| ||||||
| قصص و روايات تهتم بالقصص المنقوله وقصص الاعضاء الطويلة والقصيرة |
 |
| | LinkBack | أدوات الموضوع | انواع عرض الموضوع |
08-12-2008, 02:25 PM
| رقم المشاركة : [ 11 ] | |
| عضو ماسي  |  في بيت ام راشد كانو يتريقون ام راشد وابوه وهزاع وخالد ومهره مخطوبة ام راشد: هزاع حبيبي ليش ما تعرس وتريحني هزاع: مستعيله على شو امايا كل عيالج معرسين غير انا وخالد ومهرة ام راشد : عاد انته غير انته قلبي مهره وخالد: ونحن وين سرنا ام راشد: وانتو بعد قلبي بس انتو مجابليني اربع وعشرين ساعه وهو من اسبوع لين اسبوع وانتو تعرفون قلب الام ماتقدر تصبر عن شوفت عيالها هزاع: فديتج انا يا عمري خالد: انا بسير اشتغل بعيد عنكم عشان ادلعيني ام راشد تضرب خالد على جتفه: هاللي ناقص بعد يلا يلا قوم على شغلك ابو راشد: الله يعيني ماخذ وحده عيالها ماخذين عقلها وطابتني وانا مالي نصيب من حبج ودلعج يا الغاليه ام راشد: لا عاد انته غير انته ابو عيالي وكل شي في حياتي انته اللي باقلي في الدنيا..اما هم كل واحد منهم بيعرس وبخليني هزاع: افااا امايا اصلا يوم بعرس بييب حرمتيه بخليها تخدمج ام راشد: يوم بتيبها بخليها بعيوني انا اللي بخدمها مهره: هي من هاي المحظوظه ابو راشد: انت خلوه يعرس بعدين تكلمو ام راشد: هزاع حبيبي ابا اطلبك هزاع: آمري ام راشد : ما يامر عليك عدو خاد يطنز: شبيك لبيك هزاع بين ايديك ام راشد: جب انته قوم اجلب ويهك هزاع: دواك تستاهل ام راشد: شفت وحده في الملجه امس وعيبتني واباها لك مهره: عشان جذي تبينه يعرس ام راشد: لاوالله يا بنتي فخاطري اجوفه ويا عياله قبل مااسير واخليكم هزاع: بسم الله عليج يعلني انا ولاانتي.. امايا وغلاتي عندج ما اسمعج تقولين هالكلام مره ثانيه ام راشد: فديتك يا الغالي الله لا يحرمني منك وقام هزاع وحب راس امه وقبل ما يظهر يظهر قال حقها: اللي تعيبج وتشوفينها زينه حقي خطبيها وانا موافق عليها (وظهر) وظهرو وراه ابو راشد وخالد عشان يسيرون الشغل وفي بيت ام جمعة سلوى : بابا انا ابى اسير بيت عمتيه خالد : انزين حطي قشارج وبوديج عندهم نعيمة: ليش مليتي عندنا سلوى : ايي الصراحة انتي عند بابا وانا محد عندي وهناك بيتهم كل بنات عشان جذي ام جمعة : افا انا وين سرت سلوى : امايا انتي كل في العزبة او عند النخل خالد : خلاص جهزي اغراضج الحين ويوم تخلصين بوديج سلوى : انزين الحين بسير وسارت سلوى تحط اغراضها نعيمة : حبيبي عيل وين احمد وعادل خالد: ساروا العين مول ويرن تلفون خالد وكان ابو احمد ابو احمد : الو مرحبا خالد : مرحبتين شحالك الغالي ابو احمد : الحمد الله يسرك الحال اقول خالد : آمر ابو احمد : ما يأمر عليك عدو بنسير نتعشى في البر بتخاوينا خالد : من عيوني بس ويا منو ابو احمد : محد غريب انا وام احمد والعيال خالد : انشاء الله بنجهز وبني صوبكم ابو احمد : يلا لاتتاخر خالد : انشاء الله مع السلامة ابو احمد : مع السلامة ودق خالد حق عياله وقالهم ايون بسرعة من العين مول عشان يسرون وياهم البر ودق ابو احمد حق اخوه ابو جابر وقاله ايسير معاهم العزبه وفي بيت ابو احمد ابواحمد : خلاص دقيت حق خالد وابوجابر وقلتلهم انا بسير ام احمد : متى بيون ابو احمد : قال بيجهزون وبيون هم وعيالهم ام احمد : وامك رمستها ابو احمد : لا لاني لو رمستها بتقول بيي ولو تعبانة بس عشان ما اترديني وهي الحين موعد رقادها عشان جذي ماقلتلها ام احمد : فديت عمتيه والله ماتخلي حد فخاطره شيء عليها ابو احمد : عيل وين البنات عشان يجهزن ام احمد : ايرني ايرني : نعم ماما ام احمد : سيري زقري فطوم ومريوم وهنوف قليلهم ماما يريد تحت ايرني : انزين ماما وسارت ايرني تزقر البنات ام احمد : احمد عيل وين ما بيسير ويانا ابو احمد : لا سار ابوظبي ام احمد : اشعنده ابوظبي ليش تخليه يسير فليل ابو احمد : يابنت الحلال ما عليه من شر وهو ساير ويا ربعه يعني ارده واقوله لا اتسير يسد شغله والجامعة كل يوم خليه يرفه عن عمره شوي ام احمد : الله يعين ونزلن البنات من الصالة البنات : السلام عليكم ابو احمد وام احمد : وعليكم السلام والرحمة الهنوف : شو امايا ابو احمد : سيرن لبسن بنسير نتعشى في البر وبسير ويانا خالج وعمج ويا عيالهم فطوم تصاصر مريوم : كيف بجابل احمد مريوم بصوت واطي : سكتي لا ابوي يسمعج ام احمد : شو عندكن فطوم ومريوم : ماشيء بس انقول انشاء الله البنات : نحن بنسير نتلبس وكل وحدة سارت حجرتها تتلبس وفي بيت ابو مبارك خليفة : امايا ام مبارك : امر ابوية شو تبى خليفة : ابى اعرس ام مبارك : هاي الساعة المباركة من بكرة بدورلك وحدة خليفة : لا اماية استريحي هي موجودة بس اباج تخطبينها حقي ام مبارك : منو خليفة : سارة بنت عمي جابر ام مبارك : فديتك زين ما اخترت انشاء الله باجر برمسهم كم خليفة انا عندي خليفة : تسلمي لي اماية محمد : شو عندكم لو سمحت خل امي بعيد عنك هاي امي بس انا خليفة : لا والله ام مبارك : كلكم عيالي محمد : بس انا غير ام مبارك : وانا اقول خلاص محمد كبر وحاطة بنية في بالي عشان اخطبها حقك بس مش ويه عرس انته محمد : افا خلاص اماية بصير عاقل بس خطبيها حقي اريد اعرس (في خاطره خطبيلي وحده مثل الهنوف( ام مبارك : يوم بشوفك عاقل بروحي بسير وبخطبها ودام انك باقي على خبالك امرة بمسحها الخطبة من بالي محمد : ا افا عليج وقعدوا يسولفون وفي بيت ابو احمد كان ابو احمد وابوجابر وجابر ومنصور (ولد ابو جابر بس من حرمة ثانية) وخالد وولده احمد وعادل يجهزون السيايير ابو احمد: وين ثاني مابسير ويانا ابوجابر: لا مابسير هو من الامس معيد عند ربعه ابو احمد : الله يهديهم هالشباب ابو احمد: قالي ببات عند ربيعه ويا سيره كوني سيره ما شفناه من عقبها وكانت نعيمة وسلوى في الصالة الي تحت ويا ام احمد والهنوف وقالت ام احمد حق البشكارة اتشل اغراض سلوى وتوديها غرفة الضيوف الي فوق وتزقر فطوم ومريوم عشان ينزلون تحت كانن فطوم ومريوم يطالعون مسلسل انجليزي (days in our lives) ويتهم البشكارة وقالتلهم ينزلون تحت فطوم : مريوم تحدين قبل كان عندنا العاب الرمل وينهن مريوم :مادري يمكن في الغرفة الي في السطح فوق فطوم : بسير اييبهم مريوم : اوكي وانا بسير اطالع اذا حطو شبس وحلاوة فطوم : اوكي وسارت فطوم عشان تيب العاب الرمل ويوم وصلت السطح سارت صوب الغرفة الي بالسطح وفتحتها وطلعت العاب من السطح وعقب يوم خلصت صكت الباب وراها وسارت اتوايج على بيت يرانهم لان قالت امها انهم محد وبيتهم فيه حديقة حلوة كلها خضرة وبنصها قعدة وايد حلوة وفطوم تحب اطالعها كل ما اتسير السطح وهي يالسة اتطالع سمعت صوت انصدمت قالت وين مصدر هالصوت وقعدت اتركز في البيت وانصدمت انه في قعدة جدام البيت وفيها اربع شباب فطوم ماتت من الخوف ونزلت تحت بسرعة وهي تقول في خاطره ياويلي لو شافوني شو بقولون عني ونزلت وسلمت على عمتها وسلوى وشلت فطوم من عمتها ويلستها على حضنها وقعدت اتحببها على خدودها وتلعب وياها نعيمة : فطوم ليش جي مستوية هلكانة فطوم : ليش الجامعة مخلية فيني روح نعيمة : الله يعينج مريوم غيرت ملابسها (لانها حست بضيجه يوم تذكرت امس) ونزلت عندهم فطوم: مريوم ليش بدلتي ملابسج مابتسيرين مريوم: لا مالي خلق نعيمه: يالله يالدلع يلا قومي بدلي كلنا سيرين مريوم: والله مالي نفس ساره :يلا احسن عشان انا بعد مافيني اسير الهنوف: ليش بنستانس هناك ساره: ادري بس ماباخذ راحتيه هناك استحي من خالج وعياله سلوى: عادي بابا واخواني طيبين وبتحسينهم نفس اهلج فطوم:ريحي عمرج وقولي ماتبين تسيرين ساروه: حرااام عليج والله استحي وبعدين تبين الريم تيلس بروحها مريوم: فديتج صرصوروه ودخل ابوحمد: يلا يلا قوموا شكلكم معيدين ما تبون تسيرون الكل : يلا قايمين ركبو السيارة وسارو صوب العزبه في بيت ابو راشد في غرفه الضيوف: ثاني يلا قوم خلنا نسير عند الشباب بسك من يلست البيت ثاني: هزاع برايك سير مالي نفس هزاع: ثاني لاتسوي بعمرك جي اللي استوى استوى وحاول تعوضه باللي بيي ثاني: ما اقدر انسى اللى سويته بكل لحظه ينعاد جدامي هزاع: ليش ماتسير عندها تواجها تقولها اللي بقلبك ثاني: ما اقدر ما لي ويه اشوفها بعد اللي سويته في بيت ابو مبارك كان حامد برع يترى منصور ربيعه وياه منصور وميثوه اول ما سمعت صوت سيارة منصور سيده سارت تلصق بالدريشة (حليلها من كثر ما اتحبه حافظة صوت سيارته ( ميثوه : آه متى بيحس فيني يزوي : حلمي ميثوه : ليش انشاء الله انتي كنتي تحبين احمد وخذاج يزوي : انا والله بنت عمه يعني يشوفني لكن هو شافج مرة وحدة ويمكن بعد ما يتذكرج ميثوه: جب جب لازم تضايجين الواحد بعدت عند الدريشه وطلعت برع الحجرة وحامد ومنصور طلعو من البيت (حامد ومنصور كل من في الحاره يعرفهم من ازعاجهم حتى الشرطه يشتكون منهم مايخلون اهل الحاره يرقدون بالويلات( في الطريج جافو بنت تمشي بروحها ويالسه تتمخطر جان ايون عدالها ويبطل منصور الدريشه ويلس يرقمها وهي يالسه تتضحك وتمشي والتفتت عليه ويوم شافها منصور انجلط لانها كانت سودانيه ويوم شافها حامد نقع ضحك عليه حامد: دواك تستاهل هذا مستواك منصور: جب جب هذا من نحاستك لانك وياي حامد: هي صح اصلا من يومك ما تعرف تتنقى يازين ماتنقيت منصور: شو عرفك انته .. انته اصلا ما شفت البنيه عدل شو حلاتها قمر14.. حامد: هي مره وبطل الدريشه منصور وعطاها رقم محمدوه وقال حق حامد: اقول عطني التلفون خلني اكلم محمدوه ابركلي وخذا تلفونه ودق حق محمدوه منصور: هلا والله بالشيخ شحالك محمد: بخير شو عندك منصور :أفاااا جزاني داقلك ومتعني عشان اوصلك كلام من وحده محمد: لا صدق منصور : تتحراني جذاب.. انزين تريا وهي بدقلك بس ما اوصيك عليها تراها غاليه وبند عنه وحامد ناقع ضحك لانه عارف انه يقصد السودانيه بعد ما بند منصور رن تلفون محمدوه محمدوه: الو مرحبا السودانيه: مرحبتين.. شحالك اخوي محمدوه ما عرف انها سودانيه لانها تتكلم مواطن ورد : بخير الحمد الله دامي سمعت صوتج وتمو يسولفون وقبل مايبند قالها يبى يطالعها السودانيه: الحين محمدوه: هي حبيبتي ما اقدر استحمل لازم اشوفج الحين السودانيه: اممممممممممممممم خلاص اوكي انا بسير كرفور تعال هناك محمدوه:اوكي وبند عنها وسار كارفور في العزبه كانو كلهم يالسين ويا بعض سوالف وضحك الا احمد حاس بضيقه لانه كان يحب فطوم ويوم خطبها ردته وبالصدفه طاحت عين فطوم بعينه وكان يطالعها بنظرات لوم وعتاب وتمنت فطوم بهاي اللحظه ان الارض تنشق وتبلعها ولفت ويها عنه ابو احمد : ام احمد وين القهوة ام احمد : فطيم نشي سوي قهوه حق ابوج فطوم : ان شاء الله وسارت فطوم تسوي القهوة ويوم قامت رن تلفون عادل فقام عندهم ويوم خلص شاف فطوم بروحها وسار عندها (علاقه فطوم وعادل مثل اخ واخته( عادل: الله يعين اللي بشرب قهوتج بيترقد في المستشفى فطوم: اصلا يحبون ايدهم مجلبه يسد ان الشيخه فاطمة مسوتنها والكل يتمنى يذوقها (يوم خلصت حطتها في الدله ونشت وسارت صوب امها( فطوم تكلم عادل: يويلك ان شربت منها . عادل: افاا ليش فطوم: عشان ماتتسمم ام احمد : فطوم فديتج ودي القهوة عند ابوج فطوم ما تبى اتسير هناك عشان احمد الهنوف : فطوم هاتي الدلة انا بصب فطوم تصاصر الهنوف : مشكورة حياتي الهنوف بصوت واطي : حليلي حسيت فيج وكسرتي خاطري ام احمد : يلاسيرن بلاكن واقفات الهنوف : ماشيء وسارت صوبهم وقهوتهم في بيت ابو احمد مريوم وساره يالسين في حجرت مريوم قاعدين يسولفون (كانو مبندين الليت ومشغلين الابجوره يعني مسوين اجواء حق السوالف( ساره:اقول الريم مريوم: امري ساره : مايامر عليج عدو ... تتذكرين يوم اسالج .. اقول خلاص ماشي مريوم: ساروه شوفيج اتكلمي ساره: لا خلاص ماشي سالفه تافها مريوم: لاعادي انا احب السوالف التافها.. ساروه شوفيج حبيبتي تكلمي ساره: تدرين عند خلوف حبيبه مريوم: لا مستحيل خلوف ما اعتقد شودراج ساروه: طالعتها في الملجه مريوم: ياقواتها يت الملجه بعد .. ساروه حبيبي ممكن فهمتيها غلط ساره: لا متأكده والله (تقولها وهي متضايجه( مريوم في خاطرها: يارب ماتذوقين طعم العذاب مثل ماذقته رن تلفون مريوم وكانت ربيعتها فطوم وقالتلها انها بطرشلها شي ساره تفر تلفونها علي الكمدينه:افففففففففففف مريوم: شوفيج ساروه: ثاني مادري شو فيه من امس ادقله ومايرد مريوم:ــــــــــــــــــــــــــــــــــــــــــــ ــــــــــــــــــ ساره: مادري وين سار بعد الملجه واللي قاهرني انه مايرد مريوم: هو ما يى البيت امس عشان يرقد ساره: لا.. مادري وين سار الحبيب كرهت مريوم عمرها على اللى سوته فيه (اااااااااااه ياربي ليش استويت واايد افكر فيه.. لا لا انا مستحيل افكر فيه وبعدين يستاهل اللي ياه.. ( في كارفور كان محمدوه يتريا البنت ورن تلفونه السودانيه: وينك حبيبي محمدوه: عند الباب اترياج السودانيه: الستيشن الذهبيه محمدوه: هي ياقلبي وينج انتي السودانيه: كاني يايه عندك وبندت عنه تقربت من السياره وهي تتمخطر وافتر فيها ويوم اقتربت اكثر انصدم فيها وخلاها وسار عنها ودق حق منصور محمدوه: ادريبك يالسبال من يومك ما تسوي فيني خير منصور: هاهاهاي .. عيبتك محمدوه : ماعليه والله لاردها لك في العزبه كانو يلمون الاغراض وحطوهم فالسيارة وكلن سار بيته في بيت ابواحمد فطوم سارت حجرتها دشت وسكرت الباب وراحت تتسبح ويوم خلصت يلست جدام المنظره تسحي شعرها وهي اطالع المنظره مره وحده تشوف شي يتحرك على سريرها (وفطوم جبانه تخاف على اللي يسوى واللي ما يسوى) وتمت تصارخ باعلى صوت ويت ساره ومريوم يربعن عندها ولقوها ماسكه النعال وتبى تضرب اللي تحت اللحاف مريوم تصارخ: لااااااااااااااااااااا يالسفاحه (وراحت صوب السرير وشلت اللحاف وكانت قطوه شعرانيه صغيره مطرشتنها فطوم ربيعتها ( فطوم: يا خي وع بسرعة شليها يا الوصخه من فوق سريري ايرني ايرني مريوم: ياويهج انظف عنج توني مسبحتنها ساره : كيف دخلت حجرتج من الصبح ندورها فطوم: مادري بس الحين تروحون تقولون حق البشكاره تي عشان تغير اللحاف مريوم: ياويلي عليج بس ياالنظيفه فطوم : لاوالله تبين ارقد والقطوه داست فوقه شلت مريوم القطوه وسارت تزقر البشكاره وسارت حجرتها ترقد هي وساره في اليوم الثاني في الصبح كل سار شغله وفطوم والهنوف سارن الجامعه ومريوم سارت المدرسه في بيت سيف اللي خاطب الهنوف امل وهي نازله من الدري وتكلم البشكاره: قولي حق الدريول يشغل السياره البشكاره: مافي دريويل.. يسير عزبه امول: لاااااااا ياويلي علي امتحان مين بوديني الحين سارت امل عند سيف كان يتريق وكانت امه وابوه هناك امل : سوّاف حبيبي ودني الجامعه سيف: يله ما وراي شغله غيرج... ماما انا عندي دوام مش متفيجلج امل:ياربي ومين بوديني ..(توجه كلامها حق امها وابوها) والله حاله اذا انتو مش قادرين تلبون حايتنا ليش يبتونا ابو سيف: يعني لازم تسيرين اليوم ام سيف: صدقه ابوج ريحي اليوم امل: لاوالله بدال ما تشجعوني على الدراسه سيف: والله تحمدين ربج جان عندج اهل مثلهم امل: الحمد الله .. اقول برايكم بدق حق الهنوف بخليها توديني طبعا سيف كان بيظهر بس يوم سمع اسم الهنوف تم يالس في الصاله امل قبل ماتطلع بطريقه استهزائيه: وراك دوام حق شو يالس لين الحين سيف: جلبي ويهج يالس على قلبج.. والله بيتي وكيفي .. يلا يلا لاتاخرين البنيه امل: يلا سلام (وظهرت وظهر وراها عشان يشوف الهنوف لانه كان وايد متوله عليها.. كانت السياره مخفي بس طبعا من جدام ماشي مخفي فشافها وريح قلبه وكانت لابسه نظارات ويوم شافته استحت وحمدت ربها انها لابسه النظارات( في شركه العايله كان ابو احمد في مكتبه ودخل عليه ابو راشد يوايه ابو احمد ابو احمد: يا حيا الله بابو راشد شحالك وشحال العيال ابو راشد : بخير يسرك الحال شحالك انته ابو احمد : بخير الحمد الله دامي شفتك ابو راشد: انشا الله دوم مش اليوم وبس ابو احمد : الله يخليك لي وما يحرمني منك ابو راشد : طلبتك يا ابو احمد قول تم ابوحمد : والله يا ابو راشد على حسب الطلب اذا اقدر اسويه آمر ابو راشد: لا تقدر تسويه انته بس قول تم ابو احمد: تم ابو راشد: عازمنك انت وام العيال والعيال على العشا يوم الاثنين ابو احمد: غالي والطلب رخيص ورن التلفون السكرتيره: استاز ابو احمد واحد اسمو تاني والتاني هزاع بدهوم اياك ابو احمد: خليهم يدخلون دخل هزاع وثاني سارو يوايهون ابو احمد وابو راشد هزاع: من ورانا تجتمعون..اعترفو شو تبون تسوون ابو راشد: ليش نحنا نقدر نسوي شي بدون ما تدرون ثاني : عيل انتو من دون مراقبتنا ضايعين ابو احمد : سمعو من يتكلم..انت وينك لا خبر ولا علم هزاع: تعرف ياعمي اللي يصاحبني ما يشبع مني ثاني: هي مره قصدك اللي يرابعك تلوع جبده ويكره عمره هزاع: قدها يا السبال ثاني وهو يضحك : افااا عاد نحن نقدر على زعلك.. يزعل العالم ولا تزعل انته علي هزاع: هي الحين توك ريال ثاني: يلا عاد عند الغلط محد يدزلك ويه ابو احمد وابو راشد ناقعين ضحك عليهم في المدرسه آخر الدوام البنات طلعن ومريوم سارت توصل ربيعتها فطوم السياره فطوم: شو رايج بالقطو اللي طرشته مريوم: يخبل وايد حلو وصغنون ويخلي الواحد يحبه غصب عنه .. هو ولد قطوتج فطوم: هي.. ربت من قبل كم اسبوع وابوي قالي مايبى وايد قطاو في البيت ولا بفرهم في الشارع فوزعتهم وعلى فكره اللي عندج احلى واحد مريوم:ــــــــــــــــــــــــــــــــــــــــــــ ــــــــــــــــــــــــــــ فطوم: مريوم..مريوم وين .. وين سرتي .. من هذا اللي ماخذ عقلج مريوم تأشر علي سياره(كروزر): تشوفين هاي السياره داخلها ولد عمي.. اللي قاهرني انه ماعنده حد هني ليش ايي ما ادري فطوم: جذابه هذا ولد عمج ..هذا كل يوم اشوفه هني لا بعد يغازل بنات وتمن يسولفون لين ما وصلت فطوم السياره ودعن بعض وسارت مريوم صوب سيارتها وفي الطريج سمعت حد يكلمها وكان حامد هو وربيعه في سياره الكروزر حامد: يا حلو صوبنا صوبنا مريوم كانت متغشيه ويوم سمعت الصوت انصدمت والتفتت تتاكد وراحت البيت وبعدها مش مصدقه اللي استوه وقررت ما تخبر فطوم عشان ما تاخذ في خاطرها تغدت هي وساره وسارن الحجره يرقدن العصر كانن البنات متجمعين كلهن في الصاله تحت الا مريوم كانت يالسه في الحديقه على المرجيحه وقاعده تلعب مع القطوه وتقولها شو اسميج .. ثاني .. شو هالخبال اللي فيني كان جابر وثاني يايين عشان يشلون ساره دخل جابر وثاني قبل ما يدخل لمح مريوم في الحديقه سار عندها عشان يكلمها شاف القطو بايدها وهي تقولها: حبيبي احبه على الخدود يوم سمعها تذكر مبارك وتردد وخلها وسار داخل مريوم يلست شوي بعدين سارت داخل وقالتلها فطوم تتلبس عشان يسيرون كارفور في بيت ام جمعه ام جمعة : متى بترد جابر ابوظبي ابو جابر : افا امايا مليت مني ام جمعة : لا فديتك بس اتخبر ابوجابر : يمكن اخر الاسبوع ويدخل ابو مبارك ابومبارك : السلام عليكم الكل : وعليكم السلام والرحمة وساروا أبو مبارك ايوايه أخوه ويحب راس أمه ابو مبارك : اشحالج الغالية ام جمعة : يسرك الحال فديتك اشحالك انت وشحال عيالك امره مالهم شوف ولاجني ساكنة وياهم بدار وحدة ابومبارك : الحمد يسرج الحال يا مايا كلن لاهي بشغله ودراسته ولا يهمج بخليهم كلهم ايونج الحين بس انتي امري ام جمعة : ما يامر عليك عدو ابو مبارك : حيا الله ابو جابر اقول ليش منورة العين ابو جابر : منورة بوجودك ابومبارك : اليوم يايينك بطلب ماباك تردين فيه ابو جابر:امر ابو مبارك : ما يامر عليك عدو بغيت بنتك سارة حق خليفة ولدي ابو جابر : والله هاي الساعة المباركة وين بلقا اخير من خليفة والبنت بنتك ابو مبارك : بس شاورها احسن ام جمعة : الله يكتب ما في الخير وفي بيت ابو احمد مريوم : اف ما فيني اسير السوق لازم يعني فطوم : مريوم فديتج لا اتعورين راسي بروحي مصدعة ربيع ابوي باجر عازمنا ماتبين تشترين بدلة وانا الصراحة اريد اخذ كم بدلة حق الجامعة واريد بدلة حق العزيمة يلاسيري لبسي لان عقب ما حد بوديج مريوم : اف انزين فطوم : لا تتاخرين لان انا وامي جاهزين مريوم : والهنوف مابتسير فطوم : لا لان قالت بتسير باجر بروفة حق فستانها مال الملجة من العين مول وعقب قالت اذا لقت بدلة حلوة حق العزيمة بتاخذها واذا ما لقت بتلبس من عندها مريوم :منو بيسير وياها فطوم : سلاوي يا الله سيري لبسي بسرعة بسير اشوف ساروه ونزلت فطوم تحت وسلمت على جابر وثاني فطوم : ساروه قومي لبسي ساروه : ليش فطوم : بنسير كارفور جابر : لا ساروه ما بتسير فطوم : لا جابر حرام عليك خلها اتسير ويانا جابر : ابوي يباها قالي سير ييب اختك تولهت عليها لو مش ابوي يباها جان خليتها اتسير وياج فطوم : دام عمي يباها مرخوصة سارة : عيل بسير البس فطوم : اتقهويتو جابر : هي الحمد الله ثاني : انا الصراحة لا اريد شيء يبرد على قلبي فطوم :انشاء الله ايرني يبي عصير كوكتيل حق ثاني وام احمد نازلة من الدري: حي الله العيال اشحالكم جابر وثاني : بخير يسرج الحال خلوه اشحالج انتي ام احمد : الحمد الله يسركم الحال قربوا غرفة الطعام جابر : تسلمين خالوه تونه ماكلين ثاني : يلا ما استوى عصير فطوم : اف الله يعين الي بتاخذها بسير اشوفه وام احمد سارت اتقول حق الدريول يشغل السيارة ونش جابر عشان يشرب ماي يتبــــــــــــــــــــــــــــــــــــع __DEFINE_LIKE_SHARE__ | |
| ||
 |
|
08-12-2008, 02:26 PM
| رقم المشاركة : [ 12 ] | |
| عضو ماسي | نزلت مريوم من الدري وكانت تكلم ربيعتها يوم وصلت تحت بندت عنها وراحت الصاله وشافت ثاني ويوم شافته كانت تبى تشرد بس ما لحقت لان ثاني شافها ولقاها فرصه عشان يكلمها وقف وتقرب منها ومريوم واقفه مكانها حاسه الدم مرتفع وخدودها محمره وما تعرف شو تسوي ثاني: شحالج الريم مريوم وهي مستحيه منه ما تعرف ليش: بخير.. يسرك الحال ثاني: مريوم... انا.. ويت فطوم وجابر من المطبخ وعطت ثاني كوب العصير فطوم: يلا مريوم امي تتريانا في السياره ونزلت سارة وقالهم جابر يلا وساروا صوب بيت ام جمعة ثاني وجابر وسارة : السلام عليكم ام جمعة وابوجابر : وعليكم السلام والرحمة وقعدوا يتقهوون ابو جابر : سارة تعالي عدالي وسارت سارة صوب ابوها وقالها : سارة الحين مثل ما تعرفين استويتي حرمة وتعرفين الصح من الغلط (سارة اتروعت ما عرفت ابوها شو يبى يقولها) اليوم ياني عمج يباج حق ولده خليفة سارة مرة وحدة صرخت : لا (وعشان ما يفهمون غلط) اقصد اني بعدني صغيرة ابو جابر : سارة يابنتي انتي الحين 22 يعني مش صغيرة على العرس ولد عمج ما بتلقين اخير منه سارة : بس ابوي انا ما اريد اعرس اريد اكمل دراستي ابو جابر : انزين هو بخليج اتكملين سارة : ماريد ماريد ابوي ادخيلك لا تجبرني انا ماريد اعرس الحين (ونزلت دمعه من عينها وهي تتذكر حبيبه خلوف( ابو جابر : خلاص لا اتصحين فديتج خلاص برد عليهم خلاص ريحي عمرج سارة: ابوي فديتك انا الحين ما اريد اعرس الين ما اخلص دراستي عقب خير ابو جابر : برايج فديتج وقال ابو جابر عقب كم يوم بيقول حق اخوه في كارفور ساروا فطوم ومريوم وام احمد برمود لان كان فليل وامهم قالتلهم محل واحد وبيردون البيت فقالو البنات خلاص بنسير برمود فطوم قعدت تختار تنانير وقمصان وخذت كم تنورة وقميص وسارت عند اخر برمود لمحت تنورة عيبتها وكانت مريوم وياها وفطوم هي رافعة التنورة اشوفها وكانت مجابلة الباب وفطوم كانت رافعة غشوة ومخلية غشوة ثانية على ويهها وانصدمت بلّي يستوي جدامها كان حامد يالس يرقم بنت وكان لاصق فيها وايد شوي وبينخش داخلها وعقب فطوم حست الدنيا ادور من حواليها وقالت حق امها يلا ام احمد : خذيت الي تبينه فطوم : هي امي يلا تراني تعبانة ام احمد : انشاء الله مريوم خلصتي مريوم : هي خلصت ام احمد : يلا عيل وساروا البيت وسارت فطوم على طول حجرتها وقفلت الباب وقعدت اتصيح فطوم وهي اتكلم عمرها وهي اتصيح :ليش يسوي جي حرام عليه وهذا وهو يحبني يسوي جي اصلا هو ما يحبني لو يحبني ما رقم غيري ليش سوى جي ياربي ليش وقعدت اتصيح وعقب سمعت احد يدق باب حجرتها فطوم :منو ايرني : ماما يقول تعال تعشي فطوم : قوليلهم مابا اريد ارقد ايرني: انزين وقامت فطوم تبدل ثيابها ولبست بجاما وبلعت حبة بندول وسارت ترقد مريوم استنت سارة الين ما يت وعقب سارن يرقدن الهنوف وسلوى كانن سهرانات على فيلم رعب ويوم خلص وهم يركبون الدري شافهم احمد فنخش على زاوية الدري من فوق عشان يروعهم ويوم وصلو الدري نقز مرة وحدة في ويهم وقعدوا يصارخون وعقب احمد تروع احد ينش وتم يهديهم وعقب سبوه الهنوف وسلوى وكلن سار غرفته يرقد وفي ثاني يوم ام احمد : الهنوف ما بداومين اليوم الهنوف : اليوم ماعندي الا كلاسين وبداوم الكلاس الاول والثاني الدكتور عنده مؤتمر في لندن عشان جي بس بداوم من ثمان الين عشر وعقب برد اشل سلوى وبنسير العين مول ام احمد : الله يعين مريوم يلا تراني بتاخر ترى بروح وبخليج ونزلت مريوم الدري بسرعة وفطوم والهنوف يضحكون عليها مريوم: امايا مش لازم اسير لازم اريح شوي فطوم : الحمد اني اسير ويا الهنوف الهنوف : عشان تعرفين فايدتيه فطوم : اسكتي الله يخليج والله كل يوم تخليني اربع عالصبح توصلني الجامعة وبقى على الكلاس عشر دقايق وانا دوامي اخر الجامعة في الزدات الهنوف : رياضة يا بنتي عشان تحافظين على جسمج فطوم : يلا الهنوف نشي بس اكل لا نتاخر الهنوف : حشى ما اتخلين احد يتهنى في ريوقه سيري شغلي السيارة وبييج وسارت فطوم اتشغل سيارة الهنوف وفي بيت ابو مبارك ميثوه اتصيح : والله حامد بتوله عليك لا اتسير ام امبارك : ياويلي عليك يا حامد منو بيرعاك هناك ويطبخلك حامد : يا امايا فديتج انا ما بهاجر بسير الدورة ويوم بتخلص برد اليازية : بس اربع سنوات مش شوي ما بتخيل البيت بدونك حامد : فديتكم ياربي تراني بيي في الاجازات محمد :يلا حامد لاتتاخر حامد : انزين يبت منصور محمد : هي سرت يبته واغراضه كلهن في السيارة بس انته يلا وعقب حامد سلم على الكل وخذا ميثوه على طرف: ميثانة فديتج سلمي على فطوم وايد وقوليلها اني بتوله عليها وايد وانها دايما بتكون في بالي وقلبي ميثوه : انشاء الله من عيوني كم حامد عندي حامد : تسلملي عيونج يلا مع السلامة وسارت حامد يركب السيارة حامد : عيل وين منصور محمد: سار يشرب ماي في المطبخ اللي برع حامد : اها وسار منصور المطبخ عشان يشرب ماي وهو بخاطره يبى على الاقل بس يلمح ميثوه ويوم دخل المطبخ شاف وحدة يالسة تشرب ماي وعرفها انها ميثة وتخبل ويوم شافته ميثوه اجمدت ما عرفت شو اتسوي وتغشت على طول وكانت بتظهر من المطبخ منصور : الميث ميثوه منصدمة كيف عرف اسمها ميثوه : نعم منصور : والله اني حبيتج من اول ما شفتج واعرف انج بتقولين عني جذاب وانها هاي حركات الشباب بس والله اني احبج وما اريد أي شيء منج غير انج تستنيني الين ما ارجع من السفر واخطبج ميثوه دخيلج ردي علي على الاقل ريحيني وقوليلي انزين اريد اسمعها منج قبل ما اسافر ميثوه مستحية ما اتعرف شو اتقول : انزين ( وعقب شردت داخل( وعقب شرب منصور كوب ماي وسار صوب السيارة وركب وعقب سارو المطار الساعة عشر وعشرين دقيقة دخلت الهنوف البيت الهنوف : سلاوي سلوى : نعم انا هني الهنوف : زين انج خالصة يلا عشان ما نتاخر.. ساره وين ليش ما بتسير سلوى : سرت اواعيها قالتلي سيروا انتو هي ما تريد اتسير تبى ترقد الهنوف : كيفها يلا انسير وساروا العين مول يوم وصلو العين المول راحت الهنوف اتسوي بروفة حق فستانها في هاي فوشن عقب سارت ويا سلوى يتريقون في دانكن دونت وعقب ساروا يدورون بدلات وخذوا كم بدلة عقب ساروا صوب الباركنات ويوم وصلت الهنوف سيارتها كان هوا وطاحت غشوتها عن ويها وكان وراها اثنين واحد منهم : عجيب بنية تسوق وحلوة بعد يلا وراها الثاني : ايه ما فينا على المشاكل خالد : عاد انا دخلت مزاجي والله لاييب راسها اليوم حمد : انزين اتحداك شكلها حشيم وسار صوبها خالد وقعد يرقمها وهي ما ردت عليه وسلوى كانت خايفة وقالتلها الهنوف سمعي من هني وطلعي من هني وعقب خالد زودها ويا كلامه وصدت صوبه الهنوف وهزئته وقالتله: انت ما اتخاف الله في اهلك الي اتسوي في بنات الناس ترى بيستوي في اهلك وسارت عنه وقعد حمد يضحك على خالد خالد : جب ما يضحك حمد : قتلك والله انها ما بترد عليك بس انته مسوي عمرك ما دري منو خالد: يا انا ويا هي اذا ما يبت راسها ما اكون خالد وعقب ركبت الهنوف سياراتها وسارت صوب البيت وقعد خالد يلحقها بسيارته وهي كانت ما تدري ودخلت البيت وعقب يوم عرف بيتها سار عنها ودخلت الهنوف وسلوى البيت وشافو سارة يالسة اطالع التلفزون الهنوف : هي حق مسلسلج نشيتي ويوم قلنالج اتسيرين ويانا ما طعت سارة : حرام عليج والله فيني كان رقاد واصلا من شوي ناشة طالعي الساعة كم الحين وحدة ونص ودخلت فطوم ويا البشكارة فطوم: السلام عليكم اشحالكم الهنوف وسلوى وسارة : الحمد الله فطوم : انا بسير ارقد محد يوعيني حق الغدا لاني اريد ارتاح ما اريد اسير عند الناس وعيوني منفخات سارة : اوكي ودخل ابو احمد واحمد وام احمد وسلموا على الكل وعقب ام احمد قالت حق الخدامة تحط الغدا الين ما تيي مريوم من المدرسة ويوم سارت فطوم الحجرة غيرت ثيابها ولبست بجامتها كانت تبى ترقد بس ما فيها رقاد وقعدت ادور قصة تقراها وعقب رن تلفونها وشافت ان ميثانة داقة حقها فطوم يوم شافت ميثانة اتذكرت حامد واتضايقت بس قالت انها بترد فطوم : الو مرحبا ميثوه : مرحبتين سنتين الين ما اتردين فطوم : فديتج كان تلفوني بعيد عني ميثوه : فطومي لحقيني فطوم : شو فيج وقالت ميثانة كل شيء استوى لها فطوم كانت فرحانة حق ميثوه بس عرفت ان حامد سافر حتى ما تعب عمره ويا بيتهم وقالها مع السلامة وقعدت اتصيح لاارادي ماقدرت تمسك دموعها ميثوه: فطامي فديت روحج شو فيج فطوم : ماشيء حياتي بس راسي يعورني ميثوه : فديتج خذي حبة بندول ورقدي فطوم : انشاء الله ميثوه : صح قالي حامد سلمي على فطوم وايد وقوليلها اني بتوله عليها وايد فطوم في خاطرها وايد عليه : ميثوه فديتج بخليج الحين وسكرت عن ميثة وقعدت اتصيح وعقب رقدت من الصياح ابواحمد وام احمد ساروا حجرتهم يرقدون والهنوف وسلوى بعد ومريوم وسارة اتغدوا عقب ساروا يرقدون وقالت سارة عن سالفة خطبتها حق مريوم المغرب في بيت ابو هزاع ابوهزاع : ام هزاع ام هزاع : امر الغالي ابو هزاع : كل شيء جاهز ام هزاع : هي فديتك الاكل جاهز ومدخنين الميالس كلها و ما بقى شيء غير انهم ايون مهرة : واخيرا بشوف الي تباها امي حق هزاع حصة : هي مشاء الله عليه وايد حلوة وعلى طول تنحب من شخصيتها مهرة : بنشوف خالد : بس هذا همكن مهرة : انته شولك انا بطالع البنت حق هزاع عشان اقوله رايي عن زوجته المستقبلية هزاع : هي شوفيها كيف راشد : لا والله حلفوا بس يالله ابوي يسمعكم انشاء الله هزاع : لا الله يخليك كلن في صوب عنده وابواحمد في صوب الله يخليهم حق بعض انشاء الله الكل : امين مهرة : ياربي متى بيون وفي بيت ابو احمد الكل مخلص وجاهز بس سارة ما طاعت اتسير وسارت عند ابوها وكانت الهنوف لابسة بدلة وردية وحاطة مكياج وردي وطالعة حلوة وايد ومريوم كانت لابسة بدلة عنابية طالعة جنان فيها وسلوى كانت لابسة فيروزي وطالع عليها جنان لانها بيضة وفطوم كانت لابسة بدلة بيج وبني طالعة تخبل وكيوت وايد ويا مكياجها وامهم كانت لابسة كندورة مغربية فوشي طالعة وايد حلوة عليها لان ماشاء الله ام احمد وايد بيضة وحلوة محد يعطيها عمرها ابواحمد : مشاء الله عليج يا ام احمد اليوم بحسبونج وحدة من البنات ام احمد : عاد انا وين وهم وين ابو احمد : لا مشاء الله ما قصرت طالعة حلوة مشاء الله عليج احمد : الله يخليكم خلوا المغازل يوم بنرد لا نتاخر على الناس ووصلو بيت ابو هزاع وكان ما شاء الله وايد فخم وجنان ونزلو الحريم صوب الحريم والرياييل في الميلس ام راشد : حيا الله ام احمد والبنات ام احمد : الله يحييج ويبقيج فديتج ام راشد : ماشاء لله عليج يا فطيم كل مرة اشوفج احلى عن قبل فطوم استحت : تسلمين خالوه من ذوقج فديتج ام راشد : هاي مهرة بنتي مخطوبة حق ولد عمها وسارت سلمت عليهم وعقب يلست عدال فطوم ويت حصة وسلمت عليهم ويلست عدال الهنوف ام راشد : فديتكم فصخوا عبيكم محد هني وعقب فصخوا عبيهم وشلتهم البشكارة عشان اتعلقهم مهرة : انتي فطوم فطوم : هي فدييتج مهرة : حي الله الي يانا توه نور بيتنا فطوم : منور باهله فديتج مهرة : تسلمين الغالية وقعدن فطوم ومهرة سوالف وبسرعة ارتاحن حق بعض ام راشد : مهروه سيري خلي البشكارة تيب العصير مهرة : انشاءالله فطوم : لحظة بسير وياج ام راشد : فديتج لا اتعبين عمرج فطوم : لا عادي خالوه البيت بيتي ام راشد : فديت روحج ياربي وسارن مهرة وفطوم المطبخ وقالت مهرة حق الخدامة تودي العصير مهرة : لحظة فطيم براويج البوم السفر بييبه من الغرفة الي عدال المطبخ فطوم : اوكي وسارت اتصب كوب ماي وهي تشرب الماي حست باحد يمط شعرها : ليش ما اتردين على تلفونج فطوم بدون قصد بس لان شعرها عورها : آااااااااااااااااي يا المتوحش يعور ويوم شاف هزاع انها مش مهرة انصدم منها ومن حلاتها وفطوم ما عرفت شو اتسوي لانها مش لابسة لا شيلة ولا عباة (هزاع بخاطره من الحلا قلبي وقف سميت بالله عليك ...ذبحتني بسهم العيون ...جرحتني بطرف الجفون والمشكلة صعب علي اعرف من تكون( هزاع: السموحة ....وظهر برع ودخلت مهرة المطبخ : فطوم وفطوم كانت سرحانة يتبـــــــــــــــــــــــــــــــــــــع في البارت اليديد __DEFINE_LIKE_SHARE__ | |
| ||
| |
|
08-12-2008, 02:27 PM
| رقم المشاركة : [ 13 ] | |
| عضو ماسي | الجزء السادس ودخلت مهرة المطبخ : فطوم وفطوم كانت سرحانة مهرة : فطامي شو بلاج فطوم : هلا حياتي شو قلتي مهرة : لا والله وين سرحانة..اللي ماخذ عقلج يتهنابه فطوم : بشو سرحانة يا حظي خلينا انسير الصالة طولنا عليهم مهرة : يلا وساروا الصالة عند الحريم وقعدوا يسولفون وياهم ويت البشكارة شالة صينية كيك وعصير وشلت مريوم عصير وسارت تيلس عند فطوم فطوم : مريوم حلو عصيرهم صح مريوم: شو مب شايفة خير ..المهم ولا اقول ليش مهتمين فيج كل هالاهتمام فطوم : حرام عليج عادي ام راشد: فطوم فديتج اشحقه ما تاكلين كيك فطوم : ما اشتهي خالوه ام راشد: عشاني فديتج ذوقيه بس فطوم : انشاء الله خالوه مريوم اتصاصر فطوم :انا بعد ما كليت كيك ليش ما قالتلي اشمعنى انتي فطوم : لا عادي بس انتي تفكرين جي مريوم : لا صدق علينا هالحركات فطوم :سكتي لا يسمعونج وعند الشباب كان هزاع سرحان وثاني يكلمه وهو ما يرد جان يرقعه ثاني رقعة محترمة على راسه ثاني : وين وصلت هزاع: آااااااااااااااااه يا ثاني (ويأشر على عيون ثاني) ياويلي من عيونك.. في لحظه صرت مجنونك (ويأشر على عمره) وأنا يازين ما اتحمل.. هونك يا الظبي هونك.. ثاني: لااا الريال مول مب طبيعيي هزاع: طبيعي كلهم منك يغارون..طبيعي كلهم يشكون جابر: اشوف الريال مستطرب شو عندك هزاع يطالعه بعويناته:خذني معاك.. يا احلى ملاك..خلني انا احيا بغلاك..حياتي من دونك هلاك.. وحدك حبيبي وجنتي فيك انته حلمي من زمان.. وانته الهوا وادفى حنان. تلقى معك روحي الامان .. يا احلى بشر في دنيتي جابر: لهالدرجه انا غالي عندك هزاع: واكثر من جيه جابر :استغفر الله باجر رمضان وهذا يقولي جذي هزاع يمسك جابر: احبك ..احبك ثاني يكلم هزاع: خاف ربك الريال معرس وتمو يسولفون وهزاع سرحان في عالم ثاني (آاااااااه ياربي.. من انتي.. من تكونين( وتعشو ويلسو شوي وسار ابو احمد وعياله البيت بعدهم بكم دقيقه كل العرب سارو في بيت ابو احمد في حجرت فاطمه يلست فطوم على شبريتها وبندت ليتات الحجرة وشغلت الابجورة الي عدال الشبرية وقعدت اتفكر بهزاع منو هاللي شفته اليوم اكيد اخو مهرة.. ليكون ريل حصة يا فضيحتي لا شكله اصغر من انه يكون اب يمكن واحد من اخوانها الي مب معرسين.. بس ما شاء الله عليه غرشوب صدق وحسيته حشيم ياربي ليش افكر فيه لازم ما افكر فيه.. يوم عرفت انه حامد يرقم البنات زعلت وانا الحين يالسة افكر في واحد غيره.. وينك يا حامد صدق تولهت عليك بس بعد كارهتك لاني شفتك بعيني ترقم يا ربي .. ارقد احسن لا اعور راسي وعقب فطوم بند الابجورة ورقدت وفي ثاني يوم الهنوف كانت اطالع من بلكونتها وشافت واحد موقف سيارته عند بيتهم منو هذا اكيد واحد من ربع احمد انزل تحت احسن ونزلت الهنوف في الصالة الهنوف : السلام عليكم ام احمد وسارة : وعليكم السلام والرحمة الهنوف : مريوم سارت المدرسة ام احمد :هي وانتي ليش ما داومتي الهنوف : احس عمري تعبانة ومالي خلق حق الجامعة ...غريبة ساروه واعية سارة : مريوم ما خلتني ارقد يونه ليش انا اداوم وانتي راقدة وعقب يوم سارت ما ياني الرقاد الهنوف : امايا لاحظتي امس كيف ام راشد كانت مهتمة بفطوم ام احمد : هي لاحظت كانت وايد مهتمة فيها سارة : يمكن تباها حق واحد من عيالها لان صراحة امس كانت فطوم تخبل ام احمد : الله يكتب الي فيه الخير ونزلت فطوم الصالة فطوم : السلام عليكم الكل : وعليكم السلام والرحمة ام احمد : ليش يا الحلوة انتي الثانية ما داومتي فطوم : امايا ما فيني تعبانة ام احمد : يا هالدلع الي فيج انتي واختج ياحليلها مريوم داومت وما قالت شيء فطوم : يوعانة منو ما اتريق الهنوف : انا.. ليش بتعزمينا فطوم :هيه.. الصراحة مشتهية سندويج فلافل وعصير كوكتيل من الصحاري امايا تبين الهنوف: شو تبى .. اقول الحلوه انتي مش صايمه فطوم: اوووووووووه صح نسيت..زين اني ماشربت ماي فطوم :صح امايا ليش انتي ما داومتي يالسة محتشرة علينا وانتي مش مداومة ام احمد : والله انا ريولي تعورني وحلف علي ابوج ما اداوم وبعدين انا مشرفة وانتي طالبة وحاطه دوبج من دوبي فطوم : لازم دام ابوي قايلج اكيد بتسمعين كلامه ام احمد : فطوم سيري قري قرآن ابركلج فطوم : ههههههه حلوة امايا يالسة على قلبج ما بسير مكان حتى عرس مابعرس يالسة عندج ام احمد : فطيم بس عاد فطوم : انشاء الله بسكت بسير اوعي سلوى احسن وسارت فطوم اتوعي سلوى في قطر رن تلفون حرمت جابر حرمت جابر:هلا والله ملايين بذمتيه ولا يسدن جابر: هلا فيج يالغاليه ..شحالج حرمت جابر:بخير ..من اول ما سمعت صوتك جابر: انشا الله دوم مب اليوم وبس حرمت جابر: تسلملي حبيبي .. ما تتخيل كيف متوله عليك ما اقدر اتريا لين باجر جابر: اقول حبيبي ترانا اجلنا السفره حرمت جابر:لاااااا ليش.. انته شكلك عايبتنك اليلسه هناك ولايعه جبدك مني و متباني جابر:افاااا حبيببي وانا عندي غيرج ..انا اصلا اموت على الارض اللي تمشين فيها.. بس غصب عني ملجت الهنوف بنت عمي هالخميس قلت مرة وحده انتم وبعدها بكم يوم نرجع قطر حرمت جابر : خلاص سامحتك بس والله متولهة عليك وايد جابر : حبيبي والله انا اكثر بس شو اسوي اخبار نونو حرمت جابر : بخير وايد متعبني كله يرافس جابر : فديت روحه ياربي متى بس بيي وقعدوا جابر وحرمته يسولفون وفي غرفة الهنوف فطوم : سلاوي ..سلوى نشي يلا سلوى : الواحد ماايعرف يرقد بهذا البيت سلوى كسرت بخاطر فطوم فخلتها ترقد وعقب خلتها وسارت الحجرة ملانة فطوم : اف ملانة شو اسوي يا الملل ............ شوي وسمعت فطوم تلفونها يرن شافت رقم غريب ياربي منو الي داق خلته يرن شوي وعقب ردت عليه فطوم : الو مهرة : الو مرحبا فطوم : مرحبتين منو وياي مهرة : حشى ما اسرع ما نسيتيني فطوم : مهروه اشحالج حياتي سمحيلي فديتج ما اعرفتج مهرة : لا عادي فديت روحج اشحالج انتي فطوم : يسرج الحال بس بموت من الملل مهروه : افا ليش .. اصلا ليش ما داومتي اليوم فطوم : ماشيء بس كنت تعبانة من امس وانتي ليش مش مداومة مهرة: نفسج ياحياتي تعبانة وقعدوا مهروه وفطوم يسلفون وجنهن من زمان ربع بسرعة ارتاحوا حق بعض في بيت ابو مبارك ام مبارك : يزوي دقيت حق عمتج عشان تباركيلها الشهر يزوي : لا نسيت ام مبارك : يا حافظ عليج دقيلها الحين يزوي : انشاء الله الحين بدق وشلت يزوي تلفونها ودقت حق ام احمد ام احمد : الو مرحبا يزوي : مرحبيتين شحالج عموه ام احمد : هلا يزوي الحمد الله يسرج الحال شحالج انتي غناتي يزوي : الحمد الله خالوه ما نسأل الى عنج ام احمد : سألت عنج العافية فديتج يزوي : عموه امايا تبى ترمسج ام احمد : عطيني اياها فديتج ورمست امبارك ام احمد وعقب قالتلها ام احمد انها بتمرها عقب صلاة المغرب وعقب بندت الهنوف : امايا ابى اسوي اكله بس اريد اغراض ما شيء في البيت ام احمد : انزين طرشي الدريول الهنوف : ما ايعرف شو ابى ام احمد : انزين سيري انتي ويا وحدة من البنات الهنوف : ساروه بتسرين وياي ساروه : ما فيني الهنوف : حرام ساروه ما عندي احد فطوم بتقولي تعبانة ما بسير وسلوى راقدة ساروه : اوكي يلا الهنوف : انزين بسير البس عباتي وبييج وسارت الهنوف تلبس عباتها وعقب سارت صوب الكمدينة الي عدال البلكونة عشان اتشل شنتطها وهي كانت فاتحة الدريشة والستارة بس مخلية الستارة الشيفون ولا اراديا شافت برع ولمحت نفس السيارة الي شافتها امس الهنوف : ياربي منو هذا مش معقوله اربيع احمد احس اني لامحة هالسيارة من قبل بس وين ياربي ...خلني انزل احسن لا تحتشر سارة ونزلت الصالة تحت وظهرت هي وسارة وركبن سيارة الهنوف واول ماظهرت الهنوف من البيت شافت ان السيارة تلحقها الهنوف بخاطرها شو يبى هذا بعد يلحقني ويارب ما تلاحظ سارة وصلوا الهنوف وسارة السوبرماركت ويوم نزلوا نزل راعي السيارة ويوم شافته الهنوف انصدمت ان هذا الريال هو الي رقمها في العين مول ليش يلحقها ياربي منه يارب سارة ما تنتبه وسارن داخل السوبرماركت وقعدوا يتشرن والهنوف بسرعة تتشره عشان تظهر من السوبرماركت ما تبى يستوي شيء ويا راعي السيارة سارة : الهنوف ابا اسير قسم الحلاوة والشبس الهنوف : انزين بس بسرعة بليز سارة : اوكي ...منو يربع وراج وسارت سارة والهنوف يتشرن حلاوة وشبس حق البنات الهنوف : خلاص حشى كل هذا حقنا سارة : يلا خلصت انسير انحاسب وعقب حاسبوا وظهروا عشان يردون البيت وفي بيت ام مبارك ام امبارك : يزوي قومي دخلي المطبخ يلا يزوي : امايا لحظة بس يخلص المسلسل ام مبارك : نشي حرمة عمتج بتي اليوم ويا بناتها يزوي : اف انزين ليش بشكارتين على الفاضي ام مبارك: يا مايا غير الاكل من ايدج وغير يوم يسون البشكارات امرة ما يضبطون شيء يزوي : انشاء الله وسارت يزوي المطبخ ويا امها في المدرسه مريوم حاطه راسها على درجها وقاعده تفكر ليش ردت عل ثاني يوم سلم هو واحد مايستحق السلام كيف ارض عنه بهاي السرعه.. والله لاراويك يا ثنّوي.. واخليك تندم على اللي سويته.. ماكون بنت امي وابوي اذا ماخليتك تترجاني وتحب ريلي وايدي لين ما ارضى.. نوره:مريوم.. مريوم:ــــــــــــــــــــــــــــــــــــــــــــ ـــــــــــــــ نوره: مريووووووووووووم وين سرتي..وصلتي ولاّ بعدج مريوم:شفيج انتي قاعده تصارخين اسمعج مب صمخه نوره: مبين من الصبح أزاقر وانتي في خبر كان..شفيج ذبلانه غريبه كل ما اييج ألقاج مرتبشه..اول مره في حياتي اشوف حلجج مبند مريوم:أقول نوير نوره:آمري..تدللي كم مريوم عندي مريوم: لا دخيلج ما اقدر استحمل شويش علينا لانذوب نوره: عادي عندنا ثلاجات واايد في المدرسه مريوم: يويهج..تستخفين بدمج نوره: والله من عاشر قوم صار منهم.. مريوم:شو قصدج حبيبتي يعني الخراب مني الحين نوره:افاا من قال انتي الزين كله ..والله حياتي من دونج سلطه مريوم:هاااهاااااهاي وانا حياتي من غيرج شوربه دندونه:هههههههههههههههههه حلوه منج وسلمت دانه وامل على نوره ومريم دندونه: وينج الريم ماتنشافين تولهنا علييج مريوم:تعرفين البزنس وايد هاي الايام دندونه:البزنس واايد ولاّطاحت موضتنا مريوم:ليش انتو ملابس عشان اطيح موضتكم.. ياحبايبي انتو في صندقه في قلبي امل: وهاي الصندقه في يوم من الايام بتنهدم مريوم:يووه شفيكم علي .. متفقين علي انتو دندونه:مافين شي بس حاسه شي مضايجنج احسج واايد متغيره نوره: شفتي مب بس انا اقولج متغيره مريوم:مش متغيره بس شوي تعبانه ..يعني الواحد ماتيه فتره تنتهي صلاحيته..يخلص البور عنده وتموا يسولفون بعدين نزلو تحت وسارت دانه وامل نوروه: مريوم شو كنتي تبين مريوم:انا نوره : هي كنت تبين تقولين شي قبل مايون امل ودانه مريوم:هيه صح.... سمعي مثلا لو كنت سايره بيت احد من اهلج وكنتي تعبانه جان يقولج ولد عمج انه بيوصلج و........ نوره: وانتي وافقتي مريوم: شفيج انتي خليني اكمل رمستيه.. بعدين اقولج مثلا يعني مب صدق لا تخافين مااستوى شي نوره: علينا مريوم: اووووووووووووووف بتخليني اكمل ولاّ شو.. نوره: كملي..لو اني ما صدقج مريوم: كيفج لا تصدقين..المهم ووصلج البيت وكنت معصبه وتميت تصارخين بويها جان يصفعج .. شو بتسوين نوره: شوووووووووووووو..يخسي يصفعني من يكون انا امي وابوي ما مدو ايدهم يمد هو ..يخسي ويعدي..والله يكون اخر يوم في حياته مريوم: الله لا يطيح حد بايدج..قولي آمين وتمو يسولفون وفي بيت امل ربيعة الهنوف ام سيف : يا أمايا سيري غيري ثيابج عقب ردي طالعي التلفزون ما بطير امل : امايا عقب بيخلص المسلسل ام سيف : الله يهديج ....شحالها الهنوف والله تولهت عليها هالبنت دخلت خاطريه على طول امل : هاي قبل ما يتزوجها سيف جي اتقولين والله واذا ازوجها شو بتقولين خلاص كنسلتيني ما تبيني الحين ام سيف : يابنتي انتي بنتي من يوفي لكن هي حرمة اخوج والبنية ما شفنا منها الا الخير امل : صح هي ما داومت اليوم مادري ليش خلني ادقلها ودقت امل حق الهنوف الهنوف : الو مرحبا امل : مرحبتين شحالج الهنوف : الحمد الله يسرج الحال شحالج انتي امل : كويسة ليش مش مداومة اليوم والله يحضج اليوم غايبة واساسا ما عندنا دوام الاربعاء والخميس والجمعة اجازة يعني انتي ما خذا 4 ايام اجازة ياحضج الهنوف: حرام عليج والله امس رديت تعبانة وما قدرت اداوم اصلا من الصبح انا ناشة ويالسة اتفنن في المطبخ امل: يا حيج امرة انا مالي خلق اطبخ شيء الهنوف: حتى انا بس كنت اليوم ملانة عشان جي طبخت والحين يالسة اطالع التلفزيون الين ما تخلص الكيكة.. امول اريد اقولج سالفة امل : شو وقالت الهنوف حق امل سالفة راعي السيارة الي يلاحقها امل : حياتي ما عليج منه خلج واثقة من عمرج الهنوف: ما اقدر وين ما اسير يلحقني امل : انتي طبييه وبيتركج الهنوف: خذيتوا شيء مهم اليوم في الكلاس امل : هي عطانا ورقة وقال يوم السبت بيعطينا كويز فيها انا بدرسها اليوم وباجر بطرشها صوبج اوكي لان الخميس ملجتج يعني ما بتدرسين الهنوف : هي احسن لان اليوم بنسير بيت يدوه وبيت عمي امول فديتج بخليج الحين اخاف الكيكة تحترق امل : انزين طرشيلي منها الهنوف: لا باجر بسويلج وحدة وايد احبها .. يوم بطرش الدريول حق الاوراق بعطيه اياها يوديها صوبكم امل : اوكي خلاص برايج عيل سيري طالعي كيكج الهنوف : اوكي شاو امل : شاو وسكرت الهنوف التلفون ودخلت المطبخ الهنوف : شو مسوين انتو في المطبخ فطوم: انا مايخصني يالسة اسوي معكرونة بالبشاميل هاي سارة وسلوى الهنوف : لاوالله ياويلكم خلي برندا تي المطبخ بتعلمكم كيف توصخن المطبخ سارة : والله هاي برندا اتروع منها احسها قوية اما ايرني حليلها في حالها فطوم : سكتي ما قتلج اليوم كنت يالسة في الصالة اطالع التلفزيون امي قالتلي زقري برندا قعدت ازقرها وازقرها حسيت صوتي سار وهي في المطبخ وادري انها تسمعني وعقب حضرتها يت جان اقولها اشحقه من الصبح ازقرج ولا اتردين جان اتخزني بعيونها وخلتني وسارت بغيت اموت والله اني اتروع منها الهنوف : تستاهلين محد سالم من لسانج خليها بتعلمج الادب فطوم : هلي ناقص بعد خدامة وبتعلمني الادب سلوى: لا الحمد الله نحن مالتنا الي في السعودية وايد زينة احسها شاله البيت سارة : حمدي ربج مش مثل خدامتهم فطوم : صح هي عصبية بس صراحة مخلية البيت يلمع من التنظيف الهنوف : هي صح والله سلوى : جنه مريوم طولت الهنوف : بسير اشوف جان سارت البشكارة تيبها ولا لا ويا الدريول وفي بيت ام جمعة ام جمعة : يعني مصمم يوم الجمعة ترد ابوظبي ابو جابر : يا امايا من متى انا اهني تارك حلالي وياي عندج وبعدين هناك منصور ابروحه محد عنده في البيت وعيالي بيسافرون يوم الجمعة قطر ام جمعة : خلاص برايك الي يريحك ودخل ابو مبارك : السلام عليكم ام جمعة وابوجابر : وعليكم السلام والرحمة ام جمعة : اشحالك امايا واشحال عيالك ابو مبارك : بخير واسهاله واشحالج انتي ام جمعة : الحمد الله يابوي ابومبارك : اشحالك ابوجابر ابو جابر: الحمدالله ما نسال الا عنك ابومبارك : مشكور تسال عنك العافية ام جمعة : بسير اطالع البشاكير شو سوو حق الفطور وسارت ام جمعة المطبخ ابوجابر: يمعة في خاطرية رمسة بس اخافك تزعل وماريد منك الا تسمعني الين الاخر وبعدين ما يكون خاطرك الا طيب ام مبارك :افا يا ابو جابر قول الي بخاطرك ولا بزعل ان شاء الله ابو جابر : سارة يوم قلتلها ان خليفة خاطبنها قعدت اتصيح وقالت انا بعدين اريد اكمل دراستيه ابو مبارك : انزين هو بخليها اتكمل دراستها ابو جابر : انا قلتلها هالكلام لكن قالت لا بعدين ما بكون عندي وقت.. تدرس ولا اتجابل ريلها ولا بيتها وقالت انها مش معترضة على خليفة بس انها تريد تخلص دراستها عقب تريد اتعرس وبيني وبينك نحنا ما بنلقى اخير من خليفة بس خلوه يترى لان هي بقيلها سنة وبتخلص وعقب خير ما بكون عندها أي مانع ابو مبارك : الله يكتب الي فيه الخير يلا برايك بسير ارقد ابو جابر : الله يحفظك وسار ابومبارك بيتهم وسار حجرة خليفة ودخل عليه لقاه يقرى قرآن خليفة : مرحبا ابوي تفضل ابومبارك : زاد فضلك ابوي انا اليوم كنت عند عمك ابو جابر خليفة : شو ردت سارة وخبره ابوه السالفة كلها ابومبارك : يا خليفه الله يكتب ما في الخير اذا البنية من نصيبك بتاخذها خليفة : ونعم بالله ابومبارك : ارقد ولا اتضايق بعمرك سبحان الله يمكن في خيره خليفة : الله كريم ابو مبارك : يلا برايك بسير ارقد تعبان خليفة : ما اتشوف شر انا بعد شكلي برقد ابومبارك : يلا برايك ..وظهر سار يرقد خليفة يكلم عمره اكيد ما تباني ولا ما قالت اريد ادرس تراني بخليها اتكمل دراستها ليش ماتباني سامعة عني شيء انا قايلها شيء..ياربي .. يعني واخيرا لقيت بنية تدخل مزاجي وماتباني شو هالحالة ..ليش يا ساره ما اتخيل حياتي من دونج (ودمعت عينه لااراديا( يتبــــــــــــــــــــــــــــــــع __DEFINE_LIKE_SHARE__ | |
| ||
| |
|
08-12-2008, 02:28 PM
| رقم المشاركة : [ 14 ] | |
| عضو ماسي | واذن اذان المغرب والكل فطر فطوم وساروه وسلوى ومريوم يالسات يطالعن مسلسل عندما تبكي الزهور في الصالة وام احمد وابواحمد يتقهوون في الصالة ام احمد : فطامي وين هنوف فطوم: يالسة اطالع فلمها الاجنبي فوق ابو احمد : بسير اصلي صلاة التراويح ويوم ارد اريد القاكم كلكم جاهزين الي بتتاخر بسير وبخليها البنات : انشاء الله سارة : والله كاسرة خاطريه زهور وعيالها ام احمد : عشان تعرفون الزمن كيف وانك عايشين بخير وبركة وكله ملل ونبى السوق سلوى : فطوم شو بتلبسين فطوم : الصراحة ما فيني اتعدل بلبس عباة مسكرة الي فيها شغل على الايدين سلوى : يا حضج انا كل عباياتي مفتوحات سارة : الله يعينج يعني كل ما اتروحين مكان لازم تتلبسين حلو مريوم : هي والله صدق تعب انا ساعات اسير السوق بالبيجاما فطوم : انا صح البس عبي مسكرة بس عمري ما سرت بالبيجاما احس عمري غلط سلوى : صح والله اهم شيء نفسيتج كيف مريوم: سمعو هاي شو تقول اصلا بالبجامات راحه نفسيه ساره: أي راحه نفسيه البجاما دبلج مرتين انتي لو متينه مادري شوتلبسين ام احمد:قلتو حق الهنوف فطوم : بدق حق هنوف اقول ان بنسير عقب ابوي ما يرد ودقت فطوم من تلفون الصالة الي تحت حق تلفون الصالة الي فوق لان الهنوف يالسة في الصالة الي فوق فطوم : الو الشيخة فاطمة تتكلم ميثوه : هلا اشحالج فطوم : بسم الله من وين ظهرتيلي ميثوه: ليش فطوم : كنت ادق حق الصالة الي فوق وظهرتيلي انتي ميثوه : ما تنلامين القلب وما يهوى داقه بدون قصد حق بيت حبيب القلب فطوم : اصلا منو قالج بخذه .. انا اريد طيار ميثوه : حلمي ..مادري وين الطيار بشوفج فطوم : انزين جهزيلي حلويات بتنازل اليوم وبزورج ميثوه : لا والله ياية تاكلين ولا اتشوفيني فطوم : ههههههه الاثنين فديتج ميثانة بخليج الحين بسير اتلبس واقول حق هنوف قبل ابوي ما ايي ميثوه : انزين انا بعد بسير اتلبس قبل ما تون وتلبسن البنات وخلصن وسار بيت ام جمعة ويلسوا كلهم في الصالة ام جمعة : حيا الله من يانا ام احمد : الله يحييج ويخليج يا عمتيه ام جمعة : وينكم اعنبوه اختفيتو مرة وحدة ام احمد : والله ياعمتيه لا هين باشغال الدنيا وقعدو سوالف ام جمعة وام فهد وعايشة حرمة فهد وام احمد وبناتها وسلوى وسارة ام فهد : امرة خلاص سلوى نسيتنا حتى تلفون ما ادقين سلوى : والله سمحيلي ماما ما عندي وقت عايشة : اصلا الي يسير بيت ام احمد مايريد يظهر منه كل بنات يعني صدق تاخذين راحتج واحمد 24 ساعة برع البيت ام احمد : تسلمين فديتج ..يا الله بنات انسير بيت عمكم انسلم عليه قبل ما يرقد البنات : يلا ام جمعة : يلسوا ما يلستوا ام احمد : مرة ثانية فديتج عمتيه بنسير قبل ما يرقد عمهم ام جمعة : خلاص برايكم مرخوصين عيل الهنوف هالخميس ملجتج الهنوف : هي ام جمعة : الله يوفقج يا بنتي الكل : آمين وسارن فلة عمهم جمعة (لان فلة ام جمعة و فلة جمعة فلتين بسور واحد( ودخلو وسلمو على ام مبارك والبنات ويلسو يتقهون ويسولفون يزوي : اخبار الجامعة وياج فطوم فطوم : الحمد الله بس مستوية زيبرا منها يزوي : هههههه حلوة انزين لبسي قفازات فطوم : اشتريت قفازات بس بعد ما انصلخت ايدي يزوي : انشاء الله بسير لا اتخافين بس اهتمي لاتهملين نفسج.. الحمد الله اني موقفة هالكورس عشان ما انصلخ حق العرس الكل : هي والله صدقج فطوم : ميثوه شو شعورج ان يزوي عقب كم 3 اشهر بتي بيتنا ميثوه : سكتي الله يخليج لا اذكريني شوي وبصيح فطوم : لا ان شاء الله بروك بيعرس وبييب حرمته عندج وانشاء الله خليفة قريب اول ما خلصت فطوم جملتها لااراديا جبت سارة العصير عن عمرها يزوي : تعالي سارة وياي الحجرة بنغسل عباتج وبنشفها وسارو سارة ويزوي الحجرة ام مبارك : فطوم منو البنية الي كانت وياج في الملجة الحلوة فطوم : خالوه هاي ربيعتيه شمة ام مبارك : بنت منو هي فطوم : خالوه شمه عيسى الظاهري ام امبارك : بنت موزة فطوم : هي خالوه ام مبارك : عرفت تربي بناتها موزة امرة بنتها حشيم فطوم : هي فديت شماني ياربي ام مبارك :هي مخطوبة فطوم : لا ...ليش بتخطبينها ام مبارك: افكر اخطبها حق محمد فطوم : صراحة يا حضه فيها والله شماني الف واحد يتمناها حتى محمدوه ما عليه قصور ريال ام احمد : هي والله صدقج فطيم ميثوه : فطوم تعالي براويج شيء فطوم : شو بطالع جبروت امراة ميثوه : تعالي بسرعة وسارت فطوم ويا ميثوه الين غرفة حامد فطوم : لو ادري انج بتبيني هني ماييت وياج ميثوه : ليش فطيم فطوم: ليش اخوج خلى فيها .. ليش هو اصلا خلى بنية ما غازلها ميثوه : فطيم فديتج كل الاولاد جيه بس بعدين يوم يعرسون يتغيرون هم بس يتسلون بالوقت فطوم : لا والله ميثوه : عيل انا شو اقول حامد ولا شيء عند اربيعه منصور ومع هذا احبه (راعي حركات( فطوم : فديتج ميثانة ..انتي ليش يايبتني هني ميثوه : بدور صورة منصور فطوم :شو عليج قايلج ان يحبج ويباج ميثوه : آآآآآآآآآآآآآه يا فطيم ما اصدق فطوم : سيري دوري الصورة بسرعة يلا ودخلن غرفة حامد ويلست فطوم فوق الشبرية ويلست ميثوه ادور وفوق في جناح يزوي وميثوه كانت سارة فاصخة عباتها ومخلية شيلتها على جتفها ونزلت يزوي العباة حق البشكارة اتكويها.. وقعدت سارة بروحها في الحجرة ودخل عليها خليفة وما انتبه حقها وهي يوم شافته اتحجبت وكانت خايفة لانها ردته يوم خطبها وتعطر ويوم خلص لف وشافها انصدم مكانه خليفة : انتي شو اسوين اهني سارة : ياية بيت عمي حرام خليفة : سارة ليش رديتيني انتي شايفة عني شيء او سامعة عني شيء سكتت سارة خليفة : سارة انا اكلمج دخيلج ردي علي ان تعبان وايد منج والله.. ليش ماتحسين سارة : لك ويه بعد تكلمني.. خليفة الصراحة كنت في لحظه اتمناك لاني كنت احسك ريال اقدر اسند عمري عليك بس للاسف اكتشفت انك مثل كل الشباب خليفة : ساره انتي شو تقولين ..ساره وغلات ابوج عندج قوليلي شو صار..شو اللي خلاج تغيرين رايج سارة : يعني تستخف بدمك .. لا يا بابا هالحركات مب علينا.. ربيـــــــــــعتك قالتلي كل شي خليفة : انا.. ربيعه..انتي مينونة ..انا عندي ربيعة والله واحلفلج بربي اني ما اعرف أي بنية ولا عندي ربيعة..اصلا اشمئز انا من هالاشكال ..افاا يا بنت عمي لهدرجة اتشكين فيني سارة : خليفة ما في داعي حق كل هالجذب البنت قالتلي بلسانها ..فلا تلف ولا ادور خليفة : منو هالبنت يبيها حقي وانا مستعد ارمس جدامها سارة : انته متاكد ما اتعرفها خليفة : والله ما اعرفها ..شوتبين اسوي عشان تصدقين سارة : انزين عشان اصدقك احلف بالقرآن وسار وشل خليفة القرآن على الكمدينه وحلف عليه انه ما يعرفها خليفة : يعني رديتيني عشان شيء مش متاكدة منه..انتي ما تدرين شو سويتي فيني ..حسيت حياتي انتهت.. سارة : لا تقول جي فال الله ولا فالك.. والله.... وبعدين انا انصدمت ما قدرت افكر باي شيء ..السخيفه ودي اخنقها بايدي ..فقدتها الخايسه خليفة : ليش تغارين علي استحت سارة ولاردت عليه خليفة: يعني لو رديت الحين وخطبتج بتوافقي سارة : هي بس مش الحين انا اريد اخلص اول دراستي خليفة : لا والله لمتى انشاء الله اترياج انزين انا بخليج اتكملين سارة : ادري بس انا ما اقدر ادرس.. ولاّ ايلس ويا ريلي ..ولا اجابل بيتي ما اقدر يعني هي الا سنة وحدة خليفة : امري لله بترياج هالسنة بس حطي في بالج اول ما اتخلص السنة على طول العرس والملجة في يوم واحد ودخلت عليهم يزوي : خليفة شو اتسوي هني خليفة : ماشيء ييت اتعطر والحين ساير وظهر ونزلن يزوي وسارة تحت عند الحريم وفي غرفة حامد فطوم : حشى الين الحين ما لقيتي الصورة ميثوه :فطامي سيري دوري في التسريحة فطوم :اف انزين وسارت فطوم ادور في التسريحة وهي ادور فتحت الدرج الثاني لقت صندوق اصغير يايها فطوم فضول انها تفتحه بس قالت في خاطرها كيف افتحه وهو مش مالي بس انا اريد افتحه وفتحت وتمنت انها ما فتحته شافت صورة بنت ميثوه كانت اتكلم فطوم وفطوم ما اترد عليها ويوم سارت عندها لقت فطوم اتصيح ميثوه : فطامي شو فيج عطت فطوم ميثوه الصورة : انا اكره اخوج اكره من قلبي ميثوه : فطامي فطوم : دخليج ميثوه لا اتقولين أي شيء دخيلج ما اريد أي احد يعرف ميثوه : ان شاء الله بس انتي لا اتضايجين فطوم : كيف ما اضايج وهذا وهو يحبني جي كيف عيل لو ما يحبني شو بسوي وسمعو صوت ام احمد تناديهم مسحت فطوم دموعها وسارت هي وميثانه عند ام احمد ام احمد : يلا امايا بنسير البيت فطوم : يلا وساروا البيت وسارت على طول فطوم حجرتها وقعدت اتصيح وعقب رقدت وسارو سارة ومريوم حجرة مريوم وقالت سارة حق مريوم شو استوالها مريوم : شفتي قتلج خليفة مش راعي هالحركات..حليله ظلمتيه ساره : مريوم انتي لو سمعتيها ولا شفتيها وهي تتكلم مستحيل اتشكين فيها مريوم : الحمد الله كل شيء بين ..اوووووه من قدج ..العقبال لي انشا الله سارة :انشا الله .. ياربي ما ادق احس عمري بخيال ..احبه ودي اقوله احبه ..احبه وتمن يسولفن وعقب رقدن سارة ومريم وفي الصالة سلوى : حرام عليج رمضان يعني انشوف مسلسلات خليجية مش اجنبية هنوف : انا ما احب المسلسلات الخليجية كلها دراما احب الاجنبي شو اسوي سلوى : اوكي خلاص بسير ارقد الهنوف : اوكي ..انا بعد بسير ارقد عشان نتحنى بكرة سلوى : صح والله وسارو يرقدون الهنوف كانت على السرير قبل ما ترقد كانت اتفكر .. خلاص ما اصدق سيف بيستوي ريلي والله ما عندي سالفه اسير ارقد ابرك وسارت ترقد وفي ثاني يوم قامت الهنوف راحت المطبخ وسوت سويت جنان اسمه تراسيمو بالنسكافيه عشان اطرشه حق امل الهنوف : ايرني ايرني : نعم الهنوف : خلي الدريول يسير بيت امل ويؤدي الكيكة حقها واييب الاوراق من عندها ايرني : الدريول محد مشغول سار ويا بابا الهنوف : اف وسارت الهنوف ودقت حق امل وامل قالتلها انها بطرش الدريول حقها وسارت الهنوف فوق اتغير ثيابها وعقب سارت صوب البلكونة عشان تفتحها وشافت ان نفس السيارة واقفة عصبت وخافت احد يعرف ونزلت تحت وشافت امها ام احمد : ليش ناشة من وقت وراج اليوم تتحنين الظهر جان رقدتي الهنوف : امايا علي امتحان يوم السبت عشان جي ما عندي وقت ادرس غير الحين ام احمد : الله يوفقج كانت الهنوف لابسة كندورة وسارت تلبس شيلة بيضة وظهرت برع عند الباب وين موقف راعي السيارة ونزل راعي السيارة وسار صوب الهنوف الهنوف : انته ما تستحي على ويهك لاحقني الين اهني وين ما اسير القاك وراي.. بس حرام عليك رمضان وانته صايم واتسوي جي ..انا وحدة معرسة وفي هاي اللحظة يت سيارة كان سيف سيف : لا والله ويا منو واقفة الهنوف ماتت خوف : لا ماشيء بس كان غلطان سيف : لا والله غلطان ماشيء بشكارات حضرتج انتي ظاهرة راعي سيارة : انا مش غلطان اصلا نحنا متفقين الحين نتلاقى الهنوف: جذاب لا اتصدقه والله ما اعرفه وسار سيف وراعي السيارة يضاربون وعقب فجه سيف وسار راعي السيارة وسار سيف صوب الهنوف : للاسف ما اتوقعتج جي طحت من عيني وسار وخلاها وقعدت الهنوف اتصيح مش قادرة تتحكم بعمرها وسارت تربع حجرتها وانهارت صياح ليش ياربي يستويلي جي.. ليش.. وسار سيف معصب البيت وقال بسير عند امل وعقب قال انه بهدي شوي وعقب بسير عند امل نشت فطوم من الرقاد وحاسة عمرها تعبانة كانت الساعة 12 الظهر سمعت تلفونها يرن فطوم : الو شموه : هلا اشحالج حياتي فطوم : الحمدالله شموه : شو سويتي امس في بيت حبيب القلب وقعدت فطوم اتصيح شموه : فطوم شو فيج فطوم : ماشيء شموه : على مين تقصين فطامي انا مش أي احد وقالت فطوم السالفة حق شموه شموه : فطامي حبيبي كل الشباب جي فطوم : لا والله اصلا لو هو صدق يحبني ما فكر يطالع غيري بس لانه عادات وتقاليد ياخذ بنت عمه يعيش حياته الحين ويا البنات ويوم العرس يلقى حرمته جاهزة والي قاهرني انها ما تتشاهد لو انها احلى مني بقول حلوة عشان جي حباها لكنها خسفة استغفر الله شموه : سمعي يمكن هو ترك هالاشياء الحين فطوم : لاوالله ترك ويحتفظ بصورتها والله شموه استويت اكرهه ما اطيقه وقعدوا فطوم وشموه يكملن سوالفهن وفي بيت امل سار سيف حجرة امل وفج الباب بكل قوة ودخل امل : حشى كسرت الباب سيف : جب قولي حق ربيعتج خلاص ماشيء ملجة امل : سيف عن السخافة سيف : والله صدق ارمس امل : لا والله البنت لعبة في ايديك سيف: والله يا حلوة شوفي ربيعتج ترمس منو.... خلي هو ايي يملج عليها احسن امل : لا والله عن شو انته ترمس الهنوف ما في اشرف منها وقالها سيف شو استوى اليوم امل : انته اصلا ما تستاهلها ليش سويت جي حرام عليك سيف :لا والله..تبين اشوفها واسكت ..شو رايج بعد اعزمه امل : يا غبي اشحقه اتسوي جي ليش اتخرب على عمرك ليش دايما مستعيل افهم وعقب سو الي تريده سيف : لاوالله شو افهم اكثر عن الي شفته ..قوليلي شو افهم امل : يا ربي ليش جي استوى شفت الي شفته اليوم هذا كان دايما يلاحق الهنوف وهي اتقولي.. وانا اقولها طبي عنج بمل وبسير.. وكان دايما يوقف عند بيتهم فهي خافت احد يعرف انه يلاحقها فراحت اتهزئه وييت انته سيف : يعني هي ما اتعرفه امل : لا طبعا شفيك انته ماتفكر ..والله ماتعرفه..ياربي كله مني قلتلها لا اتخبر احد آخرتها بيمل وبيتركها بحالها سيف : امل ياربي شو سويت انا ..ياربي.. سيري الحين دقيلها وكلميها وتاسفيلها ..امل بسرعه شوفيج واقفه وسارت امل ادق حق الهنوف امل : الو الهنوف وصوتها رايح من الصياح : الو امل : فديتج حياتي سامحي هالغبي الهنوف : ما سمعتيه يا امل شو قالي امل : ادري ياني وقالي السالفة وفهمته وقالي اتاسفيلها الهنوف : خلاص ماباه ما اريده امل : الهنوف باجر ملجتج شوبيقولون الناس واهلج شو بتقولين حقهم الهنوف : بس انا كرهته حتى ما عطاني فرصة اشرحله أي شيء امل : حياتي لا اتلومينه هو يحبج وانصدم يوم شافج ويا واحد ثاني الهنوف :امول بخليج حياتي بسير اشوف امي بس قولي حق اخوج اني مش مسامحتنه وبكمل الملجة بس عشان ابوي امل : اوكي حياتي مع السلامة ولا اضايجين بعمرج الهنوف : انشاء الله بحاول جان يمط سيف التلفون من امل بس الهنوف بندت ياربي كيف اخذه وانا الحين ما اريده وسمعت دق على الباب فطوم: الهنوف يلا الحنايه هني الهنوف :يلا نازلة وقعدوا البنات في الصالة يتحنن وفي الحوش يرتبون الطاولات والكراسي والكوشة حق ملجة الهنوف وين ميثوه ويزوي بيت ام احمد عشان يتحنن اول وحدة تحنت فطوم وام احمد وعقب 3ساعات سارت فطوم اتغسل ايديها وسارت ادق حق مهرة من الصالة الزجاجية فطوم : الو مرحبا هزاع : مرحبتين الشيخة استحت فطوم استاهل جان دقيت على تليفونها فطوم : هني مهرة هزاع : لحظة شوي وسار يدور مهرة وقالوله انها راقدة هزاع : الو الشيخة مهرة راقدة منو اقولها لو وعت فطوم : قولها فطوم اقول برايك مع السلامة هزاع : مع السلامة وبندت عنه وسارت عند امها ام احمد : بنات يلا خلصن عشان انسير نيب فساتينكم فطوم : انا خالصة وسلوى بعد بس سارت تشرب ماي وسارة ومريوم مخلصات يالسات يطالعن التلفزيون في الصالة ام احمد : يلا عيل وزقري الهنوف فطوم : اوكي امايا وسارن البنات عند هاي فاشن عشان يخذون فساتينهم حق ملجة الهنوف ام احمد : صراحة الهنوف فستانج الي مصممتنه عندهم روعة وجنان فطوم : وسعر احلى عنه.. حشى ثمان الاف ونص مش فستان ملجه ام احمد : ما في شيء رخيص الحين و بعدين كم مرة الوحدة بتملج مريوم : امايا اريد من السينابون ام احمد : انزين لا تتاخرين مريوم : انشاء الله وسارت مريم السينابون وهي تطلب كانت رافعة غشوتها وفي واحد كان يطالعها من اول ماوصلت الين مارفعت الغشوة وعقب سار صوبها ريال: هلا والله بشيوخ ..صوبنا يا الحلو ومريوم طابتنه ريال : شحالج الشيخة وفي هاي اللحظة يا ثاني وهزاع وانصدم يوم شاف مريوم وسار يضارب ويا الريال وعقب هزاع فجج من بينهم وسار ثاني صوب مريوم ثاني :انتي شو تسوين هني بروحج مريوم وهي معصبه : هي انت من تتحرى عمرك ابوي ولا اخوي..مايخصك فيني سامع..صدق قله ادب ثاني:عن الغلط مريوم: وليش حظرتك انته خليت فيها غلط وعقب مريوم ما تريته يرد عليهاو سارت بسرعه عند اهلها ثاني: شفت وتقولي بتنسى.. يا ربي هالانسانه شكثر ملسونه..شايفه عمرها..بس معليه هين يا الريم اذا مانزلت خشمج ما اكون ثاني .. هزاع ضرب جتف ثاني بخفيف: يا حظك .. يا حظك ثاني : شفيك انته ينيت .. هي يالسه تغلط علي وانته تقولي ياحظك هزاع: ترى يا الاحول كل اثنين يتغايظون مثلكم في النهايه لازم يحبون بعض وما اكون هزاع ان ما حبتك وهذا ويهي ثاني :تكلم الفيلسوف..خبير الحب هزاع: ياحسره علي..اااه ياثاني تصدق حبيبتي ما اعرف من هي ثاني: محد مرتاح في هالدنيا ..اقول تعال خلني انشوفها وين بتسير حظرتها وشافوها داخله هاي فاشن ودخلوا وراها وحصل هناك ام احمد وسار يسلم عليها ومريوم سارت عند فطوم وفطوم كانت تكلم راعي المحل مريوم:اوووووف اكرهه فطوم: شوفيج يا المينونه مريوم:سكتي انتي الثانيه مالي خلق لج مول..السخيف ولد عمج قاعد يهاوشني جدام ربيعه فقدته فطوم: مين مريوم:ثنّوي الدب من غيره..ولابعد له ويه يكلمني بعد اللي سواه والتفتت فطوم ادوره ويوم شافته انصدمت من اللي واقف عداله..هذا هو ..لا مش هو..مستحيل هذا اللي شفته بيت ربيع ابوي..لا هو اكيد هو كيف انسى هالملامح اللي دخلت قلبي بدون مادق الباب مريوم:اقول فطوم...فطوم فطوم:ـــــــــــــــــــــــــــــــــــــــــــــ ــــــــ مريوم: اوووف منكم تلوعون جبد الواحد مافي حد في الدنيا يفتح النفس..سرحي ياماما شو وراج اللي ماخذ عقلج يتهنابه وخلتها وسارت وتمو يتمشون وردن البنات البيت وفي الصالة الهنوف : فطامي فستانج جنان فطوم : والله ان فستاني ولا شيء عند فستانج الهنوف : حرام عليج ام احمد : وين مريوم وسارة سلوى : سارو يرقدن ام احمد : سلوى متى ايي جبروت امراة سلوى : خلص خالوه انا بسير ارقد ام احمد : برايج امايا سيري رقدي ابركلج عشان عيونج بس قبل كلي شيء سلوى : مابا شبعانة ام احمد : برايج حبيبتي وسارت سلوى ترقد ويرن تلفون الصالة وسارت فطوم اتشوف منو يدق فطوم : الو مرحبا ام هزاع : مرحبتين شحالج امايا فطوم : الحمد الله خالوه اشحالج انتي ام هزاع : يسرج الحال غناتي امج هني فطوم : هي لحظة.....امايا تلفون ام احمد : منو فطوم : ما اعرف وسارت ام احمد تكلم ام احمد : الو ام هزاع : الو مرحبا ام احمد : مرحبتين شحالج وشحال العيال ام هزاع : يسرج الحال ما نسال الا عنكم وينكم امرة قطعتوا ام احمد : والله يا ام هزاع لاهين باشغال الدنيا ام هزاع : هي والله اقول ام احمد عندي طلب وياليتج ما اترديني فيه ام احمد : افا انتي تامرين ام هزاع : ما يامر عليج عدو بس الصراحة فطوم بنتج دخلت خاطريه وبغيتها حق ولدي هزاع ام احمد : والله هاي الساعة المباركة بس اتعرفين لازم انشاور ابوها وخوانها وهي وعقب بنرد عليكم ولا يستوي خاطرج الا طيب ام هزاع : انشاء الله خير وقعدوا يسولفون ام احمد وام هزاع وعقب بندوا الهنوف : امايا منو هاي ام احمد : ام هزاع... وين فطوم الهنوف : سارت ترقد ...امايا شو تبى ام راشد ام احمد : تبى فطوم حق ولدها الهنوف : هي الصراحة توقعت جي جفتي كيف كانت مهتمة فيها ...و بشو بتردون ام احمد : ماشيء بنشاور ابوج قبل وعقب اخوج وعقب بنشاورها والله يكتب الي فيه الخير ..يلا انا بسير ارقد الهنوف: حتى انا يتبــــــــــــــــــــــــــــع __DEFINE_LIKE_SHARE__ | |
| ||
| |
|
08-12-2008, 02:29 PM
| رقم المشاركة : [ 15 ] | |
| عضو ماسي | وفي بيت ام راشد ام راشد : هزاع تراني خطبتلك البنية الي اباها حقك هزاع : لااااااااااااااااااا ..ليش ام راشد : شو ليش مش انته قايلي خطبي الي تبينها هزاع : هي بس...بس..غيرت رايي وخلاص ماريد اعرس ام راشد: ليش بنت الناس لعبه بين ايدك ساعه اتقول تبى وساعه هزاع: بس انا ما احبها احب وحده ومستحيل اضيعها من ايدي بعد ما لقيتها ام راشد: لا تو الناس بعد ما كلمنا العرب رمست مهرة : اصلا انته ودك فطوم ادب وجمال ورقة حصة : هي والله ما بتحصل اخير منها ام راشد: بعدين تبى تاخذ ربيعتك شو ياكدلك انها مارمست حد غيرك ..لا والله مدامي عايشه واشم الهوا ماتخذها هزاع: شحقه تحلفين..سبحانه دايما انتن الحريم يروح فكركن لبعيد..ارتاحي ماعرفها البنت ولا قد رمستها بس جفتها مهره: لاوالله وحده ما تعرفها كيف تبى تاخذها هزاع: جب انتي ما يخصج..امايا انا شيفنها في بيتنا في العزيمه وشكلها بنت عرب ام راشد: وكيف اعرفها اللي يو لا وحده ولا ثنتين ..وبعدين انا رمست اهل البنيه هزاع : بس انا داخله مزاجي البنت ..اقولكم اباها يعني احبها ام راشد: هزاعو لا ترفعلي ضغطي... مب منك من اللى يسمع كلامك ويخطبلك هزاع: امايا حبيبتي ليش ما تحسين فيني اقولج احبها وما اقدر اعيش من دونها مهروه: ياويلي على روميو زمانه يحب وحده ومايعرفها تم هزاع يخز مهروه وحست بعمرها وسارت وخلتهم ام راشد: انزين انته بس شايفنه ..ما تعرف بنت منو ولا شو اسمها كيف اخطبها حقك خلاص ما شيء غير فطوم هزاع يطالع فوق: (سمحيلي يا الغاليه مش مكتوبه لي)..خلاص الي تبينه بيستوي وسار حجرته وهو متضايق يفكر بفطوم ويتمنى يشوفها لو بس لحظة بس ما يعرف هي منو وفي ثاني يوم المغرب وفي بيت ابو احمد الكل يجهز حق الملجة الي بتكون بعد صلاة التراويح في حجرة ام احمد وابو احمد ام احمد كانت تسوي ريفرش حق مكياجها قبل ما تنزل مرة ثانية عند المعازيم ام احمد : امس ام هزاع داقة تخطب فطوم حق ولدها ابو احمد: الصراحة يا ام احمد انا كان بخاطريه احد من عيال ابوراشد ياخذ من بناتي والله انهم رياييل ينشد فيهم الظهر وشالين شغل ابوهم عنه ام احمد : يعني موافق ان بنتك تاخذ من عندهم ابو احمد : هي والله اني فرحان...وبعدين لا تنسين اكثر شغلنا ويا ابوراشد وجي بتتيسر امور الشغل اكثر حقنا وحقهم.. وولد عمها ما رمس انها يباها قبل ما يسافر خلاص عقب بشاورها وبشوفها بس الصراحة مش هاين علي فطوم اتسير عني احسها ياهل وهي دلوعة وايد.. مادري كيف بتصبر عنا ... مريوم اللي اصغر عنها تعرف ادبر عمرها بدونا يوم تبى ام احمد : هي والله فطوم وايد متعلقة فينا الله يكتب ما في الخير..ياالله انا نازلة اشوف بناتك اذا خلصن وعقب انته رمس بنتك ابو احمد : تعالي شوي ام احمد :ليش ابو احمد : تعالي انتي بس وسارت ام احمد عنده : شو حياتي لوى عليها ابو احمد : احبج شو هالحلاة كلها..لازم تنزلين لا تنزلين ترى والله اغار ام احمد : على شو خلاص بناتك غطن علي وانا كبرت الحين وين طاحني الحلاه ابو احمد : وين ماشاء الله عليج يحسبون بناتج اخواتج..وتبين الصراحه بيني وبينج محد طلع نفسج قمر وربي قمر ام احمد :لو يلست وياك الين باجر ما بنزل...يلا خلص بسرعة قبل ما ايون الرياييل .. وسارت ام احمد حجرة بناتها وشافت ان فطوم بتخلص بس باقي اللمسات الاخيرة وميثوه مخلصة والباقي بعدهن ام احمد : ماشاء الله عليج يا فطيم مسكتة انتي ويا الوردي طالعة كيوت وايد وتخبلين وميثانة امرة طالعة جنان ويا البرتقالي حشى من اليوم الخطاطيب عند الباب تعالن بقرا عليكن فطوم :تسلمين ماماتي ميثوه : تسلمين خالوه ام احمد : يلا مريوم خلصي عشان انشوفج كيف وسلوى وسارة بعد يلا بناتي ...امايا فطيم وميثانة يلا نزلن عند العرب وعقب سارت ام احمد صوب الهنوف ويلست وياها شوي وعقب سارت عند العرب ونزلن مريوم وساره وسلوى وكل وحده احلى من الثانيه وكانت مريوم لابسه فستان وردي بودري نفس الفساتين الفرنسيه القديمه الكشيخه وساروه عنابي فيه حركات تجنن وسلوى بيجاني وكانت الملجة روعة وكلن فرحان ماعدا الهنوف لو بايدها فجة الملجة وسيف متندم وايد على الي سواه بالهنوف ونزلت الهنوف على غنية كلاسيكية كانت ماشاء الله عليها حلوة شوية في حقها وكانت نعومة وايد ويلست على الكوشة وعقب دخل سيف ولبسها الشبكة ويلس عدالها والهنوف مش معطته ويه ولا كأن موجود امل : الهنوف ضحكي على الاقل حق الصور الهنوف : ماقدر سيف : اسف الهنوف ادري اني غلطان غصب عني من حبي لج الهنوف : شو بينفعني اسفك وين اصرفه سيف : انا مستعد اسوي أي شيء تبينه بس انتي قولي الهنوف : مشكور ما اريد أي شيء يكفي الي ياني منك...يلا انا بسير تعبانة وقامت الهنوف وسارت حجرتها وقعدت اتصيح كيف بتبدء حياتها جي وسارن البنات حجرهن في حجرت فطوم سمعت دق على الباب فطوم : منو ابو احمد : انا ابوج وسارت فطوم تفتح الباب فطوم : هلا باباتي شحالك ابو احمد : بخير وسهاله ما نسال الاعنج ...علوم الجامعة وياج فطوم : صح اني مستوية زيبرا بس احسن من المدرسة ابو احمد : الله يعين ...فطيم الحين انتي كبرتي وصرت حرمة وحطي دايما في بالج محد بيغصبج على شيء فطوم : ابوية لا تروعني شو تبى تقول ابو احمد : ولد ابو راشد خطبج فطوم : بس ابوي انا صغيرة بعدني ما اريد الحين ابو احمد : والله يا فطوم لو بايدي اخطب حق بناتي جان خطبت ولد ابو راشد حقكن والله انه ريال ولا بتلقين اخير عنه لو تبين رايي وافقي ولا تردينه وبعدين نحن انعرف الريال وانعرف اهله وبينا اشغال احسن من واحد غريب ...وولد عمج ما رمس انه يباج قبل ما يسافر.. عشان جي اقولج لا اضيعين هزاع من ايدج ..وانا ما اباج تردين علي الحين انتي فكري وصلي صلاة استخارة وعقب ردي علي فطوم : انشاء الله ابو احمد ولوى على فطوم: والله وكبرتي يافطيم وصارو يخطبونج فطوم استحت وما قدرت ترفع راسها ابو احمد : يلا برايج غناتي رقدي وانا ساير ارقد تعبان وظهر ابو احمد وخلى فطوم تايهة من وراه فطوم وهي تفكر يا ربي شو اسوي كيف اخذ واحد غير حامد وكيف ارد ولد ربيع ابوي ما اريد يستوي مشاكل والسبب انا.. ياربي شو اسوي.. اصلا حامد ما يستاهل ان ارد ولد ربيع ابوي عشانه اصلا هو ولا مهتم فيني ما خلى بنية الا غازلها ولا بعد عنده صورة بنت هو اصلا لو يباني لو قال حق ابوي حجزوا فطوم حقي لين ما ارجع بس شكله خلاص ما يباني بس كيف انساه وانا احبه من يوم كنت صغيرة ياربي اخذ هزاع ولا حامد ونشت صلت صلاة استخارة ورقدت ……………. شو ظنكم فطوم بتاخذ حامد ولا هزاع والهنوف بترضى على سيف ولاّ بتفج الملجه؟؟؟؟ يتبــــــــــــــــــــــــــــــع __DEFINE_LIKE_SHARE__ | |
| ||
| |
|
| مواقع النشر (المفضلة) |
العرض العادي
| |
المواضيع المتشابهه | ||||
| الموضوع | كاتب الموضوع | المنتدى | مشاركات | آخر مشاركة |
| ₪₪ للمرهـ الثالثة فرزاتشي×كريستيان اديقير×رالف لورين والكثير+ آراء من تعاملو معي ₪₪ | محروم.كوم | منتدى أخبار المواقع والمنتديات العربية والأجنبية | 0 | 06-06-2010 10:50 AM |
| ₪ ₪ ... الفيتو والطير الكلاسيكي وسالفته مع الصقار الغربي ... ₪ ₪ | محروم.كوم | منتدى أخبار المواقع والمنتديات العربية والأجنبية | 0 | 09-02-2009 11:50 PM |
| ₪ ₪ ... الفيتو والطير الكلاسيكي وسالفته مع الصقار الغربي ... ₪ ₪ | محروم.كوم | منتدى أخبار المواقع والمنتديات العربية والأجنبية | 0 | 09-02-2009 11:30 PM |
| ₪ ₪ .. ذكريات الصقار ( محيسن العاكور ) ومرافقة الملك خالد 66 عام .. ₪ ₪ | محروم.كوم | منتدى أخبار المواقع والمنتديات العربية والأجنبية | 0 | 07-04-2009 11:50 AM |
الساعة الآن 05:39 AM
- اخبار رياضية
- اخبار الامارات
- اخبار ريال مدريد
- اخبار برشلونه
- العاب فلاش
- مسلسلات وافلام
- مسجات
- فيديو كليبات
- سيارات للبيع
- ارقام سيارات
- ارقام هواتف
- هواتف للبيع
- حيوانات للبيع
- قوارب ويخوت للبيع
- ملابس واكسسوارات
- ساعات ومجوهرات
- اناشيد اسلامية
- نغمات اناشيد
- نغمات اسلامية
- ادعية اسلامية
- رقية شرعية
- قران كريم
- ديبيات اسلامية
- اذكار المسلم
1 2 3 4 5 6 7 8 9 10 11 12 13 14 15 16 17 18 19 20 21 22 23 24 25 26 27 28 29 30 31 32 33 34 35 36 37 38 39 40 41 42 43 44 45 46 47 48 49 50 51 52 53 54 55 56 57 58 59 60 61 62 63 64 65 66 67 68 69 70 71 72 73 74 75 76 77 78 79 80 81 82 83 84 85 86 87 88 89 90 91 92 93 94 95 96 97 98 99 100 101 102 103 104 105 106 107 108 109 110 111 112 113 114 115 116 117 118 119 120 121 122 123 124 125 126 127 128 129 130 131 132 133 134 135 136 137 138 139 140 141 142 143 144 145 146 147 148 149 150 151 152 153 154 155 156 157 158 159 160 161 162 163 164 165 166 167 168 169 170 171 172 173 174 175 176 177 178 179 180 181 182 183 184 185 186 187 188 189 190 191 192 193 194 195 196 197 198 199 200 201 202 203 204 205 206 207 208 209 210 211 212 213 214 215 216 217 218 219 220 221 222 223 224 225 226 227