][ قصة بنكات الأعضاء ][ - الصفحة 63

فلووونه · 07-04-2008, 05:58 PM

عجييييييييييييييييييييييييييب الكل خطبوا له

>> رضوا و الا ما رضوا <<

ههههههههههههههههههههههههههههههه

يسلموو بق بق عالبارت

^_^ __DEFINE_LIKE_SHARE__

بقايا هواجس · 07-05-2008, 11:42 PM

يسلمو على المرور ..

جاري اضافة البارت .. __DEFINE_LIKE_SHARE__

بقايا هواجس · 07-06-2008, 12:06 AM

][ قصة بنكات الأعضاء ][

الفصل الرابع

][ حلـے عن سماي و روح مالكـے شغل فيني ][

الجزء الثاني

داناو : اميه دريتي انه الجمعه ملجة
حنان ..

ملاك الحسن : يا حليلها ..

(( ملاك الحسن : ام داناو ))

داناو : و شو بنسوي الحين ..

ملاك : يعني تبين نسير بنوديج
ما شي مشكله ..

داناو : بس ماعندي لبس يديد ..
كل فساتيني قدام ..

ملاك : خلاص صبري الخميس يوم
بنفضى بنسير ..

داناو : ممم ابغي اظهر احلى عنهن..

ملاك : ليش ان شاء الله ..

داناو : عشان يعني تشوفني فلانه
و لا علانه تخطبني حق ولدها..

ملاك : لا ماما بعدج ما عقلتي انتي
يوم بتعقلين ان شاء الله ..

داناو : اميه تحسسيني ياهل ربيعاتي
الحين بيعرسن و انا لا ؟

ملاك : صبري شوي سنه .. العرس هم

داناو : تحسسيني ان ابوي كان مقصر معاج

ملاك : ابوج هذا الله لا يراويج ..
الله يجعل نصيبج احسن ..

داناو : اميه .. ليش جيه كان ابويه؟

ملاك : ما لنا خص فيه خلاص روح
مع الي يباهم لا تطرينه ..

داناو : ممممم .. يعني خلاص ما
يباني .. مش بنته ..

ملاك : خليه الله يسامحه .. و انتي ما
تحتايينه كبرتي ..

داناو : زين يوم كبرت ابى اعرس ..

ملاك : هههه .. خلاص ان شاء الله
بتكونين احلى وحده ..

داناو : ما حبهم ..

ملاك : شفيج جلبتي على ربعج ..

داناو : بيعرسون كلهم و بيخلوني..

ملاك : ههههه قسمة و نصيب بعدين
كل تأخيره و فيها خيره ..

داناو : اممممم حمير هدوني روحي..

و في بيت بنت الأفلاج..

حنان : صباح الخير يالمعرس..

بقايا : حلي عني لا افلعج باي شي حولي ..

حنان : يالله و هالنفس بعد ..
المفروض تقول صباح النور ..
تقول شي ..

بقايا : حنان ان ما ظهرتي صدقيني
بيصير بج شي ما شفتيه فحياتج ..

حنان : زين حتى ما يخلي الناس تسولف
و لا تمزح معاه ..

بنت الأفلاج : شو فيكم تضاربون سيري انتي
عنه خليني انا بوعيه ..

بقايا : اماه واعي والله واعي بس خلاص
خلوني في حالي ..

بنت الأفلاج : زين جيه تكلمني انا امك ..

بقايا : اسف اماه مب قصدي بس هاي حنان
رفعت لي ضغطي عالصبح و روحي مب فايق..

بنت الأفلاج : ياللا تلبس و سير
شوفلني ذباح بسك دلع نبغي ذباح
حق العزيمة ..

بقايا : باقي يومين صبرو ..

بنت الأفلاج : سير و خلاص ..

و في بيت الحريزي ..

(( ديمو الغلا : اخت الحريزي الي اصغر عنه
16 سنه ))

ديمو : حروز قوم ياللا ..

الحريزي : ها ديمو ..

ديمو : قوم ياللا بنسير نشتري معاك
اغراض حق الملجه ..

الحريزي : في ثنينه معاريس غيري
يسيرون ..

ديمو : احمود ربك ما صبحت في المينا
تشتري ذباح مثل غيرك انت بس بتسير
معا عموه و اماه تشترون مواعين و
اغراض يديده حق العشا ..

الحريزي : و منو صبح فالمينا ..

ديمو : ما عرف الي اعرفه انه في حد بيروح
ييب الذباخ و حد مواعين و حد بيسير يتفاهم
مع المطابخ حق يطبخون ..

الحريزي : عيل انا بشوف بقايا و بسير معاه
و انتو سيرو مع عموه الدماني ..

ديمو : مالي خص انا .. انا بس رسول ما عليه
اناقشك عليه اوعيك و اقول ياللا يالمعرس قوم
معاريس اخر زمن .. حتى ما فيهم ينشون انتو
وين تربون اجيال باجر ..

الحريزي : اقول كم مره قلت لج ما تكلمين الي اكبر
منج جيه عيب .. شو بيقولون الناس عنج ..

ديمو : مالي خص في الناس انا دامني صح بقول
الي فخاطري و بس ما عليه من حد ..

الحريزي : مو زين لج بيتمون يتكلمون عنج
الناس خفي شوي من المواقع و المجادل ..

ديمو : ان شاء الله .. انزين ليش جيه يعني؟

الحريزي : مادري بس لا تناقشين الي اكبر
منج جيه ..

ديمو : ان شاء الله ..

الحريزي : زين سيري و الحين بي..

و في بيت بنت الأفلاج ..

حنان : اميه نخليهم يرتبون الميلس..

بنت اللأفلاج : شفيج مستعيله .. كل
شي في وقته لا تستعيلين ..

حنان : مش مستعيله ..

بنت الأفلاح : عيل خلاص لا تسوين لي صدعه
و سيري ..

و تمر التجهيزات بسلام
و يمر اليومين و اي موعد
الملجه ..

حنان : الله عليه احلى وحده..

قمورة : انا احلى عنج شو في الفرق
بين لا تيلسين بس جيه تتكلمين..

حنان : خوية شفيج ساكته ؟

خوية : شقول يعني كلكن حلوات ..

بنت الأفلاج : ياللا عن الحشره و سيرن ايلسن
في الميلس .. الحريم يترينكن ..

خوية : الحين يايين ..

حنان : شوي بس بتعدل شو ي..

قمورة : ياللا يايه انا ..

و عند الشباب الكل مستانس
الا طبعا بقايا ..

الحريزي : بقايا شفيك جيه ابتسم
على الأقل ..

بقايا : ياخي وين ابتسم على شو؟

الحريزي : ياخي هاي الحياه لازم
نتأقلم معاها ..

بقايا : القهر ضربتين مب وحده ..

الحريزي : عشان مسكين و عشان
القلب ..

بقايا : هيه هنتين يا حريز ..

الحريزي : يا ريال هونها و تهون ..

بقايا : وين تهون وين تهون ..

الحريزي : انزين الحين بنرد عندهم
عدل عمرك و طوفها ..

بقايا : يالله اوكيه ..

الحريزي : ياللا عاد
ما عليك كل شي يهون ..

بقايا : keep it up?

الحريزي : هيه كيب ات اب ..

و يمر
الوفت و توصل
داناو و امها متأخرين
شوي ..

ملاك الحسن : السلام عليكم ..

بنت الأفلاج : وعليكم السلام و الرحمه..
مرحبا الساع ..
يا حليلها دانوه كبرت والله و صايره

قمر ..

داناو : ها؟

حنان : طالع .. بعد متكشخه اكثر
عنا ..

قمورة : مالت عليها ما تستحي اتي
احلى عن العروس شو تبغي تاخذ
رياييلنا ..

خوية : حليلها متكشخه ملجة ربيعاتها..

قمورة : خوية لا تكونين بارده .. هاي
الحين جيه فالعرس كيف؟؟

خوية : مش مشكله الله يزيدها جمال..

حنان : هاي الي بتحرق قلبي باااااااااارده ..

خوية : هههه انتن الي محترات الجمال
جمال الروح ..

حنان : دخيل والدينج اجلي محاضراتج..

خوية : و انتو بعد لا تمون جيه بعد شوي
بيسيرون العرب و بيشوفونكم المعاريس
جيه معصبين ويهكم كله تجاعيد ..

حنان : اوه صح مكياجي بيخترب ..

قمورة : مب مشكله يخترب بس ما تكون
هي احلى ..

داناو : السلام عليكم ..
بالمبارك ..

حنان : الله يبارك فيج ..
وينج يالقاطعه << نفاق ..

قمورة : الله يبارك في حياتج
وينج ما تنشافين <<خداع ..

خوية : الله يبارك في حياتج ..
الله غاديه قمر اليوم <<برائه ..

داناو : هاه .. عاد مب لها الدرجه ..

خوية : ما عليج احلى بعد..
كلمة قمر تقصر في حقج ..

حنان : تصاصر قمورة : هاي الي
بتشوي اعصابنا على جمر و بطيء

قمورة : انا اسير اشوف العرب احسلي
ايلس اشوف هاي و احترق ..

--- --- --- --- --- --- ---- ---- --- ---- ---
يا ترى شبيصير في حنان ؟
يا ترى شبيصير في بقايا ؟
يا ترى شبيصير في الحريزي؟
يا ترى شبيصير في النورس ؟ __DEFINE_LIKE_SHARE__

,,SwaN}~ · 07-06-2008, 12:51 AM

ما عليه يا بقبق

اونه نفاق

يبا يطلع حبيبته ملاك غصب ههههههههههههههههههه

دب دب دب

وين مسكين ؟؟

وين خطيبي بسير عنكم

__DEFINE_LIKE_SHARE__

فلووونه · 07-06-2008, 01:06 AM

يا ربيييييييييييييييييييييه >> قلبي عووورني ع بقايا الدب...

اتوقع النوورس بيخطب دانووه >> يمكن ...

تسلم يمناك بقايا

و نرقب الياي ...

^_^ __DEFINE_LIKE_SHARE__

المواضيع المتشابهه
الموضوع	كاتب الموضوع	المنتدى	مشاركات	آخر مشاركة
صور ألقاب الأعضاء والادارة متحركة & رتب الأعضاء ^ النجوم ^ مجموعة رآئعة جداً	محروم.كوم	منتدى أخبار المواقع والمنتديات العربية والأجنبية	0	02-12-2010 02:10 PM
شباصات و توكات و تك تكات للعيد	غبشوهـ	بيع و شراء و عروض التجارية	13	11-16-2009 10:52 PM
[ تبادل اعلاني ] : المواضيع: 17,805, المشاركات: 314,609, الأعضاء: 1,581, الأعضاء النشطين: 266	محروم.كوم	منتدى أخبار المواقع والمنتديات العربية والأجنبية	0	07-03-2009 06:40 PM
[ تبادل اعلاني ] : المواضيع: 538, المشاركات: 1,927, الأعضاء: 28, الأعضاء النشطين: 19 -http://vb.qlb.	محروم.كوم	منتدى أخبار المواقع والمنتديات العربية والأجنبية	0	06-19-2009 06:10 PM
[ تبادل اعلاني ] : المواضيع: 2,234, المشاركات: 13,547, الأعضاء: 1,352, الأعضاء النشطين: 1,352	محروم.كوم	منتدى أخبار المواقع والمنتديات العربية والأجنبية	0	05-03-2009 07:20 PM