|
::: شاب فقير يخطب بنت عمه ::: http://vb.ma7room.com/uploaded/78506_01247818698.gif شاب فقير خطب بنت عمه المليونير وزود عمه طلباته عليه فقال قصيدة سبحان من يرزق بتوع الملاييـن الرازق اللي ما يخيب الرجـا بـه- لي عم عنده معـرضٍ للصواليـن أموت واعرف بس من وين جابـه - وإذا سألته قـال بعـت الدكاكيـن ما يدري إني ما هضمت الإجابـه - الشاهد إني رحت له قبـل يوميـن في قصره العامـر ودقيـت بابـه - قال ارحب ارحب عدّ ورد البساتين يا مرحبا باللـي لفـا يـا هلابـه - قلت البقا عـدّ النفـل والرياحيـن يا شيخ شمل اهل الكرم والذرابـه- قال اسلم الله يحفظك لي من العين وآمر أوامر حضرتـك مستجابـه - قلت الصراحة طالبٍ قرب غاليـن ودي تزوجنـي كريمتـك يـابـه- ثنّى وقال اهليـن والله وسهليـن والكون ترخص لجل عينك رقابـه - لكن ترا عندي شـروط وقوانيـن قلت اشرط اشرط يا حبيب الغلابـه - قال أولاً مهر العروسـة ثمانيـن غير الرسوم وغير حق العصابـه - والثانية عمك يبي منـك سبعيـن رسم الأبـوّة والنسـب والقرابـه- وام العروسة حقها منـك ستيـن عشانها ست الحسـن والمهابـه - واخوانها كلن يبي منـك خمسيـن عداً ونقـداً تنـدرج فـي حسا بـه- وخواتها الخمس اعطهن من ثلاثين عشان تتوثـق عـروق النسابـه - وتجيب طقم عيار واحد وعشريـن وخاتم من الماس المصفى ترابـه- واكياس متروسة كعوب وفساتيـن ألوانهـا واشكالهـا مـا تشابـه - وموتر بسواقـه وفيـلا بدوريـن ; أثاثهـا مـن بطرتـه ينحكـابـه - واحجز لنا قاعة بقصر السلاطيـن واحجز بهـا رقاصتيـن وربابـه - وامنع دخول اهل اللحى والبزارين واعزم أميـر المنطقـة بالنيابـه - يتبع ... |
::: شاب فقير يخطب بنت عمه ::: هذي الشروط اللي على بالي الحين وذكرني اللي ما حسبنـا حسابـه - قلت اذكر الله يا عـدو المساكيـن واستغفـره لا يبتلـيـك بعـذابـه - الظاهر إنك منت عارف أنا ميـن أنا لو ارقا فـوق متـن السحابـه - ما جبت حتى نص درزن مواعيـن واضحك بكيفك واعتبرهـا دعابـه- شروطكم هذي شـروط المجانيـن شروطكم شغـل ابتـزاز ونهابـه - شروطكم تقصم ظهـور البعاريـن شروطكـم همّـن وغـم وكآبـه - شروطكم والله سيوف وسكاكيـن تذبح بنات المجتمع مـع شبابـه - وين الرضا والعطف واليسر واللين اللي ذكرهـا الله بمحكـم كتابـه- وين الصفات اللي أمرنا بها الديـن وين اختفى نهج النبي والصحابـه - يا عم جعل اللي خلقنا من الطيـن يرد عقلك مـن خطـاه لصوابـه - ويجعل نصيبي عند غيرك قل آمين ويحسن عزا الصابر ويجزل ثوابه - قال انت لو فكرت تفكير صاحيـن ما شفت في مجمل شروطي غرابه - حنا بعصـر العولمـة والمزاييـن ماهوب عصر الفلسفة والخطابـه - الناس تسعى للرتـب والنياشيـن وانت اهتمام! ك بالشعـر والكتابـه- والشعر ما ينفعك لو هو دواويـن ما دام جيبك مثـل بيـت الخرابـه - يا بوك لا تسمع كلام المصاخيـن واسأل مجرب عاش في وسط غابه - قلت الله اكبر يا محـرر فلسطيـن من يسمعك يحسبك ذيـب الذيابـه- تراك شايب راس مالـك رياليـن والبنت ما تسوى جنـاح الذبابـه - قال انقلع مالت على وجهك الشين لا عاد اشوفـك عندنـا يالزلابـه - قلت ابشر ابشر لكن الباب من وين واقفيت من عنده على صوت بابـه- أتمنى انها نالت على اعجابكـــــــــــــــــــــــم |
يسلموووو ع القصيده الرووعه ولاتحرمينا من يديدج وتقبلي مروري |
العفو الشكر لكي عالمرور الحلــــــــــــــــــــــــــــــــــو |
هههههههه حلوه القصيده صدقه الشآعر لو كل حد حط هالشرووط محد من البنآت عرس خخخ يعطيج العافيه نرقب كل جديدج |
| الساعة الآن 03:24 AM |
Powered by vBulletin® Copyright ©2000 - 2024, Jelsoft Enterprises Ltd.
Content Relevant URLs by vBSEO 3.5.2 TranZ By
Almuhajir