماان مشتاقلكم عوشه وتبوسه على أيده : فديتك وانا بعد كلنا مشتاقيلك أتصل سيف بسالم وكان بعد الرقم غريب بس سالم حس بانه سيف اللي متصل شل التيلفون وطلع برع .. سالم : آلو سيف : السلام عليكم سالم : وعليكم السلام هلا سيف : شحالك الغالي سالم : بخير ربي يعافييك لا تقول انك ييت البلاد سيف : هيه نعم وابشرك انا في المستشفى سالم : ما شاء الله علييك .. سيف : في أي قسم منوم ؟ سالم : قسم الاطفال تعال هنييه الكل موجوود .. الحمد لله طلعووه من الحجره الخاصه والكل يالس عنده الحين سيف : لالالالا خلاص عيل برد في وقت ثاني ما اقدر اخليهم يظهرون عنه سالم : بظهرهم ما عليك منهم بيشوفوونه بعدين .. انته متعني من هذيج البلاد علشان شوفته وتقول بعد جييه تعال انا اتريااك سيف : ان شاء الله الحين يايينك سالم : اوكي بند سيف ساار لين قسم الاطفال ... وحصل سالم جدامه سيف سلم على ساالم ومشوا ليين الحجره .. سالم : لحظه شويه بخليهم يظهرون سيف : اوكي وقف عند الباب ودخل سالم سالم : جماعه شويه طلعوا برع رياال يبا يسلم على حمد حمد مستغرب : منووه سالم : خلك انته يالس الحين بيدش الكل تغشى وطلعوا اوبهم ام خالد يوم شافت سيف استاانست ... ام خالد : سييييف ؟ سيف مبتسم : هلا امايه شحالج وحبها فوق راسها ام خالد : فدييت هالشوفه شحالك الغالي سيف : بخير الله يعافييج ويسلم على ابو خالد .ويبوسه فوق راسه اول ما طلعت عوشه حست بضربه قويه في قلبها يو شافته من تحت الغشايه ... على طووول وقفت الصوب الثاني من الممر فطيم اول ما شافت سيف ما تدري ليش حست بوناسه دخلت قلبها كانت شاله مبارك في ايدها بو خالد : دخل دخل فديتك دخل سيف دخل اول ما شافه حمد طار من الوناسه وكان يبا يقوم من على الفراش سيف مبتسم ومشى بسرعه ليين عند حمد حمد : سيييييف !! سيف مبتسم وحس انه الدموع تبا تنزل من عينه باسه على خده وحمد حط ايديه الهنتيين ورى رقبة سيف وتم حاظننه حمد : سيف وين انته من زماان سيف : حبيبي والله شحالك حمد : الحمد لله بخير بو خالد ظاربتنه غبنه وخالد مستغرب ليش حميد متيود جييه في سيف ؟ سالم مبتسم : شرايك في المفاجأه يا حمد حمد ودموعه على خدوده : ما توقعت انه بيي سالم: تصدق يا بويه شوق هالريال لحمد ومن عرف سالفة مرضه طار من فرنسا وخلى اهله هناك ويا بسرعه البارحه مرمسني واليوم وصل بو خالد : من عرفته وهو راعي واجب سيف سلم عليهم ويلس وعينه على حمد بو خالد : هذاك اليوم وهو محمووم يهاذي بأسمك سيف : لا خليت منه والله أنا عندك يالبطل لا تخاف حمد مستاااانس .... عوشه اول ما شافت سيف حست بكل الذكريات ردت لها .. وتذكرت آخر مره يوم قولها بأنها تنسى كل شي من بينه ومن بينها وتنسى انه قال الكلام اللي هز قلبها ... حست انها تبا تصيييح .. فطيم كلحيين تطالع عوشه وعوشه شاله مبارك وتلاعبه على الكراسي اللي برع سارت ويلست حذالها .. عوشه التفتحت صوب فطيم فطيم مبتسمه : ما شاء الله علييه عوشه : هيييه والله حيااتي احبه وتحضن مبارك فطيم : انا ما ادري مبارك عوشه جان تصد عليها واتم تطالعهاااا في عيونها فطيم مبتسمه عوشه صدت على مبارك وتنهدت فطيم تكلمها بصوت واطي : هزرج مب مشتاق لج ؟ عوشه حست بويع فضيييييع في قلبها .. جان تصد وتقول : فطييييم خلاص ارجووج فطيم : لا مب خلاص عوشه تحس انه الدمووع في عينها : لا تخليني اصيح جدامهم .. انتي مول ما تحسين في عذابي فطيم : امبلا احس يا الغاليه احس عوشه : عيل خلاص ما ابا حد يضايقني خلوني في حالي والله يسمح دروبه حمد في خاطره يقول لسيف عن الحلم واللي ما كمله لسالم .. حمد : ابا اقول حق سيف شي بس نكون بروحنا سالم حس انه كان يبا يقوله عن الحلم وقال في خاطره : يااهل يمكن يحب يكون له سر وياه بو خالد قال لهم يظهروون عنه ... سيف يطالع حمد حمد ساكت ويطالع سيف سيف يحس قلبه بيتقطع على حمد كان ويهه مصفر ويشكله متغير من المرض ... حمد: انا دايم كنت احلم فييك سيف حس انه الدموع تيمعت في عينه : فديتك انا لا خليت منك حمد مبتسم : حلمت بأنك تسحب مكحول بس لونه أبيض سيف تقرب منه وباسه على راسه : وبعد حمد : ابا اقولك شي في الحلم بس ما ادري ليش حلمته جيه سيف : شو كان في الحلم ؟ حمد كان يبا يخبره بس متررد سيف : قول اسمعك حمد : يوم كنت ميود مكحول بأيدك اليسرى وفي ايدك اليمنىىىى سيف : شو ؟ حمد : عوشه اختيي وايدك متشابكه في ايدها .. سيف انصدم من سمع كلالام حمد وما عرف شو يقوول ... كان يطالعه بصدمه حمد استحىىىىى بس بعدها قال : عوشه وايد تعذبت ويا ريلها ما كنت احب اشوفها تصييح بعد ما تطلقت منه .. وايد عذبها ال**** وايد .. سيف كان مب فاهم شوو يقول حمد سيف : تطلقت ؟؟؟!! متى ؟ حمد : من قبل كم شهر وايد والله ما ادري سيف تم يفكر .. حمد يطالع سيف ..: انا كنت اباك انته تخطبها .. وانته اللي تتزوجها مب هذاك الحمار سيف وايد منصدم من كلام حمد . سيف : اسمحلي حمد .... اااا انا بسير عنك الحين وبرد بعديين حمد مبتسم ومستحي من كل كلمه قالها ويهز راسه سيف باس حمد فوق راسه وطلع عنه سيف اول ما طلع شافهم يالسيين كاان مرتبك ويطالعهم ويحس انه واااااايد منحرج سيف : اسمحولي الحين بسير ارتااح البيت شويه وبرد ان شاء الله اذا قدرت .. بو خالد : الله وياك يالغالي ما قصرت فدييتك وبارك الله فييك وفي هلك وخلاك لهم يارب سيف : ان شاء الله وسار وهو مرتبك وحالته يعلم بها الله سيف خطف صوب عوشه وقلبه عليها .. شافها تلاعب مبارك وحس بشي في قلبه .. تم يفكر في الحلم اللي قاله حمد له .. ويفكر بالنبره اللي طلعت بصوت حمد يوم كان يقول عن اخته عوشه .. يالله يا عوشه ... ليتج تدرين بانج هزيتي قلبي هز .. وربي يعلم انج اجمل شي كان في حياتي __DEFINE_LIKE_SHARE__ |
|
| |
| |
|
11-16-2008, 09:46 PM
| رقم المشاركة : [ 95 ] |
| عضو ماسي | عوشه وقلبي ما عرف غير حبج .. يالغاليه يا نبض قلبي ودمه عوشه وحبي ما عرف غير دربج .. ياكل احساس بقلبي المه عوشه ودايم دوم وربي احبج .. يااسم في نادر في فوادي اضمه ------------------------------------------------------------------------------------------- مرت الايام ورد حمد بخير وعافيه وكان ياخذ الدوا بأستمرار سيف كان يسير لحمد بس بحظوور ابوه وامه وخوانه وكان يشووف عوشه في المستشفى يوم يسير بس كانت كله متغشيه ولا يشوف شي من ويها ... كان وايد محتاار بأنه يخبر اخته شيخه بانه يبا يخطب عوشه مره ثانيه وكان في هالايام كلها يتخبر عن موضوع ريلها وكيف انسجن شيخه مب مستوعبه الموضوع : شو قلت سيف متضايق :اللي سمعتييه شيخه ساكته ومب عارفه شو تقوول سيف يطالعها بحزن : هي يا شيخه مابا غيرها شيخه حست بويع فظييع في قلبها فزت بقلبك أخيرا .. بعد ما تعب قلبي من النوح والبكاء كأنه طفل ضائع في زحمه النسيان .. ها انا اتربع على عرش قلبك .. كملك الرومان الذي بقا على عرشه عدة سنوات .. ها انا ... الى حتى الموت لك __DEFINE_LIKE_SHARE__ |
|
| |
| |
|
| مواقع النشر (المفضلة) |
العرض العادي
| |
المواضيع المتشابهه | ||||
| الموضوع | كاتب الموضوع | المنتدى | مشاركات | آخر مشاركة |
| تدوير شاشة 5530 فى وضع أفقى بدلا من الرأسى | محروم.كوم | منتدى أخبار المواقع والمنتديات العربية والأجنبية | 0 | 04-30-2010 11:10 AM |
| ياربى شو هالصورة اذا قدرت اتعلق على الصوره علق | محروم.كوم | منتدى أخبار المواقع والمنتديات العربية والأجنبية | 0 | 04-20-2010 01:30 AM |
| ياربى شو هالصورة اذا قدرت اتعلق على الصوره علق | محروم.كوم | منتدى أخبار المواقع والمنتديات العربية والأجنبية | 0 | 04-19-2010 11:40 PM |
| ياربى شو هالصورة اذا قدرت اتعلق على الصوره علق | محروم.كوم | منتدى أخبار المواقع والمنتديات العربية والأجنبية | 0 | 04-19-2010 11:30 PM |
| يا اخواني لا اعرف كيف اغير الصورة الرمزي لصورة من عندي م لكمبيوتر | محروم.كوم | منتدى أخبار المواقع والمنتديات العربية والأجنبية | 0 | 06-15-2009 09:40 AM |
الساعة الآن 06:13 PM
- اخبار رياضية
- اخبار الامارات
- اخبار ريال مدريد
- اخبار برشلونه
- العاب فلاش
- مسلسلات وافلام
- مسجات
- فيديو كليبات
- سيارات للبيع
- ارقام سيارات
- ارقام هواتف
- هواتف للبيع
- حيوانات للبيع
- قوارب ويخوت للبيع
- ملابس واكسسوارات
- ساعات ومجوهرات
- اناشيد اسلامية
- نغمات اناشيد
- نغمات اسلامية
- ادعية اسلامية
- رقية شرعية
- قران كريم
- ديبيات اسلامية
- اذكار المسلم
1 2 3 4 5 6 7 8 9 10 11 12 13 14 15 16 17 18 19 20 21 22 23 24 25 26 27 28 29 30 31 32 33 34 35 36 37 38 39 40 41 42 43 44 45 46 47 48 49 50 51 52 53 54 55 56 57 58 59 60 61 62 63 64 65 66 67 68 69 70 71 72 73 74 75 76 77 78 79 80 81 82 83 84 85 86 87 88 89 90 91 92 93 94 95 96 97 98 99 100 101 102 103 104 105 106 107 108 109 110 111 112 113 114 115 116 117 118 119 120 121 122 123 124 125 126 127 128 129 130 131 132 133 134 135 136 137 138 139 140 141 142 143 144 145 146 147 148 149 150 151 152 153 154 155 156 157 158 159 160 161 162 163 164 165 166 167 168 169 170 171 172 173 174 175 176 177 178 179 180 181 182 183 184 185 186 187 188 189 190 191 192 193 194 195 196 197 198 199 200 201 202 203 204 205 206 207 208 209 210 211 212 213 214 215 216 217 218 219 220 221 222 223 224 225 226 227