|
إنضمامك إلي منتديات استراحات زايد يحقق لك معرفة كل ماهو جديد في عالم الانترنت ...
انضم اليناقصص و روايات تهتم بالقصص المنقوله وقصص الاعضاء الطويلة والقصيرة |
| LinkBack | أدوات الموضوع | انواع عرض الموضوع |
#1
|
السلام عليكم ورحمة الله وبركاته . . أحب اطرح بين ايديكم روايتي الثـالثه . . ف مشاركتي الأولى فهذا المنتدى . . أتمنى أن تنال إعجابكم . . رواية : أنا وأنت و سما بوظبي تجمعنا . بقلم الكاتبة : عناد بوظبي. كـ باقي رواياتي . - اللهجه : إمـاراتيه ، بحرينيه بسم الله الرحمن الرحيم - بدأنـا- ! \ / \ / \ / \ / \ / البـارت الأول : ندى ، هذا اسمي! ربيعاتي ينادوني نيدو لدرجه ان تعودت ع هاللقب ف تقدرون تنادوني نيدو! بنبدأ الروايه من بدايتها.. لحد يومنا هذا . . وتأكدوا ان معظم اللي تقرونه حقيقي و واقع بس ممزوج بالخيال و تم تغير اسماء جميع الشخصيات! واغلب المواقف هي حقيقيه.. ندى ؛ في البدايه .. ابوي تزوج وحده امها تركيه وابوها بحريني.. وتتميز بجمالها الرباني وهذي تطلع "امي" الحقيقيه! المهم نحن انا وابوي وامي واخوي راشد اللي اكبر عني ب 4 سنوات عايشين هني ف الامارات العربيه المتحده - العاصمه أبوظبي.. ف وسط المدينه، وقتها كان عمري 4 سنين و راشد عمره 8.. كانت تكثر المشاكل بين امي وابوي بسبب "زينب" وحده مطلقه تحب ابوي وتبي تتزوجه.. و امي المسكينه بعد ماولدتني بفتره صابها السرطان وكانت دائماً تتعب علينا. ويرقدونها فالمستشفى ف ابوي يخليني ف بيت جيرانا.. - ف بيت الجيران - بوراشد : اسمحولنا تعبناكم ويانا بس تدرون بالظروف مالنا غيركم.. بوحمدان : ولو تراك عزيز وغالي والجار لـ جاره عون وسند.. وبنتك ف عيونا.. بس ولدك راشد وين؟ بوراشد : خليته فدبي عند عمه.. بس ندى صغيره ونخاف عليها ف مانقدر نخليها هناك.. ومانقدر نشلها معانا المستشفى عند امها.. بوحمدان : ماعليه ابشر بكل خير.. انت احين روح واتطمن ع الحرمه وخل بنتك عندنا وقت ماتردون تعالوا خذوها ولا انا بنفسي بيبها لكم.. بوراشد "ابتسم وارتاح وسلم على بو حمدان وراح " ندى : خالوه وين ساره؟ ام حمدان : حبيبتي ساره مريضه خلها اليوم اعذريها ماتقدر تلعب معاج.. ندى : اهئ ماحب ألعب بروحي موحلو.. ام حمدان : حبيبتي ندى اتريي بناديلج حمدان يلعب معاج.. "وراحت وبعد دقايق دخل حمدان على ندى غرفه الألعاب" حمدان"عمره14 سنه" : انتي ندى؟ ندى"تطالع حمدان" : اويه انت كبيرر كيف بتلعب وياي حمدان"يته ضحكه" : احيين انا كبير؟ انتي اللي كتكوته هههه ندى : اوف مافي حد يلعب وياي "وبوزت" حمدان : اناا اعرف ألعب بس مب هاللعبه "واتطالع التركيب اللي ندى تلعبه" تعالي تبين تلعبين معاي؟ ندى : شو نلعب؟ حمدان : تعااليي "وسحبها من ايدها للميلس وركب السوني-البلاستيشن" ندى : هذي مال كبار ماعرف.. حمدان : بعلمج.. تبين نلعب مصارعه؟ ندى : ايي ابيي.. ابي افوز عليك بعد حمدان : هههه زين تعالي "وعلمها -بعد ساعتين دخلت عليهم ام حمدان - ام حمدان : بسكم من هالبلستيشن، احين زين جي حمدان علمت البنيه عقب بتصير نفسك 24 ساعه مبحلقه عينها فهالتلفزيون وتلعب.. حمدان : امييي خلينا نلعببب.. يالله ندى اضربي.. ندى : مموت موت موت.. يييياي فزززت حمدان : ممره ثانيه مره ثانيه ام حمدان : اييه حمداان هذي بننت مب ولد.. حمدان : اميي عادي ياهل شعرفها المهم تلعب.. ام حمدان : زين بسكم سكر هالتلفزيون عيونكم بتعوركم .. بروح اشوف ساره.. حمدان : زين امي اخرر قيم.. ندى : ياللله ابدأأأ حمدان "يتطالع ندى المتحمسه، ايدها صغيره ف ماسكه الجهاز من جهه وحده وتقعد تضغط كل الفصوص وتفوز! وطلعتي خطيره ياندى هههه" بوحمدان : ندى ماماتي تعالي ابوج بررع.. ندى : يباا.. "وفرت الجهاز وقامت ركض بتطلع" حمدان : نددووي !! ندى "ٳلتفتت و ببراءه" : اوه اسفه اسفه ماخترب الجهاز صح؟ انزين بنكمل مره ثانيه يوم بيي.. حمدان : هههه ، زين يالله بيباي ندى"تسويله باي ع السريع وراحت بسرعه لأبوها" - حمدان ؛ ندى البنت الشقرا!أو بالاحرى هذا اللقب اللي كنت اناديها فيه.. من اول ماشفتها للحين وانا منبهر بجمالها.. ججسمها الصغير القصيير و بشرتها البيضه وخدودها المتورده وشعرها الطويل الناعم الاشقر مع خصل ثلجيه.. و عيونها العسليه المخضره و غمازه على خدها اليمين.. انا اشهد انها ملاك..( ليتنا نبقى صغار).. - - وبعد فتتره من الزممممن!! بحدود سنتين،ثلاث - ندى : ساره بتلعبين معانا بلستيشن؟ ساره"بعمر ندى" : لااااا مال اولاااد.. ندى : لاع مو مال اولاد شوفي حمدان يلعبها عادي.. حمدان"انفجر ضحك" : ههههه انزين انا ولد.. ليكون طول هالفتره تتحريني بنت شو؟ ههههه ندى : هههه لاع بس لاان، "تبي ترقع ماعرفت" انت غير عن الأولاد .. حمدان : هههه خلاص زعلت انا مابلعبج وياي روحي لعبي مع ساره العاب بنات.. ندى : لالالا ليش زعليت؟ ابي ألعببب حمدان.. حمدان : اول شي ققولي.. حمدان ريال ندى : حمدان ريال.. حمدان : قولي انا اسفه وايد عمي حمدان.. ندى : انا اسفه وايد عمي حمدان ساره : ايييه ندى خليه يولي ها يستهبل تعالي نلعب فالعرايس اححلى، اشتريتلهم ثياب يديده .. حمدان : فديتها ندى خليها تعاليي بلعببج ماعليج من ساروه وعرايسها.. ندى"تجاهلت حمدان" : زين عطينيي العروسه اللي شعرها اسود.. ساره : زين يالله تعاليي.. ندى"كالعاده فرت الجهاز وراحت " حمدان : ندى!! ندى : برووح بروح من زمان مالعبت فالعرووسه.. حمدان : اه منج.. - حمدان ؛ تميت بروحي فالميلس.. حبيت اتطفل ع البنات شوي واشوفهم شو يسون ف رحتلهم شوي شوي قعدت عند الباب اتسمع.. - ساره : انا يومم بكبر بلبس نفس باربي.. ندى : ححتى انا وبشتري نفس سيارتها.. ساره : وبعد مثل حصانها.. - حمدان ؛ مافي شي مثير للأهمتمام! بس فجأهه - ساره : وبيت كبير.. ندى : ايي.. وو بتزوج.. ساره : تتزوجين؟ ندى : ايي بتزوج حمدان.. ساره : تتزوجين حمدان؟هههههههه ندى : ايييه لاتضحكين.. ساره : حمدان مابيتزوجج.. ندى : ليييش؟ ساره : لين ماتكبرين بيكون تزوج وعنده عيال.. ندى : امبييه.."وصاحت" اصللن انتي تقصيين عليي.. ساره : اويه ندى ندى لاتصيحين.. حمدان "بينه وبين نفسه" : احين هالياههله جي تفكر؟!! ----------------------------------- حمدان"عمره 16 سنه" : ساااااره تعالي ربيعتج الحلوه يت.. ساره : جب اصلن انا احلى منها صح ماما؟ ام حمدان : هههه صح حبيبتي يالله روحي قعدي مع البنت.. ساره : .. بس قاعده ألون عشان الابله تحطلي نجوم.. ما اقدر اروحلها ام حمدان : حمدان انت شاطر روح لعبها واقعد معاها نفس دوم لين مايي ابوها عشان يشلها.. حمدان : ان شاءالله.. اصلن احبها هالبنت اشطر من ساروه "وطلع لسانه لأخته يغايضها وبعدها نزل راحلها غرفه الألعاب" ندى : حمممدااااان.. "فتحت ايدها" حمدان : حبيبتي ندى الشاطره "وضمها" ندى : أنننننت قلتليي هاك الييوم يوم بيي بتوديني الدكااان.. حمدان : هههه طاع ندوي مافيني بعيد الدكان.. ندى : انننت قققلت "ودمعت عينها".. يعني تقص عليي؟ حمدان : لالا.. زين اول عطيني بوسه بعدين بوديج.. ندى : ززين ههات خدك "وباسته ب براءه ع خده" يالله ودنييي.. حمدان : زين يالله بوديج.. "ومسك ايدها الصغيره الناعمه " - بعد ساعتين- ندى : ممابي اروح بيتنا.. ابي اتم معاكم.. حمدان : ليش ندى؟ ندى"ببراءه" : ماما وبابا كله يتضارببون ومرات بابا يمد ايده ع اممي وامي مريضه اخخاف تموت وتخليني "وقعدت تصيح" حمدان "مستغرب كيف هالطفله جي تقول ماتوقع انها تفهم حتى، كل اللي سواه انه حضنها وقعد يمسح ع شعرها الطويل" : لاتخاففين حبيبتي انا معاج، احين بوديج برع باباتج يترياج.. خليه ايبج كل يوم بيتنا وبقعد معاج طول اليوم، اتفقنا؟ ندى : عادي؟ حمدان : ايي عادي.. بس لاتصيحين ندى"ابتسمت بفرح وباسته ع خده" : انززين شكراً حمممدان.. يالله تعال وياي ببرع اخاف اطلع بروحي.. "وطلع معاها للحوي وصلها عند ابوها وابتسم.. " - تكررت المواقف وكانت ندى كل يوم تروح بيتهم وتقعد مع حمدان ومرات مع اخته ساره اللي .. ع مرور سنتين لحد ماوصلهم هالخبر - ندى : ماما قالت بتشلنني معاها تركيا.. ام حمدان"بصدمه" : شووو!! ليش.. ندى : أأ لأن لأن قالت بابا بيتزوج وحده ثانيه.. وخلاص مايبانا "وصاحت" بابا مايباني انا وماما واخوي راشد.. ام حمدان"حضنتها": بس يابنيتي ماعليج امج معاج، والأم قلبها ارحم من قلب الأب.. هي بتداريج وادريبها امج بنت اصول وماعليها زود ومابتقصر معاج.. ندى"مسحت دمعتها" : انزين خالوه اننا ييت عشان اشوف حمدان وو ساره ماما قالتلي اليوم طيارتنا.. يابتني عشان اودعهم.. ام حمدان : زين حبيبتي لحظه بناديهم - ونادتهم ام حمدان وخبرتهم الموضوع- ساره"تصيح": يعنيي مابشوففج مره ثانيه؟ ندى: يووم بكبر برجع عشان اشووفج.. "وصاحت" وعشان اشوف حـ حمدان.. حمدان"ابتسم وسط الصدمه لان ندى ذكرت اسمه": واانا بترياج ندى.. ندى: يوم برجع بتوديني الدكان نفس قبل صح؟ حمدان : هييه بودييج كل يوم.. ندى : وبتلعب وياي بلستيشن؟ حمدان : هييه بلعبج كل شي تبينه.. " حمدان ؛ وبس هذا اخر شي اذكره من ندى شكلها البريئ خدودها الحممره وخشمها المحمر من الصياح ودمعه الوداع اللي كانت على خدها " ام راشد : نيدو يالله تأخرنا.. ندى"مسحت دمعتها الاخيره وسوتلهم باي بأيدها لانها مب قادره تنطق حروف الوداع الاخيره " -. ف طريج المطار - ندى : يما رشود مابيي؟ ام راشد : لاحبيبتي عمه ماطاع وهو اصلن يبي يقعد مع عمه.. انا مطمنه انه بخير.. المهم بنتي وحبيبتي ندى معاي.. ندى"دمعت وباست امها": يما حتى انا مستانسه لاني معاج واتمنى اتم طول العمر معاج.. - تركيا ؛ 8 الصبح - ندى ؛ صصار عمري 14 وصلت للصف التاسع، ادرس ف مدرسه امريكيه خاصه وساكنه مع امي ويدتي ويدي ، اما بالنسبه لساره وحمدان.. اصدقاءء طفولتي عمري ماراح انساهم.. بالصدفه والحمدلله احلى صدفه فحياتي لقيت ساره ف تويتر و خذت بن كودها وضفتها وتقريباً نكلم بعض كل يوم لين ماصرنا ربيعات الروح بالروح.. - وأما حياتي هني ف فهالمنطقه الحمدلله حصلت وايد عرب حتى وياي فالمدرسه شي عرب وهالشي اللي ريحني اما عن ابوي ف تزوج زينب.. ويسأل عنا بس امي مطنشتنه.. " ندى : يما اشتقت لراشد اخوي.. أم راشد : حتتى انا حبيبتي.. ندى : يما ليش مانرجع؟ أم راشد : ماقدر ياندى ماقدر "ودمعت عينها" لو رجعنا بياخذونج عني.. ندى : بس لين متى بنتم هني؟ يما هذي مب بلادنا.. أم راشد : خلاص ياندى.. هذي صارت بلادنا.. لين متى بتمين كل يوم تتشكين؟ ندى : زين اسففه.. مب بايدي بس.. اشتقققت! أم راشد"ابتسمت" : ماعليه حبيبتي انتي بس قولي الحمدلله ع كل حال .. ترانا عايشين ف احسن منطقه و انتي تدرسين ف احسن مدرسه.. ندى : شكراً يما.. احبج والله ومقدره كل شي "وحضنتها" - نهاية البـــارت الأول - \ / \ / \ / \ / بإنتظـار آرآئكم ، إنتقاداتكم وتوقعاتكم للقآدم؟ آرائكم تهمني ، و إنتقاداتكم تفيدني ، وردودكم تحمسني ! ~ ولعلمكم ! الروايه بعدها مابدت ! وإن شاء الله تكون عند حسن ظنكم -[/] __DEFINE_LIKE_SHARE__ |
01-28-2014, 07:27 PM | رقم المشاركة : [ 2 ] |
عضو جديد | احم اححم..~ الروايهه روععه وبدايتها جميله..~ استمري فديتج..~ نترياجج..~ __DEFINE_LIKE_SHARE__ |
| |
01-28-2014, 08:04 PM | رقم المشاركة : [ 3 ] |
عضو جديد | |
| |
01-28-2014, 08:27 PM | رقم المشاركة : [ 4 ] |
عضو جديد | السلام عليج كاتبتنا بصارحة رواية روعة و جميلة و ابداع و اتمني انج تكلمينها و نترقبج و نتريا البارت الياي __DEFINE_LIKE_SHARE__ |
| |
01-28-2014, 08:34 PM | رقم المشاركة : [ 5 ] | |
عضو فعال | السلام علييج...
شحالج؟؟ 3: البداايه حلوه و مشوقهه... و فالنتظاار... __DEFINE_LIKE_SHARE__ | |
| ||
مواقع النشر (المفضلة) |
| |
المواضيع المتشابهه | ||||
الموضوع | كاتب الموضوع | المنتدى | مشاركات | آخر مشاركة |
روآيــة * *..*تفدآگ ” عين تحبگ وأنت موجود ~ ويفدآگ [..♥قلب..] يذگرگ وأنت . غ`ـآيب`` | Bora | قصص و روايات | 254 | 07-05-2016 02:49 AM |
كن حذراً :لاتأكل وأنت غاضب أو وأنت حزين | محروم.كوم | منتدى أخبار المواقع والمنتديات العربية والأجنبية | 0 | 12-13-2011 04:11 AM |
(( تفسير قوله تعالى : ( فَلا رَفَثَ وَلا فُسُوقَ وَلا جِدَالَ ف )) | ذيبہـة شّےـوِٱمِےـسًے | الإسلام والشريعة | 13 | 11-10-2011 11:35 PM |
مطلوب رقم بوظبي 9110 أو 9111 بوظبي | محروم.كوم | منتدى أخبار المواقع والمنتديات العربية والأجنبية | 0 | 08-31-2010 12:10 PM |
توقف المطر وموت الحيوانات وموت الطيور وزياده الأسعار وانهيار الأسهم وخسوف القمر.. وال | محروم.كوم | منتدى أخبار المواقع والمنتديات العربية والأجنبية | 0 | 08-09-2009 11:40 AM |