::: شاب فقير يخطب بنت عمه :::

جنـ الليل ـون · #1 07-22-2009, 08:59 AM

شاب فقير خطب بنت عمه المليونير

وزود عمه طلباته عليه

فقال قصيدة

سبحان من يرزق بتوع الملاييـن
الرازق اللي ما يخيب الرجـا بـه-

لي عم عنده معـرضٍ للصواليـن
أموت واعرف بس من وين جابـه -

وإذا سألته قـال بعـت الدكاكيـن
ما يدري إني ما هضمت الإجابـه -

الشاهد إني رحت له قبـل يوميـن
في قصره العامـر ودقيـت بابـه -

قال ارحب ارحب عدّ ورد البساتين
يا مرحبا باللـي لفـا يـا هلابـه -

قلت البقا عـدّ النفـل والرياحيـن
يا شيخ شمل اهل الكرم والذرابـه-

قال اسلم الله يحفظك لي من العين
وآمر أوامر حضرتـك مستجابـه -

قلت الصراحة طالبٍ قرب غاليـن
ودي تزوجنـي كريمتـك يـابـه-

ثنّى وقال اهليـن والله وسهليـن

والكون ترخص لجل عينك رقابـه -

لكن ترا عندي شـروط وقوانيـن
قلت اشرط اشرط يا حبيب الغلابـه -

قال أولاً مهر العروسـة ثمانيـن
غير الرسوم وغير حق العصابـه -

والثانية عمك يبي منـك سبعيـن
رسم الأبـوّة والنسـب والقرابـه-

وام العروسة حقها منـك ستيـن
عشانها ست الحسـن والمهابـه -

واخوانها كلن يبي منـك خمسيـن
عداً ونقـداً تنـدرج فـي حسا بـه-

وخواتها الخمس اعطهن من ثلاثين
عشان تتوثـق عـروق النسابـه -

وتجيب طقم عيار واحد وعشريـن
وخاتم من الماس المصفى ترابـه-

واكياس متروسة كعوب وفساتيـن
ألوانهـا واشكالهـا مـا تشابـه -

وموتر بسواقـه وفيـلا بدوريـن
; أثاثهـا مـن بطرتـه ينحكـابـه -

واحجز لنا قاعة بقصر السلاطيـن
واحجز بهـا رقاصتيـن وربابـه -

وامنع دخول اهل اللحى والبزارين
واعزم أميـر المنطقـة بالنيابـه -

يتبع ...
__DEFINE_LIKE_SHARE__

جنـ الليل ـون · 07-22-2009, 09:04 AM

هذي الشروط اللي على بالي الحين
وذكرني اللي ما حسبنـا حسابـه -

قلت اذكر الله يا عـدو المساكيـن
واستغفـره لا يبتلـيـك بعـذابـه -

الظاهر إنك منت عارف أنا ميـن
أنا لو ارقا فـوق متـن السحابـه -

ما جبت حتى نص درزن مواعيـن
واضحك بكيفك واعتبرهـا دعابـه-

شروطكم هذي شـروط المجانيـن
شروطكم شغـل ابتـزاز ونهابـه -

شروطكم تقصم ظهـور البعاريـن
شروطكـم همّـن وغـم وكآبـه -

شروطكم والله سيوف وسكاكيـن
تذبح بنات المجتمع مـع شبابـه -

وين الرضا والعطف واليسر واللين
اللي ذكرهـا الله بمحكـم كتابـه-

وين الصفات اللي أمرنا بها الديـن
وين اختفى نهج النبي والصحابـه -

يا عم جعل اللي خلقنا من الطيـن
يرد عقلك مـن خطـاه لصوابـه -

ويجعل نصيبي عند غيرك قل آمين
ويحسن عزا الصابر ويجزل ثوابه -

قال انت لو فكرت تفكير صاحيـن
ما شفت في مجمل شروطي غرابه -

حنا بعصـر العولمـة والمزاييـن
ماهوب عصر الفلسفة والخطابـه -

الناس تسعى للرتـب والنياشيـن
وانت اهتمام! ك بالشعـر والكتابـه-

والشعر ما ينفعك لو هو دواويـن
ما دام جيبك مثـل بيـت الخرابـه -

يا بوك لا تسمع كلام المصاخيـن
واسأل مجرب عاش في وسط غابه -

قلت الله اكبر يا محـرر فلسطيـن
من يسمعك يحسبك ذيـب الذيابـه-

تراك شايب راس مالـك رياليـن
والبنت ما تسوى جنـاح الذبابـه -

قال انقلع مالت على وجهك الشين
لا عاد اشوفـك عندنـا يالزلابـه -

قلت ابشر ابشر لكن الباب من وين
واقفيت من عنده على صوت بابـه-

أتمنى انها نالت على اعجابكـــــــــــــــــــــــم

__DEFINE_LIKE_SHARE__

AD_Lover · 07-28-2009, 01:08 AM

يسلموووو ع القصيده الرووعه

ولاتحرمينا من يديدج

وتقبلي مروري __DEFINE_LIKE_SHARE__

جنـ الليل ـون · 07-29-2009, 05:58 PM

العفو
الشكر لكي عالمرور
الحلــــــــــــــــــــــــــــــــــو __DEFINE_LIKE_SHARE__

مآ تحمل · 07-30-2009, 03:45 PM

هههههههه

حلوه القصيده

صدقه الشآعر لو كل حد حط هالشرووط محد من البنآت عرس خخخ

يعطيج العافيه نرقب كل جديدج __DEFINE_LIKE_SHARE__

المواضيع المتشابهه
الموضوع	كاتب الموضوع	المنتدى	مشاركات	آخر مشاركة
قصيدة شاب فقير ... راح يخطب بنت عمه الغنية	it’s my life	شعر و خواطر	2	09-21-2009 02:26 PM
قصة شاب راح يخطب تموتك من الضحك	أميره بكلمـــــتي	قصص و روايات	4	08-28-2008 11:12 AM
يا حليله واحد فقير رايح يخطب من عند عمه المليونير شوفوا شوقال على شروطه هههههههههههه	شــمــ انثى ــو خ	المواضيع المكرره	8	05-02-2008 08:22 PM