طريقة الطبخ بالملح لل{حمام* لحم وخاصتاً مع التيس الهندي}..اهداء لجميع المكشاتية

محروم.كوم · #1 10-28-2009, 04:50 AM

السلام عليكم ورحمة الله وبركاته

بمناسبة قرب مواعيد الكشتات
حبيت انزل هالطبخة المميزة وجزاه الله خير الي علمني اياها

وهي غريبة نوعا ما حتى اني اول مره سويتها ماكنت واثق انها بتظبط لكن الحمدلله

طبعاٌ الي حمسني اخونا الاداري يوم سئل عن التيوس وطعمها فهي ممتازة جدا جدا

ونبدأ:
اول شي يبيلك قدر تخصصه لهطبخة فقط وهي تستاهل سواءاٌ كاتم ولاعادي

نجيب القدر ولازم يكون ارتفاعه جيد نوعا يعني دفرنسين وانتبه لايكون قصير :no2:

ونضع ثلاث ارباعه ملح خشن {القصب} ولا يكلف شي الله يديم الرخص
طبعا كل مارتفع الملح عن قاع القدر يكون افضل والسبب
لوكان قريب الدهن الي راح ينزل من اللحم يوصل بسرعة للقاع وبعدين تطلع ريحة أحراق تخليك تكره عشاك

ثانيا يتم تتبيل اللحم قبل وضعه على الملح بنصف ساعة وانتبه لايكون فيه ماء واجد بالتتبيلة يعني احرص انها تكون ناشفه

وبعدها نصفه فوق الملح وانتبه لايلمس اللحم حافة القدر علشان مايحترق وعادي تصفه فوق بعض بس لاتصف واجد

واذا كنت حاطه بكاتم اكتمه وخله ساعة أو ساعة الا ربع على حسب اللحم
أذا كان قدر عادي يبيلك تحط قصدير وتغطيه مضبوط علشان يكتم البخار صح

بس لازم من يوم تطلعون اللحم تصبون ماء على الملح علشان ينغسل على طول وبدون تعب
وبعد هالمدة تجيكم المفاجئة

هاه وش رايكم ظبطت ولا ماجازت لكم ولاتحكمون على الصور التجربة خير برهان

طبعا معه بطاطس مشوي وطريقة شوي البطاطس معروفة أنك لازم تقطعه ارباع وتملحه شوي وتلفه بقصدير علشان مايحترق عليك من برا بالقصدير البطاطس شيييييييي ثاني

وأخيراٌ

أنا اتوقع ان اكثركم راح يقول مايصير مالح طيب زي ماأنا كنت متوقع قبل اجرب ...وراح أأكد له مايكون مالح

وهذي الطبخة هي التي حببت لنا التيوس الهندية بالكشتات

أتمنى ان تنال على احسانكم وخاصة أخي {{الاداري}}

واذا فيه سؤال حاضرين يالغالين وتامرون امر

ونعتذر عن ردائة الصور فهيا بكمرة الجوال واذا فيه احد من المشرفين حبايبنا ياليت يصغرها __DEFINE_LIKE_SHARE__

المواضيع المتشابهه
الموضوع	كاتب الموضوع	المنتدى	مشاركات	آخر مشاركة
دعوة عامة لجميع المكشاتية بس لازم تبلغنا اذا بتحضر	محروم.كوم	منتدى أخبار المواقع والمنتديات العربية والأجنبية	0	05-12-2010 01:30 AM
! مثل ماوعدتكم طريقة طبخ الدجاج بالملح بس هالمره فيها مغامره !	محروم.كوم	منتدى أخبار المواقع والمنتديات العربية والأجنبية	0	06-29-2009 01:20 AM
قولوا ماشاء الله اهداء لي اعضاء خيمة الطبخ البري تصوير >>الغزال الشارد	محروم.كوم	منتدى أخبار المواقع والمنتديات العربية والأجنبية	0	06-15-2009 07:10 PM
طريقة رجوع البيس باند 2.30.03 الي 2.28.00 بالشرح	محروم.كوم	منتدى أخبار المواقع والمنتديات العربية والأجنبية	0	04-15-2009 05:00 PM
طريقة الرجوع من البيس باند 2.30.03 الي 2.28.00	محروم.كوم	منتدى أخبار المواقع والمنتديات العربية والأجنبية	0	04-13-2009 02:00 PM