| ||||||
| قصص و روايات تهتم بالقصص المنقوله وقصص الاعضاء الطويلة والقصيرة |
 |
| | LinkBack | أدوات الموضوع | انواع عرض الموضوع |
08-12-2008, 02:30 PM
| رقم المشاركة : [ 16 ] | |
| عضو ماسي  |  الجزء السابع فطوم وهي تفكر يا ربي شو اسوي كيف اخذ واحد غير حامد وكيف ارد ولد ربيع ابوي ما اريد يستوي مشاكل والسبب انا.. ياربي شو اسوي .. اصلا حامد ما يستاهل ان ارد ولد ربيع ابوي عشانه اصلا هو ولا مهتم فيني ما خلى بنية الا غازلها ولا بعد عنده صورة بنت هو اصلا لويباني لو قال حق ابوي حجزوا فطوم حقي لين ما ارجع بس شكله خلاص ما يباني بس كيف انساه وانا احبه من يوم كنت صغيرة ياربي اخذ هزاع ولا حامد ونشت صلت صلاة استخارة ورقدت في حجرت مريوم مريوم: اوهووو ساره:شو فيج مريوم: نسيت تلفون تحت ..بروح اييبه ونزلت مريوم تحت تييب تلفونها كان ثاني توه داخل لبست الشيله وقف ثاني قاعد يطالعها مريوم: خير شو عندك..معجب ثاني:ـــــــــــــــــــــــــــــــــــــــــــــ ـــــ مريوم: لو اكلم اليدار برد ثاني: اكيد ماعنده سالفه.. انتي احد يرد عليج مريوم:تافه ثاني : مب اتفه من بعض الناس مريوم:انشا الله تقصدني يا عيون امك ثاني : اللي فوق راسه ريشه يتحسسها مريوم بصوت واطي : الحمد الله انك بعد يومين بتسافر فكه من ويهك ثاني: نعم اختي ..ممكن تعيدين ما سمعت شو قلتي مريوم: اقول انشا الله توصل بالسلامه يوم تسافر ثاني:هي .. انشا الله اوصل بالسلامه.. مريوم:الله يهديك سير ارقد ابركلك ثاني: لهالدرجه مهتمه فيني والله ما تقصرين يا بنت العم مريوم: والله هالاهتمام مب حبا فيك .. ثاني:تبين الصراحه..الله يعين اللي بياخذج وسار عنها غرفته وقبل ما يدخل ثاني: على فكره قطوتج لو تمت عليج لو ماتت مريوم:اووووه صح..(وهي خايفه) وينها ثاني:طرشي البشكاره تي تشلها من الحجره ودخل الحجره وقالت مريوم حق البشكاره تييب القطوه وسارت حجرتها عشان ترقد اليوم الثاني الساعه 8:30 كان هزاع ويا ربعه يالس في الكوفي وكان سرحان ويطالع الورده اللي جدامه سعيد: اللي ماخذ عقلك يتهنابه هزاع: اااااااه..والله مسكين اللي ماخذ عقلي..لاهو تهنابه ولاانا تهنيت فيه ثاني: ياعمي حتى ما تعرفها مين الشباب: اووووووه الريال يحب من ورانا هزاع: سكتوا الله يخليكم أي حب واي خرابيط .. يليت اني مت قبل ما ايي هذا اليوم ثاني: لا مستحيل انته مب هزاع اللي اعرفه .. وين كلامك عن الحب وحلاته هزاع: هزاع اللي كنت تعرفه هزاع اللي ماجرب الحب وماذاق عذابه سلطان: بس عاد لا تسويلنا مناحه.. شو خليت حق الحريم هزاع :يوم بتجرب بعدين تعال تكلم سعيد: اقول هزاع متى بتسير شغلك ثاني: الحبيب اشوفه معيد في العين هزاع:لا تحطون دوبكم من دوبي انا طيار.. اسبوع هني واسبوع دوام مالي خلق حق الشغل فخذيت اجازه عشان الوّع بجبودكم سلطان: تلوع بجبودنا ولاّ لانك متضايج ومالك نفس هزاع:ااااااااااااه..والله احس حياتي مالها طعم ثاني: حطلها شويت ملح ههههه..(وتموا الشباب يضحكون) خلاص عاد هزاع شفيك انته لو تعرفها وتكلمها مادري شو بتسوي بعمرك هزاع: اووووف منكم والله ما تحسون بالواحد وفي صالة ابو احمد ام احمد : الهنوف وين احمد اخوج الهنوف : ما اعرف من بعد الفطور ما شفته وسارت الهنوف غرفتها عشان تيبلاها حلاوة حقها وحق البنات ودقت ام احمد حق احمد: الو احمد : الو مرحبا بالشيوخ ام احمد : وينك ابوي امرة ما شفتك اليوم احمد : موجود الغالية ام احمد : يا بوي وين تهوم قر شوي في البيت خلنا انشوفك.. حشى فندق مش بيت احمد : افا الشيخة خلاص الحين بيي البيت ويا ربعي وبنيلس في الميلس عشان ما اتقولين انهوم ام احمد : زين عيل برايك بخلي المشكارة اتجهز حقكم عيشة تاكلونها احمد : اوكي خلاص مع السلامة وسارت ام احمد المطبخ وقالت حق البشاكير يجهزون اكل ويحطونه في الميلس وفي غرفة الهنوف تلفون الهنوف يرن وهي ما اتريد اترد لان المتصل سيف وبعدين قالت اشله والي فيها يستوي سيف: الو الهنوف : الو سيف : مرحبا ملايين ولايسدن شحالج غناتي الهنوف من غير نفس: بخير سيف : ليش جي ترمسيني من غير نفس الهنوف : اسأل عمرك سيف: الهنوف انا اعرف اني غلطت عليج بس اعتذرت حقج لمتى بنتم جي الهنوف: شو فادني اسفك لا عالج قلبي المجروح ولا نفعني بشيء سيف : انزين ممكن اطلب منج طلب الهنوف : خير شو تبى سيف : الهنوف بيي بيتكم الحين الهنوف :لا تيي ولا اتعب عمرك لاني ما بطلع حقك سيف : الهنوف ما يستوي انتم جي.. الحين نحن مالجين وباجر ورانا عرس لازم نتفاهم دخليج خليني ايي عشان نتفاهم مع بعض الهنوف الله يخليج مستعد أسوي الي تبينه ..دخيلج حياتي الهنوف : اف انزين ونزلت الهنوف تحت تخلي البشاكير يرتبون الميلس الي داخل وسارت تتعدل في حجرتها في صالة ابو احمد مريوم : اف ملانة سلوى : انا وسارة بنسير بيت يدوه ما بتون ويانا فطوم : انقولج ملانين اتقولين انسير بيت يدوه ...ما اريد اجابل أي احد ..اف ملل سارة : برايكن ويوم بتسال يدوه بقولها انج قلتي ما تبين تين فطوم : عادي قوليلها ما بصدقج حياتي انا غالية عند يدوه لاني شبيهة ولدها سلوى : صح والله كل تنصحها.. وتمدح فيها.. ولا جنا نحنا موجودات سارة : مريوم مابتسيرين مريوم : لا حياتي مافيني فطوم : هنوف بتسير سلوى : لا ريلها بييها فطوم : من قدها ناس ملانة وناس حد اييها ام احمد : والله لو تبين ريلج اييج وافقي على الي خطبوج فطوم استحت وحمر ويها كله ( فطوم يوم تتعب ولا تستحي ويها كله يحمر( وانصدمن مريوم وسارة وسلوى مريوم : فطووووووووم ياويهج يالدبه تنخطبين وما تقولين صدق ماتستحين على ويهج سارة : ولاجنى يالسين وياج في بيت واحد فطوم : امايا ام احمد : شو امايا بعد قلت الصدق..حليلهم العرب لين الحين يتريون مريوم: ومين تعيس الحظ اللي خطبها فطوم: وانتي شو يخصج مريوم: وانتي ليش رازه ويهج كلمت امي ما كلمتج ام احمد: ولد ام راشد مريوم تكلم فطوم: شفتي ما قلتلج والله حسيت من اهتمامها فيج..وحامد ولا خلاص سافر بتنسينه فطوم اتضايجت من اول ما سمعت اسم حامد وقالت في خاطرها يعني لازم اذكرين يا مريوم بعد ما نسيت ام احمد تقطع الهدوء: انا بسير صوب يدتكم ويا سارة وسلوى مابتيون فطوم ومريوم : لا ويا سيف وقربت فيه ام احمد الين ماتنزل الهنوف ونزلت الهنوف وكانت لابسة كندورة مغربية بطيخية طالعة جنان عليها وحطة شحال ومرطب وردي فاتح طالعة وايد كيوت وحلوة وشافت مريوم وفطوم بالصالة الهنوف : يا سيف مريوم : هي يمكن حليله من عشر دقايق .. والله حليلهم الرياييل الله يعينهم على حريمهم الهنوف : سكتي انتي.. شكلي زين فطوم : هي شكلج وايد حلو الهنوف: يلا برايكن وسارت عند سيف الهنوف : السلام عليكم اول ما شافها سيف بغى يموت من حلاتها: وعليج السلام والرحمة شحالج غناتي الهنوف:الحمد الله بخير اشحالك انته سيف : يوم شفتج استويت بخير ام احمد : يلا برايكم بخليكم الحينة سيف : وين خالوه ما يلسنا وياج ام احمد : مرة ثانية انشاء الله بسير عند عمتيه من يومين ما شفتها سيف: خلاص الي يريحج سلمي على عربانج هناك ام احمد : انشاء الله يوصل ..فداعه الله وسارت ام احمد ويا سارة وسلوى بيت ام جمعة مريوم : اففففففففففففففففف بموت من الملل فطوم : يا ويلي من ميثوه لان امي بتسير عندهم وانا ماييت وياها مريوم : عادي بتنازع شوي وعقب بتسكت فطوم :لاوالله..(شغلت التلفزيون وتمت تبدل)شو هالتلفزيون الي نفس ويهه مريوم :اقول فطوم وين اشرطة dvd الي اشتريناهن اخرمرة فطوم : صح والله تعالي اندورهن عشان انطالعهن مريوم : يلا ....وسارن حجرة فطوم يدورون الاشرطة دق احمد حق ثاني احمد : الو وين انته ثاني : في الكوفي ويا الربع احمد : انزين تراني بسير ويا ربعي بيتنا في الميلس الي خاري جان بتون حياكم ثاني : اوكي خلاص انشاء الله بنيكم احمد : مع السلامة ثاني : مع السلامة وعند هنوف وسيف الهنوف : اصبلك قهوة ولا تبى عصير سيف : ما اريد أي شيء بس انتي تعالي وسارت الهنوف ويلست قريب منه بس بينهم كرسي سيف : انا اليوم ياي عندج عشان نتفاهم انا الحين برمس واباج تسمعيني الين الاخر وبعدين اريد رايج الهنوف : تكلم وقام سيف ويلس عدال الهنوف ومسك ايدها والهنوف استحت وما عرفت شو اتسوي سيف: انا اعترفلج اني غلطان في اللي سويته كل غلط بس والله والله شاهد اني الي سويته عشاني احبج واغار عليج انا اعرف انا هذا السبب ما يشفعلي بس في هذيج اللحظة ما قدرت افكر بشيء غير انج واقفه ويا واحد غيري.. تخيلي اشوفيني ويا وحدة ما بتزعلين انا نفس الشيء حسيت بنار فيني ما اتوقعت اللي احبها.. واشوفها ملاك اتسوي جذي عشان جي سويت كل هذا ومع هذا ادري اني غلطان واريدج اتسامحيني ما اريد علاقتنا تبدى غلط دخيلج الهنوف سامحيني انا اسف قعدت الهنوف ساكتة اتفكر بلي سمعته وما هان عليها تزعل عليه زيادة وبعدين لمتى بتم زعلانة هو اعتذر حقها وبعدين الحين هو ريلها وهو المسؤول عنها لازم تتفاهم وياه الهنوف: بسامحك بس بشرط سيف : امري حياتي لو تبين عمري فدوة لج الهنوف : انك لو زعلت او اتضايق من شيء بدر مني اتي وتتفاهم وياي وبعدين تحكم علي وانا بسوي نفس الشيء سيف : انشاء الله من عيوني الثنتين... خلاص الحين خليني اشوف ابتسامتج خليني احس اني انسان معرس استحت الهنوف وحمرت : سيف سيف : يا عيون سيف وقعدو يسولفون ويا بعض مريوم : اف dvd وين فطوم : صح امس احمد وداه الميلس الي خاري مريوم : يلا انزين تعالي بنشوفه هناك محد احمد فطوم : يلا وسارن فطوم ومريوم الميلس ومريوم كانت لابسة بيجاما بنطلون وفطوم لابسة بيجاما برنودة ولابسات شيل بيض (يونه يغطون عمارهم( فطوم : مريوم طاعي مرتبين الميلس يمكن احد بيي مريوم : لا يمكن عشان ريل هنوف.. بس دخلوه الميلس اللي داخل فطوم : صح اكيد جي...تعالي انطالع الشريط وشغلن الشريط وهو رعب وكانو مبندين الليتات وهن مندمجات بالفيلم سمعو صوت شباب وقبضة الباب بتنفتح وركضت مريوم واندست في الحمام واندست فطوم ورا الكراسي في الميلس ودخل احمد وربعه الميلس احمد : اشحقه التلفزون مفتوح لا يكون نسيته اليوم الظهر سلطان : خيبه من الظهر احمد : ماادري والله بس احيد اني سكرته ..يلا قربوا كلوا من اكل بيتنا تاكلون اصابعكم وراه ناصر : حشى غديت مصري وعقب شوي دخل ثاني ويا هزاع ويا ربعهم وفطوم ومريوم كل وحدة حالتها حالة كانوا الشباب يالسين على الارض ياكلون ويطالعون التلفزيون بعد ما شلو dvdوركبو واير الدش ومندمجين في المسلسل ومرة وحدة يرن تلفون وكان تلفون فطوم فطوم بهاللحظة بغت اتموت بغت الارض تنشق وتبلعها ما عرفت شو اتسوي فرت تلفونها جدام الكرسي ناصر : تلفون منو هالليرن سلطان : ما اعرف الصوت ياي من هناك ثاني : هي.. بسير اطالعه وسار ثاني وشاف تلفون مفرور عدال الكرسي ولمح شيء ازرق ورا الكرسي فسار يطالع شو هذا (كان الازرق طرف بيجامت فطوم( سلطان : الحق ثاني لا اتفوتك اللقطة وترك ثاني الي كان بيشوفه وسار صوب التلفزيون فطوم في قلبها : الحمد الله ياربي ما كمل ولا انفضحت اليوم ثاني : احمد تلفون منوهذا احمد : هاته اشوف ...وشله احمد وحطاه في مخباه سلطان : اشحقه اتشله يمكن مال احد ونساه احمد وهو يمزح : محد قاله ينساه خلاص أي نلقاه في بيتنا حقنا هزاع : عيل قبل ما اسير بشيك جاني ناسي أي شيءههههههه احمد وهو يتمصخر : خايس شو قصدك هزاع : انته الي يبته حق عمرك ثاني : صدقهم احمد يمكن مال احد احمد : لو يعني مال احد بشله هذا تلفون اختيه ارتاحوا وسارو الشباب يغسلون ايدهم في المغاسل وكان سالم وثاني يتغسلو وبطل سالم باب الحمام فلقاه مقفول لانه مريوم الحلوة فيه (وتمت زايغه انهم يخبرون احمد وايي يشوفه ليش مقفول( وظهر سالم وتم ثاني بروحه رن تلفونه: هلا والله ملايين ولا يسدن..الله يسامحك الحين انا جذاب..لا انشا الله باجر ياينك...هي باجر بسافر..لا انا ماخذ اجازه بيلس كم يوم.. شو اسوي في ابوظبي وكل ربعي في العين..من عيوني انته تامر..سلم على منصور وسلوم ..يحفظك ربي.. مريوم سمعت كل شي وقالت في خاطرها ياربي هاللي ناقص ما صدقت انه بيسافر والحين اجل السفره..الله يعين في الميلس احمد : شباب البيت بيتكم انا بسير ارقد الحينه باجر علي دوام الشباب : حتى نحنا بنسير وكل واحد فيهم سار بيته واحمد وثاني سكروا الليتات وبندوا الباب وسارو يودعون الربع وظهرت فطوم من ورا الكراسي وشغلت الليتات فطوم : الحمد الله اليوم عدا على خير.. ولا رقبتيه انقطعت ..اووه صح مريوم وسارت فطوم ودقت الباب على مريوم تبى اتخوفها وتمت فطوم ادق الباب ومريوم كانت خايفة وعقب فطوم تعبت من الدق: مريوم فجي الباب وفتحت مريوم الباب : فطوم يالخايسة خوفتيني فطوم : انزين يلا نطلع بعد لا ايي احد مريوم : لا الله يخليج بسرعة خلينا نطلع وطلعن من الميلس وهن يطالعن الحوش عشان محد يشوفهن ودخلن البيت فطوم : اف وصلنا بسلام الهنوف من وراهن : من وين يايات فطوم ومريوم نقزن من مكانهن من خوف ولفن وشافو هنوف فطوم : حشى طيحتي قلوبنا مريوم :والله حسيت اني بموت الهنوف : شو مسويات خايفات هالكثر وقالتلها فطوم السالفة كلها الهنوف : خيبه لو شافج ثاني وانتي جي فطوم : سكتي الله ستر يلا انا تعبانة بسير ارقد تصبحون على خير مريوم و الهنوف: وانتي من اهله ودخل ابو احمد البيت وبعد شوي دخلو احمد وثاني البيت ابو احمد: اقول ثاني باجر بتسافرون مريوم ماقدرت تستحمل جان ترز ويها: لا مابيسافر ماخذ اجازه بييلس كم يوم (وحست بعمرها جان تسكت( ثاني تم يطالعها: وانتي شو دراج ..انا ما قلت حق حد ماعرفت مريوم شوترد عليه وتمت ساكته وثاني حاول يذكر اذا قال حق حد وتذكر يوم كان في حمام الميلس جان يبتسم ويطالع مريوم مريوم تمت اتطالعه بنظراتها تبى تعرف شوفي وهو الابتسامه شاقه حلجه ابو احمد: شو فيك ثاني مريوم: ضحكنا وياك ثاني: لا ماشي بس اتذكرت سالفه جان اضحك..اقول احمد حمام ميلسكم مقفول (كان يسال احمد بس يطالع مريوم فحست انه يوجه السوال حقها ويلمحلها.. حست مريوم الدم متجمع بويها ( احمد: لا الظهر كان مفتوح ..مادري اذا البشاجير قفلوه ثاني :ااااها مريوم وويها محمر:تصبحون على خير الكل: وانتي من اهل الخير احمد: اندوج تلفون فطوم وديلها اياه خذته وسارت حطته في غرفة فطوم وسارت ترقد يتبـــــــــــــــــــــــــــــــع __DEFINE_LIKE_SHARE__ | |
| ||
 |
|
08-12-2008, 02:33 PM
| رقم المشاركة : [ 17 ] | |
| عضو ماسي | وفي ثاني يوم في بيت ام جمعة ام جمعة: يلا يا بويا لا تتاخرون بعدكم خط الين ابوظبي جابر: خلاص يدوه الحين بنظهر ما اتوصين بشيء من قطر ام جمعة : لا فديتك سلامت راسك انشاء الله توصلون بسلامة جابر : الله يسلمج ام جمعة : متى موعد الطيارة ثاني : الساعة اربع العصر بس اتعرفين الحين الساعة 2 والين ما نوصل ابوظبي 3 والين ما انسير انسلم على ابوية وحرمته في بيتهم ام جمعة : صح فديتك ثاني : ساروه يلا بس هذربة ساره : حرام عليك يالسة ارمس عمتيه الين ما اتخلصون جابر : يلا انسير وسارو جابر وثاني وسارة يسلمون على ام جمعة ونعيمة وظهرو صوب ابوظبي وبعد ثلاث ايام في شركة عايلة ابو احمد ابو هزاع : عنبو امرة من بدى رمضان ما شفناك ابو احمد : والله لاهين بالدنيا ومشاغلها ابو هزاع : مب جنه ربع خلاص نسيتنا ابو احمد : افا والله زعلان علي خلاص اليوم عقب صلاة التراويح عندكم ابوهزاع : حياك والله بنور البيت ابو احمد : تسلم منور بوجودك ابوهزاع : شو صار على موضوعنا ابو احمد : أي موضوع ابو هزاع : افااااا...وموضوع الخطبه ابو احمد : اسمحلي والله من كثر الشغل نسيت بس انا رمست البنت.. واليوم انشاء يوم بييكم بيب الرد وياي ابو هزاع : حياك انته وردك وبعد احمد وثاني خلهم ايون معاك والله تولهنا عليهم وعلى سوالفهم ابو احمد : انشاء الله من عيوني ابو هزاع : عيل يلا برايك بسير ابو احمد : وين ما يلست ابو هزاع : والله وراي اشغال يلا عن رخصتك مع السلامة ابو احمد : مع السلامة الله يحفظك وفي بيت ابو هزاع ام هزاع كانت في المطبخ ويا البشاكير خالد : السلام عليكم ام هزاع :وعليكم السلام والرحمة وقعد خالد يحبب امه ام هزاع : بس فجني يا الطفس سير عرس وفكنا خالد : واهون عليج واخليج بروحج ام هزاع : شو تخليني بروحي بعد تراك الا بتسير فلة بروحك في يدار واحد ويا فلتنا وفلة اخوك هزاع شو بعد بتخليني بروحي خالد : وين ولدج الدلوع ام هزاع : وابويه انا عليك شو تباه راقد خالد : والله قهر ناس تدرس وناس ترقد ام هزاع : والله هو يتعب اكثر عنك حاسدنه على اجازة اسبوع والله هو اسبوع عندنا واسبوع دوام خالد : حشى ما قلت كلمة الا كلتني عشان ولدها الدلوع ..يا ربي متى بيعرس وبخليلي الجو فاضي ام هزاع :خلود اظهر برع ولا ترى بهالملاس على راسك خالد : بسير ارقد احسن وفي بيت ام جمعة ام جمعة: مانسيتوا شيء خالد : فديتج عمتيه كل شيء جاهز ركبنا القشار في السيارة ..يلا يا عيال سلموا على يدتكم وامكم وسلموعلى يدتهم وعلى امهم نعيمة وركبوا السيارة كان فهد بيوصلهم مطار العين خالد : يلا مع السلامة عمتيه شيء بخاطرج ام جمعة :سلامتك ..الله يحفظكم من تسيرون الين توصلون ..يوم توصلون دقوا حقنا خالد : انشاء الله من عيوني وظهر خالد ويا حرمته نعيمة وبنته فطوم وقعد يحبها ويلوي عليها وعقب زقرت نعيمة البشكارة اتي اتشل فطوم عشان اتغديها خالد: يلا مع السلامة حياتي اول ما تاخذين اجازة تعالي لا ضيعين الوقت نعيمة : انشاء الله.. الله يحفظك حبيبي وسار خالد وباس نعيمة ولوى عليها وسار صوب السيارة وساروا صوب المطار وسافروا الى السعودية وفي البيت ابو احمد فطوم ومريوم يالسات يطالعون مسلسل عديل الروح فطوم : يعلها اقبال كيف محلوه اريد اييب الكوافيرة مالتها حق عرس حمود مريوم : هي والله جنان شفتي صبغتها كيف فطوم : هي وايد جريئة انا الصراحة شعري كله اسود غامج وصابغة خصلات شقر وحاسة وايد متغير كيف هي كل شعرها مريوم : حتى ريم وايد محلوة.. وجلابياتها روعه فطوم : انا متخبلة اكثر شيء على جلابياتهم نفسي اعرف وين اييبونهم مريوم : هي والله فطوم : اقول مريوم حفظي انتي الموديل الي تبينه وبنسويه عند مصممة حق العيد مريوم : صح والله فطوم : اف اليوم خلص ابسرعة ونزلت الهنوف من الدري الهنوف : حشى ما تشبعون من المسلسلات الخليجية مريوم : و انتي ما تشبعين من المسلسلات الاجنبية الهنوف : لاوالله ..صراحة احس المسلسلات الخليجية كلها نفس الشيء فطوم : حرام عليج الهنوف: خلونا نظهر برع في الحوش مريوم : يلا فطوم : الدريول برع ولا لا الهنوف : لا محد انا قايلة حق ايرني اتقوله ما يدخل وتقفل الدروازة فطوم : احسن ما فيني البس شيلة مريوم : يلا وظهرن البنات وقعدن يتمشن في الحوش الهنوف : فطوم تذكرين المريحانة الي حرقها احمد فطوم : سكتي الله يخليج اول مرة اشوف ابوي جي معصب الهنوف : فديته كان خايف وحده فينا اتكون في المريحانة مريوم : كانت ايام الهنوف : هي والله ياليت انرد يهال وما همنا غير اللعب فطوم : دخليج انتي كنتي ولد قاصة شعرها نفس الاولاد وما اتحب تلعب الا ويا الاولاد ويوم امي تشتريلها عروسة شو اتسوي فيها اتشوهها وعقب اتعقها في زبالة الشارع واتسكر عليها مريوم :صدق..لا لا مستحيل الهنوف تسوي جي الهنوف :ههههههه هي عاد فطوم من يوم هي صغيرة بنوتة كانت ما اتحب الاولاد واتحب تلعب في عروستها ويا البنات وكانت اتحب اتكون مرتبة ونظيفة مريوم : البنت رقيقة من هي صغيرة .. لا بعد سايحه من كثر الدلع واذن الاذان وساروا يفطرون وعقب الفطور عايلة ابو احمد كلها في الصالة اتطالع حين تغني الزهور ويتقهوون ويكلون سويت ابو احمد : سبحان الله الي عندهم شاهدة الدكتوراه دايما جي ام احمد : ما ادري على شو شايف عمره الهنوف : فطوم وين دلة الشاء الاخضر فطوم : ما اعرف ..لحظة ..برندا برندا : نعم فطوم : وين دلة شاي الاخضر برندا : في المطبخ فطوم : انزين يوم انها موجودة ليش ما تبينها وسارت برندا تيبها فطوم وهنوف عندهم هوس شاي اخضر ابو احمد : اليوم بسير بيت ابوهزاع سكتت فطوم ويالسة تسمع شو يقولون واتسوي نفسها اطالع التلفزيون ام احمد : اشحالهم انشاء الله بخير ابو احمد : بخير وسهاله ..احمد تراك بتسير وياي وثاني بعد احمد : ابوي مواعد ربعي ابو احمد : بسك من الرقده يوم واحد بس ولاتنسى اتقول حق ولد عمك احمد : انشاء الله ابو احمد : انا الحين بسير اصلي في المسيد يوم ارد اباكم جاهزين انته وولد عمك احمد : انشاء الله مريوم : فطوم وين اييبون صادوه فطوم : من زمان بادي بعد شوي بيخلص مريوم : اوكي .. أي قناة فطوم : في الراي مريوم : فطامي اخبار ميروه ربيعتج فطوم : بخير يسرج الحال مريوم : متى عرسها فطوم : شهر سبعة مريوم : بتعرس وياها اختها موزوه فطوم : لا موزوه ما طاعت قالت اتريد تدرس هالسنة زين ما اتريد اتفكر بشيء ثاني تعرفين ثانوية عامة قالت يمكن بعد ما تدخل الجامعة بسنة يعني مثل ميروه الهنوف : هاي ميروه ربيعتج فنانة على طول تدخل القلب عسولة مريوم : هي ما شاء الله عليها ...صح اخبار شماني فطوم :فديتها ما اشوفها الا مرتين في الاسبوع ولا ما اشوفها الا خمس دقايق.. نصادف يوم كل وحدة اتسير كلاسها...يمكن تيني بعد باجر ام احمد : حياها الله .. عاد دشي المطبخ فطوم : امايا تعرفين اني ما احب ادش المطبخ واذا دشيت بدش اسوي سويت واظهر ام احمد : باجر يوم اتعرسين شو بتسوين ..طالعي ماشاء الله على خواتج كل وحدة اتعرف تطبخ احسن من الثانية الا انتي الدلوعة فطوم : حرام عليج امايا فطوم : والله سلوى وساره الهم وحشة الهنوف : هي والله مريوم : والله حليلها ساروه صدق ملل من يوم ما سارت كانت ترقد وياي والحين ارقد بروحي ام احمد : هي والله احس البيت فاضي فطوم : يلا قومن صلن البنات : يلا ام احمد : مريوم تعالي ساعديني برتب الفوالة في غرفة الطعام اذا يا احد مريوم : انشاء الله ودخلو احمد والثاني البيت ومالقوا احد في الصالة احمد : امايا ..امايا ام احمد في غرفة الطعام : تعال يا بوية انا في غرفة الطعام ودخلوا احمد وثاني غرفة الطعام ومريوم تحجبت يوم شافتهم وسار ثاني يسلم على ام احمد ودخل ابو احمد البيت وسار حجرته ونادى ام احمد وقعدت ادخنه عشان ايسير بيت ابوهزاع احمد : يلا انا ساير اغير ثيابي وبرد حقك ثاني :اوكي وسار احمد الحجرة ثاني :شحالج الريم مريوم : زينة (وتمت تقطع حق عمرها تفاح ومانجو ( وثاني قاعد يطالعها جنه اول مره يطالعها..يابعد كلي وكلك صدق تعجبني.. غيابك وصداتك وتلويعك وتكرارة..تجنن كل ماشوفك احس انك تذوبني وتضيعني من الدنيا وتشب ابخافقي ناره.. التفت مريوم حواليها ادور كلينكس وشافت ثاني قاعد يطالعها مريوم: خير ليش تطالعني في شي ثاني: لا سلامتج بس قاعد افكر كيف ناس بهالادب عرب يايينهم وهم يقطعون حق عمارهم ويكلون مريوم تستهبل وتمت تتلفت تدور عن العرب مريوم: أي عرب ما شوف حد غيرك ثاني: ليش انا مب مالي عينج..صدق ماتستحين على ويهج مريوم: والله عاد كل يرى الناس بعين طبعه.. وبعدين انته مب غريب تبى شي اخدم نفسك بنفسك ثاني في خاطره (انزين استقوي الحين..بس اتطيحين بايدي انا ارويج الادب..مادري طالعه على مين ملسونه اللي يشوفها يغتر فيها..انزين يامريوموه انا وانت والزمن طويل ياحبيبتي) مريوم:اشوفك تكلم عمرك مب عايبنك كلامي ثاني:لا بس ما حبيت ارد على ياهل تعرفين انتي دومهم اليهال يبدون المناجره وبعدين يتبجبجون.. مريوم:شو قصدك ثاني : ما اقصد شي مريوم:ثنوي بتتكلم ولاّ لا ودخل احمد : ما نزل ابوي مريوم:اففففففففففف (وخلتهم وسارت حجرتها( وطلع ابو احمد من غرفته وسار غرفة فطوم ودق على الباب فطوم : ادخل ودخل ابو احمد الغرفة وفطوم كانت تقرا قصة انجليزية فطوم : ابوي هلا والله توها نورت الغرفة ابو احمد : منورة الغرفة فيج غناتي فطوم : تسلم ابوي ابو احمد : انا اليوم ساير عند ابو هزاع وقايله اني بييه ويا الرد وهذا الرد عندج انا ياي اسمعه منج وانا عطيتج وقت اتفكرين فيه واتصلين استخارة والحين شو رايج فطوم مستحية :ابوي انا تحت شورك وهداية الله اذا انته موافق انا موافقة نش ابو احمد ولوى على فطوم : مبروك يا غناتي والله كبرتي .. وحبها على راسها وظهر ونزل تحت وشل وياه احمد وثاني وساروا بيت ابو هزاع بعد ما ظهر ابو احمد من غرفة فطوم قعدت فطوم اتفكر برايها فطوم : يا ترى انا الي اخترته صح اني ادوس على قلبي واترك الي احبه من انا ياهل واخذ واحد ما اعرف منو هو... ولا كيف شخصيته .. واذا مجبور علي ولا لا ...ليش افكر واعور راسي انزل تحت عند امايا ابرك وفي بيت ابو هزاع ابو راشد : حيا الله من يانا ابو احمد : الله يحيك ويبقيك هزاع : ما بقيت سيد احمد تي بيتنا لازم احد يسحبك وياه احمد : لاوالله بس تعرف اول شيء شغل وعقب جامعة وماعندي وقت وقعدوا يسولفون مع بعض ابو هزاع : ها ابو احمد بشرنا ابو احمد : خلاص بنستوي اهل ونسايب ابو هزاع : لا مبروك ..هزاع ..ياهزاع هزاع : نعم ابوية ابو هزاع : مبروك وافقت البنت انصدم هزاع وما حب يبين انه مضايق هزاع :الله يبارك فيك وسار عند احمد وثاني وهوسرحان خلاص انربط اسمه مع بنت ابو احمد لازم ما يفكر بالبنت الي شافها يوم العزيمة وعقب ابو احمد وثاني واحمد ردو البيت وكلن سار حجرته يرقد وقال ابو احمد حق ام احمد ان فطوم وافقت على هزاع هزاع في حجرته قاعد يفكر..ياربي كيف ابدي حياتي مع وحده بتكون سبب بدماري ..بس هي شو خصها امي اللي طلبت ايدها..ااااااه ياربي شو اسوي ..اذا يت العزيمه اكيد امي تعرفها وبتعزمها للعرس واذا يت.. لا مستحيل تي ما اريد اشوفها صدق بموت اذا شفتها..والله حاله حبيتها من اول نظره.. وتعذبت من ثاني نظره ..والله يستر من الثالثه..ااااه ياربي وفي بيت ابو احمد وفي الصالة كانن فطوم ومريوم يطالعن عديل الروح والهنوف يالسة تقرا قصة انجليزية ونزلت ام احمد من الدري ام احمد :السلام عليكم اشحالكم البنات : وعليكم السلام والرحمة فطوم : هلا ماما اشحالج ام احمد : الحمد يسرج الحال مريوم :شحالج ماماتي ام احمد : الحمد الله ... شو اطالعون مريوم : امايا عديل الروح هذا المسلسل جنان عذاااااااااااب فطوم : امايا بس انتي طالعي جلابياتهم ما حلاها الهنوف : الحين الي يسمع من كثر ما تلبسن كنادير ام احمد : الهنوف ما قررتوا متى العرس الهنوف : يمكن شهر ثمانية ام احمد : احسن يكون في الصيف عشان اتسافرون الهنوف : هي صح يكون عندنا اجازة ام احمد : الله يكتب الي فيه الخير.. فطامي تعالي ونشت فطوم سارت تيلس عدال امها ام احمد لوت على فطوم: مبروك غناتي وهزاع واهله ما بتحصلين اخير عنهم وخاصة ان ام هزاع تحبج وبتحطج في عيونها فطوم مستحية : الله يبارك فيج ماماتي هنوف ومريوم : مبروك فطامي فطوم : الله يبارك فيكم وفي بيت ابو مبارك كانن ميثوه ويزوي ويا امهم والبشاكير في المطبخ ميثوه : الحمد خلصت بسير اتسبح يزوي : انا بخلص تقطيع الخضرة عقب بسير اتسبح ام مبارك : انا بسير اطالع اخوكم سلطان وين وظهرن ميثوه وام مبارك من المطبخ وقعدت يزوي اتقطع السلطة وعقب جرحت صبعها بالسكين ونشت وقالت حق البشكارة اتكمل تقطيع وسارت حجرتها ولفت صبعها واتحس عمرها تعبانة وسارت تتسبح ابسرعة ولبست كندورة واذن الاذان وكانت هي بالغرفة اتحس راسها يدور ( يزوي اضعيفة وايد وما تاكل الا اذا ياعت ( ودخلت عليها ميثوه ميثوه : يلا يزوي ننزل تحت نفطر يزوي : يلا ... وما قدرت توقف وطاحت وربعت ميثوه تمسكها وهي اتصيح لانها اختها وقعدت اتصفعها على خفيف وعقب يابت عطر ونشت يزوي ميثوه : يزوي حياتي شو فيج يزوي : تعبانة ميثوه : سمعي بسير اييبلج شيء تكلينه وبرد ونزلت ميثوه وقعدت اتحط اكل حق يزوي ام مبارك: وينج انتي واختج ما ييتن تفطرن ميثوه : الحين امايا ام مبارك : حق منوه هذا ميثوه : حقي وحق يزوي ام مبارك : اشحقه ما تاكلن تحت ميثوه : لان يزوي تعبانة اشوي ام مبارك : شو فيها ميثوه : ما شيء ام مبارك : شو ما شيء وانتو مانزلتن تفطرن ادريبها انا يزوي كل تتعب الله يعينك يا احمد عليها..يلا انسير عندها وساروا ميثوه وام مبارك حجرة يزوي ام مبارك : امايا شو فيج شو يعورج يزوي : ماشيء بس احس اني تعبانة يكمن لاني صايمة وطريت صبعيه ام مبارك : يلا كلي الحين ولو حسيت عمرج بعدج تعبانه بنوديج المستشفى يزوي : انشاء الله ... وظهرت ام مبارك من عندهم ويلسن يزوي وميثوه ياكلون وفي بيت شمة اربيعة فطوم شمة : امايا ام شمة : ها امايا شو تبين شمة : امايا باجر بسير عند فطوم ام شمة : ليش شمة : شو ليش يا حليليها كم مرة يتني وانا ما سرتلها ام شمة : خلاص برايج بس لا اطولين اكثر عن ساعتين شمة : انشاء الله... بسير اطالع المسلسل ويا اخواتي في الصالة ام شمة : برايج شمة : امايا ما تبين اتشوفينه ويانا ام شمة : لا الحين بيي ابوج وبيلس وياه شمة : اوكي وظهرت شمة من غرفة الطعام وسارت الصالة وفي قطر جابر قال حق حرمته اتسير بيتهم بس ما قالها متى بيرد دخل بيته وسار حجرته ولقى حرمته يالسة تقرا مجلة ومتعدلة وشكلها هلكانة يا حليلها حامل بالشهر التاسع وراح من وراها وحط ايده على عيونها منى : حبيبي متى ييت جابر : توني فديتج اتولهت عليج وااااااااااااااايد منى :وانا اكثر فديت روحك... يلا اتسبح وانزل غرفة الطعام جابر : انشاء الله وسار جابر يتسبح وعقب نزل تحت عند حرمته دقت ميثوه حق فطوم وقالتلها عن سالفة يزوي وفطوم رمست يزوي وتحمدت الها على السلامة يوم سكرت فطوم التلفون ياربي كيف بتكون ردت ميثوه يوم تدري اني وافقت على الي خطبني خلني اسير الصالة احسن وسارت فطوم الصالة ابو احمد : نفسي اشوف هالولد قار في البيت لو يوم واحد كان احمد متعدل وشكله ساير الكوفي ويا ربعه فطوم : انا اقدر اخليه احمد : كيف فطوم : توني كنت مسكرة من يزوي حليلها تعبانة وطاحت عليهم المغرب احمد : قولي والله فطوم : والله احمد : مع السلامة .. وسيده ظهر بسير عند حرمته يطالعها ابو احمد : ليش شو فيها فطوم : اتعرفها يزوي امرة ما تاكل شيء الا بالغصب ام احمد : الله يعين ..انشاء الله الحين احسن فطوم : هي الحمد الله الهنوف : فديتج يزوي بسير ارمسها ابو احمد : خلاص عقب الصلاة بنسير صوبها البنات : انشاء الله وفي بيت ابو مبارك وصل احمد بيت ونزل من السيارة وشاف خليفة وسلم عليه خليفة : حيا الله بالنسيب وين امرة محد يشوفك احمد : والله الدنيا ومشاغلها خليفة : الله يعين...متى بتخلص من الجامعة احمد : هاي اخر سنة حقي خليفة : الله يوفقك وظهر ابو مبارك من البيت وسلم على احمد وسار دوامه لان هو يشتغل في كلية خليفة الجوية وفي رمضان الدوام فليل هو كان عقيد بعدين اتقاعد واشتغل في شركه العايله بعدين رد يشتغل في الجوية احمد : خلوف اريد اشوف يزوي خلوف : ليش ..ماشيء احمد : حرام يلا ابسرعة صدق هي تعبانة خلوف : هي طاحت علينا اتعرف هي ما تاكل ويوم طرت صبعها زاد عليها وطاحت احمد : يلا ازقرها خليفة : اسمع ادخل الميلس وبزقرها ... يعني اشوفني بظهر يعني لازم اتخرني احمد : ههههه خايس خليفة : لا اتمصخر وياك خذ راحتك ..يلا سير وسار احمد الميلس ودخلت يزوي عليه احمد : اشحالج حياتي سلامات ما اتشوفين شر يزوي : الله يسلمك احمد : يزوي حبيبي كلي اشحقه ما تاكلين تبين تذبحين عمرج يزوي : والله حبيبي ما اشتهي احمد : ولو كلي شوي عشان خاطريه يزوي :انشاء الله من عيوني وقعدوا يسولفون شوي وعقب اترخص احمد عشان يسير الكوفي عند ربعه وفي بيت ابو احمد ابو احمد : يا بنات يلا ونزلن فطوم والهنوف ابو احمد : وين مريوم فطوم : الحين بتنزل ام احمد : يعني هالبنت لازم تتاخر ما ترتاح لا اذا اخرتنا ونزل مريوم مريوم : مستعيلين على شو البنت ما بطير ولا بيتهم بطير ابو احمد : يلا ركبو السيارة وساروا صوب بيت ابو مبارك ودخلو الصالة وشافو مبارك وميثوه ويزوي ومحمدوه وسلطان وام مبارك سلموا عليهم بنات ابو احمد عادي ما يتغشون من عيال ابومبارك بس يتحجبون ابو احمد : ما اتشوفين شر يا امايا يزوي : الشر ما اييك ياعمي ام احمد : الحمد الله على سلامتج فديتج يزوي : الله يسلمج من الشر عموه وقعدوا يسولفوون مع بعض وبروك مانزل عيونه من مريوم وظهروا ام احمد وابواحمد وام مبارك صوب بيت ام جمعة وفي بيت ام جمعة ابو احمد : يو عرب يخطبون فطوم ونحنا وافقنا عليهم ام جمعة :من قوم منو ابو احمد :امايا ابو راشد المنصوري اربيعي الي دوم شغلنا وياه ام جمعة : هي والنعم زين عيل يوم قربتوا فيهم ابومبارك وام مبارك انصدموا بس بعد ما يقدرون يقولون شيء لان حامد ما قال حجزولي البنت قبل ما يسافر ابو احمد : ابو مبارك انا ما بى يتم بخاطرك شيء من صوبنا انت مرخصنا ولا لا ابو مبارك : هي ...بنتك مرخوصة ونحنا مانبى نوقف في طريجها ابو احمد : والله اني تمنيت فطوم حق حامد بس ولدك ما قال حجزوها حقي الين ما ارد ابومبارك : الله يكتب مافيه الخير وابو راشد وعياله ما بتلقون اخير منهم وقعدو يسولفون مع بعض وفي بيت ابو مبارك مريوم وسلطان يالسين ويا بعض يسولفون لان سلطان راعي سوالف وربشه وشاعر صح انه ياهل بس تحب مريوم تسولف معاه محمدوه : فطامي مشتهي عشى من ايديج( علاقة فطوم ومحمد اخوان ( فطوم : انا عمري ما سويت بعمري عشى بس عشان خاطرك بسوي محمدوه : تسلمين يوم من الحين ما تطبخين باجر بيت ريلج شو بتسوين فطوم : يا سلام هو ما خذني بشكارة والله يبى اييب بشكارة... انشاالله اوصخ ايديني عشانه محمد : خيبه يا الخقة فطوم : لا اتمصخر وياك ..يعني صراحة اسوي سويت.. عصاير.. شيء هو مشتهي..فطاير..صحن بالفرن مثل معكرونة بالبشاميل .. اوكي والباقي على البشكارة اما انا اطبخ كل شيء لا محمد : الله يعين الي بياخذج فطوم : احترم عمرك ولا ماشيء باجر عشى محمد : افا خلاص من الحين بسكت فطوم : رياييل ما اتون الى بالعيون الحمره... ميثانة باجر بتين عندي شموه بتي ميثوه : ودي بس باجر موعد عيوني( ميثو الحين تتعالج من حساسية عشان الشمس من اول ما دخلت الجامعة( فطوم : الله يعينج حياتي يزوي : هنوف متى عرسج محمد : انا بسير عند ربعي باي فطوم لاتنسين فطوم : انشاء الله بروك : حتى انا يا الله مع السلامة ورفع نظراته حق مريوم وظهر(مريوم منصدمه شفيه غير الريال مب طبيعي مول) البنات : مع السلامة مريوم:غريبه بروك يالس في البيت ..دومه يافي الشغل او راقد ميثوه:يالس عشانج ماتشوفينه من الصبح يطالعج مريوم:جب ..ياالسخيفه الريال معرس وانتي تقولين جي ميثوه:احسه واايد متغير قبل ما يملج احسه بموت عشانا اما الحين ما اييب طاريها..شكله مايبى يعرس مريوم قاعده تفكر والله دنيا قبل كنت مستعده اذبح عمري عشانه الحين يوم ما افكر فيه هو يفكر فيني والله دنيا يزوي: متى بتعرسين الهنوف الهنوف : يمكن شهر ثمانية يزوي : متى بتبدين تتزهبين الهنوف : بعد شهر واحد بعد عرسج يزوي : احسن عشان اساعدج الهنوف : صح بنكون في بيت واحد وعقب سارو البنات بيت يدتهم ويلسوا شوي وعقب كلن سار بيته وفي ثاني يوم وهو يوم الخميس في قطر وقت الضحى منى : جابر الحقني بموت جابر : ياعمري يالله شوي شوي مشي ونزلوا وركبوا السيارة وعلى طول ساروا المستشفى ودخلوا منى غرفة الولادة ودق جابر حق اهل منى وحق اهله وفي بيت ابو احمد فطوم ومريوم والهنوف كانن في المطبخ يطبخون عشان شموه ربيعة فطوم ومحمدوه فطوم : هنوف سوي مالتج المعكرونة بالبشاميل الي ويا التوست هنوف : انشاء الله مريوم : اقول انسير انصلي وانرد احسن فطوم و الهنوف : يلا وسارن البنات يصلن وعقب ردن المطبخ وفي قطر ربت منى ويابت ولد جابر : فديت روحه ياربي ما اصغره ما اصدق اني استويت ابو ام اجابر : انشاء الله يتربى في عزكم الكل : آمين ام منى: امايا تبين تاكلين شيء منى : لا جابر :شو لا مش على كيفج خالوه انتي ييبي الاكل وانا باكلها ام منى : انشاء الله وقعد جابر ياكل حرمته وعقب ظهرو عنها عشان ترقد وفي بيت شمة اربيعة فطوم شموه : ظباية شو البس ظباية : لبسي الفستان الي مخذتنه من مانغو شموه : صح والله ..انزين ارفع شعريه ولا افجة ظباية : دام محد عندهم فجيه احلى وماشاء الله عليج شعرج طويل وحلو قصته مدرج شموه : اوكي خلاص بسير اتسبح وعقب بستشوره ظباية : اوكي واذن الاذان والكل فطر بيت ابوهزاع ام هزاع : مبروك ياولدي يلا عاد متى تبى الملجة ابوهزاع : انا اقول بعد رمضان احسن هزاع : الي تبونه سووه ام هزاع : شقايل الي نباه انسويه مش انته الي بتعرس هزاع : هي انا الي بعرس بس انا ما اعرف بهالاشياء وبعدين انا بكون مداوم فانتوا خططوا ويوم برد قولولي شو خططتوا ابو هزاع : انشاء الله فديتك .. عاد نباك اتحط فطوم بعيونك تراها غالية بنت الغالي ام هزاع : والله البنية تنحب على طول اول ما اتشوفها تدخل قلبك والبنت حشيم وصدقني يا ولدي ما بتلقى اخير عنها وصلت شموه بيت فطوم ودخلت البيت فطوم : هلا والله بشماني شحالج حياتي شموه : الحمد الله ويلسن في ميلس الحريم وقعدن يسولفون فطوم : شموه حياتي بخليج والحين بييج اوكي شموه : انزين بس لا تطولين فطوم : اوكي وسارت وخلت البشكارة اتحط الاكل ميلس الحريم وتحط بعد في ميلس الرياييل الي داخل البيت مش الي خاري ودق تلفون فطوم : الو مرحبا محمد : مرحبتين شحالج فطوم : الحمد الله وينك يلا الاكل بيبرد محمد : انا في البيت انتي وين فطوم : انا في المطبخ ..سير انته الميلس محمد ما يعرف وين ميلس الحريم وين ميلس الرياييل فدخل بالغلط ميلس الحريم واول مادخل سمع شموه : سنتين الين ما تين هذا شوي وبرد (كانت شموه لابسة فستان من مانغوا وعليه عباة مفتوحة وفاجة شعرها ومتعدلة ( محمد يوم شافها انصدم نسى هنوف وطوايفها ويقول في خاطره: يخربيت ابو الجمال منو هاي الحلوة ماشاء الله عليها ما حلاها وايد نعومة وكيوت ودخلت فطوم : محمدوه محمد : اسف ....وطلع وشموه بغت اتموت : كله منج فطوم : سوري حياتي ترى محمدوه ما يفرق بين ميلس الحريم والريايل الي داخل شموه : لا عادي ..(وفي خاطريه ما شاء الله عليه كيف حلو الله يخليه حق اهله ( ودخلت الهنوف ومريوم فطوم : انا بسير اطالع محمدوه وبرد .. وظهرت فطوم الهنوف : شحالج شماني شموه : الحمد الله اشحالج انتي الهنوف : بخير ما نسال الا عنج وينج محد يطالعج شموه : والله لاهين بالجامعة الله ياخذها مريوم : اشحالج شموه شموه : الحمد الله يسرج الحال اخبارج انتي ويا الثانوية عامة مريوم : والله أرف بس شو انسوي شموه : شو تبين أي تخصص انتي مريوم : اريد طب تخصص صيدلة شموه : بس ماشيءهني هنوف : هي بتدرس برع شموه : عادي ابوج بخليج مريوم : لا هو كان اول شيء مش راضي بس الحين احس في شوية امل لانه يقولي انتي ييبي النسبة وعقب خير وبعدين هنوف بتقنعه لان بعد هاي السنة ولي بعدها الهنوف بتسافر اتكمل ماجتسير ودكتوراه شموه : والله ما عندج سالفة ما اصدق اخلص الجامعة واسير ادرس بعد الهنوف : منو ربيعتج مش فطوم حشى نفس الافكار...صح خانتج فطوم شموه : ليش الهنوف : خطبوها ووافقت شموه : والله الخايسة ما قالتلي ...ولا انا احاول وياها اذا يانا احد انعرس وهي اتقولي اسفة ما اريد... اريد اتم عند اهلي وتعرس قبلي صدق خاينة يتبــــــــــــــــــــــــــــــــع __DEFINE_LIKE_SHARE__ | |
| ||
| |
|
08-12-2008, 02:33 PM
| رقم المشاركة : [ 18 ] | |
| عضو ماسي | وعند محمد وفطوم محمد : فطوم والله سوري فطوم : خلاص محمد لوعت جبدي كم مرة تتا سف ..خلاص عرفت انه ما كان قصدك ودخل احمد : السلام عليكم سوري طولت محمدوه وفطوم : وعليكم السلام والرحمة فطوم : لاعادي ...محمدوه كل وعقب قولي شو رايك اوكي محمدوه :اوكي وسارت فطوم عند شموه فطوم : سوري حياتي طولت شموه : لاعادي ...صدق يا الخاينة ليش تنخطبين بدون ما اتقوليلي ولا بعد توافقين هذا الي ما بعرس وبيتم عند اهله فطوم : ههههههههههه غيرت رايي.... يعني ولد اربيع ابوي اقوله لا شموه : لا والله فطوم : خلاص ما بعرس الين ما تنخطبين عشان اضمن انج بتعرسين وافتك من لسانج شموه : خلاص انا زعلت فطوم : افا تزعلين من فطومتج شموه : اريد بس ما اقدر ويت البشكارة وقالت ان دريول شموه برع فطوم : ما يلستي شموه : مرة ثانية وظهرت فطوم ويا شموه عشان اتوصلها الين الباب وكانت سيارة محمدوه عدال سيارة دريول شموه ومحمد كان في السيارة وركبت شموه السيارة ومحمدوه مانزل عيونه عن شمة لان شمة كانت متحجبة مش متغشية لان محد كان موجود شموه : يلا باي حياتي فطوم : باي ويوم كانت فطوم راده دقلها محمدوه هرن وسارت صوبه محمدوه نزل الدريشة محمد : تسلم ايدج على العشاء فطوم : تسلم روحك محمد : يلا برايج بسير ارقد احس عمري تعبان فطوم : مع السلامة وسارت غرفتها وفي يوم الثاني عقب صلاة الجمعة في بيت ابو مبارك كان الكل موجود في الصالة ابومبارك : ترى بنت عمكم فطوم انخطبت ووافقت الكل الي في الصالة انصدم كيف فطوم اتوافق وحامد وين سار ميثوه : فطوم بنت عمي ام مبارك : هي محمد : مش هي محيرة حق حامد ابومبارك : كانت محيرة يوم كانت صغيرة بس اخوكم يوم سافر ما قال حجزوها حقي والبنت ما نبى انضيع نصيبها والي خاطبنها ريال والنعم فيه وباهله وبعدين نحنا اكثر شغلنا ويا ابوه ميثوه ظهرت من الصالة وهي منصدمة معقولة فطوم تنخطب وتوافق ولا اتقولي ..ووين سار حامد لازم اسيرلها البيت اليوم وفي السعودية عادل : سلوى ميثة مخطوبة سلوى : لا ليش تسال عادل : ما اعرف احس انها وشخصيتها داخلين مزاجي سلوى : الزبدة عادل : يعني يمكن اخطبها شو رايج سلوى :ميثانة مشاء الله حلوة ومؤدبة خلوقة بس تعتقد يرضون اهلها انها تاخذ سعودي عادل : وهذا الي مخوفني سلوى: لا تستبق الاحداث خل احمد يعرس وبعدين خير عادل : لو استنى احمد بعجز ولا بعرس سلوى : ليه عادل : لان احمد يحب فطوم وفطوم مش راضية سلوى : الله يعين وفي المغرب بعد صلاة التراويح يت ميثوه عند فطوم ودخلت الصالة وكان في الصالة فطوم والهنوف ميثوه : السلام عليكم الهنوف وفطوم : وعليكم السلام فطوم : هلا حياتي شو هالمفاجاة الحلوة الهنوف : نور البيت ميثوه : بوجودكم ورن تلفون هنوف كان ريلها سيف الهنوف : انا بسير حجرتيه وسارت فوق فطوم: شحالج غناتي ميثوه : الحمد الله ...فطوم صدق انخطبت ووافقتي فطوم ما كانت خايفة من رد العايلة لانها وافقت على غير حامد الا من ميثة فطوم : ميثانة حياتي بجاوبج واريدج تسمعين الين الاخر ولا اتقاطعيني اوكي ميثوه : انشاء الله فطوم :ميثانة صح انا انخطبت ووافقت صح يمكن اتقولين عني خاينة واكيد فرحانة بس انا اقولج لا انا حبيت اخوج من انا ياهل وما كان يحبني بس يوم كبرت وصارلي فترة ما ييت بيتكم حبني فيه وبادلته الحب ولكن انتي اتشوفين اخوج كيف استوى ما خلى بنية الا غازلها واتخيلي شفته بعيوني هذي كيف تعتقدين حسيت صدقيني حسيت اني بموت وهذا ايقولي انه يحبني ويسوي جيه عيل لو ما يحبني شو بيسوي وعقب شفت صورة بنية عنده حاولت اكرها بس ما قدرت كيف اكره واحد وانا احبه من انا ياهل ويوم سافر ما قال حجزوا البنت حقي وبعدين الي خطبني ولد اربيع ابوي كيف اقول لا مااريد عشان تستوي مشاكل والسبة انا وبعدين اكثر شغل الشركة ويا ابو الي خاطبني قوليلي كيف اقول لا....وقعدت فطوم اتصيح ..................... شو ظنكم بيستوي ؟؟ يتبع في البارت اليديد __DEFINE_LIKE_SHARE__ | |
| ||
| |
|
08-12-2008, 02:35 PM
| رقم المشاركة : [ 19 ] | |
| عضو ماسي | الجزء الثامن فطوم :ميثانة صح انا انخطبت ووافقت صح يمكن اتقولين عني خاينة واكيد فرحانة بس انا اقولج لا انا حبيت اخوج من انا ياهل وما كان يحبني بس يوم كبرت وصارلي فترة ما ييت بيتكم حبني فيه وبادلته الحب ولكن انتي اتشوفين اخوج كيف استوى ما خلى بنية الا غازلها واتخيلي شفته بعيوني هذي كيف تعتقدين حسيت صدقيني حسيت اني بموت وهذا ايقولي انه يحبني ويسوي جيه عيل لو ما يحبني شو بيسوي وعقب شفت صورة بنية عنده حاولت اكرها بس ما قدرت كيف اكره واحد وانا احبه من انا ياهل ويوم سافر ما قال حجزوا البنت حقي وبعدين الي خطبني ولد اربيع ابوي كيف اقول لا مااريد عشان تستوي مشاكل والسبة انا وبعدين اكثر شغل الشركة ويا ابو الي خاطبني قوليلي كيف اقول لا....وقعدت فطوم اتصيح ميثوه: فطوم حياتي لا تصيحين .. هذي انا احب منصور واعرف انه مغازلجي وراعي حركات مع هذا احبه فطوم:ـــــــــــــــــــــــــــــــــــــــــــــ ـــــــــــــ (تصيح( ميثوه:فطامي حياتي خلاص فطوم: كيف ابدى حياتي ..ليش مكتوب علي الشقى في دنيتي ميثوه:ممكن هالشقى فيه خير ..ممكن يطلع احسن من حامد مليون مره فطوم:حتى لو كان احسن من حامد بعمره مابكون غالي شرات حامد ميثوه:مثل ماحبيت حامد انشا الله تحبينه واكثر بعد..وبعدين كل شي ونصيب ..لويصير اللي يصير مردج تاخذين اللي مكتوب لج فطوم:اااااااااااااااااااه ..واللي ربي كاتبلي اياه انا راضيه فيه ميثوه: اقول فطوم .. فطوم:هلا آمري ميثوه:شفتي شكله فطوم: منو هزاع ميثوه: ياعيني على الاسم شكله شي فطوم:تبين الصراحه ..مادري ماشفته ميثوه : اعتقد انه حلو لانه ام راشد وبناتها ما شاء الله عليهم مسكتين ..جمال واخلاق.. فطوم: وحبوبين واايد..عسل ماشالله عليهم ميثوه:تعرفين بصراحه كنت اتمنى اني انا وانتي ناخذ اخوان فطوم:هي والله حتى انا وتمن يسولفن في ابوظبي في بيت ابوجابر كان ابو جابر توه داخل البيت راد من الصلاه وشاف ثاني في البيت ابوجابر:هلا والله ثنوي من وين طالعه الشمس اليوم ثاني :احم احم بصدق عمري بعدين (وقام حب راس ابوه( ابوجابر : لازم تصدق ..هالمره متبطر علينا اشوفك مخاوي اهل العين ثاني: هذي انته قلتها بعظمت لسانك اهل العين ويعني احطهم بعيوني منصور: وابوك ثاني :عاد ابوي غير..استطاع ابي باسلحته النفاذه اختراق قلبي واتخاذه مسكن له وحده لا يشاركه به احد منصور:ياعيني على اللغه اللي تقطر..ومنكم نستفيد ثاني:اجل يا اخ منصور ان اللغ....... ابو جابر: عن التفلسف...دقيت حق اخوك تباركله ثاني:اخوي..ليش ابو جابر: حرمته ربت ويابت ولد ثاني :حليلها والله تستاهل.. منصور:هي يا ابوي على آخر ايامك كبرت واستويت يد ثاني:هي الله وانا استويت عم ابو جابر: وعقبال ماتستوي ابو انشالله منصور:خله اول شي يختار الحرمه ويعرس ثاني:انا لو يالس على قلوبكم مادري شو بتسوون منصور:ومين قال انك مب يالس على قلوبنا ثاني :طالعوو هذا شو يقول ..متستحي تكلم اخوك العود جذي..مب منك من اللي يالس معاك (يلتفت صوب ابوه) واخبارك بعد ابوي وعلومك ..ربك بخير وتموا يسولفون لين 11 وبعدين كل سار يرقد وثاني رقد وياهم وبعد مرور كم يوم اليوم اخر يوم من رمضان في صالة ابو احمد فطوم : ياويلنا كيف بنسير بيت يدوه اول يوم العيد ام احمد : ليش فطوم : عشان لبسنا مريوم : عادي لابسين فستان الين الركب وتحته بنطلون ممكن اعرف شو فيها ام احمد : قلت عندج شيء.. شو المشكله ازين فطوم :ماماتي انتي عندج عادي بس يدوه لا كل شيء عيب الهنوف : عادي يوم اتشوفين يدوه مسكي عباتج ولا تفتيحينها فطوم : صح كلامج ام احمد : يلا نشن انرتب الميالس حق العيد البنات : انشاء الله ونشن البنات ويا ام احمد والبشاكير يرتبن الميالس ويدخنونهم ويرتبون سلال الحلاوة وغيرها وفي بيت ابو مبارك ميثوه : اول مرة يضبط الخياط اللي اباه يزوي : هي وايد حلو حتى لونه جنان عليج ..وظابط على جسمج مش انا واسع علي ميثوه : محد قالج ...متني منو زاخنج يزوي :ياليت والله ما خليت شيء الا سويته عشان امتن ولا متنت ما اعرف كيف بلقى ثياب على جسمي حق بعدين عقب العرس ميثوه : سكتي الله يخليج انا الين الحين ما اشتريت حق عرسج فستان.. ولا بعد الهنوف جدمت عرسها بعد عرسج بشهر انا مادري متى بتشرى وبخلص يزوي : انتي مب مشكله سيري أي يوم واشتري..بس الهنوف حليلها شو بتسوي شو يمديها عشان تتزهب ميثوه : اااااه يزويوه بعد شهرين بتسيرين وبتخليني بروحي يزوي :بتيج حرمه بروك.. ميثوه:ولو.. مابتسد مكانج يزوي:عيل عرسي وارتاحي ميثوه : انتي خليه ايي اول وعقب خير يزوي : هم يوج بس انتي اللي رديتيهم اول مره اشوف وحده ما تبى تعرس ميثوه:تتحرين كل الناس نفسج يبون يعرسون بسرعه يزوي:شوفيها لا عيب ولا حرام ..وبعدين انا مب اول وحده اعرس ولا اخر وحده ميثوه : تبين الصدق يزوي كنت دايما اتمنى اني انا وفطوم ناخذ اخوان بس الحين فقدت الامل يزوي : خلي ايمانج قوي ..اذا كنت تتمنين شي كوني واثقه بربج انه بتحقق وبتحقق انشالله ..لانج ما اتعرفين كيف الدنيا تمشي وتموا يسولفون لين 3 ميثوه : يلا خلينا نرقد طاعي الساعة كم بكرة ورانا نشة من الصبح يزوي : هي والله اليوم العيد في بيت ابو مبارك ميثوه ويزوي كانن لابسات نفس البدلة بس يزوي فوشي وميثوه عنابي وكانن حلوات وايد كانن يزوي وميثوه ويا امهم عند الحريم وعقب ظهرت ميثوه وسارت اتشوف اخوها سلطان وين ومرة وحدة احد حط ايده على عيونها ميثوه : لااااااااااا محمدوه بتخرب مكياجي حامد: امباركن عيدج ولفت ميثوه ولوت عليه : حاااااااااااااااااااااامد حياتي اشحالك متى ييت والله تولهت عليك وايد حامد : حتى انا والله.. هناك بروحي محد وياي الا منصور الدب ميثوه قلبها دق يوم سمعت اسم منصور : الله يعينكم وعقب زقرت ميثوه يزوي وامها عشان يسلمون على حامد في بيت ابو احمد في الصالة اللي تحت الهنوف : امباركن عيدج امايا ام احمد : هلا امايا الله يبارك فيج حياتي يلا عقبال ما انباركلج في بيت ريلج الهنوف:الله الله شو الحلاة امايا وينك يا ابوي ام احمد:انا مب مخليه الحلاة الى حقج ما شاء الله عليج الله يعينك ياسيف ( كانت الهنوف لابسة فستان الين الركب مشجر عيناوي واخضر وبني بدون ايدين وفي خيط ينربط عند الرقبة وايد حلو وبنطلون بيج( الهنوف : امايا ام احمد : شو امايا بعد ترى عرسج عقب 3 اشهر يلا بسير عند العرب الهنوف : منو عندكم ام احمد :محد غريب حرمة ياركم وعمتج سلمى الهنوف : عيل ما بسير الميلس ابوي واحمد وين ام احمد : اشحقه ما اتسيرين اتسلمين الهنوف : امايا اتعرفين ما اداني ايلس ويا عموه سلمى يوم ايلس وياها كل اتنقز فيني عشان رديت ولدها ام احمد: عشاني فديتج يلا اليوم العيد الهنوف : اوكي امري لله ودخلت الهنوف وامها الميلس وسلمت على عمتها وحرمة يارهم سلمى : هلا والله بالهنوف شحالج غناتي امباركن عيدج الهنوف : الحمد الله بخير الله يبارك فيج شحالج عموه سلمى : بخير ربي يسلمج وسارت الهنوف تسلم على حرمة يارهم الهنوف : هلاوالله شحالج خالوه امباركن عيدج حرمة يارهم : الله يبارك فيج غناتي شحالج امايا شو الحلاة ماشاء الله عليج ..متى عرسج فديتج الهنوف : الحمد الله ..عقب 3 اشهر انشاء الله حرمة يارهم : الله يوفقج انشاء الله وقعدو يسولفون وسارت حرمة يرانهم وعمتهم و يوا الحريم..و ما شاء الله الميلس ممزور حريم ونزلت فطوم ومريوم الصالة مريوم كانت لابسة فستان اخضرفستقي على فولك وبرقبة وبنطلون ابيض وطالعة جنان وروعه وحلوة وفطوم كانت لابسة فستان وردي وابيض جنان وعليه فولك احمر وتحته بنطلون احمر طالعة جنان ووايد حلوة الهنوف : جان ما نزلتوا بعد.. والله تعبت فطوم : سلمتي على ام ريلج الهنوف : هي وسلمت على ريلي مريوم : قولي والله.. الهنوف : والله ابوي زقرني وسرت عنده وما كنت ادري ان هناك سيف وعقب سلمت عليه ورديت فطوم :وانا اقول ليش الخدود محمرات الهنوف : سخيفة بنشوف باجر شو بتسوين.. صح يت ام ريلج وسئلت عنج فطوم : شو ريلي بعده ما استوى مريوم : ااااااااااااه متى بعرس يا ربي فطوم:على شو مستعيله وعقب دخلو يسلمون على الحريم وعقب راحوا عند يدتهم ويلسو عندها وعقب سارو بيت عمهم ودخلو الصالة الهنوف : يلا فطوم : مااريد الهنوف والله استحي ادخل اكيد الميلس الحين ممزور مريوم : هي صدقها ما اريد ادخل الهنوف : اوكي بخلي البشكارة تزقرهم وطلعن ميثوه ويزوي وسلمن على بعض ويت ام مبارك وسلمت عليهم يزوي : وين عموه ليش ما يت الهنوف : عندها حريم قالت عقب بتي فطوم : ميثانة اريد اعدل جحالي ميثوه : تعالي حجرتيه وسارن ميثوه وفطوم حجرة ميثوه كانت فطوم وميثوه يسولفون على السرير ودخل حامد حامد : هلا والله وانا اقول ليش الغرفة منورة وقلبي يدق قبل ما ادخل الحجرة.. انباركن عيدج حياتي فطوم انصدمت وتجمدت مكانها حاااامد متى رد ياربي الله يستر فطوم : الله يبارك فيك وفي حياتك عن اذنكم ونشت فطوم وظهرت من الحجرة حامد : ميثانة شو فيها فطوم ميثوه كانت مرتبكة مش عارفة شو اتقول ميثوه :هاااااااا ما شيء ما ادري وظهرت من الحجرة حامد : شفيهم هذيلا..لا الوضع مش طبيعي لازم اعرف شو مستوي في الميلس كانت ام مبارك ومريوم والهنوف ويزوي ومحمدوه يسولفون ام مبارك:محمدوه انته ما تستحيه على ويهك يالس مع البنيات تراهن يستحن منك الهنوف : عاد محمد اخر واحد ممكن نستحي منه محمدوه: شفتي شو عرفج انتي هم مايستحون مني..بس مادري اذا مريوم تستحي مني مريوم:هي استحي واااايد منك لدرجه اني ما اقدر احط عيني فعينك محمدوه: اصلا كل البنات يستحن يحطن عينه في عين الرياييل مريوم: من قالك وقص عليك هذا اول يا بابا الحين تلقى العكس الرياييل ينزلون عينهم من كثر ما يطالعونهم الحريم ام مبارك: هي والله صدقها البنات قبل يوم انقولهم ان ياهم خطيب يستحون وينزلون روسهم اما الحين ولو بإيد البنات بسيرن هن يخطبن حق عمارهن الهنوف: شدعوى عاد لهدرجه مريوم: احلى ..نقلد الهند محمدوه: احلى بعينج هاللي ناقص بعد.. مريوم: لا صدق والله..تخيلو رايحه اخطب واحد جان تشاوره امه جان ينزل راسه من المستحى وقالها وهو مستحي شوري من شوركم الكل: ههههههههههههههههههههه محمدوه: ههههه والله انج خبله ..يبالج واحد يعلمج الادب مريوم: مثل مين هالواحد محمدوه: مثلي مريوم: ههههههههههه الي يخليك عورني بطني جان ياخذ محمدوه المخده وفرها على مريوم محمدوه: ليش مب ما لي عينج مريوم: لااااا قصدي اني انا وانته ما نتناسب اهبل وهبله يعطي عيال خبلين ..يعني مستحيل آخذك محمدوه: ربج شو دراج كل شي ونصيب ممكن ربج كاتبلج تاخذيني مريوم: وشو اللي حادني عشان آخذك يوم تخطبني محمدوه: ربج شو دراج مريوم: لالا مستحيل اخذك لا تحاول محمدوه: صدقيني الحين يوم تردين البيت بتمين اتفكرين فيني مريوم: بعينك هاللي ناقص بعد ..تطمن و تاكد ميه من ميه ماراح افكر فيك .. في هالاثناء دخلن فطوم وميثوه وباركت فطوم محمدوه على العيد محمدوه يكلم فطوم:شفتي اختج شو تقول فطوم:شو قالت محمدوه: تقول يونه شو ..شو كلمتها هذيج..هي شو حادنها تاخذني فطوم:صدق ما تستحي على ويها ..اصلا هي تحب ايدها مجلبات يوم انها بتاخذك محمدوه: سمعي ..سمعي..يعلني ماخلى عنج يا بنت عمي مريوم: والله كلن وله رايه وتمو يسولفون بعد فتره يا احمد وسولف معاهم شوي وبعدين ردوا البيت في بيت ابو احمد كانت مريوم يالسه اطالع تلفزيون في الميلس ملت وبندت التلفزيون وسارت حجرتها في طريجها شافت حجرت ثاني مفتوحه وكان محد فيها وياها فضول عشان تدخل حجرته دخلت شوي شوي وتاكدت انه محد في الحجره ..راحت عند التسريحه شافت كريمات وعطورات ودهن عود جان تمسك واحد من العطورات وشمت ريحته مريوم:الله محلى ريحته ..والله الريال مدلل عمره وحطت شوي كريم بايدها ويوم رجعت الكريم حصلت صورته على تسريحه يوم شافتها حست بقشعريره جنه بهاللحظه قاعد يطالعها خذتها وتمت اتطالعه: ودي انا ألقى للأحاسيس تفسير..ليش القلوب لبعض الاشخاص تشتاق ؟!!! حطت الصوره في مخباها وقبل ماتظهر شافت عمرها في المنظره وتمت تتعدل فجأه شافت دفتر على السرير التفتت وسارت عند السرير ويلست ومسكت الدفتر بايدها: لا مالي حق اقراه.. ردته وقامت :اوووه ياربي شو اكره الشيطان ..ردت ويلست :بقرا بس صفحه..مسكت الدفتر وبطلت من النص: غريبه ريال وخطه حلو..وبدت تقرى.. علميني لصارت الدنيا تعاندني لمن ابوح..؟ وعلميني لصارو اصحابي اغراب وين اروح..؟ فهميني اذا احتجتلك بليله ضما ومالقيتك كيف اعيش..؟ وفهميني لو ضاع الوقت مني و رحتي مني ليـــــه اعيش..؟ جلبت الصفحه: لا بس قلت وحده..يلا خلاص هاي اخر وحده كيف اكتب عن غيابك وانا بغيابك غياب ماني قايلك عذاب شي اشد من العذاب شي مثل الاكتئاب شي مثل الاغتراب شي مثل الاظطراب باختصار تقدر تسمي غيابك موووت في"عز الشباب" بندت الدفتر: احسلي اطلع قبل لا ايي ..والله كلماته تدخل القلب يا بخت اللي بتاخذك.. تمت اطالع الدفتر:ياربي والله هذي اخر صفحه ابطلها.. كل شي فيك انت حلو..لا تقول وش فيني حلو..شعرك..عيونك..بسمتك..كل شي فيك انت حلو.. مرات اجي اشبهك احتار كيف اشبهك..انت القمر..شفت القمر ما تشبه هو يشبهك..m.. مريوم: والله وطلعت تحب يا ثنوي..لا بعد وحده بحرف الميم ويوم خلصت جملتها دخل ثاني الحجره وكان يكلم تلفون يوم شافته انجلطت مكانها من الصدمه وثاني من شافها مانزل عينه عنها مرت دقيقه ولا حد من الاثنين تحرك بعدين طلع ثاني وتمنت مريوم لو انها تختفي من الوجود بهالحظه قامت وسارت عند الباب ويوم طلعت مسكها ثاني من جتفها ولفها صوبه ثاني يقول حق الطرف الثاني في التلفون: منى لحظه لو سمحتي (خذا الدفتر من ايد مريوم..لان يوم طلعت شلت الدفتر معاها بدون ما تحس( مريوم في خاطرها: ياربي كيف شليته معاي..ارتفع الدم بويها واحمر ..تركها ثاني وسارت تربع حجرتها ودخل ثاني حجرته في بيت ابو مبارك في حجرت ميثوه ويزوي ميثوه:والله انه سخيف ليش ما يا عشان يباركلي بالعيد يزوي:لاوالله ..ليش شو يقربلج ميثوه:يعني ما يسد انه يحبني يزوي:ممكن يوم سافر نساج ميثوه:فال الله ولا فالج ..يويهج يالدبه مب منج من اللي يجابلج يزوي: يعني الواحد مايقدر يمزح معاج ميثوه:احر ما عندي لبرد ما عندج..انزل تحت احسلي ونزلت تحت في الصاله ميثوه:امايا ملانه ام مبارك: سيري لبسي عشان نسير عند خالتج ميثوه:مافيني ام مبارك:اقول حامد اخباره ربيعك منصور ميثوه من سمعت الاسم انتبهت للسالفه حامد:منصور الريال معيد ..من فتره متعرف على وحده كويته ميثوه مش مستوعبه شو يقول حامد من الصدمه ام مبارك: وشو يباها الكويتيه حامد: قالتله بس هو يسمع..تزوجها الاسبوع اللي طاف والحين هم في ايطاليا ميثوه: لا اتطلع اشاعات على الريال ام مبارك: سكتي انتي يعني يجذب عليج ميثوه:لو صدق عرس لو عزمونه اهله حامد:ترى يالذكيه اهله مايدرون ام مبارك:هذا انتو يالشباب ..الله يهديكم ..لا يكون انته بعد ماخذ وحده من ورانا حامد:تطمني مب ماخذ (في خاطره عندي وحده تسوى الدنيا وما فيها..احبج يافطيم( ميثوه:مادري ليش احسك جذاب حامد:شفيج انتي والله مثوه حست الدنيا ادور حواليها نزلت دمعه من عينه ومسحتها بسرعه لاحد يشوفها بس كانت دمعاتها اسرع عنها وشافتها امها ام مبارك: ميثوه حبيبتي شو فيج التفت حامد عليها ميثوه:هاا .. اانا ..المسلسل حامد مستغرب :شو فيه المسلسل مايصيح ميثوه:هي بس ...البنيه ذكرتني بربيعتي الله يرحمها..(قامت) ..برايكم بسير ارقد وسارت فوق ويوم دخلت الحجره انهارت وتمت تصيح لين ما رقدت..دخلت يزوي الحجره وبطلت الليت وشافت ميثوه راقده استغربت وبندته وطلعت وعلى العشاء فليل كانت عايلة ابو احمد يطالعون التلفزيون ابو احمد : فطوم فطوم : لبيه ابويا ابو احمد : هزاع يبى يملج بعد اسبوع وانا ما عندي خلاف ..هاااا شو قلتي فطوم : ابويا شو اسبوع بعدني ما اشتريت شيء ابو احمد : بتملجين انتي ولا بتعرسين فطوم : انزين كيفكم ونشت وسارت حجرتها فطوم اتكلم عمرها صدق اني منحوسة يعني احمد ولد خالي يحبني وانا ما احبه والي احبه احس مب مهتم فيني والحين باخذ واحد ما احبه ولا احس باي شي باتجاهه ومادري اذا يحبني ولا لا ...اااااااااه يا حامد ماتدري شو استوالي بشوفتك . ياويلي شو بيسوي يوم يدري اني خلاص خليته.. بس بصراحه واايد تغير وحلو اكثر ..اف خلاص لازم انساه وابدء حياتي مع هزاع في خامس يوم في العيد في بيت ابو مبارك في حجرت ميثوه ويزوي يزوي: متى بنسير عشان نتشرى حق ملجت فطامي ميثوه: ................................ يزوي:ميثوووه ميثوه:شو تبين يزوي :شفيج ميثوه:مافيني شي وطلعت ميثوه من الحجره يزوي:شفيها هاي ..احسلي انزل تحت اقولهم يودوني السوق ونزلت تحت في الصاله يزوي:ابوي حبيبي ابى اسير السوق ابو مبارك :مافيني سيري انتي وامج يزوي :امي سارت مزيد دخل حامد الصاله ابو مبارك : خلي حامد يوديكم حامد:وين اوديكم يزوي :السوق حامد:ليش ..شو عندج يزوي: ابى اشتري ملابس حق ملجت فطوم حامد: شووووووووووو ..ملجت فطوم؟..اي فطوم انشالله يزوي: يعني أي فطووم بالله..فطوم بنت عمي محمد حامد:انتي شو قاعده تقولين يزوي بصوت واطي:يووه ..شو اللي لقفني وخلني اتكلم (خلته وسارت عنه فوق( ابو مبارك: بعد ماسافرت بكم يوم خطبها ولد ابوراشد هزاع حامد: وهي وافقت طبعا ابو مبارك:هي من حقها حامد منصدم: شو من حقها وانا .. انا وين سرت ابومبارك:انت لو كنت صدق تعزها وتباها لو ملجت عليها قبل ما تسير او قلت حجزوا البنت حقي الين ما ارد من السفر حامد:لاني كنت متاكد انها لي ومحد بتجرأ ياخذها ابو مبارك:لا والله وانته تتحراها لعبه عشان تكون لك..بصراحه يوم ياني عمك وقالي ماقدرت اعارضه واقوله انها لك لانك ما قلت حجزولي فطوم قبل ماتسافر حامد:وماقدرتوا ادوقولي وتسألوني .. حرام عليكم ظلمتوني(وطلع بسرعه برع البيت وهو يصيح وبطلعته دخل محمدوه( محمدوه:السلام عليكم (حب راس ابوه( ابومبارك: وعليكم السلام والرحمه محمدوه:شفيه حامد ابو مبارك:الله يخليك محمدوه اسكت مالي خلق اكلم حد (قام وسار حجرته( محمدوه: شفيهم هذيلا ..حمدالله والشكر ..احسلي ادق حق حامد واشوف شوفيه دق مره مرتين ثلاث محمدوه:شفيه هذا ما يرد على التلفون(ودقله مره ثانيه) توه مايرد الحين مغلق..اووف اسير ارقد احسلي في حجرت بروك كان يالس يطالع التلفزيون جان يرن تلفونه بروك:افففففف.. شو تبى هذي بعد..(رد على التلفون)..الو موزه:هلا والله بحبيبي وعمري و حياتي بروك:هلا موزه..شحالج موزه:استويت بخير يوم سمعت صوتك..حبيبي وينك ما تسال عني بروك:غصب عني تعرفين اني واايد مشغول هالايام اسمحيلي موزه: مسموح يابعد كلي وطوايفي..بس بشرط تيني باجر بروك:اييييج ..باجر.. موزه: هي حبيبي انا من زمان ما شفتك من ملجتنا..مادري شو فيك قبل الملجه كنت تذبحني بتلفوناتك ومسجاتك وزياراتك ..والحين مادري شو اللي تغير بروك بصوت واطي: لاني كنت قرد قبل الملجه اما الحين عقلت ..بس بعد شو موزه: حبيبي ممكن تعلي صوتك ما اسمك بروك: من عيوني..خلاص انشالله ورى باجر ياينج موزه:صدق حبيبي ..ياي ماتتخيل شكثر انا فرحانه بروك تخيل مريوم اللي تضحك جان يقول :انشالله دوم يا حبيبتي وقعدو تسولف وبروك في عالم ثاني في بيت ابو احمد في الصاله مريوم:الحين كلهم بعرسون وبخلوني بروحي..عانس ابو احمد:احسن خليهم يعرسون ويفكونا من الصدعه ..وعشان يفضالج البيت مريوم:و شو الفايده يوم يفضى البيت ابو احمد: ترا يا الذكيه يوم يفضى البيت لج نحن نتفيجلج وبكون كل الدلع لج..اللي تبيه يستوي واللي في خاطرج اييج الهنوف:دعايه مشالله ابو احمد: وازيدج من الشعر بيت يوم نفتك منهم مابنخلي مكان الا بنسيره ولابلده الا رايحينها مريوم:يا عيني من قدي الهنوف:لا والله يعني هذا كله ما طلع الا يوم بنعرس..خلاص ما بعرس يالسه على قلبكم مريوم:يله ولي ..الغيره تقتل صاحبها.. ابو احمد:صح لسانج ..درر ما شالله الهنوف :هي مره ام احمد يايه من المطبخ ام احمد:يلا قوموا تعشو بسكم من الهذره مريوم: انا ماريد عشى بسير ارقد ام احمد:ليش امايا شو ماكله مريوم:ولاشي بس مب يوعانه..(وقامت عشان تسير)..تعالو وين فطوم الهنوف:في حجرتها مريوم:غريبه..تصبحون على خير الكل :وانتي من اهل الخير سارت فوق عند حجرت فطوم وبطلت الباب شوي شوي مريوم:فطوم..فطوم.. فطوم:دخلي شو تبين مريوم دخلت وسكرت الباب وراها وكانت الحجره ظلام جان تدعم بالكرسي وتخرطفت فطوم: مريوم..شو سويتي (بطلت الابجوره( مريوم: يويهج بدال ما تخافين علي وتقولين شو استوالج (قامت وسارت ونقزت على السريروتلحفت( فطوم:خيبه كسرتي السرير مريوم:فدوه عني يا حبيبتي ..تصدقين متولها عليج واايد..من زمان ما سولفت معاج فطوم:متجابلين 24 ساعه وكل هذا ماتسولفين معاي مريوم:لا بس.. تعرفين شو اقصد فطوم:شو تقصدين مريوم: اوووف منج مب منج من اللي اييج (قامت عن السرير( فطوم:تعالي يالزعوله قاعده امزح مريوم:انا حالتي حاله وانتي قاعده تمزحين فطوم:شو فيج بعد ردت مريوم على السرير مريوم:ماعرف كيف اقولج فطوم:بعد كيف تقوليلي ..قوليلي نفس الناس مريوم:بس ما تتطنزين ولا تعايبين علي فطوم: تكلمي شو عندج مريوم:فطوم..انا .. فطوم:تكلمي ما باكلج مريوم تتكلم بسرعه:احس يوم اشوف ثاني قلبي يدق بسرعه..احس اني.. فطوم:تحبينه.. مريوم:شو دراج فطوم:ادري اصلا من مايدري في العايله.. مريوم:قولي والله فطوم:اتمصخر مريوم:سخيفه..طيحتي قلبي فطوم:بصراحه ثاني مشالله عليه مسكت..وبصراحه ما بتلقين احسن عنه مريوم:مادري فطوم:شو سويتي اعترفي مريوم:ماشي بس احس اني واايد سخيفه معاه..لدرجه انه مايدانني ..اخاف طحت من عينه فطوم:ليش شو سويتي وخبرتها مريوم بكل شي من يوم ملجت بروك لين ما شافها بحجرته فطوه:يووووووووه عليج بصراحه وايد زودتيها وما ينلام اذا بيكرهج مريوم:لا والله الحين هو البريء فطوم:لااا ..هو كيف صفعج مريوم:دخليلج لا تذكريني ماتتخيلين كيف كرهت عمري هذاك اليوم شوي ويرن تلفون فطوم مريوم:ليش ماتردين..ردي فطوم : رقم غريب ما اعرفه مريوم:ردي ممكن حد تعرفينه بس داقلج من تلفون ثاني ردت فطوم فطوم:الو حامد : انتي بتملجين فطوم منصدمة ان حامد داق حقها ومب عارفة شو اترد عليه ولا مريوم عدالها بعد حامد بصراخ : ردي نطقي فطوم : هيه حامد : لاوالله وين سرت انا ما صدقتي اسافر الا ولقيتيلج واحد ثاني فطوم : حامد بس.. حرام عليك حامد : حراااام..ليش انتي تعرفين الحرام ما قلتي حق روحج اصلا.. انتي خاينة ما تستاهلين احد يحبج وبند التلفون في ويهه فطوم وقعدت فطوم اتصيح مريوم : فطامي شو فيج فطوم : ماشيء مريوم: شو قالج هالحيوان السخيف النذل فطوم ميته من الصياح مريوم:فطوم لا تصيحين والله ما يستاهل الدموع اللي تنزلينها عشانه..هذا انسان ماله احساس او ضمير جان تلوي مريوم على فطوم وتمت تهديها فطوم بعد ما هدت شوي: مريوم حياتي خليني ابى ايلس بروحي مريوم : خلاص حبيبتي انا بظهر بس اذا تبين شي قوليلي فطوم : انزين وظهرت مريوم من الحجرة وقعدت فطوم اتصيح يا ربي ليش يستويلي جي الحين هو الغلطان خلاني انا الغلطانة بس ما يهون علي ياربي احبه وخلاص هزاع بعد يومين بيستوي ريلي يا ربي أي حياة هذي اللي بعيشها بدون روحي.. خلاص تعبت من الحياة ومشاكلها وبندت الابجورة وتمت تصيح لين مارقدت ورد حامد البيت معصب وهو يكلم عمره :لو اموت ما اخلي فطوم تاخذ واحد غيري..وسار حجرة ابوه ودق الباب ابو مبارك :منو ودخل حامد الغرفة حامد : السلام عليكم ابو مبارك : وعليكم السلام والرحمة حامد : ابوي انا ..انا ابو مبارك : انته شو حامد : انا ياي وطالبنك طلب ابو مبارك : شو حامد : ابوي انا ابى فطوم والله بموت ولو ما خذيتها ابومبارك : والله يا حامد انته عارف اني كنت دايما اتمنى فطوم حقك بس الله ما كتب وخلاص الحين البنت سارت في نصيبها وما نقدر انسوي شيء حامد : لا ابوي نقدر ابومبارك : كيف حامد : اتسير عند عمي محمد واتقوله اني ابى فطوم ولا بتزعل عليه وانته اخوه العود ابومبارك : اشووووو ..انته ينيت ولا ينيت حامد : هي ينيت و بين زياده لو ما خذيت فطوم ابومبارك : حامد اعقل خلاص البنت سارت في نصيبها خلاص انساها وانا اخوي ما برمسه حامد : والله اذا ما بترمسه انا برمسه وظهر حامد من البيت ساير صوب بيت عمه وفي حجرة ام احمد وابو احمد ابو احمد : انا احس فطوم وايد متغيرة صح هي رقيقة من يومها ومالها حس وايد بس احسها هاليومين وايد متغيرة مالها حس ابدا وكله في حجرتها واحسها هموم الدنيا فوقها ام احمد :هي والله حتى انا احس نفس الشيء وصايرة حتى اكل ما تاكل ما اعرف شو فيها ابو احمد : ظنج عشان الخطبة يمكن انا غصبتها بدون ما اقصد ام احمد : لا حبيبي ما اظن لان نحنا خليناها على راحتها وهي صلت صلاة استخارة ومحد غصبها ولا ضغط عليها ابو احمد : الله يعين لا زم انرمسها باجر ام احمد : انشاء الله من عيوني ابو احمد : تسلملي هالعيون وصاحبتها والله وسمعوا دق على الباب ابو احمد : منو ايرني : انا ايرني بابا ام احمد : دخلي يا ايرني ابو احمد : شو عندج ايرني ايرني : بابا حامد برع يريد انته ابو احمد : حامد شو عنده الحين ياي ام احمد : نش سير شوفه يمكن احد صايرله شيء ابو احمد : الله يستر وظهر من الحجرة صوب الصالة وكانن مريوم والهنوف في الصالة الهنوف : شو عنده حامد ياي الحين مريوم : مادريبه السخيف شو عنده اكيد شيء مستوي ولا حامد ما بيي الحين الهنوف : يلا احمد عنده الحين في الميلس يوم بيطلع بنسأله مريوم : هي بس ان شاء الله يطلع بسرعة ونزل ابوهم من الدري ابو احمد : السلام عليكم البنات : وعليكم السلام والرحمة ابو احمد :عيل فطوم وين مريوم : راقدة ابو احمد : انزين حامد في الميلس اللي داخل ولا اللي خاري الهنوف : لا اللي داخل وياه احمد ابو احمد : عيل يلا برايكن مريوم : الله يستر ونزلت امهم ويلست عندهم مريوم: ماماتي شو مستوي ام احمد : والله انا حالي من حالج وفي الميلس احمد : انزين انته قولي حامد : ما برمس الين عمي ما ايي ابو احمد : السلام عليكم حامد واحمد : وعليكم السلام والرحمة وسار حامد يسلم على عمه ابو احمد : اشحالك حامد ان شاء الله بخير حامد : بخير يسرك الحال ابو احمد : خير ابويه شو بخاطرك حامد : عمي طالبنك طلبة وما أباك اترديني فيها ابو احمد : افاا... امر انته بس حامد : انا ابى فطوم ابو احمد واحمد انصدموا وقعدو يطالعون بعض ابو احمد : بس فطوم مخطوبة وعقب يومين ملجتها حامد : دخيلك عمي انا اباها.. حرام عليكم اتسوون فيني جذي (دمعت عينه وبعد شوي نزلت دموعه غصبن عنه وحرقت قلب ابو احمد) ابو احمد : بس انت يا حامد ما قلت حجزوا البنت حقي حامد : انا كنت ضامن ان فطوم حقي بس انا ما كنت ادري انها بتوافق على احد غيري وانتو ما قلتو حقي انه انخطبت..ولاسئلتوني ان كنت اباها ولا لأ ابو احمد : اسمع يا حامد والله لانك غالي وعادنك شرات احمد ولدي انا عندي اقتراح ولو واحد غيرك ما سويت له حامد : شو عمي ابو احمد :فطوم ملجتها عقب يومين انا بسالها باجر اذا تباك ولا تبى هزاع اذا بغتك بتعتذر من العرب والله وهم غاليين على قلبي بس عشانك واذا ما بغت مش بايدي شيء كان ما بضغط عليها ولا بجبرها اتسوي أي شيء غصب عنها هاذي حياتها وهي حرة حامد : انزين ابو احمد : والله اني بغيتك حق فطوم بس انته الله هداك احمد: حامد بس عاد الرياييل ما يصيحون حامد:غصب عندي والله لو كنت مكاني جان سويت اللي سويته واكثر وظهروا من الميلس وظهر حامد صوب بيتهم وهو مرتاح ام احمد : خيرشو عنده حامد ابو احمد : ماشيء يلا تصبحون على خير ولحقت ام احمد ريلها الحجرة وقالهاكل شيء وقالو بكرة بشاورون فطوم مريوم : حمود شو عنده حامد احمد: الصراحة صدمنا انا وابو الهنوف : ليش احمد : لان ما بقى على ملجة فطوم غير يومين والحين ياي يقول اباها بس شكله يحبها من الخاطر الهنوف : لا والله الحين تفيج يقول اباها احمد : والله ما ادري بولد عمج ..يلا انا تعبان بسير ارقد الهنوف : حتى انا يلا مريوم يتبـــــــــــــــــــــــــــــع __DEFINE_LIKE_SHARE__ | |
| ||
| |
|
08-12-2008, 02:36 PM
| رقم المشاركة : [ 20 ] | |
| عضو ماسي | وفي اليوم الثاني ابو احمد واحمد وام احمد سارو الدوام والهنوف سارت الجامعه ومريوم المدرسه وفطوم ماداومت لانها كانت تعبانه ومتكسره من كثر الصياح كانت يالسه في الصاله ثاني من وراها:عاش من شافج فطوم:هلا ثاني..شحالك ثاني: بخير دامج بخير فطوم:تصدق من زمان ما جفتك ثاني: لازم دوم يالسه في حجرتج بالله كيف بتشوفيني رن تلفون ثاني ثاني:الو مرحبا هزاع : مرحبتيين..وينك ثاني :بسم الله الرحمن الرحيم..اصبحنا واصبح الملك لله جي الناس يصبحون هزاع: ثنوي مب متفيجلك ..وينك ثاني:في البيت وين بكون بعد هزاع:انزين تلبس عشان بمر عليك ثاني:لا تمر علي ولا تعب عمرك ..بنت عمي يالسه في البيت ولا اقدر اخليها بروحها فطوم:ثاني سير معليك مني..بسير ارقد الحين (سارت حجرتها( هزاع:بنت عمك محمد ثاني:هي هزاع:ـــــــــــــــــــــــــــــــــــــــــــ ثاني: شو فيك هزاع: خطيبتي.. ثاني: خطيبتك..اي خطيبه...هيييييييييي خطبت بنت عمي..ااه يا السبال طلعت داهيه ..لا صدق تعرف تتختار هزاع:ثنوي بلا استهبال اول شي انته ما سئلت وبعدين تدري ان امي اللي خطبتها لي ثاني:هي وحرمتك من وحده ما شفتها..والله ما عندك سالفه انته لو اتشوف فطوم مشا الله عليه تذوب فيها جمال وادب واخلاق لا بعد دلع ..والله انك غبي يوم تقارنها بوحده ماتعرفها هزاع: ادري سمعت هالكلام الف مره من اهلي ..تصدق من كثر ما يمدوحونها بخاطريه اشوفها ثاني:لا تستعيل لانك يوم اتشوفها ماتبى تشل عينك عنها هزاع:ها عن الغلط حدودك لو سمحت اشوفك واايد ماخذ راحتك قاعد تتغزل فيها ثاني:اوووه زين..زين تغار لا في تتطور هزاع:تتطور بعينك..يوم اخذها ما بخلي شي الا بقوله لحبيبت قلبك عن تغزلاتك ياروميو ثاني:ترى يا مجنون ليلى فطوم بكل مواصفاتها ما تي عدال حبيبت القلب هذيج عالم ثاني ..ااااه لو تدري شو يستويلي يوم اشوفها .. هزاع:لاااا حبيبي محد ايي عدال خطيبتي..ولا يسوون ظفره من ريلها ثاني:هااا اشوف لاعب الدور عدل خطيبتي ..ومحد ايي عدالها .. هزاع:كيفييييييييي..مزاجي ما يخصك ..اقول اللي اباه ويلا بسك من الهذربه الحين ياينك وبند عن ثاني هزاع:انا ليش اتكلم عنها جي.. ومع مين مع ولد عمها..والله ما استحي على ويهي في بيت ابو مبارك بعد الغدى دخل بروك عند ميثوه في حجرتها بروك: اقول الميث.. ميثوه:خير شو تبى بروك:خيبه ..اتكلمي عدل انا مب اصغر عيالج ميثوه: بروك الله يخليك اللي فيني كافيني تكلم وقول شو تبى بروك: مره اللي يشوفج هموم الدنيا على راسج.. محد مهموم غيرج ميثوه تمت اتطالعه معصبه ميثوه: شو تبى بروك اتضايج من اسلوبه معاها ..هو المحتاي وجذ يكلمها بروك:سوري ميثوه:لااا بروك ..سامحني انا السخيفه مالي حق اكلمك جي بروك:على شو اسامحج ..انتي اصلا كل شي منج مسل يا عسل ميثوه:ههههه لا ماقدر استحمل..قول قول شو تبى ..فلوس ما عندي بروك:طاعوو هذي.. مادري من ياخذ من الثاني ميثوه:شو اسوي تعرف اني بزنس واحتاج للفلوس بروك:طبعا..صحيح..يا حبيبتي الفلوس وصاحب الفلوس ميثوه تمسك بروك اتشوفه اذا مرتفعه حرارته ميثوه:بسم الله عليك شي فيك بروك:ههههههه..مافيني شي..بس ابى اسألج سؤال بس لا تفهميني غلط...مريوم..تحب حد؟ ميثوه:ــــــــــــــــــــــــــــــــــــــــــــ ـ بروك:شفيج ميثوه:ما شي غير سؤالك صدمني..اكيد مب صاحي بروك:يعني الواحد حرام يسال عن بنت عمه ميثوه:بعد 17 سنه هي..وبعد ما ملجت .. بروك:ايي انتي لا يسير تفكيرج بعيد..اسأل بس ميثوه:لو انه سؤالك غريب بس لأ ما اعتقد..نصيحه لوجه الله لا تفكر باي شي لانها مستحيل تفكرك فيك (ميثوه كانت تدري انه مريوم كانت قبل تحبه ( (وبروك كان يبى يسألها ليش ماتفكر فيه بس خاف تشك فيه..وتاكد بكلام ميثوه ان مريوم مستحيل تحبه..لان ميثوه ما بتقوله جي الا اذا كانت متاكده (100% وتمو يسولفون وبعد شوي ياهم خلوف ويزوي يضحكون خلوف:لحقوو اخوكم الثور شو سوى يزوي :فضحنا الدب عند عمي ميثوه و بروك:شفيكم وخبروهم عن سالفه حامد يوم سارعند عمهم في بيت ابو احمد مريوم راحت حجرت فطوم مريوم:تغديتي فطوم:لا مريوم:يلا خلينا نزل نتغدى فطوم:نزلي انتي ..مب يوعانه مريوم:فطوم انت تبين تذبحين عمرج فطوم:يعني الواحد غصب ياكل الهنوف توها يايه من الجامعه:هي غصب ..ببدل ثيابي بعدين ننزل نتغدى فطوم : انزين يلا ونزلن البنات تحت يتغدون فطوم : متى بتيي اللي تحني مريوم : ليش ما دريت فطوم : شو الهنوف : لا حياتي ما شيء تعرفين حركات مريوم .. قعدت الهنوف اتشوف مريوم بنظرات يعني سكتي فطوم : انزين متى بتي الهنوف : العصر ولا المغرب وقعدوا يسولفون وفي دبي كان بروك ساير عند حرمته موزة : مابى انا زعلانة يعني من ملجنا ما ييت بيتنا وما تكلمني الا مرات بروك تلوم وايد في موزة خاصة انها استوت حرمته لازم خلاص ينسى مريوم بروك : فديت الزعلانين انا ادري اني مقصر وايد بس حبيبي ما كان شيء وقت عقب ملجتنا يا رمضان وتعرفين في رمضان امره ما اتحسين بالوقت موزة : ولو انا حرمتك لازم اتخصصلي من وقتك بروك : انشاء الله من عيوني يعني اهون عليج اتمين زعلانة مني موزة : لا بروك : فديت اللي مايرضى ياربي موزة : لا انته اليوم مش طبيعي بروك شيء فيك وقعدوا يسولفون العصر كانن مريوم وفطوم والهنوف يطالعون مسلسل ودخل الصالة ام احمد وابو احمد ابو احمد وام احمد : السلام عليكم البنات : وعليكم السلام والرحمة ام احمد : ها فطامي فديتج شو اتحسين الحين انشاء الله احسن فطوم : هي احسن ابو احمد : ليش فطامي شو فيج فطوم:ما شيء فديتك بس شوي كنت تعبانة ام احمد : مريوم والهنوف سيرن حطنا فوالة مريوم : امي شيء بشاكير..وبعدين اشمعنى فطوم لا ام احمد : نشي انتي واختج يلا مريوم : انزين ...ما اتخلون الواحد يطالع المسلسل وسارن الهنوف ومريوم المطبخ ابو احمد : فطامي فديتج تعالي عدالنا فطوم : انشاء الله وسارت فطوم ويلست عدال امها وابوها ابو احمد : اشحالج امايا شو فيج فديتج جنى هموم الدنيا كلها عندج فطوم : ماشيء بس افكر بحياتي اليديدة كيف بتكون اقدر اتحمل مسؤوليتها ولا لا ام احمد : فديتج يا فطامي ما اتخيلج بتعرسين وبتسكينين في بيت اروحج بدونا ابو احمد : فطامي انا اعرف انج انخطبتي حق هزاع وانتي ما اتعرفين عنه أي شيء بس اللي قلنا عنه وانتي ملجتج باجر انا اريد اتاكد انج انتي راضية ان يستوي هزاع ريلج ومب عشانا فطوم : ابوي انا صح ما اعرف هزاع بس اللي سمعته منك خلاني اتعلق فيه وبعد انا صليت وارتحت ابو احمد : الحمد الله بس فطامي انتي تدرين ان حامد رد من السفر فطوم : هي ابو احمد: انزين هو ياني امس فليل وقال يباج فطوم : نعـــــــــــــــــــــــــــم............ شو يباني ابوي انا باجر ملجتيه وهو ياي الحين يرمس ام احمد : هي والله شو بيقولون العرب ابو احمد : انا ما يهمني احد غير بنتي ..سمعي فطوم انا بخليج على راحتج اذا تبين هزاع بنكمل الملجة باجر واذا تبين حامد بنوقف الملجة فطوم : ابوي انا......... ابو احمد : فطوم انا مابى ردج الحين فكري زين لان هاي حياتج وعقب انا بسئلج شو اخترتي فطوم : انشاء الله ونشت وسارت الحجرة ودخلن الهنوف ومريوم الصالة الهنوف : وين فطوم ام احمد : سارت فوق وسارت الهنوف صوب فطوم مريوم : نحنا ما صدقنا انا والهنوف تنزل خليتوها تركب فوق مرة ثانية ابو احمد : انتي شو عندج جنى عيوز مسروق عشاها ام احمد : بسم الله على بنتي وقعدت مريوم وياهم اتسولف وفي حجرة فطوم الهنوف : فطامي حبيبي قوليلي شو فيج فطوم : ماشيء بس شوي تعبانة الهنوف : فطوم انا الهنوف مب أي احد عشت وياج 18 سنة فطوم : هنوف احس اني عايشة في دوامة كل ما احس اخيرا بتنفج القى انها مسدودة بس سراب هنوف : ليش فطوم : هنوف انا بعترفلج بكل شيء وانتي حكمي هنوف : انزين فطوم : انا من يوم كنت صغيرة كنت احب حامد وهو كان عادي بس عقب صار يحبني هنوف : هو قالج فطوم : هي ووعدنا انكمل حياتنا مع بعض بس طلع حامد خاين ما خلى بنية الا غازلها وعنده صورة بنية ووقتها يا هزاع يخطبني وحسيت ان هزاع هو حبل النجاة حقي وخاصة انه ولد اربيع ابوي ما كنت اريد مشاكل تستوي بسببي وكنت احاول انسى حامد وما افكر فيه ويوم بديت انساه واربط عمري بشخص مجهول رد حامد من السفر وهو يريدني ..انا محتارة كيف اترك حبل نجاتي وشخص خلاص احس عمري مرتبطة فيه حق انسان انا حبيته واحاول انساه وهو بنظري خاين ..قوليلي شو اسوي هنوف :حياتي فطيم كل هذا فيج حياتي انا ما اريد ادخل بقرارج بس فكري زين وفكري بمستقبل منو اتحسين الشخص اللي يناسبج وممكن اتعشين وياه باقي عمرج وفي الصالة رن تلفون ابو احمد ابو احمد : الو مرحبا ابو جابر : مرحبتين اشحالك ابو احمد : ابو جابر شو بلاه صوتك جذي ابو جابر : حرمت جابر.. ابو احمد : شو فيها ابو جابر : ماتت ابو احمد : لا اله الا الله انا لله وانا اليه لا راجعون عظم الله اجرك ابو جابر : واجرك ابو احمد : كيف ماتت ابو جابر : بعد ما ربت يتها حمى وماتت ابو احمد : الله يرحمها خلاص انا بتشاور ويا الاهل ان بسير قطر وبرد عليك ابو جابر : انشاء الله دقلي من خط قطر ابو احمد : انشاء الله مع السلامة ام احمد : شو فيك محمد ابو احمد : حرمت جابر ماتت ام احمد : لا حول ولا قوت الا بالله مريوم : لااااااااا مستحيل كيف.. والبيبي ابو احمد : سيري زقري اخواتج وانا بدق حق ابوهزاع ودق ابو احمد حق ابوهزاع واتفقوا انهم يؤجلون الملجة 3 اسابيع دخلت مريوم حجرة فطوم كان شكلها شوي وبتصيح فطوم : مريامي شو فيج مريوم : ابوي يباكم تحت الهنوف : ليش مريوم شو صاير مريوم : ماشيء بس ابسرعة نزلو تحت ابوي يباكم وظهرن الهنوف وفطوم من الحجرة ونزلن تحت الهنوف : هلا ابوي شو مستوي ام احمد : تعالن يلسن ابو احمد : حرمت جابر توفت فطوم : لااا.. حرام... الهنوف : يا حليلها كيف ابو احمد : بعد ماربت يتها حمى وعقب توفت الله يرحمها الجميع : آمين ابو احمد : نحنا لازم انسير انعزيهم .. منو بيسير الهنوف : ابوي انا وفطوم ما نقدر ورانا جامعة ابو احمد : خلاص بسير انا وامكم واحمد اخوكم مريوم : انا بعد بسير ابوي حرام سارة هناك محد عندها ام اجمد : والمدرسة مريوم : الا هو كم يوم الهنوف : صح لان سارة حليلها محد عندها ابو احمد : خلاص بدق الحين حق احمد يحجز اربع تذاكر حقنا وفطوم وهنوف سيرن حطن شنطكن باجر قبل ما انسافر بنوديكم عند بيت اماية الهنوف : انشاء الله ابو احمد : فطامي ترى ملجتج اتؤجلت الين 3 اسابيع وانتي فكري بلي صار بينا على راحتج فطوم : انشاء الله ودق ابو احمد حق احمد وقاله يحجز اربع تذاكر صوب قطر وفي بيت ابومبارك ابومبارك : يعني الحين منو بسير منكم ام مبارك : يا ابو مبارك انا شوري انسير انا وانته وخليفة و امك بس ما نبى انضيق على احد ابومبارك : صدقج والله الحين كل واحد حالته حالة خلاص بنحجز ويا حجز ابو احمد وحجزوا يتــــــــــــــــــــــــــــــبع..~ __DEFINE_LIKE_SHARE__ | |
| ||
| |
|
| مواقع النشر (المفضلة) |
العرض العادي
| |
المواضيع المتشابهه | ||||
| الموضوع | كاتب الموضوع | المنتدى | مشاركات | آخر مشاركة |
| ₪₪ للمرهـ الثالثة فرزاتشي×كريستيان اديقير×رالف لورين والكثير+ آراء من تعاملو معي ₪₪ | محروم.كوم | منتدى أخبار المواقع والمنتديات العربية والأجنبية | 0 | 06-06-2010 10:50 AM |
| ₪ ₪ ... الفيتو والطير الكلاسيكي وسالفته مع الصقار الغربي ... ₪ ₪ | محروم.كوم | منتدى أخبار المواقع والمنتديات العربية والأجنبية | 0 | 09-02-2009 11:50 PM |
| ₪ ₪ ... الفيتو والطير الكلاسيكي وسالفته مع الصقار الغربي ... ₪ ₪ | محروم.كوم | منتدى أخبار المواقع والمنتديات العربية والأجنبية | 0 | 09-02-2009 11:30 PM |
| ₪ ₪ .. ذكريات الصقار ( محيسن العاكور ) ومرافقة الملك خالد 66 عام .. ₪ ₪ | محروم.كوم | منتدى أخبار المواقع والمنتديات العربية والأجنبية | 0 | 07-04-2009 11:50 AM |
الساعة الآن 11:10 PM
- اخبار رياضية
- اخبار الامارات
- اخبار ريال مدريد
- اخبار برشلونه
- العاب فلاش
- مسلسلات وافلام
- مسجات
- فيديو كليبات
- سيارات للبيع
- ارقام سيارات
- ارقام هواتف
- هواتف للبيع
- حيوانات للبيع
- قوارب ويخوت للبيع
- ملابس واكسسوارات
- ساعات ومجوهرات
- اناشيد اسلامية
- نغمات اناشيد
- نغمات اسلامية
- ادعية اسلامية
- رقية شرعية
- قران كريم
- ديبيات اسلامية
- اذكار المسلم
1 2 3 4 5 6 7 8 9 10 11 12 13 14 15 16 17 18 19 20 21 22 23 24 25 26 27 28 29 30 31 32 33 34 35 36 37 38 39 40 41 42 43 44 45 46 47 48 49 50 51 52 53 54 55 56 57 58 59 60 61 62 63 64 65 66 67 68 69 70 71 72 73 74 75 76 77 78 79 80 81 82 83 84 85 86 87 88 89 90 91 92 93 94 95 96 97 98 99 100 101 102 103 104 105 106 107 108 109 110 111 112 113 114 115 116 117 118 119 120 121 122 123 124 125 126 127 128 129 130 131 132 133 134 135 136 137 138 139 140 141 142 143 144 145 146 147 148 149 150 151 152 153 154 155 156 157 158 159 160 161 162 163 164 165 166 167 168 169 170 171 172 173 174 175 176 177 178 179 180 181 182 183 184 185 186 187 188 189 190 191 192 193 194 195 196 197 198 199 200 201 202 203 204 205 206 207 208 209 210 211 212 213 214 215 216 217 218 219 220 221 222 223 224 225 226 227