طريقة الطبخ بالملح لل{حمام* لحم وخاصتاً مع التيس الهندي}..اهداء لجميع المكشاتية
 

السلام عليكم ورحمة الله وبركاته

بمناسبة قرب مواعيد الكشتات
حبيت انزل هالطبخة المميزة وجزاه الله خير الي علمني اياها

وهي غريبة نوعا ما حتى اني اول مره سويتها ماكنت واثق انها بتظبط لكن الحمدلله

طبعاٌ الي حمسني اخونا الاداري يوم سئل عن التيوس وطعمها فهي ممتازة جدا جدا

ونبدأ:
اول شي يبيلك قدر تخصصه لهطبخة فقط وهي تستاهل سواءاٌ كاتم ولاعادي

نجيب القدر ولازم يكون ارتفاعه جيد نوعا يعني دفرنسين:p وانتبه لايكون قصير :no2:

ونضع ثلاث ارباعه ملح خشن {القصب} ولا يكلف شي الله يديم الرخص
طبعا كل مارتفع الملح عن قاع القدر يكون افضل والسبب
لوكان قريب الدهن الي راح ينزل من اللحم يوصل بسرعة للقاع وبعدين تطلع ريحة أحراق تخليك تكره عشاك
http://up4.m5zn.com/9bjndthcm6y53q1w.../p2nk1dfuz.jpg
ثانيا يتم تتبيل اللحم قبل وضعه على الملح بنصف ساعة وانتبه لايكون فيه ماء واجد بالتتبيلة يعني احرص انها تكون ناشفه
http://up4.m5zn.com/9bjndthcm6y53q1w.../i1a60hygm.jpg
وبعدها نصفه فوق الملح وانتبه لايلمس اللحم حافة القدر علشان مايحترق وعادي تصفه فوق بعض بس لاتصف واجد
http://up4.m5zn.com/9bjndthcm6y53q1w.../guh00wluj.jpg
واذا كنت حاطه بكاتم اكتمه وخله ساعة أو ساعة الا ربع على حسب اللحم
أذا كان قدر عادي يبيلك تحط قصدير وتغطيه مضبوط علشان يكتم البخار صح

http://up4.m5zn.com/9bjndthcm6y53q1w.../qh6hhnmk4.jpg

بس لازم من يوم تطلعون اللحم تصبون ماء على الملح علشان ينغسل على طول وبدون تعب
وبعد هالمدة تجيكم المفاجئة
http://up4.m5zn.com/9bjndthcm6y53q1w.../rdiha7v0i.jpg

هاه وش رايكم ظبطت ولا ماجازت لكم ولاتحكمون على الصور التجربة خير برهان

طبعا معه بطاطس مشوي وطريقة شوي البطاطس معروفة أنك لازم تقطعه ارباع وتملحه شوي وتلفه بقصدير علشان مايحترق عليك من برا بالقصدير البطاطس شيييييييي ثاني

وأخيراٌ

أنا اتوقع ان اكثركم راح يقول مايصير مالح طيب زي ماأنا كنت متوقع قبل اجرب ...وراح أأكد له مايكون مالح

وهذي الطبخة هي التي حببت لنا التيوس الهندية بالكشتات

أتمنى ان تنال على احسانكم وخاصة أخي {{الاداري}}

واذا فيه سؤال حاضرين يالغالين وتامرون امر

ونعتذر عن ردائة الصور فهيا بكمرة الجوال واذا فيه احد من المشرفين حبايبنا ياليت يصغرها