¯`••._.•القــوس (قوسك) والسهــام أسهامك¯`••._.•

الـروح دايـم · #1 12-31-2007, 03:04 AM

الشخصيات:

عايله سيف بن حميد ال.....ي
الأبو سيف ريال كبير هادي وحنون
الأم ونية حرمة سيف وتستوي بنت عمه
حميد عمره 32 معرس ماخذ أخت ربيعة أسمها حمده
عبد الله عمره 25 خاطب بنت عمه سلمى
وضحى عمرها 22
ظبية عمرها 21
ميرة عمرها 16
فطامي عمرها 5 سنين
..........................................
عايله محمد بن حميد ال.......ي
محمد ريال راعي عزب ودووم مقيل هناك مطيره حرمة محمد حرمة راعيه واجب
خليفة عمره 26 معرس ماخذ بنت خاله عليا وهيه حامل في الشهر التاسع يعني موصل
حمد عمره 24
أحمد عمره 23
رفيعة عمرها 22
علي عمره21
سلمى عمرها 19
سلامة عمرها 17
................................................
عايله سلطان بن مطر ال........ي
سلطان ريال كبير وماخذ منصب في الدولة
خصيبة حرمة تحب بيتها وعيالها وتحب لمة الحرمات >> طبعا حق الخراريف هع هع هع
مطر عمره 25 زاخ حلال أبووه ويديرة
عذابة عمرها 24 تشتغل في الروضة معرسه وماخذه حد من قرايبها من الهير وعندها ولدين ( سلطان و مطر)
ونية عمرها 20
شرينة عمرها 17
عاشه عمرها 4
بطي عمره2 __DEFINE_LIKE_SHARE__

الـروح دايـم · 12-31-2007, 03:05 AM

(( البارت الأول ))
••.•°¯`•.•• يا مرحبا باللي غلاها معي مرسوم ••.•°¯`•.••
.................................................. .....
...........................
......
..
يا نسيم ريف النسمة ....من طلوع اسهيل نسامه
من جدا لي في الحشا رسمه ....ذكريات الحب وايامه
به حلاة الزين مرتسمه .... مالجدم لـِ مفرق ابهامه
كدر ليه روح مبتسمه ....وايحكمني حكم ظلامه
تحت الامر وعالنحر حسمه ....مثل لي محكوم بأعدامه
تمشي لي الايام معتسمه ....لي وتصفي له ايامه
الكدر جسمي وهو جسمه ....في حياته حقق احلامه
لا فرح لا ضحك لا بسمه .... والفكر تلعب به اوهامه
كاتب عقد الهوى بأسمه ....عهد والتوقيع بأقلامه
كم يميل القلب واعسمه ....لو شقاه البعد واحيامه
والمفارق واللقا قسمه .... عند رب الكون علامه
.................................................. .....
...........................
......
..
في الميلس
(عند الشباب)
عبدالله: عاااش عااااش حموود عاااااش قووووووووووووووووووووووووووووووووووووووووووووووووو وووووووووول
حمد وعبدالله: وغلبناكم وكسيناكم وووووووووووووووووو (( ويناقزوووون))
علي: لا أنا أحتج .. يالغشاش يوم حدتني بييب قوول تي أدز القير عني ((هع هع هع يلعبوون سوني على هالعمر عيل شو خلو لليهال والله حاله ))
حمد أونه يتصنع البراءة : أنـــــــا سويت جيه ويلف على عبوود : بو عبدة أنا سويت جيه .. أنـــا فريت القير عنه
بوعبدة أونه يستهبل : لا حشى ما سويت جيه وأنا أشهد
علي يطالع أحمد : أحمدووووووه .. الك والا للجبش(( هع هع هع للجبش قال))
أحمدووه: للبعير
علي: يالله عيل هجوووووووووووووووووووووووووووووووووووووووووووووووو وم .. وترابعو علي وأحمد وفي ايديهم مخدات من النوع الكبير لضرب الرؤووس الكبيرة هع هع هع هع هع
بوعبدة : ااااااخخخخخخخخ علووووووه آآآآآآي
علووه: والله
بوعبده : هيه
علوووووه : عيل أندوووووك شيوطراااااااااااااااااااااااااااخ خخخخخخخخخخخخخخخخخخخخخخخخخخخخخخخخخخخخخخ
وطبعا أستوت مصارعة حره ادت الى تكسير المخوخ وتنفيش الكشوش وتقرفييط الشوارب هع هع هع هع ه عه ع

حمد وهوه منسدح على التكيه : حسبي الله على بليسك يا علوووه عووذبالله دواااااس هووب ريال((هع هع هع دواااااس هذا فحلهم هع هع هع مره ناطح حمووووووووود على ظهره))خخخخخخخخخخخخخخخخخخ
علي: هع هع هعهع لا تتذكر المآسي عاااااد
ويلسو الشباب يسولفوووون ويضحكوووووون وجالبين الميلس ماتقول غير زرب الهووش الحبب منا ومنااك وقواطي البيبسي والديو وأرنمين سي وباونتي مني ومناااك والسفر وحد فوق الثريا والثانيه تحت الكنبة والثالث نعاله فووق الباب خخخخخخخخخخخخخخخخ والله حاله يهالوو آخر زمن
.....................
................
.............
.........
....
..
.
كف يا طير على غصنك تغرد
من سمعتك ولعت بالقلب ناره
والهوى البارد عقلبي مايبرد
لي سرت شرتاه زادتني حرارة
.....................
................
.............
.........
....
..
.
عند البنات
ظبيوه وميروه وفطامي يالسات يطالعن التيفي فاجات على حوااس يقرن المسجات فاضيات ما شيء شغله غير مراقب العرب خخخخخخخخخخخ أما وضحووه فكانت في حجرتها .... أم حميد كانت يالسه فيا شيبتها خاري يتقهويون وعقب سار الشيبة صوووب بيت أخووه
ظبيوووه: القوووووس قوسك والسهام أسهامك .. مالي على رمشن تسلى قوه .. أنا أسيرك واقفن قدامك .. واللي تبى تسويه فيا سوه
ميرووه يلست أتصفق وسرعان ما أندمجن البنيات بالغنية ويلسن يغنن ويطبلن وفطامي فجت كشيشتها اللي ما تقوول غير قطو لاعب فيها ويلست تنعش ..
ظبييوووه: وثقت في قلبك وطيب أنسانك .. ماظني تظلم وأنت فيك مروه
ميرووه: عااااااش عااااااااش
ونزلت وضحووه على أنغام الهبل والخبال الغنى والربشة طالعت خواتها أبتسمت لهن ابتسامة عذبه ... وضحى وحده تحب خواتها واايد وتعزهن وتحمد ربها لأنها عايشه فيا هالعياله وان الله رزقها بأم وأبو مثل هاذيلا وخوات مخرش مثلهن ههههههههههههههه... خلصت الغنية وكملت ظبيووه فضولها ويلست تقرى المسجات تبى تعرف علوم العرب خخخخخخ
يت وضحى ويلست عدالها : ظبيوووه قومي بنسير صووب يدووووه
ظبيووووه: أممممم ما فيه
وضحى كفختها على أيدها : يلا عااااد عن البياخة
ظبية : أنزييين أنزييين قومي ويايه فوق بسير أييب شيلتيه وبنسير صووب عيوزنا .
.......................
...............
...........
.......
....
..
.
على كثر السنين اللي تمر ولا قدرت أنساك ..
خيالك ساكن عيوني ترى لو طالت سنيني ..
.......................
...............
...........
.......
....
..
.
في بيت ((فاطمة بنت سالم ))
................:السلام عليكم

الخدامة : يا محربا مدام أقرب أقرب ((هع هع والله حاله يا محربا اوين خخخخخخخخخخ))
................: وينها فاطمة
الخدامة: أقرب مدام ألهين ماما فاطمة أيجي
................: سيري زقريها
سارت البشكارة تزقر العيووز وقالت لها أنا في ثنين هورما في تحت طبعا على طوول نزلت تحت للحرمات اللي ين
فاطمة : يا مرحبا يامرحبا باللي لفانا
الحرمة1:الله يرحبج عفضله .. وشحالج يابنت سالم .. وسلمت عليها
فاطمة: علني ماخلا بخير يعلكن الخير .. ياغير منو الحرمات ماعرفتكن
الحرمة 2: أفا يابنت سالم عنبووه ما عرفتينيه
فاطمة بشك :سمحيليه غناتية ياغير ما عرفتج
الحرمة 2: أنا غبيشه بنت حمد
فاطمة : يا مرحبا يامرحبا بغبيشة وينج يالقاطعة من سنين أعديبج
غبيشة: علني أفداج لاهين في هالدنيا والعيال
فاطمة : يا مرحبا يامرحبا بمن يانا قربو تفاولو من فوالتنا توها مسوايه
غبيشة: لالا علني أفداااج ياغير نحن يايينج اليوم في سالفة
فاطمة: خير أن شاء الله
غبيشة: كل الخير يابنت سالم ياغير نحن يايات نخطب ميرة وسلامة لعيالنا
فاطمة: هيـــــــــــــــــــــــــه... سود وييه شوارب هبولي مايعرفكن يامسودات الويوه
؟
؟
؟
؟
؟
شو السالفه

؟
؟
؟
؟
؟
؟
؟
؟
تبون تعرفوووووون

امممم

بفكر

نزلو بعد

هع هع

فاطمة: ظبيوووووه وضحوووووووووووه ياللي ماتستحن يامسودات الويوووووووه
ظبيووووووه: خخخخخخخخخخخخخخخخخخخخخخخخخخخخخخخخخخ يدووه عرفتينا هععععععععععععععععععععع والله عيوزنا خطيرة
وضحووه: قلت لج لاترمسن أنا برمس ماطعتي أحيدها تعرف صوتج
العيوووز: عنبووه من مذهب عندكن يايات بعبي رااس ومتبرقعات .. وتقصن عليه
ظبيووه: عنبووه يا يدووه قطعتي نصيب البنات حليلهن
وضحى زاخه عمرها من الضحك: يدووه انزين شقايل عرفتينا
العيوووز: ييييييهاااااااا أتحرن أنيه ما بكشفكن ييهاا شوفي الصبغ اللي حاطتنه في صبوعج وعقب رمسي عيل الحرمات بيحطن صبغ على ظفيراتهن ..
وضحى: هههههههههههههههههه هيه والله يدووه طالعت الصباغ الفوشي اللي انا حاطتنه
ظبيييييييييوه: الله يهداج يا وضحووه قطعتي نصيب البنات
وضحى: خيرها في غيرها .. بيهن نصيبهن غير الودية أنشالله هههههههههههههه
العيووز: لالا شو نصيبه الحين أنتن قبل عقب هن
ظبيووه:حشى عليه لالا أنا ما ابى أعرس بعدني صغيره
العيووز: واااايه الترااب ويين صغيرة وأنتي غاديه كبر البعير
وضحى: خخخخخخخخخخخخخخخخخخخخخخخخخ أختااااه ثرج كما البعير وانا ما أدري
ظبيووه أمبوزه: هاهاهاها سخيفه
وضحى :خخخخخخخخخخخخخخخخخخخخخخخخخخخخخخخخخخخخخخ
ظبييوه: يلا جب عااااااااد
وضحى: هع هع هع هع هع هع هع هع ه عه ع
ظبيووووه: سخيفة
وضحى : خخخخخخخخخخخخخخخخخخخخخ
ظبيوووه: أووووووووووه والله يارد البيت تراني
وضحى: خخخخخخخخخخخ يلسي يلسي
ويلسن البنيات يسولفن فيا عيوزهن ويضحكن فياها .. وعقب ترخصت عنهن بتسير العزبة ياغير ما تفججت من البنات حلفن الا يسيرن فياها صووب العزبة
.......................
...............
...........
.......
....
..
.
أحب البر والمزيون ....
وأحب البدو والأوطان ....
وأحبك قبل لا يدرون ....
هلي وأهلك ولا الجيران ....
.......................
...............
...........
.......
....
..
.
وركبن البنيات الملقوفات فيا العيووز وانطلقن صووووووب العزبة ووصلن التسويق وخذن لعمارهن سندويجات براتا بيض وسنتوب برتقال ...
العيووز: هيه تموتن عليه السقم
ظبيوووه: استغفرالله يدووه حراام تقولين سقم هاذا نعمة ربج
العيووووز: وااااايه الترااااااب أنطمي أنتي انطمي
ظبيوووه : مطافي مطاااافي ويهي لبق حريجه
وضحى: هع هع هع ه عه ع هع هع ه ع هع ه عه ع هع
الموهيييييييم ........ وصلو القوم صوووب العزبة والعيوووز ربعت عند النوق الوالد اللي يايبة بكرة وتوصي البيدار على البوش والهووش .. أماااا البنياااات سارن صوووب دختورة >>> هع هع هع هع هاااااي عنز وضحووووه ودلوعه >>>> هااي عنز ظبيووووه ... ودلوعه صدق أسم على مسمى ضراطة وخقاقه وتموت على النعوول تزخهن وتربع بهن الموووهييييييم ....
وضحووه: ظبيووه ظبيوووه تعالي عندي فكره
ظبيوووه : الله يسلمنا من أفكارج
وضحى : زخي التيلفووون وصوريني
ظبيووه : بس جيه
وضحى: أنتي سوي اللي أقوولج عليه وبس
ظبيووه : يلا أكشن .. صور
وضحى حاطه جدامها دختورة ويالسة تغني : يا وصفة الحب يادختوري وطيبي ... ياراحة النفس في دنياي بكملها ... يا كبر حضي أن حقق مطلبي ربي .. ملكت دنياي آخرها مع أولها ويلست تغني وضحوووه وظبيوووه تصور وتضحك ووضحوووه مندمجة وتسوي حركات حق دختوورة والغبيات ما أنتبهن للي كان يطالع وضحووووه ومتساند على الحديده ويضحك على خبال وضحووه وفي نفس الوقت للجمال اللي يسوي حركات طفوليه وعفويه .. استغرب من نفسه كيف كمل مطالع ولا قدر ينزل عينه عنها وزادته أنتباه الخصله السودى اللي طايحه على ثمها وزادت من شفايفها حلاه وغرمت به اللمعه اللي في عينها نظرت الحب والرقة والأنوثه والطفوله في نفس الوقت ...... آآآآآآآآآآآآآآآآآآآآآآآه يا مطر شو من مصابن صابك من هالوضيحي آآآآآآآآآآآه يالقلب اللي أنصاب في هاليوم ومن هالوضيحي آآآآآآآآه يا مطر ....
.......................
...............
...........
.......
....
..
.
جاني شعور انك تبيني وجيتك
احس باحساسك وانا في مكاني
وابعد ولكن في خفوقي لقيتك
متربع مابين ذيك المحاني
يا قره عيون الغلا مانسيتك
طيفك يناجيني وشوقك دعاني
ان ظاقت الدنيا بعيني نصيتك
اجيك وكنه مبتسم لي زماني
.......................
...............
...........
.......
....
..
.
الموهييييييييييييييم خلصن البنات من رحلتهن وردن البيت أما مطر رد البيت ونص قلبه وفكره مش معاااااااااه نلتقي في بارت يديد قرييب ان شاء الله وأبا رايكم __DEFINE_LIKE_SHARE__

الـروح دايـم · 12-31-2007, 03:06 AM

[size=3] البارت الثاني ))
••.•°¯`•.•• يا ويل يا من ظاع فكره.. في شف معسول الشفاتي
••.•°¯`•.••
.................................................. .....
...........................
......
..

يجيني طيفـك ويعـــــــــــــدل مزاجي
وانا طبعي مثــــــل طبعـــــــــــــك مزاجي
اذا اصحى ولا القــــــــــــــاك عندي
يهيم الشـــــوق ويكــــــــــــــــدر مزاجي
أشوف الــــــدار كالأطـــلال بعدك
وأنا مـــــا أحتمــــــــل هجـــــــــرك وبعدك
يانور الشمس مـــــــــا بين السحايب
يزيد الشوق في حضــــــــــــورك وبعدك
.................................................. .....
...........................
......
..
في بيت سيف بن حميد
( عند البنات)
ظبيوووووه: هع هع هع هع طالعي أختج الخبلة
وضحووه: هع هع هع هع تتحرى عمرها في فريج
(( هع هع البنات يالسات يضحك على اختهن الصغيرة فاجة على فريج وتقلد أم علاوي ))
فطوووووووم: مينو شينو فطوووووم لاتسجنو
ظبيوووه : كر كر كر كر كر ثره منو سجنج هع هع هع
فطوووووووم: مينو سينو
ظبيووووووه : هع هع هع هع هع أختج سوالف
وضحووووووه : هههههههههههههه حليلها مستوية مصخرة عندج
ظبيوووه: والله هيه أمصخرة عمرها عندي
وضحوووووووه: هههههههههههه الله يقطع بليسج
الموهييييييييييم يلسن وضحووه وظبيوووه يطالعن التيفزوووووون وطبعا ظبيووه فاجة على حوااااااس تعرفوووووووووون حلو الواحد يعرف علووم العرب ويشاركهم أفراحم وسوالفهم … الموهيييييييم
ميرووووووووووه: ظبيووووووووووووووووووووووووووووووووووووووووووووووو وووووووووووووووووووووووووووووووووووووووووووووووووو ووووووووووووووووووووووووووه
ظبيووووووه : وصمخ ياربي …
ميروووووووووووه: يالنذلة تعالي رفوووووووع تبااااااااااج
ظبيوووووووووووووه : قولي والله
ميروووووووه : لا اتمصخر
ظبيوووووه : برايج بسير أشووووووف علومها
………………….
…………….
……….
…..
..
.
قلبي تشوق للمحب وداره
ودي جداهم أنتحي بزياره
غرن يقدر للظروف وجاره
غالي ولا عندي نزل مقداره
………………….
…………….
……….
…..
..
.
ظبيوووه: يامرحبا وسهلا
رفووع: هيه الحين مرحبا وسهلا مسودة الويه .. ثرني لو مادقييت والله ما بتتكرمين وبترفعين سماعت تيلفونكم هذا وبتدقين على بيتنا
ظبيووه: حقج علينا ياخيه
رفوووووع: آآآآآآه لا تذكريني .. وي وي وي بموووت
ظبيوه: على شوه ياعين ابووي
رفووووووووووع: وي وي وي وي واااااقلبااااااااااااه عليك يابن عدوااااااان يا ويلي علييييييييك
ظبيوووه: هاهاهاهاها عيني خير .. تراااااه محجوووووووووز خلالالاص يلا يلا يلا يلا أنتي كش
رفوووووع: شوووووووووووووه محجوووووووووز منو مسوده الويه اللي تبا تنافسني عليه
ظبيوووه : وحده أمها ما تبى تذوق حزنها
رفووووووووع : وااااااايه علها بعيدن عن خشمها والله ما تروحه
ظبيووووووه: حياتي رفوووع هوه يبى وحده أسمها حلو يعني يبى وضحى وديمة والا ظبيه .. هااااااااااااي الآسامي عيل بالله عليييييج حد ياخذ وحده أسمها نحيييييفه
رفووووووووووووع: ((تشهق ))هييييييييييييييييييييه .. انا أسمي نحييفة يامسودة الويه .. عنبوه دارج ما تعرفين تفرقين بين رفيعة ونحيفة
ظبيووووه : خيتوو .. قلتيها رفيعة ونحيفة وااااحد يا بنت الحلال ما في داعي تنحبطييييين … لحووووووووووووول جرحت شعورج (( بطريقة تطنيز ترمسها )) لحوووووووووووول
رفوووووع : طراااااااااااااااااااااااااااااااخ (( سكرت في ويه ظبيوووه ))
عشااااااااان تتأدب مسودة الويه .. ويهراس لها
سلمووووووووه : اللهم سكنهم في مساكنهم أنتي منو ترمسيييييين
رفووووع : فكيني الله يخليييييج روحي متنرفزه
سلموووووه : أفااااااا أفاااااااااااا على النحيفة متنرفزه علينا
رفووووووع طالعتها بنظرة تخوووف وقبضت المخده الصغيرة وقالت لها: يعني تسمعتي الخرارييف من التيلفووووووووون الثاني
سلمووووووووه: خخخخخخخخخخخخخخخخخخخخخخخخ هع هع هع هع نحيفة أويييييييين هع هع هع هع
رفوووووووع شيوووووطرااااااااااااااخ ترترتراااااااااااااااااااااااططططططططططططططططااااا ااااااااخ هع هع هع وعضم الله أجركم أستوى حادث أدى الى تكسير الجماجم وتطلييع المخووخ …. ترحمو على خويتكم سلموووووووه … يييهاااااااااا حليلها كانت طيبة هع هع هع هع هع هع هع هع هع
………………….
……………
……….
…….
….
…
.
يا غرام الشوق وين الشوق مني
وين سافر وين غادر وين راح
والجمال اللي على الفطرة فتني
والضيا وين الضيا وين الصباح
………………….
……………
……….
…….
….
…
.
في بيت محمد بن حميد
الشيبة كان يالس خاري في الحوي فيا وليفة الروح (( هع هع هع جيه يزقرها)) ويالسين يتقهويوون وحاطين جدامهم الفوالة يميع الأشكال والألوان الموهيييييم يت رفوووع وسلمووووووه يلسن جدا أبوهن
بو خليفة : مرحبا ببنات محمد .. مرحبا علني أفداكن
رفيعة : الله يرحبك عفضله علني افدااااااك
بوخليفة : كلن بناتي .. الفوالة أموطاية ومحد صكها
رفيعة : لا فديت روحك هوب مشتهيين
بوخليفة : سلمى بنتية .. وين أختج سليم
سلموه: والله يا بوية لازه هالكمبيوتر وهووب طايعة أتفجج منه
بوخليفة : شو كمبتوتره
أم خليفة : هذا كرتون الحديد ... اللي ايدقدقون به عنبوه ما عرفته (( هع هع هع أونها العيووووووز مطورة تعرف شوهو الكمبيوتر))
البنات :هههههههههههههههههههههههه شو كرتونه الله يهداج
أم خليفة : ووووووووه عيل شووه
سلمووه : امايه كمبيوتر يسمونه .. يعني كأنج تسافرين من بقعة لبقعة غير
أم خليفة : يأأأأأأأأأأأأأ(( هع هع هع حلو طاري السفر عيبها العيوووز))
بو خليفة : شو سفره مذهب ابوها هناك سايرة أدوره
البنات : هههههههههههههههههههههههههههههههههههههههههههههههههه هه
ويلسن البنات يسولفن فيا أبوهن وعقب اذن المغرب وسار الشايب يصلي والبنات سارن البيت يصلن .... وعقب الصلاة سارت سلموووه صوووووووب حجرة أختها سلامة ....
سلموووه : عوذبالله شوهالحس .. يالله بالستر
فجت الباب الاتشوف لها أختها سلامة رافعة أيدها علامة النصر وتصفق وأتقووووووول قووووووووووووووووووووووووووووووووووووووووووووول
سلمووه : سلامي شو تسويييييييين وحاطة أيدها على خواصرها
سلامي : بسم الله ... تعالي تعالي شوفي عيال الحارة والله أنهم لعييييبة لو شفتي الرمية الحرة والله خطيييييييييرة
سلموووووه : قولي والله أنتي قولي والله .. قلة المونه يالسة أتوايقين من الدريشة على الفرووخ يلعبوون كورة
سلامي: أنتي شو فهمج .. انتي بس لو شفتي ركلة الجزاء كنتي بتعرفين اللعب الحقيقي
سلمووووه : اووووووووه متفيجة والله أنج
سلامي: سيري سيري سيري أنا بيزي بحاول أخصص لكم جزء من وقت مرة ياية .. خذي موعد من عند علووه وهوه بيدبر لج موعد فياية
علووووه فج الباب : هنالك من طرى أسمي على لسانه وأنا ياي أشمر عن سواعدية وبطلع كل الأسلحة عشان أحاربه أذا كان رامس عني بسووء
سلمووه : سمع أختك أنته .. أوين جان تبين ترمسيني خذي موعد من عند علوووه
علووووووووه : أختي العزيزة سلامي .. شحالج (( وويهاا )) عساج الا بخير .. حيه لو ميته .. لحووووووووول لهدرجة الوزارة فارة كل شغلها علييييج
سلامي: هيه والله وبغيتك أطلع تعميم نبى موظفين يداد تعرف نحن بزي
علوووووووه: الأخت سلمووووه سيري خذي موعد من عند أريووه عشان أقدر أشوفج وأسجلج موعد عند الوزيرة سلامة

سلموووووووه : الله يخس هالويووه عورتو راااسي عووذ بالله .. ما يرزى علينا رمستكم جانها بتصدع الراس ..
علوووه: شو نسوي عاااااد يوم نحن في أي بي
سلامي : هيه والله
سلموه سوت لهم مالت على الطاير وظهرت عنهم
وطبعا بما أن علووه وسلامي تيمعو معناته سوالف في ضحك في مصخرة يساوي ضربة جزاء>>> شو يخصه ما أدري هع هع هعهعهع اندمجوا في السالفة أنتو
………………….
……………
……….
…….
….
…
.
يـاللي غـلاك بـداخل القلب محفـور
ارحـم جريح يحـتـري منك نـظـره
يشتهي شوفتك وهو عالبعد مجبور
لاهــو بـكـيـفـه ولا هــو بـأمــره

………………….
……………
……….
…….
….
…
.
عند الشباب
طبعا الشباب يالسين في الميالس ويسولفون ويضحكوون .. كانو موجودين حمد واحمد وعلووه وعبدالله ومطر وغانم واحد من ليوا وبعد كمن واحد في الميلس ....
حمد: شباب لأني أحبكم بعد فيكم قصيدة أمرة توني كاتبنها فرش و عصير برتقال ..
غانم: على قولتنا لول أيام المدارس : قال الشارع >>مسكين الاستاذ ما يعرف الغلط منه والا من الشباب .. بس بعدل على الثنين وبقوول من المنهج هع هع هع ه عه ع هع ه عه ع الموهييييييييم
حمد : أحم أحم ...
نهن نهبكم ... نهبكم نهن
قلبي براته وهبكم دهن
نهن نهبكم ... نهبكم نهن
هبكم خبيصة .. قلبي صهن
وسلمتو
الشباب: هههههههههههههههههههههههههههههههههههههههههههههههههه ههههه سلمت يا الشاعر
وطبعا الشباب يضحكووون ويسولفووووون وفي واحد منهم سرحان في الغزال الوضيحي اللي شافه من يومين .. سرحااااااااان ويتذكر كل حركة وكل لقطة ويتذكر حتى نسيم الهوى اللي كان يداعب خصلات شعرها .. والخصلات اللي كانت ترقص على نسيم الهوى وتتمرجح كأنها طفلة بين خفوق القلب ونبض المشاعريا ويل يا من ضاع فكره .. في شف معسول الشفاتي يحليلك يا مطر ... ياترى شو مخبية لأيام لك .. وللوضيحي....
الشباب كلهم التفتت نظراتهم بالسرحان واللي يالس يفكر .. هاااااي النظرة ما كانت لأول مرة لاحضوها خلال اليومين اللي خطفن وحسو بتغير في رفيق العمر .. لاكن ماعرفو ان قلبه ما عاد ملكه لوحده قلبه سلبه وضيحي عنه .. وشيء طبيعي اذا انسلب القلب يبقى تفكيرك مش معاااك .. الموهيييم وعشان يبعد هالنظرات ترخص عنهم وظهر وركب السيارة وسااااااااار لمبزرة
………………….
……………
……….
…….
….
…
.
محلى العطر ونفحة العود
هيمان أنا فيكم هياما
هيجت قلبن كاد معهود
وأفضيت له كل الكلاما
………………….
……………
……….
…….
….
…
.
وصل مبزرة وقف السيارة في مكان خالي من العرب يبى ييلس وحيد .. يبى يرتب أفكاره.. ومشاعره .. يحاول ينسى أو يتناسا لاكنه مش قادر حل به شعوور هز وجدانه وفجر عوطفه وأن تفجرت العوطف صعب تتحكم فيها كل اللي قدر يسوي أنه يلتفت للقمر وأول خيال وصل له هوه صورة وضحى والشعر الأسود القريب من مبسمها وتذكر لمعه العين وتفجر خفووق قلبه يقووول:
يامخدر الطرف سهم الحب خدرني
من أجل خدر بها النظرات مخطورة
اسفر ضيا النور من خدك وصورني
في وجنة الخد ييت بعارض الصورة
تمشي على عرشك العالي وتامرني
كن الكواكب تحت الاجدام منثورة
بالجاذبية تجدمني وتاخرني
قلبي وعقلي على تصريفك وشوره
شافت عيوني جمالٍ فيك يسحرني
ومن شاف زينك يهيم ويفقد اشعوره
لولا الخجل واحترامٍ منك يكبرني
ما رد ضامي وغدر العين ممزوره
من يوم شفتك لذيذ النوم هاجرني
عزيل عينٍ من اللذات مهجورة
طيفك مع الليل والناسم يسامرني
قمرا يلي جن جنح الليل ديجوره
لين الندا من فضا جوي يحذرني
ويبين خيل النهار وينكشف نوره
ابا الخبر منك لكن من يخبرني
سوى بعلم العقول وغيبة حضوره
لو كان بالهمس علم منك باشرني
تمسي به الروح لو بالصوت مسروره
يامن على البال ياليتك تذكرني
والمعرفة بيننا ماهي بــ منكورة[/size] __DEFINE_LIKE_SHARE__

الـروح دايـم · 12-31-2007, 03:11 AM

(( البارت الثالث ))
••.•°¯`•.•• يا مشعل القلب تكفى خفف أشويه ... القلب آآآآه ياويلي على حاله ••.•°¯`•.••
.................................................. .....
...........................
......
..
ليــتك معي يوم الهـوى نود نسناس
من الــفرح والله ما تـدمـــع العـــــــين
نــاس على تعذيب ناس لهـم نـــاس
وهــذا الهـوى ياخـــذ قــلـوب المحبين
لكن لا يطري على بـــالك الـــــيـاس
ذوق الهــوى دامـك تعيش العمـر حـين
خذ من عطر ورد مع طيب الانفـاس
واقطف من اثمار الهوى في البساتين
خلك مع حلو اللما عـذب الالعــــاس
الجـــادل اللــــي فايــــق بكـــــل تكوين
لا تحط نفسك بين وعـرات الاطعاس
وافهــــم بــأن الحــب عـذب مــلاييـــن
الحــب مــرجع للمحبـيـن واحسـاس
والحب هـو فـي قـلب الاحـباب نوعين
ع كيف ما تبغي لك تـدق الاجــراس
والشـــــاطر اللي يمـــلك الحب بيدين
.................................................. .....
...........................
......
..
بالباجر في بيت محمد بن حميد
(( في الصاله ))
سلموووووه : لا يعني لا يعني لا
أحمد وعلووه وسلامي: تخييييييييييييييييييييييييلج ورفجة
سلمووووووووووه: لا أقولكم ما تفهمووووووون
سلامي : حرام عليج والله مباراه مهمه جيه هذا الدوري وان خسرنا بسبتج
سلمووووه: لا والله وثرني مدربتنهم عشان يكوون بسبتيه
علوووه: يابنت الحلال عيني خير وسيري سويلنا كبتشينو خلينا أنصحصح عشان أنشجع زين
أحمد: روووووح زين والله ماتسير هااااااي... أصلن تدري شوه هاااااااي وحده مافيها وطنية لبلادها
سلموووووه: لا والله والوطنية ماتستوي الا اذا سويت لكم كبتشينو
علووووووه واحمد: هيه
سلموووووه: لا تحاولووووووون
سلامي: لقيتهااااااااااااااااااااااااااااااااااااااااااااا ااااااا

الكل التفتو لمدمنه الكورة اللي ترمس
علوووه: شو لقيتي شيء ضايع عنج
سلامي: لا.. بس أنا أعرف شو بيخليها تسير تسويلنا اللي نباااااااه
أحمد وعلوووه: لالا ما تروميييييييين
سلامي : تتحدوني
أحمد وعلووه : هيه
سلاميك كم تدفعوووووووون
أحمد : والله 2000
علوووووه: وأنا والله بعطييج نص
سلامي: ااااايه شو نص شو بسويبهن النص
علوووووه: أفاااااا عليييييج أييب لج لبنان من الدكان
سلامي: هيه والله .. أنزييين
سارت سلامي عند سلمووووه وصاصرتها وشوشوشوشوشوش(( شو يخصكم لازم تعرفووون يعني ويهراااااس يلا منااك))
هاملية مخترشة: لاتخليني أييب الكروزر العنابي وافحط في ويهج
على بالي طرى حبك : هع هع هع وأنا بخلي مرسوله ترمحج (( هع هع هع هاااي مرسوله الله يسلمكم ناقتيه .. فنانه ترمح زيين ))
الموهيييييييييييييم
وشوشت سلامي في ذنين سلموووووووه وقامت سلمووووووووووه طيران على المطبخ أتسوي الكبتشينو ...
سلامي: خخخخخخخخخخخخخخخخخخخخخخخخخخخ أيدكم على الفليسات الجميلات
أحمد: والله خطيره أختااااااااااه .. شقايل أقنعتيها وخليتيها تربع كما الهبله للمطبخ
سلامي: أحم أحم سر المهنه
علووووووووه: ههههههههه (( وفر النص على ذبانها )) حلال علييج نصي العزيزز أعتني فيه زيييين ترااه أعز ربعي >>> هع هع هع هع ييهاااا يالدنيا فرقت الربع عن بعضهم خخخخخخخخخخخخخخخخخ
الموهييييييييييم عقب عشر دقايق يت سلموووووه وهيه كافخه ويهها بالبلالالالاش ويايبة فياها الكبتشينو وحطته جدامهم ... وطبعن الرعيان شلو الأكواب ولا جنهم في حياتهم شايفين كوبات كبتشينو
شربو وخلصو وتنعنشوووو... علووه : سلمووه لمنوه الكوووب هذا
سلمووووه : احم .. لمحد
سلامي: أوووووووووووه صح .. هاذا أمس يوم العرب قالولي أنهم بيووووون سمحيلي غلط
سلمووووووه: شووووووووه ... قصيتي عليه
سلامي وكلها براءه : أنــــــــــــــــــا حشى عليه ... بس كنت أسولف
سلمووووووه وهيه الشرار في عيونها : لا والله
سلامي: لحوووووووووووووووووووووول سمحيليه ياخويتيه سوالف سوالف
سلموووووه يت عند أختها ومطت الكووب اللي بعدها ما شربت شيء منه وشلت الكوبات من عند الباقين وسارت المطبخ وهيه متنرفزه وحليلها طاحت في مقلبن جميل الصراحة هع هع هع هع هع: 00003:
أحمد: عووووووووووووووووذ بالله توها محلاتها ويايبتلنا كوبات النسكافييه شو ياها ..
علوووه: تعالي منو العرب؟
سلامي: هع هع هع هع هع خخخخخخخخخخخخخخخخخخخخخخخخخ قصيت على خويتكم وقلتلها الخطيييييييييييييب ولد العم بوعبده توه دااقلكم وقال أنه ياي وعااااااد هيه صدقت عمرها وقلت لها أنه مشتهي كبتشينو خخخخخخخخخخخخخخخخخخخخخخخخخخخخخخخخ***7 0***
الشباب: هههههههههههههههههههههههععععععععععععععههههههههههههه ههخخخخخخخخخخخخخخخخخخخخخخخخخخخخخخخخخ ويهراس لج خخخخخخخخخخخخخخخخخخخخخخخخخخخخ والله أنج خطيره لازم ناخذ دروووووووس منج
سلامي: أصصصصصصصصصصصصص بدى الشووووط الثاني
ويلسو الثلاثة الكوكباني يتابعوون الشوط الثاني...
....................
............
.........
......
...
..
.
خذ وردة العمر من فضلك
خذها من ايدين مهديها
مازفت الـ حد من قبلك
يا نهر جاري يغذيها
....................
............
.........
......
...
..
.
توه نااااش من الرقاد من عقب ما تصارع معى مقله عينه عشان تكف السهر .. وتكف تفكير في أسير القلب ... اسير الروح والوجدان اللي ملكت كيانه في لحضه وبصدفة ماتنبه أن هالصدفة بتغير حياته ومجراها وبتخليه أنسان يفكر في غيره من عقب ما كان انسان يفكر في نفسه . الموهيييييييييم نش دخل الحمام (( عزكم الله )) تسبح وتوضى وظهر من حجرته .. سمع صوت الأذان سار للمسييييد عشان يصلي وعقب الصلاة رد للبيت دخل وحس بعطش سار للمطبخ التحضيري لقى أخته شرووون الخبله تعابل في الكيك واطالع العجين مال الكيك وتغني هندي وعدالها ونووووي (( ونيه أختها )) يالس تعابل في البسكويت والسويس رول >> حركات بنات يعني ...
شرووووووووون:دوووووووووووووم ماجاااااااااااااااااااااليييييييييي ((وتهز الراس)).. دددددددددددووووووووووم أقييين قن راك ويذ مي دووووم ما جالي .. تو تو توترترتتوتوتوتو(( وتهز الراس مره ثانيه ))
شروووووووون هاااااااااي وحده عاشقه للهنود والمهنده >> قوم بو هناد هع هع هع هع هع هع هع سوالف وراعيه حركات وتستوي ربيعه سلامي مدمنة الكورة وبعد ربيعه ميرووه وساكنه عدالهم ...
ونوووووووووي : قت دااااااااون قت يور فلاور .. دووووووووم مجالي
ونوي وشرون: دووم دوووم دووووووم
مطر فطس على منظر النقيز مع زخه العجيييييين والثانيه رابطه الشيله فوق راسها وتهزها كما الخبله اللي ضايع منها ولدها ههههههههههههه
مطر: خخخخخخخخخخخخخخخخخخخخخخخخخخخخخخخخخخخخخخخخخخخخخخخخخخ خخخخخخخخخخخخخخخخخخخخخخخخخخخخخخخخخخخخخخخخ الله يقطع بليسكن من مخبل هع هع هع هع هع هع
البنات يوم شافن أخوهن ناقع عليهن وخص من عقب النقزه المعتبره اللي نقزنها على أنغام الغنيه وهن شالات الصحووون هع هع هع هع أشكال تموت من الضحك صراحة خخخخخخخخخخخخخخخخخخخخخ طبعن من القفطه راغنه برع وهن قافطات من الخاطر على أعمارهن هع هع ه عه ع هع هع وعقب ما خلصن معابل سارن يتسبحن ويتلبسن
....................
............
.........
......
...
..
.
ما يخف شوقي بنظرة عيني أعيونك
ولا الشوق يبرد حبيبي لو تمنيته
زاد الوله بي كذا وأصبحت مرهونك
وأحكمت قلبي ياويلي منك شقيته
....................
............
.........
......
...
..
.
شوي ويرن تيلفون بيت سلطان بن مطر وطبعا ربعت شرون عشان ترد على المتصل ..
شرووووون : ألو مرحبا .. هلا والله وضحووه
وضحى: يامرحبا بج زوووووووود بنت سلطان وشحالج عساج الا بخير
شرون: بخير وسهاله ومن صوبج
وضحى: يسرج الحال ولا يضرج
شروون: مديمن حالج ياربية
وضحى : ومن قال يا ربيه ..
شرون : يامرحبا الساع والله
وضحى: يامرحبابج زووود عيل وينها ونووي
شرون: وييت ألحين بزقرها
وشوي وأن ونيووي يايه
ونووي: يامرحبا الساع ببنت سيف شحالج علني أفداج
وضحووه: المرحب لاهان .. وينج يالقاطعه مالج شووف
ونووي: ههههههههه موجوديييين والله
يلسن يسولفن وضحى وونووي وعقب سكرت عنها ... وخطفت عليهن العيووووز وشلت فيها ظبيوه وضحووه وفياهن رفوع وسلموه صوب العزبة
....................
............
.........
......
...
..
.
يالكـــــــــوس يا لمطلـــــــــي
قم شلي وانته لي المندوب
وأنصى ديار الخلي لا تزلي
واقطــــع قصير درووووب
....................
............
.........
......
...
..
.
وصلن البنات العزبة وسارن الشله صووب عرقووووب بعيد عن العزب شوي ويلسن فوق .. وهن يسولفن ويضحكن والقصيص برع وكل وحده تتمدح بلون شعرها المصبوغ .. سلموه صابغه شعرها أسود وميش أحمر أما ظبيه عسلي فاتح ورفووع صتبغتنه غزالي محمر الا وضحووه ما يهون عليها شعره تصبغه تخاف عليه وبعديين تحب لونه اللي يشبه عتيم الليل فسواده ولمعته وطووله .. وطبعن البنات من الفرحة بييت العزبة فجن شعورهن وسونه عقص وحطنه على ينب .. رفووع شعرها يوصل آخر ظهرها وسلموه شعرها يوصل نص الظهر ومدرج على تحت بقصه حلوه ومحلنه الميش وظبيوه الين الركب أما وضحى ففوق الركب بشووي يعني ظبيوه أطووول ويلسن يسولفن وهبوب السيح تهب عليهن وتداعب شعورهن فياها وعقب عيزن من اليلسه وراحن صووب العزبة ودخلن داخل وكل وحده منهن سارت بقعه ظبيوه ربعت ورى دلوعه ورفوع سارت صوب الدياي وسلموه راحت عن النوق أما وضحووه يالسه فيا العيوز وعقب نشت العيوز وسارت صوب عزبه حد من معارفها...
....................
............
.........
......
...
..
.
ياعمري لك مشتاق
خذني الوله صوبك
يامحير العشـــــاق
في روعه أسلوبك
....................
............
.........
......
...
..
.
وضحووه نشت وسارت صوب الخيمه اللي داخل العزبه .. يلست أتجلب التيفزوون وعقب ملت وظهرت .. وعلى ظهرتها انصدمت بشيء يعترض طريقها

أممم شو هزركم

لالا ماشيء أختيارات

هع هع حتى حذف اجابتين ماشيء

خخخخخخخخخخخخخخخ الله يسلمكم هذا الجبل الأبيض اللي موجود في الامارات .. اكييييييييد عرفتووووووه هع هع هع هذا يعني واحد معترض دربها أو بما معنى واقف جدامها وما أنتبهت له أول ما شافت الكندورة تغشت
.............: احم.. احم سلام عليج الشيخة
وضحى : وعلييييييك السلام يالشيخ
.............: وشحالكم
وضحى : بنعمه انعمت من صوبكم
............ : مديم أن شاء الله
وضحى : ومن قال
...............: بنت سالم وين؟
وضحى : هنه اللى في الدار ألحين بتي
.................: هيه زين أترخص عيل
وضحى : مرخوووووووص
.........................: فداعه الله
وضحى : فداعه الرحمن
لف عطاها مقفاه يا غير وقف لحضات ما قدر يتحرك من مكانه .. ياربي لهدرجة كثر الشوق أييب الخل لصاحبه .... ياالله ياربيه أرفق بحالي ..
ياسلوة الصدر لي ضاقي
نظـــرة عيــونك تسليني
آآآآآآآآآآه ياعيونها يامطر .. رغم أنها متغشيه لاكن اللمحة اللي قدر يلمحها منها ترسخت في خفوق القلب بلا منازع وتدبييير .. يارب رحمتك .. يارب عطفك .. يارب وش أسوي ..
*
*
*
ذا بارت از خلص
ياربي شو مخبية الأيام لشخصيات قصتنا وشو بيصير وشو الأحداث اليايه ..
نلتقي في بارت يديد أن شاء الله
بباي __DEFINE_LIKE_SHARE__

مغرورة · 12-31-2007, 08:13 AM

السلام عليكم ورحمة الله وبركاته

مشكووووووووووورة غناتي قصة حلووووة
نترياج في البارت الجاي
مغرورة __DEFINE_LIKE_SHARE__

المواضيع المتشابهه
الموضوع	كاتب الموضوع	المنتدى	مشاركات	آخر مشاركة
:: القوس قوسك > Mp3 < بصوتي ::	محروم.كوم	منتدى أخبار المواقع والمنتديات العربية والأجنبية	0	12-16-2009 03:30 AM
اغنية القوس قوسك منى امرشا	فارس الامير	اغاني , شلات , هبان	1	10-13-2009 08:31 AM
مشاعل - القوس قوسك	βō 7šĕēŋ	نغمــات للهــواتف	8	08-29-2009 03:21 PM
القوس قوسك- عيضة المنهالي	صاحبة السمو	المواضيع المكرره	3	01-18-2008 06:47 PM