أنآ مآأحبك لجل أحب , أنآ احبك لجل أعيش ...

vodddka · #1 11-16-2015, 08:07 PM

بسم الله الرحمن الرحيم , شحالكم شخباركم حبايبي , امم هذي أول روايه تقريبا لي , امم هي مش أول روايه بالأصح اول مره افكر انشر روايه انا كتبتها ... بسم الله نبدا ...... وهيه صح , بنزل بارتين هالمره لانها اول مره ...

أنآ مآ احبك لجل أحب , انآ احبك لجل أعيش

البارت أول ...

في مكان جميل مليان بالهدوء والدفء والحب , الساعه 6 ونص الصبح الكل واعي وقاعد على طاولة الاكل يتريقون والحب والهدوء والسعاده تتنقل بين كل أفراد العائلة ...

الجوري : باااباا أنا أبا هدية تخرجي من الجامعه سفره مابا غير جي .
حمدان : ههههه وأنا شو تبين مني ؟
الجوري : اممممممممممم وايد هدايا أنت فكر مش انا .
بو حمدان : تممم عيل انتي خلصي وأحلى سفرة لعيونج .
راشد : من قدجج والله طلبج ما انرفض .
ام حمدان : وانا علي اسحب لج سيارة غير هذي .
الجوري ميته من الوناسه : اللللللههه الله لا يحرمني منكم يااااارببببببب
سعيد : ههههه والله محظوظه هالبنت .
الجوري : انزين عندي آخر طلب أماانههه لاتردونه لي امانهه .
بو حمدان : تم قولي شتبين يا دلوعتنا ؟
الجوري : أبا الكل يكون في هالسفره يعني خواني انتو كلكم تيون مب تتعذرون بليييزززز " فيس بريئ "
حمدان : والله دام ابوي قالج تم عيل تم من صوبي.
الجوري نقزت من مكانها وركضت صوبه وباسته بقوه : اححببببكككككك حمدانوه .
حمدان فلعها ع راسها : حمدانوه فعينج يالسباله .
راشد : عيل انا بعد تم من زمان ما سافرنا جي عايله .
الجوري راحت صوبه ركض وباسته بقوه : أفدااااككك رشوودد .
سعيد : وانا ع حسب المكان بقول بيي ولا لا
الجوري : سعيدد امانه عاد يعني أكيد بنسير مكان جميل وبلاد حلوه ولا مره شفناها .
سعيد : خلاص اوك تم
الجوري ركضت صوبه وباسته : يعلنننييي افدا اخواني عسااا ما انحرم منكم
ام حمدان : عيل أكيد ماتبيني بس تبين الشباب و ابوج وانا العيوز لا
الجوري راحت صوب امها : افا ماماتي شو طعمها السفرة لو ما كنتي فيها انتي وابوي يالغالية " حبت راسها "
ام حمدان : هههه الله لا يحرمني لا من ابوكم ولا منكم يا عيالي .
بو حمدان نش حب راسها : ولا منج يالغاليه " اشر صوب عياله " يلا يبه دوامات نشوو الساعه 7 وربع"

الكل بدا ينش من الطاوله وحبو راس أمهم وأبوهم والكل راح بسيارته إلا أم حمدان يوصلها دوامها بو حمدان قبل لا يسير دوامه .
بعرفكم شوي عن هالعايله السعيده , بوحمدان اللي هو حميد , عمره 52 بس ماشاءالله شخصيه وهيبه وحضوره يطغي على الكل , معروف وله مكانته عنده شركته الخاصة من 30 سنه وهو يأسسها والحين ما شاءالله خذت المركز السابع من أفضل الشركات للديكور على مستوى العالم , أغلى ما في حياته عائلته يحبهم ويعشقهم وايد ومستعد يضحي بنفسه عشانهم .

أم حمدان اللي هي منى , شخصية قيادية ومحبوبه عمرها 43 , تشتغل مديرة مدرسة وكل سنه تاخذ جائزة أفضل مديرة على مستوى الدولة , تثبت نفسها في كل شي وعائلتها هي اهم شي بالنسبة لها وفوق كل شي , تحب شغلها وما تفكر انها تتقاعد الحين , جميله وتهتم بنفسها وريلها واللي يشوفها يقول توها 30 وتوها معرسه.

حمدان , اللي هو أكبر أخوانه عمره 25 , انسان جميل بمعنى الكلمه , طويل ومعضل وحنطاوي شعره شوي طويل ولحيته سودا من قلب , حاد في تعامله مع الناس ومايعطي أي حد ويه , الكل يخاف منه لانه عصبي وما يحب اللف والدوران , لكنه شخصية مختلفه تماما ويا امه وابوه واخوانه و اخته , مستعد يكسر الدنيا كلها لو تأذى أي حد منهم , ما يفكر يعرس الحين أبد , يشتغل ويا أبوه فالشركة .

بعده ايي راشد وعمره 24 , راشد شخصية محبوبه وطيب لكن لو حد داس له على طرف يخليه يكره حياته , طويل وعريض حنطاوي وجميييلل ولحيته جي سودا , كان يحب وحده وملج عليها لكنه طلقها وعاف كل البنات بسبتها وشال فكرة الزواج وأن تكون في حياته بنت تقريبا للابد , يحب أخته واخوانه وامه وابوه , وايد يحس بالدفا وياهم ولا يرفض لهم طلب , يشتغل في أدنوك مدير قسم .

وبعدين سعيد , عاد هذا شي ثاااننني , عمره 23 وطوييلل وعريض ومعضل وحنطاوي وجميييللل شعره طويل ولحيته سودا , عليه ابستامه تذببححح الكل متخبل عليه , وهو ما يعطي فيس حق حد الا حق وحده يعشقها ويموت فيها ووياها أنسان يتحول لأنسااننن ثاني رومانسي بمعنى الكلمه ويتريا الوقت اللي بتكون فيه له بروحه , يحب اهله وايد ويعبدهم عباده مستحيل يزعلهم , وياكل اي حد يدوسلهم ع طرف بضروسسهه , وهو كابتن في طيران الاتحاد ( طيار ) .

أما آخر العنقود الجوري , عمرها 22 , امها تمنت من الله أن الله يعطيها بنيه , ويتها الجوري استجابة , هي البنت الوحيدة فالعايله , خوانها وامها و ابوها اللكل يحبها ويحب دلعها , بنيه جميييللللهه حنطاويه وشعرها أسود طويل حرييرر , عيونها كبار ووساع لونهم بني , جسمها مرسوم رسمم وأكره ما عندها أنه تمتن كيلو واحد تييها حاله نفسية , تهتم بنفسها وايد ,باقيلها اسبوعين وتتخرج من الجامعه تدرس " صحة وسلامة البيئة " ما تفكر ترتبط بحد الحين هدفها وطموحها تشتغل وتكون حياتها عقب بتفكر بالزواج , تموت باهلها وما تسمح لحد لو من بعيد يأذيهم , وحلفت أنه اي بنت تكسر قلب حد من خوانها أنها بتنتقم انتقام أليم من بعد سالفة راشد.

------------------------------------------

نروح عند الجوري , كانت قاعده فالكانتين تشوف مسلسل فالايباد ...
شهد يت صوبها " ربيعتها " : بوووووهه
الجوري فزت : ويه بسم الله يا حماره خرعتيني كنت مندمجه
شهد تقعد : يا قلبي آسفهه
الجوري : ها شو آخر كلاس كان
شهد: اووفف يا جوري اوف تعبت مشاريع وامتحانات , انتي ليش ماحضرتي ؟
الجوري بطفره : انا خلصت كل شي وقلتله قالي برايج طلعي , يا ريته هالمشروع قروبات جان سويناه ويا بعض " زعلانه "
شهد : ماعليه بخلصه اليوم , الحمدالله اسبووعع ونص ونتخررررجججججججججج
الجوري : الله متحمسه والله
شهد : هيه والله ابا اشتغغللل خلاص أبا حياه ثانيه
الجوري : ياعمري والله , ان شاءالله نشتغل نفس المكان
شهد : ياااااااااااااربببببب
الجوري : يوم بنخلص بنساافرر انا وهلي وخواني كلهم مب مصدقه والله .
شهد : وين ؟
الجوري : ما قررنا اكيد اليوم نقرر أن شاءالله
شهد : اللله يالجوري أتريا اليوم الللي بسافر فيه من امي راحت وتمينا ويا ابوي وحرمته ما شفت خير والله لا انا ولا فهد.
الجوري : صح شو صار ع آخر واحد تقدملج ؟
شهد : من تدبير حرمة ابوي طبعا , ذياب ما طاع , والله لولاه كنت من زمان ميته.
الجوري تمسك ايدها : كلمي اخوج طيب تعيشون بيت بروحكم
شهد : مابا اضغطه , يكفيه اللي هو فيه
الجوري : لمتى بتتحملون ؟
شهد : الله كريم " تنش " يلا الدريول برا حبيبتي " تسلم عليها "
الجوري بزعل: ربي يحفظج حبيبتي كلميني عقب .
شهد : من عيوني " باستها فالهوا " وراحت
الجوري راحت سيارتها بترد البيت...

------------------------------------------

في مكان ثاني ويديد , بيت كبير وجميل ولكن ما يذوق طعم الراحه والهدوء من المشاكل ...
بو فهد : سمعت ان شركتك ربحت بالمناقصه
فهد يشرب قهوه ويلعب بالفون : هيه الحمدالله
بو فهد : ما توقعتك تنجح بسرعه هاي , توقعت ترد لي وتداوم ف شركتي وانت ندمان
فهد ابستم ع ينب : ههه لالا هالتوقع شله من بالك ابويه
يت حرمة بو فهد : حبيبي شخبارك متى ييت ؟
بو فهد : هلا بالغاليه , توني والله , تعالي يلسي حذالي
فهد من يت حرمة ابوه نش : مع السلامه ابويه
حرمة بو فهد " العنود " بدلع ماصخ : ها وين فهد ولا عشاني ييت
فهد ببتسامة كره : ايووهه بالضبط يلا باي " مشى "
بو فهد بصوت هز البيت : فههههددددد
فهد وقف ولف صوبه : آمر ؟
بو فهد : كيف تكلم امك جي
فهد راح صوب ابوه وبكل هدوء : يبا ؟ منو امي ؟ هذي ؟ " يأشر بصبعه " أنا ما عندي أم من زمااننن من يوم قررت تروح وتخليني أنا واختي , وانت ؟ بالأسم ابوي بس .
بو فهد " صفعه كف " : تعلم الادب ولا بادبك انا من البداية
فهد وقلبه مكسور بس كان يبين شاامخخ ولا جنه اهتز شي فيه : ما تقصر بو فهد " ابستم " وراح
بوفهد يلس ويفك أزرار الكندوره اختنق : اافففف
العنود : حبيبي لاتضايق نفسك يا بعدي
بوفهد دزها ونادى بنته : شــــــــــــــــــــــــــــــــــــــــــهــــــ ــــــــــــــــــــــــــــد
شهد كانت فوق تكلم الجوري من سمعت صوت ابوها فزت : حياتي الجوري بشوف ابوي وبكلمج
الجوري : اوكي فديتج طمنيني ها
شهد : من عيوني " سكرت "
نزلت شهد لأبوها : هلا ابويه
بوفهد بعصبيه : ويينن انتي ومن تكلمين
العنود بخبث : هه اكيد واحد من هالشباب يعني منو
شهد : ما اسمحلج جي تتكلمين عني العنود
العنود بصياح متنكر : اهئ اهئ شفت حبيبي كيف تكلمني , ولا بعد تقولي العنود وانا كل هالوقت اعتبرها بنتي اهئ اهئ
بوفهد : وقف استسمحي منها بسرعه وهاتي فونج
شهد خلاص فصلت ما تتحمل صارلهها 15 سنه عايشه بظلم تمت تصارخ : مااااااا بعتذررررر منها وخلها تووللي ولا بعطيك فووني بعد , بسك ابووييه بسس اصحى من هالسحر اللي سوته لك هالملعونه نحن عياللكك تربيتك تبديهاا علينا لييييييييييش حس فينا شوي ياظالللل--------- " كف طيحها فالارض من بوفهد "
شهد تشاهق : والله ظالم والله الله ينتقم منكم انتو الاثنين " يت بتنش ياها كف ثاني من العنود "
العنود بخبث : ها عشان تتأدبين معاي " يت بتعطيها كف ثاني الا وفهد يدخل "
فهد : العنوووووووووووووووووووووووووووووددددددد " هني تيبست العنود "
راح صوبها فهد وعطاها كف جدام ابوه : حدجج عاد
بوفهد : اطللللعععع برا بيتي يا فهدد
فهد : هه من قالك بتم ؟ لا انا ولا شهد بنقعد هني
بو فهد : شهد ف احلامك تطلعها من هني
فهد راح وقف في ويه ابوه : شهد قومي لمي اغراضج
بوفهد بصراخ : قلت مااااااااابتطلع
فهد يطالع ابوه : شهد بسرعه خلصي ولا والله برتكب جريمه
العنود ركضت صوب ريلها : حبيبي احسنن خليهمم يروحون وننفتتتكككك
شهد راحت فوق بسرعه لملمت اغراضها المهمه ونزلت : فهد
فهد طالعها , شهد : خلصصتت " وغرقانه دموع "
فهد راحلها شل شنطتها : يلا باباتي " يو بيطلعون " فهد قال : احترق انت وياها فالبيت " سكر الباب بقوه "
بوفهد قعد ويتنفس بسرعه مختنق والعنود عنده.
----------------------------------------------------
نرد صوب البيت الهادي والجميل والدافئ بمعنى الكلمه
الكل يالس تعشو الساعه 9 وخلصو والحين كلهم مع بعض فالصالة يسولفون ويضحكون ...
الجوري : هيييييييييييه واللله اول ما دخلت الكل يطالع بنظرة حقد وانا احلى طاف
الكل يضحك ع سالفتها
حمدان : لا نحن اليوم فالشركه عند ابوي ياا سلام , يت وحده حق ابوي بالذات " غمز حق ابوه و ابوه فهم وابتسم " تبا ديكورات حق بيتها , وعاد ابوي ما قصر والبنيه ما شاءالله شو جماال اخخ و--- " قاطعته ام حمدن "
ام حمدان : هيه وانت مستانس " تطالع بو حمدان "
بو حمدان : اووفف الا مستانس ما بغيتها تروح والله
ام حمدان نشت وفلعته بالمخده : هيييه سيرلها عييل " يت بتسير "
الكل نقع ضحك
بوحمدان بسرعه نش وحضن ام حمدان : هههههه نتمصخر ياابنتتت

سعيد : اوووووووهههههه رررررووححح يالحبيب شف شف شو يسوي جدامنا
الجوري تصفر : ياااسلااااممممم كملو ما علييكمم من العواذل " تخز خوانها وتضحك "
راشد : ههههههههههههههههه عييييييب عيب يا ناس نحن عيال صغار
بو حمدان فج ام حمدان ويلسو : بو حمدان امحقق عيال صغار وانتو اطول عني
حمدان : لا صدقه رشود ياخي عيب عيب
سعيد : لا يبااا كملو ماعليكم يلا بطالعكم بتعلم
رشود : انت تتعلم ؟ ما يحتااااي انت الاستاااذ اصلا " ويغمز له " تذكررر
حمداان نقز : هيييييييييييههه تذككررر انا بعد اعرف " وغمز "
سعيد شرق بالعصير : كحححححححححح كحححح المهم ها " احم " صح صدقهم عيب
الجوري نقزت بين خوانها : قووووولوووولي شو تعرفووونن والله تقولون
سعيد فلعها : قومي مكانج عيب
الجوري تقعد عدل : مابا واللله تقولولي
رشود وحمدان بهمس : عقب عقب
ام حمدان : انزين وين قررتو السفره ؟
بوحمدان: مادري والله شرايج ؟
ام حمدان : اممم جورجيا ؟
الجوري وسعيد ورشود وحمدان : لاااااااااااااااااااااااااااا
ام حمدان وبوحمدان فزو : بسم الله الرحمن الرحيم
الكل : هههههههههههههههههههههههههههههههههههههههه
سعيد وحمدان ورشود والجوري قاعدين حذال بعض ويهمسون , حمدان : ياخي نبا لندن
سعيدد : هيه واللله انا وياك
الجوري : الللههه هييه صدقك يبتها
رشود بصوت عالي : احمممم يالكناري " يقصد امه وابوه " قررنا " ابتسم ابتسامه غبيه "
بوحمدان : وين قررتو يالرباعي المرح ؟
ام حمدان : لو ماحبيت المكان ما بتروحون
حمدان والجوري : لنننننننننننننننندننننننن
ام حمدان وبو حمدان : لااااااااااااااا
الكل ضحك , بو حمدان : انزين انزين , بنسوي قرعه
سعيد : اووكك يلا
راشد : سيييتي " الخدامه "
سيتي : يس مستر
رشود : هاتي ورقه وقلم
سيتي : اوكي مستر " وراحت "
حمدان وقف : بنكتب جورجيا ولندن
سعيد : وباارييسس
حمدان : اوكك
سيتي يابت الاوراق , حمدان قال حق رشود : يلا اكتب
رشود كتب وقال : يلا من بيسحب
بو حمدان : طبعا منى حبيبتي " ام حمدان يعني "
ام حمدان نشت تسحب : اخخ يارب جورجيااا
العيال : يااااااارب لااااااااااااااااااا
سحب ورقه وفتحتها وهي مغمضه عقب فتحت عيونها وشهقت : اههففف بااااريييسسس
الجوري : اللللههههه بسير ديزني لاند
ام حمدان مسكت الاوراق فرتهم ع عيالها : كلله منكم قطاعين ارزاق
الكل مات ضحك عليها وقاللها بو حمدان : جورجيا هاي حقنا بروحنا , هم بيردون الامارات ونحن بنسير جورجيا لعيونج شرايج ؟
ام حمدان : افدااا ويهككك يا حمييد ها الريل المطيع
حمدان : هيه هيه انتو تغزلو والشركه فوق راسي صح ابوي الغالي والزوج المطيع" وابتسامه صفرا"
بو حمدان: غصبن عنك اصلا
الجوري : برووووح وياااااااكممم
سعيد فلعها : يا هادمة اللحظات الرومانسيهه شو تبينهمممم
رشود : لا لازم تردين ويانا ما تخافين ع خوانج الجمييلين من البنات
الجوري : بسم الله تخوفون بلد
بو حمدان : يلا نحن بنسير نرقد " مسك ام حمدان " : تصبحون على خير
العيال : وانتو من اهله
رشود : كم الساعه ؟
سعيد : توها 10 ونص
حمدان : اف بدري لو رقدت الحين بنش
الجوري : هيييه والله , تعالو نشوف فلم ؟
رشود " يلا خلها توصل 12 على الاقل
سعيد : شو بتحطون ؟
رشود : امممممممممم فتحو اهواك المصري اليديد اكيد مش طويل
الجوري : اوك الحين بطلعه من الموقع
حمدان : افف اليوم سحبت على النادي سحبه
سعيد : هيه والله يا ريال انا بعد ما رحت لازم ابدا تنشيف
حمدان : متى تبتدا ؟
سعيد : باجر شرايك ؟
حمدان : اوك تم , عيل نادي سومي " الطباخه " خلها تحطلنا كل اكل الدنيا
سعيد : سووووووووووووووووووووومممي
رشود : وصمخخخ امي وابوي نايمين يالثور
يت سومي : أأمر استاز " الطباخه "
سعيد : سومي هاتي كل شي حلو فالثلاجه وسوي اكل وايد اوك
سومي : بتأمر استاز " راحت "
الجوري ركبت الواير من اللاب على التلفزيون الكبيييرر وفتحت الفلم ويلسو كلهم يعلقون ويضحكون وجي عقب نادت الخدامه ...
الجوري : سيتتتتتي
يت سيتي : يس مدام
الجوري : في كيسه فوق هاتيها
سيتي : اوكي مدام " راحت "
--------------------------------------------

عند صوب ثاني عند فهد و شهد ...
شهد : فهد الحين وين بنسير
فهد بألم : هه عبالج يا شهد ما كنت أعرف ان هاللحظه بتيي ؟
شهد : كيف يعني ؟
فهد : اشتريت بيت من سنتين وجهزته كامل لهللحظه لاتحاتين
شهد : لا تحاتي يا خوي ان شااءلله كل شي بيتعدل
فهد : والله ياشهد محد يهمني غيرج انتي , انشاءالله بزوجج وبشوف عيالج وبتعيشين حياه حلوه
شهد نزلت دمعتها : عشنا حياه صعبه
فهد عوره قلبه ع اخته مسك ايدها : شرايج نسافر ؟
شهد فزت : الللله صددقق ؟
فهد : ليش لا ؟ انا وانتي
شهد : اليوم الجوري كانت تقولي عن السفره بتسافر ويا اهلها وجي
فهد : اختاري المكان وبنسير
شهد : امممم باريس ؟ حلمي اروح والله ديزني لاند
فهد : تم , انتي خلصي ومن تتخرجين هالاسبوع وتيي الاجازه بنسير
شهد تبوسه : لا يحرمني منك يا احلى فهد عقبال ما اشوف عيالك وحرمتك
فهد : هي هي مطوووووووووووللللهه عيل
شهد بوزت : ليش عاد نباا عرسس
فهد : تعرفين انتي شو رايي بالحريم صح ولالا
شهد : خلاص خلاص بسكت " مسكت فونها وطرشت مسج حق الجوري قاللها : وايد صارت اشياء وماقدرت اكلمج والوقت تأخر عشان جي بقولج باجر كل شي , تعالي من وقت ها "
بعد دقايق وصلو شهد وفهد الفله وشهد فعلا انبهرت من شكلها , كانت كبيره واااييددد الحوش كبييرر كله حشيش اخضر وورود ؟ وفالنص في مسبح كبييييررر حوله كراسي وطاولات , وعلى الحشيش في طاوله وكراسي بعد للأكل , دخلت داخل انبهرت من المدخل , كان عباره عن ممر طوييلل ديكوره كامل بالذهبي مسواي بالجبس وشكل الليتات اللي فيه الصغيره على طول الممر وفالنص ثريا كبييييرررهه ذهبيه , وصوب اليسار كان ميلس وصوب اليمين كانت الصاله , طبعا البيت كله ديكوراته من تصميم شركة فهد , اخته جد انبهرت , راحت الصاله وفالنص كان دري كبييييررر وضخم من صوب اليمين واليسار جي ياي نفس قوس والغرف فوق , البيت رائع بمعنى الكلمه واطلالته الخارجيه تفتح النفس , والخدم والطباخين اللي فيه ولا غلطه .
شهد راحت حضنت اخوها وصاحت : والله غيرت نفسيتي
فهد حضنها : من لي غيرج شهود ؟ المهم سمعي فوق غرفتج روحي شوفيها وشوفي الملابس فيها كل شي تبيه
شهد باستهه : لا يحرمني منك اخووويييي
فهد : يلا الساعه 12 ونص روحي نامي دوام باجر
شهد : يلا تعال روح غرفتك , لاتكون بعيده عني ؟
فهد : لا طبعا امره لاصقه فيج
يت الخدامه سونيتا : مساء الخير , بتحتاجو لشي ؟
فهد : لا مشكوره , بس بعرفج هاي شهد اختي , ومن اليوم بنعيش هني خلاص
سونيتا ابتسمت : شرفتينا استازه شهد , غرفتك فوق بتحبي وصلك ؟
شهد : شكرا سونيتا انا بروح " ابتسمت "
سونيتا ابتسمت : عن ازنكون " راححت "
شهد راحت فوق ويا فهد ووصلها غرفتها وانصعقت , كانت باللون الذهي والأسود ورق الجدران كان ذهبي وفيه عروق سودا خفيفه تلمع وراس السرير كانن طويل ملكي مخملل فيه كريستال اسود والسرير من تحت دائري , والستاره كانت عباره عن 4 ستاير " ذهبي اسود ذهبي اسود " ساده والتسريحه كانت المنظره معلقه فاليدار دويريه كبيره , وباقي التسريحه عرييضضه وعليها كل انواع العطور , عقب نروح حق غرفة الملابس كان الكبت فاليدار والملابس كلها تبين جي نفس المحلات , الاكسسوارات ف مكان و الجواتي في مكان , كان شي خيالي بمعنى الكلمه , والحمام كان لونه ابيض وسماوي وفيه كل انواع اللوشنات والبودي سبريه وهالاشياء وريحته نفس اليهال , كان في روب سماوي معلق وحذاله منشفه عند البانيو , ومناشف بيضا عند المغسله ف صينيه ومطويات بطريقه حلوه , والبانيو كان له باب زجاجي كااممل وكبيير .

شهد حضنت اخوها : لا يحرمني من وجودك
فهد حضنها : يلا يلا نوومم بتصير 2 يا بنتت
شهد : هههه اوك
فهد ابتسم : تصبحين على خير
شهد : وانت من اهله حبيبي
فهد ابتسملها وراح غرفته , وشهد راحت تسسبح عشان تنام
وفهد راح غرفته كانت باللون الرصاصي والأبيض , ورق الجدران كان كله ابيض وفيه ورد خفييفف رصاصي بلمعه والشبريه جي ارضيه دويريه , والستاره كانن ثلاث ستاير ابيض رصاصي ابيض وكان حاط منظره جي مربعه كبيره فاليدار وتحتها رفوف حاط عليها عطوره وغراضه , جي المنظره فالنص وثلاث رفوف ع شكل دري من اليسار ونفس الحركه صوب اليمين حول المنظره , وغرفة الملابس نفس اخته مكان حق الجواتي والنعول ومكان حق الساعات والنظارات والملابس , والحمام كان باللون الاصفر نفس نظام اخته.
دخل فهد بعد تسبح ونام ...

فهد عمره 24 , طور نفسه بنفسه طلع من شركة ابوه وسوا شركته بروحه امه تركته هو واخته بحجة انها صغيره وما تباا ابوهم وتبا تعيش حياتها , طوييللل ومعضلل حنطاوي لحيته سوداا , شعره طويل جي لي اخر رقبته وحرير , جميل بمعنى الكلمه ويكره شي اسمه بنات بسبب امه , حياته كلها حق شغله واخته بس ها اللي للحين فباله وعاد مانعرف يغير رايه عقب عن البنات ولا لا , رغم صغر سنه الا انه شركته بعد من افضل الشركات .

شهد كبر الجوري عمرها 22 , تعاني بسسبب امها وابوها لكن اخوها يعوضها عن كل شي , جميله طويله وبيضا , شعرها لنص ظهرها بني وحرير , جميله وتحب الجوري وايد ربيعات من زماان , طفوليه وحساسه لكنها تبين من برا قويه ولا يهزها شي , امنيتها تعرس واخوها يعرس وتتغير حياتهم للاحسن .

--------------------------------------------
نرجع حق العائله السعيده ...
سعيد : فللمم ولا غلططهه
راشد شاف الساعه وفز : خيييببببه الساعه 1 ياناس
الجوري تثاوب : ااخخ كيف بنشش
حمدان يضحك : دمرنا المكان الخدم بيدعون علينا
الجوري قامت : يلاااااا جوود ناييييتت
الكل : نوم العوافي
طلعت راحت غرفتها وغرفتها نففس غرفة شهد بس باللون الازرق الحلوو ها والابيض وفيها شوي اختلاف .
سعيد نش : ايه قومو يلا
حمدان و رشود نشو , رشود : اللله يعينا على الدوام باجر " يتثاوب "
حمدان : هييه والله
سعيد : واكك يا حرام اانا اجازه باجر
رشود : حمار لانك
سعيد : ورا باجر ورايه سفره يا ريال خلني ارتاح
حمدان : شكلي بصير طيار كل يوم اروح دوله
سعيد : واللله وناسه يا ريال
رشود : اقول جب ويلا كل واحد يدخل غرفته " غرفهم الثلاث عند بعض جي ف ممر يعني من الصوبين في غرف , غرفتين صوب اليمين حمدان ورشود والغرفتين الثانيات صوب السيار سعيد والجوري , وكانوا واقفين كل واحد عند غرفته ويسولفون "
سعيد : هيه وراك دوام لازم وااككك
جان تطلعلهم الجوري : ابا اننااااممممممم دخلووووووووو
سعيد : اوه صح دوام انتي بعد يا حرام
حمدان : سعيد شوف , انا ورشود والجوري كلنا ضدك " رفع حاجب " شرايك ؟
سعيد دخل بسرعه : الالالالا فديتك خلاص تصبحون على خير وقفل الباب بسرعه
ضحكو عليه وكل واحد دخل غرفته , والكل نام الا سعيد طرش مسج " نوم العوافي يا عمري " ونام

البارت الثاني ...

اليوم اللي بعده في بيت بو حمدان الساعه 6 ونص الصبح الكل ناش كالعاده وقاعدين على طاولة الاكل يتريقون ...
ام حمدان : الا وين سعيد ليش مب ناش ؟
راشد : عنده اجازه الاخ لان باجر وراه سفره
بوحمدان : والله دوام ولا اروع يعطونه اجازه عشان ثاني يوم يسافر
الجوري : ههههه هيه والله انا لو بداله ما بمل من الدوام ابدا
حمدان : اقول يبه حجزت التذاكر ولا احجزهم انا ؟
بو حمدان : لا احجز اننت اليوم مب باقي شي وتخلص الجوري
الجوري : هيه بعد ثلااااثث ايااامممممممم
ام حمدان : متى بتحجزون اي يوم ؟
راشد : امم الجوري بتخلص بعد ثلاث ايام يعني بيكون يوم الخميس , حجزو على الاحد او السبت شرايكم ؟
حمدان : هيه انا اقول جي بعد يعني فير الاحد
بوحمدان : خلاص اوك حمدان انت رتبها على هالوقت
الجوري : اييوه عشان نطلع انا وانتي اليوم ماماتي نخلص ونجهز
راشد : انزين وانا بخبر سعيد عشان يرتب نفسه ودوامه ويانا
ام حمدان : كم بنتم عشان اجازتي ؟
بو حمدان : 10 اايام يكفي لاه ؟
حمدان : هيه وزيادهه بعدد
الجوري تنش : يلا فديتكم ف حفظ الله
اهلها كلهم : في حفظ الرحمن
رشود : هالله هالله وانتي تسوقين فاهمه
الجوري : هههه من عيوني "باستهم فهالوا " بيباااي
وعقب الكل نش وراح دوامه الا سعيد متحلف ونايم بالبرد ومرتاح ...
************************************************** ************
في نفس الوقت صوب شهد وفهد , نشت شهد ولقت الريوق جاهز على الطاوله وفهد يترياها ...
شهد : صبااحح الخير "يلست "
فهد : صبااحح السعادده
شهد : شوو هالدلععع كله
فهد ابتسم : هههه ها حالنا كل يوم بيصير نفس العالم والناس
شهد : ههههه والله تغيير جذريي صارلنا امس

فهد : اليوم وانا فالشركه بحجز التذاكر على فير يوم الاحد شرايج ؟
شهد : اوككي حلوو عشان يمديني اجهز اغراضي وجي
فهد : ترا برد هناك يعني خلي ملابسج شتويه كلها
شهد : هييه اكيييدد , احم انزين شو عشان العباه "فيس خايف "
فهد رفع حاجب : كيف يعني ؟
شهد : يعني بييب ملابس طويله وجي كللهه طوييلل بس بدووون عباه بلييزز شو اروح هناك والبس عباه بيتحروني ارهابيه " فيس زعلان ولو بوزها "
فهد : طيب خلاص بس هاااااا كلللههه طويل القميص تييبينه لين تحت الركبه فاهمه
شهد تضحك : هههههه من عيووووننننني
فهد : يلا نشي انا بوصلج اليوم لان ما يبت دريول لانج بتفتحين ليسن قريب
شهد تنش : ليسسسننننن ؟ متى ؟
فهد : يوم نرد من السفر
شهد : اوككككييييييي
وراحو ركبو السياره , كانت سيارته سبوورت سودا ...
************************************************** ***
نروح صوب ام حمدان فالمدرسه ....
ام حمدان : انزين فديتج شو تخصصج فالجامعه كان ؟
----------- : تخصصتت في ديكور فالجامعه وتخرجت هالسنه وبديت ادور وظيفه
ام حمدان : انزين حبيبتي هاي مدرسه يعني مافي مكان للديكور هني
---------- : هيه اعرف بس قلت يمكن يعني محتاجين حد في اي مكان ترا اعرف واقدر اسوي اشياء غير الديكور يعني اعر------- " قاطعتها ام حمدان "
ام حمدان : شوفي حبيبتي هني والله انا جدا اسفه ما شي مكان عندنا اكتفاء , بس ريلي عنده شركه للديكور بشوف اذا محتاج لموظفين
---------- : مشكوووررره ماااتقصريينن والله
ام حمدان : بس خليلي السي في مالج هني وبرد عليج كتبيلي اسمج ورقمج هني
---------- : اسم مها وهذا رقم فوني وهذا السي في
ام حمدان : ان شاءالله مها هاليومين برد عليج خبر
مها شلت شنطتها ونشت : مشكوورره وماتقصرين وان شاءالله خير , يلا مع السلامه
ام حمدان مب مرتاحه وايد : ربي يحفظج فديتج

طلعت مها واول ماطلعت مسكت فونها ودقت على شخص ...
مها : الو
--------- : شو صار ؟
مها : كل شي طلبتيه سويته والخطه ماشيه نفس ماتبين
--------- : حلو عيل تعالي استلمي اول دفعه من فلوسج
مها بابتسامة خبث : يايه " وسكرت , كانت تقول فخاطرها : والله وبتدمر سعادتكم يا عايلة بو حمدان "
**************************************
صوب حمدان ...
حمدان : هيه اخوي نبا 6 تذاكر لفرنسا
الريال : اي درجه تباهن اخوي ؟
حمدان : بزنس
الريال : متى اي وقت تبون ؟
حمدان : والله اذا شي رحله على فير يوم الاحد نبا هالوقت
الريال : هيه متوفر هاليوم وهالوقت , تحب خلاص ااكد الحجز ؟
حمدان : هيه أكده اخوي ما عليك أمر
الريال : خلاص تم تأكيد الحجز
حمدان : الحين بييك بعد شوي استلم التذاكر
الريال : مافي مشكله استاذ الحين نحن نطرشلك اياهم
حمدان : يزاك الله اخوي , بس بغيت اتاكد الحجز على طيران الامارات صح ؟
الريال : هيه تحب تغير ؟
حمدان : لالا خلها , يلا مع السلامه " وسكر "
الا وسعيد يدق على حمدان ....
حمدان : صحححح النووومممم الاخ
سعيد يتثاوب : هااا شعندك داق واخر شي مشغول يالحمار
حمدان : والله الحمار ولدك , كنت بقولك حجزنا على فير الاحد وبنتم 10 ايام يعني رتب عمرك على جي
سعيد : زين انا الا باجر ورايه سفره على الكويت يعني مب بعيد وبرد بنفس اليوم عقب برتب الاجازه
حمدان : اوك انخمد خلني اخلص اشغالي انا
سعيد : طوط طوط طوط "سكر"
حمدان يكلم عمره " حيوان هالولد والله هههه " وراح صوب ابوه يكمل وياه الاجتماع
************************************************** ***
صوب رشود ...
راشد : خلصت كل شي قلتلك عنه ؟
فيصل : هيه خلصته ياخي 4 ساعات وانا ارتب الجداول
راشد : احسن يا ريال عشان لا نتوهق ويا هالموظفين عقب
فيصل : هيه واللله صدقك , الا قولي ليش ماخذ اجازه هالكثر ؟
راشد : بسافر ويا الاهل وجي يمكن على الله مودي شوي يرتاح
فيصل : ارمي كل شي ورا ظهرك ولا تفكر في حد ابدا محد يستاهل كل هالتفكير " غمز له "
راشد : من قالك افكر فيها عاد ؟
فيصل : مش لازم تقول انا ربيعك واعرفك , اللي يخونك خونه وبيعه
راشد شل الكاب وعقه وحط ايده ع ويهه : ااافففففففف
فيصل : روح وغير جو ويا اهلك ولا تحاتي الدوام هني ولا الناس الخايسه ابدا
راشد : انزين ماعلينا مني , شصار وياك على الحب ؟
فيصل ابتسم : ااخخ يالبى هالطاري , راحو خطبوها اهلي ونتريا الرد وعقب سيددهه بملج
راشد : هههههه شوي شوي عالبنت بتموت المسكينه
فيصل : ههههههه عقبال ما نفرح فيك معرسنا
وكملو سوالف ....
**********************************
نروح صوب الجوري وشهد ...
الجوري : كلللللل هاااااااااااااا صااااااااااااارررر امممسسسس بس ؟؟؟؟؟؟؟؟؟؟؟
شهد : وصممخخخخخ فضحتينا يالثووررر شوي شوي , هيييه كله امس
الجوري : مصدووومه وللله بس حلووووو واللله استانست نفسيتج بترتاححح
شهد : صدقتتي , فهد قالي بعد بنسافر وجي نغير جوو
الجوري نشت حضنتها : وفديت ربيعتي انا , حيااتج ان شاءالله بتنقلب للاحسن انقلاب تام
شهد : ان شاااااءالله
الجوري : نشي يلا بوصلج
شهد تنش : يلا عاد بتعبج الحين ماشي دريول
الجوري : ههههه احسن يبالج انتي ليسن

بعد نص ساعه وصلتها الجوري لبيتها وفجأه عطت بريك قوي
الجوري : اعممممممممممممممممممممممممممممممممممممممممممممى اخوووجججج زين ما انجلبنا حسبببييييي الللللههه ونعم الوكيل
شهد نزلت بسرعه الا وفهد يزاعق : ربيعتججج حوووللله حووله ولا شو كنت بروحح فيههااا من غباءها
نزلت الجوري : والله انت الغطانن مشش اننااا دخللتت علينا جي فجأأه
فهد : انا مادري كيف أمنت على اختي تركب وياج ويا هالسواقه تقول واحد من الشباب
الجوري : واحد من الشباب ولا لا شي راجعلي انت سوق عدل وفتح عينك عدل عن تدعم خلق الله وتنفذهم
فهد بصراخ : اسكتي اسكتي يا بنت زين صار هالموقف عشان ما اخلي اختي تركب معاج مره ثانيه
الجوري بصراخ : لاااااااااااا واللله اقول روح شو---------- " قاطعتها شهد "
شهد : بااااااااااااااااااااااااااسسسسس سكتووووووووو صدعتووووووووننني ما يستاهل الشي افف
فهد : انتي كيف مرابعه هالاشكال ؟
الجوري : والله ماادري كيف انت " تأشر من فوق لتحت " اختت هايي
فهد : اقول اختفي من قدامي احسن لج
شهد راحت صوب الجوري : رووحي دخيلج بسنني صدعت منككممم بكلمج عقب
الجوري : برووح بس عشان شهد والله ولا لو علي بتم ارادد لين الصبح , مماالللت " ركبت السياره وشخطتها وطارات "
فهد : الحين هاي بنيه ؟ حسبي الله , لا تكون هاي اللي دوم حاشرتني فيها الجوري ؟
شهد فيها ضحكه : هيه هاي الجوري
فهد : الحين هااي جوري هاي ؟ هاي دبوور وحياتج , دخلي دخلي
شهد وفهد دخلو داخل ,,,

طبعا مر اليوم بسلام والجوري وشهد ما طرو حق بعض وين كل وحده بتسافر لانهم نسو ما يا عبالهم الشي ابدا ...

************************************************** *******************
بعد كم يوم , كان اليوم السبت والكل محتشر في بيت بو حمدان وبيت فهد ......
الجوري : هاااا ماما شفتي وين الكيسه مالت وومن سيكررت مبب محصلتتهاااااااا
ام حمدان : شوفيها اكيد ف غرفة الملابس بسرعه ماشي وقت ساعتين ونطلع
الجوري تركض غرفتها " افففففففففف "
حمدان يصرخ من غرفته : سعييييييييييييييييييييييييييييييددددددد وين الكاب الاسود ؟
سعييد يرد من غرفته بصراخ : شووووووووووفففهه عننددد اغرااضكك فالكيسه البنيه
رشود من غرفته : حمداااااااااااااانننن ساعتي البنيه وين ؟
حمدان من غرفته : هكككككككككككيي تعال شلها
بو حمداان عند ام حمدان : حبيبتي حطيتيلي كل الملابس اليديده اللي خذتها ترا برد هناك
ام حمدان : لا تحاتي حبيبي كله موجود

********************************************
صوب شهد وفهد ...
شهد ترابع فالحجره مب باقي الا ساععه وتبا تخلص : فهاااادددد خلصصتتت ولا لا ؟
فهد يصرخ من غرفته : هيييه بااقي شوي الحين بتلبس خلصي
شهد خلصت بسرعه وسكرت شنطتها ولبست وخلصت وطلعت ( كانت لابسه بنطلون اسود جينز وعليه تي شيرت طويل اسود طويل لتحت الركبه جي مثلثات , واكمامه طويله وعليهن سكارف بني وجوتي طويل شوي جي لونه بني عشان البرد وشيله قطن ثقيله بنيه , ولبست عبايتها وقالت بتعقها يوم توصل هناك ) وسحبت شنطتها وطلعت تتريا فهد .

فهد خلص (كان لابس بنطلون بني غامق وتيشيرت شتوي هاي نك لونه احمر غامق , وسوا شعره جي ع ورا وشعره اصلا طويل ويخبل واللحيه السوادا " ااخخ " , والجوتي احمر غامق وسكارف بني وطبعا ساعه بنيه ) شكله كاانن خيااللللللل يخبل اللي ما يتخبل
فهد : هاه يلا ؟
شهد متحمسه : هيه يلا
" يو الخدم طلعو الشنط وكان فهد مكلم ربيعه عشان يروح يشل سيارته من المطار وتم عنده لين ما يرد , طبعا كانت الطياره الساعه 4 الفير , وهم طلعو من البيت الساعه 12 لين يوصلون دبي ويخلصون الاجراءات وجي , كل ها وشهد والجوري ما يعرفن انهن مسافرات مع بعض "

************************************

صوب بيت بو حمدان ...
بو حمدان : هااا الكل خلص ؟ ( كان لابس بنطلون جينز كحلي وتيشيرت شتوي هاي نك اسود , ووسكارف كحلي وجوتي اسود وكاب شتوي اسود وكان صابغ لحيته اسود " معرس الحبيب " )
الجوري : هيه ( كانت لابسه بنطلون اخضر غامق جينز وتيشيرت طويل لونه بيج اكمامه طويله شتوي هاي نك , وسكارف اخضر والجوتي شتوي ابيض والشيلة اخضر غامق وطبعا اكسسري خفيف , وحطت عدسات لونهن اخضر فاااتتح وسوت ايلاينر فرنسي من فوق ومن وجحال خفيف وروج وردي وبلشر , كانت تجننن , لبست عباتها وبتعقها يوم توصل هناك )
ام حمدان : وانا بعد جاهزه ( كانت لابسه جي فستان لونه تركواز شتوي طوييلل ولابسه فوقه شي نفس الجاكيت طوويييل لتحت الركبه لونه بني وشيله بنيه ونعال بني واكسسري وميكب خفيف )
حمدان : وانا جهزت ( كان لابس بنطلون اسود وتي شيرت شتوي اسود وسكارف اسود وكاب شتوي اسود وجوتي اسود وساعه سودا " خيااااااالللل وقسم " )
راشد : وانا خلصت ( كان لابس بنطلون اسود وتيشرت شتوي ازرق وسكارف اسود وكاب شتوي ازرق وساعه سودا " يججننننننن " )
سعيد : اففف واخيرا خلصت ( كان لابس بنطلون بني وتي شيرت شتوي اورانج شتوي , وسكارف لونه بني والجوتي كان بني واورانج , ما لبس كاب بس جي سوا شعره ع ورا وشعره اصلا طويل ولحيته سودا " اااخخخخ " وساعه بنيه )

بو حمدان : يلا عيل الساعه 12 , نسير ويا الدريول ؟
رشود : لا ابويه بالسياره العوده وفيصل ربيعي بيي هناك يسلم ويشلها يردها هني .
بو حمدان : اوك عيل خلاص يلا
والكل طلع وركب , حمدان كان يسوق وحذاله ابوه , رشود وسعيد وام حمدان والجوري ورا والشنط اخر شي . " متوجهين مطار دبي ........ "

************************************************** *
في صوب ثاني في مكان مجهول ....
مها : اافففف شسووووي زيييين ما ردو علي بعدهم صبري
-------- : الحين هم مسافرين ومستانسين وانتي ولا سويتي شي , شوفي قسما بالله عندج مهله لين ما يردون من السفر , اذا ماصار اللي بغيته انتي تعرفين شو بسوي فيج
مها : خلاص والله بس تريي لين يردون وانا برتب كل شي , ترا هدفنناا وااحد لاتنسين
---------- : بنشوف " طوط طوط طوط "
مها : افففففففففففففففففففف وقتتهههه تساافروووننننن يعلكم الموت يارب واحد واحد

************************************************
الساعه 2 العائلتين وصلو المطار ودخلو الشنط وكل شي وخلصو الاجراءات الحين قاعدين يتريون يروحون للطياره ...
سعيد : ليش ما يخلوني انا اوديكم ؟
راشد : هههههه هه هه ضحكتني اصلا لو انت انا ما بسافر
سعيد : ههههه يالكلب اول مره اسوق طياره شو ؟
بو حمدان : خلينا نروح مستانسين عقب لاحقين عليك
الجوري : خلاص شوف يوم بيكون دوامك سفرني وياك انا موافقه
سعيد : زين عيل السفره اليايه
شهد من بعيد متنحه تطالع الجوري ومب مصدقه وبأعلى صوت : جووووووووووووووووووووووووووووررررررررررررررررررررر ررررري
الجوري فزت وتطالع صوب الصوت ومتنحه , عقب فجأه : شهاااااااااااااااااااااااااااااااااااااااااادددددد دددددددددددددددددددد
وراحن سلمن على بعض وانصدمن انهن بنفس الرحله , راح فهد سلم على خوانها ...
فهد : السلام عليكم
حمدان , رشود , سعيد , بو حمدان : وعليكم السلام والرحمه " نشو سلمو "
فهد : انا فهد اخو شهد " ابتسم ابتسامه تذوب "
بو حمدان : اهلا فيك ولدي فهد , وانا بو حمدان ابو الجوري
فهد : تشرفت فيك عمي
حمدان : وانا حمدان اخوها الكبير " ابتسم "
فهد : والنعم فيك حمدان
راشد : وناا راشد اخوها المتوسط بس اكبر عنها
فهد : هههه تشرفت فيك راشد
سعيد : وانا سعيد اصغر واحد بس اكبر منها
فهد : يا هلا سعيد والله
بو حمدان : وهاي امك ام احمدان
ام حمدان ابتسمت : يا هلا فيك ولدي شخبارك , شخبار الاهل والوالده والوالد
فهد اختفت ابتسامته : الحمداللله الوالده الكل بخير انتي عساج طيبه
ام حمدان : الحمداللله بخير
الجوري : شهدددد وين مسافرين انتو ؟
شهد : فرنسساا , انتو وين رايحين ؟
راشد تم يطالع شهد بس بدون لاحد ينتبه : اووههه اوووهه ونحن بعد
فهد : طع فرحتهن الحين ههههه
الجوري : وووااااوووو اي رحله ؟
فهد طالعها بنظرة : رحلة الساعه 4
سعيد : اررحببوووو يالربع وياانناااا يعني
بو حمدان : لقينا لنا ونيسس في هالسفره يا فهد
فهد كان مستانس انه وياهم حد : والله اني اتشرف فيكم يا عمي نفر نفر
حمدان : خلاص عيل من الحين نرتب , بتكون سفرتنا هاي مع بعض , اي فندق حجزتو ؟
فهد : بعدني والله قلت بحجز وانا هني فالمطار الا والاخت تصارخ ( يأشر على شهد )
حمدان : ههه خلاص عيل احجزو ويانا عشان تكون السفره مع بعض
شهد يت عينها في راشد وراشد بسرعه شل عيونه : اااا هيه فكره حلوه والله نتونس مع بعض
شهد : هيه فهد بليييزز ابا الجوري وياي بستانس " فيس حزين "
ام حمدان : هاه يا ولدي لا تردنناا ؟؟
فهد : افا ما عاش من يركم , خلاص تم الحين نحجز بس عطني اسم الفندق
حمدان : لا الغالي انا بحجز لكم الحين ارتاحو يلا " والكل يلس مع بعض سوالف وجي الا وفيصل يا "
فيصل من بعيد : سلام علييكمم
راششد وقف : وعلييكم السلاام
يا فيصل سلم على بو حمدان وباقي الشباب وودعهم وخذا السياره وراح
بو حمدان : والله ونعم الصديق
راشد : هيه والله يا ابويه

"" تننننن تنننننن , يرجا من المسافرين المتجهين الى فرنسا التوجه إلى الطائره الآن ""
الجوري : مب جنه نحن ؟
سعيد : هيه نحن " نش " يلا نشو ( وهو يمشي طرش مسج , استودعتج اللله حياتي , الحين مسافر , في حفظ الله , ديري بالج ع عمرج سكر الفون)
الكل توجه للطياره وكانو يالسين ( ام حمدان وبو حمدان عند بعض " ترا البيزنس اضني كرسيين بس " المهم , الجوري وشهد عند بعض , حمدان وسعيد عند بعض , فهد ورشود عند بعض ) والكل يسولف ويضحك وطااااااااااررتتتتت الطياااررهه ....

************************************************** ***********************************
اذا حلوه بكملها واذا لا بوقف , احتاج رايكممم __DEFINE_LIKE_SHARE__

vodddka · 11-17-2015, 08:59 PM

البارت الثالث :
على الساعه 11 بتوقين الامارات وصلو العائلتين على فرنسا ...
رشود : الللللهه على الأجواء الباريسيه
الجوري : مب باريس هاي فرنسا يا ذكي
رشود بصدمه : اوهه لالا صدق ؟ كيف جي ؟ امانه جاوبيني كيف تخرجتي من الثنويه وكيف الحين بتتخرجين من الجامعه ؟
الجوري باستغراب : شو يخصه ؟
حمدان : هههههههههههههههههههههههههههههههههههههههههههههههههه هههههههههههههههههههههههههههههههههههههههههههههههههه هههههههههه ااخخخ رشود يرحم امك خلاص اش والله ما تقوللها
سعيد : ههههههههههههههههه قسم بالله اغبى منج ماشفت
شهد : هههههههههههههههههه جوري " وتمسك بطنها من الضحك " اخخ سمعي , فرنسا هي باريس نفس الشي يعنني , باريس هي العاصمه يا بنت
الجوري تصفع رشود : كلللللللللللللللللللللللللللهههه مننننككك يالثور
رشود : واااااااااااكككككك اسكتي ياللي اونج بنت الجامعه
بو حمدان و ام حمدان وفهد يو , بو حمدان قال : يلا خلصنا بنسير الفندق الحين نرتاح شوي وخلاف بنشوف وين بنسير
حمدان يطالع فهد : يالحبيب يلا ويانا نسيت اقولك اني حجزتلكم خلاص
فهد ابتسم : مشكور وماتقصر
ام حمدان : يلا عيل " وراحو كلهم مع بعض "

*******************************************
مها : اففففففففففف استخفيتي انتي ككييفففف تحجزين لي اسافر اليووممم ككييييف وما تخبريني اف منج قلتلج بنتريا لين يردون
---------- "بكل برود " : انا قلت اليوم وتذكرتج هكي " فرتها على الطاوله " وكل شي قلتلج عنه اباه يصير فاهمه ولا لا " راحت "
مها : اووووووووووففففف " وبسرعه بدت تجهز عمرها عشان تروح المطار تلحق الطياره "
*******************************
الجوري : اللللهه والله ابدا ما حطيت فبالي ان مممكن ايي يوم ونسافر مع بعض ابدا ولا حتى في احلامي
شهد : عيل انا اللي كنت اتخيل , الا صح تعالي ليش ما قلتيلي انكم ياين هني ؟
الجوري : مادري والله نسيت تصدقين ما يا عبالي ابدا , على اساس انتي اللي قلتي " ورفعت حاجب "
شهد : هههههههههههه والله انا بعد مايا عبالي ابدا مادري ليش ياخي نسينا
الجوري : من وناستنا فالتخرج يمكن
شهد : هههههه يمكن , قومي يلا خلنا نسير عندهم ونشوف وين بنسير ناكل
الجوري تنش : يلا " وراحو "
صوب الشباب ...
حمدان : يعني طلعت انت بعد عندك شركة ديكورات
فهد : شفت كيف الصدفه
حمدان : انا اشتغل للحين في شركة ابوي بس للأمانه حبيت فكرتك اني اطلع من الشركه واكون شركتي انا
فهد : واللله شي عجيب صح تعب وجي بس تحس انه ملكك وحلالك محد يتدخل فيك ابدا تسوي اللي تبا توظف اللي تبا محد له خص فيك
حمدان : لا جد الموضوع علق في بالي
فهد : شوف وفكر , كل شي في بدايته صعب وبتخسر يمكن اكثر عن مره , انا خسرت مرتين في مناقصات بس لان ماكان عندي خلفيه عن الموضوع ابدا بس ماشاءالله انت لا عندك خبره ف بيكون اسهل عليك .
حمدان : ان شاءالله خير , من نرد البلاد بتواصل وياك وجي عشان عندك خبره وخلفيه عن هالموضوع وايد .
فهد : خلاص تم
سعيد : ماابغييتوووووو تسكتون وانتو تسولفون عن هالشركه
فهد : ههههه شكلك مريح راسك على الاخر من سوالف الشركات , وين تشتغل ؟
سعيد : الله يسلمك انا كاببتن طياره يعني دوامي مسلي وممتع ماعليك
فهد : الله يقويك ان شاءالله صدق وظيفه صعبه ماشاءالله عليك
رشود : هيه يعطونه اجازه عشان ثاني يوم يسافر حسبي الله بس
سعيد : حاااسسدددددد قل اعوذ برب الفلق
الكل : هههههههههههههههههههههه
شهد والجوري يو صوب الشباب ...
الجوري : الا وين امي وابوي ؟ " اول مايت كانت عيون فهد عليها "
راشد : راحو يرقدون شوي من تعب الطياره
شهد تروح صوب فهد وعيون راشد وراها : فههاادد يووعااننهه والله
فهد : يلا زين بنسير ناكل شي "نش " ها حمدان رشود سعيد يلا ويانا
حمدان نش : افا عليك يلا
رشود وسعيد نشو : يلا , الجوري انتي تمي
الجوري بصدمه : لاااااااااوالله " فيس زعلان "
حمدان : ههههههههههههه تعالي بابا تعالي يلا بنسير ناكل وفهد الحين مش غريب نفس اخوج " الجوري وفهد عيونهم تعلقت ف بعض وتقول فخاطرها : مالت عليه بس هالمغرور "
الجوري : هه هيه اكيييدد " طالعت فهد نظرة حقد " يلا

طلعو ...
فهد : محلا جوهمممم يا ناسس
الجوري : هيه والله محلا جوهم
فهد طالعها : غريبه اتفقنا على شي " بابتسامه خبث "
الجوري : يااعععع لا تصدق عمرك وامشي لا اخواني يشوفونك ولا بخبرهم شو سويت
فهد فتح عيونه : اننااااا اللي شو سويت ولا انتي ؟
سعيد : هاه شفييككممم ؟
فهد : الله يسلمك من كم يوم كن------------------ " قاطعته الجوري "
الجوري : لااااااااا واللله كذاب والله
فهد يضحك : هههههههه انزين خليني اكمل عرفتي شو بقول اول انا ؟ فضحتي عمرج يالغبيه
سعيد : طع , شفييكمممم قوولل
فهد : هههههه ماكنت بقول بس شسوي يبتيه لعمرج يالجوري " الجوري قلبها دق بقوووههه يوم سمعت اسمها بلسانه " قبل كمن يوم الجوري وصلت شهد البيت , وانا كنت ياي وهي طالعه , كانت تمشي فالمسار الغلط , وزيينن ما دعمنا بعض يا ريال .
حمدان : ااااااااهاااااااااااااااااااااا جييي السالفه وانا اقول ليش قامت تسوق عدل هالخبله
رشود : وانا قالتلي السالفه بس يابت كل الغلط عليك هههههههههههههه
الجوري تخبي ويها : والله انا بروح عنكم انا يوعانه
شهد : يلا يلا يلا امشي بسرعه هكو المطعم بنسير وبنخليهم " مسكو بعض وراحو والجو كان ثللجج "
حمداان : ايييييييييهههه وقفففففننن
راشد : امشي بسرعه خلنا نلحقهم بنخوفهم شوي
فهد : هههههههههههههههه هيه هيه يلا بنعصب شوي
وراحو صوبهم .
***************************************
مها وصلت المطار وتحسب شنطتها وحالتها حاله ...
--------- : هاه وين انتي ؟
مها : فالمطار
--------- : من تصعدين الطياره تخبريني عشان أقولج وين تروحين فاهمه
مها : ان شاااءءالللله شي تبين بعد ؟
---------- : طوط طوط طوط " سكرت "
مها فخاطرها " اففف متى بفتك وبستوي حرمة حمدان متى "
************************************************** ****
دخلو المطعم الجوري وشهد ومن عند الباب ياهم صوت ...
الجووووووورريييي وشهددددددد
جوري لفت بسرعه هي وشهد وبخوف : هااهه رر رشود شفيك ؟
رشود : شو هالحركه كيف جي تسيرون هاه ؟
فهد : غبيات انتن غبيات " كان يطالع الجوري متعمد يسب " تتحرن عماركن فالبلاد
الجوري نزلت راسها : انزين اسفه
شهد : واللله ما سوينا شي غلط شفكم بسم الله
حمدان : الا غلط ونصصص شو تسمينه ها عيل اجنبيات الخوات ونحن ما نعرف تتمشن رواحكن بنات
شهد نزلت راسها : انا آسفه
الا سعيد : واااااااااااااااااااااااااااكككككككككككككككككككككك ككك محلا الأدب عليكن ياخي
جوري رفعت راسها بسرعه : طالع الححييووووانننات " وطالعت فهد متعمده ترد الحركه " وانا صدقت
فهد ضحك وعرف انها متعمده ترد له الحركه : يلا شباب خلنا نيلس والله يوعان
سعيد : يلا " الكل يلس وطلبو وبدو ياكلون "

***********************************************
مها تصيح : شسسوووووييي انزين كنت فالحمام وما سمعت يوم اعلنو وقت الرحله
-------------- : غببببببببببببببيييييييه غببييييه وقتتتت حمامج ي حيوانه والله انا براويج تعرفينن شو بيصير فيج صح
مها : ماااااتقددرريينن تسويلي شي واللله ماعندي الا الشرطه
---------- : ههههههه والصور حبيبتي ؟ ساعه وتكونين هني فاهمه " طوط طوط طوط سكرت "
مها ميته صياح : يااارربببب ارحمني كل شي اسويه غصب يااربب " وتصييححح "

********************************************
صوووبب فرنساااااا ....
شهد : اخخخ والله كلت اكل عن سنه
رشود يطالعها : عاففييهه
شهد طالعته وابتسمت : يعافيك
فهد : شرايكم نرد احسني مسطلل خلاص عشان نطلع باجر من الصبح
سعيد يتثاوب : هيييه يلا
حمدان : صح خلنا نرقد من تعب هالسفر
رشود قام : يلا عيل

عقب الكل قام وراحو الشاليه مشي لأنه قريب من المطعم والجو كان موووتتت -4 وثللجج ينزل , بعد دقايق وصلو ...
فهد : هاه شهد اي غرفه تبين
شهد : اكيد عند جوري
فهد : هههه كنت ادري
حمدان : خلاص عيل , شهد وجوري , وفهد وراشد , وانا وسعيد
فهد : يلا اوك تم
جوري : ماشاءالله امي وابوي للحين نايمين
راشد : من تعب السفره لاه
وهم يسولفون تحت فاللوبي وكان فاضي , الا و 3 شباب سكرانين داخلين و3 بنات سكرانات يمشون مع بعض رايحين الغرف , وتمو يخزونهم
سعيد : ايواااا , كيف انتن بتمن رواحكن راقدات وفي هالاشكال احس مب متطمن
فهد : صدقه سعيد
الجووري : لااااا ترا بنقفل الباب وانتو كلكم قريبين منناا يعني شو ما يخوف
حمدان : صح كلامج
شهد : بنروح الحين وصلونا جان تبون وتطمنو علينا عقب بنقفل ونرقدد
راشد : يلا عيل امشو نوصلكم " والكل مشى لين وصلو الغرفه

-------------
وصلو صوب الغرف ودخلن البنات الغرفه ...
فهد : لاتفتحن حق حد واي شي يصير دقولنا فاهمات
شهد : اوكي فهد من عيوني
الجوري : افف لا الله الا الله حسستوني ان نحن فبلد وانتو فبلد ترا مابينا شي هككي غرفكم مجابلتنا وهني ها امي وابووي
حمدان : مطول لسانج يا بنتت , دخلن زين دخلن
الجوري : دخللننااا يلا بااييي " سكرت الباب وقفلته "
عقب الشباب دخلو غرفهم بس صار غلط ...
سعيد دخل غرفه يتحرا ان حمدان بيكون هني : حمداانن يلاااا بنقفل وننخمد
حمدان باستغراب : هاي مب غرفتنا يالثور هاي غرفة فهد ورشود
سعيد بصدمه : احللففف , ياربي حطييت الشنطه خلاص واغراضي انتشرت
راشد : ههههه ثور من يومك , هب مشكله برايك خلاص انا بتم ويا حمدان وانت ويا فهد
فهد : ههههه يلا تصبحون علي خير " دخل وسكروا "
حمدان ورشود : ههههه يلا ندخل قسم بالله اخوك ثور " يو بيدخلون الا ويسمعون ضحكة البنات "
راشد : هه لا عز الله رقدنا عيل " راح صوب باب الغرفه ودقه بقووه " اييييييهه صوتكم واصل لين عندنا نااموو
شهد : خرعتتنننااا زين بسم الله بنرقد
راشد ابتسم لانه عرف صوتها وراح داخل عند حمدان بدل ملابسه بسرعه وراح انسدح عند حمدان ..
حمدان مبتسم : هاه الاخ شعندك شكله حب يديد ؟
راشد فز : صددق ؟ يعني حد لاحظ ؟ حسبي الله ونعم الوكيل
حمدان : شفييكك بس انا مراقبك كنت " اعتدل " المهم قولي شو تحس
راشد رجع انسدح : افف يا حمدان ماعرف , جذبتني شهد وايد بس مستحيل احطها في بالي , الحريم كلهن واحد وانا اخوك
حمدان : لا مايخص لا تظلمها يمكن تكون احس----- " قاطعه "
راشد : لا أحسن لا غيره ولازم تنشل من بالي , جرحي الاول ما شفا عشان اييني جرح ثاني
حمدان : واللله مادري شقولك
راشد : شو بتقول يعني ؟ كلهن واحد بتنكر ؟ عيل قولي ليش ما عرست ولا تبا تعرس للحين
حمدان : انا وضعي غير يا رشود انا مابا مسؤوليه الحين بس لا اكثر ولا اقل
راشد : بس انا عشت تجربة الحب مره وانكسر قلبي , وتباني اعيدها واكسر قلبي وكبريائي مره ثانيه ؟ ههه مستحيل والله
حمدان : الله اييب اللي فيه الخير يا راشد لاتستعيل يمكن البنيه فيها خي----- " قاطعه "
راشد "يتثاوب بصوت عالي " : يلا يلا نوومم يالحبيب ورانا حواطه باجر
حمدان : هههه والله انك ثور نفس سعيد نام نام " تلحف ولف "
راشد : تصبح على خييرر اخوي الكبير
حمدان : وانت من اهله اخووي المتوسط
( ناموا هالأثنين )
***********************************************
صوب سعيد وفهد ...
فهد : ااااهههههههههههههههههههههههههههههههههههههههههه يعلك العافيه يا سعيد بسك ابا انام بطني عورني من الضحك
سعيد يتثاوب : ههههههه يلا يلا بنرقد , تصبح على خير " تلحف ولف "
فهد تلحف ولف : وانت من اهله
سعيد قبل لا ينام وصله مسج : ( مسمعي مدمن على صوتك , واتصالك زيد ادمانه , تصبح على خير , اشتقت لصوتك وايد " فيس حزين " )
سعيد قرا المسج وابتسم وكتب : ( أحبك حب يا مجنون , ولكن مقدر احكيلك , اشتقت لصوتك موت , بس انتي طلبتي مني ما نكلم بعض الا بمسجات الين الملجه , وانا وعدتج , تلقين الخير حياتي )
وصله مسج : ( انا مانمت , واعيه لأني بقولك شي , لو فاضي دق )
سعيد استغرب وطلع برا فالبلكونه ودق بسرعه وقلبه يدق بسرعه ....
سعيد : الوه
-------- : الووه
سعيد غمض : اخخ يا هنادي ,, اشتقتلج
هنادي بصياح : سعيد , طلبت اني اكلمك لسبب واحد
سعيد : شووووو فيييجججج قوووليي
هنادي : سعيد اذا ما ييتت وخطبتني هاليومين انا بنخطب لحد ثاني
سعيد بصدممههه : شووووووووووووووووووووووههه ؟؟ انتي صاحيه
هنادي : اللي سمعته يا سعيد لمتى بترياك ؟
سعيد مصدوم : انتي صاحيه ؟ لا مستحيل هنادي انتي لي انااا بسسس انتي حقي ملككي كيف جي تقوليلي
هنادي : لا سعيد من متى وانا اقولك تعال تعال وانت طااففففففف , ابوي وامي واخواني شكو فيني كل واحد اييني والله ماشي احسن عنه اخلاق ورجوله وشركات وفلوس وقصوور وانا اطلع حجه من تحت الارض عشان ارفض , بس هالمره خلاصصص حظي بيوقف عليك انت ليش
سعيد يتنفس بصعوبه : انتي منو معبي راسج علي ؟
هنادي : انا عبيت راس نفسي يا سعيد خلاص ما اتحمل , اليوم ياني واحد وانا ما رفضت , باجر بقوللهم انا موافقه سعيد , انا سفه
سعيد اختنق : ها اخر كلامج هنادي ؟
هنادي بصياح : هيه سعيد آخر كلامي
سعيد : حسافة الحب اللي بقلبي لج حسااففهه
هنادي : ماتقوولي ليش مب طايع تيي تخطبني للحين هااااههه دامك تحبني ع قولتك ؟
سعيد : اول شي صارت سالفة راشد وطلق حرمته واحتراما لمشاعره اجلت خطبتي لج , عقب هالمره سالفة السفره ومابغيت ارد اهلي , ووالله العظيم اانا مكلم ابوي نيي نخطبج بعد ما نرجع
هنادي تمسح دموعها : انا آسفه , ما اباك , صبرت وايد خلاص
سعيد بصدممهه وحرقة قلب : مااتبييييينننني ؟؟؟
هنادي : شو تبا يعني ريل كامل فلوس وقصور وكل شي تبيني اقول لا ؟
سعيد بضحكة قهر ويتنفس بسرعه : ههه فلوس وقصور هاه ؟ " غمض عينه " ها آخر كلام هنادي ؟
هنادي : ايوه آخر كلام
سعيد : عيل مبروكه عليه انتي يا أحقر حبيبه " سكر "
اول ماسكر غمض عيونه ونزلت من عينه دمعه حرقت قلببه , ويحس بقلبه مسكووور وكبرياء انجرح خلاص ما يعرف شو يسوي , مسح دمعته وقال : انتي اخترتي يا هنادي وانا ما بوقفج دام ها كلامج , في حفظ الله ياحبيبتي الأبديه الخاينه وأوعدج ما تنزل دمعه بعد مني عليج وأوعدج بتكونين في دفتر الذكريات وبتكونين ماضي وفتره في حياتي مضت وخلصت " مسح دمعته ودخل من البلكونه "
فهد : سعييد ؟
سعيد : هلاا فهد
فهد : شفيك يا ريال وعيتني وانت تصارخ
سعيد انسدح وتلحف : نام انت الحين بخبرك باجر نعسان انا
فهد : تصبح على خير , انا بنزل شويه صوب البحر مافيني النوم طار
سعيد : اوك الحبيب ,لا تحط فخاطرك ها بخبرك الصبح بس لازم انام احسنلي
فهد : ولا يهمكك سعوودد , يلا رقاد العافيه " وطلع "
*********************************************
صوب الجوري وشهد ...
شهد : جوووووووووري تكفييين والله نعسانهه نامي بنسولف باجر
جوري : كلبه انتي والله , انخمدي
شهد : --------------------------------- ( نامت المسكينه من التعب )
الجوري : اففف انا يايه هني عشان انام يعني " وقفت " والله ما انام بنزل تحت صوب البحر اكيد الكل رقد ومابيصير لي شي " بدلت ملابسها على السريع ونزلت شوي شوي عشان لا يحسون اخوانها "

************************************************
مها تقوم من الفراش تصيح : انتي كلبه مااا تحسين الله ينتقم منج
--------- " تلبس ملابسها " : ههههههه عشان تتعلمين كيف ما تنفذين كلامي
مها تمسح دموعها : انا ما ادري كيف بويه خايسسهه مثلج بتقدر تهدم سعادة هالعايله
---------- : هههه " وقفت وطلعت زقايرها " هالبويه اللي قدامج كانت وايد سعيده ومستانسه, بس نفس ما حمدان هدم سعادتي , انا بهدم سعادة عائلته كامله
مها : حمدان ما اذاج يا عبير انتي اللي اذيتيه , وما اضن بعد ان حمدان يعرفج اصلا
عبير : هه ما يعرفني , بس يعرف حد يخصني " لفت صوبها " ايه انتي اضني انج تعرفين السالفه كامله ولا تقعدين تتفلسفين فوق راسي " صارخت عليها " بسررعههه قومي بدلي حبيبتي الحين بتيي ماابا لج أثر فاهمه " راحت "
مها تصييحح " مستحيل اسلم نفسي لج أكثر , انتي مخططج انج تنتقمين من حمدان , بس بخلي هالمخطط كله ينقلب ضدج يا حقيره " نشت ومسحت دموعها وفي بالها خطه أليمه ...
************************************************** **
نرجع صوب فرنسا ...
الجوري تتمشى على البححر الا وتشوف الشله السكرانه ...
الجوري " تمشي بسرعه برتد تدخل وتروح فوق " : يممااااههه يارب ما يشوفوني يارب يارب يار------ " نادها واحد من الشله "

----------- : يالحلوووهههه تعالليي ترانها عرب نفسسج
------- 2 : هههههههههههههههه تعالي بنوسننجججج
---------- 3 " نش وراح صوبها " : تعالي ترانا ماناكل
الجوري صرخت : خلللللللللللكككككك بعييييييددد عني احسنلك فااهممم
-------3 : هههههههههههههههه شو بتسوين يعني " ويتقرب"
الجوري " ترد ورا " : والله لا اصرخ والم الناس علييك روحح
--------- 3 " يقرب اكثر " : هه وين الناس حبيبي هاه ؟ " لصق فيها "
الجوري غطت ويها وصرخت وهي تصيح خايفه : اااااااااااااااااااااااااااااااااااااااااااااااااا ااااااهههه
فهد كان من البدايه مراقب الوضع بس يوم الريال لصق فيها راح له ركضضضض وعطاااااااهه ككفففف طيحه فالارض ...

فهد : تقرب منها مره ثانيه اقتلللكككك فاهمممم " يتنفس بسرعه "
------- 3 " قام ولصق بفهد " : هه قد الحركه ؟
فهد شافه يوم يوا حركه حق ربعه انهم ايوون , عطاه كف مره ثانيه وخلاه يطيح ومسك ايد الجوري ...
فهد : بسسسسررررررررررررععههه ركضييي
الجوري تتمسك فيه وتركضض
تمو يركضون لين لقو مكاانن جي صغير بين صخور ...
فهد : دخللييي هني بسرعه
الجوري : ماااابباااااا اخااففف في حشرات
فهد يطالع وراه بسرعه ويشوفهم انهم يلحقونهم ووياهم عصا كبيييررهه , فهد دخل وسحب الجوري بقوه وهو منسدح عشان ما يبين وطاحت الجوري عليه , حط ايده ع ثمها ...
فهد " يتنفس بسرعه " وبهمس : اشششششش لاتتكلمين فاهمه خلهم يروحوونن
الجوري تصيح من الخوف : لو شافونا شو بيصير
فهد ابتسم وهو يتنفس بسرعه وحط راسه على الارض : ماشي بس بيقتلونا او يخطفونا
الجوري شهقت بصوت عالي وشلة السكرانين سمعو في صوت وتمو يحومون حولهم , فهد رد ايده ع ثم الجوري : انتتتتي غبيه " وسحب راسها خلاه ع صدره والجوري قلبها يدق بسررععهه من قربه بتموت " , تمو ع هالحال ربع ساعه لين اختفى هالقروب ,طلع فهد شوي شوي ...
فهد : قومي بسررعه مافي حد
طلعت الجوري وتمسكت ف ايده من الخوف : اخاف ندخل ونشوفهم
فهد بعصبيه : من غبائج الخارق ليشش تطلعععيينننن نحن شو قلنا
الجوري : مااياني رقاادد واتحرا انهم راحو " دمعت عيونها "
فهد " كسرت خاطره الجوري " : خلاص زين بسج صياح , الحمدالله اني نزلت , يلا نرجع
الجوري مسكت ايدده بقول ووقفته : لاتخبر اخواني امانه
فهد رفع حاجب : اوك بس لازم في مقابل
الجوري فكت ايدها : وشو هو ان شاءالله
فهد ابتسم : بفكر فيه عقب , بس بيتم دين برقبتج للأبد ولازم تنفذينه
الجوري : افف ززيين , خلنا نرجع يلا واللله خايفه
فهد مسك ايدها : امشي ورايه شوي شوي
الجوري قلبها يددق بسرررعهه: اوكي

" تمو يمشون شوي شوي ومتخفيين لين وصلو الغرف بسلام ... "
فهد والجوري يتهامسون : يلا دخلي بسرعه وقفلي ابا اسمع قفلة الباب
الجوري فتحت الباب : زين
فهد : جوري ؟
الجوري قلبها دق بسرعه و لفت عليه : آمر ؟
فهد : لاتخبرين شهد حتى
الجوري ابتسمت : زين , تصبح على خير " دخلت وقفلت " وهو نفس الشي

" خللصصص البارت , يااربب القى تعليقات  __DEFINE_LIKE_SHARE__

المواضيع المتشابهه
الموضوع	كاتب الموضوع	المنتدى	مشاركات	آخر مشاركة
ببقى احبك لين قلبك لي يبوحِ(ي)وابقى احبك دوم وفي بالي طيوفك	porshcia	عدسة الاعضاء , كاميرا الاعضاء	10	06-05-2010 06:00 PM
تعبت من كثر ما ادور على حبيبي بس ما راح اتعب من كلمة احبك وببقى احبك لو صديت عني وتخليت يا حبيبي	بنت البلاد UAE	شعر و خواطر	6	02-22-2010 01:28 PM
احبك احبك احبك للوفاااء والله يعلم ( لعشاااا الاستااندر )	مغرم على الاستاندر	سيارات و دراجات	28	11-14-2009 03:00 PM
++::بعد ماجفيت ترجع تقول احبك وانا احبك::++	مزيون دبي	قصص و روايات	27	08-03-2009 07:00 PM
احبك ... احبك...احبك وبكل حواس الحب ...احبك	m3soolat	الشعر المنقول	8	02-02-2009 04:36 PM