][ قصة بنكات الأعضاء ][ - الصفحة 55

- { فلاسـية جميـــرا , . · 06-24-2008, 11:39 PM

هههههههههههههههههههههههه

كشخه .... والله .... __DEFINE_LIKE_SHARE__

*نظره مني تسدك* · 06-24-2008, 11:39 PM

غرااااااااااااااااااااااااام هالبااااااارت صدقج حنوون هذربتكن ما تخلص

اووووووه الحين بقايا مريض ولا شووووووووو؟؟"

ومنوو دخل المستشفى ليكون مسكينووه قوات عين بعد خخخ

يعطيييييييك الف عافيه يا بقايا

وبنوته نترقب اليااي..^^ __DEFINE_LIKE_SHARE__

غلا الغيث · 06-25-2008, 02:46 AM

امممممممممممممم

اتريى البارت اليديد

أمري لله ..

^_^ __DEFINE_LIKE_SHARE__

خوية الشقا · 06-26-2008, 03:36 AM

|[ اكيد مسكين اللي يااي المستشفى .. اتوقع يعني ..

بس ما عرفناا بقاياا وت فيه بالضبط ؟؟
يعني مريض ولا ..
ع العموم نرقب الباارت اللي عقبه .. ~ __DEFINE_LIKE_SHARE__

(****) · 06-27-2008, 11:40 PM

[align=center]تنويهــے:أحداث القصه طويله
فلا تستعجل على نفسك قد تنتهي الأجازة و بعدك ما
شبعت من القصة ..

][ قصة بنكات الأعضاء ][

الفصل الثالث

][ أنا بغيب و ان كان لك قلب ازعل ][

الجزء الخامس و الأخير

الحريزي : السلام عليكم ..

الدماني : وعليك السلام ..
بنات تعالن بنسير..

بنت الأفلاج : وعليكم السلام ..

الحريزي : اجر و عافيه عمتيه..

بنت الأفلاج : يعافيك و يسلمك يا وليدي
وين بقايا عنك .. ليش ما يا؟

الحريزي : لا تكدرين حالج عموه..
بقايا عجبهم الجو و نسو يشترون هدايا
و تأخر يبى يشتري هدايا حقكم..

بنت الأفلاج : حليله وليدي ..
ماماه ..صبي حليب حق الحريزي
عيل قالولي مريض و ما بيرد ..

الحريزي : ها منو هالكذاب ..
لا ما عليج بخير ..

بنت الأفلاج : الحريزي انت حبست
ولدي و تعرف كل شي في بقايا..
خبرني هو مريض ..؟

الحريزي : عموه قلتلج ما فيه شي..

بنت الأفلاج : حلفتك تقول و لا ترا
بزعل منك ..

الحريزي : لا تزعلين عموه .. اقولج
ما فيه شي..

بنت الأفلاج : عيل ليش ما يى ؟

الحريزي : يا هي بلشة العيايز لازم فكل
شي يعرفون ..

بنت الأفلاج : خبرني هو مريض ..

الحريزي : لا بقايا ما فيه شر .. بس
يوم سمع انج تعبتي و رقدوج فالسبيتار
تعب و طاح و رقدوه هناك ..

بنت الأفلاج : يا حليلك يا وليدي
قلبك على امك و امك لاهيه عنك ..

الحريزي : بس هو ما فيه شي و بيرد
بعد يومين ..

بنت الأفلاج : طمنت قلبي الله يطمن
قلبج ..

الحريزي : منو ها الي قال ان بقايا

مريض و ما بيرد خبريني ..

بنت الأفلاج : مسكين قالي ..

الحريزي : لا ما عليج منه نحن
بس فحصنا .. كلنا فحصنا مش بس
بقايا .. نحن رايحين سياحه و عقب
تشاورنا شفناهم يمدحونها بانكوك
قلنا بنكشف ..

بنت الأفلاج : احيد العيايز و الشواب
يكشفون انتو ليش تكشفون ..

الحريزي : اندور جان عندهم دوا للحب
يمكن عندهم دوا للحب يفكون منه..

بنت الأفلاج : يا حليلكم .. عيل تحبون ؟
خبرني انته منو تحب و انا عندي دواك..

الحريزي : و الشو الدوا ..

بنت الأفلاج : اسير اشرحشح لك امها لين
ما توفق تقول خلاص هاتو الحريزي ..

الحريزي : حليلج يا عموه ..

بنت الأفلاج : خبرني منو تبى انت بس قول..

الحريزي : لا اسولف عليج عموه..
انا وين فيني حيل على الحب ..

بنت الأفلاج : لا ما عليه منك .. انتوا
بالذات السكوتيه انت و الي شرواك دوم
ساكت هذيل الي ينخاف عليهم ..

الحريزي : خالوه اقولج ما فيني شي..

بنت الأفلاج : و متى بتعرس ؟؟

الحريزي : ما اريد اعرس ابى اتم
عزابي ..

بنت الأفلاج : ليش وليدي مو زين
لك ..

الحريزي : شسوي عموه .. مسكين
ما عرس و بقايا ما عرس اعرس
انا الي اصغر عنهم ..

بنت الأفلاج : مسكين مالك شغل فيه
مب اخوك ولد عمتك و بقايا بعد نفسه
انت اكبر اخوانك و لازم تعرس سرعه
عشان اخوانك بيقلدونك و بيأخرون عقب..

الحريزي : هزرج ؟؟
مادري بس منو بتاخذ واحد مثلي حليلي
لا شهادة و لا وظيفة و لا شي على الله
ثم على جيب الوالد ..

بنت الأفلاج : ههههه فيك الخير كله و البنت
الزينه ما بتشوف شو فجيبك بتشوف اخلاقك
و انت ريال ما عليك منقود..

الحريزي : لا الحين غير انتي تطرين
قبل 40 سنه ورا .. الحين جيبك ثم جيبك
ثم جيبك ثم شهادتك ..

بنت الأفلاج : لها الدرجه يعني صايره

الدنيا بعيده عن الأخلاق ؟

الحريزي : شفتي ..

بنت الأفلاج : و ان قلتلك في وحده
مزيونه و خلوقة و ما يستاهلها غيرك..

الحريزي : منو هاي بعد ..

بنت الأفلاج : ما عليك شتبا فيها ..

الحريزي : و منو بييب ابويه خبرج
من تقاعد فمصر عند الثانيه ..

بنت الأفلاج : ما عليك انا خته العود
و بيبه من اذنه ..

الحريزي : زين خلاص شورج و هداية الله..

بنت الأفلاج : و على فكره في تحركات
هني و هناك ..

الحريزي : كيف يعني ..

بنت الأفلاج : ما بنسوي عرسك روحك..

الحريزي : كيف يعني ؟

بنت الأفلاج : يعني انا خطبت لبقايا بعد
و مسكين قريب ..
يعني ثلاثه في ليلة وحده الفرحه اكبر ..

الحريزي : هههههه .. عموه الله يهديج
الحين تبيني اعرس مع مسكين ما تدرين
انه ما يواطن يشوفني ..

بنت الأفلاج : ليش بعد ..

الحريزي : مادريبه بس الحين من كم
سنه ما شفته و لا توايهت معاه فالعيد..

بنت الأفلاج : شو عدوان من بينكم ؟

الحريزي : شسويبه اختلاف افكار
وجهات نظر مختلفه بس ..

بنت الأفلاج : حتى لو .. لازم تخفون
مب جيه فالعيد ما توايهتو .. بعد
هو ما ياني هنيه الهرم .. ماماه هاتي
تلفوني ..
يود حط رقمه و اتصل ..

الحريزي : ليش ..

بنت الأفلاج : انت اتصل بس ..

الحريزي : هاه اتصلت .. يودي ..

بنت الأفلاج : الوه .

مسكين : وعليكم السلام عموه..

بنت الأفلاج : السلام عليكم ..
يالهرم عاقني فالمستشفى من كم
يوم و لا تبى تمر تسلم عليه ..

مسكين : خالوه خفت امر و تزعلين..

بنت الأفلاج : انا قلتلك ما بسامحك
لين ما يرد بقايا و ياني خبر انه بيرد..
خلاص سامحتك ..

مسكين : بقايا بخير ؟؟ يا حليله ..والله
انه حبيبي بس مادري ليش انجلب عليه
هالشهر ..

بنت الأفلاج : انزين تعال عندي الحين
و لا انسى اوافق ..

مسكين : الحين ياي ..

و في تايلند ..

النورس : يسلمو دكتور ..

بقايا : الحين الي يسمع يعرف عربي
لو تحراك تسبه و رشك بكس الحين ..

النورس : لا حتى لو ما فهمها حركة الويه
تبين انها وديه ..

بقايا : انزين شو النتايج ..

النورس : قلتلك هذاك خربوط ما عليك منه
ما فيك شي ..

بقايا : انزين و متى الطيارة ؟

النورس : ما شاء الله مستعيل ..
شو تحب و لا شو ؟

بقايا : شسوي .. عاد ياللا طوف
خلنا نسير الفندق نرقد و عقب نرد
لبلاد ..

و في المستشفى ..

مسكين : السلام عليكم خالوه ..

الدماني : و عليكم السلام ..

مسكين : اي غرفه خالوه بنت الأفلاج؟

الدماني : بتلاقيها اخر الممر على يدك
اليمين ..

مسكين : يسلمو ..

الدماني : شو فيه جيه فرحان ؟

و يدخل مسكين عند خالته ..

مسكين : السلام عليكم ..

بنت الأفلاج : وعليكم السلام ..

الحريزي : وعليكم السلام ..

مسكين : اجر و عافيه خالو ..

بنت الأفلاج : يعافيك و يسلمك..
تعال شو فيك سنين ما تسلم على
ولد خالك يالي ما تستحي ..

مسكيين : شو نسوي خالوه كل ما
سير يمين يكون يسار و ان كنت يسار
و تنشدت عنه قالولي يمين ..

الحريزي : حليلي انا محلي لا رحت
يمين و لا يسار بس هاه احيان اظهر مع
الشباب مره كل اجازتين نسير نخيم
و لا الشماليه ..

مسكين : و انا يوم تكون فالبيت اكون
مع الشباب و يوم تكون مع الشباب اكون
فالبيت ..

بنت الأفلاج :مش مشكلتي ... الحين توايهو ..
و بعدين بتفاهم معاك يا مسكين ..

الحريزي : شو السالفه اكيد يبغي يعرس..

مسكين : و انت شدراك ..

الحريزي : كلنا نبا نعرس ..

مسكين : خالوه لا تقولين هو بياخذ؟

بنت الأفلاج : انت عليك تحضر العرس
وبس ..

مسكين : و انا وين رحت ؟؟ مب انا اولى؟

بنت الأفلاج : انا اشوف كلكم تعرسون ليله
وحده و تفكونا ..
-- --- --- --- --- --- --- --- --- --- --- ---
يا ترى منو بياخذ حنان ؟ يا ترى بقايا شو بيصير به؟
شو بيصير من هالزواج الي هو مجبر عليه ؟
[/align] __DEFINE_LIKE_SHARE__

المواضيع المتشابهه
الموضوع	كاتب الموضوع	المنتدى	مشاركات	آخر مشاركة
صور ألقاب الأعضاء والادارة متحركة & رتب الأعضاء ^ النجوم ^ مجموعة رآئعة جداً	محروم.كوم	منتدى أخبار المواقع والمنتديات العربية والأجنبية	0	02-12-2010 02:10 PM
شباصات و توكات و تك تكات للعيد	غبشوهـ	بيع و شراء و عروض التجارية	13	11-16-2009 10:52 PM
[ تبادل اعلاني ] : المواضيع: 17,805, المشاركات: 314,609, الأعضاء: 1,581, الأعضاء النشطين: 266	محروم.كوم	منتدى أخبار المواقع والمنتديات العربية والأجنبية	0	07-03-2009 06:40 PM
[ تبادل اعلاني ] : المواضيع: 538, المشاركات: 1,927, الأعضاء: 28, الأعضاء النشطين: 19 -http://vb.qlb.	محروم.كوم	منتدى أخبار المواقع والمنتديات العربية والأجنبية	0	06-19-2009 06:10 PM
[ تبادل اعلاني ] : المواضيع: 2,234, المشاركات: 13,547, الأعضاء: 1,352, الأعضاء النشطين: 1,352	محروم.كوم	منتدى أخبار المواقع والمنتديات العربية والأجنبية	0	05-03-2009 07:20 PM