احببتك بغضبي/ بقلمي

روح الشقاوة.. · 04-06-2016, 08:24 PM

بارت 2

ام علي: فطوم نشي من الرقاد بيي الباص
فطوم: هي.... زي...ن
قامت فطوم ولبست ملابس المدرسة (مدرسة خاصة)
شيخة: لو كملتي الحين الباص راح شو بتسوين ها؟؟
فطوم: انتي روحي مدرستج وفكيني
شيخة: انا اليوم يغيب
فطوم: ويعني!!
شيخة: ادري بج تحبين المدرسة بس شو أقول
فطوم: المهم ابوي دوام؟
شيخة: هي
فطوم تشل شنطتها وتطلع
فطوم: يلا بروح ويا عمي بخليه يوصلني
شيخة: والريوق؟؟
فطوم: باكل اهناك عادي
فبيت أبو جاسم
فطوم: هود هود
مهرة: هدى هدى
فطوم: عمي وين؟؟
مهرة: يتريق
فطوم تدخل تبوس راسه ويلست وياهم وبدت تاكل
خالد: ع كيفج شو
فطوم: بيت امنو ها؟؟
خالد: ابوي
فطوم: أوبوك امنون؟؟
خالد: راشد محمد
فطوم: شو يقرب لي؟؟
خالد: عمج
فطوم: عيل اسكت
خالد مستغرب والكل يضحك
أبو جاسم: راح الباص صح
فطوم (تشوفها نظرة بريئة وتهز راسها): هي
خالد: يعني الحين انتي بتين ويا ابوي يعني انا وانتي بسيارة وحدة؟؟
فطوم: هي ليش مب عايبنك؟؟
خالد" والله انه عايبني": اخييي .. ابوي الحين بسألك ليش مدخليني انا وهاي السوسة بس مدرسة خاصة؟
أبو جاسم: يا ولدي انتوا اخر اثنين من العايلتين وانا واخوي قلنا ما دام انكم اخر اثنين ليش ما ندلعكم شوي
فطوم: ها ما يبا حد يدلعه بس انا
خالد: إيوا بس ما حصلتوا حد ادلعونه معاي غير هاي
فطوم ترفس ريله من تحت الطاولة
فطوم: يلا عمي ها اذا تم يأاااكل ما بخلص
خالد: ما ادري منو الي دش وسيده تم يااااكل
فطوم: ييت ركض عشان ما تروحون قبلي
خالد: ابوي ما مليت من كيف توصلها؟
أبو جاسم: لا وليس امل ما دام اني أوصلك بعد وانتو اثنينكم بمدرسة وحده
خالد: يوم عمي محد ثلاث أيام ويانا ويومين بالباص
فطوم: اسكت لا اخليها خمس
خالد: عيل ليش اتعبين راعي الباص ما دام ما تركبينه؟؟
فطوم: عمي خلاص اتفق ويى ابوي وييبوا دريول حقي وحقه (وتشوف خالد) أول مره يصدق حرام بعد ع راعي الباص
بو جاسم: زين عيل بس الحين يلا عشان تروحون المدرسة
فالسيارة
بو جاسم: صف كم انتي الحين؟؟
خالد: ثالث شعبه 4
فطوم: قال انتي
خالد: ادري
بو جاسم: وأنت خالد؟؟
فطوم: رابع شعبه 1
بو جاسم: اشوفكم امره عارفين عيل ع طاري الصفوف كم يبعد صفك عنها؟
خالد + فاطمة: فوق بعض
بو جاسم: وبالفسحة وين تقعدون؟؟
فطوم: انا ويا ربيعاتي اما خالد (سكتت)
بو جاسم: هي وخالد؟؟
خالد (منزل راسه):.....
فطوم: يكون ف الصف ويوم يطلع اودر ربعي واروح اقعد وياه
بو جاسم(حس ف شي): ها زين زين عيل ... يلا وصلنا
ف المدرسة
خالد: ليش ما خبرته
فطوم: اذا نقلك مدرسة ثانية بتم روحي ف هاي المدرسة
خالد: واذا تميتي الحين أصلا يلا منج اتشوفيني يعني شو الفرق؟؟
فطوم(تتصنع الابتسامه): يلا يلا بعدك شوط روح اركب الدري انا وصلت
دخلت صفها وهي مب ع بعضها
اما خالد ف طلع فوق وهو يفكر ليش فطوم دافعت عنه
يت الفسحة وراح خالد حق فطوم شافها ويا ربعها
عنود: فطوم ها مب ولد عمج؟
فطوم: هي
نوف: والله لو مكانج اتم اتمشى وياه أف كيف حلو
عنود: شان زين وياي ولد عم جي سيدة كنت بزوجه
فطوم: ما بتعقلون نحن بعدنا ثالث
خالد (وهو يقترب): فطوم اباج اشوي
فطوم: شو تبقى؟
وقامت سحبها لين ما تموا بروحهم
فطوم: شفيك
خالد: شكرا
فطوم: ليش؟
خالد: ادري انج دافعتي عني عسب هذاك اليوم
فطوم (نزلت راسها): ترا مني السبب عسب جي
دق الجرس وكل واحد دخل صفه
الساعة 1:30
دق الجرس ع البيوت
خالد نزل يركض وراح صف فطوم
خالد: يلا ابوي برع
فطوم: ويعني؟!
خالد بدون سابق إنذار سحب ايدها وراح صوب السيارات الخاصة وركبوا السيارة
جاسم: فطوم انتي بعد بتين (ع ويهه يبان التوتر)
خالد: وين ابوي؟؟
جاسم: ابوي طلعني من المدرسة وخبرني ايبك
فبيت بو جاسم
بو جاسم: وينهم ليش تأخروا
ام جاسم: استهدي بالله .. استهدي بالله
مهرة: شو السالفة؟؟
دخل جاسم وراه خالد وفطوم
بو جاسم من العصبية ما شاف فطوم ومسك خالد من لبس المدرسة
خالد: أي
بو جاسم: من متى صايرة السالفة؟؟
خالد: أي سالفة؟
بو جاسم: يوم ضارب واحد بالمدرسة وعاق عليه حصى كبيرة
خالد(منزل راسه):...
فطوم (وقاعدة تصيح): انا السبب ..انا السبب
كلهم يصدون وخالد ياشر حقها بمعنى لا تقولين
فطوم: مب صح مدرستنا لين اخر سنه .... قبل شهر كنت داشه الحمام ويوم طلعت طحت بقوو والسبب ها الولد هو وربعه ما يحبون خالد لانه شاطر ويدرون اني بنت عمه وتموا يتمصخرون علي لين يا خالد اثنين شردوا وتم واحد تم خالد يضربه وبعدين شاف حصا وعقا عليه ويت فراسه واغمى عليه
بو جاسم: وبعدين
فطوم: اتهموا خالد والحين كل حد يخاف يرابعه
جاسم: كان في استدعاء اهل رحت انا ورشود ولد عمي وجي اتسكرت السالفة
بو جاسم: وليش محد وخبرني؟
فطوم: لو خبرناك كنت راح تنقل خالد مدرسة ثانية وانا بتم روحي (وقعت تصيح)
سكتوا كلهم وخالد كان مستانس من داخل " أدافع عني " ويبتسم فخبث
وجي سكروا السالفة وع سالفة النقل بو جاسم استهم ع فطوم ف ما نقل خالد
.................................................. ...
__DEFINE_LIKE_SHARE__

المواضيع المتشابهه
الموضوع	كاتب الموضوع	المنتدى	مشاركات	آخر مشاركة
ثيم احببتك بعدد حبات الرمان رومنسي ورائع	محروم.كوم	منتدى أخبار المواقع والمنتديات العربية والأجنبية	0	10-09-2012 01:51 PM
ثيم احببتك حبيبى الرائع	محروم.كوم	منتدى أخبار المواقع والمنتديات العربية والأجنبية	0	05-01-2012 12:50 PM
ثيم احببتك لعيد المرأة العالمى	محروم.كوم	منتدى أخبار المواقع والمنتديات العربية والأجنبية	0	03-07-2012 08:31 AM
بقلمي	عابره سبيل	شعر و خواطر	2	01-05-2012 12:02 PM
ثيم احببتك الرومانسي الرائع	محروم.كوم	منتدى أخبار المواقع والمنتديات العربية والأجنبية	0	07-31-2010 07:40 PM