| ||||||
| قصص و روايات تهتم بالقصص المنقوله وقصص الاعضاء الطويلة والقصيرة |
 |
| | LinkBack | أدوات الموضوع | انواع عرض الموضوع |
08-12-2008, 02:37 PM
| رقم المشاركة : [ 21 ] | |
| عضو ماسي  |  الجزء الثامن فطوم :ميثانة صح انا انخطبت ووافقت صح يمكن اتقولين عني خاينة واكيد فرحانة بس انا اقولج لا انا حبيت اخوج من انا ياهل وما كان يحبني بس يوم كبرت وصارلي فترة ما ييت بيتكم حبني فيه وبادلته الحب ولكن انتي اتشوفين اخوج كيف استوى ما خلى بنية الا غازلها واتخيلي شفته بعيوني هذي كيف تعتقدين حسيت صدقيني حسيت اني بموت وهذا ايقولي انه يحبني ويسوي جيه عيل لو ما يحبني شو بيسوي وعقب شفت صورة بنية عنده حاولت اكرها بس ما قدرت كيف اكره واحد وانا احبه من انا ياهل ويوم سافر ما قال حجزوا البنت حقي وبعدين الي خطبني ولد اربيع ابوي كيف اقول لا مااريد عشان تستوي مشاكل والسبة انا وبعدين اكثر شغل الشركة ويا ابو الي خاطبني قوليلي كيف اقول لا....وقعدت فطوم اتصيح ميثوه: فطوم حياتي لا تصيحين .. هذي انا احب منصور واعرف انه مغازلجي وراعي حركات مع هذا احبه فطوم:ـــــــــــــــــــــــــــــــــــــــــــــ ـــــــــــــ (تصيح( ميثوه:فطامي حياتي خلاص فطوم: كيف ابدى حياتي ..ليش مكتوب علي الشقى في دنيتي ميثوه:ممكن هالشقى فيه خير ..ممكن يطلع احسن من حامد مليون مره فطوم:حتى لو كان احسن من حامد بعمره مابكون غالي شرات حامد ميثوه:مثل ماحبيت حامد انشا الله تحبينه واكثر بعد..وبعدين كل شي ونصيب ..لويصير اللي يصير مردج تاخذين اللي مكتوب لج فطوم:اااااااااااااااااااه ..واللي ربي كاتبلي اياه انا راضيه فيه ميثوه: اقول فطوم .. فطوم:هلا آمري ميثوه:شفتي شكله فطوم: منو هزاع ميثوه: ياعيني على الاسم شكله شي فطوم:تبين الصراحه ..مادري ماشفته ميثوه : اعتقد انه حلو لانه ام راشد وبناتها ما شاء الله عليهم مسكتين ..جمال واخلاق.. فطوم: وحبوبين واايد..عسل ماشالله عليهم ميثوه:تعرفين بصراحه كنت اتمنى اني انا وانتي ناخذ اخوان فطوم:هي والله حتى انا وتمن يسولفن في ابوظبي في بيت ابوجابر كان ابو جابر توه داخل البيت راد من الصلاه وشاف ثاني في البيت ابوجابر:هلا والله ثنوي من وين طالعه الشمس اليوم ثاني :احم احم بصدق عمري بعدين (وقام حب راس ابوه( ابوجابر : لازم تصدق ..هالمره متبطر علينا اشوفك مخاوي اهل العين ثاني: هذي انته قلتها بعظمت لسانك اهل العين ويعني احطهم بعيوني منصور: وابوك ثاني :عاد ابوي غير..استطاع ابي باسلحته النفاذه اختراق قلبي واتخاذه مسكن له وحده لا يشاركه به احد منصور:ياعيني على اللغه اللي تقطر..ومنكم نستفيد ثاني:اجل يا اخ منصور ان اللغ....... ابو جابر: عن التفلسف...دقيت حق اخوك تباركله ثاني:اخوي..ليش ابو جابر: حرمته ربت ويابت ولد ثاني :حليلها والله تستاهل.. منصور:هي يا ابوي على آخر ايامك كبرت واستويت يد ثاني:هي الله وانا استويت عم ابو جابر: وعقبال ماتستوي ابو انشالله منصور:خله اول شي يختار الحرمه ويعرس ثاني:انا لو يالس على قلوبكم مادري شو بتسوون منصور:ومين قال انك مب يالس على قلوبنا ثاني :طالعوو هذا شو يقول ..متستحي تكلم اخوك العود جذي..مب منك من اللي يالس معاك (يلتفت صوب ابوه) واخبارك بعد ابوي وعلومك ..ربك بخير وتموا يسولفون لين 11 وبعدين كل سار يرقد وثاني رقد وياهم وبعد مرور كم يوم اليوم اخر يوم من رمضان في صالة ابو احمد فطوم : ياويلنا كيف بنسير بيت يدوه اول يوم العيد ام احمد : ليش فطوم : عشان لبسنا مريوم : عادي لابسين فستان الين الركب وتحته بنطلون ممكن اعرف شو فيها ام احمد : قلت عندج شيء.. شو المشكله ازين فطوم :ماماتي انتي عندج عادي بس يدوه لا كل شيء عيب الهنوف : عادي يوم اتشوفين يدوه مسكي عباتج ولا تفتيحينها فطوم : صح كلامج ام احمد : يلا نشن انرتب الميالس حق العيد البنات : انشاء الله ونشن البنات ويا ام احمد والبشاكير يرتبن الميالس ويدخنونهم ويرتبون سلال الحلاوة وغيرها وفي بيت ابو مبارك ميثوه : اول مرة يضبط الخياط اللي اباه يزوي : هي وايد حلو حتى لونه جنان عليج ..وظابط على جسمج مش انا واسع علي ميثوه : محد قالج ...متني منو زاخنج يزوي :ياليت والله ما خليت شيء الا سويته عشان امتن ولا متنت ما اعرف كيف بلقى ثياب على جسمي حق بعدين عقب العرس ميثوه : سكتي الله يخليج انا الين الحين ما اشتريت حق عرسج فستان.. ولا بعد الهنوف جدمت عرسها بعد عرسج بشهر انا مادري متى بتشرى وبخلص يزوي : انتي مب مشكله سيري أي يوم واشتري..بس الهنوف حليلها شو بتسوي شو يمديها عشان تتزهب ميثوه : اااااه يزويوه بعد شهرين بتسيرين وبتخليني بروحي يزوي :بتيج حرمه بروك.. ميثوه:ولو.. مابتسد مكانج يزوي:عيل عرسي وارتاحي ميثوه : انتي خليه ايي اول وعقب خير يزوي : هم يوج بس انتي اللي رديتيهم اول مره اشوف وحده ما تبى تعرس ميثوه:تتحرين كل الناس نفسج يبون يعرسون بسرعه يزوي:شوفيها لا عيب ولا حرام ..وبعدين انا مب اول وحده اعرس ولا اخر وحده ميثوه : تبين الصدق يزوي كنت دايما اتمنى اني انا وفطوم ناخذ اخوان بس الحين فقدت الامل يزوي : خلي ايمانج قوي ..اذا كنت تتمنين شي كوني واثقه بربج انه بتحقق وبتحقق انشالله ..لانج ما اتعرفين كيف الدنيا تمشي وتموا يسولفون لين 3 ميثوه : يلا خلينا نرقد طاعي الساعة كم بكرة ورانا نشة من الصبح يزوي : هي والله اليوم العيد في بيت ابو مبارك ميثوه ويزوي كانن لابسات نفس البدلة بس يزوي فوشي وميثوه عنابي وكانن حلوات وايد كانن يزوي وميثوه ويا امهم عند الحريم وعقب ظهرت ميثوه وسارت اتشوف اخوها سلطان وين ومرة وحدة احد حط ايده على عيونها ميثوه : لااااااااااا محمدوه بتخرب مكياجي حامد: امباركن عيدج ولفت ميثوه ولوت عليه : حاااااااااااااااااااااامد حياتي اشحالك متى ييت والله تولهت عليك وايد حامد : حتى انا والله.. هناك بروحي محد وياي الا منصور الدب ميثوه قلبها دق يوم سمعت اسم منصور : الله يعينكم وعقب زقرت ميثوه يزوي وامها عشان يسلمون على حامد في بيت ابو احمد في الصالة اللي تحت الهنوف : امباركن عيدج امايا ام احمد : هلا امايا الله يبارك فيج حياتي يلا عقبال ما انباركلج في بيت ريلج الهنوف:الله الله شو الحلاة امايا وينك يا ابوي ام احمد:انا مب مخليه الحلاة الى حقج ما شاء الله عليج الله يعينك ياسيف ( كانت الهنوف لابسة فستان الين الركب مشجر عيناوي واخضر وبني بدون ايدين وفي خيط ينربط عند الرقبة وايد حلو وبنطلون بيج( الهنوف : امايا ام احمد : شو امايا بعد ترى عرسج عقب 3 اشهر يلا بسير عند العرب الهنوف : منو عندكم ام احمد :محد غريب حرمة ياركم وعمتج سلمى الهنوف : عيل ما بسير الميلس ابوي واحمد وين ام احمد : اشحقه ما اتسيرين اتسلمين الهنوف : امايا اتعرفين ما اداني ايلس ويا عموه سلمى يوم ايلس وياها كل اتنقز فيني عشان رديت ولدها ام احمد: عشاني فديتج يلا اليوم العيد الهنوف : اوكي امري لله ودخلت الهنوف وامها الميلس وسلمت على عمتها وحرمة يارهم سلمى : هلا والله بالهنوف شحالج غناتي امباركن عيدج الهنوف : الحمد الله بخير الله يبارك فيج شحالج عموه سلمى : بخير ربي يسلمج وسارت الهنوف تسلم على حرمة يارهم الهنوف : هلاوالله شحالج خالوه امباركن عيدج حرمة يارهم : الله يبارك فيج غناتي شحالج امايا شو الحلاة ماشاء الله عليج ..متى عرسج فديتج الهنوف : الحمد الله ..عقب 3 اشهر انشاء الله حرمة يارهم : الله يوفقج انشاء الله وقعدو يسولفون وسارت حرمة يرانهم وعمتهم و يوا الحريم..و ما شاء الله الميلس ممزور حريم ونزلت فطوم ومريوم الصالة مريوم كانت لابسة فستان اخضرفستقي على فولك وبرقبة وبنطلون ابيض وطالعة جنان وروعه وحلوة وفطوم كانت لابسة فستان وردي وابيض جنان وعليه فولك احمر وتحته بنطلون احمر طالعة جنان ووايد حلوة الهنوف : جان ما نزلتوا بعد.. والله تعبت فطوم : سلمتي على ام ريلج الهنوف : هي وسلمت على ريلي مريوم : قولي والله.. الهنوف : والله ابوي زقرني وسرت عنده وما كنت ادري ان هناك سيف وعقب سلمت عليه ورديت فطوم :وانا اقول ليش الخدود محمرات الهنوف : سخيفة بنشوف باجر شو بتسوين.. صح يت ام ريلج وسئلت عنج فطوم : شو ريلي بعده ما استوى مريوم : ااااااااااااه متى بعرس يا ربي فطوم:على شو مستعيله وعقب دخلو يسلمون على الحريم وعقب راحوا عند يدتهم ويلسو عندها وعقب سارو بيت عمهم ودخلو الصالة الهنوف : يلا فطوم : مااريد الهنوف والله استحي ادخل اكيد الميلس الحين ممزور مريوم : هي صدقها ما اريد ادخل الهنوف : اوكي بخلي البشكارة تزقرهم وطلعن ميثوه ويزوي وسلمن على بعض ويت ام مبارك وسلمت عليهم يزوي : وين عموه ليش ما يت الهنوف : عندها حريم قالت عقب بتي فطوم : ميثانة اريد اعدل جحالي ميثوه : تعالي حجرتيه وسارن ميثوه وفطوم حجرة ميثوه كانت فطوم وميثوه يسولفون على السرير ودخل حامد حامد : هلا والله وانا اقول ليش الغرفة منورة وقلبي يدق قبل ما ادخل الحجرة.. انباركن عيدج حياتي فطوم انصدمت وتجمدت مكانها حاااامد متى رد ياربي الله يستر فطوم : الله يبارك فيك وفي حياتك عن اذنكم ونشت فطوم وظهرت من الحجرة حامد : ميثانة شو فيها فطوم ميثوه كانت مرتبكة مش عارفة شو اتقول ميثوه :هاااااااا ما شيء ما ادري وظهرت من الحجرة حامد : شفيهم هذيلا..لا الوضع مش طبيعي لازم اعرف شو مستوي في الميلس كانت ام مبارك ومريوم والهنوف ويزوي ومحمدوه يسولفون ام مبارك:محمدوه انته ما تستحيه على ويهك يالس مع البنيات تراهن يستحن منك الهنوف : عاد محمد اخر واحد ممكن نستحي منه محمدوه: شفتي شو عرفج انتي هم مايستحون مني..بس مادري اذا مريوم تستحي مني مريوم:هي استحي واااايد منك لدرجه اني ما اقدر احط عيني فعينك محمدوه: اصلا كل البنات يستحن يحطن عينه في عين الرياييل مريوم: من قالك وقص عليك هذا اول يا بابا الحين تلقى العكس الرياييل ينزلون عينهم من كثر ما يطالعونهم الحريم ام مبارك: هي والله صدقها البنات قبل يوم انقولهم ان ياهم خطيب يستحون وينزلون روسهم اما الحين ولو بإيد البنات بسيرن هن يخطبن حق عمارهن الهنوف: شدعوى عاد لهدرجه مريوم: احلى ..نقلد الهند محمدوه: احلى بعينج هاللي ناقص بعد.. مريوم: لا صدق والله..تخيلو رايحه اخطب واحد جان تشاوره امه جان ينزل راسه من المستحى وقالها وهو مستحي شوري من شوركم الكل: ههههههههههههههههههههه محمدوه: ههههه والله انج خبله ..يبالج واحد يعلمج الادب مريوم: مثل مين هالواحد محمدوه: مثلي مريوم: ههههههههههه الي يخليك عورني بطني جان ياخذ محمدوه المخده وفرها على مريوم محمدوه: ليش مب ما لي عينج مريوم: لااااا قصدي اني انا وانته ما نتناسب اهبل وهبله يعطي عيال خبلين ..يعني مستحيل آخذك محمدوه: ربج شو دراج كل شي ونصيب ممكن ربج كاتبلج تاخذيني مريوم: وشو اللي حادني عشان آخذك يوم تخطبني محمدوه: ربج شو دراج مريوم: لالا مستحيل اخذك لا تحاول محمدوه: صدقيني الحين يوم تردين البيت بتمين اتفكرين فيني مريوم: بعينك هاللي ناقص بعد ..تطمن و تاكد ميه من ميه ماراح افكر فيك .. في هالاثناء دخلن فطوم وميثوه وباركت فطوم محمدوه على العيد محمدوه يكلم فطوم:شفتي اختج شو تقول فطوم:شو قالت محمدوه: تقول يونه شو ..شو كلمتها هذيج..هي شو حادنها تاخذني فطوم:صدق ما تستحي على ويها ..اصلا هي تحب ايدها مجلبات يوم انها بتاخذك محمدوه: سمعي ..سمعي..يعلني ماخلى عنج يا بنت عمي مريوم: والله كلن وله رايه وتمو يسولفون بعد فتره يا احمد وسولف معاهم شوي وبعدين ردوا البيت في بيت ابو احمد كانت مريوم يالسه اطالع تلفزيون في الميلس ملت وبندت التلفزيون وسارت حجرتها في طريجها شافت حجرت ثاني مفتوحه وكان محد فيها وياها فضول عشان تدخل حجرته دخلت شوي شوي وتاكدت انه محد في الحجره ..راحت عند التسريحه شافت كريمات وعطورات ودهن عود جان تمسك واحد من العطورات وشمت ريحته مريوم:الله محلى ريحته ..والله الريال مدلل عمره وحطت شوي كريم بايدها ويوم رجعت الكريم حصلت صورته على تسريحه يوم شافتها حست بقشعريره جنه بهاللحظه قاعد يطالعها خذتها وتمت اتطالعه: ودي انا ألقى للأحاسيس تفسير..ليش القلوب لبعض الاشخاص تشتاق ؟!!! حطت الصوره في مخباها وقبل ماتظهر شافت عمرها في المنظره وتمت تتعدل فجأه شافت دفتر على السرير التفتت وسارت عند السرير ويلست ومسكت الدفتر بايدها: لا مالي حق اقراه.. ردته وقامت :اوووه ياربي شو اكره الشيطان ..ردت ويلست :بقرا بس صفحه..مسكت الدفتر وبطلت من النص: غريبه ريال وخطه حلو..وبدت تقرى.. علميني لصارت الدنيا تعاندني لمن ابوح..؟ وعلميني لصارو اصحابي اغراب وين اروح..؟ فهميني اذا احتجتلك بليله ضما ومالقيتك كيف اعيش..؟ وفهميني لو ضاع الوقت مني و رحتي مني ليـــــه اعيش..؟ جلبت الصفحه: لا بس قلت وحده..يلا خلاص هاي اخر وحده كيف اكتب عن غيابك وانا بغيابك غياب ماني قايلك عذاب شي اشد من العذاب شي مثل الاكتئاب شي مثل الاغتراب شي مثل الاظطراب باختصار تقدر تسمي غيابك موووت في"عز الشباب" بندت الدفتر: احسلي اطلع قبل لا ايي ..والله كلماته تدخل القلب يا بخت اللي بتاخذك.. تمت اطالع الدفتر:ياربي والله هذي اخر صفحه ابطلها.. كل شي فيك انت حلو..لا تقول وش فيني حلو..شعرك..عيونك..بسمتك..كل شي فيك انت حلو.. مرات اجي اشبهك احتار كيف اشبهك..انت القمر..شفت القمر ما تشبه هو يشبهك..m.. مريوم: والله وطلعت تحب يا ثنوي..لا بعد وحده بحرف الميم ويوم خلصت جملتها دخل ثاني الحجره وكان يكلم تلفون يوم شافته انجلطت مكانها من الصدمه وثاني من شافها مانزل عينه عنها مرت دقيقه ولا حد من الاثنين تحرك بعدين طلع ثاني وتمنت مريوم لو انها تختفي من الوجود بهالحظه قامت وسارت عند الباب ويوم طلعت مسكها ثاني من جتفها ولفها صوبه ثاني يقول حق الطرف الثاني في التلفون: منى لحظه لو سمحتي (خذا الدفتر من ايد مريوم..لان يوم طلعت شلت الدفتر معاها بدون ما تحس( مريوم في خاطرها: ياربي كيف شليته معاي..ارتفع الدم بويها واحمر ..تركها ثاني وسارت تربع حجرتها ودخل ثاني حجرته في بيت ابو مبارك في حجرت ميثوه ويزوي ميثوه:والله انه سخيف ليش ما يا عشان يباركلي بالعيد يزوي:لاوالله ..ليش شو يقربلج ميثوه:يعني ما يسد انه يحبني يزوي:ممكن يوم سافر نساج ميثوه:فال الله ولا فالج ..يويهج يالدبه مب منج من اللي يجابلج يزوي: يعني الواحد مايقدر يمزح معاج ميثوه:احر ما عندي لبرد ما عندج..انزل تحت احسلي ونزلت تحت في الصاله ميثوه:امايا ملانه ام مبارك: سيري لبسي عشان نسير عند خالتج ميثوه:مافيني ام مبارك:اقول حامد اخباره ربيعك منصور ميثوه من سمعت الاسم انتبهت للسالفه حامد:منصور الريال معيد ..من فتره متعرف على وحده كويته ميثوه مش مستوعبه شو يقول حامد من الصدمه ام مبارك: وشو يباها الكويتيه حامد: قالتله بس هو يسمع..تزوجها الاسبوع اللي طاف والحين هم في ايطاليا ميثوه: لا اتطلع اشاعات على الريال ام مبارك: سكتي انتي يعني يجذب عليج ميثوه:لو صدق عرس لو عزمونه اهله حامد:ترى يالذكيه اهله مايدرون ام مبارك:هذا انتو يالشباب ..الله يهديكم ..لا يكون انته بعد ماخذ وحده من ورانا حامد:تطمني مب ماخذ (في خاطره عندي وحده تسوى الدنيا وما فيها..احبج يافطيم( ميثوه:مادري ليش احسك جذاب حامد:شفيج انتي والله مثوه حست الدنيا ادور حواليها نزلت دمعه من عينه ومسحتها بسرعه لاحد يشوفها بس كانت دمعاتها اسرع عنها وشافتها امها ام مبارك: ميثوه حبيبتي شو فيج التفت حامد عليها ميثوه:هاا .. اانا ..المسلسل حامد مستغرب :شو فيه المسلسل مايصيح ميثوه:هي بس ...البنيه ذكرتني بربيعتي الله يرحمها..(قامت) ..برايكم بسير ارقد وسارت فوق ويوم دخلت الحجره انهارت وتمت تصيح لين ما رقدت..دخلت يزوي الحجره وبطلت الليت وشافت ميثوه راقده استغربت وبندته وطلعت وعلى العشاء فليل كانت عايلة ابو احمد يطالعون التلفزيون ابو احمد : فطوم فطوم : لبيه ابويا ابو احمد : هزاع يبى يملج بعد اسبوع وانا ما عندي خلاف ..هاااا شو قلتي فطوم : ابويا شو اسبوع بعدني ما اشتريت شيء ابو احمد : بتملجين انتي ولا بتعرسين فطوم : انزين كيفكم ونشت وسارت حجرتها فطوم اتكلم عمرها صدق اني منحوسة يعني احمد ولد خالي يحبني وانا ما احبه والي احبه احس مب مهتم فيني والحين باخذ واحد ما احبه ولا احس باي شي باتجاهه ومادري اذا يحبني ولا لا ...اااااااااه يا حامد ماتدري شو استوالي بشوفتك . ياويلي شو بيسوي يوم يدري اني خلاص خليته.. بس بصراحه واايد تغير وحلو اكثر ..اف خلاص لازم انساه وابدء حياتي مع هزاع في خامس يوم في العيد في بيت ابو مبارك في حجرت ميثوه ويزوي يزوي: متى بنسير عشان نتشرى حق ملجت فطامي ميثوه: ................................ يزوي:ميثوووه ميثوه:شو تبين يزوي :شفيج ميثوه:مافيني شي وطلعت ميثوه من الحجره يزوي:شفيها هاي ..احسلي انزل تحت اقولهم يودوني السوق ونزلت تحت في الصاله يزوي:ابوي حبيبي ابى اسير السوق ابو مبارك :مافيني سيري انتي وامج يزوي :امي سارت مزيد دخل حامد الصاله ابو مبارك : خلي حامد يوديكم حامد:وين اوديكم يزوي :السوق حامد:ليش ..شو عندج يزوي: ابى اشتري ملابس حق ملجت فطوم حامد: شووووووووووو ..ملجت فطوم؟..اي فطوم انشالله يزوي: يعني أي فطووم بالله..فطوم بنت عمي محمد حامد:انتي شو قاعده تقولين يزوي بصوت واطي:يووه ..شو اللي لقفني وخلني اتكلم (خلته وسارت عنه فوق( ابو مبارك: بعد ماسافرت بكم يوم خطبها ولد ابوراشد هزاع حامد: وهي وافقت طبعا ابو مبارك:هي من حقها حامد منصدم: شو من حقها وانا .. انا وين سرت ابومبارك:انت لو كنت صدق تعزها وتباها لو ملجت عليها قبل ما تسير او قلت حجزوا البنت حقي الين ما ارد من السفر حامد:لاني كنت متاكد انها لي ومحد بتجرأ ياخذها ابو مبارك:لا والله وانته تتحراها لعبه عشان تكون لك..بصراحه يوم ياني عمك وقالي ماقدرت اعارضه واقوله انها لك لانك ما قلت حجزولي فطوم قبل ماتسافر حامد:وماقدرتوا ادوقولي وتسألوني .. حرام عليكم ظلمتوني(وطلع بسرعه برع البيت وهو يصيح وبطلعته دخل محمدوه( محمدوه:السلام عليكم (حب راس ابوه( ابومبارك: وعليكم السلام والرحمه محمدوه:شفيه حامد ابو مبارك:الله يخليك محمدوه اسكت مالي خلق اكلم حد (قام وسار حجرته( محمدوه: شفيهم هذيلا ..حمدالله والشكر ..احسلي ادق حق حامد واشوف شوفيه دق مره مرتين ثلاث محمدوه:شفيه هذا ما يرد على التلفون(ودقله مره ثانيه) توه مايرد الحين مغلق..اووف اسير ارقد احسلي في حجرت بروك كان يالس يطالع التلفزيون جان يرن تلفونه بروك:افففففف.. شو تبى هذي بعد..(رد على التلفون)..الو موزه:هلا والله بحبيبي وعمري و حياتي بروك:هلا موزه..شحالج موزه:استويت بخير يوم سمعت صوتك..حبيبي وينك ما تسال عني بروك:غصب عني تعرفين اني واايد مشغول هالايام اسمحيلي موزه: مسموح يابعد كلي وطوايفي..بس بشرط تيني باجر بروك:اييييج ..باجر.. موزه: هي حبيبي انا من زمان ما شفتك من ملجتنا..مادري شو فيك قبل الملجه كنت تذبحني بتلفوناتك ومسجاتك وزياراتك ..والحين مادري شو اللي تغير بروك بصوت واطي: لاني كنت قرد قبل الملجه اما الحين عقلت ..بس بعد شو موزه: حبيبي ممكن تعلي صوتك ما اسمك بروك: من عيوني..خلاص انشالله ورى باجر ياينج موزه:صدق حبيبي ..ياي ماتتخيل شكثر انا فرحانه بروك تخيل مريوم اللي تضحك جان يقول :انشالله دوم يا حبيبتي وقعدو تسولف وبروك في عالم ثاني في بيت ابو احمد في الصاله مريوم:الحين كلهم بعرسون وبخلوني بروحي..عانس ابو احمد:احسن خليهم يعرسون ويفكونا من الصدعه ..وعشان يفضالج البيت مريوم:و شو الفايده يوم يفضى البيت ابو احمد: ترا يا الذكيه يوم يفضى البيت لج نحن نتفيجلج وبكون كل الدلع لج..اللي تبيه يستوي واللي في خاطرج اييج الهنوف:دعايه مشالله ابو احمد: وازيدج من الشعر بيت يوم نفتك منهم مابنخلي مكان الا بنسيره ولابلده الا رايحينها مريوم:يا عيني من قدي الهنوف:لا والله يعني هذا كله ما طلع الا يوم بنعرس..خلاص ما بعرس يالسه على قلبكم مريوم:يله ولي ..الغيره تقتل صاحبها.. ابو احمد:صح لسانج ..درر ما شالله الهنوف :هي مره ام احمد يايه من المطبخ ام احمد:يلا قوموا تعشو بسكم من الهذره مريوم: انا ماريد عشى بسير ارقد ام احمد:ليش امايا شو ماكله مريوم:ولاشي بس مب يوعانه..(وقامت عشان تسير)..تعالو وين فطوم الهنوف:في حجرتها مريوم:غريبه..تصبحون على خير الكل :وانتي من اهل الخير سارت فوق عند حجرت فطوم وبطلت الباب شوي شوي مريوم:فطوم..فطوم.. فطوم:دخلي شو تبين مريوم دخلت وسكرت الباب وراها وكانت الحجره ظلام جان تدعم بالكرسي وتخرطفت فطوم: مريوم..شو سويتي (بطلت الابجوره( مريوم: يويهج بدال ما تخافين علي وتقولين شو استوالج (قامت وسارت ونقزت على السريروتلحفت( فطوم:خيبه كسرتي السرير مريوم:فدوه عني يا حبيبتي ..تصدقين متولها عليج واايد..من زمان ما سولفت معاج فطوم:متجابلين 24 ساعه وكل هذا ماتسولفين معاي مريوم:لا بس.. تعرفين شو اقصد فطوم:شو تقصدين مريوم: اوووف منج مب منج من اللي اييج (قامت عن السرير( فطوم:تعالي يالزعوله قاعده امزح مريوم:انا حالتي حاله وانتي قاعده تمزحين فطوم:شو فيج بعد ردت مريوم على السرير مريوم:ماعرف كيف اقولج فطوم:بعد كيف تقوليلي ..قوليلي نفس الناس مريوم:بس ما تتطنزين ولا تعايبين علي فطوم: تكلمي شو عندج مريوم:فطوم..انا .. فطوم:تكلمي ما باكلج مريوم تتكلم بسرعه:احس يوم اشوف ثاني قلبي يدق بسرعه..احس اني.. فطوم:تحبينه.. مريوم:شو دراج فطوم:ادري اصلا من مايدري في العايله.. مريوم:قولي والله فطوم:اتمصخر مريوم:سخيفه..طيحتي قلبي فطوم:بصراحه ثاني مشالله عليه مسكت..وبصراحه ما بتلقين احسن عنه مريوم:مادري فطوم:شو سويتي اعترفي مريوم:ماشي بس احس اني واايد سخيفه معاه..لدرجه انه مايدانني ..اخاف طحت من عينه فطوم:ليش شو سويتي وخبرتها مريوم بكل شي من يوم ملجت بروك لين ما شافها بحجرته فطوه:يووووووووه عليج بصراحه وايد زودتيها وما ينلام اذا بيكرهج مريوم:لا والله الحين هو البريء فطوم:لااا ..هو كيف صفعج مريوم:دخليلج لا تذكريني ماتتخيلين كيف كرهت عمري هذاك اليوم شوي ويرن تلفون فطوم مريوم:ليش ماتردين..ردي فطوم : رقم غريب ما اعرفه مريوم:ردي ممكن حد تعرفينه بس داقلج من تلفون ثاني ردت فطوم فطوم:الو حامد : انتي بتملجين فطوم منصدمة ان حامد داق حقها ومب عارفة شو اترد عليه ولا مريوم عدالها بعد حامد بصراخ : ردي نطقي فطوم : هيه حامد : لاوالله وين سرت انا ما صدقتي اسافر الا ولقيتيلج واحد ثاني فطوم : حامد بس.. حرام عليك حامد : حراااام..ليش انتي تعرفين الحرام ما قلتي حق روحج اصلا.. انتي خاينة ما تستاهلين احد يحبج وبند التلفون في ويهه فطوم وقعدت فطوم اتصيح مريوم : فطامي شو فيج فطوم : ماشيء مريوم: شو قالج هالحيوان السخيف النذل فطوم ميته من الصياح مريوم:فطوم لا تصيحين والله ما يستاهل الدموع اللي تنزلينها عشانه..هذا انسان ماله احساس او ضمير جان تلوي مريوم على فطوم وتمت تهديها فطوم بعد ما هدت شوي: مريوم حياتي خليني ابى ايلس بروحي مريوم : خلاص حبيبتي انا بظهر بس اذا تبين شي قوليلي فطوم : انزين وظهرت مريوم من الحجرة وقعدت فطوم اتصيح يا ربي ليش يستويلي جي الحين هو الغلطان خلاني انا الغلطانة بس ما يهون علي ياربي احبه وخلاص هزاع بعد يومين بيستوي ريلي يا ربي أي حياة هذي اللي بعيشها بدون روحي.. خلاص تعبت من الحياة ومشاكلها وبندت الابجورة وتمت تصيح لين مارقدت ورد حامد البيت معصب وهو يكلم عمره :لو اموت ما اخلي فطوم تاخذ واحد غيري..وسار حجرة ابوه ودق الباب ابو مبارك :منو ودخل حامد الغرفة حامد : السلام عليكم ابو مبارك : وعليكم السلام والرحمة حامد : ابوي انا ..انا ابو مبارك : انته شو حامد : انا ياي وطالبنك طلب ابو مبارك : شو حامد : ابوي انا ابى فطوم والله بموت ولو ما خذيتها ابومبارك : والله يا حامد انته عارف اني كنت دايما اتمنى فطوم حقك بس الله ما كتب وخلاص الحين البنت سارت في نصيبها وما نقدر انسوي شيء حامد : لا ابوي نقدر ابومبارك : كيف حامد : اتسير عند عمي محمد واتقوله اني ابى فطوم ولا بتزعل عليه وانته اخوه العود ابومبارك : اشووووو ..انته ينيت ولا ينيت حامد : هي ينيت و بين زياده لو ما خذيت فطوم ابومبارك : حامد اعقل خلاص البنت سارت في نصيبها خلاص انساها وانا اخوي ما برمسه حامد : والله اذا ما بترمسه انا برمسه وظهر حامد من البيت ساير صوب بيت عمه وفي حجرة ام احمد وابو احمد ابو احمد : انا احس فطوم وايد متغيرة صح هي رقيقة من يومها ومالها حس وايد بس احسها هاليومين وايد متغيرة مالها حس ابدا وكله في حجرتها واحسها هموم الدنيا فوقها ام احمد :هي والله حتى انا احس نفس الشيء وصايرة حتى اكل ما تاكل ما اعرف شو فيها ابو احمد : ظنج عشان الخطبة يمكن انا غصبتها بدون ما اقصد ام احمد : لا حبيبي ما اظن لان نحنا خليناها على راحتها وهي صلت صلاة استخارة ومحد غصبها ولا ضغط عليها ابو احمد : الله يعين لا زم انرمسها باجر ام احمد : انشاء الله من عيوني ابو احمد : تسلملي هالعيون وصاحبتها والله وسمعوا دق على الباب ابو احمد : منو ايرني : انا ايرني بابا ام احمد : دخلي يا ايرني ابو احمد : شو عندج ايرني ايرني : بابا حامد برع يريد انته ابو احمد : حامد شو عنده الحين ياي ام احمد : نش سير شوفه يمكن احد صايرله شيء ابو احمد : الله يستر وظهر من الحجرة صوب الصالة وكانن مريوم والهنوف في الصالة الهنوف : شو عنده حامد ياي الحين مريوم : مادريبه السخيف شو عنده اكيد شيء مستوي ولا حامد ما بيي الحين الهنوف : يلا احمد عنده الحين في الميلس يوم بيطلع بنسأله مريوم : هي بس ان شاء الله يطلع بسرعة ونزل ابوهم من الدري ابو احمد : السلام عليكم البنات : وعليكم السلام والرحمة ابو احمد :عيل فطوم وين مريوم : راقدة ابو احمد : انزين حامد في الميلس اللي داخل ولا اللي خاري الهنوف : لا اللي داخل وياه احمد ابو احمد : عيل يلا برايكن مريوم : الله يستر ونزلت امهم ويلست عندهم مريوم: ماماتي شو مستوي ام احمد : والله انا حالي من حالج وفي الميلس احمد : انزين انته قولي حامد : ما برمس الين عمي ما ايي ابو احمد : السلام عليكم حامد واحمد : وعليكم السلام والرحمة وسار حامد يسلم على عمه ابو احمد : اشحالك حامد ان شاء الله بخير حامد : بخير يسرك الحال ابو احمد : خير ابويه شو بخاطرك حامد : عمي طالبنك طلبة وما أباك اترديني فيها ابو احمد : افاا... امر انته بس حامد : انا ابى فطوم ابو احمد واحمد انصدموا وقعدو يطالعون بعض ابو احمد : بس فطوم مخطوبة وعقب يومين ملجتها حامد : دخيلك عمي انا اباها.. حرام عليكم اتسوون فيني جذي (دمعت عينه وبعد شوي نزلت دموعه غصبن عنه وحرقت قلب ابو احمد) ابو احمد : بس انت يا حامد ما قلت حجزوا البنت حقي حامد : انا كنت ضامن ان فطوم حقي بس انا ما كنت ادري انها بتوافق على احد غيري وانتو ما قلتو حقي انه انخطبت..ولاسئلتوني ان كنت اباها ولا لأ ابو احمد : اسمع يا حامد والله لانك غالي وعادنك شرات احمد ولدي انا عندي اقتراح ولو واحد غيرك ما سويت له حامد : شو عمي ابو احمد :فطوم ملجتها عقب يومين انا بسالها باجر اذا تباك ولا تبى هزاع اذا بغتك بتعتذر من العرب والله وهم غاليين على قلبي بس عشانك واذا ما بغت مش بايدي شيء كان ما بضغط عليها ولا بجبرها اتسوي أي شيء غصب عنها هاذي حياتها وهي حرة حامد : انزين ابو احمد : والله اني بغيتك حق فطوم بس انته الله هداك احمد: حامد بس عاد الرياييل ما يصيحون حامد:غصب عندي والله لو كنت مكاني جان سويت اللي سويته واكثر وظهروا من الميلس وظهر حامد صوب بيتهم وهو مرتاح ام احمد : خيرشو عنده حامد ابو احمد : ماشيء يلا تصبحون على خير ولحقت ام احمد ريلها الحجرة وقالهاكل شيء وقالو بكرة بشاورون فطوم مريوم : حمود شو عنده حامد احمد: الصراحة صدمنا انا وابو الهنوف : ليش احمد : لان ما بقى على ملجة فطوم غير يومين والحين ياي يقول اباها بس شكله يحبها من الخاطر الهنوف : لا والله الحين تفيج يقول اباها احمد : والله ما ادري بولد عمج ..يلا انا تعبان بسير ارقد الهنوف : حتى انا يلا مريوم وفي اليوم الثاني ابو احمد واحمد وام احمد سارو الدوام والهنوف سارت الجامعه ومريوم المدرسه وفطوم ماداومت لانها كانت تعبانه ومتكسره من كثر الصياح كانت يالسه في الصاله ثاني من وراها:عاش من شافج فطوم:هلا ثاني..شحالك ثاني: بخير دامج بخير فطوم:تصدق من زمان ما جفتك ثاني: لازم دوم يالسه في حجرتج بالله كيف بتشوفيني رن تلفون ثاني ثاني:الو مرحبا هزاع : مرحبتيين..وينك ثاني :بسم الله الرحمن الرحيم..اصبحنا واصبح الملك لله جي الناس يصبحون هزاع: ثنوي مب متفيجلك ..وينك ثاني:في البيت وين بكون بعد هزاع:انزين تلبس عشان بمر عليك ثاني:لا تمر علي ولا تعب عمرك ..بنت عمي يالسه في البيت ولا اقدر اخليها بروحها فطوم:ثاني سير معليك مني..بسير ارقد الحين (سارت حجرتها( هزاع:بنت عمك محمد ثاني:هي هزاع:ـــــــــــــــــــــــــــــــــــــــــــ ثاني: شو فيك هزاع: خطيبتي.. ثاني: خطيبتك..اي خطيبه...هيييييييييي خطبت بنت عمي..ااه يا السبال طلعت داهيه ..لا صدق تعرف تتختار هزاع:ثنوي بلا استهبال اول شي انته ما سئلت وبعدين تدري ان امي اللي خطبتها لي ثاني:هي وحرمتك من وحده ما شفتها..والله ما عندك سالفه انته لو اتشوف فطوم مشا الله عليه تذوب فيها جمال وادب واخلاق لا بعد دلع ..والله انك غبي يوم تقارنها بوحده ماتعرفها هزاع: ادري سمعت هالكلام الف مره من اهلي ..تصدق من كثر ما يمدوحونها بخاطريه اشوفها ثاني:لا تستعيل لانك يوم اتشوفها ماتبى تشل عينك عنها هزاع:ها عن الغلط حدودك لو سمحت اشوفك واايد ماخذ راحتك قاعد تتغزل فيها ثاني:اوووه زين..زين تغار لا في تتطور هزاع:تتطور بعينك..يوم اخذها ما بخلي شي الا بقوله لحبيبت قلبك عن تغزلاتك ياروميو ثاني:ترى يا مجنون ليلى فطوم بكل مواصفاتها ما تي عدال حبيبت القلب هذيج عالم ثاني ..ااااه لو تدري شو يستويلي يوم اشوفها .. هزاع:لاااا حبيبي محد ايي عدال خطيبتي..ولا يسوون ظفره من ريلها ثاني:هااا اشوف لاعب الدور عدل خطيبتي ..ومحد ايي عدالها .. هزاع:كيفييييييييي..مزاجي ما يخصك ..اقول اللي اباه ويلا بسك من الهذربه الحين ياينك وبند عن ثاني هزاع:انا ليش اتكلم عنها جي.. ومع مين مع ولد عمها..والله ما استحي على ويهي في بيت ابو مبارك بعد الغدى دخل بروك عند ميثوه في حجرتها بروك: اقول الميث.. ميثوه:خير شو تبى بروك:خيبه ..اتكلمي عدل انا مب اصغر عيالج ميثوه: بروك الله يخليك اللي فيني كافيني تكلم وقول شو تبى بروك: مره اللي يشوفج هموم الدنيا على راسج.. محد مهموم غيرج ميثوه تمت اتطالعه معصبه ميثوه: شو تبى بروك اتضايج من اسلوبه معاها ..هو المحتاي وجذ يكلمها بروك:سوري ميثوه:لااا بروك ..سامحني انا السخيفه مالي حق اكلمك جي بروك:على شو اسامحج ..انتي اصلا كل شي منج مسل يا عسل ميثوه:ههههه لا ماقدر استحمل..قول قول شو تبى ..فلوس ما عندي بروك:طاعوو هذي.. مادري من ياخذ من الثاني ميثوه:شو اسوي تعرف اني بزنس واحتاج للفلوس بروك:طبعا..صحيح..يا حبيبتي الفلوس وصاحب الفلوس ميثوه تمسك بروك اتشوفه اذا مرتفعه حرارته ميثوه:بسم الله عليك شي فيك بروك:ههههههه..مافيني شي..بس ابى اسألج سؤال بس لا تفهميني غلط...مريوم..تحب حد؟ ميثوه:ــــــــــــــــــــــــــــــــــــــــــــ ـ بروك:شفيج ميثوه:ما شي غير سؤالك صدمني..اكيد مب صاحي بروك:يعني الواحد حرام يسال عن بنت عمه ميثوه:بعد 17 سنه هي..وبعد ما ملجت .. بروك:ايي انتي لا يسير تفكيرج بعيد..اسأل بس ميثوه:لو انه سؤالك غريب بس لأ ما اعتقد..نصيحه لوجه الله لا تفكر باي شي لانها مستحيل تفكرك فيك (ميثوه كانت تدري انه مريوم كانت قبل تحبه ( (وبروك كان يبى يسألها ليش ماتفكر فيه بس خاف تشك فيه..وتاكد بكلام ميثوه ان مريوم مستحيل تحبه..لان ميثوه ما بتقوله جي الا اذا كانت متاكده (100% وتمو يسولفون وبعد شوي ياهم خلوف ويزوي يضحكون خلوف:لحقوو اخوكم الثور شو سوى يزوي :فضحنا الدب عند عمي ميثوه و بروك:شفيكم وخبروهم عن سالفه حامد يوم سارعند عمهم في بيت ابو احمد مريوم راحت حجرت فطوم مريوم:تغديتي فطوم:لا مريوم:يلا خلينا نزل نتغدى فطوم:نزلي انتي ..مب يوعانه مريوم:فطوم انت تبين تذبحين عمرج فطوم:يعني الواحد غصب ياكل الهنوف توها يايه من الجامعه:هي غصب ..ببدل ثيابي بعدين ننزل نتغدى فطوم : انزين يلا ونزلن البنات تحت يتغدون فطوم : متى بتيي اللي تحني مريوم : ليش ما دريت فطوم : شو الهنوف : لا حياتي ما شيء تعرفين حركات مريوم .. قعدت الهنوف اتشوف مريوم بنظرات يعني سكتي فطوم : انزين متى بتي الهنوف : العصر ولا المغرب وقعدوا يسولفون وفي دبي كان بروك ساير عند حرمته موزة : مابى انا زعلانة يعني من ملجنا ما ييت بيتنا وما تكلمني الا مرات بروك تلوم وايد في موزة خاصة انها استوت حرمته لازم خلاص ينسى مريوم بروك : فديت الزعلانين انا ادري اني مقصر وايد بس حبيبي ما كان شيء وقت عقب ملجتنا يا رمضان وتعرفين في رمضان امره ما اتحسين بالوقت موزة : ولو انا حرمتك لازم اتخصصلي من وقتك بروك : انشاء الله من عيوني يعني اهون عليج اتمين زعلانة مني موزة : لا بروك : فديت اللي مايرضى ياربي موزة : لا انته اليوم مش طبيعي بروك شيء فيك وقعدوا يسولفون العصر كانن مريوم وفطوم والهنوف يطالعون مسلسل ودخل الصالة ام احمد وابو احمد ابو احمد وام احمد : السلام عليكم البنات : وعليكم السلام والرحمة ام احمد : ها فطامي فديتج شو اتحسين الحين انشاء الله احسن فطوم : هي احسن ابو احمد : ليش فطامي شو فيج فطوم:ما شيء فديتك بس شوي كنت تعبانة ام احمد : مريوم والهنوف سيرن حطنا فوالة مريوم : امي شيء بشاكير..وبعدين اشمعنى فطوم لا ام احمد : نشي انتي واختج يلا مريوم : انزين ...ما اتخلون الواحد يطالع المسلسل وسارن الهنوف ومريوم المطبخ ابو احمد : فطامي فديتج تعالي عدالنا فطوم : انشاء الله وسارت فطوم ويلست عدال امها وابوها ابو احمد : اشحالج امايا شو فيج فديتج جنى هموم الدنيا كلها عندج فطوم : ماشيء بس افكر بحياتي اليديدة كيف بتكون اقدر اتحمل مسؤوليتها ولا لا ام احمد : فديتج يا فطامي ما اتخيلج بتعرسين وبتسكينين في بيت اروحج بدونا ابو احمد : فطامي انا اعرف انج انخطبتي حق هزاع وانتي ما اتعرفين عنه أي شيء بس اللي قلنا عنه وانتي ملجتج باجر انا اريد اتاكد انج انتي راضية ان يستوي هزاع ريلج ومب عشانا فطوم : ابوي انا صح ما اعرف هزاع بس اللي سمعته منك خلاني اتعلق فيه وبعد انا صليت وارتحت ابو احمد : الحمد الله بس فطامي انتي تدرين ان حامد رد من السفر فطوم : هي ابو احمد: انزين هو ياني امس فليل وقال يباج فطوم : نعـــــــــــــــــــــــــــم............ شو يباني ابوي انا باجر ملجتيه وهو ياي الحين يرمس ام احمد : هي والله شو بيقولون العرب ابو احمد : انا ما يهمني احد غير بنتي ..سمعي فطوم انا بخليج على راحتج اذا تبين هزاع بنكمل الملجة باجر واذا تبين حامد بنوقف الملجة فطوم : ابوي انا......... ابو احمد : فطوم انا مابى ردج الحين فكري زين لان هاي حياتج وعقب انا بسئلج شو اخترتي فطوم : انشاء الله ونشت وسارت الحجرة ودخلن الهنوف ومريوم الصالة الهنوف : وين فطوم ام احمد : سارت فوق وسارت الهنوف صوب فطوم مريوم : نحنا ما صدقنا انا والهنوف تنزل خليتوها تركب فوق مرة ثانية ابو احمد : انتي شو عندج جنى عيوز مسروق عشاها ام احمد : بسم الله على بنتي وقعدت مريوم وياهم اتسولف وفي حجرة فطوم الهنوف : فطامي حبيبي قوليلي شو فيج فطوم : ماشيء بس شوي تعبانة الهنوف : فطوم انا الهنوف مب أي احد عشت وياج 18 سنة فطوم : هنوف احس اني عايشة في دوامة كل ما احس اخيرا بتنفج القى انها مسدودة بس سراب هنوف : ليش فطوم : هنوف انا بعترفلج بكل شيء وانتي حكمي هنوف : انزين فطوم : انا من يوم كنت صغيرة كنت احب حامد وهو كان عادي بس عقب صار يحبني هنوف : هو قالج فطوم : هي ووعدنا انكمل حياتنا مع بعض بس طلع حامد خاين ما خلى بنية الا غازلها وعنده صورة بنية ووقتها يا هزاع يخطبني وحسيت ان هزاع هو حبل النجاة حقي وخاصة انه ولد اربيع ابوي ما كنت اريد مشاكل تستوي بسببي وكنت احاول انسى حامد وما افكر فيه ويوم بديت انساه واربط عمري بشخص مجهول رد حامد من السفر وهو يريدني ..انا محتارة كيف اترك حبل نجاتي وشخص خلاص احس عمري مرتبطة فيه حق انسان انا حبيته واحاول انساه وهو بنظري خاين ..قوليلي شو اسوي هنوف :حياتي فطيم كل هذا فيج حياتي انا ما اريد ادخل بقرارج بس فكري زين وفكري بمستقبل منو اتحسين الشخص اللي يناسبج وممكن اتعشين وياه باقي عمرج وفي الصالة رن تلفون ابو احمد ابو احمد : الو مرحبا ابو جابر : مرحبتين اشحالك ابو احمد : ابو جابر شو بلاه صوتك جذي ابو جابر : حرمت جابر.. ابو احمد : شو فيها ابو جابر : ماتت ابو احمد : لا اله الا الله انا لله وانا اليه لا راجعون عظم الله اجرك ابو جابر : واجرك ابو احمد : كيف ماتت ابو جابر : بعد ما ربت يتها حمى وماتت ابو احمد : الله يرحمها خلاص انا بتشاور ويا الاهل ان بسير قطر وبرد عليك ابو جابر : انشاء الله دقلي من خط قطر ابو احمد : انشاء الله مع السلامة ام احمد : شو فيك محمد ابو احمد : حرمت جابر ماتت ام احمد : لا حول ولا قوت الا بالله مريوم : لااااااااا مستحيل كيف.. والبيبي ابو احمد : سيري زقري اخواتج وانا بدق حق ابوهزاع ودق ابو احمد حق ابوهزاع واتفقوا انهم يؤجلون الملجة 3 اسابيع دخلت مريوم حجرة فطوم كان شكلها شوي وبتصيح فطوم : مريامي شو فيج مريوم : ابوي يباكم تحت الهنوف : ليش مريوم شو صاير مريوم : ماشيء بس ابسرعة نزلو تحت ابوي يباكم وظهرن الهنوف وفطوم من الحجرة ونزلن تحت الهنوف : هلا ابوي شو مستوي ام احمد : تعالن يلسن ابو احمد : حرمت جابر توفت فطوم : لااا.. حرام... الهنوف : يا حليلها كيف ابو احمد : بعد ماربت يتها حمى وعقب توفت الله يرحمها الجميع : آمين ابو احمد : نحنا لازم انسير انعزيهم .. منو بيسير الهنوف : ابوي انا وفطوم ما نقدر ورانا جامعة ابو احمد : خلاص بسير انا وامكم واحمد اخوكم مريوم : انا بعد بسير ابوي حرام سارة هناك محد عندها ام اجمد : والمدرسة مريوم : الا هو كم يوم الهنوف : صح لان سارة حليلها محد عندها ابو احمد : خلاص بدق الحين حق احمد يحجز اربع تذاكر حقنا وفطوم وهنوف سيرن حطن شنطكن باجر قبل ما انسافر بنوديكم عند بيت اماية الهنوف : انشاء الله ابو احمد : فطامي ترى ملجتج اتؤجلت الين 3 اسابيع وانتي فكري بلي صار بينا على راحتج فطوم : انشاء الله ودق ابو احمد حق احمد وقاله يحجز اربع تذاكر صوب قطر وفي بيت ابومبارك ابومبارك : يعني الحين منو بسير منكم ام مبارك : يا ابو مبارك انا شوري انسير انا وانته وخليفة و امك بس ما نبى انضيق على احد ابومبارك : صدقج والله الحين كل واحد حالته حالة خلاص بنحجز ويا حجز ابو احمد وحجزوا وثاني يوم في بيت ام جمعة ابو احمد : يلا بنيات شيء بخاطركن فطوم وسارت ولوت على ابوها : لا سلامتك فديتك مانبى غير سلامتك الهنوف بعد ما لوت على ابوها: سلامتك مانبى غير سلامتكم وعقب سارت فطوم ولصقت في حضن امها ابو احمد : والله ما اتهونون اخليكم واسير الهنوف : ما علينا شر اماية نعيمة : صح وانا هني ما عليج منهن الا هن دلوعات فطوم : يوم تعودنا على الدلع شو انسوي ام جمعة : انتي الله يعين ولد الناس عليج بس دلع رمسي عدل فطوم : امايا وكلهم في الصالة ضحك وعقب ودعوا بعض وطلعوا وسارت فطوم ادق حق ميثانة فطوم : الو ميثوه : هلا والله بالقاطعة.. لازم ما ارمسج فطوم : حرام عليج ليش ميثوه : حشى ما اتقولين عندي بنت عم وعندي صديقتي العزيزة خلاص نسيتنا فطوم : افا اموت لو نسيتج ميثوه واذكرت منصور : بس غيرج نساني وما تاثر ..وقعدت ميثوه اتصيح فطوم : ميثانة حياتي شو فيج ميثوه : منصور اتزوج وحدة كويتية فطوم : لااااا جذابة ميثوه : صدق حامد قاللي فطوم : يوم قتلج لا تتمسكين باحلام واقعنا غير وايد عن احلامنا ميثوه : انزين انا حبيته كيف يعني اقول حق قلبي لا اتحبه فطوم : ميثانة حياتي ما ظن انه تزوج هو قالج استنيني ميثوه : بس حامد اربيعه ومستحيل يجذب فطوم : تعرفين انا بسال احمد احسن وبرد ادقلج ميثوه : اوكي ودقت فطوم حق احمد فطوم : الو مرحبا احمد : مرحبتين مسرع ما تولهتي عني توني مسافر فطوم : فديت روحك انا اصلا كل دقيقة اتوله عليك احمد : تتولهين علينا ولا على بعض الناس فطوم : سخيف مب منك مني انا احمد : افا فطامي لا تزعلين فطوم : لا عادي.. احمد صدق منصور خذى وحدة كويتية احمد : وانتي شو تبينه فطوم : هااا لا ماشيء بس بصراحة انصدمت قلت مستحيل كيف يتزوج وييبها عند اهله صدق احمد احمد : لامش معرس فطوم مستنسة: احلف احمد : والله يابنت الناس فطوم بديت اشك فطوم : لا اتشك ولاشيء يلا باي سلملي على الكل احمد : انشاء الله وانتي بوسيلي يزوي فطوم : من عيوني مع السلامة احمد : مع السلامة ................ شو ظنكم فطوم بتاخذ منو ظنكم منصور معرس ولا لا يتبـــــــــــــــــــــــع __DEFINE_LIKE_SHARE__ | |
| ||
 |
|
08-12-2008, 02:39 PM
| رقم المشاركة : [ 22 ] | |
| عضو ماسي | الجزء التاسع الجزء قبل الاخير احمد : لامش معرس فطوم مستانسة: احلف احمد : والله يابنت الناس.. فطوم بديت اشك فطوم : لا اتشك ولاشيء يلا باي سلملي على الكل احمد : انشاء الله وانتي بوسيلي يزوي فطوم : من عيوني مع السلامة احمد : مع السلامة ودقت فطوم حق ميثوه ميثوه : هلا شو قالج فطوم : انتي شو تبينه يقولي ميثوه : فطوم حرام لا تلعبين باعصابي فطوم : حياتي طلع جذب مش معرس ميثوه : جذاااااااااااااابه ..قولي والله لالا فطوم:والله ميثوه:حراام فطوم قولي الصدق لاتخليني ابني على الاوهام فطوم: شفيج انتي اقولج والله ميثوه: يعني حمود الدب السبال قص علي..يعله بحرمه سوده جان خلا دموعي تجف من كثرت الصياح..ااااااااااااااااه ما تتخيلين شكثر فرحانه فطوم:فرحي شو وراج والعقبال ما افرح انا ميثوه: اقول وين انتي الحين فطوم : في الصالة يالسه بروحي ومجابله اربع يدران ميثوه : انزين حياتي تعالي رقدي عندنا فطوم : انتي مينونة عشان ابوي يقطع رقبتيه ميثوه : انزين تعاليلي الحين فطوم ما كانت تبى اتسير اتخاف اتشوف حامد هناك: انتي تعالي محد في البيت فهد ساير ويا حرمته عند اهلها ميثوه : اوكي يلا بلبس شيلة بيضة وبيي ويا يزوي شاو فطوم : شاو بعد اربع ايام في قطر مريوم : بس سارة ذبحتي عمرج من الصياح سارة اتشوف مريوم بنظرات حزينة وكلها دموع: مريوم هاذي اختي.. اختي اللي ماتت ما كان عندي احد غيرها كانت مثل اختي اللي امي ما يابتها وكانت مثل امي اللي ماتت ..قوليلي شو ذنب الياهل يعيش محروم من امه (واصيح) وجابر شو حياته من دونها..جابر صار انسان بدون روح احسه استوى تمثال يتحرك مثل الناس مايبون مريوم دمعت عيونها : بس يا سارة انتي اتعذبينها زيادة بصياحج سارة : مريوم ليش يستوي فيني جي.. ليش... امي تموت عني وانا ياهل والحين حرمت جابر مريوم : ساروه حبيبتي ادعيلها بالرحمة والله يجعلها من اهل الجنة ان شاء الله سارة : انشاء الله ياربي مريوم : يلا سيري غسلي ويهج وصلي ركعتين حق ربج وعقب ننزل الصالة عند الحريم.. الحين انتي حرمت البيت.. خلتلج البيت ولازم اتقومين فيه سارة تمسح دموعها: الله يرحمها بحاول اسوي مثلها بس اعرف اني ما اقدر في الميلس ام جمعة : جابر ابوي اسمع الرمسة جابر : يا امايا كيف اترك بلادي اللي عشت عمري فيها ام جمعة : أي بلاد انت اماراتي وجوازك اماراتي وابوك اماراتي من وين ييت قطري جابر : يا امايا من اول ما انولدت وانا ساكن اهني ام جمعة : يا جابر صح من اول ما انولدت كنت ساكن هني لان امك بغت هالشيء وعقب هي توفت وانته اتزوجت من هني ويلست وما قلنا شيء قلنا خلوهم على راحتهم لكن الحين ما عندك احد في قطر واول ما يخلص هالاسبوع خذوا وياكم اللي تبونه وتعالو سكنوا عندي ابو جابر : لا يسكنون عندي ام جمعة : ما بيسكنون عند احد غيري ابو جابر : يا امايا انتي في بيتج فهد وحرمته يمكن ما بيخذون راحتهم اذا يو عندج جابر : صدقه ابويه ابو جمعة : لا صدق ولا شيء.. شو صدقه..ترى اذا على فهد وحرمته بيتهم زاهب من زمان بس مايبون يظهرون عني لان نعيمة خلاص بتسير صوب ريلها وما بترجع الا في الاجازات جمعة : صدق امايا ام جمعة : هي والله محمد : خلاص امايا فديتج تعالي سكني عدنا البيت عود والغرف وايد ام جمعة : لا فديت روحك خلاص جابر وسارة وثاني بيون عندي جابر ماكان فيه يتناقش معاهم ورضى بالواقع: انشاء الله ونزلت مريوم وسارة من فوق سارة ومريوم : السلام عليكم الكل : وعليكم السلام والرحمة وخليفة ما قدر يتحكم بنظراته غصب عنه اتسير صوب سارة خايف عليها يبى يطمن عليها ومريوم لا اراديا سارت نظراتها صوب ثاني تبى اتشوفه اتولهت عليه جابر : ها نزلت يالقاطعة سارت سارة ولوت على جابر ومسكت عمرها لا اتصيح وسارت مريوم اتسلم على عمها ابو جابر: اشحالج الغالية مريوم : الحمد الله يسرك الحال خليفة : اشحالج سارة سارة شافت خليفة بنظرات وله ..كانت متولهة عليه وايد كانت تتمنى يكون بقربها ويشاركها همومها وتسند عمرها فيه سارة : الحمد الله على كل حال جابر : اشحالج مريوم مريوم : الحمد الله .. عظم الله اجرك جابر : اجرنا واجرج ان شاء الله ثاني : هلا والله بنت عمي وانا اقول ليش بيتنا منور مريوم : منور بوجودك ثاني : لا انتي مريوم لا ما اصدق قرصوني الله يخليكم قرصوني كلهم ضحكوا ابو احمد : ليش انشاء الله شو فيها بنتي ثاني : اسمحلي عمي بس بنتك من اتشوفني لازم تتضارب وياي جني ما كل حلالها ام جمعة : انته بنزوجك مريوم وبنفتك منك جابر حز بنفسه يوم سمع طاري زواج واذكر حرمته بس حب ما ايبين هالشيء : عزت الله قامت الحرب العالمية الثالثة وكلهم تموا يضحكون عليهم ومريوم استحت وحمرت وثاني فرحان حس مريوم اتغيرت وايد يعني لو يا يخطبها في امل اتوافق في الامارات كانن هنوف وفطوم وعمتهم نعيمة يالسين في الصالة فطوم : يا حظج بتيلسين في السعودية هنوف : هي والله انا ودي اخذ سعودي بس ابوي ما طاع نعيمة : يعني خلاص ما تبين سيف هنوف قالت ابسرعة بدون شعور : شو ما اباه وانا ميتة فيه فطوم : الله الله كل هذا حب استحت هنوف نعيمة : يحقلها خلاص صار زوجها وعقب شهرين عرسها هنوف : احسه وايد قريب والله ميته خوف نعيمة: شيء طبيعي يا عمري...فطوم متى ملجتج فطوم : عقب تقريبا اسبوعين وكم يوم نعيمة : خذيتي فستان فطوم : هي نعيمة :من وين خذيتيه ..وشو لونه فطوم : من دار العرائس خذيته فيروزي فيه فستقي نعيمة : ياي امووت بهاللون هنوف : الصراحة وايد يخبل وياي على جسمها اصلا فطوم الفيروزي يطلع عليها جنان نعيمة : هي لاحظت هالشيء هي اصلا ما شاء الله عليها حلوة فطوم : مشكورة حياتي نعيمة : شو شعورج فطوم عشان الملجة فطوم : تبين الصدق عموه ما ادري ما احس باي شيء ما احس ان هاي ملجتيه واني بعيش معاه طول عمري ما ادري احس انه السالفة ما اتخصني نعيمة : الصراحة انتي غريبة اول مرة اشوف وحدة جي الهنوف : يمكن لانج ما اتعرفينه فطوم : يمكن ويت فطيم بنت نعيمة فطوم : يا هلا والله بالشيوخ ويت فطيم ويلست على حضن فطوم فطوم : اشحالج فطيم : ابخير فطوم: سرتي الروضة اليوم فطيم : هي فطوم : فديت روحج ياربي فطيم : ماما اريد اسير الالعاب نعيمة : حبيبي محد هني يودينا الدريول محد فطيم : اف كله محد فطوم : فديت روحج تعالي بسير عند ميثانة بتسير وياي فطيم : هي يلا نعيمة : بتريحيني منها هنوف : حرام عليج نعيمة : بكرة بتجربين وبتيبين عيال وبتقولين صح كلامي وشلت فطوم فطيم : يلا شاو وظهرت صوب بيت عمها صالة ابو مبارك ميثوه ويزوي كانن يطالعن مسلسل ميثوه : الصراحة حرمة بروك كاسرة خاطري يزوي : ليش ميثوه : مادري احس يعني ما يهتم فيها وايد ولا يمكن عشان هي في دبي وهو اهني يزوي : يمكن ميثوه : يعني احسج انتي واحمد غير يزوي : يمكن لاني اقرب حق احمد وهي لا ميثوه : ما ادري ..يزوي شو شعورج عرسج عقب ثلاث اسابيع يزوي : سكتي احس اني بموت كل ما افكر بالعرس ما ادري احس بالخوف ما ادري ليش ميثوه : والله بيفظى البيت علينا يزوي : انزين تراني مب سايرة بعيد الا بيت عمي محمد مسافه بييتين ميثوه : بس ولو يعني ما اقدر اييج كل يوم يزوي : انشاء الله بتيج حرمة بروك وبتنسيني ودخلت فطوم الصالة فطوم : السلام عليكم ميثوه ويزوي : وعليكم السلام والرحمة وسارت فطوم اتسلم عليهم يزوي : اشحالج فطوم فطوم : الحمد الله يسرج الحال ...ما بسالج عن حالج تعرفين ليش يزوي : ليش فطوم : لاني اعرف انج متولهة على احمد بس يلا 3 اسابيع وبتكونين وياه..اوه صح كنت ارمس احمد وقالي بوسيلي يزوية ميثة : عيب شو هالكلام يزوي : لا خلج انتي يونه عيب وطاحتلي قصة حب في ولد يرانا وهكوه طلع معرس فطوم : منو قالج يزوي : حامد(فطوم يوم سمعت اسم حامد قالت انشاء الله ما اتشوفه اليوم ( ميثوه : طلع حامد جذاب والله كنت عارفه بس امي الله يهديها كله تجذبني ودخل بروك بروك: السلام عليكم الكل : وعليكم السلام والرحمة بروك : اشحالج فطوم حشى من متى ما شفناج وين مندسة فطوم : والله لو تبى اتشوفني ادل بيتنا الله ياخذها هالجامعة ماخذه كل وقتي ويوم ارد هلكانة مالي خلق حق أي شيء بروك : الله يعينج عطي شوي حق خواتي وحدة موقفة ما اتريد اتكمل وحدة كل يوم غايبة فطوم : والله خواتك بطرانات مخلينهم على راحتهم والله لو ابوي ابوهم جان ما سوو جي بروك : هي عمي محمد يحب الكل يفكر بمستقبله ويمشي سيده مافي لف ولادوران فطوم : هي فديت ابوي بروك : يلا يزوي انسير ميثوه : وانا اختك حبيبتك بروك : انا ساير وياها انييب الفستان انتي شو يوديج تمي اهني وانتبهي على سلطان وعلي اييبلج شيء من هناك على ذوقي انتي وفطوم فطوم : مشكور وما اتقصر بس انا مااريد أي شيء بروك : خلاص انا قلت ومحد بيغير رايي فطوم : على راحتك وظهروا يزوي وبروك من البيت صوب ابوظبي ميثوه : ملل فطوم : خلاص اتعودت على هاي الكلمة ميثوه : متى اييني منصور يخطبني فطوم : بس الله يخليج لا تبين طاريه ميثوه : انزين احبه شو اسوي فطوم : رقصي...اسمع صوت سيارة وسارت ميثوه اطالع من الدريشة ميثوه : هاي خالتيه جليثم وبناتها فطوم : عيل انا بسير يلا فطيم ميثوه : لا يلسي فطوم : سمحيلي ميثوه انا الصراحة ما اداني بنات خالتج باي ميثوه : باي وسارت فطوم صوب بيت يدتها ودخلت داخل فطوم : شيرين ويت البشكارة شيرين : نعم ماما فطوم : عشي فطيم شيرين : انزين ماما يلا فطيم تعالي وشلت فطيم عشان اتعشيها وسارت تلبس بيجاما ونزلت عشان العشى نعيمة :اشحال يزوية وميثوه فطوم : الحمد الله..اليوم سارت يزوي اتيب فستانها الهنوف : الله يعينها عرسها بعد 3اسابيع فطوم : يعني انتي غير ترى عرسج بعد شهرين نعيمة : هي والله وانتي بعد الا ملجتج بعد اسبوعين فطوم :الله يعين نعيمة : والله صراحة اللي يشوفج يقول عنج مغصوبة فطوم : ليش.. لا حياتي انا موافقة من ارادتي محد غصبني نعيمة :الله يوفقكم كلكم انشالله..يلا انا بسير ارقد تصبحون على خير هنوف و فطوم : وانتي من اهل الخير ويلسن فطوم والهنوف يشوفون مسلسل وكل وحدة قاعدة بيجامتها لان محد اولاد في البيت الهنوف : انا ياني ارقاد بسير ارقد تصبحين على خير فطوم : حشى دياية طالعي الساعة كم تسع ونص هنوف : والله تعبانة ناشة من الصبح فطوم : محد قالج الهنوف تمت تتثاوب:يلا برايج وقعدت فطوم بروحها وكانت مندمجة بالفلم ومرة وحدة انفتح باب الصالة ودخل حامد وفطوم انصدمت من الصدمت ما قدرت اتير الشيلة من الكرسي عشان اتحطها على راسها وحامد بعد انصدم ما توقع يشوف فطوم صح هو متوله عليها بس ما توقع يشوفها جي وبعد بروحها ونزل عيونه وفطوم شلت الشيلة وغطت شعرها حامد : شحالج فطوم فطوم : الحمد الله شحالك انته حامد : انا بخير دامج بخير فطوم :مب علينا حامد : شو قصدج فطوم : حامد انا اعرفك اكثر وحدة فلا اتعب عمرك وياي حامد : فطوم ليش انتي وايد متغيرة فطوم : اسال نفسك حامد : فطوم جاوبني لا تخليني جي على الاقل قوليلي ليش وافقتي على هزاع فطوم : حامد بس حرام عليك لاتستهبل والله ترى ما اتحمل أي شيء زيادة حامد : أي استهبال فطوم رمسي..فهميني فطوم : حامد انا ادري انك ما اتحبني بس كنت تباني عشان ابوك و يدوه قالولك خذ فطوم حامد : فطوم والله انا احبج.. وبعدين محد يقدر يغصبني على شيء فطوم : ولي يحب يخون ويرمس ويرقم بنات ويكون عنده صور بنات .... وقعدت فطوم اتصيح حامد انصدم كيف فطوم عرفت حامد : فطوم انتي تدرين انه لعب وحركات شباب و تضييع وقت فطوم : تضييع وقت مشكور على حبك الي اتشاركني فيه بغيري بس اسمحلي خلاص مسحتك من قلبي حامد : ما تقدرين فطوم انتي اتحبيني وانا احبج فطوم : حتى لو بقى بقلبي حبك بدوس عليه وركضت فطوم فوق الغرفة وقفلت الباب وقعدت اتصيح حامد اتضايق باللي استوى وسار عند اربيعه منصور منصور : بس خلاص حامد حامد : كيف اتقول خلاص وهي قلبي وهواي اللي اتنفسه منصور : حامد لو ربك كاتبلك تاخذها بتاخذها ومحد يقدر يوقف في ويهك حامد : نفسي اعرف كيف عرفت اني اكلم بنات وكيف لقت الصورة منصور : اسمحلي حامد بس انته غلطان يعني لو انته صدق اتحبها لازم ما اترمس غيرها حامد : والله ما كنت اقصد شيء غير تضييع وقت.. الحين كيف اعيش بدونها( وقعدت دموعه اتسيل على ويهه( انصدم منصور ما عرف شو يسوي : حامد اذكر ربك ان شاء الله ما تاخذ غيرها حامد : كيف وهي تكرهني ما تباني كيف في قطر قبل السفره بيوم كان الكل يالس في الحوش يشربون جاي وقهوه والجو هادي محد يتكلم واخو حرمت جابر الصغير قاعد يلعب بسيكل بثلاث تواير وفيه كرسي من ورى (سيكل هنود( مريوم:سعود تعال ابى اركب وراك ام احمد: وين تبين حرمه كم كبرج وتبين تلعبين ام جمعه :خليها تستانس قومي امايا ..قومي لعبي قامت مريوم وركبت بالسيكل ورى سعود..وسعود يسوق بسرعه ومره وحده يا ثاني من برع ومن شافته مريوم مريوم: سعود وقف..وقففففففف..سعود يالسبال وقف ثاني يوم شافها ابتسم وسار يلس عند ام جمعه ..وسعود يسوق بسرعه عناد فيها..وبالغلط داس على حصى جان تختض مريوم وفجأه فجأه فجت ايدها جان اطيح من السيكل ويضرب راسها بالحصى ..وطبعا من الفشله ماحست وقفت تمت اطالعهم مريوم:لا تضحكون ..والله يويله اللي يضحك وثاني وجابر وابو احمد ابتسمو ومره وحده جابر انفجر من الضحك جان كلهم يضحكون عليها مريوم قافطه: بتسكتون ولاّ لا..اوووف مب منكم من اللي ييلس معاكم سارت عنهم ام جمعه:تعالي وين سايره .. مريوم:شوفيهم قاعدين يضحكون علي ما يستحون على ويهم جابر: تعالي يابنت الحلال ..خلاص بنسكت وسارت عندهم مريوم:جنكم اول مره تشوفون حد يطيح ثاني :مثل طيحتج..لا صدقيني اول مره ام احمد: تعورتي مريوم:راسي يعورني شوي ام احمد: تعالي اشوف...(راحت مريوم يلست عدال امها وقالتلها مكان الالم( مريوم:ااااااااااااي ..شوي شوي يعور ام احمد تكلم ابو احمد:حبيبي تعال تشوف جنه دم براسها راح ابو احمد عندهم:هي والله ..قومي لبسي عشان انوديج المستشفى مريوم: ماريد مافيني شي ام احمد: كل هالدم ومافيج شي..قومي لبسي يلا قامت لبست وسارت وابو احمد المستشفى وكان ثاني الللي مودنهم في الامارات كان حامد واقف بسيارته الرنج عند مدرسه خليفه وسرحان ويفكر لدرجه انه ما حس يوم منصور يدق عل الجامه ويوم ياي يبطل منصور الباب حصله مقفول جان يدقله وحامد كان حاط التلفون بحضنه ومره وحده رن جان ينقز حامد من مكانه حامد:غربل الله بليسك يا منصورووه....(جان يرد) خير شو عندك منصور: شو عندي ..قاعد من ربع ساعه ادق الجامه اترياك حضرتك تحن علي وتبطل التفت حامد جان يشوفه حامد وهو يضحك:تعال ايلس عدالي وبطله الباب ودخل منصور ويلس عداله منصور: اللي ما خذ عقلك يتهنابه حامد: وين ياحسره..انا لو اعطي حد قلبي بفره بويهي منصور: والخييييبه ..ليش شو مسوي حامد:قصدك شو اللي ما سويته .. منصور:حامد شفيك حامد: ماشي سلامتك (يبى يغير السالفه (اخبرك واخبار الاهل منصور:الحمد لله يسرك الحال..اقول حامد كلمت اختك حامد:عن شو منصور:عن الاستهبال حامد: والله مادري عن شو تتكلم منصور: ما قلتلك اباك تسأل اختك اذا......... حامد يقاطعه:هييييي..والله نسيت وطار عن بالي بالمره منصور:مب منك من اللي يقولك حامد:خلاص انشالله بكلمها اليوم منصور:لا الحين ..ادخيلك حامد حامد:اوووووووووووف منك..بس ابى اعرف كيف تعرفها منصور:وانا كم مره اقولك اني ما اعرفها بس امي دوم تمدحها..يلا حامد دخيلك كلمها حامد: انزين ..انزين ودق حامد حقها حامد:هلااااااوالله بشيخه الحريم ميثوه:اهلين..شو تبى حامد:والخييبه..خلاص بندي مابى شي جان يقرصه منصور حامد لا اراديا :يعللك يا منصورووه..مب قرصه ميثوه من سمعت اسم منصور استخفت ورققت صوتها ميثوه:حامد حبيبي ش تبى آمر وتدلل حامد:هي توج حرمه..المهم بسالج سؤال واباج اتجاوبيني بصراحه ميثوه:اسأل حامد:شو رايج بمنصور ميثوه انصدمت وحاولت تستهبل:منو منصور حامد:يعني منو منصور..منصور ربيعي ميثوه:هييي شو فيه حامد:شو رايج فيه ميثوه:من أي ناحيه حامد: من كل النواحي يعني لو ياج بتوافقي عليه ميثوه:ــــــــــــــــــــــــــــــــــــــــــــ ــــــــ حامد:الوو.. ميثوه.. ميثوه:هااااا .. حامد:شو قلتي ميثوه: شو اقول بعد..(تستهبل)تدري انه ما خذ وحده كويته فكيف ترضى انه ياخذني منصور منصدم:انااااااا جان يحط حامد ايده على حلج منصور حامد: يابنت الحلال تدري اني اتمصخر ميثوه: لا ما اصدقك انته تقول جذي عشان آخذ ربيعك حامد: والله انه مش معرس كنت اتمصخر وياكم ميثوه: ادريبك انك جذاب من يومك بس شو اسوي اخوي والله بلاني فيك حامد: افاااااا ..ما هقيتها منج يابنت امي وابوي ميثوه:صدق انك تستاهل بس والله ماتهون علي ..قدر في القلب كبير حامد:احم احم بعدين اصدق عمري منصور:اووهو منك انا قلتلك ادقلها عشان تسألها ولاّ تسولف معاها حامد:جب ولاّ ترى والله ما اسألها....هاااا شو قلتي بتوافقين ميثوه:ــــــــــــــــــــــــــــــــــــــــــــ ــــــــ حامد:ردينا...انزين قولي هي ولا لا ميثوه وهي مستحيه:هي منصور من سمعها طار من الفرحه وتم يغني وفي ثاني يوم وصلوا المغرب ابو احمد وام احمد واحمد وخليفة وابومبارك وام مبارك وام جمعة وجابر وسارة ومريوم وثاني بيت ام جمعة اما ابو جابر سار بيته اللي في ابوظبي نعيمة : نور البيت جابر : بوجودج عمتيه عاد سمحيلنا بنزعجج وبنتج ام جمعة : جابر شو هالرمسة بعد والله لو اسمعك اتعيدها ما ارمسك ولا اني امك ولا اعرفك جابر : افا اهون عليج ام جمعة : لا والله ما تهون فطوم : وينك يا فهد تعال شو ف امايا شو اتقول ام جمعة : خلاص فهد عرس ونسانا فهد : افا انا انساج انتي امي اللي ربيتيني انسى عمري ولا انساج ام احمد : والله تولهنا عليج فطوم وعلى هنوف هنوف : تسلمين امايا فطوم : اصلا نحنا امايا بدونج ولا شيء ام احمد : فديت روحكن ياربي فطوم : ماشاء الله عليها بنتك جابر جنان عطني اياها جابر : لو أي احد ما بعطيه اياها بس انتي امرة واصلة بتتعلم منج الدلع والرقة والانوثة شو ابى بعد تعليم مجاني ثاني : هي والله صدق فطوم مثال للانوثة والرقه والدلع (وتم يطالع مريوم) وافهمي يا جاره فطوم : لاوالله ثاني : انزين نحنا نرمس صدق مب نتمصخر عليج خليفة : فطوم ها منو قدج الحين ابو احمد: يلا بنات انسير تعبانين ورانا ارقاد بنات ابو احمد : يلا مريوم : بسير اشرب ماي وبيي ابو احمد : لا اطولين مريوم : انشاء الله وسارت مريوم المطبخ تشرب ماي ولحقها ثاني ثاني : مريوم مريم : هلا ثاني : اتحملي على عمرج مريوم : انشاء الله وانته بعد ثاني : وهلله هلّله براسج مريوم : انشاء الله ( مريوم بخاطرها شو يبى يقول ثاني ( ثاني : مريوم بقولج شيء مريوم : امر ثاني : مريوم انا مريوم : انته شو ثاني : لا ماشي برايج ابوج يترياج مريوم طلعت من المطبخ وردت البيت ودخلت غرفتها ولبست بيجامتها وطفت الليت وانسدحت على الشبرية اتفكر بثاني وفي ثاني يوم سار خليفة ابوظبي عند عمه وقاله يبى يتزوج سارة ويبى عرسه ويا بروك اخوه اللي هو عقب شهر وقاله عمه بيسال البنت وبيرد عليه وسار ابو جابر العين ابوجابر : السلام عليكم نعيمة وسارة : وعليكم السلام والرحمة ابو جابر : اشحالكن نعيمة وسارة : الحمد الله يسرك الحال وقامو يسلمون عليه ابو جابر : عيل امي وين نعيمة : سارت صوب سلمى ..انا بسير اشوف الغدى ابو جابر : اشحالج سارة ..انشاء الله مرتاحة سارة : الحمدالله ابو جابر : سارة ترى ولد عمج خليفة خطبج اليوم ويبى عرسه ويا اخوه بروك عقب شهر سارة : ابوي شهر شو بخلص ابو جابر : انا ودي ما اتردينه وبتخلصين انشاء الله بنات عمج بساعدونج سارة : خلاص شورك وهداية الله ابو جابر : ترى الملجة والعرس يوم واحد سارة :انزين ابو جابر : يلا مبروك غناتي ..العصر بعطيج فلوس عشان تبدين تتشرين سارة : انشاء الله وفي بيت ابو مبارك كان عندهم اهل منصور اربيع حامد يايين يخطبون ميثوه حق منصور ام مبارك : والله هاي الساعة المباركة ونحنا ما بنحصل اخير عنكم نحنا بنشاور البنت وبنرد عليكم ام منصور : ان شاء الله بس لا اطولون علينا ام مبارك : انشاء الله وفي ثاني يوم في بيت ابو احمد على غدى ام احمد : احمد ابوي اسال حرمتك جان محتاجة شيء ولا فلوس ترى ما بقى على عرسكم غيراسبوعين ابو احمد : اليوم مريت على قسم احمد جنان وروعة وفخم يبالنا يا ام احمد قسم وديكورات مثله ام احمد : انا الصراحة تعبانة هاي الديكورات والالوان والاكسورات البنات اختاروهن وهو اختار الاثاث احمد : الله يسلمهن انشاء الله مردودة اخواتي انشاء الله في الافراح الكل : امين احمد : فطوم ملجتج عقب ثلاث ايام شو شعورج فطوم : عادي احمد : كيف عادي ابو احمد : شو تبى تسالها.. والله هي بنت بتستحي اتجاوبك مب انته حشرتنا ما خليت احد الا عرف ام احمد :حدكم عاد.. لا اطّيحون فيه فديت روحه احمد : فديت امايه يا ربي هنوف : امايا ابى اسير السوق ام احمد : انا تعبانة سيري انتي واخواتج والبشكارة هنوف : امايا شو اسير انا واخواتي والبشكارة السوق زحمة وكل شباب مابى ام احمد : كيفج انا تعبانة ومالي خلق سوق خلي ريلج يوديج هنوف : لا والله فطوم : انا بسير امشي في الحوش هنوف : اف بسير وياج احسلي وظهرن فطوم والهنوف يمشون في الحوش وظهر ابو احمد بيسير عند ابوهزاع ابو احمد : فطوم فطوم : لبيه ابو احمد : لبيتي فى منى انشاءالله فطوم : امين ابو احمد : ها فطوم بعدج على رايج ولا تبين ولد عمج فطوم : لا ابوي انا ابى هزاع ابو احمد : خلاص على راحتج الله يكتب ما في الخير وسار وسارت فطوم صوب الهنوف الهنوف : شو قالج ابوي فطوم : ماشيء كان يسالني اذا ابى هزاع ولا حامد هنوف : ومنو تبين فطوم : هزاع هنوف : الله يسعدج انشاء الله وياه في بيت ابومبارك يزوي : فاتج امس ميثوه : ليش يزوي:كان عندنا ام منصور ميثوه : جذابة يزوي : والله محد قالج سيري عند ربيعتج ودخل ابو مبارك ويا خليفة وبروك البيت: السلام عليكم ميثوه ويزوي : وعليكم السلام والرحمة بروك : ميثانة بتلقين فوق في حجرتيه كيس حقج وحق فطوم ميثوه : ياي خلوف : يا هاي فطوم اللي ساحر الكل يزوي : يا حليلها عسل كنت اتمناها حق حامد بس مب من نصيبه بروك : ليش عمي محمد رد عليكم ابو مبارك : هي امس قال ان فطوم قالت ما تباه خلوف : وقلتوله ابو مبارك : لا اليوم بقوله بروك : الله يعين..يلا ميثوه سيري شوفي الكيس ابو مبارك : وعقب خطفي حجرتيه ميثوه : انشاء الله وسارت ميثوه فوق ولقت كيسين خذت وحدة وعطت الكيس الثاني حق البشكارة وقالتلها اتوديها عند فطوم وعقب سارت عند ابوها ابومبارك :نورت الحجرة ميثوه : منورة بوجودك ابويا ابومبارك : تسلمين غناتي والله كبرتي ميثانة ويوا خطاطيب يخطبونج استحت ميثوه وقالت ياربي محد يخطبني غير منصور ابو مبارك : يا منصور ولد يرانا يخطبج ونحنا قلنا بنشاور البنية وبنرد عليكم ميثة بغت اتموت من الفرحة والصدمة ابو مبارك : اشياج ..انا اعرف انج مستحية بس فكري زين وعقب ردي علي خبر ميثوه : انشاء الله وظهرت من الحجرة صوب حجرتها ميثوه : لا ما اصدق خلاص بيستوي منصور حقي خلينا ادق حق فطوم احسن ودقت حق فطوم فطوم : هلا والله ميثوه : فطوم لحقني بموت فطوم :بسم عليج ليش ميثوه : منصور خطبني فطوم : والله اليوم الخميس ملجة فطوم كانت فطوم بروحها في الحجرة وياها وحدة من اريج اللي تعدلها ام احمد :خلاص بناتي كبروا وبيخلوني هنوف : افا امايا نحنا ننسى عمرنا ولا ننساج مريوم : خلاص امايا انا ما بعرس بتم عندج ام احمد : الله يعين امايا.. الهنوف شوفي فطيم انابسير عند الحريم وعقب بخطف عليها هنوف : انشاء الله وسارت الهنوف عند فطوم ودخلت داخل الحجرة الهنوف : ماشاء الله عليج اسميه هزاع بموت اليوم طالعة جنان فطوم : تسلمين حياتي الحرمة اللي تعدل : أي مشاء الله عليها حلو كتير الفيروزي عليها وخاصة انه شعرها اسود وفيه خصلات كستنائي طالع كتير روعة فطوم : تسلمين ..هنوف انا خايفة هنوف : من شو حياتي فطوم : ما اعرف احس الكل كارهني لاني ما خذيت حامد هنوف : حياتي ما عليج الا من عمرج انتي اللي بتعيشين وياه مب هم فطوم : صح كلامج ودخلت ام احمد ام احمد : ماشاء الله عليج ما خليت حقنا شيء فطوم : تسلمين يا مايا عاد صح انا حلوة بس ما ايي نص جمالج ام احمد : حرام عليكن كل هذا ..شو تبون زيادة وبعدين الوحدة اتكون حلوة بشخصيتها مب جمالها هنوف : صدقج والله امايا اللي اتعدل فطوم : يلا خلصت بدي اروح الحين اوكي هنوف : اوكي بس لحظة بنحطلج عشى وزقرت الهنوف البشكارة عشان اتحط العشى حق اللي اتعدل المكياج فطوم : ملانة هنوف : انزين استني كم دقيقة وبتقولين ياريتني ايلس بروحي فطوم : ههههههه ليش انشاء الله هنوف : استني وبتشوفين ودخلت مريوم وميثوه مريوم : يخربيت ابو الجمال.. انتي مب فطوم فطوم : اتصدقين عاد بنت اليران مريوم : وانا بعد اقول جي ميثوه : فطوم وايد متغيرة ومحلوة صراحة راعية المكياج عرفت اطلع جمال عيونج فطوم : مشكورة حياتي وسمعوا دق على الباب ودخلت ام احمد ام احمد : ميثانة فديتج احمد بيدخل ميثوه : اوكي ودخل احمد احمد : ماشاء الله عزت الله الريال ما بيرقد اليوم فطوم استحت ونزلت راسها احمد : يلا وقعي يستنوني تحت فطوم ارتبكت وكانت تبى اتصيح : مابى خلاص امايا ما اريد اعرس ام احمد : فطوم شو هالرمسة خلاص انتي حرمة عاقل ومحد غصبج على شيء فطوم : امايا اخاف احمد : من شو اتخافين بياكلج هو ام احمد : يلا وقعي ووقعت فطوم ولوى عليها احمد وحبها فوق راسها : الله يوفقج انشاء الله وياه وظهر وعقب حبتها امها وباركتلها ونزلت تحت عند الحريم وعقب كل من في الغرفة باركلها الكل كان فرحان حق فطوم الا شخص واحد حامد حامد : خلاص انا ميت انسان بلا روح منصور : اذكر ربك يا حامد وقال ربك في اياته بمعنى عسى ان تكرهوا شيء وهو خير لكم حامد : خلاص فقدت حلم حياتي وروحي وهواي اللي اتنفسه..خلاص ..ما اصدق ان فطوم بتكون لشخص ثاني بيمسكها ويكلمها ويضحك وياها ..مااقدر حرام عليها (وتم يصيح( ولوى منصور على حامد وخلاه يصيح ويتكلم على راحته عشان يهدى ويرتاح شوي وعقب نزلو البنات تحت وبقت هنوف عند فطوم في الحجرة وعقب قالت ام احمد حق الهنوف اتنزل فطوم ونزلت فطوم كل من في الصالة اتخبلوا عليها كانت جنان ونعومة ويلست على الكوشة وكانت كوشتها مطقمة ويا ثيابها فيروزي ويا ليموني وعقب تعشوا الناس وساروا المعازيم كانت فطوم بتسير غرفتها احمد : فطوم وين شاردة فطوم : اها ليش شو تبى احمد : ما تبين اتشوفين ريلج فطوم لا اراديا قالت : لا احمد : شو لا يمكن خسف احسلج من الحين تتخلصين منه فطوم : برايه انا ما اريد اشوفه ويا ابو احمد : انتو بعدكم اهني يلا الريال يتريى وفطوم ما قدرت اتقول شيء وسار ولوى على بنته : ماشاء الله عليج يافطوم كل الزين عندج فطوم : تسلم باباتي ابو احمد : الله يسلمج من الشر ..يلا غناتي الريال يستناج فطوم : انشاء الله وسارت فطوم ويا احمد الميلس وكان هزاع قاعد يتامل صبوعه ويقول في خاطره (ياربي كيف بتحمل اعيش ويا وحدة وانا افكر بغيرها.. ياربي حاولت انساها بس ما قدرت...الله يعيني( وقبل مايدخلون فطوم : احمد استحي حرام ما اروم ادخل احمد :فطوم يلا الريال يتريا ودخلو الميلس احمد : السلام عليكم هزاع : وعليكم السلام والرحمة ورفع نظراته شوي شوي وانصدم وقام من الكرسي : لامستحيل وتم واقف مصدوم وشوي قرص عمره يبى يتأكد في حلم هو ولا لاّ... وفطوم انصدمت هو نفسه الي دخل المطبخ يوم العزيمة في بيت ابو هزاع احمد : شو هو المستحيل هزاع : هاااا ..لااا ..ماشيء (انصدم هزاع كان يعرف ان فطوم حلوة بس اليوم كانت جنان سحرته من اول نظرة وانصدم اكثر لان اللي جدامه هي نفسها فطوم اللي يفكر فيها ( احمد : عندكم بس ربع الساعة وراد شوي شوي على اختي هزاع : انشاء الله من عيوني وظهر احمد هزاع فرحان مب مصدق ان اللي جدامه هي نفسها اللي كان يفكر فيها هزاع : شحالج الغالية فطوم بصوت واطي : الحمد الله ..وسارت يلست بعيد نش هزاع : ما باكلج ..ويلس عدالها ..(وفطوم استوت طماطة( هزاع :انتي هي..... فطوم انا ما اصدق فطوم رافعت راسها : اتصدق شو هزاع : ماشاء الله عليج ما احلاج روعة يا حظي والله فيج ونزلت فطوم راسها مرة ثانية من المستحى هزاع : فطوم انا في حلم ولا خيال فطوم : ليش هزاع : فطوم انتي اتعرفين بالنسبة حقي انتي شو انتي حلم حياتي انتي اللي كنت اهوس فيج وكرهت كل شيء عشانج وحتى يوم خطبولي كنت كاره الخطبة لان بتبعدني عنج بس الصدفة احلى انج انتي هي اللي خاطبيلي فطوم انصدمت ما اتوقعت ان هزاع يفكر فيها هالكثر اصلا ما اتوقعته يكون يعرفها ويفكر فيها ودخل احمد : خلاص انتهى وقت الزيارة يلا برع بلا مطرود هزاع : لا والله فطوم : يلا برايكم وظهرت من الميلس هزاع : زين جي شردت البنت احمد : بسك بكرة بتشبع منها هزاع : شعليك عرسك عقب اسبوع احمد : والله اني ما اروم اصبر اكثر هزاع : الله يكملك على خير وعقبالي ياربي احمد : آآآآآآآمين وطلع هزاع يفكر بفطوم وحلم حياته ويتخلها انها اتعيش وياه في بيت واحد واتكون ام عياله ومر الاسبوع عادي غير ان الهنوف وسارة يجهزون حق عرسهم ويزوي اتسير الصالون عشان الحجز وغيره اليوم عرس يزوي واحمد كان العرس فخم وايد ومرتب وكله ديكورات روعة كل شيء مسوينه احمر الكوشة والورد والكيكةوالطاولات والكراسي حتى البشاكير اللي يشتغلون هناك لابسين احمر وكانو البنات روعة ورقصن شوي ودخلت يزوي على اغنية هادية وقصيدة كانت مسجلة بصوت احمد فكانت الحركة روعة وكانت حلوة وايد ونعومة والكل تخبل عليها واول ما خلص العرس راحو برج العرب لمدة 3ايام وعقب بيسافرون ماليزيا والكل رد بيته ام احمد : ياويلي ياريولي خلاص تعبت فطوم : هي والله احس اني بموت ابو احمد : والله محد قالكن لبسن كعب هنوف : الحمد ياربي اني طويلة ما يحتاي البس كعب مريوم : هي والله حتى انا فطوم : ابوي اشمعنى كل عيالك طوال الا انا ابو احمد : احسنلج عشان محد يعطيج كم عمرج فطوم : صح والله وفي بيت ابومبارك قعدت ميثوه اتصيح وامها اتصيح وياها دخل خليفة وبروك بروك : امايا شو فيج ..ميثوه شو فيكم حد مستويله شيء ميثوه حركت راسها بالنفي خليفة : عيل شو فيكم ميثوه : يزوي سارت بروك : صدق ما عندكم سالفة تصبحون على خير و سار حجرته يرقد وفي ثاني يوم الجمعة في بيت ابو مبارك كان خليفة متلبس ونازل تحت في الصالة وشاف ميثوه تقرا مجلة خليفة : اشحالج ميثوه : الحمد الله خلوف : تريقتي ميثوه : هي خليفة : انا بتريق وبسير بيت يدوه اذا بتسيرين وياي يلا ابسرعة ميثوه : اوكي طيران وسارت ميثوه اتغير ثيابها وقعد خليفة يتريق الين ماتنزل في بيت ابواحمد ام احمد : والله احس البيت فاضي بدون احمد ابو احمد : يلا سار عنج واحد وبيردون اثنان ام احمد : الله يخليهم انشاء الله حق بعض ابو احمد : امين سار خليفة ويا ميثوه بيت يدتهم ودخلوا داخل البيت ولقوا عمتهم نعيمة ويا سارة يتريقون وشكلها سارة توها ناشة من الرقاد العيون منتفخات كانت عاقة الشيلة على رقبتها واول ما دخلوا سيده حطت الشيلة على راسها خليفة وميثوه: السلام عليكم نعيمة وسارة : وعليكم السلام والرحمة نعيمة : تعالوا تريقوا ميثوه : تسلمين متريقة خليفة : انا يوعان مب متريق (كان خليفة متريق بس يريد ييلس عدال سارة ( واول مايلس خليفة سارة نشت : الحمد الله خليفة : والله تيلسين سارة : لا تحلف شبعت خليفة : والله لو نشيت بنش ولابحط أي لقمة في حلجي وردت ويلست عداله بس شوي بعيد خليفة : خلصتي حق العرس سارة : أي عرس خليفة : أي عرس بعد عرسنا ميثوه : اصلا لازم ما اتشوفها خلاص ما بقى على عرسكم شيء نعيمة : صدقها ميثوه خليفة : لا والله بقى ثلاث اسابيع حسبو كم يوم وكم ساعة ودقيقة وثانية نعيمة : خيبة خليفة : ناقصنج فلوس ولا شيء سارة : لا تسلم خليفة : سلامت روحج ياربي واستحت سارة ونشت سارت حجرتها ميثوه : نزين جي سارت البنت ويت البشكارة وياها بنت جابر وشلتها ميثوه ميثوه : ياويلي انا على المزايين خلاص انا اليوم مابرقد نعيمة : خلاص بنزوج جابر خلوف : خلاص ميثوه خطبوها استحت ميثوه نعيمة : صدق... منو خطبها خلوف : منصور ولد يرانا وقعدوا يسولفون وعقب ردوا البيت العصر ام مبارك :ها ميثوه موافقة ولا ميثانة : على كيفكم ام مبارك : لامب على كيفنا انتي اللي بتعيشي وياه مب نحنا ميثوه : امايا انا ما اعرفه الشور شوركم ودائم انكم اتشوفونه زين عيل انا موافقة ام مبارك : مبروك الله يوفقج انشاء الله وسارت وحبتها على راسها وظهرت وسارت ام مبارك اتقول حق ام منصور ان ميثوه موافقة واتفقوا ان الملجة انشاء الله عقب عرس بروك وخلوف وعند العرسان يزوي : احمد حبيبي ما اريد ارد باجر احمد : حياتي لو بايدي ما رديت ويلسنا بس انا وانتي بروحنا بس عرس اخوانج كيف ما انسير يزوي : صح كلامك وسار احمد يحضنها: ولا يهمج حياتي في اجازة الصيف بوديج المكان اللي تبينه ومابنرد الين ما اتقوليلي خلاص مليت ابى ارجع يزوي : الله ما يحرمني منك حبيبي احمد : ولا انتي حياتي يلا انسير نتعشى برع يزوي : يلا قبل العرس بيوم رد احمد ويزوي الامارات وطبعا على طول ساروا بيت ابو احمد وعقب العصر ساروا صوب بيت اهل يزوي في بيت ام جمعة وكان خالد وبنته سلوى عندهم في حجرة سارة قعدت سارة اتصيح وسلوى انصدمت حاولت اتهديها بس ما قدرت ومن الربكة ركضت برع الحجرة بدون شيلة وكان في الصالة جابر سلوى ربعت عنده: جابر الحقني انصدم جابر يوم شاف سلوى بدون شيلة وكانت شوي وبتصيح جابر: شوفيج سلوى : سارة اتصيح جابر:ليش سلوى : ما اعرف وسار جابر حجرة سارة جابر :حياتي سارة شو فيج سارة : خلاص ما اريد اعرس جابر : ليش خليفة شسوابج قالج شيء سارة : لا بس اريد امي .. وقعدت اتصيح زيادة وراح جابر ولوى عليها وقعد يهديها ويقولها ان خليفة انسان زين وان لازم ما اتخاف من العرس وهدت سارة ورقدت عداله ولحفها وظهر عنها ولقى سلوى يالسة متحجبة في الصالة سلوى : ها شوفيها جابر : ماشيء بس تعرفين خايفة قبل العرس سلوى : اهاااا... الله يعينها جابر : سوري خليتج تليسين عند غلا سلوى : ترى بزعل والله اني احبها والله اني كل اليوم انش الصبح بس عشانها جابر : تسلمين الشيخة سلوى : جابر ممكن اسالك سؤال جابر : افا عليج قولي اللي تبينه سلوى : من وين يبت اسم ..غلا اسم غريب وايد جابر : لانه غريب حبيت اسميه الصراحة ما اعرف طرى في بالي وسميتها عليه سلوى : يلا برايك بسير ارقد..تصبح على خير جابر : انتي من اهل الخير وسار جابر حجرته ويا بنته اللي كانت راقدة في حضن سلوى وقعد يفكر بسلوى هي حلوة وكيوت ورزينة واهم شيء انها تحب بنته انا ليش افكر في صدق اني خاين العشره.. اااه يامنى ليش خليتيني ليش وعقب رقد اليوم عرس بروك وخليفة الكل في العايلة محتشر البنات يتعدلن الرياييل عند الخيام ولي يشوف الاكل ولي يشوف الكوشة الكل كان مرتبش عشان العرس كانت الكوشة جنان حاطين كرسيين وجدامهم نافورة وممر كله ورد برتقالي وكان كل شيء برتقالي في العرس بس كان جنان وكراسي ويا الطاولات وعقب دخلت موزة حرمة بروك اول وكانت حلوة وايد والكل تخبل عليه وكانت واثقة من عمرها وعقب يلست على كرسيها وعقب دخلت سارة كانت جنان الكل قعد يسمي عليها بس كانت خايفة وعقب يت الهنوف ويزوي يساعدونها تيلس وعقب رقصوا البنات وتعشوا المعازيم وعقب على طول راحوا المعاريس البيت وغيروا ثيابهم وعلى طول سافروا صوب ايطاليا في بيت ابو احمد مريوم : والله فرحانة عشان سارة ام احمد : والله ان هاي البنت كاسرة قلبي بنت بين اخوان لا ام ولا اخت الله يهنيها انشاء الله ويا خليفة وخليفة ريال وانا متاكدة انه بيحطها بين عيونة البنات : امين ياربي وفي بيت ام جمعة سلوى اول ما دخلت الصالة اللي فوق كانت متوله وايد على غلا واتريد اتسير اطالعها بس خايفة يكون جابر في الحجرة وراحت وزقرت البشكارة سلوى :شيرين شيرين : نعم ماما سلوى : سيري حجرة جابر شوفي هو هناك ولا لا شيرين : زين ودخلت البشكارة الغرفة ولقت غلا بروحها على السرير ورجعت وقالت حق سلوى ان جابر محد ودخلت سلوى الحجرة وشافت غلا منسدحة على السرير وسارت سلوى عندها وقعدت اتحببها واتلعبها واضحكها وطلع جابر من الحمام وسلوى ما انتبهت وجابر انصدم باللي يشوفه جدامه كيف سلوى اتحب غلا هالكثر.. جنها بنتها وغلا تضحك وياها.. وينج يامنى لحقي علي وعلى بنتج.. جابر : احم..احم سلوى اول ما شفته اتحجبت وعلى طول قالت : اسمحلي جابر ما كنت اعرف انك موجود سوري والله جابر : لا افا عليج عادي خذي راحتج سلوى : تسلم.. عن اذنك بسير ارقد وانسدح جابر جنب بنته وقعد يكلم نفسه وفي ثاني يوم في حجرة سلوى فطوم : يلا ياهانم الدريول يستنى تحت سلوى : انشاء الله بس البشكاره دخلت شنطتيه في السيارة فطوم : هي وغرفتج اللي في بيتنا جاهزة وشو تبين بعد سلوى : ماشيء سلامتج..منو ياي وياج فطوم: منو يعني ريلي سلوى : اصلا ودج بس ما اترومين ..لاصدق والله فطوم : انا والبشكارة والدريول سلوى : اوكي يلا .. اوه صح اول بسير عند غلا ما ادري كيف بسكن عندكم وبترك غلا اهني فطوم : حشى امها سلاوي يلا عشان بعدني اريد اخطف على برجر كنج ابى اشتري عشاء حقنا سلوى : انزين ونزلن تحت وركبوا السيارة ومروا على برجر كنج وعقب ردوا البيت هنوف : طولتوا وين سرتوا فطوم : الين الهانم مااتحط اغراضها وعقب سرنا صوب برجر كنج هنوف : اوكي يلا خليت البشكارة اتشغل الليتات اللي في الحوش صوب الالعاب والمريحانات سلوى : احلى شيء الالعاب من زمان ما لعبت هنوف : يلا عيل فطوم :وين مريوم هنوف : سارت ويا امي السوق فطوم : اوكي بنلبس وبنزل وانتي خلي البشكارة اتحط العشى هناك هنوف : اوكي بس لا اطولون سلوى : اوكيك وغيرن ثيابهم وطلعن عند الهنوف اللي كانت لابسة وقعدن يتعشن وعقب لعبو وعقب سمعوا صوت سيارة ونزل منها ريال وحرمته ومحد في البيت غير الهنوف وفطوم وسلوى يلعبن عند الزراعة والبشاكير هنوف : الحين شو انسوي والحرمة دخلت داخل بعد وعقب شوي يت سيارة ابوهم ونزل وسلم على الريايل في الحوش وكان فطوم والهنوف وسلوى يفكرون كيف يسيرون داخل من غير ابوهم والريايل يشوفهم والمشكلة انهم لابسين برنودة وبنطلون فما يقدرون يسيرون داخل والحرمة داخل بروحها وابوهم والريايل يمشون صوبهم فطوم : ياويلنا وين انسير الحين هنوف : تعالي بندس ورا الشير واندسو ورى شيرة رمان ومر ابوهم والريايل عدالهم بس ما انتبهو حقهم ومشوا سيده وعقب على طول ربعو صوب البيت واول وحدة دخلت سلوى وانصدمت بالحرمة في الصالة وردت على ورى وطلعت سلوى : يافشيلة الحين كيف ادخل هنوف : والله كيفكم انا بدخل لا تدري امي وعقب اتهزئنا فطوم : هنوف كيف ندخل جي هنوف : والله كيفكم الريايل وراكم فما تقدرون اتمون جي يا تدخلون عند الحرمة او اتمون برع والريايل يشوفكم باي انا داخلة ودخلت الهنوف وسلمت على الحرمة فطوم : يلا ندخل وامرنا لله سلوى : يافشيلة كيف ادخل وانا داخلة ابسرعة وشافتني وطلعت فطوم : لاعادي ودخلن داخل وسلموا على الحرمة وفطوم وسلوى سارو فوق وخلو حليلها الهنوف بروحها وعقب يت امهم ويلست ويا الحرمة وراحت الهنوف فوق هنوف : يا خايسات اشحقه اتخلوني ابروحي فطوم : والله انا ما احب اقعد جي عند الحريم هنوف : لا والله سلوى : اريد اطالع فلم هنوف : اوكي يلا وطلعن الهنوف وسلوى من غرفة فطوم وفطوم سارت اتسبحت ولبست بيجاما وبندت الليت وشغلت الابجورة وقعدت تقرا قصة ورن تليفونها فطوم شافت انه رقم غريب وقالت ما بترد بس التلفون ما طاع يسكت كل شوي يرن و عقب ردت فطوم : الو هزاع : هلاوالله بروحي وراعية احلى الو فطوم : منو هزاع : حبيبج وروحج وقلبج فطوم : لو سمحت عن الغلط واحترم عمرك .. وصكت التلفون في ويهه لان فطوم ما اتعرف منو هو وقعد هزاع يدق حق فطوم بس فطوم ما اترد وعقب رسلها رسالة ان هو هزاع ريلها وعقب دق وهي ردت هزاع : الو فطوم :الو هزاع : عجبتيني والله فطوم :بس لا اتعيدها مرة ثانية هزاع : افا الشيوخ زعلانين علينا فطوم : هزاع انا ما احب أي شخص يحطني في موقف مثل هذا هزاع : خلاص من عيوني فديت روحج بس انتي امري فطوم : هزاع هزاع : لبيه فديت روحج ياربي فطوم : هي استحي هزاع : انزين حياتي باجر بييج فطوم : لا هزاع : شو لا فطوم : استحي والله هزاع : لا عادي انا ريلج الحين لازم ما تستحين مني فطوم : خلاص حياك هزاع : يلا عيل فديتج بخليج الحين توصين على شيء فطوم : سلامت روحك هزاع : لا انا شكلي ما ببند اليوم فطوم : ليش هزاع : خلاص بس لا ترمسين زيادة ياربي متى بنعرس فطوم استحت : يلاباي ...وبندت وقعد هزاع يضحك عليها ويقول حق عمره ياربي متى بنعرس وفي ثاني يوم اتفقت ام منصور ويا ام مبارك ان ملجة ميثوه الخميس الياي أي بعد اسبوعين وفي بيت ابو احمد كانت فطوم في المطبخ وياها هنوف ويزوي حرمة احمد يسون سويت ويساعدون البشاكير في المطبخ ويشرفون على الاكل لان هزاع بيي وحليلها مريوم في حجرتها تدرس لانها ثانوية عامة وعقب ما خلصوا فطوم : هنوف فديت روحج انا بسير اسبح وانتي دخني الميلس هنوف : انشاء الله بس يلا قبل ما ايي الريايل فطوم : انزين سارت الهنوف ادخن الميلس وفطوم سارت حجرتها اتسبحت ولبست بدلة وردية من كان كان وحطت مكياج خفيف وايد وردي وطلعت جنان ونعومة وايد ونزلت تحت احمد وهو يتمصخر: حشى كل هذا حق هزاع ما عندنا بنات يظهرون حق رياييلهم جي سيري غيري ثيابج وغسلي ويهج ولبسي كندورة عادية ولفي شعرج فطوم : والله لو تبى خل حرمتك اتسوي جي انا خلاص شوري عند ريلي ما يخصك فيني احمد : لا والله عقب بتين عندي عشان ادافع عنج فطوم : لا اتخاف ما بييك بسير عند ريلي ام احمد : فديت روحج فطوم جهزتي كل شيء حق ريلج فطوم : هي ورن تلفون احمد وتغير شكل احمد وعلى طول طلع ابسرعة من البيت ام احمد : بسم الله اشفيه اخوج فطوم : ما اعرف بس احس ان قلبي ناقزني ام احمد : خير انشاء الله يزوي : فطوم جنى هزاع طول الحين الساعة تسع متى بيي هنوف : صدقها يزوي دقيله فطوم : اوكي ودقت فطوم حق هزاع وكل يعطيها مغلق فطوم : اف كله مغلق هنوف : غريبة فطوم : قلبي يعورني احس شيء مستوي ام احمد : لا تحاتين انشاء الله مب مستوي شيء وعقب دخل احمد وعيونه حمر من الصياح وشكله تعبان وربعت يزوي عنده : احمد شو فيك احمد : هزاع فطوم بصراخ : شو فيه احمد : عطاكم عمره واغمى على فطوم ............... شو ظنكم بيستوي...ظنكم جابر بياخذ سلوى ولا لا ... يتبع في البارت الاخيـــــــــــــــــر __DEFINE_LIKE_SHARE__ | |
| ||
| |
|
08-12-2008, 02:40 PM
| رقم المشاركة : [ 23 ] | |
| عضو ماسي | أخليكم ويا أخر جزء ^ـ^ الجزء العاشر -- الاخير وعقب دخل احمد وعيونه حمر من الصياح وشكله تعبان وربعت يزوي عنده : احمد شو فيك احمد : هزاع فطوم بصراخ : شو فيه احمد : عطاكم عمره واغمى على فطوم ام احمد:فطوووووم وكلهم ساروا صوبها وشلاها احمد وحطاها فوق الكرسي احمد يكلم الهنوف: روحي يبي عطر بسرعه وربعت الهنوف ويابت عطر ورشته عل كلينكسه وعطته ..بس مافي فايده وزادو العطر وبعد مافي مافايده احمد:لبسوها عباتها عشان اوديها المستشفى ودخل ثاني البيت وكان بحاله ما ينحسد عليها حاط الشماغ على جتفه وعيونه حمر واسوداد تحت عينه ويفتح عين ويبند عين ومشيته مب راكزه.. كان منهار تماما لأنه علاقته بهزاع كانت وايد قويه. احمد:ثاااااااني.. ثاني وابتسامت حزن على فمه:سار..سار الغالي..سار وخلاني..ماهقيته خاين سكت شو وكمل: غاب وغابت وياه حياتي...(واشر على فطوم) غاب وترك فطيم تايهه من بعده.. كل من في الصاله خانتهم دموعهم ونزلت غصب عنهم احمد اذّكر فطوم وربع فوق عشان اييب السويج وهو راكب كانت مريوم نازله مريوم ماتدري بشي وقاعد تغني: ياحلاّء اعملي قره وفرّح ألبي شي مره ..تحرص ابني الجيران اللي عيونه لابرى.. احمد خطف عدالها يربع مريوم:حموووود..شفيك...(مارد عليها) شفيه هذا.. نزلت تحت:باركوووولي خلصت... شافت الكل الهم مرسوم على ويوههم جان تخاف مريوم:شفيكم..تكلموا (لفت ويها وشافت ثاني واثار الدموع على ويه والكرسي اللي مجابله فطوم مقمضه عينهاوعدالها ام احمد( مريوم دمعت عينها لا اراديا:امي شفيكم...فطوم شفيها.. وثاني..الله يخليكم قولولي لاتعذبوني.. ام احمد: هزاع ريل اختج استواله حادث..و..و..توفى مريوم تمت واقف مكانها مب مصدقه وشعر جسمها وقف تم اتطالع كل من في الصاله تتاكد اذا صدق ولاّمزحه بايخه...بس مافي امل ..وفطوم..انتهت حياتها قبل ماتبتدي ..ليش يارب فطامي ماتستاهل اللي اييها . احمد نزل وشغل السياره وركبوا فطوم وودوها المستشفى في بيت ابو مبارك كانو كلهم يالسين في الصاله قاعدين يسولفون وحامد يكلم منصور بالتلفون ومره وحده يت ميثوه تربع من فوق..وقفت شوي تتنفس ميثوه وهي شوي وبتصيح لان فطوم اربيعت عمرها كل وحدة اسرارها عند الثانية من يوم كانوا يهال:دريتو شو استو الكل:شو.. ميثوه:هزاع ريل فطوم توفى حامد:شوووووووو...انتي شو تقولين ميثوه:ريل فطوم عطاك عمره الكل :لا حول ولا قوة الا بالله ..الله يرحمه حامد يكلم ميثوه:كيف ومتى ميثوه:اليوم كان بيي يتعشى عند فطوم جان يستويله حادث في الطريج محمدوه:وانتي كيف عرفتي ميثوه:مريوم كلمتني من المستشفى ام مبارك:وهي شو تسوي هناك ميثوه:لان فطوم مرقده هناك حامد:فطووووووووووووووم...ليش شو فيها .. ميثوه :مادري من الصدمه ما سالتها حامد خذ سويجه من الطاوله:أي مستشفى ميثوه:الامارات طلع بسرعه سار صوب مستشفى الامارات في المستشفى احمد:شفيها دكتور ليش ما قامت لين الحين الدكتور:هو انته اخوها.. احمد: لا اختها ..طبعا اخوها.. الدكتور :والله يا استاز هي اختك تعرضت لصدمه اويه فوق طاءتها ممكن تخليها تدخل بغيبوبه والله وحده يدري متي بتصحى بس نحن بنستنى يومين اذا ما قامت بتدخل الغيبوبة احمد : غيبوبه ...شو الحل الحين الدكتور:والله هدا مش بايدنا نحن بس برايي نتريا عليها يومين ودخل ابو احمد(يوم وصل احمد المستشفى دق حق ابوه وخبره بالسالفه):هاا شو.. احمد: بغيبوبه والله يعلم متى بتقوم (دمعت عينه)بس اذا قامت في هاليومين ما بتدخل في غيبوبة ابو احمد مسك احمد من جتفه: مافيها الا الخير انشاالله ..سير ود اهلك البيت وانا بتم عندها احمد:انشا الله(مسح دموعه( في بيت ابو احمد سلووه نزلت تحت وكانت لابسه لانها بتسير عند ابوها وشافت الهنوف ويزوي سلوى:وين الباقي قالولها ان ريل فطوم توفى بس ما قالولها ان فطوم في المستشفى سلوى: الله يرحمه..مسكينه فطوم الله يعينها..يلا من رخصتكم بسير عند بابا الهنوف و يزوي: الله وياج.. وسارت بيت ام يمعه وهي داخله كان جابر طالع وقاعد يربع ولاف ويه يكلم ام يمعه ويوم شاف سلوى كان بينه وبينها كم خطوه وما قدر يوقف جان يدعمها ومن قوه الدعمه يايه اطيح بس مسكها قبل ماطيح جابر وهو قافط:اسمحيلي سلوى والله ما شفتج سلوى محمره:لا مسموح جابر: ثاني في بيتكم سلوى:مادري ماشفته ...ليش شو فيه جابر: لا ماشي ..بس تدرين ربيعه بالروح توفى وهو متأثر شوي وكل ما دقيناله مايرد سلوى: هي ..الله يعين جابر: ويعين فطوم بعد والله انها كاسره خاطري ..هي في المستشفى بعدها سلوى: في المستشفى.. استغرب جابر من ردت فعل سلوى..اكيد ما تدري وادخلت ام يمعه ام يمعه: جاااابر بعدك ما سرت...يلا بسك من الهذربان ..سير شوف خوك وشله معاك عشان تعزون ابو راشد جابر: انشا الله..(يكلم سلوى) اذا تبين غلا بتلقينها في حجرتيه ويا مربيتها.. وظهر عنهم وسار بيت ابو احمد بس ما حصل ثاني هناك جابر : ياربي هذا وين سار شوي ورن تلفونه كان ابو احمد قاله ان ثاني معاه بيت ابو راشد وسار بيت ابو راشد في بيت ابو راشد ثاني خانقتنه العبره :عظم الله اجرك ابو راشد :اجرنا واجرك..(يطالع السما وخانته دموعه)..الله يرحمك ويخمد روحك في الجنه ثاني وابو احمد: الله يرحمه (فجاه مرت جدام ثاني ذكرياته معاه ..ضحكته..غياضه..مصخرته..نزاعه..وبكاه..ااااااه ياهزاع ليش سرت وخليتني مع ظلام الدنيا ..وتم يصيح( ابواحمد:قوّ ايمانك بربك..هم السابقون ونحن اللاحقون..ادعله بالرحمه ثاني :استغفر الله ..الله يرحمه في البدع كان حامد ومنصور يالسين عالرمله حامد:كله مني ..لو كنت صح احبها لو تمنيتلها كل خير معاه..بس انا ما استاهلها منصور:استغفر الله انت شو تقول..هذا قدر ومكتوب ولو صار اللي يصير كان بموت بموت حامد:منصور حاس بذنب مادري ليش ..مب قادر استحمله انا لازم اشوفها واكلمها منصور:حرام عليك ياحامد لا تعذب عمرك وتعذبها معاك حامد:بس..بس لازم اقولها كل اللي في قلبي لازم اكون عدالها واسندها..والله ماتستاهل اللي ياها..صدق اني اناني .. منصور:مب اناني ..اللي يحب يسوي جي واكثر بعد..انت باسلوبك بينتلها انك تحبها ومب رايح تتخلى عنها بكل سهوله حامد :ـــــــــــــــــــــــــــــــــــــــــــــــــ ــــــ (قلبي يمسي على اللي بعيد عني..ياعسى ربي يحفظه وعليه يطمني( منصور هو الثاني كان يفكر بميثوه..ااااه يا الميث مكتوب علينا التاخير... خذني بقربك حبيبي والا بقربي تعال ابيك مني قريبي تعال احطك بعيني ..بنسى عذاب الليل لو تدري بنار قلبي ..ماقلت هذا محال وعزا اول يوم كان مثل أي عزا وكانوا ابو احمد واحمد وابوجابر وعياله ويمعة وعياله في بيت ابو راشد يعزونه ويوقفون وياه في الشدة والضيق وكان ناس ايون يعزون ويترخصون وعقب سار يمعة وعياله وابوجابر وجابر وبقى ابو احمد واحمد وثاني ابو راشد : يا ابو احمد سير انته وعيالك استرحوا شوي من امس وانتو عندي ابو احمد : والله لو عدت هالرمسة بزعل نحنا اخوان ما بينا شيء ومر ثاني يوم مثل اول يوم وفطوم بعدها ما وعت فليل في المستشفى ردن البنات البيت وتمت ام احمد عند بنتها تقرى قرآن طول الليل والساعه 2 فليل راحت مصلى المستشفى قالت بصلين ركعتين حق ربي وبدعي حق فطوم سار حامد المستشفى ودق حق ميثوه يتخبرها عن حجرت فطيم ويوم دخل الحجره ما كان حد في الحجره غيرها اقترب من السرير..ويوم شاف شكل فطوم انهار وعينه امتلت دموع حامد: دخيلج فطوم لا تسيرين وتخليني لا تسيري.. انتي كل شي بالنسبه لي ابوي وامي واهلي (سكت شوي وبعد كمل) احبج يابنت عمي احبج كثر الدنيا واكثر مب احبج وبس اموووووت فيج..ادري ان هالكلام مب وقته..بس اللي صار صار .. وهذا قدر ومكتوب.. عذريني على كلامي بس احس ان ربي خذه عشان نرد لبعض ومحد يفرقنا..انتي لي وانا لج.. فطوم حبيبتي بسوي اللي تبينه بس دخيل الله ردي علي..صدقيني من اليوم بتشوفيني دوم عدالج..احس فيج..اواسيج..اسندج (سكت وتم يطالعها وكمل وهو يشل هالكلمات( ما نسينا لو تناسينا يا الغلا في يوم حبينا.. يوم كنا بسمتن حلوه قلب واحد من يساوينا تذكرين حروف كلماتي يوم كنتي اروع بياتي يوم قلتي قول وحياتي غير موت يفرق يدينا تذكرين وكم وعدتيني كم حلفتي ما تناسيني بس يا اللي صار خنتيني واستمعت ليعذالهم فينا..ويا حسافه.. وحبها على راسها ونزلت دمعة من عيونه على ويهها وعقب بعد ما خلص شاف فطوم يالسة تتحرك وشوي وفجت عيونها وشافت حامد بس ما كانت مركزة زين حامد ما صدق عيونه : فطوم حبيبي نشيتي شو اتحسين شيء يعورج فطوم : وين انا حامد : في المستشفى فطوم : ليش حامد ما كان يريد ايقول حق فطوم ان هزاع مات : فطوم لازم اسير الحين قبل ما ايي أي احد بس بييج مرة ثانية انزين حياتي فطوم ما كانت تبى يسير حامد عنها لانها تولهت وايد عليه : وعد حامد : هي وعد حياتي يلا الحين رقدي انزين فطوم : اوكي وظهر حامد من الحجرة وردت فطوم ترقد مرة ثانية والصبح في غرفة فطوم في المستشفى دخل ابواحمد ويا الهنوف وياييبين فطور وياهم ابو احمد : شحالج الغالية ام احمد : الحمد الله بس بستوي احسن لو نشت فطوم الهنوف : انشاء الله بتنش يا امايا ابو احمد : خلي املج قوي بربج ويلسوا يتريقون الهنوف سارت اتغسل ايديها ويوم ظهرت من الحمام شافت فطوم تتحرك وعقب فجت عيونها الهنوف : امايا ابويا فطوم وعت وعقب يو ام احمد وابو احمد عند فطوم ولوت ام احمد على فطوم وقعدت اتصيح ابو احمد : شوي شوي على البنت بتروعونها فطوم : وين انا واذكرت فطوم حامد بس قالت اكيد حلم الهنوف : فطوم فديتج انتي في المستشفى فطوم : ليش شو فيني ابو احمد : ما فيج شيء بس دلع اسغربوا ابو احمد وام احمد من ان فطوم ما طرت هزاع ابدا فطوم : عيل خلوهم يشلون عني هالمغذي ويردوني البيت ابو احمد : انشاء الله بس انتي خلي ايي الدكتور وانا رمسه وقعدوا يسولفون شوي ابو احمد : يلا انا بترخص ام احمد : وين ابو احمد : بسير العزا ابو راشد فطوم : ليش منو مات عندهم ام احمد : بسم الله عليج فطوم ..ترى هزاع توفى فطوم : ها ها هاي حلوه منج (كل من في الغرفه تم ساكت وفطوم تمت اطالع امها)امي انتي تمزحين علي صح ابواحمد : فطامي حبيبي هالكلام ما فيه مزح ونحنا يوم قلنالج انه توفى انتي طحتي علينا عشان جي انتي اهني فطوم وقعدت اتصيح : لاااااااااااااااا..مستحيل انتو شو تقولون.. مستحيل.. كيف يسير هزاع ويخليني ليش ...ليش.... ويلست ام احمد عدالها عشان اتهديها وظهر ابو احمد صوب العزا وقلبه متقطع على فطوم وعقب اسبوع طلعت فطوم من المستشفى احمد : نور البيت فطوم : بوجودك يلا انا بسير حجرتيه يزوي :نحنا ما صدقنا تظهرين من المستشفى والحين بتسيرين حجرتج فطوم : مشكورة حياتي بس.. احمد : شو حياتي لوسمحت هاي حرمتيه محد يقول حياتي حقها غيري فطوم اذكرت هزاع واتحس خلاص ادموعها بتنزل بس ما كانت تبى اضايق اهلها وابتسمت غصب عنها: لاوالله.. انزين انا الحين بسير ارقد يوم بنش بنزل تحت عندكم ..اوكي ام احمد : انزين تغدي اول فطوم : ماماتي مب مشتهية ابا ارقد ام احمد : خلاص برايج وسارت فطوم فوق ترقد الهنوف : والله كاسرة خاطريه فطوم احسها شاله هموم اكثر من طاقتها احسها متكسرة من داخل بس ما تبى اتبين عشان ما اضايقنا ام احمد : كلن ونصيبه في الحياة محد يقدر يعترض على كتبت ربج مريوم : والله ما تهون علي فطامي يزوي : يلا انشاء الله تنساه وهي بعدها صغيرة والف من يتمناها ..صح امايا وميثانة باجر بيون ام احمد : الله يحييهم ..البيت بيتهم وفي بيت ابومبارك ام مبارك : اليوم بيون محمدوه : هي بيون الساعة وحدة على مطار دبي ام مبارك : كان ودي اسير وياكم واستقبلهم بنفسي بس مافيني على الطريج محمد : امايا سيرتي عند فطوم ام مبارك : لا باجر بسير الها تعرف اليوم طالعة قلت خلها ترتاح وبكرا بسير صوبها محمدوه : انشاء الله الحين احسن ام مبارك : كنت عندها امس احسها بعدها تعبانة بس يزوي اتقول اليوم احسن محمد : انشاء الله ياربي احسن والله احس فطوم وحدة من اخواتي وودي اسير عندها بس قلت خليها على الاقل اسبوع وعقب بشوفها ام مبارك : الله يعينها ويهدي سرها انشاء الله وفي بيت ام جمعة كان جابر نازل من الدري ام جمعة: جابر فديتك قبل ماتنزل ازقر سلوى خلها اتيي تتغدى جابر : انشاء الله وسار جابر يزقر سلوى يتبــــــــــــــــــــــــع __DEFINE_LIKE_SHARE__ | |
| ||
| |
|
08-12-2008, 02:41 PM
| رقم المشاركة : [ 24 ] | |
| عضو ماسي | فطوم في حجرتها لبست بيجامتها وطفت الليت وشغلت الابجورة وسارت وفجت الكبت وطلعت صندوق عود عطاها اياه هزاع ليلة الملجة وفجته وكل ما تمسك شيء تتذكره وقعدت اتصيح في بيت ام جمعة قعد جابر يدق الباب حجرة سلوى محد يرد جابر : اوف شو اسوي الحينة ادخل ولا لا ..لا شو ادخل مينون انا مثلا البنت راقدة ولاشيء ياربي شو اسوي (وقعد جابر يكلم نفسه) ويت سلوى من ورى جابر وفي ايديها غلا بنت جابر: جابر شو اتسوي نقز جابر من مكانه وما قدرت اتيود سلوى عمرها من الضحك كان جابر قافط ويسوي عمره مسكين : هذا جزاي ياي اقولج غدا سلوى : افا كله ولا زعلك.. عقب ما بتخليني اشوف هالبدر اللي في ايدي جابر : هي خلج جي حرمة .. عرفت نقطة ضعفج الحين وقعدت سلوى تضحك عليه جابر بينه وبين نفسه ماشاء الله عليها ما حلاها ومحلى ضحكتها كلها على بعضها عسل مثلج يامنى سلوى : جابر وين سرت انا ارمسك جابر: هلا شو قلتي سلوى : يلا ماتبى غدى جابر: انزين بتنزلين جي سلوى : ليش شو فيني جابر: ما فيج شيء بس غلا عطيها مربيتها عشان ما تزعجت وانتي تتغدين سلوى : لا حرام عليك هالمفعوصة تزعجني والمغرب نزلت فطوم من فوق وكانت لابسة بيجاما وردية ومسوية ذيل حصان فطالعة وايد كيوت وياهل ام احمد : هلاامايا نشتي تبين يحطولج اكل فطوم : لا امايا بعدين مريوم : حشى بتموتين..شو تسوين رجيم فطوم : لو انا بموت انتي شو غاديتلي عصى حشى مريوم : سمعو من يتكلم .. وزنج اقل من وزني فطوم : لانج يا حياتي طويلة وانا قصيرة وسمعوا احد يدق الجرس وسارت البشكارة اتشوف منو ودخلن ثلاث حريم وفطوم كانت مستحية لانها يالسة ببيجامتها ام احمد : حي الله من يانا زارتنا البركة ام راشد : الله يبارك فيج تسلمين غناتي وسلمت على ام احمد وسارت لوت على فطوم ام راشد : اشحالج الغالية انشاء الله بخير فطوم : الحمد الله اشحالج خالوه ام راشد : دامج انتي ابخير غناتي انا بخير فطوم : تسلمين خالوه ..عظم الله اجرج ام راشد خنقته الدمعة بس ما كانت اتريد اتزيد على فطوم : اجرنا واجرج انشاء الله وعقب سلمت على مريوم وعقب يت حصة حرمة راشد وسلمت وعقب مهرة ولوت مهرة على فطوم وقعدوا يصحون ام احمد : ذكروا الله يا بناتي بس من الصياح فطوم : الله يرحمه ويغمد روحه الجنة الكل : آميييييييين وفليل في بيت ابوهزاع ام هزاع : والله انه قلبي اليوم تقطع على فطوم مهرة : هي شفتيها كيف كانت اتقولين ياهل يا حليلها ابو هزاع : كتبت ربكم ما تقدرون اتغيرون كتبت ربكم راشد : صدقه ابوي الله يعوضها انشاء الله بواحد شرات هزاع واحسن بعد انشاء الله ام هزاع : الله يغمد روحه الجنة الكل : امين وفي مطار دبي كان حامد و محمد يتريون خليفة وبروك وحريمهم حامد : هكم وصلو محمد : هي والله واخيرا وركبوا السياير وساروا صوب البيت والكل كانوا يستوننهم في البيت سلموا وعقب ساروا يرقدون من التعب وفي ثاني خبروا بروك وخليفة وحريمهم ان ريل فطوم توفى بروك : يا حليلج يافطوم خليفة : من كثر ما يرمسون عنها اتوفى ريلها سارة : فديتها ياربي ما تستاهل خليفة : خلاص اليوم انا و بروك بنسير صوب بيت ابو راشد وانتي سيري صوب بيت عمي محمد سارة : انشاء الله العصر يت ام مبارك وميثوه وساروه بيت ابو احمد يلسوا وسلمو وخذوا اخبار فطوم وفطوم بدت تتاقلم ويا اللي صار وان هذا كتبت ربنا ومب بايدنا أي شيء ساره : فديتج فطوم والله ماتستاهلين فطوم : الله كاتب... شو استانستوا بالسفرة سارة : وايد اكثر من ما تتصورين فطوم: ميثوه متى ملجتج ام مبارك : كان المفروض عقب اسبوعين بس بناجلها كم اسبوع فطوم : ليش ..ما شيء تسوينها في موعدها والله ترى ازعل عليكم ميثوه : لا انا مب مستعيلة ما بيستويلي شيء اذا استنيت فطوم : والله انكم اتسوينه في موعده ولا اتغيرونه وانا حلفت ام مبارك : ليش تحلفين فطوم : خالوه ليش اتاخرونه اذا انتو عندكم عادي يمكن الريال يتضايق وما ايحب يبن انه مب راضي اتاخرونه وانا اقول سووه بموعده احسن واذا ماييت في الملجة انشاء الله بيي في العرس ام مبارك : على راحتج يابنتي فطوم : صح خالوه خطبتوا حق محمدوه ام مبارك : لا والله بس انا بخاطريه اخطبله اربيعتج اللي شفتها في الملجة فطوم : هي شماني بس خالوه استعيلوا عشان ما اتضيع من ايديك ام مبارك : الله يكتب اللي بالخير ومر الوقت والساعه ثمان الكل سار بيته فطوم والهنوف سارن حجرهن وابو احمد وام احمد واحمد وحرمته بعد وتمت مريوم في الصاله قاعده تقرى قصه لين الساعه12 جان يرن الجرس مريوم:بسم الله الرحمن الرحيم من ياينه بهالحزه..برندا ..برندا ..شو في من عند الباب وبطلت الباب وكان ثاني (كان شكله تعبان بس احسن عن قبل..من اسبوع ومحد يدري وين يسير ومن وين ايي..واخباره وعلومه..كان مختفي من الوجود جنه الارض انشقت وبلعته( مريوم يوم شافته:ثاااااااااااااني.. ثاني:خير شو فيج مخترعه.. مريوم:لك ويه بعد تسأل ثاني:اووووف مب ناقصنج اللي فيني كافيني ..روحي قولي حق البشكاره تجهز حجرتيه مريوم تمت واقف مكانها من الصدمه مستحيل هذا ثاني ثاني:يعني مطوله ..اول مره اطالعيني مريوم فولت على الاخر واي كلمه منه وتنفجر ثاني:صدق انج ما تبردين القلب..الله يعين اللي بياخذج مريوم وخلاص وصلت حودها: تدري انك انسان تافه وسخيف ولا بعد مصدق عمرك ومزودنها..والله لا انته اول واحد مات ربيعه ولا آخر واحد..كلنا بنموت ..فطوم اللي استوى ريلها ما سوت سواتك.. ثاني من الصدمه ما عرف شو يرد: ــــــــــــــــــــــــــــــــــــــــــــــ ــــــــــــــــــ مريوم: والله زمن اذا عذبت وجرحت يحبونك..واذا حبييت وعشقت يعذبونك....عن اذنك وخلته وسارت عنه وهو واقف مكانه من الصدمه ويوم وصلت نص الدري مريوم:صح ..البشاكير في المطبخ اذا تبى شي ..تصبح على خير سارت حجرتها وسكرت الباب وراها وتمت اتصيح مريوم:ياربي ليش قلتله جي هو نقصنه بعد ..بدال ما احس فيه واواسيه..اروح اعق الزيت على النار..لو صدق احبه لو وقفت معاه وساندته لين ما يوقف مره ثانيه على ريله..بس لا انا فالحه اعق الكلام ..كل ما تكلمت كلامي مثل السم على الجبد....اااااه ياثاني سامحني ..سامحني يا بعد عمري هذا طبعي غصب عني وتمت اتصيح لين ما رقدت في حجرت ثاني كان ثاني مبطل الدريشه ويطالع السمى ثاني :افااا يا هزاعوو يهزؤووني وانته سكات..بس مب منك مني انا استاهل..بس تعال انا ما قلتلها شي يزعل..ليش زعلت..اووف منك ادري من حقها بس..بس..مادري شو اقولك..والله لو كنت معاي يوم كانت ترمسني...هيييي تفكر باللي افكر فيه..انا ما اقولك اكيد..بعدي شاك..يعني لو كانت تحبني لو قالتلي ..والله مادري كيف بجابلها..والله عذاب هالبنيه..ههههههه ينيت قاعد اكلم السما بس والله ما انلام وسار ورقد في اليوم الثاني في الصبح لقاله ثاني هزبه من ابو احمد وام احمد ومن ابوه لانه من اسبوع محد يدري عنه غير مره دق حق ابوه ومر اليوم لا ثاني شاف مريوم ولا مريوم شافت ثاني وعقب اسبوعين اليوم ملجت ميثوه كانت ميثوه في الحجرة توها مخلصة كانت جنان لابسة برتقالي ومكياجها برتقالي ومسوية تسريحة كانت وايد حلوة و وياها اختها يزوي وحريم اخوانها والهنوف ومريوم ميثوه : ياريت لو فطوم اهني اليوم مريوم وتبى اتغير جو الغرفة : ليش نحنا ما نسدج ميثوه : افا مب جي... بس فطوم غير الهنوف : حياتي لو ماكانت اهني اليوم بتي يوم عرسج ميثوه : منو وياها في البيت مريوم : سلوى ووياها بنت جابر غلا سارة : بصراحة بيني وبينكم ودي جابر ياخذ سلوى هنوف: لانها اتحب بنته ولا لانها اتحسينها اتناسبه سارة : والله تبين الصدق عشان السببين انا بفتحله الموضوع وبشوف ردت فعله وعقب بحكم..وبعدين ما بلقى احسن عنها مريوم : حشى كلكم بتعرسون وانا ببقى بروحي عانس موزة : شو عانس بسم الله عليج توج مخلصه الثانوية وبعدين ما شاء الله عليج حلوة الف من يتمناج مريوم : تسلمين حياتي يزوي : وفطوم نسيتي سارة : فطوم ما عليها شر والف من يتمناها موزة : هي ما شاء الله عليها شخصتيتها وايد حلوة وهي بكبرها اصلا حلوة انا خذيت عنها فكرة في ملجتيه وعرسي بس بعد ما اعرفها زين ... انا لاحظت شيء غريب في عايلتكم يزوي : شو موزة : كل واحد فيكم ابدا ما يشابهه الثاني وكل واحد وله جمال خاص فيه واحلى شيء فيكم اني احسكم على قلب واحد الهنوف: تسلمين حياتي ميثوه : ياويلي خايفة احس اني بموت سارة : خيبة هاي الا ملجة وجي سويتي عيل شو بتسوين ليلة عرسج ميثوه : عيب شو هالكلام يزوي : دخيلج انتي يا البريئة مريوم:سمعو هاي شو تقول من الحين عيب ..الله يعين ريلج علييج باجر ميثوه:سخيفه موزة : حرام عليكن كل ولا ميثوه ميثوه : فديت حرمة اخوي انا ..يا ربي اذكرت فطوم دايما ادافع عني وسمعوا دق على الباب وكان خليفة فظهرت سارة خليفة : الله منو هالغرشوبة اللي اشوفها... ما اروم اصدق.. عيوني ما تصدق اللي تشوفه سارة : خلوفي خليفة : عيونه ..قلبه ..روحه ..بس انتي امري سارة : ما ايامر عليك عدو.. شو تبى حبيبي خليفة : حياتي خلي ميثانة اتوقع اهني سارة : اوكي وشلت الدفتر وقعدوا البنات يغلسون على ميثوه ووقعت وردوا الدفتر عند خليفة وعقب شوي نزلت ميثوه والبنات عند الحريم في بيت ابو احمد فطوم : ماشاء الله عليها جنان كيوت وايد سلوى : هي فديتها مادري كيف بسافر وبخليها فطوم : سلاوي بسألج سوال بس لا تفهميني غلط لو ياج جابر بتوافقين عليه انصدمت من السؤال جان تحمر سلوى فطوم : يلا سلوى نحنا ما بينا شيء ترى نحنا اخوات سلوى : ما اعرف بس استويت وايد افكر فيه شاغل كل تفكيري وفوق هذا كله لو خذاني بتم غلا عندي فطوم : الله يوفقج انشاء الله حياتي .. وعقب يوا ابو احمد وعياله البيت وقعدوا يسولفون ويا فطوم وسلوى وعقب رقدوا سلوى : الحين كيف البنت عندي وانا بنام اهني وابوها مايا ياخذها فطوم : انزين دقيله سلوى : لا والله ينيتي فطوم : والله صدق ودخل احمد احمد : السلام عليكم فطوم و سلوى : وعليكم السلام والرحمة احمد : اشحالكن ليش الين الحين ما رقدتن فطوم : لان بنت جابر اهني وما انعرف رقمه عشان ايشل بنته احمد : خلاص انا بدقله سلوى : مشكور احمد : العفو وسار حجرته وهو يرمس جابر ويقوله ايي يشل بنته ودخل احمد حجرته احمد : هلا والله بالزين كله يزوي : لا اتكلمني زعلانة لو ماييت احسن احمد : افا الحلو زعلان شو اسوي حبيبي والله يا الله يا الله اتفججت من الشباب يزوي : ياربي ..خلاص سامحتك بس مرة ثانية لا اتعيدها احمد : انشاء الله من عيوني كم يزوي عندي انا يزوي : بس وحدة احمد : ياويل حالي انا في بيت ابو مبارك خليفة : ميثوه ويت ميثوه عند خليفة : هلا خليفة : مبروك غناتي ...وحبها على راسها ميثوه : الله يبارك فيك وبعمرك خليفة : يلا الريال يترياج ميثوه : لا مابى خليفة : شو ماتبين الريال من متى يتريا ميثوه : خليفة مابى حرام عليك خليفة : والله هو ما بياكلج بس بسلم عليج ميثوه : اف انزين بس لا اتخليني ابروحي خليفة : انشاء الله وسارت ميثوه ويا خليفة الميلس خليفة : السلام عليكم منصور : وعليكم السلام والرحمة (بغى منصور ايموت مكانه من حلات ميثوه ( خليفة : يلا انا وصلت الامانة عندكم بس ربع ساعة يلا شاو ميثوه ( بغت اتموت لان خليفة خلاها ابروحها ويا منصور( منصور : اشحالج الغالية ميثوه : الحمد الله منصور قعد يتامل ميثوه وميثوه شوي وبتموت مكانها منصور ما عرف شو يقول : اخبار الجامعة وياج ميثوه : زينة منصور : اتعرفين ميثوه من متى انا احبج ميثوه رفعت نظراتها صوب منصور منصور : من يوم الحادث وميثوه لا اراديا : وحتى انا منصور فرحان : والله وميثوه خلاص بتموت كيف قالت جي ودخل خلوف : يلا لو سمحت من غير مطرود منصور : اسميك تدخل في اوقات ...ودي اذبحك فيها ميثوه : من رخصتكم وظهرت صوب غرفتها في بيت ابو احمد في الصالة فطوم وسلوى كانت سلوى اطالع التلفزيون فطوم كانت اتكلم شموه بالتلفون شموه : والله متوله عليج وايد فطوم : والله ادلين بيتنا وين شموه : بقول حق امي يوم بتعطيني الموافقة بقولج فطوم : سرتي ملجت ميثوه شموه : لا امي ما خلتني قالت سيري يوم عرسها فطوم : يا حليلج شموه : شو رايج يوم السبت نتغدى في الجامعة فطوم : ما ادري بشوف انا ومزاجي شموه : خلاص عيل حياتي بسير ارقد وعقب بدقلج فطوم : اوكي وسمعوا هرن فطوم: منو ايي الحين.. اكيد جابر سلوى : والحين منو بيظهر حقه فطوم : اكيد انتي لان البشاكير راقدين وانا ما اقدر سلوى : شو استحي فطوم : يلا سلوى الريال يتريى سلوى : اف اوكي وشلت سلوى غلا وكانت راقدة وظهرت صوب سيارة جابر جابر : هلا اشحالج سلوى سلوى : الحمد الله بخير انتبه عليها لانها راقدة جابر: سمحيلي تعبتج وياي سلوى : لا عادي غلا مثل (كانت تبى تقول مثل بنتي جان تسكت( جابر : سلوى ... سلوى : شو جابر : تصبحين على خير سلوى : وانته من اهل الخير وسارت سلوى داخل البيت وعقب ثلاث ايام دقت ام امبارك حق بيت شمة اربيعت فطوم شمة : الو ام مبارك : الو السلام عليكم شمة : وعليكم السلام والرحمة ام مبارك : اهني الوالدة شمة : هي لحظة شوي وزقرت شمة امها ام شمة : الو مرحبا ام مبارك : الو مرحبتين اشحالج الغالية ام شمة : الحمد الله بخير ..سمحيلي فديتج بس ما عرفتج ام مبارك : مسموحة انا ام ميثة ربيعت شمة قوم جمعة الاحبابي ام شمة : يا هلا والله ام مبارك : بغيت اخطب بنتج شمة حق ولدي محمد وانشاء بييكم باجر نخطبها ام شمة : يا حي الله فيكم توه بنور البيت ام مبارك : مشكورة منور باصحابه وعقب بندوا وثاني يوم ساروا صوب بيتهم وخطبوا شمة وقالو بشاورون البنت وعقب بردون عليهم وفرح محمد وايد يوم قالوله انهم خطبوله بس ما كان يعرف ان اللي خطبوله هي نفسها اللي شافها عند فطوم في ثاني يوم وقالت ام شمة حق ابو شمة ووافق على طول لان اربيع ابو احمد وهو يستوي عم اللي ياي يخطب بنته بس قال بيشاور البنت الاول وسار حجرة شمة بنته ودق الباب شمة :ادخل و دخل ابو شمة شمة : هلاوالله توها نورت الحجرة ابو شمة : منور فيج غناتي شمة : شو سبب هالزيارة الحلوة ابو شمة: والسبب احلى شمة : والله عيل فرحنا وياك ابوشمة : يا شمة الحين انتي كبيرة وعاقلة وفاهمة ومحد بيغصب على شيء فكري زين وعقب ردي علي امس ياج ولد عم ربيعتج فطوم وانا اقولج الريال والنعم فيه بس بعد ابى رايج انتي سكتت شوي شموه : ابوي عطني وقت افكر فيه ابو شمة : انشاء الله وهذا من حقج وعقب دقت شموه حق فطوم وقالتلها انها انخطبت من اخو ميثوه وقالتلها فطوم ان اللي خطبها هو نفسه اللي دخل عليها في الميلس وشموه فرحت لانها كانت وايد اتفكر بالشخص اللي دخل عليها الميلس كان شاغل كل تفكيرها المغرب قرروا ميثوه وسارة وموزة يسيرون عند فطوم يغيرون مزاجها وكانن فطوم ومريوم والهنوف وسلوى ويزوي يلعبون بالحوش اللي ورى البيت دخلن ميثوه وموزة وساروه ومالقو احد داخل ميثوه : غريبة وينهم ساروه : ايرني ويت ايرني : نعم ماما ساره ساره : وين ام احمد ايرني : محد يسير عند حرمة بس بنات يلعب ورا وعقب سارن ميثوه وموزة وسارة ورا في الحديقة ويوم شافوهم انصدموا بنات ام احمد فطوم : يا الفظيحة سارة : السلام عليكم الكل : وعليكم السلام والرحمة ويلسوا البنات سوالف وطلبوا من المطعم موزة : الهنوف متى عرسج الهنوف : بعد اسبوعين وقعدوا البنات سوالف وعقب دخلو البيت ويلسو في الصاله ويا ام احمد وبعد صلاة العشا سارو يمشن في الطريج نيسان سوده تلحقهم رايحه وراده ميثوه: هذا اكيد سعود الدب..صح يزوي يزوي :شعرفني الهنوف: مين سعود ميثوه: ربيع محمدوه وحامد مريوم: بالذمه خليتي ريال ما تعرفينه ميثوه: هههه سخيفه ومره جدامهم شوي شوي ميثوه: قليل الادب ..خلني ارد البيت جان ما خبرت عليك حامد ومحمدوه..خلي أي مره ثانيه .. ساروه: هاذو ..يا ميثووه: سعووود... مريوم حطت ايدها على حلجها: يا قليلت الادب فضحينا يزوي: خلونا انرد البيت احسن لا يهزؤونه ووصلن ميثوه وموزه البيت وبعدين سارو بيتهم وساره سارت معاهم ويوم دخلن حصلن ابو احمد وام احمد وثاني في الصاله ويوم دخلت مريوم طاحت عينها بعينه وحست الدم تجمع بويها من شافته..سلمت ويوم يايه تسير فوق جان تمسكها ساره من ايدها ساره: وين سايره مريوم:بسير فوق ساره:عشان هو هني مريوم لفت اطالعه:ـــــــــــــــــــــــــــــــــــــــــــ مطتها ساره:تعالي ابى اسولف معاج من زمان ما سولفنا مريوم: انزين بسـ.............. شافت مريوم ثاني يطالعها واختفى كل شي من حواليها حتى الكلام طار ساره: لا اطالعينه.. وتم كل من في الصاله سوالف وضحك (وثاني من كثر الضحك مستوي طماطه( مريوم: عني افدا هالضحكه ساره:احم احم ..نحن هنا.. مريوم ويها احمّر من الفشله ساره: ياويلي عاللي يستحون ..(ورن تلفون ساره كان خليفه قامت وسارت خاري عشان تكلمه( مريوم طلعت تلفونها وحطت فيديو وتمت تصور ثاني..وثاني متقطع من الضحك ومب حاس باللي حواليه احمد من ورى مريوم:شو تسوين مريوم انجلطت مكانها جان يطيح التلفون على الارض احمد:شو تسوين خذت التلفون:بسم الله.. احد جي يتكلم طيحت قلبي.. وبعدين شو يخصك شو اسوي.. ثاني : وانته ليش جي ملقوف..دومك راز عمرك في شي ما يخصك..كيفها تسوي اللي تباه يزوي :هاا ..عن الغلط على ريلي كله ولا حمود احمد:ياربي من قدي... يعلني ما اخلى منج... ردت ساره داخل ساره:شفيكم..شو مستوي احمد:مسكت اختي واخوج بالجرم المشهود.. مريوم احمرت واخضرت وازرقت استوت اشاره مرور من كلام احمد مريوم:بعيييييييييينك..يعني بالذمه حرام الواحد يشوف مسجاته بهالبيت.. احمد:اااااااااااااه يا قلبي..مسجات..على مين يا بابا مريوم:عليك يا ماما .. ثاني قاعد يطالع مريوم ويضحك مريوم:اوووووووف مب منكم من اللي ييلس معاكم..(وسارت عنهم فوق ولحقتها ساره( ابو احمد:حرام عليك ليش تسوي فيها جي احمد : امزح معاها ام احمد :الله يعين حرمتك عليك فطوم:على العكس والله تحب ايدها مجلبات الهنوف:صدقها الكل يتمناه يزوي:هاا ..حدكم اغار عليه احمد:ياويل حالي انا الكل تم يضحك ثاني:يله من رخصتكم.. ام احمد:وين ساير بهالحزّه ثاني:بسير عند هز...(كان بقول هزاع بس اتذكر انه سار )..ساير عند الشباب ام احمد:الله يحفظك ..بس هاا لا تتا خر ثاني : انشا الله من عيوني ام احمد: تسلملي عيونك احمد:يا حظك يا ثنوي انا ولدها ما اهتمت بي كل هالاهتمام ام احمد:يويلك من ربك يا احمدوه ..جاني ماكله قلبي كل يوم عشانك احمد:والله ما تقصرين يانور العايله ابو احمد:وانته شو تبى بامك عندك حرمتك..هاللي ناقص حرمتيه ومش متهني فيها ..لو ادري لو ما يبتكم لو احسن فطوم:ياعيني ..لو سمحتو تبون تمدحون امي مب جدام ابوي تراه يغار الكل تم يضحك وثاني قبل مايطلع احمد :ثاني تريا بسير وياك يزوي: وين تبى حبيبي.. احمد:والله شويه وراد يزوي:اوكي بس لا تتأخر ثاني: يلا ..لو عليك بنتم لين باجر وما بنظهر احمد:يلا اظهر انته وانا بسير ابدل وبيي فوق في حجرت مريوم مريوم:شوفي هالمسج حلو صح.. قرته ساره ساره:يجنن..طرشيلي اياه ابى اطرشها حق ريلي مريوم:العقبال لي ساره:انزين عادي طرشيها مريوم:ينيتي ساره:عادي مريوم:لالالا ..قويه ساره: انزين ...كتبيها وبورقه وحطيها بحجرته مريوم:لاااااوالله ..صدق ينيتي ساره:شعرفج انتي لو عليج وعليه..بتمون مثل ما انتو محد بتنازل يعترف للثاني مريوم:اللي رابج كاتبنه بصير ساروه:اقول تعالي (مطتها وشلت جحال وطلعت برع الحجره( مريوم :وين تبين تسيرين ساره:استني وبطالعين وسارو حجرت ثاني ساره:عطيني تلفونج مريوم:سارووه شو تبين تسوين ساروه:انت عطيني بس مريوم:اندوج بطلت ساره على المسج وبطلت الجحال ساره:وقفي عند الباب ..اذا يى احد قوليلي وسارت عند الباب وتمت ساره تكتب على التسريحه ويوم خلصت طلعت مريوم :شو سويتي ساروه:تعالي بقولج بالحجره وسارن الحجره مريوم:ساروه تكلمي لا تلعبين باعصابي.. رن تلفون ساره وكان خليفه وتمت تكلمه ومرت نص ساعه ومريوم يالسه على نار وساروه وابرد من الثلج مريوم: اووووف ساروه 24 ساعه مجابلتنه وما شبعتي منه..يله..على الاقل قوليلي بعد كيفج انشاالله تكلمينه لين باجر كيفج ساروه وهي تضحك: يلا حبيبي اترياك..تشاو...(تكلم مريوم)..اوووف منج ما تخلين الواحد يتكلم..خير شو تبين.. مريوم:ممكن تتكرمين وتقوليلي شو سويتي.. ساره وهي تضحك قالتلها السالفه مريوم:ياويييييييلي..قربله بليسج يالدبه ..والله محد يسمع كلامج.. وطلعت من الحجره ساره وهي تلبس عباتها:وين سايره مريوم:سايره امسحه قبل لاايي ويقراه وانفضح ويوم طلعت ردت مره ثانيه داخل الحجره مريوم:يعلج ياساروه..شو خلاني اطيع شورج..ياويلي .. يا ويلي ساروه:شفيج بعد مريوم: اخوج يا الحلوه شفته يكلم البشكاره .. الله يستر.. في الصاله اللي فوق ثاني:نظفتي الحجره برندا:لا..انا يجي يرتب ماما ساره ومريم يقول لا يدخل حجره ثاني: ساروه ومريوم ..ليش برندا :ما يدري سار الحجره عشان يرقد انسدح على السرير لمح خرابيش على التسريحه راح يشوف شو هاا.. ثاني:حياتي..يتبع __DEFINE_LIKE_SHARE__ | |
| ||
| |
|
08-12-2008, 02:41 PM
| رقم المشاركة : [ 25 ] | |
| عضو ماسي | روحي تحبك غصب عني تحبك.. والمشكله حبك بروحي جرحني.. واذا اشتكيت اتقول اش كان ذنبك.. ذنبي هويتك يوم حبك ذبحني.. ابتسم ثاني وحس روحه تتقطع من الفرحه ورقد وهو فرحان في اليوم الثاني كانن الهنوف و مريوم وفطوم بيت ام يمعه سلوى:اووف ملل مريوم:هي والله زهق الهنوف:تعرفون وين خاطريه اسير ..المبزره فطوم:هي والله حتى انا من زمان ما سرنا جابر:تبون تسيرون الهنوف:ليش بتودينا جابر:اذا تبون اتجهزوا ببدل ملا بسي وبنسير بدل ملابسه وشل البشكاره وغلا وسارو المبزره يوم وصلو نزلو عند المسبح العود اللي برع رن تلفون فطوم وكان ثاني كلمته شوي وبندت ويوم بندت كانت اتطالع مريوم مريوم:شفيج اتطالعين فطوم:حراام اطالعج الهنوف :من اللي دق فطوم:ثاني مريوم:شو يبى فطوم :مادري ما قالي ..قال يوم برد بيقولي سلووه:فخاطري احط ريلي جابر:حطي بس ترى وايد حار سلوى يايه تحط ريلها جان تتزحلق واطيح داخل المسبح الهنوف:سلوووووه نزل جابر بسرعه لا اراديا داخل البرجه عشان يطلعها لانه يوم شافها طاح قلبه من مكانه البنات ناقعات ضحك على سلوى: شوياج نقزتي داخل سلوى وويها قافط: تزحلقت مريوم: الحمد لله كان عندنا المنقذ رن تلفون جابر اللي في مخباه رنه ووقف مريوم:الحبيب داخل بتلفونك وطلع كل اللي في مخباه جابر: لا بعد الفواتير واوراق وبطايق فطوم:انزين ياروميو جان طلعت الاغراض بعدين دخلت جابر:عزت الله البنيه احترقت.. مريوم:الله يعين شو ورى هالاهتمام جابر:والله سلوى تستاهل ماتقصر سلوى:تسلم هذا من ذوقك مريوم:تسمعون اللي اسمعه..عيب عيب نحن هني الهنوف:حليلهم شو قالو جابر:وانت ليش رازه ويهج سلوى كانت ترتجف جابر : بردانه سلوى:شوي جابر:يلا عيل خلونا نرد البيت وردو البيت في بيت ام جمعة كان جابر في حجرته ويفكر بسلوى وكيف نهبت قلبه..وبعد تفكير قرر انه يخطبها عشان ماتضيع من اييده..ما يعرف كيف يقول حق خالد (اخو ام احمد) انه يبى بنته سلوى جابر وهو يكلم نفسه يمكن ما ايطيع لاني اكبر منها و..لاّ لان عندي بنت... اف ياربي انزل واقوله احسلي لانتحر ونزل جابر من فوق ونزل تحت وشاف خالد يالس يطالع الاخبار وام جمعة تتقهوى في الصالة ام جمعة :هلا والله بجابر وبنت جابر تعال اتقهوى جابر : انشاء الله ام جمعة : هات بنتك عنك جابر : لا امايا عادي ام جمعة : اقولك هاتها جابر : انزين اندوج جابر : امايا ام جمعة : عونك جابر: امايا شو رايج بسلوى ام جمعة : سلوى فديتها محد اخير عنها ...بس ليش تسال جابر : امايا شو رايج اتزوجها ام جمعة : والله عرفت تتنقى وتتختار جابر : بس ظنج ابوها بيطيع ام جمعة : و ليش ما يطيع خل عنك الكلام الفاضي وسير رمسه يلا جابر : انزين وسار جابر ورمس خالد انه يبى بنته وقاله خالد انه بيشاور البنت وبيرد عليه وسار خالد بيت ابو احمد وفي بيت ابو احمد كانوا البنات في الصالة اما يزوي فوق ويا ريلها الهنوف : هلا والله بخالي خالد : هلا فيج .. اشحالج فطوم فطوم : الحمد الله خالد : اشحالج مريوم مريوم : يسرك الحال خالد : وين سلاوي مريوم : بتتسبح وبتنزل خالد : انا اليوم ياي اسهر وياكم الهنوف : ليش وين عموه خالد : اتعرفين عمتج ترقد من وقت الهنوف : اوكي انا بسير اسوي قهوة سودة وبيي خالد : حلو ما شيء عندكم فيلم رعب يديد مريوم : انا بسير ادور وبيي وسارن الهنوف ومريوم كلن يسوي شغلته خالد : فطامي عقب باجر عليج دوام فطوم : الاربعاء لا خالد : خلاص عيل انا عازمنج انتي وسلوى عقب بكرة على اريوق وعقب سينما شو رايج ونزلت سلوى وسمعت شو قال ابوها سلوى : ياي وسارت وباست ابوها (خالد من النوع المرح وفرفوش ويحب كل يطلع ويسير السينما والمطاعم والكوفي شوب ويا اهله وحب يغير مزاج فطوم ( خالد : سلوى تعال شوي فطوم : انا بسير اسوي سندويشات حقنا يوم انشوف الفيلم ورادة وقال خالد حق سلوى ان جابر يباها خالد : ها شو رايج سلوى : انا رايي من رايك خالد : لا ابى رايج انتي سلوى : والله انا اشوف جابر ريال واقدر اعتمد عليه خالد : وعادي عندج انه عنده بنت سلوى : اصلا انا اموت فيها خالد : خلاص عيل مبروك ودخلت ام احمد وابواحمد ويلسو شوي ويا خالد والبنات وعقب ساروا يرقدون وقعدوا يشوفون فيلم وعقب البنات ساروا يرقدون وخالد سار البيت وفي ثاني يوم ردوا اهل شمة انهم موافقين وفرح محمدوه وايد كان محتشر يبى يعرس بسرعة بس قالوله ان ملجته عقب عرس هنوف دق سيف حق هنوف وقعد يسولف وياها هنوف : سيف ترى هاي اخر مرة بتكلمني فيها سيف : ليش حياتي هنوف : شو ليش عرسنا بعد اسبوعين سيف : وانا شو يصبرني لين هالوقت المغرب رد خالد على جابر ان سلوى موافقة وفرح وايد وفي بيت ابو احمد مريوم كانت في الميلس جان يرن تلفونها مريوم:هلا فطوم:اهلين..مريوم لحقي مريوم:بسم الله شو فيج فطوم:ثاني..ثاني خطب مريوم:جذااااااااااااااااااابه فطوم:والله مريوم:شدراج فطوم:ساره قالتلي مريوم:ليش ما قالتلي فطوم:مادري مريوم:تقربلنا فطوم:مادري ..بس سمعت بنت خالته مريوم:لاااااااااااا تقولين (وتمت تصيح( فطوم:مريوم شفيج تصيحين مريوم:لأني (خلاص انهارت من الصياح) لأني احبه..فطوم انتي ما تتخيلين هو بالنسبه لي شو..هو حياتي وعمري وقلبي وروحي وكل شي بدنيتي..هو (وتمت تصيح..( ثاني وهو ميت من الفرحه: يعني يا بعد عمري تحبيني وانا مادري مريوم: ثاااااااااااني.. فطوم: مريوم والله مالي دخل ..فكرته هاي بندت مريوم بويهم ثاني: وينها فطوم: الميلس اللي خاري سار ثاني خاري وهو يربع ودخل الميلس ولقى مريوم تصيح ويوم شافته وقفت ثاني: يا بعد قلبي كل هذا عشاني .. خذ كلينكسه وراح عندها وتم يمسح دموعها وهي واقفه مصدومه من اللي يستوي حواليها.. ثاني: احد قالج انج حلوه يوم تصيحين مريوم: سخيف انته وفطوم فوقك بعد مقلبكم مثل ويهكم ثاني: فطوم مالها ذنب كنت ابى اتاكد انج تحبيني ..لو ما سويناه ما عرفت انج تحبيني مريوم: من قص عليك .. ما احبك.. ثاني :جذابه مريوم: ليش اجذب..ما احبك ثاني : قولي والله مريوم: ــــــــــــــــــــــــــــــــــــــــــــ ــــــ ثاني: يلا ..حلفي ترااج ما تحبيني مريوم:جب جب خلته وسارت وقبل ماتلف مسك ايدها من كندورتها ثاني:مريوم حبيبتي قوليها قبل ما تسيري مريوم:شو ثاني:لا تستهبلين تدرين شو اطري مريوم:انزين انته تدري اني ...هي ثاني:شو هي مريوم:يعني...اللي في بالك ثاني:ماشي في بالي..الحين من الصبح تصيحين عشاني ..ويوم ييتج بس ابى اسمع احبك من حلجج..الله يسامحج..يلا من رخصتج مريوم: ثااااااااني..لاااا..احبـــــــــــــــــــــ ــــــــــــــــــــــــــــــــك ثاني: الله ياقلبي ما احلاها..مثل العسل مريوم احمرت من المستحى وربعت داخل عنه ثاني يكلم عمره: فديتها والله احبها في نفس اليوم ثاني خبر ابوه وتم يحن عليه عشان يسيرون يخطبونها اليوم لين ما وافق وسارو وخطبوها ومريوم يوم قالها ابوها وافقت سيده لا اراديا اليوم عرس الهنوف كان العرس روعة وكل شيء جنان وسوو العرس في روتانا فتحوا قاعتين على بعض ويزوي تمت عند هنوف الين ما اتخلص.. مريوم كانت وايد حلوة ويا الفستان الوردي طالعة جنان ومسوية تسريحة وايد حلوة ميثوه لابسة فستان عنابي وايد حلو ومسوية تسريحة وطالعة وايد حلوة فطوم كانت لابسة فستان ذهبي وفاجة شعرها ولان كانت صابغة شعرها خصل كستنائي وقاصة شعرها مدرج الين الظهر وكان مكياجها وايد ناعم فطلعت اتخبل مرت احداث العرس عادية اغاني وربشة عند العروس الهنوف اليوم كانت شيء ثاني كانت روعة بكل معنى الكلمة يزوي : ماشاء الله عليج هنوف اسميج بياكلونج الحريم اليوم بعيونهم عند العرس كانت فطوم واقفة ويا امها على الاستقبال وتوها شموه تدخل وياها امها فطوم : هلاوالله اشحالج خالوه ام شمة : الحمد الله اشحالج انتي غناتي فطوم : يسرج الحال خالوه ..امايا هاي ام شمة ام احمد : ياهلا والله وقعدوا يسلمون وعقب ودتهم فطوم الطاولة عشان يقعدون وردت يلست على الكراسي اللي عند الباب فطوم : اف تعبت ام سيف : بنات توكن واتقولون تعبنا نعيمة : فطوم حبيبتي لحقي فطيم سارت صوب الباب وربعت فطوم ورى فطيم وما انتبهت حق واحد جدامها وصقعت فيه فطوم : اووه اسفة حامد كان يتكلم بالتلفون يتريى ميثوه تطلع عشان يعطيها شيء حامد : آااااااي ولف وشاف فطوم وانصدم بحلاتها وانها هي نفسها واقفة جدامه وفطوم انصدمت من متى ما شافت حامد اتولهت عليه وايد حامد : فطامي فديتج اشحالج فطوم : الحمد الله حامد دخيلك زخ فطيم قبل ما تطلع من الباب حامد : انشاء الله وسار حامد وشل فطيم ووداها صوب فطوم حامد : اندوج الامانة فطوم : مشكور.. وحامد ما قدر ينزل عيونه عن فطوم متوله عليها وايد وفطوم نفس الشيء حامد : فطامي حرام عليج لا اتعذبيني زيادة فطوم : انا حامد : فطامي انا احبج وباجر بيي اخطبج ومحد يقدر ياخذج مني لو اموت تسمعين انتي حقي بس انا فطوم ابتسمت : انزين بعد شيء ثاني حامد : هي احبج.. يلا سيري قبل احد ما ايشوفج جي بدون شيء وسارت فطوم صوب الصالة الحريم وهي فرحانة وحاسة عمرها انسانة ثانية وعقب يت الهنوف ومشت على زفت راشد الماجد وعقب دخل سيف وكان ميت عليها وعلى حلاتها وعقب سار صوب برج العرب وعقب بيسافرون فرنسا وكلن رد بيته في بيت ابو احمد ام احمد سارت صوب حجرة الهنوف من الحين تولهت عليها عيل كيف بكرة وعقب سارت حجرتها عند ابو احمد وفطوم سارت حجرتها وفرحانة لا ميتة من الفرح وهي اتقول واخيرا واذكرت هزاع وهي اتقول حق نفسها انها ابدا ما بتنساه بس هذا حامد حب حياتها وفارس احلامها من هي ياهل في حجرت مريوم مريوم كانت تكلم تلفون ثاني: حبيبتي خلاص ما اقدر استحمل اكثر مريوم: يعني استحملت كل هالفتره وما فيك تستحمل كم اسبوع ثاني: انزين هذيله واايد ما تتخيلين كيف يمرن مثل السنين مريوم: يا بعد عمري عشان خاطري استحمل..انته تدري اني ما اقدر املج قبل فطوم والله ما اقدر قلبي ما يسمحلي ثاني: الله لا يحرمهم من هالقلب ولا يحرمني منه مريوم: يا بعد عمري ..والله احبك ثاني : الله ..لا لا ما اقدر استحمل وتموا يسولفون لين2 فليل بعد ايام يى حامد وخطب فطوم ووافقت ويوم عرف ثاني طار من الفرحه ودق سيده حق ابو احمد يحدد الملجه على مريوم وكان في نفس يوم العرس لانه واايد مستعيل وما يقدر يستنى اكثر وماحب ابو احمد يكدر بخاطره او يزعله لانه غالي على قلبه بعد اسبوع كانت ملجت فطوم وكانت افخم ملجه سووها في العايله وكانت فطوم مثل القمر وبعد اسبوع كان عرس ميثوه وبعد اسبوعين كان ملجت وعرس مريوم وبعد شهر كان عرس فطوم عاش الكل بفرحه وتقوت العلاقه بين العايله اكثر عن قبل بعد سنه الكل كان مجتمع ببيت ابو احمد..الهنوف وولدها محمد عمره 9 اشهر.. واحمد ويزوي عندهم بنوته وسموها الشم.. ومريوم بشهرها الاخير.. وفطوم بالشهر الثالث.. يتبــــــــــــــــــــع __DEFINE_LIKE_SHARE__ | |
| ||
| |
|
| مواقع النشر (المفضلة) |
العرض العادي
| |
المواضيع المتشابهه | ||||
| الموضوع | كاتب الموضوع | المنتدى | مشاركات | آخر مشاركة |
| ₪₪ للمرهـ الثالثة فرزاتشي×كريستيان اديقير×رالف لورين والكثير+ آراء من تعاملو معي ₪₪ | محروم.كوم | منتدى أخبار المواقع والمنتديات العربية والأجنبية | 0 | 06-06-2010 10:50 AM |
| ₪ ₪ ... الفيتو والطير الكلاسيكي وسالفته مع الصقار الغربي ... ₪ ₪ | محروم.كوم | منتدى أخبار المواقع والمنتديات العربية والأجنبية | 0 | 09-02-2009 11:50 PM |
| ₪ ₪ ... الفيتو والطير الكلاسيكي وسالفته مع الصقار الغربي ... ₪ ₪ | محروم.كوم | منتدى أخبار المواقع والمنتديات العربية والأجنبية | 0 | 09-02-2009 11:30 PM |
| ₪ ₪ .. ذكريات الصقار ( محيسن العاكور ) ومرافقة الملك خالد 66 عام .. ₪ ₪ | محروم.كوم | منتدى أخبار المواقع والمنتديات العربية والأجنبية | 0 | 07-04-2009 11:50 AM |
الساعة الآن 04:08 PM
- اخبار رياضية
- اخبار الامارات
- اخبار ريال مدريد
- اخبار برشلونه
- العاب فلاش
- مسلسلات وافلام
- مسجات
- فيديو كليبات
- سيارات للبيع
- ارقام سيارات
- ارقام هواتف
- هواتف للبيع
- حيوانات للبيع
- قوارب ويخوت للبيع
- ملابس واكسسوارات
- ساعات ومجوهرات
- اناشيد اسلامية
- نغمات اناشيد
- نغمات اسلامية
- ادعية اسلامية
- رقية شرعية
- قران كريم
- ديبيات اسلامية
- اذكار المسلم
1 2 3 4 5 6 7 8 9 10 11 12 13 14 15 16 17 18 19 20 21 22 23 24 25 26 27 28 29 30 31 32 33 34 35 36 37 38 39 40 41 42 43 44 45 46 47 48 49 50 51 52 53 54 55 56 57 58 59 60 61 62 63 64 65 66 67 68 69 70 71 72 73 74 75 76 77 78 79 80 81 82 83 84 85 86 87 88 89 90 91 92 93 94 95 96 97 98 99 100 101 102 103 104 105 106 107 108 109 110 111 112 113 114 115 116 117 118 119 120 121 122 123 124 125 126 127 128 129 130 131 132 133 134 135 136 137 138 139 140 141 142 143 144 145 146 147 148 149 150 151 152 153 154 155 156 157 158 159 160 161 162 163 164 165 166 167 168 169 170 171 172 173 174 175 176 177 178 179 180 181 182 183 184 185 186 187 188 189 190 191 192 193 194 195 196 197 198 199 200 201 202 203 204 205 206 207 208 209 210 211 212 213 214 215 216 217 218 219 220 221 222 223 224 225 226 227