][ قصة بنكات الأعضاء ][ - الصفحة 54

(****) · 06-24-2008, 09:16 PM

[align=center]تنويهــے:أحداث القصه طويله
فلا تستعجل على نفسك قد تنتهي الأجازة و بعدك ما
شبعت من القصة ..

][ قصة بنكات الأعضاء ][

الفصل الثالث

][ أنا بغيب و ان كان لك قلب ازعل ][

الجزء الرابع

النورس : بقايا شفيك ..

بقايا : الوالدة مريضة ..

النورس : ربي يشافيها ..
انزين خلنا نسير المستشفى
قعدتك هني ما بتساعدنا
لازم نخلص سرعه عشان
نقدر رند البلاد و تفرح بشوفتك..

بقايا : الحين ياي..

و يسيرون الربع المستشفى..

الدكتور : الحين بنييب النتايج..

بقايا : زين ..

النورس : ما عليك الحين بتشوف
ما فيك شي ..

الحريزي : ان شاء الله ..

بقايا : ان شاء الله ..

الحريزي : ويالس تقولي ختيه
و ختيه .. قلتلك بترد البلاد ..

النورس : يا الدكتور ..

و يسيرون الربع جدا الدكتور
و في الدرب بقايا يطيح ..

و يدخل في غيبوبة ..

في بوظبي ..

بنت الأفلاج : بخير ما فيني شي..

الدكتورة : انزين خالوه حتى لو لازم
تيلسين هنيه ..

بنت الأفلاج : غصب تمرضوني؟

الدكتورة : يا خالوه احسن لصحتج
لازم هني حق نتأكد انج تاخذين الدوا..

بنت الأفلاج : زين يا بنتي .. بس ابى
اسير البيت ولدي باجر بيرد ..

حنان : اميه كلمته هو بخير .. و باجر
بيرد و بي هني و بيحبج على راسج بنفسه..

بنت الأفلاج : هممم .. كلكم علي غصب
تمرضوني ..

بنوتة : يا خالوه محد بيمرضج .. لو
يبون يمرضونج جان خلوج فالحجره
بس الكل يباج تتعالجين و تردين البيت
ما في احسن عنج ..

بنت الأفلاج : .. و وين الدماني .. ليش
ما يت لا يكون فيها شي ؟

حنان : الدماني نزلتنا و المسا بتي هني ..

بنت الأفلاج : و خوية .. وينها ..

قمورة : خوية يوم شافتج طحتي تمت
تصيح تقول تولهت على امها ..
وديناها امس البيت ..

بنت الأفلاج : يا حليلها

قمورة : بس بعدني مب مصدقه ان هاي
كبرنا ..

بنت الأفلاج : ليش ..

قمورة : مادري بس احسها بعدها اصغر
عنا .. يعني وايد تتأثر ..

بنوتة : ههه حليلها لا تحشين فيها ختيه
بضربج ترا..

قمورة : لا اطري انها بعدها مسكينه
بريئة و فقيرة .. مول ما كأنها مخلصه
دراسه ..

بنوتة : حتى لو ما تحشين فختيه ..
ترا بالسكين بذبحج ..

قمورة : شفتي خالوه .. خليج شاهده
باجر يوم تذبحين ابا ديتي 4 مليون ..

بنت الأفلاج : لا ما عليج ما بتذبحج ..

بنوتة : الحين انتي 4 ملايين يالعصاه
انتي 4 دراهم ما ادفعلج ديه ..

قمورة : نعم !! انا لو يسوموني في
سوق الأسهم سهمي حطم المليارات..

بنوتة : الأخت روبوت و لا عمارة؟؟

بنت الأفلاج : ما عليج منها قمورة ..
انتي تسوين ملاين لو بيدي جان غصبت
بقايا ياخذج ..

قمورة : صدق !!
الله يخليج خالوه غصبيه
صدقيني بكون مطيعه ..

بنوتة : طالع ما تستحين ..

بنت الأفلاج : خخخخ خليها براحتها..

بنوتة : انا بعدني ما عرست
على شو هي مستعيله ..

قمورة : اكيد مستعيلة .. بعد
عشان اقعد شراتج .. متملله
اعرس و اقعد فبيت ريلي اتلهى..

بنوتة : مالت عليج و على الي بياخذج..

حنان : اي .. اخويه لا تغلطين عليه
مالت عليها بس ..

قمورة : افا يالنسيبة .. افى ..

بنوتة : خالوه زين جيه الحين
صدقت .. باجر بتنصدم من الواقع..

بنت الأفلاج : ليش تنصدم ..
خبريني يعني تتحسبين بخلي بقايا
على هواه كل يوم مع الشباب ..

قمورة : صدق !!
خلاص حنان قومي بسير اشتري
جهاز ياللا قومي ..

بنوتة : اي شو فيج انتي جيه ..
باجر بي بقايا بيقول ما باج شو بتسوين..

قمورة : انصدمت #__# : لا تقولين
جيه .. هئ هئ .. ابى اعرس ..

بنوتة : هههه انا شقبرني ما صحت
انتي تصيحين ليش..

قمورة : ترا فالحالتين اعرس خلاص
اعرس الحين .. ابرك ..

بنت الأفلاج : في وجهة نظر بس بعد

بنوتة : ممم مادري بس الظاهر انا مثل
ختيه بعدني فيني برائه ما ريد
من الحين اعرس ابى اسولف
و اظهر مع البنات .. بعدني
مش قادرة اتخيل اني اصير ام..

قمورة : مشكلتج .. بس انا كل يوم
احلم ان عندي بنت و جيه ..
ابى اصير أم ..

بنت الأفلاج : لا تستعيلين على رزقج
كل شي في وقته حلو ..

بنوتة : شفتي يعني مب اكيد
يعني مش لازم بتعرسين ..

قمورة : ليش انا جيه حظي ..

بنت الأفلاج : الدنيا حظوظ ناس
تبغي تعرس ما ييها نصيب و ناس
يصفون عندهم طوابير بس بنتهم
ما تبى تعرس ..

قمورة : هاي بطرانه ..

بنوتة : خالوه .. شو ذنبي يوم
ان واحد ما يداوم و الثاني مشكلجي
و الثالث خريج سجون و الرابع مادري
من وين و الخامس بيسكني في غرفه
و السادس بيسكني في اخر الدنيا و بيحرمني
من امي و اختي ..

قمورة : يعني انتي البطرانه ..

بنوتة : مش بطره تبينهم شليهم ..

قمورة : لا شالله كاظني .. عندي
ولد خاله ما حد احلى عنه و افكر فيهم..

بنوتة : تراه ولد خالتي ..

قمورة : بس انتي عيوز ما تصلحين
له ..

بنوتة : انا عيوز يالي ما تستحين ..

قمورة : اسولف .. ما عليج بييج هذاك
راعي الرنج الي يقطر بيزات بس صبري ..

بنوتة : مستحيل اخذ واحد راعي رنج..

قولي فتك و لا ستيشن ما عليه بس مب رنج..

قمورة : ليش يعني .. يعني بقايا و لا مسكين
مثلا ..

بنوتة : لا بس راعي الرنج هذا واحد 100%
مغازلجي التهمه لابستنه من ساسه لراسه ..
و انا ما اريد اقضي حياتي بين الصد و الشك ..

قمورة : يا حليله الي بتاخذينه معقده
من كل السيايير احسن شي ياخذ ترسل..

بنوتة : ليش شو باخذ باكستاني ؟ يخسي
طال عمرج .. ما اركب غير بنتلي ..

قمورة : امس راكبه النيسان مع الدماني..

بنوتة : ها نيسان القلب بقايا عادي ..

قمورة : شو قلبه خلج بعيده عن ريلي ..

بنوتة : ههههههه الله يزيدج عقل اسولف
شفيج اشتطيتي .. خلاص خالوه الحين
لازم تيوزينها اياه هالسوالف ما فيها مزح..

بنت الأفلاج : انزين من متى تحيديني
امزح معاج و لا كبرج يعني تشوفيني ..

و في تايلند ..

بقايا : هممم .. وين انا ..

النورس : وين يعني في دبي

بقايا : ما شاء الله صغرت عيونهم
هل دبي ؟؟

النورس : بعدنا فتايلند ..

بقايا : اوه صح .. شو قال الدكتور..

النورس : ما فيك شي .. بس الحين طحت
انته و انخفض عندك الضغط .. و لازم
تترقد يومين ..

بقايا : ما نقدر باجر الطيارة ..

النورس : لا لازم تقعد ..

بقايا : الحريزي وينه ..

النورس : الحريزي الحين بي..

بقايا : زين بس بنسير قوله ..

الحريزي : مرحبا .. اوه شفيك
طايح بسك دلع ..

بقايا : ما فيني شي ياخي خلهم
يظهروني برد لبلاد ..

الحريزي : لا اقعد هنيه ..

بقايا : و هليه ..

الحريزي : اخرت رحلتكم يومين..
و انا باجر برد بقعد عند هلك لين
ما ترد ..

بقايا : ياخي ..

الحريزي : انت اذ ضريت عمرك بتزيد
الي في امك .. خلك هنيه تردلها متأخر
بس بخير احسن من توصل و تطيح جدامها ..

بقايا : خلاص شقول بعد كنسلت تراك ..

و في اليوم الي بعده
في المستشفى ..

الدماني : بنات تغطن .. هدا هدا..
--- ---- ---- --- --- --- -- --- --- ---- ---
يا ترى منو الي وصل المستشفى ؟
يا ترى شصار بمسكين ؟ يا ترى شو بيصير بحنان؟
يا ترى شبيصير ببنت الأفلاج لو عرفت بأن ولدها مارد؟
[/align] __DEFINE_LIKE_SHARE__

فلووونه · 06-24-2008, 10:08 PM

عجييييييييييييييب الباااارت

حلاتها هالسوالف ههههههههههههههههههههههههههههه

تسلم يمناك بقايا

و تسلمين فلوووجه

^_^ __DEFINE_LIKE_SHARE__

ام منصور · 06-24-2008, 10:41 PM

يا ترى منو الي وصل المستشفى ؟

مسكين ،، ولد اخويه هيه هو خخخ لانه مستحيل ايي حد عندي غيره هع (ياونه من المحارم )

يا ترى شصار بمسكين ؟ يا ترى شو بيصير بحنان؟

بيرتفع ضغط فلوجه يوم بتشوف مسكينوه ،، حنون اممم الله العالم ( حنان ما تعرف بالسالفه سو يمكن بتعرفها يوم بيدش الغرفه )

يا ترى شبيصير ببنت الأفلاج لو عرفت بأن ولدها مارد؟

بيرتفع ضغطها وبتموت خخ بسم الله عليها اكييد بتزعل وبتصدق كلام مسكينوه يوم قالها انه يمكن ما يرد ^^

تسلم ع البارت بس كله ف سوالف قموره وبنوته ( يا هالعرس خخخ ) __DEFINE_LIKE_SHARE__

دلع القمر · 06-24-2008, 10:43 PM

فنآآآآآآآآآآآآآن البآآآآآآرت

سلمت خيي

لآعدمنآآآج خيه بنت الافلآج __DEFINE_LIKE_SHARE__

,,SwaN}~ · 06-24-2008, 11:27 PM

هالبارت كله هذرة بنات حشى صدق يلوعن بالجبد هههههههههه

ابا اعرف شو بيصير عقب

بقبق وا عليه قلبي معورنيه عليه بالقو

ماماتيه الليه يشافيج ان شاء الله وتردين البيت بخير وعافيه

مسكينوه خلوه هذا في عالم اخر محد يرمسه

اتريا البارت اللي ياي __DEFINE_LIKE_SHARE__

المواضيع المتشابهه
الموضوع	كاتب الموضوع	المنتدى	مشاركات	آخر مشاركة
صور ألقاب الأعضاء والادارة متحركة & رتب الأعضاء ^ النجوم ^ مجموعة رآئعة جداً	محروم.كوم	منتدى أخبار المواقع والمنتديات العربية والأجنبية	0	02-12-2010 02:10 PM
شباصات و توكات و تك تكات للعيد	غبشوهـ	بيع و شراء و عروض التجارية	13	11-16-2009 10:52 PM
[ تبادل اعلاني ] : المواضيع: 17,805, المشاركات: 314,609, الأعضاء: 1,581, الأعضاء النشطين: 266	محروم.كوم	منتدى أخبار المواقع والمنتديات العربية والأجنبية	0	07-03-2009 06:40 PM
[ تبادل اعلاني ] : المواضيع: 538, المشاركات: 1,927, الأعضاء: 28, الأعضاء النشطين: 19 -http://vb.qlb.	محروم.كوم	منتدى أخبار المواقع والمنتديات العربية والأجنبية	0	06-19-2009 06:10 PM
[ تبادل اعلاني ] : المواضيع: 2,234, المشاركات: 13,547, الأعضاء: 1,352, الأعضاء النشطين: 1,352	محروم.كوم	منتدى أخبار المواقع والمنتديات العربية والأجنبية	0	05-03-2009 07:20 PM