يا حليله واحد فقير رايح يخطب من عند عمه المليونير شوفوا شوقال على شروطه هههههههههههه

شــمــ انثى ــو خ · #1 05-02-2008, 09:44 AM

شاب فقير خطب بنت عمه المليونير

وزود عمه طلباته عليه فقال القصيده:

سبحان من يرزق بتوع الملاييـن------------ ------
------------ ------ الرازق اللي ما يخيب الرجـا بـه

لي عم عنده معـرضٍ للصواليـن------------ -------

------------ -------أموت واعرف بس من وين جابـه

وإذا سألته قـال بعـت الدكاكيـن------------ --------

------------ ------ما يدري إني ما هضمت الإجابـه

الشاهد إني رحت له قبـل يوميـن ------------ -------

------------ ---------في قصره العامـر ودقيـت بابـه

قال ارحب ارحب عدّ ورد البساتين ------------ ----

------------ ---------يا مرحبا باللـي لفـا يـا هلابـه

قلت البقا عـدّ النفـل والرياحيـن------------ --------

------------ -----يا شيخ شمل اهل الكرم والذرابـه

قال اسلم الله يحفظك لي من العين ------------ -----

------------ -----وآمر أوامر حضرتـك مستجابـه

قلت الصراحة طالبٍ قرب غاليـن------------ ------

------------ -------ودي تزوجنـي كريمتـك يـابـه

ثنّى وقال اهليـن والله وسهليـن ------------ -------

------------ ----والكون ترخص لجل عينك رقابـه

لكن ترا عندي شـروط وقوانيـن------------ ------

------------ ----قلت اشرط اشرط يا حبيب الغلابـه

قال أولاً مهر العروسـة ثمانيـن------------ ------

------------ ----غير الرسوم وغير حق العصابـه

والثانية عمك يبي منـك سبعيـن------------ ------

------------ ------رسم الأبـوّة والنسـب والقرابـه

وام العروسة حقها منـك ستيـن ------------ ------

------------ -----عشانها ست الحسـن والمهابـه

واخوانها كلن يبي منـك خمسيـن------------ -----

------------ ------عداً ونقـداً تنـدرج فـي حسابـه

وخواتها الخمس اعطهن من ثلاثين------------ --

------------ -----عشان تتوثـق عـروق النسابـه

وتجيب طقم عيار واحد وعشريـن ------------ ---

------------ ---وخاتم من الماس المصفى ترابـه

واكياس متروسة كعوب وفساتيـن------------ ---

------------ -----ألوانهـا واشكالهـا مـا تشابـه

وموتر بسواقـه وفيـلا بدوريـن ------------ ------

------------ ------أثاثهـا مـن بطرتـه ينحكـابـه

واحجز لنا قاعة بقصر السلاطيـن------------ ---

------------ ---واحجز بهـا رقاصتيـن وربابـه

وامنع دخول اهل اللحى والبزارين------------ --

------------ ----واعزم أميـر المنطقـة بالنيابـه

هذي الشروط اللي على بالي الحين------------ --

------------ ---وذكرني اللي ما حسبنـا حسابـه

قلت اذكر الله يا عـدو المساكيـن------------ ----

------------ ------واستغفـره لا يبتلـيـك بعـذابـه

الظاهر إنك منت عارف أنا ميـن ------------ -----

------------ ----أنا لو ارقا فـوق متـن السحابـه

ما جبت حتى نص درزن مواعيـن------------ ----

------------ --واضحك بكيفك واعتبرهـا دعابـه

شروطكم هذي شـروط المجانيـن------------ -----

------------ ---شروطكم شغـل ابتـزاز ونهابـه

شروطكم تقصم ظهـور البعاريـن------------ -----

------------ -----شروطكـم همّـن وغـم وكآبـه

شروطكم والله سيوف وسكاكيـن------------ ----

------------ --تذبح بنات المجتمع مـع شبابـه

وين الرضا والعطف واليسر واللين------------ --

------------ ----اللي ذكرهـا الله بمحكـم كتابـه

وين الصفات اللي أمرنا بها الديـن ------------ ---

------------ وين اختفى نهج النبي والصحابـه

يا عم جعل اللي خلقنا من الطيـن------------ ----

------------ ----يرد عقلك مـن خطـاه لصوابـه

ويجعل نصيبي عند غيرك قل آمين------------ ---

------------ويحسن عزا الصابر ويجزل ثوابه

قال انت لو فكرت تفكير صاحيـن ------------ ----

------------ -ما شفت في مجمل شروطي غرابه

حنا بعصـر العولمـة والمزاييـن ------------ ------

------------ ماهوب عصر الفلسفة والخطابـه

الناس تسعى للرتـب والنياشيـن------------ -----

------------ ---وانت اهتمامك بالشعـر والكتابـه

والشعر ما ينفعك لو هو دواويـن ------------ ---

------------ ----ما دام جيبك مثـل بيـت الخرابـه

يا بوك لا تسمع كلام المصاخيـن------------ ---

------------واسأل مجرب عاش في وسط غابه

قلت الله اكبر يا محـرر فلسطيـن ------------ -----

------------ --من يسمعك يحسبك ذيـب الذيابـه

تراك شايب راس مالـك رياليـن ------------ -----

------------ - والبنت ما تسوى جنـاح الذبابـه

قال انقلع مالت على وجهك الشين------------ ---

------------ ----لا عاد اشوفـك عندنـا يالزلابـه

قلت ابشر ابشر لكن الباب من وين------------ ---

------------ -واقفيت من عنده على صوت بابـه

كلمات الشاعر الوكيل الشرعي

ومنقول اختكم القلب __DEFINE_LIKE_SHARE__

22الهاجس22 · 05-02-2008, 10:50 AM

يعطيج العافيه ع القصيده
بصراحه شي رائع ..
حلوه القصيده ..

ربي يحفظج.. __DEFINE_LIKE_SHARE__

دلوعـــ بوظبي ــــة · 05-02-2008, 11:28 AM

ههههههههههههههههههههههه

نـإإأإيس وربــي
يسلموو حبؤوبـه __DEFINE_LIKE_SHARE__

***نفحـــــة العــــود*** · 05-02-2008, 03:36 PM

ياااااااااااااااااويلي والله رووووووووعه.....

صح منطوووووق قايلها وبيّض الله ويهه على هالقصيد الغاوي...

وتسلمين اخويتي قلب على النقل الذوووووووق...

يعيطك العااااافيه..... __DEFINE_LIKE_SHARE__

ورد جوري يفوع وجناته · 05-02-2008, 03:59 PM

يحليله كسر خااطريه

يسلموو الغلا ع النقل المميز والله يعطيج العافية __DEFINE_LIKE_SHARE__

المواضيع المتشابهه
الموضوع	كاتب الموضوع	المنتدى	مشاركات	آخر مشاركة
شاب فقير خطب بنت عمه المليونير ... حياكم ...	الرهيب القطراوي	الشعر المنقول	19	06-11-2010 08:50 AM
::: شاب فقير يخطب بنت عمه :::	جنـ الليل ـون	الشعر المنقول	21	02-12-2010 08:01 PM
قصيدة شاب فقير خطب بنت عمه المليونير	ولد الدمام	الشعر المنقول	7	10-03-2009 07:21 PM
شاب فقير خطب بنت عمه المليونير ..!! (( حيــآآكـم )) لا يفوتكــم	راعـــ الــحــب ـــي	المواضيع المكرره	0	06-09-2009 01:40 AM
شاب فقير خطب بنت عمه المليونير	قلم وردي	الشعر المنقول	12	08-11-2008 02:12 AM