|
إنضمامك إلي منتديات استراحات زايد يحقق لك معرفة كل ماهو جديد في عالم الانترنت ...
انضم اليناالشعر المنقول يختص بالشعر المنقول |
| LinkBack | أدوات الموضوع | انواع عرض الموضوع |
#1
|
السلام عليكم ورحمة الله وبركاته اليوم جايب لكم قصيدة شاب فقير خطب بنت عمه المليونير وزود عمه طلباته عليه . فقال القصيده ســـبحان مــن يرزق اصحــاب المـلاييـن = الرازق اللي مـــا يخــيب الرجـا بـه لي عــم عــنده معـــــرضٍ للصــــواليـن = أمــوت واعـرف بس من وين جابـه لامن ســـألته قـــال بعــــت الدكـــاكيـن = ما يدري إني ما هضمت الإجــابـه الشـــاهـــد إني رحت له قبـل يـــوميـن = في قصـــره العــامـر ودقيـت بابـه قـــال ارحب ارحب عـــدّ ورد البســـاتين = يا مـــرحـبا باللـي لفـا يـا هـــلابـه قـــلت البقـــا عـــدّ النفـل والـــرياحيـن = يا شيخ شمل اهل الكرم والذرابـه قال اســـلم الله يحفظك لي مـن العين = وآمـــر أوامـــر حضرتـك مستجابـه قــلت الصـــراحة طالبٍ قـــرب غـــاليـن = ودي تــزوجــنـي كـــريمـتـك يـابـه ثنـــى وقــــال اهليـن والله وســـهليـن = والكـــون ترخص لجـل عينك رقابـه لكــن ترا عنـــدي شــــروط وقــــوانيـن = قلت اشرط اشرط يا حبيب الغلابـه قــال أولاً مهـــر العــروســــة ثمـــانيـن = غـير الرســـوم وغير حق العصابـه والثانية عمـــك يبــي منــك ســـبعيـن = رســـم الأبـوّة والنســـب والقرابـه وام العــروســـة حــقها منـك ســتيـن = عشــانها ســت الحسـن والمهابـه واخـــوانها كلن يبــي منـك خمســيـن = عــداً ونقـداً تنـدرج فــي حســـابـه وخــواتها الخمـس اعطهن مــن ثلاثين = عشـــان تتوثـق عــروق النســابـه وتجيب طقــم عــيار واحــد وعشـريـن = وخــاتم المـــاس المصـفى تـرابـه واكياس متروســـة كعــوب وفسـاتيـن = ألــوانهـا واشـــكالهـا مــا تشـــابـه ومــوتــر بســــواقــه وفيــلا بـــدوريـن = أثـــاثهــــا مـــن بطـــرتـه ينحكـابـه واحجــز لنا قــاعة بقصــر الســلاطيـن = واحجــز بهــا رقـــاصـــتيـن وربـابـه وامنع دخــول اهــل اللحــى والبـزارين = واعـــزم أميـــر المنطقــة بالنيابـه هذي الشروط الي على البال هالحين = وذكرني اللي ما حسبنـا حسـابـه قلت اذكــر الله يا عــــدو المســـاكيـن = واســـتغفـره لا يبتلـيـك ا بعـذابـه الظــاهـــر إنـك منت عــارف أنــا ميـن = انـــا لـــورقـيت فـــوق الســـحابه مــا جـبت حتـى نص درزن مــواعيـــن = واضــحك بكيفك واعتبرهـا دعابـه شــروطكــم هـذي شـروط المجانيـن = شـــروطكـم شغـل ابتـزاز ونهابـه شــروطكم تقصـم ظهـــور البعــاريـن = شـــروطكـم همّـن وغـم وكـــآبـه شــروطكــم والله سيـوف وسكاكيـن = تذبح بنات المجــتمع مـع شــبابـه وين الــرضـا والعطف واليســر واللين = اللي ذكــرهـا الله بمحكـم كــتابـه وين الصــفات اللي أمــرنا بهــا الديـن = وين اختفى نهج النبي والصحابـه يا عــم جعــل اللي خلقنا من الطيـن = يرد عقلك مـن خطـــاه ا لصــوابـه ويجعل نصـيبي عند غيرك قــل آمين = ويحسن عــزا الصـابر ويجزل ثوابه قــال انت لـو فكــرت تفكير صــاحيـن = ما شفت والله في شروطي غرابه حنــــا بعصـر العــــولمـة والمــزاييـن = ماهوب عصـر الفلسفة والخـطابـه الناس تســـعى للــرتـب والنياشيـن = وانت اهتمامك بالشـــعـر والكتابـه والشـعر ما ينفعك لــو هـــو دواويـن = ما دام جــيبك مثـل بيـت الخـــرابـه يا بـــوك لا تسـمع كلام المصــاخيـن = واسأل مجرب عاش في وسط غابه قـلت الله اكــبر يا محـــرر فلســطيـن= من يسمعك يحسبك ذيـب الذيابـه تــراك شـــايب راس ماــلـك ريــاليـن = والبنت ما تســـوى جــنـاح الذبـابـه قال انقلع مالت على وجهك الشــين = لا عــاد اشـــوفـك عندنـا يالــزلابـه قلت ابشر ابشــر لكن الباب من وين = واقفيت من عنده على صوت بابـه وللأمانه منقول ولكم ودي [glint]&&& إخواني الشعراء واخواتي الشاعرات مشاركاتنا في هذا القسم بالقصائد النصيه والمسموعه والخواطر تضفي عليه النور[/glint] انا ابدوي ثوبي على المتن مشقوق مــثل الجـبال السـمر صبري ثـباتي & الودعاني عاشق الريان & |
04-15-2010, 08:54 AM | رقم المشاركة : [ 2 ] |
عضو ماسي | السلام عليكم ورحمة الله وبركاته .... وينكم ياشعرانا وشاعراتنا قصيده روعه وشيقه وين الردود يالغالين
__DEFINE_LIKE_SHARE__
[glint]&&& إخواني الشعراء واخواتي الشاعرات مشاركاتنا في هذا القسم بالقصائد النصيه والمسموعه والخواطر تضفي عليه النور[/glint] انا ابدوي ثوبي على المتن مشقوق مــثل الجـبال السـمر صبري ثـباتي & الودعاني عاشق الريان & |
| |
04-16-2010, 11:34 PM | رقم المشاركة : [ 3 ] | |
مشرفة | شــروطكــم هـذي شـروط المجانيـن = شـــروطكـم شغـل ابتـزاز ونهابـه شــروطكم تقصـم ظهـــور البعــاريـن = شـــروطكـم همّـن وغـم وكـــآبـه شــروطكــم والله سيـوف وسكاكيـن = تذبح بنات المجــتمع مـع شــبابـه وين الــرضـا والعطف واليســر واللين = اللي ذكــرهـا الله بمحكـم كــتابـه وين الصــفات اللي أمــرنا بهــا الديـن = وين اختفى نهج النبي والصحابـه يا عــم جعــل اللي خلقنا من الطيـن = يرد عقلك مـن خطـــاه ا لصــوابـه ويجعل نصـيبي عند غيرك قــل آمين = ويحسن عــزا الصـابر ويجزل ثوابه الكلماات قمة الروووعة.. بس من وجهة نظري واللي يعشش في فكر وبال روحي بدوية.. عمر السعادة ما تقااس بكم عندي من أموال وأي سيارة راكبه ولا من أي مااركه ألبس.. الحمدلله بنت عاايشة على قدي والحال مستور وهذا من فضل ربي.. ويمكن أملك سعاادة الأغنياء والتجاار يبحثون عنهاا في الأسواق.. والله العظيم لو كانت السعاادة تنشرى كان ما تردد النااس وأشترووها ولو كانت بالملايين.. كلن يبحث عن السعاادة قد يكون منظورنا لمفهووم السعاادة يختلف من شخص لآخر.. ما راح أمدح نفسي وأقوول إني إنساانه في قمة السعاادة ولكن قد أتضاايق في بعض الأوقاات وأحزن لعدم مقدرتي من تحقيق بعض أحلامي ولكني والحمدلله مؤمنه بالقضااء والقدر .. ونصيحة للجميع :: أخواني وأحبتي في الله أغلب القضايا الأخلاقية بسبب تعسير الزواج للشباب والمطالبة بما لا يستطيعون جلبه وفوق طاقتهم .. فليش تصعبون الأموور وتصبحوا السبب الرئيس من ورااء الفسااد الأخلاقي... يسروا ولا تعسروا.. لقول الرسول ( صلى الله عليه وسلم ):: أقلهن مهراً أكثرهن بركة.. السموووحة على الإطاالة أعرف وااايد تفلسفت بس هذا ما راق لي كتاابته.. يعطيك ربي 1000 عاافية أخي الكريم على القصيدة الجميلة. __DEFINE_LIKE_SHARE__ | |
| ||
04-18-2010, 01:44 PM | رقم المشاركة : [ 4 ] |
عضو ماسي | يسلمو يا اختييي الغاليه المشرفه رًوَحًيَ بًدَوًيهَ
__DEFINE_LIKE_SHARE__
ودائما مبدعه في المشاركات والردود الله يحفظك. وشكراعلى المرور ويعطيك العافيه. ومني كل محبة وتقدير [glint]&&& إخواني الشعراء واخواتي الشاعرات مشاركاتنا في هذا القسم بالقصائد النصيه والمسموعه والخواطر تضفي عليه النور[/glint] انا ابدوي ثوبي على المتن مشقوق مــثل الجـبال السـمر صبري ثـباتي & الودعاني عاشق الريان & |
| |
04-18-2010, 09:38 PM | رقم المشاركة : [ 5 ] |
عضو ماسي | وآآآآآآو عن جد قصيده رووعه ..
__DEFINE_LIKE_SHARE__
عجبتني كتير ابدعت بالنقل .. يعطيك الف عآآآفيه .. تستاهل تقيم لاختيرك لهيك قصيده .. |
| |
مواقع النشر (المفضلة) |
| |