¯`••._.•القــوس (قوسك) والسهــام أسهامك¯`••._.• - الصفحة 21

فديتني خجولة · 03-07-2008, 10:25 PM

تسلميــــــــن يالغلا ع القصة و نترياج في البارت الثاني __DEFINE_LIKE_SHARE__

دانة الكويت · 03-07-2008, 10:31 PM

روووووووحوووووووو خلصينا البارت اليديد

متى ؟؟

انطر على احر من جمر __DEFINE_LIKE_SHARE__

الـروح دايـم · 03-09-2008, 12:24 PM

((البارت التاسع و العشرين))
••.•°¯`•.•• آآآه يالترابي شليت لك ناسن أشرافي ••.•°¯`•.••
.................................................. .....
...........................
......
..
معلن قلبـي حـداده لابس ثوب السـواد
زاد الونيـن أيهـاده هم و وزا و انكـاد
كثر الصبر مافـاده قلبٍ شكـى لبعـاد
الليل عفت ارقـاده يوم اهتنـوا لعبـاد
عيني السهر معتاده على اعربي ليـواد
خرس دمعي وساده و لي من ذكرته زاد
نجر ٍ يدقه رشـاده حيلي بـداه ايهـاد
معتاق جسمي بـاده و ادعى حالي نفـاد
أقفـا وزاد بـعـاده وعنّه اقصرت لآياد
ما نستمع لضـداده الـروح لـه تنقـاد
له ساعي ٍ بـوداده وعن غيره هب
نشاد يازين بسـك عـاده اترى الزمـن ردّاد
وصلك ولا لي راده فيكم بدعـت انشـاد
ان كان حظي صاده يا فرحتي و لعيـاد
بحيا بخير وسعـاده وبنزع ثوب الحداد
.................................................. .....
...........................
......
..
أولا السلام عليكم ورحمة الله وبركاته بخواني وخواتي الاعضاء أكيد حابة أشكر كل من عزاني على وفاة يدتية الله يرحمها ويغمد روحها الجنة يا أرحم الرحمين قولو آمييييييييين ... أكيد أتقولون شقايل بتكمل قصتها ويدتها ما كملت شهر على وفاتها أرد عليكم وأقوول مجريات القصة كاملة بتتغير وبتفهمون هالشيء كله في البارتات الياية وباذن الله نستفيد ونفيد معاكم ... ونكمل القصة من وين ما وصلنا له .....
في السيارة عبدالله شل حرمه المصون وويهه صوب دار الحي علني أفداها ..
سلموه طوول الدرب ساكته ولافه ويهها وأطالع الدرب خلال هالفترة مر عليها شريط حياتها من أول ويديد .. تذكرت أيام الطفولة أيام البراءة أيام الشقاوة .. تذكرت الأيام اللي كانت فيها أنسانه ما يهمها شيء في الدنيا غير اللعب ... هيه اللعب وبس .. وتشوف عمرها وهيه مراهقة .. وأيام ما بدت تعجب بشاروخ خان هع هع هع هع .... وعقب شاروخ شافت بن عمها اللي بين عيونها ... تذكرت عمرها يوم كانت تربع توايق عليه من دريشة الصالة ... تذكرت كيف كان يعاملها بمنتهى القساوة والامبالة .. وكل هذا كان يزيد حبها طغيانن وتملكن لكيانها ... الحين تشوف عمرها يوم قالولها بن عمج يا يخطبج ورفضت أونها تبى تأدبه .. لاكنه ماسوى لها سالفة أصر عليها وهيه طبعا عيبتها السالفة ... الحين تشوف عمرها يوم كانت تلعب لعبة التواير ورفست ظبيوه وطيرتها صوب ليدار وهيه رافعه كندورتها تقول يالسة تسوي دعاية صراوييل ... طلعت منها ضحكة خفيفة عفوية .. خلت بوعبدة ينتبه لها وينتبه للأبتسامة الى ارتسمت على وييها وطبعا هاي الإبتسامة ريحته لأنه حس انها راضيه بالبخت والمقسوم ..وتأكد أن محد بيكون أحسن عنها خليل له في الأيام المقبلة .. الحين اتشوف عمرها وهيه لابسة الفستان لفت على يديها وشافت الحنا ياالله يالأيام شقايل تخطف سبحان الله كيف كانج أول أمس طفلة واللي عقبة مراهقة واليوم عرووس زي القمر .... (( كل ما بنيت الحلم في القلب وكمل )) آآآآآه أخيرن الحلم أكتمل ...وأصبح حقيقة أخيرن أستويت حليلته وباذن الله بكون أم عياله .. يالله يتمم على خير ...
..................
...........
......
...
..
.
أنا الواقف على القمة
وألوح بانتصاراتي
هزمت الياس في عمري
وحلمي بعزم حققته
..................
...........
......
...
..
.
رغم هالفرحة اللي تمت على العرب في هاليوم المبروك الا أن في إنسانه فيها جزء من الحزن أو مكن تقولون على مفارق لأحباب ... أكيد أنا أختبرت هالشعور بس بطريقة ثانية .. أنا فقدت أنسانة أحبها من كل قلبي وللأسف للأبد .. ماراح أقدر أسمع حسها مرة ثانية .. مابشوف نظره الوله في عيونها .. ما بشوف شعور التعصيب المتصنع على شقواتنا .. أنسانة حتى ما ودعتها .. ما قلت لها فداعه الله .. حتى مالويت عليها وشميت ريحتها للمرة الأخيرة .. كل اللي بقى ذكريات حلوة ولحضة اليمة مريت فيها وفي أصعب سنة في حياتي .. تخيلو كانت تقولي ما وصيج بالدراسة يابنتيه أباج ترفعين راسي عند الحرمات .. لاكن ألحين كيف ببشرها بشهادرتيه كيف باستانس بهاللحضة اللي ياما حلمت فيها ياما حلمت بكلاماتها وهيه تقولي ألف مبرووووك يا أمايا .. والله صعبة مفارق لأحباب واللي يزيدني لوعه أنه في أيامها الأخيره وقف قلبها وجلاها وماقدرت أكون بجانبها بسبه المرض اللي حل عليه كله تميت خاري في الدختر الكل عندها الا أنا .. كان ودي أشوفها .. ألوي عليها .. بس ماقدرت من هالمرض اللي أبعدني عنها ومنعني الكل من شوفتها ... كنت في المدرسة وطوول الوقت قلبي يدق واقوول لربيعتيه يدتية فيها شيء أنا حاسة أنها هووب صاحية شيء صاير شيء صاير وعلى الحصة السادسة زقرونا في الادارة وظهرنا وتلافينا انا وختيه في الدرب الوحدة من شافت الثانية عرفت ان يدتية صار فيها شيء طلعنا من المدرسة ومدرستنا أوريدي مجابلة للمقبرة شفنا السيايير والعرب والدنيا فوووق 3000 ريال من مساجن والهير والذيد والمدام والعين ما تم حد مايا هالبقعة .. ماتتخيلون الرعشة اللي سرت في جسمنا من هالموقف .. من هالنظرة .. بدوون شعوور باغمنا وصحنا من لوعه القلب من فراق أنسانه غالية بغيابها راحت شمعه العمر وسنينها .. كانت أمي وأختي وأعز ما أملك في هالدنيا ماحد يقدر يحس بهالفقدان والفراغ اللي أنحفر في قلبي وجرحي هاذا ماينبرى لو مهما طالت الأزمان ... الكل شافها وأنا ... أنا حتى كلمة أماية ماقلت لها .. حتى ما قلت لها سامحيني أذا اخطييت علييج .. فداعه الله يالغالية .. فداعه الله يا أغلى البشر .. فداعه الله يابسمة الروح وبنيانه ... هاذا كان الفرق بيني وبين سلامي اللي افتقدت أختها اللي انتقلت من بيتهم لبيت ريلها اللي محد بيحفضها كثرة وبيعزها وبيحترمها ... سرت الدمعه من عينها ووقفت على مبسمها .. كانت الساعه 3 الفير هيه بعدها يالسة بفستانها ما فجته ... طلعت برع تبى تشم هوى شوي لأنها حست بعمرها ضايقة ... ظهرت خاري وسارت صووب الخيمة اللي قرب البيت .. كان مجابلنها درفانة ووردوود متحاوطتبه يلست عليها ويلست تتدرف وتتتدرف على ضوء القمر اللي من هيبته خلها تنعس وتنام في محلها وما تضلها غير صفحة السما ونجومها الساطعه ..

.....................
................
............
......
...
..
.
ياللي عيونك بالكرى نومها طال
وأنا عيوني نومها بالغصايب
وشياك مني يوم طولت لغياب
وين الموايب يوم فيها موايب
.....................
................
............
......
...
..
.
حمد : تدري والله أنك زفت شو ها
أحمد : هع هع هع دواك يوم غلبك دووم عيل الحظ فياااااااك
حمد : اصلن هاذا غشاش والا ما بيغلبني عيل كل الخمسينات عنده كل مرة كل مرة
سيف: يااخي لاتمل بوجهك عني ... ما أنا فحمة ولا أنت فرقد << هع هع قصيدة العربي الطين ... يا اخي لو أنت هووب لعييب شو ذنبنا نحن المحترفينن تظلمنا
احمد: هههههههههههههههههههه صدقه شو ذنبه
سيف: مشكلة المبتدئيين يشوفوون عمارهم شيء
أحمد: أقووولك تراني
حمد: لهرووووووم ما علييه غير المره زقروو بن عروه يلعب فياايكم وأنا الحيين يلا اترخص بسير أجابل حبيبتية بدال فيسكم
أحمد: لحووووووووول لحوووووول ماعليه عند أمايه مسود الويه
حمد: يلا مناك هكووه الدرب
سيف : عطني رقمها بشووفها تحبك والا
حمد: سر السووق وخذلك وحده ثانية
سيف: شو مواصفاتها
حمد: بيضى ومربرة أتجنن صراحة بس أنا ما ادري احييد عندك وحده شياك ناوي تغيرها
سيف: أنا لا حشى عليه هووب راعي هالسوالف >>> صيووووووووطااااااااااااااااااااااااااااااخ أنكسر السقف .. اندسوو اندسوو لا يطييح عليكم هع هع هع هع
حمد : يلا يلا توها مسويتلي مسكول تترياني
سيف: يالله يالصبة متى دقت لك
حمد: مايحتاي الجوال خطووط قلبي يستقبل رقمها
سيف: مارووووووووم أنا ماروووووووووووم
حمد:ههههههههههههههه يالله يالله بسير أرقد لاعت جبدي منكم
الحبيب تراه كان يطري المخده .. مسكينة ماسمعت حسة الييوم مرتبش فيا الرياييل في العرس ... أحمد وسيف كملو لعب في البلايستيشن ما تقوول كبار والشيب ظهر من روسهم كما الجهال غاديين .. يلسوو ولعبوو وشوي أن أحمد يندسح على التكية ويلسوويسولفوون ..
سيف: هههههههههه هيه والله أسميه أنه بايخ هالمايد هاذا ما ابلعه ما ادري ليش؟؟
أحمد: .................................................. ....
سيف كان يلعب بتيلفونه : حوووووووه بلاك صخيت
أحمد: .................................................. ....
لف عليه سيف لقاة الحبيب راقد ومطنش سيف اللي كان يالس فياه .. شل سيف المخده الصغيرةوفرها على راسه
أحمد : أييييييييييييييييييييييييييييه بلاك
سيف: مسود الوية يوم تبى ترقد قوول هووب تخليني أرمس ليدار ويهراس
أحمد: أووووووووه جب جب برقد لم ثمك
سيف: شل المخده وفرها على أحمد عصب أحمد وشل التكية بكبرها ياي بيفرها وطبعا سيف شل بعمره وربع هاذذييج الربعه اللي أنما أيييييييه
سيف وهوه خاري : هههههههههههههه ويراسه الدفش
وظهر سيف وويه صوووب سيارته واستغرب ان الليتات مولعه بلاهم القوووم مشغلين ليتاتهم طنش كملل دربه كل ما تقرب يتهاياله حد
سيف: بسم الله الرحمن الرحييم .. اللهم سكنهم في مساكنهم .. اللهم سكنهم في مساكنهم ... وتقرب لين ما شاف وحده منسدحة على الدرفانه ..
سيف: أشهد أن لا إله إلا الله وأشهد أن محمد رسول الله .. هيييه منو هالسكنية هاااي وشو يابها صوب بيت عمي بسم الله الرحمن الرحييم ووايق شوي على شيفتها ...
سيف: ييهاااااااا السكن هووب هينيين حلووين ظهروا بعد .. ما دري على شووه نتروع عيل
شوي يسمع : آآآآآآآآآآآآآآآآآآآآآآآآآآآآآآآآآآآآآآآآآآآآآآه ونشت وفجت عيونها
سيف والسكنية : أماااااااااااااااايااااااااااااااااااااااااااااااا اااااااااا
حد ربع شرق وحد ربع غرب ...
سيف: اللهم سكنهم في مساكنهم ... الشردة
السكنية : اوواااااااااااااااااااااااااااااااااااا حرااااااااااااااااااااااميييييييي
سيف وقف ولف هووب غريب عليه هالصووت .. سلامي كملت دربها صووب الباب وهيه تناعر ..ربع سيف وراها عرفها أنها سلامي وقبل ما تمسك قبضة الباب مسكها من ايدها ولفها ... ويووووم لفها تندم أنه مالفها ... تناثر شعرها على وييها واخفا معظم ويهاا وما تم غير عين وحده ونص شفاتها .. يابيييييييييييييي ولكي بتدبحي يا بنت .. هسا بدي أتجنن أنا .. مات محله هالسيف من هالسلامي السكنية اللي بمجرد لمحة رغم هالظلام العميق .. هووه أصلن ياان من قبل هالمشهد وألحيين ين اكثر وأستوى هبيل سلامي .. ييهااااااا
سيف :سلامي
سلامي نزلت راسها وبدى شهيقها يعلى ويعلى شوي شوي لين ما وصل لدرجة توعي الحارة حط سيف ايده على حلجها وقال
سيف: غربالاتج محلالاج جييه سايرة العرس
سلامي:هههههههه ضحكت على خبال سيف اللي كان يحاول يسكتها عن تفضحه
سيف: بتخبرج ام الدويس شو مظهرنج خاري هالوقت لو خطف حد من الهنود << أونه معصب
سلامي: أه ماكنت ادري << يمدحونة العقل ترى
سيف: سيري يلا داخل
سلامي: تيكي
سيف : أقوول حلو الفستان
سلامي أنتبهت لعمرها الحين والخيبة والعثرة والنيبة أنا بلا عباه وبلا شيلة ..
سلامي: وااااااااااااااااااااااااااااااااااااااااااااااااا ااااااااااااااا وربعت داخل البيت ضحك عليها سيف وشل سيارته وويه صووب البيت صووب حبيبة القلب المخده .. __DEFINE_LIKE_SHARE__

استراليا · 03-12-2008, 06:42 PM

مشكوووووووووورة
وننتظر البارت الياي __DEFINE_LIKE_SHARE__

الـروح دايـم · 03-12-2008, 11:19 PM

تسلميييييييين ختيه علي المرور الدايم __DEFINE_LIKE_SHARE__

المواضيع المتشابهه
الموضوع	كاتب الموضوع	المنتدى	مشاركات	آخر مشاركة
:: القوس قوسك > Mp3 < بصوتي ::	محروم.كوم	منتدى أخبار المواقع والمنتديات العربية والأجنبية	0	12-16-2009 03:30 AM
اغنية القوس قوسك منى امرشا	فارس الامير	اغاني , شلات , هبان	1	10-13-2009 08:31 AM
مشاعل - القوس قوسك	βō 7šĕēŋ	نغمــات للهــواتف	8	08-29-2009 03:21 PM
القوس قوسك- عيضة المنهالي	صاحبة السمو	المواضيع المكرره	3	01-18-2008 06:47 PM