][ قصة بنكات الأعضاء ][ - الصفحة 73

فلووونه · 07-15-2008, 12:50 AM

شو هذا ..؟؟

واايد تفاصيل ضاااااااااااااااااااااااااااايعه ..؟؟

ليش كل شي يربع بسرعه

ما قلت لنا شووو صار يوم العرس . منو احلى عرووس ..؟؟

و بعدين يا الدفش بقايا .. حد يقوول لعرووسه هالرمسه في ليله عرسه ..؟؟>> جان سكت ليين باجر .. حشى حشى >> لو انا بظهر من البيت و برد بييت اهليه >>

دام اوول يوم عرس جيه >> عيل باجر شو بيصير >> الله يستر

اعتقد محد مستانس من هالعرس ... غير حنوونه و مسكينووه ...

تسلم صبووعك بق بق ... و نرقب الياي ...

^_^ __DEFINE_LIKE_SHARE__

(****) · 07-15-2008, 01:15 AM

السلام عليكم ورحمة الله وبركاااته

قريت كل الاجزاء اللي طافتني احدااث حلوه ورووووووووعه

يعطيك العافيه بقبق عالطرح الاكثر من راائع

ربي يعطيك الصحه والعافيه بانتظار البارت اليااي

والسموحه عالقصور هالفتره ما احدر النت وايد ^_^

لا تبطي علينااا بانتظارك __DEFINE_LIKE_SHARE__

بقايا هواجس · 07-16-2008, 12:34 PM

السلام عليكم

الأخ بقايا غير موجود حاليا

انا دخلت بنكه حق احط البارت

و ان شاء الله بعدين هو بيكمل __DEFINE_LIKE_SHARE__

بقايا هواجس · 07-16-2008, 12:34 PM

][ قصة بنكات الأعضاء ][

الفصل الخامس

][ بحتفل بعيد ميلادك .. للأسف بحيه من دونك ][

صباح اليوم الي بعده .
مسوين غدا للمعاريس .
و العرب ملتمه و متيمعه ..

الحريزي : ها بقايا شو الشنط لفيتهن..

بقايا : بعدني يا ريال ..

النورس : ياخي الحين بسالكم مسكين مش معاكم؟

بقايا : يعني مش بالكامل ..

النورس : الي يشوف يقول هو معرس روحه
و انتم روحكم ..

الحريزي : نسبيا هيه عرسنا غير عنه ..

النورس : ليش ان شاء الله ..

الحريزي : ياخي هو ماخذ الي يباها
بس نحن مجبورين ..

النورس : ايوا ..

الحريزي : فتعرف يعني شوي مش متأقلمين
مع الوضع..

النورس : ما عليك ان شاء الله الخير فيهن
و الي كتبه ربك خير ..

بقايا : الله كريم .

النورس : الله اكرم لكن الواحد ما يتفكر
في نعمته .. يا حيك على الأقل عرست
خذت حرمه بنت ناس و ما نسمع عنها
شي ..
غيرك بعده عزابي ..

بقايا : العرس مش دوم نعمه ..

النورس : ما عليك انت تغاضى عن السلبيات
ياخي .. خلك متفائل خل نظرتك للحياه ايجابيه..

الحريزي : يا ريال خلها على ربك امس انا راقد
فبيتنا ..

النورس : افا كيف معرس ما يووز ..

الحريزي : الحرمه وايد تستحي قفلة الباب ماخلتني
ادخل ..ههههه

النورس : عنه لها الدرجه ..

الحريزي : حليلها تخيل من كل حد ..

بقايا : زين يعني مع الأيام تتعود ..
باجر بعده سنه سنتين اربع اصبر
بعدين بتاخذ عليك بعد لازم ..

النورس : يا حليلك يا حروز ..

الحريزي : صدق حليلي ياخي تخيل
ترمسني تخيل تسلم تتنشد عني..

النورس : اصبر مافي غير تصبر ..

بقايا : بسكم عن سوالف الحريم ..
خلونا نحدر قبل لا ايون المعازيم .

و بعد العزيمة ...

بقايا يجري اتصال ..

بقايا : الو السلام عليكم ..

حنان : وعليكم السلام ..

بقايا : خلاص طرشو الخدم ينظفون
راحو العرب ..

حنان : وليش متصل عليه اتصل
على حرمتك انا مب فاضيه يالسه
اجهز الشنط ..

بقايا : زين زقري على دمون..

حنان : زين يالله مع السلامه ..

بقايا : مع السلامه..

حنان : دمون .. دمون ..

الدماني : اصغر عيالج انا ؟
خالو الدماني قولي ..

حنان : الحين انا عروس انتي بعدج
فلازم ندلعج على اساس يعني ..

الدماني : اقول لو اريد اعرس جان عرست
ما شاء الله الخطابه تارسين الفريج السيد
لين ثالث اشارة واقف .

حنان : عشتو .. و ليش ما عرستي ..

الدماني : انا انسانه حره .. ما اريد اقيد
عمري بعرس و زواج و عايلة بعدني
صغيرة ..
يوم بحس عمري كبرت بعرس مب انتي
بعدج ياهل عرستي منو بيربي عيالج يوم
انج بعدج ياهل.

حنان : عشتو .. ما علينا الحين سيري
شوفي الخدم ينظفون الميلس ..

الدماني : حاضر عمو حنان .. اقول
انا بسير بس مش عشانج عشان خوية
و بقايا و الحريزي .. و لا الباقين الثلاثه
ما ادانيهم ..

حنان : عاد نحن الي طلبنا رضاج يعني
بالطقاق الي ما يدانيني مره ما دانيه عشر..

بنوته : شفيكم تضاربون .. حنان خالتج
هاي احترميها شوي ..

حنان : مالي خص همتو هميسا و ايامه راحن
الحين خلاص اشوف افلام مصريه ..

الدماني : انا بسير بدال لا ايلس معاج ..

بنوتة : بسير معاج ما فيني ايلس عند حنون
هاي ..

حنان : شو فيني بعد ؟

بنوتة : من عرستي ما تنطاقين .. مب كأنج
قبل 24 ساعه مطابجتنا ..

حنان : الحين انا عروس ما ايلس مع عوانس..

بنوتة : عشتو يالله بسير انا ..

حنان : اسير اشوف قمورة شو سوت..

و في قسم قمورة ..

حنان : قمورة شفيج ..

قمورة : .. ماشي ..

حنان : عروس تصيح ما فيها شي
عليه ..

قمورة : ماشي خليني روحي ..

حنان : لا السالفة فيها شي ..
خبريني بقايا زعلج ضربج ..
قولي ..

قمورة : ماشي ..

حنان : قولي تكلمي انا الا اعرف
اليوم و لا بسير اخبر امايه..

قمورة : لا تخبرينها بقولج ..

حنان : زين تكلمي ..

قمورة : ( تقول السالفة الأمسيه )

حنان : و كل ها صار امس ؟

قمورة : هيه ..

حنان : صراحه ..مم

قمورة : ادري بتوقفين مع اخوج
لازم .. بس بعد انا ما كنت ادري
انه جيه بيكون امج الله يسامحها
تمت تحليه في عيني لين صار هواي
الي اتنفسه ..

حنان : انا ادري انج تحبينه و انا
معاج لا تخافين مش معاه هو حمار
تراه ..

قمورة : انا ما اقدر اتحمل اعيش جيه..
برد بيتنا ..

حنان : لا اليوم السفر كيف تروحين ..

قمورة : ما اقدر اعيش معاه و هو
ما يفتكر فيني ..

حنان : عطيه فرصه ثانيه بس هالسفره
و انا هناك بخبره ..

قمورة : هئ هئ .. انزين برتب الشنط
بس بليز لا تثقلين عليه خلاص انا كرهت
عيشتي كنت اتحسب اقدر الفت
انتباهه بس ما دريت انه بيتضايق
لهاي الدرجه ..

حنان : ما عليج باجر بينسى ..

قمورة : هممم .. زين خلينا نجرب
اذ نجحت فكرتج يا ليت و ان ما صار
شي ترا ما صار شي ..

-- -- -- -- -- -- --- --- -- -- -- -- -- ---
يا ترا بتنجح خطت حنون ؟ هل بينتبه بقايا لقمورة ؟
شو بيصير فالسفر .؟ شو بيصير في الحريزي ؟ __DEFINE_LIKE_SHARE__

*نظره مني تسدك* · 07-16-2008, 12:44 PM

الحريزي : يا ريال خلها على ربك امس انا راقد
فبيتنا ..

النورس : افا كيف معرس ما يووز ..

الحريزي : الحرمه وايد تستحي قفلة الباب ماخلتني
ادخل ..ههههه

هههههههههههههههههههههه يحليلج يا شقوووي خخخخخخخ تستحي البنيه

الحرز صبرك عليهاا شوي ههههه

والله محد كاسر خاطريه غير قموووره

يالله يمكن يتعودوون

سلمت يمنااااااك بقايا

نترقب الياي..^^ __DEFINE_LIKE_SHARE__

المواضيع المتشابهه
الموضوع	كاتب الموضوع	المنتدى	مشاركات	آخر مشاركة
صور ألقاب الأعضاء والادارة متحركة & رتب الأعضاء ^ النجوم ^ مجموعة رآئعة جداً	محروم.كوم	منتدى أخبار المواقع والمنتديات العربية والأجنبية	0	02-12-2010 02:10 PM
شباصات و توكات و تك تكات للعيد	غبشوهـ	بيع و شراء و عروض التجارية	13	11-16-2009 10:52 PM
[ تبادل اعلاني ] : المواضيع: 17,805, المشاركات: 314,609, الأعضاء: 1,581, الأعضاء النشطين: 266	محروم.كوم	منتدى أخبار المواقع والمنتديات العربية والأجنبية	0	07-03-2009 06:40 PM
[ تبادل اعلاني ] : المواضيع: 538, المشاركات: 1,927, الأعضاء: 28, الأعضاء النشطين: 19 -http://vb.qlb.	محروم.كوم	منتدى أخبار المواقع والمنتديات العربية والأجنبية	0	06-19-2009 06:10 PM
[ تبادل اعلاني ] : المواضيع: 2,234, المشاركات: 13,547, الأعضاء: 1,352, الأعضاء النشطين: 1,352	محروم.كوم	منتدى أخبار المواقع والمنتديات العربية والأجنبية	0	05-03-2009 07:20 PM