][ قصة بنكات الأعضاء ][ - الصفحة 65

*نظره مني تسدك* · #1 07-06-2008, 06:04 PM

حنان : طالع .. بعد متكشخه اكثر
عنا ..

قمورة : مالت عليها ما تستحي اتي
احلى عن العروس شو تبغي تاخذ
رياييلنا ..

خوية : حليلها متكشخه ملجة ربيعاتها..

قمورة : خوية لا تكونين بارده .. هاي
الحين جيه فالعرس كيف؟؟

خوية : مش مشكله الله يزيدها جمال..

حنان : هاي الي بتحرق قلبي باااااااااارده ..

هههههههههههههههههههههههههههههههههههههههههههههههههه هههههههههههههههههه

هالباااااااارت طررررررررررريشن ههههههههههههههههه

سلمت باقايا نترقب الياي ع احر من الجمر..^^ __DEFINE_LIKE_SHARE__

بقايا هواجس · 07-06-2008, 07:49 PM

إن شاء الله جريب

يسلمو على المرور __DEFINE_LIKE_SHARE__

Єcтαтσôят_αŁ_qαŁв∂ · 07-06-2008, 08:35 PM

تسلم بقــآيــأ علــى البــآآرت الحلــؤوؤؤو ..//

يعطيــك ربي العــآآفيــة..}

ونترقــب البــآآرت اليــآآي ..~* __DEFINE_LIKE_SHARE__

بقايا هواجس · 07-08-2008, 01:14 PM

يسلمو على المرور

جاري اضافة الجزء التالي __DEFINE_LIKE_SHARE__

بقايا هواجس · 07-08-2008, 01:17 PM

][ قصة بنكات الأعضاء ][

الفصل الرابع

][ حلـے عن سماي و روح مالكـے شغل فيني ][

الجزء الثالث

و بعد ما خلصت الملجه
بدن البنات يتجهزن حق العرس..

بنت الأفلاج : ها بقايا مب ناوي
تقوم و تشوف لك شي تسويه بدل
هالرقاد ..

بقايا : اماه بعدها 10 الصبح ..

بنت الأفلاج : قوم سير و تجهز حق العرس
ما بردك من ولد ..

بقايا : مافي مشكله يتأجل للمسا العرس الحين
ابغي ارقد لين نص الليل و الشباب يالسين في
الميلس تبوني ارقد سرعه ..

بنت الأفلاج : انزين ما بتتصل على عروسك
تسلم عليه تكلمها شوي تتفاهمون قبل العرس..

بقايا : المسا اماه ابى ارقد ..
بعدين ما عندي رقمها بعدين باخذه

من حنان ..

بنت الأفلاج : آآآه مردك من ولد مادري على
شو مسوي عمرك تعبان ..

بقايا : اماه مب زين جيه انا بعدني واعي ما رقدت..

بنت الأفلاج : اخمد اخمد .. انا الغلطانه
خطبتلك شيخة البنات ..

بقايا : ما خطبتي لي شيخة البنات
خطبتيلي قمورة بنت خالتي ..

بنت الأفلاج : تراها شيخة البنات
اخمد اخمد .. انت ما تنفع بشي ..

و في طرف اخر من زوايا البيت

حنان : وعليكم السلام ..

مسكين : شحالج ..

حنان : بخير ..

مسكين : اخيرا اقدر اسمع
صوتج .. و اخير افتكيت من
خوفي من الناس ..

حنان : بس ؟

مسكين : نو .. في كلام وايد
بس مو زين اقوله جدام الخلق
يالسين يقرون تراهم ..

حنان : شعليك من الي يقرون
خاري النص تراهم ..

مسكين : ما عليه .. محد شاف ..
خلينا نسمع صوتج .. بسير
الحين اتكشخ حق العرس ياللا
سي يو ..

حنان : هممم .. سي يو خل الكشخه
تنفعك ..

مسكين : حنون شفيج زعلتي نو مو جين..

حنان : ما زعلت بس يعني لا تنساني يعني
تدري حتى انا ابى اكشخ يعني جدام الناس..

مسكين : خلاص ما تغمضين عيونج
اليوم الا و انا يايبلج هديه ..

حنان : اتريا ان ما يت بفشلك فالعرس ..

مسكين : لا الله يهديج .. هدي مب زين
العصبيه ..

حنان : ياللا سير تكشخ ..

مسكين : مع السلامه ..

في بيت مسكين

قمورة : شفيك مستانس منو
كنت تكلم ؟

مسكين : هاه .. ما شي بس
كنت اسلم على حنان ..

قمورة : و الحين وين رايح ؟

مسكين : بسير افصل كنادير
و اخذ اغراض جيه يعني اتكشخ..

قمورة : زين لا تبصبص مني و لا مني
ترا ابلغ عليك عن وزارة الداخلية اليديدة ..

مسكين : ههههه .. خبريها عادي ..
مع السلامه ..

قمورة : تكلم عمرها : هممم يا حظها
حنان على الأقل اتصل سأل عنها
مب انا و حظي همم .. شسوي شسوي
يا ولد الناس شو سويت بك انا عشان
تسويبي جيه بس اتصل سلم تنشد بصحه
و لا مريضه ..
الظاهر مب هامتنه و لا طاريه على البال
الله يسامحج خالوه يلستوا تكلموني عنه
لين صار قلبي معلقبه و اخر شي يظهر
عكس ما تصورته ..
هممم يا حظي .. ياليتك تتبدل و ابيعك
و اشتري غيرك ..

و يرن تلفونها فجأه ..

قمورة : السلام عليكم ..

بقايا : وعليكم السلام .. كيف تردين
على ارقام غريبة ما تدرين عيب لو
ظهر حد غيري ..

قمورة : شفيك مبهدلني ها من اولها
جيه هزئتني .. على فكره ما ارد على
ارقام غريبه بس ماخذه رقمك من ختك
و مسجلتنه و اترياك تتصل ..

بقايا : اوبس .. سوري كنت ابى اهزبج
شويه بس ..

قمورة : هيه هالي فالح فيه تهزبني
جدام القراء ..
ما تخيل و لا تستحي ..

بقايا : طالع بدايتها جيه ..
شفيج زعلانه انزين .. قولي
كلمة حلوه على الأقل ..

قمورة : اقول كلمه حلوه ؟؟ انت شو ما تحس
الناس من صباح الله خير تصبح على الناس
و مسكين يسولف جدام و اسمعه يقول كلام حلو
و انا قلبي يتفطر اقول ما فكر يدق ..

بقايا : سوري والله .. ترا مسكين ظهر عن الملجه
عالساعه عشر انا قعدت لين ما راحو كل العرب
لازم استريح و لا ؟

قمورة : هيه تعذر تعذر .. من اولها جيه
ما قول غير الله يسامح الي كان السبب ..

بقايا : يالله عالزعل هذا كل يوم يجي ورا انا
شنو سويت انا مشان هذا زعل كله يجي وراي..

قمورة : لا تحاول ما بضحك ..

بقايا : ممم خلاص انا عندي حل ..

قمورة : شو ..

بقايا : ما بتكلم بخليها مفاجئه ..

قمورة : لا تزيدني الي فيني كافيني..

بقايا : لا تريي ما يصير اتلكم بعدين
ما بتكون في مفاجاه و لا اثارة و لا عتاب..

قمورة : هممم ابصبر شسوي .. الله كريم ..
تقوى الهجر لا تتعتذر ليه العذر ..

بقايا : من اولها خالد عبدالرحمن ..
اسمعي ما شي اغاني من الحين للعرس ..

قمورة : ليش بعد ؟

بقايا : اول شي ما تقولين لي ليش و لا تناقشيني
فكلمي بس كله على العين و الراس .. ثاني شي
انا بسمعج الي يعيبني و يناسبني تسيرين تسمعين
مخاوي اليل فاضي انا ..
ما شي شغله اسمع حزن ..

قمورة : ان شاء الله ..

بقايا : يالله ترييني ..

قمورة : مممم بتريا مفاجئاتك بس صدقني
بضربك ان ما عيبتني ..

بقايا : بنشوف منو يضرب الثاني ..

في بيت بنت الأفلاج ..

حنان : عنه منو ترمس جيه ..

بقايا : ارمس قمورة ..

حنان : عنه جيه عاد بضربج .. قول
كلمه حلوه شي حلو خلك حنون ..

بقايا : كيف اكون حنون و انتي الحنان
كله خبريني ..

حنان : بسيطه افتح قلبك خلك كول ..
انت معرس لازم تدلع حرمتك ..

بقايا : اقول يالكول غاديه واحد من الربع
شرايج بعد اتين تتحوطين معانا و نلعب بولنغ

حنان : لا مشكور يا خويه لكن ياخوك
يعني تدري مواعد اليوم انا باروح جداها..

بقايا : بعد هب هباج الله شو هالكلام انا ما قلته
كيف انتي تقولينه ..

حنان : بس جيه اسولف معاك ..

بقايا : خذتي علي وايد .. سمعي طلعي من سالفتي
و لا تلعبين على قمورة لا ادوس في بطنكن الهنتين..

حنان : بقايا . انت معرس مب زين عليك العصبيه ..

بقايا : كل شي زين و على كيفي ..

حنان : كيف اذلف عني انزين ..

بقايا : منو قال اترياج تقولين لي بسير
انا مواعد الحريزي بنسير شوي ..

حنان : هيه و ليش ما تشلون مسكين معاكم..

بقايا : اسرار بيني و بين الحريزي و اخاف
مسكين يخبر علينا وزارة الشؤون و العمال..

حنان : هيه لأنه المسكين فيكم ..

بقايا : اقول خليني بعيد عنكم احسلي
و احسلكم ..

حنان : مع السلامه ..

بقايا يتصل على الحريزي...

بقايا : ها بتظهر ؟

الحريزي : ياللا ما في بروبلم..

بقايا : بنمر الي بالي بالك ..

الحريزي : هيه . شو سويت ويا
المدام ..

بقايا : اسكت مشاكل و انته ؟؟
--- --- --- ---- --- ---- --- --- ---- ----
يا ترى شصار بين الحريزي و خوية ؟
يا ترى وين سايرين الربع ..؟؟ __DEFINE_LIKE_SHARE__

أدوات الموضوع
مشاهدة صفحة طباعة الموضوع أرسل هذا الموضوع إلى صديق
انواع عرض الموضوع
الانتقال إلى العرض العادي العرض المتطور الانتقال إلى العرض الشجري

المواضيع المتشابهه
الموضوع	كاتب الموضوع	المنتدى	مشاركات	آخر مشاركة
صور ألقاب الأعضاء والادارة متحركة & رتب الأعضاء ^ النجوم ^ مجموعة رآئعة جداً	محروم.كوم	منتدى أخبار المواقع والمنتديات العربية والأجنبية	0	02-12-2010 02:10 PM
شباصات و توكات و تك تكات للعيد	غبشوهـ	بيع و شراء و عروض التجارية	13	11-16-2009 10:52 PM
[ تبادل اعلاني ] : المواضيع: 17,805, المشاركات: 314,609, الأعضاء: 1,581, الأعضاء النشطين: 266	محروم.كوم	منتدى أخبار المواقع والمنتديات العربية والأجنبية	0	07-03-2009 06:40 PM
[ تبادل اعلاني ] : المواضيع: 538, المشاركات: 1,927, الأعضاء: 28, الأعضاء النشطين: 19 -http://vb.qlb.	محروم.كوم	منتدى أخبار المواقع والمنتديات العربية والأجنبية	0	06-19-2009 06:10 PM
[ تبادل اعلاني ] : المواضيع: 2,234, المشاركات: 13,547, الأعضاء: 1,352, الأعضاء النشطين: 1,352	محروم.كوم	منتدى أخبار المواقع والمنتديات العربية والأجنبية	0	05-03-2009 07:20 PM