¨°o.O (صوب عوشه قلبي اتعلق..انتفظ من شلة الرمشي) O.o°¨

Grshoob Albdoo · #1 10-02-2008, 01:04 AM

مــرحبــآآ الـســآآع ..

اشحالكم // شخباركم .. ربكم بخير وسهــآآلــه ..

امممم .. قــريـــت هالــقصـة ف احد المنتديــآآت وعيبتنــي .. وحبيت انقلهــآآ لكم ..

بقلم الــكــآآتبــه المبدعه : ثرى بلادي

الجزء الاول

صوب عوشه قلبي اتعلق .. وانتفض من شلة الرمشي ..
تاحني من طالع وبرّق .. من عيونه يرمي ويمشي .
يا هلابج غرب ولا شرق .. أدخلي وبفواديه ودشي.

هذي القصه تحكي احداث مشوقه بعض الشي تتكلم عن بنت اسمها عوشه عمرها 23 سنه خلصة دراستها في الكليه ومن سنتين تتريا يقبلونها في مكان للشغل عشان تقصر الدوب في الشغل
.. عوشه انسانه طيبه حبوبه عصبيه لكن في نفس الوقت قلبها طيب جمالها طبيعي شعرها طويل وناعم وبني فاتح مع اسود لها عيون جتاله لي يبرج فيهن تضيع حياته ,,,,
بيضااا وطويله بعض الشي .. تشابه امها في واصافها
عوشه عندها اخوها الكبير خالد متزوج وعمره 33 سنه خالد يشتغل في الجيش في بوظبي .. وساكن هنااك ويا مرته وعياله وعنده 3 حمده وراشد وعلي
وبعده سالم وعمره 25 سنه خلص دراسه وتوظف في الاتصالات ويحب بنت خالته فطيم ويتريا اليوم اللي يجمعه بها .. وبعدهم عوشه بطلة قصتنا .... وبعد عوشه التوأم حمد وحميد .... وعمرهم 12 سنه .. متفوقين ما شاء الله ومن الاوائل حمد طالع يشابه ابوه في كل شي وما شاء الله عليه كنه ريال صدق .. وحميد كذالك لكن شويه دلوووع وخقاااق ولد امه يعني
وبعدهم آخر العنقود رويه وعمرها 10 سنوات وساكنه ويا اخوها خالد عند بنته حمده اللي من نفس عمرها

-----------------------------------------------------------------------------------
عوشه : يا سلالام
بو خالد : والله اني متلوم فيه وما اعرف شو اسوي فيها يمكن اردها
ام خالد : يايتنك هديه من الله شو بعد تردها ..
بو خالد : انا وشلي في المزارع والدنيا هاي
ام خالد : بنعابلها وبنسيرلها كل يوم المهم ما تردها مب زين يا ريال
بو خالد : اللوم جاسيني من راسي لين ريولي ..
ام خالد : خبرت خالد ؟
بو خالد : لا والله الحين ياي من عند بو محمد ( بوخالد ظربته غبنه وصاح )
ام خالد تطالع بنتها وتقولها خلينا بروحنا ..
طلعت عوشه: فديت ابويه والله محد يسوااك ومحد يسوى خاطك
شافت سالم ياي صوبها ..
سالم : وين خوانج الحشره ..
عوشه : تدريبهم وين عند الدكان ميلسين ..
سالم : يايبلهم البلاي ستيشن اليديده
عوشه : احلف
سالم : والله متحليفين لي اذا نجحوا في الامتحانات ايب لهم البلاي ستيشن
عوشه : يستاهلون انزين ورويه
سالم : رويوه خلها تولي ميلسه عند خلود هناك خله ينفعها
عوشه : حرام عليك الحين بتصيح يوم بتشوف هديتهم وهي ما بتيبلها شي
سالم : هم خله ايبونها مب في الشهر مره
عوشه : انزين برايه لازم تشتريلها
سالم : معاشي كله الا على حمد وحميد ورويوه العروسه
عوشه : انته لنا يا بو راشد
سالم : ما عليج زود الغاليه عيل وين اميه وابويه ؟
عوشه : في الحجره تعال بخبرك شي ..
سالم : شو ؟
عوشه : اليوم بو محمد
سالم : بلاه
عوشه : عطى ابويه مزرعه
سالم : شووووووو
عوشه : هيه
سالم : وليش ؟
عوشه : ايقول انها هديه لانه ابويه العزيز فديته بايعله نسبه كبيره من العقارات اللي كانت رااكده ومالها صيت في البلاد
سالم : فدييت الوالد والله بس هالشي الصراحه ما يستاهل انه يهديه مزرعه
عوشه : بو محمد يقول انه عنده مزرعتين وهالمزرعه متروكه ما فيها الا الهنود والزراعين وهو ما ايهم الا في الشهر مره عشان يطالع الخيول
سالم : شوووو خيول .. اسميه كريم هذا البومحمد
عوشه : هيه ما شاء الله وتدري بأبويه الحين يالس يصيح عشان الهديه
سالم : يصييح وشعنه يصييح .. قلبه ارهيف هالريال ويصيح على ادنات الدون
عوشه : هي الغالي
سالم : يالله انا بسير ازقر قوم حمود
عوشه : هات انا بركب اللعبه
سالم : لا لا باخذها لين صوب الدكاان عشان ايون ويايه
عوشه : اوكي انا بسير ارمس فطيم بنت خالتي
سالم : بلاها بعد ام لسان
عوشه : روح انته ما يخصك فيها
سالم : ههههه سلمي عليها فديتها
عوشه : عجب
سالم يطلع لسانه : مالت عليج جني ما ارمسها .
عوشه : خله يخطف حد ويسمعك
سالم : خلهم يسمعوني منو اكلم ثرني الا بنت خالتي فديتها
عوشه : اف منك وسارت
------------------------------------------------------------------
بو محمد : وهاي السالفه
ام محمد : يستاهل
بو محمد : هي والله هالريال ايدي وريولي بلاه ما اعرف شو اسوي
ام محمد : يوم واحد ودني صوب مرته خاطري اتعرف عليها
بو محمد : حاظرين حرمته الا شراته دوم تطرش الخمير والجباب والرقااق فيهم كرم هالمخاليق ما ريته في حد .. وجان ريتي يا موزه انه البيزات اللي اعطيه ايهن ما يحطن في البنك ما يخلي حد ما يوزع عليه ما يخلي شي حق عياله الا القليل
ام محمد : هذا ما يبا شي من الدنيا يبا آخرته ..
بو محمد يتنهد : يا ام محمد محد علمني على مد اديه الا هو .. قبل ايدي مقبووضه وما يطلع مني قرش حمر
ام محمد : الحمد لله رب العالمين الله يعطيك ويعطيه على قد نيتكم
بو محمد : آمين
ام محمد : لازم تخلي الهنود ينظفونها عاد
بو محمد : خبرتهم وقلتلهم انه انا ما بيهم موليه واني هديتها لبو خالد
ام محمد : زين ما سويت .
------------------------------------------------------------------
حمد : هييه نعم وعد ريايل
سالم : ههههههه وحميد شو يقول
حميد : مشكور يا الغالي
سالم : العفو فديتك يالله نسير البيت نشغلها .
حمد وحميد : يالله ..
ركبوا ويا سالم وساروا يلعبون في البيت ..
ام خالد : هيه عاد خلاف يوم بتبتدي المدرسه بتلهيهم هاللعبه عن الدراسه
حميد : امايه شو فيج انتي ما تبينا نستانس موليه
حمد : هي والله مول ما تبانا نستانس
ام خالد : ما طلعتوا من البيضه ترمسون جيه
حميد : عيل كيف تبينا نرمس
ام خالد : العبوا انتوا العبوا
حمد : انتوا روحكم ما يبتولنا هديه لا تخربون علينا وناستنا الحين
ام خالد غمضوها : ان شاء الله من العين شو تبون نيبلكم
حميد : انا ابا دراجه
ام خالد : لالالالالا
حميد : ما يخصني انا وحمد نبا دراجات
ام خالد : ولا اطشه
عوشه : انتوا بعدكم يهال شو دراجه
حميد : انتي الياهل لا تقولين عنا يهال
حمد : سكتوها ام لسان
حميد : غير المره اشوفج تقولين ياهل والله اظربج
ام خالد : عجب شو هالرمسه رمست فروخ الشارع
حمد : يا ربي شو هالناس
ام خالد مستعجيبه من عيالها وتطالع عوشه .. وعوشه تأشرلها تقولها خليهم على هواهم
-----------------------------------------------------------------------------
بومحمد : وهذا مفتاح المزرعه واسمحلنا ع القصوور
بو خالد متلوم : والله اني ما ادري شو اقولك يا بو محمد متلوم فيك ..
بو محمد : انا تتلوم فيني يا بو خالد
بو خالد : هي نعم انا عباره ما سويت لك شي وانته تهديني مره سياره وهالمره مزرعه
بو محمد : يالله يا الدنيا بتخليني ازعل عليك يا خويه راشد
بو خالد : حشى لله انك ما تزعل عليه ..
بو محمد : عيل لا تسميها حتى هديه .. سمها تذكار من خوي لخويه .
بو خالد خاشم بو محمد : والله انك يا بو محمد تستاهل الخير كله والبركه يعلك في نعمة دايمه ياربي .. وربي لا غير علييك ورزقك بشرواها واكثر في جناته
بو محمد : آمين وياك يا خويه .. وين بحصل شروى دعواك يالغالي .. انته انسان شانك عن ربك كبير وجنات الخلد ان شاء الله من نصيبك ..
-------------------------------------------------------------------------------
فطيم : مب كيفك
سالم : والله يا فطيم بشرشحج
فطيم : يالله جانك تقدر
سالم : واذا ييت ..
فطيم : بسميك ذيب الريايل
سالم : عيل والله الحين ياي
فطيم : شحقه
سالم معصب
فطيم : ما تقدر
سالم : ما اقدر انزين انا براويج ويسكر في ويها ..
فطيم تشهق : الخمااام سكر في ويهي .. شو سويت انا
سالم سار صوب بيتهم ودخل على عوشه الحجره
سالم : عويش قومي نشي لبسي عباتج
عوشه تروعت : شو السالفه
سالم : انتي ما يخصج البسي وتعالي برع .
عوشه : سلوم خبرني شو السالفه
سالم : انا اتريااج برع يالله بسرعه
عوشه خشت العباه في راسها وحطت الشيله على راسها وسارت تربع صوب الموتر .. شو فيك شو مستوي سلوم لا تروعني
سالم : بنسير بيت خالتي ميره
عوشه وهي متروعه : شو مستوي عليهم
سالم : اففففففففففف اسميج حشره اركبي انتي بس
عوشه ركبت .
عوشه زايغه : انزين شو مستوي عليهم .؟
سالم متغايض : ساير اشرشح فطيم
عوشه : شو مسويه ؟
سالم : تقولي انها موافقه على زواجها من ولد عمها وانا ما لي خص فيها ولا لي سلطه عليها
عوشه : شوووووو لا لا فطيم م توسهيا
سالم عصب : والله العظيم انها قالتلي والله ان سوتها بفضحها
عوشه : شو تفضحها انته صاحي سلوم
سالم : انا اللي احبها وانا لها
عوشه : فطيم ما تسويها استهدي بالله يا سلوم
سالم : جب لاه
عوشه : شو بتسوي انته خبيل في عمري ما شفت مثل حبك يا المينون
سالم : انا مينون وعلى كيفي اللي احبه لازم محد يتحكم فيها غيري انا
عوشه : طاغوت
سالم : طاغوت ولا طالوت .. يالله الحين تنزلين وتيبينها
عوشه معصصصصصصصبه : سلوووووم وويع شو هالسوالف الماصخه
سالم : ما يخصني الحين تنزلين تيبينها ولا ادخل عندها وايرها من كشتها عشان افهمها انه انا لها
عوشه نزلت ودقت بباب الموتر في ويه سالم وساارت سييده صوب الصاله ودشت ..
ما شافت حد في الصاله وسارت صوب حجرة فطيم .. وفتحت الباب من دون ما تدقه وهي معصبه
فطيم متفاجأه ..: عويش ؟
عوشه معصبه : فطيم انتي شو مسويه بسلوم مخلتنه يتخبل جيه علينا
فطيم متسمره مكانها : سالم برع ؟
عوشه : هي نعم طير لي حمامة فوادي خلاني اركب الموتر وانا بعدني ما حطيت شيلتي ..
فطيم : ليش ؟
عوشه : شو قايلتله انتي تتكلمين صدق ولا شو ؟
فطيم : اويييييه انا قلت بيبلعها مثل كل مره اقص عليه ويطوفها لي
عويش : انتي تدرين انه سالم ما يبلع مثل هالسوالف ؟
فطيم : والحين شو اسوي
عوشه : سيري عند الباب وشوفيه شو يبا يالله
فطيم : انتي اتخبلتي تبين ابويه يذبحني اذا شافني واقفه عند الباب
عوشه : عيل شو بتسوين انتي ساس المشكله وانتي اللي بتحلينها
فطيم : انتي سيري الحين وانا بتفاهم وياه
عوشه : بتخليه يعصب عليه شكلج
فطيم : ما يقدر يالله سيري
عوشه : فمان الله
فطيم : فمان الله
رقدت عوشه البيت وهي متغايضه من سالم ومن فطيم بنت خالتها .. وتمت تفكر فيهم وكيف حبهم كل يوم يزيد لبعض .. وكيف يغارون على بعض
عوشه : الله يسعدكم ياربي ..
رقدت .. واصبحت الصبح الساعه 9 وسارت صوب المطبخ عند امها ..
بو خالد : شو رايكم نسير صوب المزرعه نطالعها اليوم
عوشه : الللللللله وناااااسه
ام خالد : لا ابويه انا اليوم بسير ويا اختي ميره صوب البريمي بنفضل مخاوير
بو خالد يهز راسه : انتوا ماتونوون .. خياييط شارع الوحده مب عايبينج ولا اللي تارسين البلاد
ام خالد : من استوينا ونحن نفصل هناك
بو خالد : ع هوااج عاد .. انا بشل عيالج وبنسير
ام خالد : يوم ثاني ان شاء الله بنسير صوبها ..
بو خالد : يالله برايج سايرين نحن عوشه سيري فديتج البسي عباتج ..
عوشه : ان شاء الله .. خله حمد وحميد يتزهبون بعد
بو خالد : قومي زقري عيالج ..
ام خالد : ان شاء الله
عوشه سارت تلبس عباتها وتجحلت وحطت شويه مسكره ..
عوشه : متفيجه والله انا من صباح الله خير مسكره .. يالله نتعدل لعمارنا ما ورانا شي ..
ركبوا الموتر وساروا صوب المزرعه ..
حمد : وينها وينها أي وحده ..
بو خالد مستاانس انه عياله مستاانسين : هذي اللي هناك تشوفها
حمد : ما شاء الله تبين كبيرره
حميد : يالله عاد ابويه اسرع ابا اشوفها من داخل
عوشه : ههههه مخابيل مب شايفين خير
حميد : في حياتي ما شفت مزرعه
حمد : ولا انا
بو خالد نزل من الموتر وفتح الباب بالمفتاح وشاف هندي هناك
الهندي : اهلا باباه ومبتسم
بو خالد : هلا ارباب شحالك
الهندي : هههههههه انته ارباب انا ما في ارباب
بو خالد : ههههههههه
ودش بو خالد بالموتر لين دااخل ..
عوشه وحميد وحمد مستااانسيين اول شي دشوا داخل البيت وتموا يطالعون الاثاث والحووض اللي في نص الصاله ..
حميد : شو هااااااااااا اول مره اشوف حوض في البيت
عوشه : انتوا ما ايوز لكم هذا حوض كباريه
حمد : والله لسبح فيه
عوشه : هيه عشان تغرق ..
حمد وحميد يالله تعالوا انا بسير ابا اسير برع اشوف
عوشه : يالله
طلعوا برع وتموا يشوفون الزراعه .. وسالم اتصل حق بو خالد عشان يدليه وين المزرعه يبا ايي صوبهم
بو خالد : ما يسقون الزرع شكلهم ؟
شويه ويا سالم
بو خالد يعابل الزرع وحمد وحميد ساروا ويا الهندي يطالعون باجي المزرعه وعوشه واقفه تطالع ابوها
يا سالم : السلام عليكم اسميني ضعت
عوشه : وعليكم السلام ما تضيع
سالم : خلاص ابويه انا نزلت الحين
عوشه : هاااااه تراضيتوا
سالم يطالعها : انا ما اراضي فطوم ؟ كييييييييف كييف بيمر الليل يا عوووش
عوشه : عشتواااااا لا تخبر
سالم : هههههه انزين خبروني شو الاجواء شو المزرعه كيف صايره
عوشه : والله نااايس ما عليها رمسه الصراحه .
سالم : اوكي انا بسير اطالعها ..
عوشه : لحظه بيي وياك ..
بو خالد : عوشه تعالي تعالي سيري الغاليه اطالعي جان شي بيب بنسقي الزراعه ميت ما يسقونها . ؟
عوشه : ان شاء الله يالله سر اتفقد روحك
سالم : سلالام باي
سارت عوشه تدور بيب وتمت تمشي حصلت وااحد اوكي بس ممتغط وساير صوب المزرعه الثانيه اللي عدالهم تمت مستغربه .. عوشه : شو السالفه ؟ البيب كله موجود في مزرعتهم الا جزء منه في المزرعه الثانيه ..
عوشه : ليش اليدار من هالصوب مكسور والمزرعه الثانيه مبينه ؟؟
عوشه : هذيل صراقين شكلهم يبون يصرقون البيب ههههههههههه
سحبت البيب شويه كان ثجيل ما ترومله وشويه وينسحب عنها وبقو ..
طاحت عوشه على اليدار من القوه وتصرخ ايدها عورتها وطلع منها دم
عوشه يالسه مكانها وتتألم : اااي ايدي آآآآآآي الله يغربل السالفه .. شو استوى
شويه ويطل عليها واحد من اليدار المكسور ..
كان هذا سيف ولد يارهم سعود بن مترف
عوشه متسمره مكانها .. كانت حاطه شيلتها على رقبتها ومحطيه القباضه في شعرها اللي طايح على جتوفها ..
عوشه بسرعه حطت الشيله على راسها .. وهي معصبه ..
سيف بعده يطالع عوشه بأستغراب ويسأل نفسه من وين يت هاي
سيف : شو السالفه منو انتي ؟
عوشه نشت معصبه : انننننننننته اللي منوووو
سيف ساكت ويطالعها ويشوف انه ايدها محنايه وطالع منها الدم .. : تعورتي ؟
عوشه معصبه ع الآخر : ما يخصك ..
سيف يطالعها بأستغراب: ها يزايه بعد مالت
عوشه معصبه: مالت علييك انت صراق واحد
سيف : انا صراق يا ام الدويس .
عوشه : ام الدويس حرمتك السودا يا صراق البيبات ..
سيف : هذا بيبنا شو يابه في مزرعتكم ؟
عوشه : نعم جني ما سمعتك هذا بيبنا وانته اللي صارقنه عقيتني يعل يعقونك في يفره
سيف عصب : جيه ماكل حلالج ولا حلال ابوج
عوشه : جب ولا كلمه ولا تطري ابويه على لسانك هات البيب وسحبته من ايده
وسيف بعده في ايده البيب .. ميودنه بقو
عوشه معصبه : هد البيب لو سمحت لا تخليني اسوي لك فضيحه
سيف حب يغلس عليها : والله ما اهده بيبنا وبعد تناشبيني عليه

عوشه مفوله من سيف : يا خي انته شو فيك اقولك هالبيب بيبنا ..
سيف : هاااااتي البيب ويسحبه بقو ..
عوشه كانت خفيفه ويسحبها سيف بقو بالبيب وتطيح مره ثانيه على الحصى ..: آآآآي ........ يعلك العووق
هدت البيب وتمت تصييح ايدها كلها يرووح ..
سيف عض على شفايفه ..
سيف كان ولد سعود يار بو محمد و عمره 27 سنه متخرج من أمريكا ويشتغل في اتصالات الشارجه ..
سيف طويل وجسمه جسم رياضيين وشكله حلييو شعره طويل لكن مب وايد كان لابس بنطلون رياضه وقميص وجاكيت عادي مب غليض وكاب .. وكان ساير يسقي الزرع كانت الساعه 10 الصبح وربع راقدين .. كانوا ياين من صوب الفايه مصعدين ع العراقيب ومروا صوب المزرعه عشان يرقدون ويشوون فليل
سيف هد البيب ونقز من فوق اليدار المكسور وسار صوب عوشه
عوشه تصيح وميوده ع اليرح وتتألم وتطالعه بغيض وبعيون فيها دموع

سيف تم يطالع عوشه وهي تتألم وغمضته
سيف : والله آسف ما كنت اقصد
عوشه نشت وتمت تطالعه بأحتقار ..
سيف سحب البيب وجدمه صوبها ..
سيف : خذي والله آسف
عوشه تطالعه بعين كلها دموع : اشبعبه وسارت ..
سيف تم متسمر مكانه ويطالع عوشه وهي تمشي وتطالع يرحها ومب مسوتله سالفه
سيف فر البيب ورد ركب صوب مزرعتهم وهو متضايق انه سوى بالبنيه جيه .. كان البيب فعلا بيب قوم عوشه وهو ما حصل بيب زين فقال باخذ بيبهم مدام محد في المزرعه
مايد كان توه ناش من الرقاد ..
مايد : صباح الخير .
سيف ولا على باله شال الصطل وساير صوب الخيول
مايد : حووه بو سعود
سيف انتبه : هلا مايد
مايد : شو فيك ؟
سيف : ما شي
مايد : عيل ليش ما ترد عليه اصبح عليك
سيف : صبحك الله بالنور والخير والسرور
مايد : وعيت الشباب توه ..
سيف : انا مسوي حليب شربت ؟
مايد : هي صبيتلي لكن ما شي غيره ؟
سيف : اتصلت للوالده وقلتلها تسويلنا خبز والدريول بيبه عقب شويه
مايد : زين ما سويت
----------------------------------------
ردت عوشه صوب ابوها وقلت له انها ما حصلت بيب زين حق الزرعه .. وما خبرته انها طايحه ..
سالم : شو فيها ايدج ؟
عوشه : طحت
سالم : وليش ما خبرتينا مب زين بيلتهب عليج
عوشه : والله انه شي عادي
سالم : شو شي عادي بودييج الدختر الحين
عوشه : سلوم والله ما يحتاي
سالم : امبلا يحتاي يالله لبسي عباتج
عوشه : ما ابا اسير بغسله بس
سالم : ما يخصني تراني الحين بيرج من ايدج اللي فيها الدم يالله قومي لبسي عباتج وبعدين لا تحطين هاليد في العباه عشان ما تصيبها جراثيم زياده
عوشه : اوكي
نشت ولبست عباتها ..
عوشه : اتصل في ابويه وقوله انه نحن بنسير عشان ما ايلس يحاتينا .. وخله يطالع حمد وحميد تراهم صوب الحوض أخاف عليهم
سالم : اوكي
----------------------------------------
سيف ركب ع خيله وربعه كانوا اربعه كل واحد خذ له خيل من خيول خوات واخوان سيف ..
مايد : خيل منو هذا ؟
سيف : خيل الاهل
مايد : وشو اسمه
سيف : اسمه مفتون
مايد : الله شووو هالاسم .. مكحول ومفتون
خليفه : مكحول
مايد : هيه مكحول
سيف : فديت مكحول ويحط ايده من بين شعر خيله
خليفه : خيلك ؟ !
سيف : هيه
خليفه : يا سلام مكحول وشعنه مكحول بالذات
مايد : انا بخبرك.. سماه مكحول طولي بعمرك لانه عيونه مكحله
خليفه : يا عيني عليك يا سواف اسامي يا الخوي
خليفه : وهذا الخيل .
سيف : مياس
خليفه : يا ويل حالي
سيف : طبعا انا مسمي خيلي بس ولا الباجي مسمنهم الوالد الله يرحمه
خليفه : ونعم ما قال
سيف : اما اللي عندك يا يابر اسمه خطاف هذا كان اسمه لاعي ابويه الله يرحمه مسمنه لاعي لانه كان واايد يصهل ويحشر الدنيا ويوم فزت فيه في سباق الاسطبلات سماه ابويه خطاف وخلاه لخويه احمد
يابر : سوالفكم عن الخيل تشرح الخاطر .. بس لاتمشون بسرعه تراني بطيح عنه اول مره اركب عليه
شويه ومر سالم اخو عيشه بموتره الفتك اليديد وعوشه جدام سايرين صوب المستشفى .. كان الموتر مب مخفي لانه يديد وعوشه مب متغشيه .. وسيف انكسرت رقبته وهو يطالع عوشه ..
خليفه : اندوك هذا سلوم ..
سيف نقز : منو سلوم
خليفه : سالم ولد راشد بن رشيد اللي يشتغل عندكم في الاتصالات ما تعرفه ؟
سيف : منو ها والله ما اعرفه
خليفه : اسميك .. يشتغل في فرع رؤية الامارات
سيف : والله ما اعرف حد من هناك .. انا وين وهم وين .
خليفه : انزين هذا يشتغل هناك
سيف : وشو يايبنهم هنه .
خليفه : انته يارهم وما تعرف بالسالفه
سيف : أي سالفه ؟
خليفه : ترى بو محمد ياركم عطاهم المرزعه ماله .. ابو سالم يشتغل ويا بو محمد في العقارات وهداه مزرعتهم
سيف : والله ؟
خليفه : هيه
سيف يلس يرمس في خاطره يعني هذي مب بنت بو محمد .. اهاااا
مايد : بسك من هالسوالف يا خلوف عنبوه تقول عيوز قابضه وتخبرنا عن هذا وهذا نحن شلنا بالعالم
خليفه : انته شلك انا ارمس الريال يبا يعرف عن سالفتهم
سيف : وهذا سالم شو أخلاقه ؟
خليفه : والله ريال زين ما عليه كلام
سيف : بسأل عنه
خليفه : شتباه ؟
سيف : بس مب ولد يرانا
خليه : ههههه اسميك سوالف انت
سيف تم يفكر في عوشه وكيف سحبها وتمت تصيح جنها ياهل ..
---------------------------------------------------------------------------------------
الدكتور : ما فيها الا كل خير
سالم : الحمد لله
الدكتور : حاسبي ما تطيحين مره ثانيه
عوشه : فال الله ولا فالك دكتور
الدكتور : ههههههه والله انه سوالفج هوايه حلوه
سالم عصب : قومي نشي لا اعطييج بقب ع راسج الحين
عوشه : انزين انا شلي ؟
سالم : يالس ويسولف .
عوشه : بعد ما بغيتني الا اسولف ويا عراقي
سالم : وعراقي مب ريال
عوشه : ما تصدق انته
سالم : يالله عاد انتي اللي ما تصدقين
وركبوا الموتر
عوشه : لا تطولها وهي قصيره خلنا نرد صوب المزرعه خلينا بويه روحه ويا الهنود وتدري ابا استكشف المزرعه بعدني ما شفت شي
سالم : مب جايفه خير عشان جيه طحتي .
عوشه : ما شاء الله عليك انته عاد
سالم : الحمد لله رب العالمين
عوشه : الحمد لله
سالم : الحمد لله
عوشه : الحمد لله
سالم : بلالاج ؟
عوشه : انته ما ادري بلاك تحمد وتهلل
سالم : والله يا عويش انتي خبيل وانا ما لي صدعه اخبل بعمري ويااج
عوشه : خبيل في عينك
يوم وصلوا صوب المزرعه كان سيف وربعه شالين الكشار بيروحون وبيردون العصر
سالم نزل وخلى عوشه الصوب الثاني في الموتر
سالم : هلا والله
خليفه : اهلين
وتخاشموا ..
عوشه : افففف متفيج بعد هذا ..
سالم : يا مرحبا والله جيف حالك
خليفه : الحمد لله انته شحالك
سالم : بخير ربي يعافيك
شويه ويا سيف من داخل ..
عوشه تمت تطالع سيف بأحتقار
عوشه لو تضربه بكس احسن من ما تتخاشم واياه .. هذا اللي ساحبني ويا ويهه
عوشه تمت تطالع شكله وشعره ونظارته وخشمه وتطالع لبسه ..
عوشه : ما انكر انك حلو وتطيح ملاين بس سخيف ووغد وما ادنيك
سيف لاحظ انه عوشه في الموتر ..
سيف في هالوقت كان اونه عاد يسوي عمره ما يشوف عوشه وهو يطالعها من ورى النظاره ..
سيف : يا مرحبا الساع والله بولد يارنا ..
سالم : هيه الحين عاد استوينا يران لا تنسونا من البن والجامي .. ههههههه
سيف : ههههههههههه افا عليك
سالم : يالله عيل انا اترخص الاهل يتريوني ياي من الدختر
سيف حب يتطفل : ما من شر عساه خير ..
سالم : ما شي الا الخير يا الغالي بس شويه يروح .
سيف : خطاكم الشر ياربي
سالم : وياك الغالي يالله فداعه الله
سيف : فداعه الرحمن ..
سيف تم واقف يطالع سالم لين ركب في الموتر.. ويتذكر انه هو اللي كان عاق عوشه
سيف : والله ما تستاهل
عوشه : اف منك
سالم : شوو
عوشه : هاي ويوه تسلم عليها ؟
سالم : بلاهم بعد ؟
عوشه : اونهم خقاقين
سالم : بس لاه اسكتي ما لج خانه
عوشه : شو بلاهم
سالم : يسلمون عليه بعد شو
عوشه : الشيخ سالم بن رشيد يسلمون عليك
سالم : جان يايزلج
كان الوقت الساعه 5 العصر وبو خالد بعده في المزرعه سالم يايبهم شويه اغراض وروح عنم وتموا هم في المزرعه
حمد وحميد ساروا برع يطالعون الشباب وهم يسوقون الدراجات
سيف شاف حمد وحميد واقفين يطالعونهم هو وربعه يوم يسوقون الدراجات ..
حميد : والله في خاطري اسوق
حمد : انا بعد
سيف يا صوبهم .. ويطالعهم : السلام عليكم
حميد وحمد : وعليكم السلام
سيف : شحالهم الحلوين
حميد يطالع حمد وحمد يطالع حميد
حمد : تشوفنا بنات جدامك حلوين ؟
سيف فتح عينه من رمست حمد ؟
سيف ابتسم : رياييل
حمد: هي نعم
سيف : شو انتوا توام ؟
حميد : هيه
سيف : سبحان الله وايد تتشابهون
حمد : الكل يقول جيه مع اني ما اشوف شبه
سيف مستانس من رمساتهم : اوكي شو اسمك انته
حمد : انا حمد
حميد : وانا حميد
سيف : والنعم
حميد : والنعم بحالك
سيف : واقفين تطالعونا تبون تركبون ؟
حمد : هي
سيف : يالله واحد يركب ورايه وواحد ورى ربيعي اوكي ..
حميد : اوكي
حمد : انا بركب وراك
سيف : فالك طيب
سيف زقر مايد ربيعه وركب وراه حميد وساروا يحوطونهم
بو خالد : يطالع الهنود شو يسوون للخيول ويتعلم منهم وعوشه عداله ..
عوشه استقطعت اخوانها الصغار تمت تطالع يمين يسار .. محد
عوشه : ابويه ما شفت حمد وحميد
بو خالد : لا وين انهيوا
عوشه : ما ادلهم
بو خالد : سيري اطالعيهم يا اميه عن يسيرون مكان
عوشه : ان شاء الله
طلعت عوشه وسارت تطالع اخوانها وتزقر
عوشه : حممممممممممد .. حمييييييييييييييد
خطف الهندي من حذاها
اف لاه كيف ارمسه الحين ها
عوشه : اقولك ما في شوف حمد وحميد .. اقصد ثنين بجاه صغير
الهندي : انا شوف برع مناك فوق دراجه
عوشه استغربة : شوووو دراجه من وين ؟
الهندي : ما في ارف انا
عوشه : سر لاه وتركض صوب الباب
مالهم اثر .. عوشه تروعت على خوانها ..
عوشه : حممممممممد حمييييييد ..
شويه وطلع سيف ووراه حمد .. من بعيد
حمد حاظن سيف من ورى ومستااااااااانس ع الدراجه
حمد : اويه عوشه
سيف وقف : منو عوشه
حمد : عوشه اختي هذي اللي واقفه هناك
سيف في خاطره : عووووشه ؟؟؟ شو هالاسم
سيف : انزين ليش جيه معصبه
حمد : هي دوم جيبه يوم نطلع مكان بدون شورها
عوشه واقفه وتطالع سيف وهي معصصصصصصصبه .. : افففففف منه شو يبا فيهم .
حمد : ودني صوبها بتعصب علينا ادري
سيف : ليش تعصب
حمد : اونه نحن يهال ما يستوي نسوق دراجات ..
سيف : انزين انته ما تسوق الحين انته ورايه ..
حمد : تخاف تخاف اونها عاد
سيف : حمد شرايك ناخذ لفه وني
حمد : لا لا والله بتعصب
سيف : خلها تعصب انته شعليك منها
حمد : ما اعرف آخر لفه اوكي
سيف : يالله
سيف حب يغايض بعوشه وخذ اخوها حمد ولف ويا صوبها وشاح عليها وسار
عوشه فاااارت من الغياض اونك تغايض فيني يا صراق البيبات ..
تمت تترياهم واقفه .. وعقب فكرت تفر عليهم حصى اذا يو صوبها .. مره ثانيه
عوشه : انزين انا براويكم ..
شافت سيف ياي صوبها بالدراجه
شلت الحصاه وفرته .. الحصاه الاولى ما يتهم والثانيه فلعت سيف ع راسه .
سيف وهو يسوق نااااااااقع من الضحك وعوشه تسب ..
عوشه : يالهروم ياللي ما تستحون .. والله ما ييت يا حمدوه هني وما قربت
وقف سيف
حمد معصب : شو هاي فشلتنا .
عوشه تلومت يوم سمعت حمد يرمس جيه ووقفت تطالعهم وهي معصبه
سيف يتأمل عوشه ملامحها وهي معصبه روعه ..
سيف وهو مبتسم .. : بلاها اختك
حمد : قلتلك بتعصب
عوشه سمعتهم : بلاها اخته بعد نزل اخويه وهات الثاني لو سمحت
سيف : وليش معصبه
عوشه : انته ما تستحي .؟! ابا اعرف
سيف : ما احيدني مسوي شي غلط . .
عوشه عبست في ويهه : اسكت اسكت
سيف : ان شاء الله طويلة العمر ..
عوشه تطالعه بغياض وتقول في خاطرها خص الله هالويه يتطنز ..
حمد نزل وسار صوب اخته
عوشه : وانته ليش راكب ويا ناس غرب ؟
سيف فتح عيونه : غرب ؟
عوشه : هي نعم
حمد : هذا سيف ولد يرانا
عوشه : ومتى استوى ولد يارك
سيف: الولد يعرف الاصول وانتي مول ما تعرفين فيها
عوشه معصبه وتزعق عليه: ما يخصك لا ترمسني
سحبت حمد : يالله نسير داخل
سيف : وما تبين اخوج الثاني
عوشه تطالع سيف بغياض
سيف : ياربي بلاها جيه بطرانه
بطران خلي ما يعرف اني اغليه .. يرمي عيوني بنظرٍ كنها اسهم
حمد : شو فيج انتي الريال ما سوى شي فضحتينا يالسه تفرين حصى ..
عوشه متغاااااايضه : والله يا حماده ان سرت مره ثانيه وياه بجتلك
حمد : ما يخصج
عوشه : امبلا لازم تسمع كلامي
حمد : من زين كلامج .. كله سب وشتايم بخبر عليج ابويه يلستي تسبين الريال ..
عوشه تغاايضت من حمد : انته اونك ريال جاانك ريال خبر ابويه وافضح عمرك قبل ما تفضحني
حمد تم ساكت ..
وتيود حمد من كندورته وتدزه الحين تسير تشوف اخوك وين يالله
حمد : انزين لا تدزين الرجل الاخظر مب بنت حشى
حمد ظهر من الباب وسار صوب سيف اللي واقف يكلم حميد ومايد
حمد يا صوبهم .
سيف : شو السالفه حمد
حمد : ما شي بس ابا حميد ايي لانه اختي تبانا
سيف : اختك شو تبا فيكم بتطبخون
حمد : تعقب
سيف : هههههههه اسولف وياك يالله تعالوا براويكم الخيول في عزبتنا
ورمس حميد الدلوع : عندنا خيول .
سيف : ما شاء الله زين
حمد : بس ما نعرف نركب
سيف : انا بعلمكم افا عليكم
حمد استااانس : صدق
سيف : افا عليك وانا بو هندي
حمد : مشكور بس باجر الصبح اذا يينا صوب المزرعه ويا الوالد
سيف : ونحن بنبات هنه
حميد : انزين خلاص يوم بني بندق عليكم
سيف : ان شاااااء الله
حميد : يالله فمان الله
حمد : فمان الله
سيف ومايد : فمان الله
سيف استاااانس من حمد وحميد
سيف : شفتهم ؟
مايد : هي ما شاء الله عليهم
سيف : الله يحفظهم ياربي ..
تمت تتراواله عوشه وكيف تمت تسبهم
سيف ابتسم ومايد يطالعه
مايد : شو فيك ؟
سيف : ما شي ..
مايد : شو ما شي ليش تبتسم عيل ؟
سيف : يا خي ما في شي ابتسمت حرام ابتسم ؟
مايد : لا مب حرام .. شكلك شايف زول حد ومتونس جيه
سيف : هههههههه كيفي يا خي انته شو لك من الخانه فيني
مايد يبتسم : لا لا شكل السالفه فيها انا خبرني سواف منو شفت ..؟
سيف : خلنا نروح احسن من هالاستجواب يالله الحين بيذن المغرب .
مايد : يالله
------------------------------------------------------
مر الوقت وصلوا العشا وهم يالسين في المزرعه
حمد يطالع عوشه طول مب هم يالسين في المزرعه .. وهم يالسين ياكلون البهانس اللي شارينهم قبل ما ايون .
حمد : ما اتصلت امايه ؟
بو خالد : متوله عليها ؟
حمد : اكييييد الوالده هذي الدره
بو خالد : ههههههههه وانا ؟
حمد : انته راس الحربه
بو خالد : فديييتك وفديت رمساتك ياربي
عوشه : يالله نروح ابا اسير البيت .
بو خالد : شعندج هنااك اصبري شويه
عوشه : ان شاء الله
بو خالد : توه متصل فيني بو محمد طولي بعمره وقال يمكن ايي صوبنا ..
عوشه : شووووووو انا وين اسير ؟
بو خالد : انتي بتيلسين هنه ويانا
عوشه : ابويه انا استحي
بو خالد : لا لا هذا بحسبت عمج
عوشه ما قدرت تقول شي : ان شاء الله ابويه
بو خالد : حميد تعال همز رويلاتي شويه
عوشه : انا بهمزها ..
بو خالد : يعلج ذخر ياربي
ويلست تهمزها ..
شويه ويا عند الباب سيف
سيف :السياره بعدها موجوده اكيد هم الحين داخل .
سيف : ابا اشوفها مره ثانيه ان شاء الله تي صوبي .
سيف تم يدق باب المزرعه بحصاه كبيره عشان يسمعون ..
بو خالد : أكيد بو خالد ياي حميد سر قرب بعمك
حميد : سار يركض صوب الباب ..
سيف يسمع حد ياي صوبه : الحمد لله حد يا .
حميد فتح الباب : سيف ؟؟!!
سيف مبتسم : شحالك حمد
حميد : انا حميد
سيف : هههه ما عرفتك
حميد : آمر
سيف : يايبلكم مشاوي لازم يرانا اليداد لازم نظيفكم
حميد : مشكووووووووور توني يوعان
سيف : افا عليك تفضل ويانا ..
حميد : لا مشكور تفضل
سيف : لا لا بسير
شويه ويشوفون موتر بو محمد البورش ياي صوبهم وقف بو محمد ويا صوبهم خاشمه سيف ..
سيف : مرحبا بابو محمد
بو محمد : منو ما عرفتك ؟
سيف : انا ياركم ولد المرحوم سعود انا سيف البجر
بو محمد : مرحبا مرحبا والله شحالك الغالي
سيف : الحمد لله بخير ربي يعافييك الغالي
بو محمد : سهران ويا الشباب ما شاء الله
سيف : هيه نعم ويايب لهم شويه من المشاوي اللي مسوينها
بو محمد : دومك راعي اصول الغالي
سيف : اسمحولي الحين عاد بسير صوب الشباب
بو خالد يا صوبهم وسلم
بو خالد ما كان يعرف سيف : تفضلوا وشعنه واقفين ؟
سيف : لا ان شاء الله مره ثانيه
بو محمد : احدر يا الغالي ايلس شويه يقرب بك الريال عيب ترده ..
سيف : ما ارده وانا بو سعود
بو خالد : حياكم تفضلو يا مرحبا الساع ..
سيف : تسلم الغالي تسلم
بو خالد : هوود هووود
سيف مستااانس انه دش المزرعه ويبا يشوف ويه عوشه مره ثانيه
عوشه كانت يالسه ومستحيه تتحرى بو محمد ياي بروحه وكلام ابوها خلاها تيلس .. تتذكر يوم يقولها ( هذا مثل عمج ) يالله اول مره احس كأنه عندي عم .. ما ادري كيف بيظهر شكله
يالسه ترتب السفره
حطت دله القهوه اللي مسوتنها وحطت الفواله
عوشه : حمد قم حبيبي صب الغسول
حمد : ان شاء الله
ويو صوبها
بو محمد : هود هود
عوشه صدت وراها وهي مستحيه .. : هدا وقطعت الكلمه يوم شافت سيف ياي ؟
نشت واربعت
سيف يبا يضحك بس ما يقدر ..ويقول في خاااطره ..: وييييييييييييييييييييييو حره يا عوشانه
عوشه تركض بعدها ما تدري لين وين وصلت .. وهي تتنفس بصعوبه ..
عوشه : حسبي الله عليييك يا صراق البيبات شو ياي تسوي هنه .. شو يابك ... ؟ شو تبا والله لو لا المستحى جان طردتك .. ردت صوبهم وانخشت ورى الشيره .. وتمت تطالعه من بعيييييد
عوشه : شو يسوي هذا اف منه خاطري اصفعه بغرشه على راسه .. صراق البيبات وشوي تطالع بو محمد .. ما شاء الله بو محمد يبين صغير..انا اتحراه واحد من هالشواب الدهريين هههههه
وشوي تطالع سيف ويوم يضحك وياهم : خص الله ويهه محلاه مالت عليك يا بو نص شنب الرياييل فصخوا الحيا الحين وقاموا يحلقون شواربهم..تمت تفكر..لا لا شويه مب وايد.. تحليقته اوكي ..
بو محمد : هههه لا لا مب ولدي
بو خالد : اسمحلي الغالي ما عرفتك
سيف : افا عليك
سيف يشرب القهوه : لا هنتوا ع هالقهوه الطيبه
بو خالد : ولا هان مقدراك يا الغالي
سيف شويه ويشرق بها ويكح لين ظهرت عينه
عوشه ماااااااااتت من الضحك : والله انك تستاااااااااااااااااااااهل والله لو الود ودي جان صفقت من الوناسه .. تستااهل
بو خالد : سلمت حد يطريك
سيف في خاطره : عوشه
بو خالد : اتشهد ع ويهك ..
بو محمد يصب الماي فوق راس سيف ..
سيف : بس بس ما عليكم زود شكل الشباب يطروني بقوم اسير صوبهم
بو خالد : وين ساير تو الناس يالس
سيف : الشباب اكيد يدوروني الحين بسير عندهم رفجتكم طيبه الا اني استسمحكم
بو خالد : مسموح الغالي
شويه وعوشه تسمع وراها صوت غرييب .. وكان بعيد شويه
عوشه : هالصوت سامعتنه مب غريب عليه
يوم صدت شافت جلب سلوقي وراها واقف ..
عوشه في هالوقت مااتت من الروعه .. وتصرخ صرخه الكل سمعها وفز واقف
عوشه يايه تربع والجلب يربع وراها ..
كانت ميته من الصيااح وتركض ووصلت صوبهم وهي تصيح والجلب يلحقها ..
بو خالد وهو يزاعق : وابيه شو مستوي
عوشه يايه تربع وسيف وبو محمد مستعجبين من السالفه ؟
عوشه تصيح بحيل ما عندها : وتي صوب ابوها وتنخش وراه وتحضنه وهي تصيح
سيف انصدم يوم شاف الجلب وجاف عوشه تصيح جيه ؟؟ : هذا السلوقي مال أخوه ؟ شو يابه هنه ؟
الجلب اول ما جااف سيف وقف ويلس مكانه ووخى ؟
عوشه تمت تصيح وبو خالد ميودنها وحمد وحميد مب عارفين شو يسون وبو محمد بعد واقف يطالع
بو خالد يود عوشه وهي خلاص منهاره من الصياح وترتجف ..
سيف : ه ه ه ه هذا جلب اخويه شو يابه هنه ؟
بو محمد : لا حول ولا قوة الا بالله وشعنه هادينه يا بويه سيف وليه ما ربطتوه ؟
سيف وهو يعفد صوب الجلب وايوده من الحبل ..
سيف وعينه على عوشه : كان مربوط بس بطله الحبل لانه دوم يبطله ..
بو خالد معصب من الجلب
بو خالد يتشهد على ويه بنته ويرش عليها من االغسول ماي .. : لا حول ولا قوة الا بالله
عوشه بعدها فيها غبنه وردت تصيح وتحضن ابوها ..
حمد سار صوب عوشه ويلس يهديها : خلاص خلاص يودنا الجلب لا تصيحين
عوشه تزيد في الصياح وسيف يطالع عوشه بعيون حايره غمضته .. وده يجتل الجلب جدامها عشان تسكت كانت تصيح جنها ياهل وفي حظن ابوها..
بو محمد : سيف تعال الغالي تعال نظهر اسحبه هذا اسحبه
سيف بعده واقف ويطالع عوشه ومتضايق وكيف انها تصيح من كثر مب متروعه
بو محمد يا وسحب سيف وساروا برع ..
بو محمد : لا حول ولا قوة الا بالله زين جيه تروعون البنيه الحين ما بترقد الليل بيتم الا يتراوالها الجلب .
سيف متضايق : والله اني متلوم يا بو محمد ما اعرف الا كيف يا صوب مزرعتهم .
بو محمد : حسبي الله عليه من جلب .. اربطوه بحديد مب بحبل بيقصه بضروسه .
سيف : ما اعرف يا بو محمد كيف استسمح منهم الحين
بو محمد : سر انته الحين وانا بستسمحلك منهم ..
سيف : بكبري انتفض ما اعرف وين اودي بويهي .
بو محمد : استهدي بالله ولا تلوم عمرك انته ما سويت شي هذا ياي روحه يالله انهي عند ربعك
سيف : ان شاء الله
سار سيف وهو متلوم ومتضايج يوم شاف عوشه تصيح بحيل وتتخيله يوم تركض عن الجلب ..
دخل المزرعه وسار صوب الشباب .
الكل يطالعه وهو داخل واخوه شاف السلوقي في ايده
فارس : ليش يايبنه ؟
سيف معصب وواصل حده : يوده لعنت الله عليه
فارس عصب : بلالاه ليش تلعنه .؟
سيف يلس ومغط ريوله وحط ايده ورى راسه وتنهد : افففففففففففف استغفر الله
فارس : شوووو السالفه شو بلالاك ؟؟
مايد : اكيد عضك
فارس : لا ابويه ما يعض اللي يعرفهم
مايد : عيل بلالاك سيف ؟
سيف اعتدل في يلسته : كان ساير صوب مزرعة يرانا ومروع عيالهم
فارس : احلف
سيف: لومني كنت هناك ويا جدانا يربع
فارس يطالع الجلب .. : قص الحبل مره ثانيه يباله يربط بسلاسل
سيف معصب : فكنا منه ولا تيبه هنه
فارس معصب : على امرك
مايد متفاجا: حق انه زيغ عيالهم .
سيف : هيه والله
خليفه : حلييلهم روحهم صغاريه الحين لو عضهم
سيف : الحمد لله اني كنت موجود هناك ولا الحين جان نهش له واحد منهم ..
خليفه : الحمد لله شوف القدر كيف يسوق الواحد
مايد : هيه والله
سيف تم يالس يتخيل عوشه ياربي شو هاليوم الغريب العجيب في حياتي ما استوتلي مواقف جيه في نفس اليوم ..؟ وكله ويا منو ويا بنيه .. اول مره اشوفها .. واول مره اتعامل ويا جيه بنات .. في حياتي ما شفت اعند عنها ..وفي حياتي ما شفت بنت في جمالها .؟ جمالها غييير غير ويتنهد سيف ..
عوشه هدت ويلست
حميد بدى يضحك : هههههه حد يزيغ من جلب ؟
عوشه تطالعه بغيض
بو خالد : جب يالله اسكت
عوشه مستغبنه : ما ادري كيف ركضت بليا حاسيه يا بويه
بو خالد : صار اللي صار الحمد لله يوم الله سلمج منه
عوشه : والرياييل اللي كانوا هنيه متلومه منهم والله
بو خالد حب يلطف الجو: ما عليج هذا بو محمد حسبت عمج وهذاك ولد يرانا سيف حسبت اخوج
عوشه في خاطرها وين حسبت اخويه
حمد : ظهر الجلب مال أخو سيف
عوشه تصد بحيل : أحلف
حمد : والله
عوشه عصبت : جنه الا بالعماله هادينه .
بو خالد : لا تحطين في ذمتج يقول تراه دومه ينهد .
عوشه : لا الا بالعماله هادينه هذيل فروخ ما يخليون على ويوهم يبون الا الضر للناس
حمد : لا والله سيف ريال طيب وما عليه كلام .
عوشه صدت صوبه بحيل : منو سيف
حمد : اونج عاد
عوشه تطالع حمد بغيض
حمد تلعثم : سيف هذا اللي كان هنيه يالس توه
بو خالد : لا ما شاء الله سيف نعم ريال طيب
عوشه صدت الصوب الثاني وتذكرت كل المواقف اللي وياه : ترمسون عنه جنكم تعرفونه زين
بو خالد : استهدي بالله ويالله نروح الحين امج تامه تحاتي
عوشه : لا إله الا الله
بو خالد : محمد رسول الله
وفي الدرب اتصل بو محمد في بو خالد ..
بو محمد : السلام عليكم
بو خالد : وعليكم السلام ورحمه الله يا هلا ببو محمد
بو محمد : شحالك الغالي
بو خالد : بخير وعافيه الغالي
بو محمد : شحال بنتك يعلها الا اهون
بو خالد : الحمد لله بخير عن مساعه
بو محمد : نازعناه ريالك وقلناله غير الوديه اربط الجلب عدل
بو خالد : هذا شي وصار يا بو محمد وشعنه تنازعه هو ماله ذنب .. الجلب ما يتيود
بو محمد : متلوم فيكم ويبا يستسمح وقال انه الجلب دومه ينهد
بو خالد : الله يهداه ما عليه ما صار الا كل خير الحمد لله انه ما نهش ينبها .
بو محمد : الحمد لله
بو خالد : انا اللي والله متلوم فيك وما أحسنت ظيافتك ويتنا ورديت روحت
بو محمد: ما عليك يا بو خالد انا حسبت اخووك ولا تتلوم ولا شي .. في مرات ثانيه ان شاء الله
بو خالد : ان شاء الله يارب
بو محمد : استسمح منك الحين بو خالد وسلم على البنيه وعلى فريخات
بو خالد : يبلغ يبلغ الغالي
بو محمد : يالله فمان الله
بو خالد : فمان الكريم
----------------------------------------------------------------------يتبع الثاني
نسميها بدايه لدقات قلوب ناظبه ...لم يمر بها هوى الغرام .. ولم تنبت زهور المحبه في أحشائها .. عاشت حياتها على مياه الامطار الخفيفه .. والان نهر أراضيها المعسوله يشق طريقه الى اعماقها
هذه بدايتها واستمتعوا بها

اتريا ردودكم

وسموحه (غرشوب البدو) __DEFINE_LIKE_SHARE__

ريمووه العسل · 10-02-2008, 01:15 AM

تسلم اخويه ع القصة الحلووووة ونتريا البارت الثااني^^ __DEFINE_LIKE_SHARE__

A7la brensisa · 10-02-2008, 12:20 PM

يسلموو ع القصه.. __DEFINE_LIKE_SHARE__

Grshoob Albdoo · 10-02-2008, 12:53 PM

الجزء الثاني
وان شاء الله ينال على اعجابكم

سيف : افففففففففففففف مب قادر يرقد من كثر ما عوشه تتخيل له وكيف كانت تصيح يوم لحقها الجلب ..
سيف نش من فوق الفراش وكان صوبه مايد انجلب وشافه ناش ..
مايد وهو فيه رقاد : وين ساير ؟
سيف بصوت واطي عن يوعي الباجين : ما فيني رقاد بظهر شويه ..
مايد استغرب من سيف وانجلب الينب الثاني قال في خاطره هو من يوم يا من صوب بيت يرانهم وهو مب على طبيعته
سيف طلع برع وصاد صوب مزرعة قوم عوشه.. ويرمس عمره : شكلها بطرانه والخير عامنها .. بس دخلت قلبي .. في عينها نظره غريبه وويها يجمع كل الوصوف
طلع تيلفونه ويلس يكتب اللي يدور في باله
على بالي طرى حلو الدلالي ..
يعجز البال في قولة وصوفه
مدلع حيل ما خلى مجالي ..
اعبر عنه وما عيني تشوفه .
ملاك وبالحسن نجمٍ يلالي ..
مربع بالسما ما حل قطوفه .
من اسمه فز قلبي وراح حالي .
خفيفٍ ع اللسان اربع حروفه
بحرف العين عله دوم نالي .
من الخيرات شي ما يطوفه
وحرف الواو والله جا ببالي .
اشوفه دوم ودايم دوم اشوفه .
وحرف الشين شربكني وقالي
رمس رمسه وأسرتني حروفه
وحرف الهاء هالله يا الغزالي ..
على قلبي خذه بعطفٍ وروفه
احتفظ في الكلمات في تيلفونه وقام وسار صوب الشباب ورقد .. وكانت الساعه 3 في الليل
------------------------------------------------------------
واليوم الثاني صباح الاحد كانت الساعه 10 ونص والجوو رهييب ومغيم
ام خالد : هاه اليوم كلكم متوقضين .؟.
حمد : بنسير المزرعه
ام خالد : هههههههه وشعنه
حمد يتذكر انه سيف قايله بيعلمهم كيف يركبون الخيل وكان وايد متحمس لهالشي ..: بس جيه عيبتنا السيره
ام خالد : يالله عيل انا بزهب الريوق والدلال
حمد : يااااااويلي بنسير صوب المزرعه
دخلت عوشه : وين بتسيرون ؟
حمد : صوب المزرعه .
عوشه تفكر : انا ما بسير
حمد : احسن والله انج ويه نحس من سرنا هناك استوالنا كل شي شين
عوشه : جب ما يخصك
ام خالد : مب مخلينج روحج هنيه
عوشه : بتم ويا سالم
ام خالد : سالم ساير الدوام
عوشه : اوكي ما عليه .. بسير بس بشرط .
ام خالد : آمري ..
عوشه : حمد وحميد ما يضهرون من المزرعه
حمد عصب : ماااااا يخصج
عوشه : انته اللي ما يخصك انا اختك وانا اللي آمرك
ام خالد : لا حول ولا قوة الا بالله شو هالمنكر بعد .. وشتبين فيهم خلهم يطلعون هم شباب الحين
حمد : ويييييييييييييييييييييييييييو حره ..
عوشه : عادي عندي
حمد : انا بسير صوب ابويه وحميدان .. تراهم صوب الموتر ويقول حق عوشه يالله منااك ..
عوشه : اف منه
ام خالد : يالله تعالي شلي ويايه الاكل ..
عوشه : اوكي
-------------------------------------------------------
فارس : سرت واشتريت له سلاسل .
سيف : احسن ..
فارس : خبرني كيف وصل الجلب صوب مزرعة يرانا .؟
سيف : ما ادري بس انا اقول يمكن من صوب اليدار المكسور ؟
فارس : أي يدار مكسور ؟
سيف يتذكر عوشه يوم يشوفها صوب اليدار المكسور : خلاص خلاص خلصنا من هالموضوع .
فارس : ياربي شو فيك انته عصبي وما تداني رمستي ؟
سيف : لا تقول هالكلام .. بس انا هاليومين معصب وسامحنا
فارس تم ساكت ..
حمد وحميد وصلوا المزرعه ويلسوا شويه وياهم وساروا بدون ما يدرون .. مزرعة قوم سيف ..
حمد : يالله ندش
حميد : وين تدش فظيحه
حمد : يالله عاد كلهم شباب ونعرف سيف ومايد
حميد : اوكي ..
دشوا واول واحد شافهم فارس
فارس استغرب
حميد : شفت فظييحه هذا واحد ما نعرفه
حمد : صبر شويه
حمد : السلام عليكم
فارس : عليكم السلام
حمد : سيف هنييه ؟
فارس : هيه هنييه
حمد : انزقره الله يخليك
فارس : تعالوا
ووداهم صوب سيف
سيف كان عند الخيل يالس ينظفه
حمد : السلام عليكم سيف
سيف نش ويطالع : هلا والله وعليكم السلالام يا هلا بالتوام
حمد وحميد سلموا على سيف
فارس : سيف منو هذيل .
سيف : هذيل عيال يرانا
فارس : يا مرحبا والله هم اللي روعهم الجلب ؟
سيف : هيه
فارس : سامحونا ما ندريبه انه منهد
حمد : لا والله مسموح
فارس : يالله انا بخليكم بسير شويه عن الشباب
حميد : الله يحفظك
سيف : ما شاء الله عند الوعد ويبتسم لهم
حمد : اكييد .. يالله والله متحمس
سيف : هههه هيد شويه لازم تتعلم step by step.
حميد : Of course
سيف تم يطالعهم يشبهون عوشه الخالق الناطق .. تنهد
حميد : وين الجلب اللي يانا البارحه
سيف صد صوب حميد : مربوط
حمد : صدق روعها حليلها ..
سيف ساكت وعيونه تطالع حمد وحميد : والحين زينه ؟
حميد : زينه في مزرعتنا ويا امايه
سيف مستااانس: يالله تعالوا بعلمكم
حمد : اوكي
-------------------------------------------------------------------------
عوشه متغاايضه لانه حمد وحميد ظهروا ..
ام خالد وبو خالد كانوا يالسير برع لانه الجو روعه .. وبعدها يلسوا يسقون الزراعه ..
عوشه تمت تتمشى .. وياها فضوووول قوي تبا تطالع شو في مزرعة قوم سيف ..
عوشه مشت لين اليدار المكسور .. وحطت ايدها على اليدار .وتمت توايق من اليدار ..
تبا تشوف شي ..
كانت الشيره مخبيه على المكان .. ركبت فوق اليدار .. وانخشت الصوب الثاني ..
عوشه : شو يسون .. تمت تطالع وتطالع ..
عقب خطف اخوها حميد يركض ..
عوشه شهقت : يا وييييلكم يا سواد ليلكم يا عيال راشد
تمت تطالع وشافت اخوها حميد شال سطل الماي ويمشي فيه
عوشه : يعلالللللله مشغل اخواني بشاكير عنده .. شوه يسوون انا ابا اعرف ..
عوشه : انا اقوم انزل احسلي لا يشوفني حد من هالفروخ ...
نزلت عوشه وسارت جدى ابوها وامها ..
---------------------------------------------------------
ما شاء الله عليكم بسرعه تتعلمون
حميد : كيف ما تبانا نتعلم بسرعه ونحن من الاوائل
حمد : رمس الخقاق
سيف : ههههههه لا لا مب خقاق الاول لازم يفتخر بنفسه
حمد : يالله يالله انا اتريا نركب فوق الخيل ..
سيف : الحين بنركب افا عليك انته
حمد : يالله
--------------------------------------------------------
فطيم : وشو هالاثاث الغاوي ..
عوشه : بعدج ما شفتي شي ..
فطيم : والله انهم عز
عوشه : تعالي تعالي نحوط برع دام الجو رهيب ..
فطيم : يالله
ظهروا برع وتموا يحوطون ..
ام خالد : تفضل .
فطيم وعوشه كانوا مارين
بو سعيد : تلحفن زين هنه مكودين الهنود
فطيم تطالع ابوها وتصاصر عوشه : ياربييييييييه ابويه كله مناشبني مول ما يدانييني استانس
عوشه : هههه حليله خلييه ..
فطيم : تعالي مزرعة منوه هذي حذالكم ؟
عوشه : افففف مزرعة ناس يمللون .
فطيم : صدق ؟
عوشه : ههههههه لا والله ما ادريبهم بس ولدهم يغايض
فطيم شهقت : وانتي شعرفج بولدهم ؟
عوشه تضايقت وبوزت : فطيم بخبرج شي بس ما اباج تخبرين حد
فطيم منصدمه شو السالفه عويش خبريني
عوشه : ياربيييييييييييه اف منه
فطيم : شووو مغامرات صايره وانا ما ادري ؟
عوشه : الا مغامرات .. مستويه احداث وفلم هندي بعد
فطيم : يالمستخفه ليش ما تخبريني ؟
عوشه : الصراحه فضيحه ما اقدر اخبر حد
فطيم : والله ان ما خبرتيني بجتلج
عوشه : صبري انزين بخبرج تعالي نيلس هناك
----------------------------------------------------------------------------------------
سيف : حميد لا تروع عمرك ليش زايغ شوف اخوك ما شاء الله
حميد : مب زايغ بس ما ادري ليش جيه اتنافض
سيف : حمد خلك ثابت .. صح شاطر .
حميد : انا شكلي بطيح
سيف : لا ان شاء الله ما تطيح ..
حمد : اول مره اعرف انه ركوب الخيل جيه وناسه
حميد : وانا اول مره اعرف انه ركوب الخيل جيه صعب .
سيف : ههههههههه هذا الشي الوحيد اللي ما اتفقتوا عليه
--------------------------------------------------------
فطييم شهقت : يا المستخفه ليش ما خبرتيني من امس ها كله ..
عوشه : فاضتلج
فطيم : والله قوي عين هذا
عوشه : هيه والله
فطيم : اشوف اليروح ؟
عوشه راوتها ..
فطيم : لو انا منج بصفعه على اللي سواه فيج ..
عوشه : وشلي اسوي وياه ان واخواتها
فطيت ردت تظحك : والللله اني اتخيلج يوم تركضين عن الجلب تخيلي عمرج ركضتي ونخشيتي وراه .
عوشه : ههههههههههههههه يهبي الحمد لله انه ابويه في الواجهه ولا جان رحت فيها
فطيم : انزين انزين ما خبرتيني حلو ولا
عوشه : ياريته خسف لكرهته مرتين
فطيم : شوووووووووووو لا تقولين غاوي
عوشه حاست ويها : الا غاوي .. تقولين من هالممثلين الكوبوي الامريكان
فطيم : ياويلي .. كيف شكله
عوشه تتذكره : طويل ما شاء الله وشعره بعد طويل .. لكن مب وايد يعني نص ونص شروات حمد وحميد .. وخشمه طويل بعد ..
فطيم وقاطعتها : لا حول ولا قوة الا بالله صاحب الظل الطويل هذا ..
عوشه : يالله عاد اسمعي ..
فطيم : عوييش والله خاطري اشوفه
عوشه : شو تبين فيه
فطيم : بنخطبه لج
عوشه : يهبييييي
فطيم : شو يهبي شو فيه بعد
عوشه تتنهد : ما فيه شي بس ما اباه بطران وبزيان يتحرى كل شي يشوفه لازم يكون له .
فطيم : انزين الحين هو شافج واتولمي .. بتكونين له
عوشه : فطييييم
فطيم : لا حول خلاص خلاص ما بنرمس
عوشه : تعالي نسير صوبهم عن نبطي عليهم ..
فطيم : يالله
----------------------------------------------------------------
سيف : هاه شرايكم
حميد : والله ما ادري يمكن ما ايبنا ابويه باجر
سيف : لا ايبكم برايه انا بيي آخذكم من بيتكم
حمد : شووو من بيتنا ؟
سيف : هيه نعم فيها شي ؟
حمد : والله الوالده والوالد واولهم اختي ما بيطيعون
سيف عيبته سالفت اخته : الولد والوالده اوكي لكن اختك شو يخصها ..
حمد يطالع سيف بأستغراب .: لا لا اسمحلي ..
سيف: يا ريال ما بتخسر شي والله بدال ما تسيرون نوادي ومكانات تعلمكم ركوب الخيل انا بعلمكم وببلاش .. ويبتسم
حمد : انزين خبر الوالد
سيف : الحين سايرله
حمد : هههههههههههه يالله والله الحين تلقاه يالس روحه ويا الوالده ويتقهويون
سيف : تعال يالله يالله عن يسير مكان
حمد وحميد : يالله
سيف : ولا اقولك صبر بسير اعق ثيابي وبلبس شي ثاني
-----------------------------------------------------------------
ام خالد : هنه بنوري انته شعلييك ..
ام سعيد : يالله عيل سايرين نيب الكشار .
ام خالد : يالله قومي .. بو خالد قم ودنا صوب البيت .
بو سعيد : لا لا انا بوديكم .. بو خالد خله ايلس ويا البنيات هنه
ام خالد : يالله ..
شويه ويت عوشه وفطيم : عوشه وين سايريين ؟
ام خالد : انا بسير صوب البيت بنيب الكشار هنه بنوري ..
عوشه : ونحن
ام خالد : انتن حريم تمن هنه ويا ابوكم وخله الهندي يزقر حميد وحمد
عوشه : ان شاء الله
طلعوا ام خالد وام سعيد وبو سعيد صوب البيت عشان ايبون الكشار .. وعوشه تمت ويا فطيم
فطيم : ياربي ريت سلوم هنيه
عوشه : اندوك انته
فطيم : شو ليش غيرانه
عوشه : مب غيرانه ولا شيات بس انا مب ساده عينج ؟
فطيم : فديييييتج والله ما لي غنى عنج
عوشه : لا لا افا عليج بزقر سلوم الحين
فطيم : خله يولي سلوم الحين خلنا نحن نستانس هنيه ..
فطيم عقت عباتها وعوشه كانت عاقه عباتها من قبل وتمن بالشيل ..
بو خالد : عوشه
عوشه : لبيه ابويه
بو خالد : وين الابر مال السكر ؟
عوشه حطت ايدها على ويها : ابيييييه نسيتهن
بو خالد : ما شاء الله علييج
عوشه : والله نسيتهن كانت امي حاطتنهن في الصاله وقالتلي اشلهن ونسيت
بوخالد : امج ما عندها تيلفون عشان نتصل فيها بعد
فطيم : اتصل في ابويه انزين ..
بو خالد : اتصل في ابو فطيم .. وحصله مغلق ..
بو خالد : مغلق ..
فطيم : والحين
بو خالد : شو اسوي موعد الابره طاف ولازم آخذها الحين .. احس راسي يدور ..
عوشه تروعت على ابوها .. : ابويه ايلس فديتك والله ما تتحرك انا بتصل حق سالم ايبهن لك
بو خالد : لا لا سالم في الدوام وين تخلينه يترخص ..
عوشه : خلني بتصل فيه انته مالك خانه
شويه ويا حمد مستانس : السلام عليكم
عوشه تطالعه بطرف عينها : يا الهيات
بو خالد وفطيم عليكم السلام
حمد : انتي شو يخصج
عوشه : انا الحين مب فاضتلك ولا بتشوف
حمد : يالله منااك
بو خالد : وين انتوا من الصبح ؟
حمد ارتبك : عند قوم سيف
عوشه وقفت وتمت تطالع حمد : وشو تسوون ابا اعرف ؟
حمد : افففف منها انا بجاوب على أسألة ابويه بس ..
عوشه : لا تعصب ببويه روحه تعبان من السكر ..
حمد تروع : شو فييك
بو خالد : كل خير وين اخوك
حمد : اممممممم حميد واقف برع ويا سيف .
عوشه : شو بعد عنده روحكم يايين عنه يايين تكملون السهره هنه حظراتكم ..
حمد : ما يخصج ياربي
بو خالد : شو فيه سيف
حمد : يبا يرمسك في سالفه
عوشه : شو سالفته بعد هذا من متى يسوي سوالف
فطيم تطالع عوشه
حمد : ابويه ادخله والله فضيحه واقف عند الباب
بو خالد : دخله
عوشه : افففففففففففف وفطيم تغمز لها ..
فطيم : تعالي عوشه نسير هناك ..
عوشه : اوكي ..
فطيم تسحب عوشه ويسيرون ينخشون الصوب الثاني ..
فطيم : شو هالحظ كنت ابا اشوفه ويا روحه ..
عوشه معصبه : شوووو عنده ابا اعرف ياي هنه .. شو يبا بخواني .. ؟
فطيم : لا حول ولا قوة الا بالله انتي هيدي خلينا نعرف السالفه قبل ..
عوشه تمت واقفه ويطالعونهم من ورى الشير ..
فطيم شهقت يوم شافته : هذا احلى عن اخوج سلوم
عوشه : يا الخماام تشبهين اخويه بها الخسف
فطيم : والله اني اقول الحق ..
عوشه تمت تطالعه شكله اليوم رووووووعه لابس كندوره عربيه وغتره حمرا .. شو اليوم ياينه متكشخ ..
فطيم : والله ما عندج ذوق يا عويش حد ينجف من هالجمال ؟
عوشه : ياربيي شو فيج انتي انا شدراني فيه ؟
فطيم : شو اشدراج فيه اول مره جافج عند اليدار وتكلم وياج وثاني مره ويا البانشي ماله وثالث مره هنيه ويا الجلب ما مزر عينج جماله ابا اعرف ؟
عوشه تمت ساكته وتطالعه ..
فطيم : هزرج شو يقولون ؟
عوشه : هذا عنده سوالف ما تدرين عنه انتي .. الا ينشب في خواني الصغار
فطيم : احسن وسيله يا الغبيه .. هذا يسمونه تكتيك اول شي يخلي اخوانج يلصقون فيه وكل يوم عنده وعقب يمكن يسحب سلوم وياهم .. وهلم جرا وآخر شي انتي عاد
عوشه تضرب فطيم : جب يالله
فطيم : انتي على منو طالعه جيه راسج يابس .. يا اختي استحي على ويهج ..
عوشه : انتي تعلميني على هالسوالف وانا بعدني صغيره
فطيم : أي صغيره مالت عليج
عوشه : خلينا نطالع وبس .
فطيم : ههههههههههههههههههههههه والله انج سوسه تبين تطالعينه و تطبعين صورته في راسج هااه
عوشه : والله انج سخيفه ومحد يسويلج سالفه
فطيم : انزين انزين خلاص ما بتكلم
------------------------------------------------------------------------------
بو خالد : هههههه وين بنحصل احسن عنك يا الغالي
سيف استاانس : الله يخليك ويطول بعمرك
بو خالد يحس بدوار اكثر .. : بسم الله الرحمن الرحيم
حمد : ابويه ايبلك االابره
بو خالد : يا بويه نستهن اختك ما يابتهن
حمد عصبت : اف منها ..
سيف : السموحه ع السوال بس ابر شو
حمد : ابويه فيه السكري وياخذ ابر
سيف : الله يعافييك يا الغالي
حمد : وناسنهن في البيت
سيف : افاااااا عليييييك امره انا ساير ايبهن .. الا طرش واحد من عيالك ويايه ويبهن لك الغالي .. والله حسبت الوالد
بو خالد : لا ما علييك الغالي ان شاء الله يوم بسير البيت باخذها ..
سيف ونش : والله وثم والله اني اسير ايبهن .. حمد تعال ويايه
بو خالد : من طيب اصلك الله يحفظكم
سيف سار يربع ايب موتره وركب حمد وساروا صوب البيت عشان ايبون الابر لابو خالد
يت عوشه صوبهم
عوشه : شو السالفه
حميد : ساروا ايبون الابر حق ابويه .
عوشه بصوت واطي : اونه خوي شما
فطيم : هههههههههه هي عيل شوو
يلسوا
عوشه : انزين شو سالفتهم شو يايبلك اليوم يا بو خالد من سوالف عيالك
بو خالد : عيالي يبون يتعلمون على الخيل والريال داق الصدر يبا يعلمهم
عوشه : ووافجت
بو خالد : هي نعم
عوشه : وشعنه ؟
بو خالد : خليهم يستانسون ويتعلمون دام الخيول موجوده
عوشه : يا بويه ما تخاف عليهم من هالشباب .. هذيل بعدهم يهال
بو خالد : افا وانا بو خالد خوانج رجال ويعرفون جيف يتصرفون انا ربيتهم على هالشي وانا واثق في افعالهم .. والريال اللي يا ريال طيب جسته من يلسته ومن ترحيبه لي ومن رمسات خوانج لي عنه .. ما عليه زود لا تذمين فيه
عوشه تضايقت : انا ما كان قصدي بس اقولك انه لازم تخاف عليهم
بو خالد: لا ان شاء الله ريايل ونعم الريايل .
--------------------------------------------------------------------------------------------------
حمد : وقف وقف
سيف : هذا بيتكم ؟
حمد : هيه ما عيبك اكيد ..
سيف : لا والله ما فيه شي
كان بيت قوم عوشه عادي وحتى ما فيه حوى كبير و سيارة ابوها الثانيه الجديمه كانت موقفه جدام بيتهم لانه ما عندهم مكان داخل يحطون المواتر فيه .. نزل حمد
حمد : برد بسرعه
سيف : ان شاء الله
سار يبربع حمد صوب الدوا مال ابويه
سيف : والله ما توقعت بيتهم يكون جيه .. كنت اتحسبه طابقين .. من اشكالهم يبان عليهم العز ..
شويه ويا يركض حمد وركب الموتر
سيف : ما شاء الله عليك وصلت
حمد : هيه لاني اعرف محله ..
سيف : يالله عيل نرد
حمد : تعبناك وايد
سيف : تعبكم راحه يا الغالي
حمد : سيف انته عندك اخوان صغار ؟
سيف يبتسم : عندي بس مب كبرك
حمد : كم عمارهم ؟
سيف : انا اكبر واحد وبعدي بنتين وبعدين ولدين وبنت ....,و فارس اللي كان يايبنكم صوبي هذا عمره 22 سنه واحمد موجود ويانا بس انتوا ما شفتوه كان مداوم .... وعمره 20 سنه
حمد : ما شاء الله انتوا كثيرنا
سيف : هههههه ماشاء الله
حمد : نحن اول شي اخويه خالد وبعدين سالم وبنت ونحن وبنت اصغر عنا بسنه
سيف : الله يحفظكم .. انزين اخوك خالد كم عمره ..
حمد : يمكن في الثلاثينات
سيف تروع يتحسب عوشه كبيره : هييه وسالم ؟
حمد : سالم الاسبوع اللي طاف كان عيد ميلاده .. ودخل ال25
سيف : ما شاء الله العمر كله
حمد : وانا وحميد دخلنا ال12 الشهر اللي طاف ..
سيف : ما شاء الله عليكم الله يحفظكم ..
حمد : وانته كم عمرك ؟
سيف: انا 27  شيبه صح والسنه اليايه بدش 28
حمد : هههههه لالا افا عليك
----------------------------------------------------------------------------------
فطيم : شلينا الدياي وفورناه ..
ام سعيد : هاتيلي القصدير انا بسوي السمج وبشويه
ام خالد : بهريييه وحطيله ملح شويه بو خالد يحبه جيه مبهر ..
ام سعيد : ان شاء الله
ام خالد : فدييته ويعله فيني عوقه,, قلبي ما يطاوعني اشوفه جيه
عوشه : الله يعافيه ياربي
ام سعيد : هذوه حمد ياب الابر
ام خالد : والله انه نشمي ولد اياويد هالريال
عوشه في خاطرها لا تمدحينه يا اميه وايد
ام خالد : عليه انه اطرشلهم من غدانا ..
عوشه : وشحقه
ام خالد : وانتي شتبين خليهم ياكلون
عوشه : ما يستاهلون
ام خالد : عجب
فطيم تطالع عوشه ويرتها على صوب : شو هالرمسه ما تستحين
عوشه : وليش استحي
فطيم : امج تبا تطرش صوب قوم سيف اكل انتي شحقه دايره عرض
عوشه : ما ابا تطرشله
فطيم : تتدلعين اونج خليه فقير كاد بموتره لين منطقتكم ولين بيتكم ويايب لبوج الابر ما يستاهل شويه من أكلكم
عوشه : يستاهل يستاهل خلينا الحين نعابل وياهم
-----------------------------------------------------------------------
فطيم : انتي اللي ما عندج سالفه يا العنز .. والله قلبج حجر ولا هزه شوفته ؟
عوشه معصبه : اللي مثل اشكاله ما يهز مني ولا شعره
فطيم : حلفي
عوشه تمت ساكته
فطيم : يعني اثر فيج
عوشه زعقت : بس عاد فطيم اذيتيني
فطيم : انزين مشكوره وغير المره جان كلمتج عن هالسالفه قصي لساني
سالم : ما يحتااي يا الغالي الخير وايد هناك
سيف : تدري انه اليوم بالذات الشباب يبون يشترون من المطعم وانا مالي طربه على هالسوالف
سالم : ام سالم هذي ربي يحفظها هي اللي مطرشه لك بالخص
سيف : يعلني ما اذووق حزنها ياربي
سالم : تسلم
سيف : حمداني دش ما عليك من اخوك سلوم هذا خقاق وايد يستحي
حمد : ودي بس الوالده وايد طابخه خيرها بغيرها
سيف مبتسم
سالم : يالله عاد نترخص وفرصه سعيده انه تعرفنا عليك
سيف : وانا اسعد
حمد : يالله اشوفك العصر
سالم : ما شاء الله مخططين شو عنكم العصر ؟
حمد : ترى الحين سيف يعلمنا على الخيل
سيف يضحك
سالم : ما شاء الله مدربهم وانا ما ادري
سيف : دامنا فاضين الحين خلنا ندربهم
سالم : وليش ما عندك دوام
سيف : ماخذ اجازه
سالم : ووين تداوم ؟
سيف : في الاتصالات
سالم : احلف ؟
سيف : ادري اداوم وياكم بس انا ولا مره شفتك
سالم : ولا انا
سيف : لانه انتوا مدخلكم غير عن مدخلنا وبعدين منقسمين عنا
سالم : هي انته في أي فرع .
سيف : فرع الماليه
سالم : الله يوفقك ياربي
سيف : الجميع الغالي
سالم : اخليك عيل الحين وان شاء الله جريب نتشاوف
سيف : ان شاء الله
حمد : يالله مع السلامه
سيف : مع السلامه
-----------------------------------------------------------------------------
العصر كانت فطيم طايحه على ريول عوشه وتطالعها ويالسه تسولف وياها تحت الشيره وحمد وحميد يسبحون ويا بو خالد وبو سعيد وسالم وام خالد وام سعيد يطالعونهم
بو خالد : نصخي متيود عليه من زمان ما سبحت
بو سعيد : انا بعد يا بوك يالله قم نظهر
بو خالد: ام خالد هاتيلي الفوطه بظهر
بو سعيد : وانا بعد
حمد يغمز لحميد : نحن بعد بنظهر
ام خالد : بسك عن تيهد
سالم : يالله عيل بظهر
عوشه : قالتلي منايه انها يوم الخميس بتملج بتسيرين ملجتها ؟
فطيم : احلفي ما عزمتني ما بسير عيل
عوشه : عن المصاخه يعني ما عزمتج ما بتسيرين
فطيم : هيه اذا دقيتيلها قوليلها ترى فطيم زعلانه وما بتي ملجتج ولا عرسج
عوشه : باجر بدقلها لانه امس مرمستنها
فطيم : خلاص خبريها
عوشه : لا تحاسبينها يمكن نستج
فطيم : اندووك صدق انا مغيره رقمي وما طرشته لها عشان جييييه
عوشه : دوومج تحطين في ذمتج يا اميه مب زين

فطيم : قوليها قوليها انه فطيم مغيره رقمها ونست تطرشه لج اذا قالت لج شي اوكي
عوشه : انا ما اروم اجذب
فطيم: عويش عاد لا تخربين عليه خاطري اسير الملجه
عوشه : ان شا الله .. انتي الا تبين تتطالعين الناس
فطيم : هي ابا اطالع الدنيا شحقه مسوايه
عوشه : استغفر الله انتي شو ترمسين شو هالرمسه
فطيم : استغفر الله
سالم يا صوبهم : شو تسوي هاي منسدحه يالسه تفلينها عن القمل
عوشه : اخييييييييييييييييييه وتفر راس فطيم مناك
سالم هلك من الضحك
فطيم عصبت : والللللله يا سلوم وين بتسير عني انا الحين فيني قمل
سالم وعوشه : هههههههههههههههههههههه
فطيم تضرب عوشه : يعلج زين ما كسرتي رقبتي
سالم : عويش ليش ما كسرتي رقبتها
فطيم فتحت عيونها : تبالي الموت
سالم : ههههههه حشاج يا ام سراج
فطيم عيونها امتزرت دموع : انا ام سراج اوكي ما عليه
وسارت زعلانه
عوشه : وشعنه تسوي فيها جيه الحين هذي مرتك المستقبليه تسوي فيها جيه
سالم : هههههههه خليها خليها انا احب اسوي فيها جيه
عوشه : وشعنه
سالم : انا خبرت امي وابويه اني ابا فطيم وامي رحبت بالفكره وقالت بتخبر خالي وامها
عوشه : احلف سلوم
سالم : والله
عوشه : مبرووووووووووك
سالم مستانس : الله يبارك فيج
عوشه : بسير اخبر فطوم
سالم : لا لا خليها انا اباها ما تعرف واتم زعلانه جيه
عوشه : انته بعد سوالف
ام خالد : نحن بنروح عوشه
عوشه : عيل انا شو يخليني .
ام خالد : تمي هنه ويا ابوج ويا خوانج الصغار
عوشه : ياربيييييييييييه ان شاء الله
ام خالد : انا برّوح ويا ام سعيد وبو سعيد
عوشه : الله وياكم
فطيم : انا بروّح عنج بعد عويش
عوشه : حرام فطوم تمي ويايه
فطيم : لا لا بسير ويا سعيد ومرته السنما عازميني تغايض سالم
سالم : نعم ؟
فطيم مطنشه
عوشه : خلها تسير ما يخصك فيها
فطيم : فدييت روحج يا العاش
سالم : انزين هالمره مسامحينج
فطيم طنشت سالم وسارت ركبت في الوتر وسالم بعد روح عند ربعه
حمد وحميد شافوا الكل روح وساروا صوب سيف
وكانوا ربعه مروحين وتوهم راكبين الموتر
سيف : يالله فداعه الله وحفظه
الكل : فمان الله
سيف شاف حمد وحميد وستاانس
حميد وحمد : السلام عليكم
سيف : وعليكم السلام هلا والله
حمد : هلا فيك
سيف : شخباركم
حمد : الحمد لله تونا ضاربين سبحه غاويه
سيف : ههههههه زين نعيما
حمد : الله ينعم عليك
سيف : شو تبوني اعلمكم الحين
حميد : والله انا خاطري اسوق دراجتك
حمد : لا لا انا ما ابا
حميد : انته مالت عليك
سيف : انا اخاف عليكم من الدراجات ولا بركبكم عادي
حمد : نحن ريايل ما ينخاف علينا
سيف : الله يحفظكم ياربي
حمد : بس انا ودي اركب الخيل تعال مزرعتنا
سيف : مزرعتكم ؟
حمد : هي محد هناك
سيف : ليش وين اهلك
حمد : كلهم روحوا نحن تمينا ويا ابويه واختي
سيف : لا لا خلنا هني احسن
حمد : تعال يا اخي شو فيك انته لا تستحي اختي بتيلس داخل
سيف استانس : يالله
حمد دخل المزرعه وخذوا سيف وودوه صوب ابوهم اللي كان عند الخيول يتعلم كل صغيره وكبيره وعداله عوشه يالسه على الحشيش .. ورابطه كندورتها على خصرها وطالع الجنز من تحت ولابسه بوت طويل يخص الخيل ويالسه تشخبط في كراسها ولافه شيلها على راسها ولابسه نظارات .. وحاطه السماعات في اذنها وتسمع
ميحد : من كثر حبك تشابه دمك ودمي
سيف دش ويطالع المكان نظيف ومكيف وشي مرتب للخيل ..
سيف : ما شاء الله منو يهتم في الخيول هنه ؟
حمد : ابويه وفي هنيه هندين ومختص ايي كل اسبوع عشان يشوف الخيول .. هذا اللي خبرونا عنه بس لين الحين ما شفته ..
يوم لفوا صوب بو خالد : كانت عوشه يالسه فوق ما تنشاف ..
بو خالد : انزين متى بيي المختص
الهندي : يوم الاحد الصبح
حميد يا يركض صوب ابوه
حميد : ابوويه
بو خالد : شعندك
حميد : سيف ياي ويايه
بو خالد نسى انه عوشه يالسه فوق الحشيش : حياه سيف يا مرحبا
حمد : سيف تعال محد هنيه
بو خالد : مرحبا بأستاذنا
سيف مبتسم ويتخاشم ويا بو خالد
سيف : شحالك الغالي يعلك الا اهون الحين
بو خالد : الحمد لله بفضل الله ثم فضلك
سيف : ما سوينا غير الواجب
بو خالد : هاه شو هباتك ويا الشبيبه
سيف : هههه ما شاء الله نمبر ون في التعليم
بو خالد : الحمد لله دام المعلم نمبر ون هم بيغدون شراته
سيف : الله يخليك ويبارج فيك
عوشه الحين انتبهت بأنه ابوها يتكلم ويا حد ثاني غير الهندي اللي كان وياه .. كان الباب ساد وما تشوف شي تمت يالسه وتطالع
بو خالد : وانا بديت الحين افهم شويه في الخيل وتربيته
سيف : ما شاء الله ما شاء الله انا اقول حمد وحميد على منوه طالعين ثرهم عليك
بو خالد : هههههه الله يخليك ويبجييك
سيف : كم خيل عندكم ؟
بو خالد : هذيل خمسه واليوم مولودين توام
سيف : الله يزيد ويبارج
بو خالد : تسلم الغالي
سيف حس بحركه غير طبيعيه في اسطبل الخيل اللي واقفين عدالها
بو خالد : تعال براويك التوام .. اطالعهن وشوف صحتهن ما دامك خبير وعارف في هالامور
بو خالد مشى وحمد وحميد ركضوا قبله وسيف شاف انه حبال جوتيه متبطله نزل تحت ويلس يعدلهن
سيف سمع الحشيش يتحرك وحب يشوف شو سالفة الحشيش سار يوايق وتفاجأ بعوشه يالسه فوق وحاطه ايدها على ويهها وتطالعه من صوبعها
سيف تفاجأ يوم شاف عوشه يالسه وتطالعه من بين صبوعها
سيف بلا شعور : شو تسوين هنه عن الحشيش والخياس ؟ ؟
عوشه وهي تنزل ايدها وحست انها بتصيح وكانت تبا تسأله انته اللي شو تسوي هنه
عوشه حطت كتابها على ويها وتحس ويها محمر
حمد من بعيد : سيييييييف تعال هني نحن
سيف اتلعثم وما عرف شو يسوي تم يحج شعره من المستحى .. وسار يركض صوب حمد
عوشه كانت تنتفض ومب عارفه شو تسوي جنها اول مره تشوف سيف
نزلت من على الحشيش وريولها مب شالتنها .. تطالع الدرب .. وسيف كلحين يصد وراه ويطالع
عوشه : الله يخسه من ايي هنه يسويلي رعب ما ادري شو فيني انتفض
مشت عوشه وسارت صوب الحصير وشربت ماي ولبست عباتها .. واتصلت في فطيم
فطيم : نعم توني شايفتنج
عوشه : فطيم والله بموت من الزيغه
فطيم زاغت : شو السالفه عويش زيغتيني
عوشه : تخيلي منو توه يا هنه
فطيم : منووه ؟
عوشه : منوه بعد غيره
فطيم : سيف ؟
عوشه : هيه والله خلاني انتفض بكبري
فطيم : ليييييييييش شو السالفه
عوشه : انا كنت يالسه فوق الحشيش صوب ابويه عند الخيول ويا هووه ويا قوم حمد وجنه سمعني يوم اتحرك
انا شفته قبل ما يدش تخيلي شو سويت ؟؟
فطيم : ليكون فريتييه بشيول ؟
عوشه : لالالالالالا فطوم خليني اكمل
فطيم : كملي كملي
عوشه : حطيت ايدي ع ويهي ويالست اطالعه من بين صبوعي
فطيم هلكت من الضحك : هههههههههههههههههههههههههههه والله انج يا عويش حركات
عوشه : شدراني انا هالشي سويته لا إرادي
فطيم : هههههههههههه ذكرتيني بحمني فديته يوم يندس يغطي ويهه
عوشه : انتي وين وانا وين
فطيم : انزين ما قالج شي ؟
عوشه : امبلا هذا ما يعرف ايود لسانه
فطيم : شو قال ؟
عوشه : قالي شو تسوين هنه عن الحشييش والخياس ؟؟
فطيم : ههههههههههههههههههههههههههه والله العظيم انج فظيحه يا عويش صدقه شو تسوين هناك عند الحشيش والخياس شو قلتيله دخيلج بسرعه قوليلي
عوشه : شو سويت بعد كان عندي كتاب وحطيته على ويهي من المستحى
فطيم : اول مره ما تهزبينه
عوشه : والله انه لساني ارتبط وقبظتني انفضه
فطيم : شو هالمصاخه افلامج كلها ما فيها اثاره ومغامرات
عوشه : جب لاه اسكتي يا ام المغامرات انتي
فطيم : والحين وينوه ؟
عوشه : بعده ويا ابويه
فطيم : دخيييييلج عويش والله جاني غاليه عندج سيري صوبه سوي عمرج ما تعرفين انه موجود
عوشه : فطيم شو هالكلام
فطيم : عويش لا تستوين مطوعه عاد خلينا نسوي شويه مغامرات
عوشه : تهبين لو على قص ارقبتي
فطيم : خييبه بسم الله انتي محد يقولج شي اخاف يوم واحد تيرين السجين على رقبتج وتذبحين عمرج
عوشه : اميه بسم الله عليه
فطيم : عيل اقولج اتزهبي حق المغامرات تقوليلي لو على قص ارقبتي
عوشه : لاني ما اتعودت على هالسوالف
فطيم : خلاص خلاص انتي ما منج فايده
عوشه : صخي صخي هاذم يو
فطيم تزعق : وانتي الحين شو تسوين ؟
عوشه : شو اسوي باركه على الحصير ويالسه
فطيم : يا الغبيه ودييه فنيان قهوه صدق يوم قال انج ما تعرفين في الاصول
عوشه : لا تعصبين بي خله يولي هذا شكله لعاب عيل ليش كل يوم ويا صوبنا ؟
فطيم : اسمع انتوا لعاب جان لعب على خوانج الصغار
عوشه : لاعب بمخهم هو الحين اونه يعلمهم يركبون الخيل
فطيم : والحين شو يسون
عوشه : ع الخيول
فطيم : والله انج بارده
عوشه : شو تبيني اسوي مثلا ؟
فطيم : قومي صورييه بتيلفونج دخيلج بتمنظر فيه
عوشه : فطيم ان ما صخيتي عن هالسوالف تراني بخبر سلوم
فطيم : يالله ما ترضى عليه
عوشه : افففففففف من هالبنت والله انها وذا
فطيم : انزين انزين
بو خالد : عوشه يا عوشه تعالي
عوشه : فطيم ابويه يزقرنييه بسير
فطيم : عاااشوا بدت المغامره والله لتتصلين لي اول ما يستوي لج شي
عوشه : انزين يالله الحين ببند
فطيم : يالله
بو خالد : عوشه
عوشه : لبيييه ابويه
بو خالد : سويلنا قهوه ... القهوه المساعيه بارده
عوشه : ان شاء الله
بو خالد : سيف خلهم ابويه ينحدرون بسهم
حمد : شو بعدنا ما خلصنا
بو خالد : انزين انزين
سيف وهو فوق الخيل لمح عوشه تقلى القهوه
سيف تم يطالعها ..ومعجب فيها وهو يمشي .. وبعدين صد عليها وحصلها تدقها ..
سيف يا ويل حالي تعرف تسوي قهوه ......... قهوه عدله بعد
بو خالد : تعالوا هالينب بتطمش عليكم
سيف : هههههههه تعالوا يالله شباب
سيف كان اول واحد فيهم وبعده حمد وحميد
حمد : انا خلوني الاول
سيف : انا الاول ومحد ياخذ مكاني
حميد : انا خلوني الاخير ولا اطيح واتكسر
عوشه يلست تطالعهم وتطالع سيف والدله تفور محطيه ايدها على خدها وتضحك عليهم ..
عوشه : شكله خيال ويعرف سوالف الخيل .. ما شاء الله عليه عن احسده كيف ظاهر .. لكنه بعده طايح من عيني صراق البيبات
شويه وتسمع الدله
عوشه : افففففففففف وايد فارت .. خلتها ثواني وحطت فيها الهال وسوالف القهوه وصبتها في الدله ..
عوشه نشت : الحين شو اسوي وين بيتقهويون ؟
بو خالد : ما ازهبت القهوه يا عوشه
عوشه : امبلا ابويه هذيه في ايدي
بو خالد : هاتيها جدايه
عوشه : ان شاء الله
عوشه تحاول ما تشوف سيف وصلت الدله عند ابوها ويابت اربع فناين
بو خالد : شباب تعالوا تقهويوا
انزلوا عن الخيول ويلسوا عند بو خالد
عوشه كانت يالسه الصوب الثاني وكلحين توايق وتشوفهم يوم يسولفوون
عوشه : شو يقولوون تراني محتره
سارت وتقربت شويه منهم
بو خالد تم يالس جيه وساكت وحمد وحميد يتكلمون ويا سيف :
يا حمد قم صب م الدله حروف .. قم بنسقي ضيفنا منها الجزال ..
صب فنيالك وانا اعد الوصوف .. فيه بو هناد خيال الرجاال .. شهم ما قد شفت ولا اني بشوف .. من شموخه ومنه طيبٍ في الخصال
سيف استااااااااانس : الله الله علييك يا الشاعر صح لسانك

بو خالد : صح بدنك
سيف تم يفكر في ابيات يرد فيها على بو خالد
حمد : انا اكتب بس بعدني ما وصلت لك يا الوالد
بو خالد : ههههه عقبال ما توصل
سيف : يقول الشاعر
بو خالد : يقول
سيف :
صح منطوقك يا بو خالد ألوف .. وارضف المليون فوقه بكل حال
لن أبياتك تعديها الوصوف .. وتمتثل فيها القهاوي والدلال
بو خالد استااانس من الخاطر يوم سمع ابيات سيف
بو خالد : الله الله صح لسانك والله انها بياض ويه
سيف : لاهنت الغالي لا هنت
بو خالد : ما شاء الله عليك شاعر
سيف : ههه مب شاعر الا شويعر
بو خالد : لا لا شاعر ووزنك ذهب
سيف ما عليك زوود
كاان صوت سيف عالي كفايه لجل تسمعه عوشه
عوشه كاانت تموت في شي اسمه شعر .. وما خالت شريط شاعر في الامارات ما احتفضت بشعره كانت تحب تسمع شعر بس في حياتها ما جربت تكتب .. : أبياااااااته كششششخه صراق البيبات.. وياريتني حذاهم عشان اسجله
الشمس غابت وسيف وحمد وحميد وبو خالد يالسين يسولوفن وعوشه ياها الرقاد حطت ايدها على الدري وطاحت ورقدت بعباتها على الدري .
سيف الحين تذكر انه عوشه من سوتلهم القهوه ما بينت : تم يتصدد ويطالع يمكن يشوفها .
سيف : يالله استسمح منكم ...... ربعي كلهم روحوا وانا تام روحي اليوم برقد في البيت وباجر اذا الله راد بيب الاهل ايلسون هنه في المزرعه
بو خالد : هيه ما شاء الله .. الله يوفقكم ياربي
سيف : جميع يالله عيل فمان الله
بو خالد : فمان الله
حمد وصل سيف لين الباب وساار صوب المزرعه عشان ياخذ موتره ويروح .. حس هالوقت اللي قزره ويا بو خالد وعياله وشوفه عوشه تسواي الف يلسه من يلسات ربعه
سيف :
يا سلام الله على خلي .. اشهد انه كان متواضع .
صح انه دايم يزلي .. والخشم هو دايما رافع
غير انه اليوم هو شلي .. قلبي وسوى فرق شاسع
تذكر يومه يقول انه عوشه شكلها بطرانه وعليها العز غلاب ..
سيف : انا اكيد مخطي بكلامي .. وقهوتها اليوم ومستحاها خير شاهد ..
----------------------------------------------------------------------يتبع 3

عنادك يزيد من عزيمتي ونظراتك الغاظبه اجدها متعه لي ..
هذه انتي كما انتي ..
لا تزيدي .. ولا تنقصي .. ارجو ان تظلي على ما انتي عليه ... أخفي الحياء لي انا وحدي .. واستمري بوجك الغاضب لجميع الماره .. أسألك هل تلك النظره التي نظرتي بها من خلف اصابك التي تشبه اعواد ا الخيزران هي مقصوده ام هي نابعه من خجل هز جدران قلبك .. سأبحث عنكِ واعرف ما بداخلك .. __DEFINE_LIKE_SHARE__

Grshoob Albdoo · 10-02-2008, 12:55 PM

الجزء الثالث

يا غناتي فيك عيني برقت .. وشفت معنى الحب في طور جميل
انته ذوقي وانته حايز كل فن .. وانته محبوبي وانا عنك دخيل
في صباح اليوم الثاني ...
حمد : سميته مكحول
عوشه : يالله
حمد : هيه نفس اسم خيل سيف
عوشه عيبها الاسم : وليش تسميه نفسه ؟
حمد : بس لانه سيف يعيبني وسميت خيلي على خيله
عوشه : زين والله وشو عيبك فيك
حمد : كل شي
عوشه : لا والله ما احيدك بنيه حمدانوه
حمد عصب : شو هالرمسه ما تستحين
عوشه : ما ادري عنك
حمد : انا تعيبني رمسته أخلاقه انسان طيب .. هذا اللي فيه
عوشه : هييه ما احيده........ احيده قليل ادب وما يستحي
حمد عصب: انتي قليلة ادب
عوشه : تهبي انته وياه
حمد : بخبره
عوشه : خبره عاد انا اللي زايغه منه
حمد : شيخج هذا
عوشه : شاخت اريوله وما قام
حمد قام وضرب عوشه : يعلج تتفاولين عليه تبينه يموت
عوشه حست بقشعريره : بسم الله خسك الله لا تتفاول على الريال انا ما قلت جيه
حمد : عيل ليش تقولين شاخت ريوله وما قام
عوشه : انته محد يرمس وياك الحين بتحملني ذنب انا مالي خانه فيه ..

حمد : احسن دوااج تمي فكري والله ان استوى على سيف شي برد عليج
عوشه : حمدانوه ويهد تراني بصيح
حمد يزاعق: احسن صيحي والله لو استوى لسيف شي برد عليج والله
دشت ام خالد : شو عندكم انتوا
عوشه بدت تصيح : انا ما يخصني هذا حمد
ام خالد : شو مسوي بأختك
حمد : تعالي طالعيها تتفاول على الريال تقول شاخت اريوله وما قام
ام خالد : عوذ بالله تدعي على منوه ؟
حمد : على سيف
ام خالد : وشدخل سيف امبينكم ؟
حمد : اسأليها .. برد علييج والله برد علييج ويطلع حمد من البيت معصب
ام خالد : شو عندكم شو بيرد عليج ؟
عوشه وهي تصيح : ياربي الحين بيلعبي الوسواس من قلتله شاخت ريوله قالي الحين لو يستوي على سيف شي بيرد عليه ..
ام خالد : وانتي شو تبين بالريال تدعين عليه
عوشه وهي تزعق : ما ادانيه
ام خالد : شو مسوبج
عوشه : ما سوابي شي بس ما ادانييه بطران وبزيان وشايف عمره وايد ويبا ياخذ مني حمد وحميد .
ام خالد : حشى والحشى عن الف يمين لا فيه بزى ولا فيه بطره .. ولا شايف عمره ولا شيات وحمد وحميد خوانج وانتي مربتنهم مستحيل ياخذهم عنج تعلقوا فيه لانه طيب وينحب بسرعه
عوشه : هذا انتي تجوفينه جذه
ام خالد : انزين انتي مالج حايه فيه لا تين صوبه
عوشه : ان شاء الله
ام خالد : يالله عن هاي البطره انتي وسيري شلي الكشار ابوج يبا يسير صوب المزرعه
عوشه : المزرعه والمزرعه .. بيعوا بيتكم وايلسوا فيها
ام خالد : ناوين على هالسالفه من زماان لا تحاتين
عوشه : شووووووووو
ام خالد : هههههههههه يالله انقفضي اقص عليج
مشت عوشه وهي تمش الدموع
--------------------------------------------------------------------------------------
سيف : يالله عاد والله تراني بسير وبخلي الدريول ايبكم
شيخه : تهبي بفجر موترك
سيف : خيبه ارهابيه
شيخه : هي ما خبروك .. ؟
سيف : بس عن هالمصاخه وسيري شلي الكشار ويا خواتج وعن هالبزا
شيخه : انا شوااخ اشل الكشار .. هذا آخر شي اسوييه
سيف : استغفر الله لا تخليني اعصب
شيخه : يالله انزين
سيف يزاعق : يالله قومي نشي انا آمر عليج
شيخه تطالع سيف من طرف عينها : انزين لا تزاعق
سيف : بنات ما ايين الا بالعين الحمرا
--------------------------------------------------------------------------------------
عوشه وهم في الدرب
عوشه : فطوم تعالي صوب المزرعه تراني ملانه
فطيم : هاه الحين حسيتي بجيمتي
عوشه تصاصرها : فدييت فطووم انا مرت اخويه
فطيم : هههههههههههههه مالت عليج
عوشه : خبرووج وولا بعدهم
فطيم : خبروني
عوشه : وشو ردج
فطيم : ردي معروف من زمان بس انا قلتلهم برد عليكم باجر اوني بفكر
عوشه : آخ منج يا السوسه والله ما تنرامين
فطيم : حبيبتي انا فطوم بنت بو سعيد تعرفينه بو سعيد اللي ما ينغلب
عوشه : لا تحسدين خالي بالرضاعه ملح وشب وعود في عين الحسود
فطيم : الله يخسج تبيني استوي عميا عقب يتزوج عليه سلوم
عوشه : هههههههههههه هوه جذه ولا جذه بيتزوج عليج لانج وذا
فطيم : والله ان قلتي هالكلام مره ثانيه بخبر عليج سلوم
عوشه : لا حول كفايه عليه اليوم الصياح
فطيم : صياح شوه
عوشه : ما اقدر اقولج الحين يوم بتين المزرعه
فطيم : الحين يايتنج طيران .
عوشه : يالله اترياج
فطيم : باااي
-----------------------------------------------------------------------------------------
شيخه : ما خبرتوني
سيف : انا مخبر مريم وسلمى بس انتي روحج النهار كله في الحجره وين بتسمعين اخبار الناس
شيخه : جني سامعه هالاسم مكان بس وين ما ادري ؟
سيف اشتط : وين وين
شيخه : يمكن كانت وحده من بناتهم ويانا في الكليه ولا المدرسه
سيف : اونه زين والله يعني تعرفينها .
شيخه : ما ادري يمكن بس ما اتذكر شو اسم البنيه
سيف : عوشه
شيخه فتحت عينها : شدراك ؟
سيف اتلعثم : اخوانها الصغار النهار كله عندي وين ما تبيني اعرف اسمها
شيخه : هيييه واخوانها شو يسون عندك ؟؟؟ هااه
سيف : اعلمهم على الخيل
شيخه : اونه زين والله صغار صغار ولا كبار ؟
سيف : يعني مب متوسطين عيال ثنعشر سنه
شيخه : حليلهم
سيف : لو قايلتلهم حليلهم بيعصبون عليج
شيخه : ليش ؟
سيف : ما شاء الله عليهم لو تشوفينهم صدق ريايل
شيخه : ما شاء الله خاطري اشوفهم
سيف : ههههههه عادي تحصلينهم يايين عقب دقايق
شيخه : ليش وين تعلمهم هنيه ؟
سيف : هيه والبارحه علمتهم في مزرعتهم
شيخه : احلف انته ما تستحي عندهم بنات
سيف : وين ما شفت حد ويبتسم
شيخه : والله يا سيفوه ما يندرابك
سيف : هههههههههههههههههههههههههههههه
شيخه : والله ضحكتك ماتبشر بخير
سيف : فال الله ولا فالج
شيخه : عيل خبرني شو فيك ؟؟ جايف حد من بناتهم ؟
سيف متلوم وساكت ويطالع بعيد
شيخه : خبرني لا تخليني جيه ضايعه شو السالفه ؟
سيف : ما شي سوالفه اف منج
شيخه : سواف تدري انك اقرب واحد مني خبرني والله سرك في بير ..
سيف : يا خي بلاج انتي حرام احتفظ بأسراري في قلبي روحي ؟
شيخه : اسرارك هي اسراري سواف حرام سواف
سيف : لا والله منو قال
شيخه : يعني في شي وداسنه عني يا الحمار ؟
سيف : لا تقولين حمار
شيخه : الحين عرفت ليش تعرف اسمها
سيف : لا تحطين في ذمتج يا شيخوه تراني بعصب .. البنيه مالها خص انا صدفه عرفت اسمها
شيخه : انزين كيف ؟
سيف : لا إله الا الله
شيخه : ولا ترى عقلي بيفسر الاشياء على هواه
سيف عصب : شو قصدج انتي ابا اعرف
شيخه : ولا شي
سيف : تظنين في اخوج .. ليش انا مضيع الحيا
شيخه : يعني مااااااااا ؟
سيف عصب : شيخه
شيخه : انا ما قلت شي
سيف معصب : والله ان قلتي هالرمسه مره ثانيه بظربج ويسير عنها
شيخه تروعت من اخوها .. انا شو قلت اف مني ( يمكن ذكرته بفاطمه الله يغربل طاريها )
سيف سار ويلس صوب امه وخواته
مريم : يالله انتوا شو من البشر جيه مخيسين البقعه تعبت وانا انظف
سيف : هذا البشكار الله يخسه ما نظف البارحه يوم ظهروا الشباب
مريم : والله اتحرى يايبين متوه مقرضه هالحب كله
سيف : هههههه هذا فارس وميود
مريم : ما يستحون
سيف : هي والله تعبوج
مريم : لا الغالي ما عندي مونه بخمه
سيف يزقر اخته الثانيه : سلمى تعالي نظفي ويا اختج
سلمي : ان شاء الله
سيف يا ويلس عدال امه : امايه شو ناويه تطبخين اليوم لنا
ام سيف : اللي تبونه
سيف : انا اباج تطبخين شي طيب وتزيدين في الجيله لاني بودي شي منه صوب مزرعة يرانا
ام سيف : ام محمد هنه ؟
سيف : لا امايه ترى بو محمد عطى مزرعته هديه لربيعه والحين هم كل يوم ايون صوبها يرتبونها
ام سيف : هيه ما شاء الله .. عيل واجب علينا نكرمهم
سيف : افا عليج ولدج اكرمهم اول ما يو .. والبارحه طرشوا لنا غدى
------------------------------------------------------------------------------------
عوشه : ما تسيرون يعني ما تسيرووووووون
حمد : هذي شو يخصها ابا افهم ؟
ام خالد : خليهم يسيرون انتي شو غايضنج ؟
عوشه تزاعق : ما اباهم يسيرون هنااك يا اميه
ام خالد : سيروا ما عليكم منها سيروا
حمد وحميد ساروا يمشون وركضت عوشه ووقفت جدامهم
حمد عصب : والله اني بظربج
عوشه : يالله انزين جانك ريال
حمد عصب وبسرعه شل حصاه من صوبه كانت شويه كبيره .. وفرها على عوشه وصابتها في راسها ..
عوشه صرخت صرخه المكان كله اشتل من صوتها ...
حمد يوم شاف عوشه طاحت والدم ظهر منها شرد برع وركض
ام خالد تزاعق : وابيه شو استوى على بنتيه
حميد ينتفض ومب عارف شو يسوي ..
في الوقت اللي صرخت فيه عوشه سمعها سيف وام سيف وسلمى ومريم لانهم كانوا يالسين على الحصير برع ..
سيف شهق يوم سمع الصرخه
مريم وسلمى وام سيف زاغوا
مريم : بسم الله منو صرخ جيه
سيف فز وفي خاطره قال هذي عوشه و بدون احساس سار يركض بحيل ما عنده صوب مزرعة قوم عوشه .. مريم كانت بعد زايغه وركضت وراه وسلمى كذلك كانوا بس لابسين شيل بيضا
سيف وصل وحصل حمد يالس عند الموتر ويصيح
سيف مات من الزيغه وسار صوبه وهو يزعق : حمد شو فيك حمد خبرني
حمد يصييح : انا ظربتها ظربت عوشه بحصاه
سيف وهو يزعق : وشو صار عليها ؟
حمد : طاحت وفي ويها وايد دم
مريم وسلمى دخلوا داخل المزرعه لانهم سمعوا ام خالد تصارخ وعوشه مغمى عليها
سيف مب عارف شو يسوي .. زخ حمد من كندورته وهو معصب : ليش ظربتها ؟
حمد وهو يصييح : لانها كانت ما تباني أيي صوبكم
سيف يزاعق : لييش ابا اعرف ليش؟
حمد : ما ادري وهو يصيح
سلمى : شو فيكم شو صاير عليكم
ام خالد وهي تصيح : بنتي ماتت بنتي بتمووت ألحقوا عليه
مريم ركضت وهي متروعه وحطت ايدها على نبض عوشه وشافته النبض ينبض
مريم وبخوف: امايه هي بس مغمى عليها لا تصيحين فديتج ..
ام خالد : شو اسوي دخيلكم ودوني الدختر ابوها محد وتصيح
مريم وبسرعه : ان شاء الله ان شاء الله بس انتي لا تصيحين الحين بنوديج
ركضت مريم بسرعه صوب الباب وسحبت سيف وبسرعه : سيف دخيلك البنت بتموت وايد نازفه تعال بنوديها الدختر
سيف منصدم : الحين بييب السياره ويركض ايبها ومريم وراه بتاخذ عباتها
سلمى ميته من الصياح كانت تشوف ام خالد تصيح وتشوف عوشه طايحه على الارض
عوشه فتحت عينها بصعوبه وسمعت امها تصرخ
عوشه كانت تتألم وتحط ايدها على راسها : آآآي راسي وأغمى عليها مره ثانيه من النزيف
شويه ودخل سيف بالموتر لين داخل .. وشاف عوشه طايحه على الارض وام خالد تصيح عدالها
سيف حس الدنيا تدور فيه .. نزل بسرعه وفتح البيبان .. كان شي يقوله في خاطرها شلها وحطها في الموتر وطير بها لين الدختر .......لكن .. كان وايد منصدم يشوف عوشه طايحه وشعرها مفتوح وسابحه بالدم .. تم يرتجف ومنصدم والموقف خانق قلبه
ام خالد حطت عبتها على بنتها .. وشلتها هي وسلمى ومريم حطوها ورى وام خالد يلست حذالها ومريم جدام
سيف كان وايد متأثر وكان يسرع ويجاوز بجنوون .. ليين وصل صوب المسشفى
-----------------------------------------------------------------
سلمى تمت يالسه عند حميد كان وايد يصييح من الروعه اللي صابته .. يابتله ماي وزخته من ايده وسارت به لين صوب الباب وشافت بعد حمد يصيح هناك استغربت وعقب ردت لها الحاسيه انهم توأم شلتهم وخذتهم صوب مزرعتهم

فطيم يت ويا ام سعيد في تكسي لانه بو سعيد محد في الدوام ..
فطيم استغربت : بلاه الباب مشرّع جيه ؟
ام سعيد : ما ادريبه .. ونزلوا
فطيم : دشت ومشت شو السالفه ما اشوف حد
ام سعيد : ابدهم روحوا
فطيم : توني قبل ما ايي متصله في عويش وين ساروا عنبووه
فطيم شهقت وحطت ايدها على ويها : دم ؟
ام سعيد : وابيه دم شو هذا
فطيم جاستها انفضه
ام سعيد : شو السالفه سو مستوي عليهم
فطيم : ما ادري بتصل في سالم
----------------------------------------------------------------------------------------
الدكتور : عملنالها خياطه وهيه اصلا تعرضت لنزيف قوي ودي الوأتي بننقل لها دم
سيف : لا حول ولا قوه الا بالله
الدكتور : ربينا يعافيا وسار الدكتور ..
سيف : دكتور دكتور .. امها وايد تعبانه تبا تدش صوبها
الدكتور : بس امها
سيف : ان شاء الله
الدكتور : على فكره انته بتصير اخوها ولا ايه ؟
سيف : انته متفيج الحين
الدكتور استغرب وسار عن سيف .
دشت ام خالد صوب عوشه وتمت تصيح عدالها
مريم : قلبي عورني على امها
سيف متضايق: هي والله الله يعافيها
مريم : حليلها لولاك جان الحين نازفه لين الموت
سيف رد بسرعه : لا تقولين جييه يا مريم
مريم : استغفر الله بس الحمد لله انه نحن كنا هناك موجوديين .. اخوها شراني
سيف : لا والله ما ادري شو صار عليه وضربها
مريم : شدراك
سيف : انا كل يوم اعلمهم على الخيل وعارف اطباعهم بس حمد شويه عصبي
مريم : حشى فلعها بحصاه خلاها جيه .. شكبره هالحصاه ؟
سيف : الله يهديه .. هيه بعد شكلها شرانييه
مريم : ليش ؟
سيف : حمد كان يقول ما تباهم ايون صوبنا
مريم : وشعنه ؟
سيف : لانها هي دوم وياهم ودوم تقولهم هذا صح وهذا غلط
مريم : صدقها تخاف على خوانها .. حتى لو هم الحين في سن المراهقه ويبون يسون كل شي يمكن تخافكم تعلمونهم شي هم ما يحبونه ولا هم ما يرضون عليه
سيف : وهي شو تتحرانا ؟
مريم : تتحراكم ولا ما تتحراكم .. خونها صغار ولازم تخاف عليهم ولا تنسى انك أكبر عنهم يمكن عندك ربع يدوخون يشوفونهم ويتعلمون .. هالشي .. تراهم مراهقين افهم يا سيف عاد
سيف تم يفكر ويقول صدقها
مريم : يعني لا تحط في ذمتك يا سيف .. هي عندها حق
سيف : صدقتي
مريم : قلبي يقول انها انسانه طيبه وتحب الخير بس انته فهمتها غلط
سيف : انا فاهمنها غلط ؟
مريم : هيه
سيف تم يطالع بعيد : مستحيل يا مريم مستحيل افهمها غلط
-----------------------------------------------------------------------
حمد بعده كان يصيح وحميد كان يالس عداله ويصيح بعد
سلمى : ياربي قطعوا قلبي
ام سيف : الحين منوه منهم اللي ضاربنها ؟
سلمى : روحي اخربط من بينهم
شيخه : ما شاء الله عليهم وايد يتشابهون
سلمى : هيه
حمد نش ويمش دموعه
ام سيف : وين ساير فديتك ايلس حبيبي ايلس لين يخبرونا عن اختك
حمد مستغبن : انا بسير اتصل في سيف
شيخه : لا حبيبي انا بتصل فيه انته هدي بالك
حمد : لا انا بتصل فيه عشان اشوف شو صار على عوشه
شيخه : ياربييه قطع قلبي
حمد : بسير مزرعتنا انا يمكن اشوف ابويه
سلمى : ايلس الحين بنتصل في سيف وبنشوف اخبار اختك
حمد : عطيني اكلمه
سلمى : ان شاء الله
------------------------------------------------------------------------------------- __DEFINE_LIKE_SHARE__

المواضيع المتشابهه
الموضوع	كاتب الموضوع	المنتدى	مشاركات	آخر مشاركة
تدوير شاشة 5530 فى وضع أفقى بدلا من الرأسى	محروم.كوم	منتدى أخبار المواقع والمنتديات العربية والأجنبية	0	04-30-2010 11:10 AM
ياربى شو هالصورة اذا قدرت اتعلق على الصوره علق	محروم.كوم	منتدى أخبار المواقع والمنتديات العربية والأجنبية	0	04-20-2010 01:30 AM
ياربى شو هالصورة اذا قدرت اتعلق على الصوره علق	محروم.كوم	منتدى أخبار المواقع والمنتديات العربية والأجنبية	0	04-19-2010 11:40 PM
ياربى شو هالصورة اذا قدرت اتعلق على الصوره علق	محروم.كوم	منتدى أخبار المواقع والمنتديات العربية والأجنبية	0	04-19-2010 11:30 PM
يا اخواني لا اعرف كيف اغير الصورة الرمزي لصورة من عندي م لكمبيوتر	محروم.كوم	منتدى أخبار المواقع والمنتديات العربية والأجنبية	0	06-15-2009 09:40 AM