لاقلت أحبك إسكتي وإحضنيني / روايه كامله

brainless · #1 11-28-2010, 01:13 PM

"متيـــم بالهــواء يروي حكــاية حي مخفيه"

عايله ميــاري:-
الابو:محمد ومآخذ بنت عمه حمده خذاها وهي صغيره..
مايـد:الولد الكبييروعمره35 ومآخذ عائشة وعنده:-سيف وآمنه وعلياء ومحمد..
مريم عمرها 29 ومآخذه عبيد وعندها شيخه ومايـد وسيف وموزه وهي في ابوظبــي..
حمد28 وماخذ اخت اربيعه عفراء وعنده:-خليفه وفاطمه ومهره"
علـي: 25 ويدرس فالجامعه ويداوم
عمر: 24 يدااوم
ايمان:22فالجامعه

ميــآري:15
عبدالعزيز:13 إمــا ناصر:7 سنوات
ــــــــــــــــــــــــــــــــــــــــــــــــــ ــــــــــــــــــــــــ

عايله هزاع
الابو: احمد
إلام:سلامه
هزاع:الولد الكبير وعمره 16
حصة:اصغر عنه بسنه وعمرها15
منصور:13 امــا نوف:8سنوات
كانت مياري يالسه ويا ابوها وتسولف وياه وتضحك
عبد العزيز اخوها خرب عليهم مياري دلوعه ابوها وعزوز يغار منها الابو: فديت بنيتي انا فديت شيخه الحريم
عزوز تعب وهو يكح:ابويه نحن هنا
مياري:ياربي ع اللي يغارون ياربي نا كم بعييش عشان اقهرهم =P الابو: هلا بولــدي؟ اشحالك عبد العزيز؟
عزوز:هلا ابوويه الحمدالله بخير..امم ميرووه قوومي وخليني ويا ابويه بروحنا!! مياري:لا مابا.. الابو:عزوز ارمس محد غريب!! عزوز: لامابا!! مياري شلت بعمرها وسارت الحجره لانها حست ان اخوها مضايج!!
دشت الحجره وفجت اللاب شوي ولا فونها يرن جافت رقم غريب ماردت!!ردوا اتصلوا مره ثانيه بعد ماردت طرشت مسج امنو؟!.. انا هــزاع الــ........... ليش ما ترد عليه؟!
مياري:اخويه انته مغلط>مياري عرفته لانه ولد"يرانهم"<
هزاع: اها السموحه عيل بس انته امنو؟!
مياري:مسموح..بس انا بنت مب ولد..
هزاع:السموحه اختي.. مياري خافت انه تعيبه السالفه فقررت توقفه عند حده:مسموح اخويه بس لوسمحت لاطرش شي ولا تتصل!!!!
هزاع:انا ما ارمس بنات مياري:ولا انا ارمس شباب
المهم ان مياري عرفت انه ولد يرانهم طول اليوم كانت ع اللاب!! عقب رقدت واول ما نشت شافت فونها الا ياينها مسج من نفس الرقم مال البارحه :انزين انتي امنو؟!
مياري:قلتلك وحده ولوسمحت لاطرش شي!!
مياري وعزوز نفس الارقام بس أخر رقمين هم الي غير عشان جي هزاع غلط هو كان يبا اخوها..
تم يطر مسجات يبا يعرف هي امنو بس ما عبرته..عقب نزلت يلست تحت ويا امها واختها ايمان وكانت ملانه دقت حق اربيعتها وتمت تسولف وياها..
علايه:هلا والله بمياري
مياري: اهليين وسهليين اشحالج؟
علايه:تمام من صووبج؟
مياري:بخير وسهاله..عقب تموا يسولفون وبعدين بندت وسارت حجرتها تعدلت وتكشخت ونزلت
مياري حلووه حنطيه"مب بيضاء ولا سمراء يعني لوونها حلوو" جسمها متناسق,مب كويله وايد, عيونها وساع وعسليات,خشمها سيوفي"يعنـــــــي طررررررررر"
المهم لبست قميص احمر وجنز "سكني" وبلرينا احمر..كانت طررر ..ويلست تتصور وعقب ملت فجت اللاب وتمت يالسه ع المسن ورقدت ويوم نشت نزلت تتريق بروحها فالحوي ابوها كان فالدوام وامها ظاهره واخوانها رقود ربع ساعه نش عزوز ويلس وياها عزوز:ميروه انا وايد ملان.. ميره:والله وانا بعد احس اني بموت من الملل!!
عزوز:قومي نسير امريكا نعيش ..ميره:هههه,,الصراحه انته فيل حاله نفسيه اذا كل واحد يمل بيشرد جان ما تم حد فالبلاد.. عزوز:آآخ والله جان زين..اف ابا اظهرلي ليسن ميره:ان شاء الله عقب 5 سنين.. عزوز:يعني باقي كم يوم؟؟ ميره:تستهبل حضرتك؟ عزوزيقلد اليهال:يعني برقد ونش برقد ونش بيظهرلي ليسن=P؟ ميره انقهرت:ايلس استهبل بروحك.. عزوز يلحقها:فديت الي تنقهر بسرعه.. مياري سوتله طاف ويلست تتطالع التلفزون وعزوز ظهر ويا ربعه وعقب سارت حجرتها وطلعت دفترها ويلست ترسم ربع ساعه وصلها مسج من هاك الرقم:وخيرآ عرفتج انتي ميره بنت يرانا..ميره انصدمت:نعــم!!! هزاع: واخيرآ عرفتج..عقب 5 دقايق دش عزوز وشاف ميره مندمجه فالرسم وقال الا يسوي فيها حركه ,,عزوز:ميرووه؟! ميره: انتفضت وطاح القلم من ايدها عزوز:شو سالفج ويا هزاع؟؟!!,,ميره:اي هزاع واي سالفه ودموعها تيمعن في عينها"صح ان عزوز اصغر عنها بس ميره وايد حساسه" عزوز ماقدر يتحمل الموقف وتم يضحك وميره تمت تتطالعه مستغربه!! عزوز: واحد,,صفر=P شلت المخده وفرته فيها عقب يلس حذالها وقاللها ميروه الله سوري بس صدق هزاع قالي انه يقولج سوري لانه كان مغلط..
ميره استانست بس هي ما تحب تبين:انزين شو اسويلك؟؟ ويالله لو سمحت اظهر برع.. دش ام مايد اللي هي امهم:خير ان شاء الله شعنه تزاعجون؟! شو مستوي؟! وانا تحت اسمع زعيجكم.. مياري توهقت وخافت ان عزوز يفضحها جان يطالعها عزوز:ميروه مب طايعه تعطيني اللاب وانا لابي خربان..جان تتطالعهم ام مايد بنظهره:صدق انكم ما تخيلوون ويلست تتحرطم..
مياري صدت ع عزوز:مشكله يوم العيايز يتحرطمن هههه
ام مايد:عاز حيلج واظلم ليلج..اصغر عنج انا شو تتحرين؟
عزوز:هيه وااايد مبيين=P ,,ام مايد:شو قصدك هـا؟!
مياري نشت وحبتا مها ع راسها :فديتج امي نسولف وياج

كلهم ظهروا عن مياري ويلست بروحها فالحجره ويلست تسمع اغنيه نـــوال الكويتيه:"طحـت بهـــواه يـــا هلـــي سموو علــي,,من شفته وانــأ حـــالتي حـــاله وابــــيه"
واول ما خلصت الاغنيه كانوا دموع مياري اربع اربع تنهدت وقالت:طحت بهواك يا هزاع..وعقب سمعت اغنيه اصــاله:"سواها قلبــي يا حبـيبي وحبك"ويلست تضحك لا كانت دووم ضد الحب=( ..وهزاع كان يالس في حجرته و يفكر كيف بيرمس ميره><.."كان يبا يرمسها ويحس انه اذا ما رمسها شي بيستويبه اذا ما رمسها"..مياري خافت انها تتعلق فيه وهيه ولامره حبت ولا جربت الحب وهزاع يوم عن يوم يحبها اكثر ويدق لها اكثر يعني ما شي مجال تنساه وكل ما كانت تشوف فونها تلقى 5 او 6 مكالمات لم يرد عليها ومن غير المسجات وهيه تتخبل عقب تقول اخافه يلعب عليه وعقب كم يوم كان الخميس ومتيمعه العايله كلها في بيتهم ..تعدلت مياري ونزلت وسلمت ع خالاتها وعماتها وبنات خالاتها وعماتها ويلسوا يلسه بناتيه فقالت حق بنت خالتها انب تحط لها منكير وجيهطحركات بنات"سارت بتيب المنكير من حجرتها لقت 5مكالمات لم يرد عليها استانست مياري وعقب دقيقتين وصلها مسج منه:ميره في شي مضايجيني وابا اخبرج اياه وعطيني رايج..مياري خافت عليه خافت ان استوابه شي سيده طرشتله:بسم الله هزاع من شو مضايج؟! هزاع:ميره انا كنت احب وحده اسمها الريم ..وعقب قالتلي هزاع ماباك احب واحد غيرك><" والحين تبا تردلي شو اسوي؟!
مياري اول كما وصلها المسج سيده فتحته وتمت تقراه وتخبلت ويلست تصيح وتغني"ضاقت عليك وما لقيت الا انا تقوله وش رايك بمحبوبي الجديد"وترد تعيد هالمقطع..وقالت انا ما بيني وبين هزاع شي عشان اصيح اصلا ما ادري اذا هو يحبني ولا افف انا من البدايه جي عقب طرشتله:هزاع هاي لعابه واذا مب مصدقني خل حد من ربعك يرمسها!!..وغلقت فونها وتمت تصيح الا ميته من الصياح ما كانت تبا حد يضايحه وماتباه يحب حد ثاني غيرها..و اول مره تحس بهالشعور حست عمرها مب هيه ميره اللي ما يخصها فــ حد حست ان حياتها استوت>هـــــــــــــزآآع<بس!! رقدت ونست سالفه بنت خالتها ويوم نشت فج تالفون لقت 5 مسجات و 30 مس كول مسجين من نبت خالتها 1-مشكوره 2-انا الحين بروح لو ما نزلتي بتتصفعين و3 من هزاع 1-مياري وينج؟! 2- مياري ردي عليه 3- تصبحين ع خير ملاكـي والـ 30 مس كوول منه تذكرت سالفه الريم وردت غلقت الفون نزلت شافت ان الجو مغيم ردت يابت الكام مالها وظهر فالحو يوهيه برع جافت سياره داشه البيت خافت لانها مب لابسه شيلتها..اخر شي ظهر مايد اخوها سلمت عليه و ع حرمته وشلت اليهال ودشوا ..مايد:ميروه ناشه من وقت..مياري:راقده الساعه 9 ,,عواش حرمت مايد:غريبه دومج ترقدين الساعه 4,,مياري:هههه لا مادري ليش رقدت ,,يت ام مايد ويلست وياهم ومياري تمووت ع بنات مايد منايه وعلايه >>آمنه وعلياء هم توأم ويقولون انهم يشبهون مياري واااايد يعني مب لله تحبهم =P<<
المهم يلست وياهم وصورتهم ولعبتهم باللاب ومكيجتهم وتغدوا وروحوا>>منايه وعلايه يهال يعني سنتين ونص تقريبآ<<تمت يالسه تحت ودقت بنت خالتها وهزبتها ع سالفه البارحه وميره ميته من الضحك دش عزوز ومن وراه ناصر يصيح وحاشرين المكان مياري ما ستحملت حشرتهم تسكت تسكت ماشي فايده يابت الــipod ويلست تسمع اغنيه "غمــض عيوونك حبيبي واحلم انك معاايه"وتمت ميره تحلم وتتخيل وتذكرت فونها ع طوول سارت ولقت 4 مس كول من هزاع عقب سلست تلعب بالفون وهيه تلعب سمعت صوت واحد يرمس يقول:إلوو مياري انا هزاع,,مياري تمت تضحك وتقول فــ خاطرها اوويه انا صدق حبيته حتى قمت اتخيل صوته عقب سمعت بلييز انطقي قولي شي جــآن تقوول :الوو ..! ,,هزاع:السلام عليكم ,,مياري:وعليكم السلام والرحمه..
هزاع:واخيرآ رديتي عليه؟ ,,ميــاري:هههه:$,,هزاع: المهم اشحالــج؟,,مياري:بخــير وانته؟!,,هزاع:بخيـــر داامج رديتي عليـه,,مياري استحت ما عرفت شو تقول,,هزاع متخبل لانها ردت عليه ..وعرف انها مستحيه فــ غير الموضوع:ميره تراني سويت الي قلتيلي اياه,,ميره اضايجت وحست انها بتصيح:انـزين؟!!,,هزاع:ظهرت صدق لعابه,,مياري:زين انك عرفت,,هزاع:ميــاري؟,,مياري استحت:لبيــه,,هزاع:ياللي وحدك ان قلت لبيــه يذبحنــي لبيهك ويذبحنـــي الصــووت,,ميــاري اتخبلت:هزاع بــس:$
هزاع:اوويه,,مياري:شوفيك؟,,هزاع:ردي قولي هزاع,,مياري ع نيتها:هزاع,,هزاع:الله توني ادري ان اسمي حلوو,,ميــاري:ههه عن السخافه,,هزاع:مياري؟! ,,مياري:هلا؟! ,,هزاااع:"والله ثم والله انــي حبيتج وعشقتج بــعد" ,,مياري اشوي وبيغمى عليها من المستحى بندت في ويهه وغلقت الفون وحست ان الدنيا حااااره طاحت ع الشبريه ويلست تصييح من الفرحه "اوووعدنــــي عني ما تغيـــب" حلفت ما تف جفونها لين باجر يلست ع اللاب طول الوقت لا تعشت ولا نزلت تحت رقدت وباليوم الثــاني اول ما نشت فجت فونها وسمت هزاع .."نبــــض ميـــــــآري"..!*..وتذكرت رمسته يوم قال:والله ثم والله انـــي حبيتج وعشقتج بعد"تخبلت عرفت ان حبهم من الطرفين وزادت فرحتها اكثر ..اول مره فــ حياتها ترمس ولد ما تعرفه والمشكله انها حبته وهيه اول مره تحب حد
T="Tahoma"][/font] __DEFINE_LIKE_SHARE__

دمعه ترقص · 02-12-2011, 01:49 AM

السلام عليكم ورحمة آللہِ وبركاته

بصراحه القصه م?ن اسمها الواحد يتشوق فكيف إذا قراها __DEFINE_LIKE_SHARE__

جنة المشتاق · 02-12-2011, 02:47 PM

القصه مب هذا اسمها *.*

وووو الخط سووووووووووووووو صغير ><

لو ماعليج امر كبريه خيتو ^.^

تسلمين ع المجهود __DEFINE_LIKE_SHARE__

da1a3 · 03-29-2011, 02:06 PM

روووووووووووووووووووووووعة

تسلم ايدج الغالية __DEFINE_LIKE_SHARE__

نبراس الحياة · 11-20-2011, 12:52 PM

روعة القصة
ننتظر التكملة على احر من الجمر __DEFINE_LIKE_SHARE__

المواضيع المتشابهه
الموضوع	كاتب الموضوع	المنتدى	مشاركات	آخر مشاركة
ماقلت أحبك	راعي النيسان 97	شعر و خواطر	11	08-22-2009 11:00 PM
ابي اغنية ماقلت كلمة أحبك وما طلع من قلبي صوت بلييييييييييييز	كلي خقه	طلبات الاعضاء	2	01-25-2009 07:24 PM
ماقلت أحبك ولا قد قلت ما أحبك	شيخة السمر	الشعر المنقول	2	04-13-2008 03:06 AM
..{ ماقلت أحبك ولا قد قلت ما أحبك}..Mms..!	ريم دار الزين	هواتف , مسجات , وسائط , برامج , ثيمات , نغمات , بلوتوث	16	03-30-2008 06:24 PM
..{ ماقلت أحبك ولا قد قلت ما أحبك}..Mms..!	س™	هواتف , مسجات , وسائط , برامج , ثيمات , نغمات , بلوتوث	20	02-13-2008 02:15 PM