لو يهون الحب قدرك ما يهون..لان عيني غيرك انته ماترى... - الصفحة 10

ريــم دلــوع · 04-28-2008, 09:09 AM

روعــه

بحاول اقراها من البدايه __DEFINE_LIKE_SHARE__

ريامي · 04-28-2008, 11:27 PM

البااااااااااارت اليديد

الجزء الثامن

انتشر الخبر فالعايله عن وفاه حارب وأهل دبي كنسلوا الرده عسب العزا ونصبوا خيمه العزا جدام بيت بو سعيد ويوم عرفوا بالخبر صارت حالتهم مووول ما تسر.............

(سعيد)...طبعا حالته حاله والله يعينه كان الخبر جنه يبل وانهدم عليه وجلب له حياته.......وإلي محسفنه اكثر انه مات بعيد عن عينه واتمنى لو انه سمع رمسه اليازيه ما خلاه يبات برى البيت......بس الله كاتب الي يصير

(ابوسعيد وام سعيد)...انصدموا وما مصدقين انه اول حفيد عندهم راااااااح خلااااص يعني خلاص مافي شي فالبيت اسمه حارب

(مانع)...وااايد مستعبر من موت حارب لو انه صغير بس قلتلكم كانت افكاره وافعاله ...افعال كباريه...ومانع طبعا رد البيت يرتاح بعد اجراءات الدفن ..لأنه اول مره يحضرها ...واول ما رد استلموه فهد وبطي..وسألوه عن حارب لكنه التزم الصمت ما قدر يخبرهم بس بعد الحاح قالهم (خلاص تدعوله بالرحمه) وجنه حد صب عليهم ماي بارد اتصنموا مكانهم وغرغرت عيونهم وانترسن دموع ومب مصدقين إلي يقوله....
..وهاذي كانت حال كل منهم..

(بطي)...ماخاز عن امه وكل ساع ويقولها (اميه صدق حارب مات) وام بطي معورنها حال ولدها عربيعه ...وتم يهاذي ويقول ( حارب دخيلك ردلنا والله مره ثانيه ما ازعل منك ...دخيلك بس ردلنا )
.................................................. .......
(فهد)...كانت حالته اخس عن بطي لأنه حارب ربيعه الروح بالروح ودايما وياه في كل مكان وفنفس المدرسه ونفس الصف بعكس بطي إلي فدبي وبعيد شوي عنهم..وكان منعزل عنهم في حجرته وعليوه تحاول تهديه وهوه لام ريوله ع صدره ويصيح صياح يقطع القلب ويهاذي ويرمس عمره...

عليوه مستعبره: فهد فديتك ...خلاص لا تصيح والله قطعت لي قلبي ...
فهد يشاهق: هذا حارب...تعرفين شو يعني حارب...
عليوه تلف اخوها فحضنها تبى تسكته: انزين والله اعرف قدره عندك بس انته اطلبله الرحمه لو تعزه ...الله اختاره من بينا
فهد يزيد صياحه: ليت الله خذني وياه....دخيلك حارب رد والله خلاص ما بطفربك وخلاص لا تعشيني والله ما بطلب منك شي بس اباك تردلنا..اباك انته بس...وصاااااااح
وعليوه وعنود يحاولن يهدن اخوانهن لكن بدون فايده
.................................................. ....................
(الريم)...تحس عمرها فكابوس وتصفع عمرها عسب تنش منه بس ماشي فايده لأنه كل إلي يصير حقيقه...بعد هيه نفس الشي انعزلت عنهم فحجرتها وصارت ما تطلع منها ولا تبى شي منهم وبعدها ما ذرفت ولا دمعه لأنها مب مصدقه ان هالولد كيف حبته وحبت غلاسته ويوم يطفرها ويلعوزها....راح عنها بالسهوله بدون ما يودعها.. و كانت منخشه فاللحاف وتتذكر كل شي حارب قاله او سواه....وبس تترياه ايي ويدق عليها الباب ويقولها..... (اشحالج عمتي الطويله)

حارب:يله ريمووه لعبي ..ولا بخطف دورج
الريم:لحظه خلني اركز
حارب:إلي يشوفج يقول روبن هود يصوب ...
الريم تضرب حبه الكيرم: يخسي روبن هود انا احسن عنه
ودخلت ودوووووم ويايبه وياها ديو...
الريم:هلاااااااااوالله بشيخه الحلوات بتعطيني ديو
ودوم عطتها الديو...وشربت منها
حارب: اريـــــــــــــد
الريم:خير شو تبى؟؟؟
حارب: اريد ديو والله عطشان...ماعليه ودوووم ليش ما تعطيني
الريم تغيضه:اححححححححح محلا طعم الديو...
حارب:ريمووووووه لا تخليني اخذها بالغصب
الريم بمغايض اكثر : يعني شوه بتسوي ...( وتقرب الديو من خشمها ) مح مح مح محلا ريحتهاااااااااااااا .. وترد وتشرب بطريقه تغيض بها حارب وما حست غير بحارب شال الديو من ايدها وواقف بعيد عنها عند الباب
الريم: حروووووووووووووووب يالعنز ييبها بسرعه والا ....
حارب يشرب من الديو : اححححح ... والا شوه ... يله كملي شوه بتسويبي؟؟
الريم تنش بسرعه تركض وراه ويوم قدها الريم عند باب الفله وقفت تتحرطم لانه مستحيل تطلع برا البيت تركض وراه فالشارع واذا سوتها بيقصبها سعيد

حارب : هاااااااااااه ريمووووووووووه شوه بتسوين الحين ؟؟
الريم مطنقره : حروووووووووووب جب ولا كلمه ... بس والله بتردها وبتشوف يالهرم
حارب بعد ما عبر الديو راح صوبها : عموه سوري ... اندووووووووج ما ابااهااااااااااااا
الريم فاجه عيونها : انته صااااحي ؟؟؟
حارب : لا حااااااااارب ههههههههه
وخذت القوطي من ايده
..... وخطف يربع برااااا وما حس الا بالقوطي ضاربنه ع راسه...وهوه ناقع من الضحك عليها
الريم:يالهرم تقص عليه .....براااويك..(لأن القوطي فاضي)
وعصبت منه وراحت ادور روضه عسب تفتر غيضها فيها وحصلتها فالمطبخ تسوي لهم فواله العصر...

الريم بستهبال:شوووو تسويييييين؟؟؟
روضه:يالسه أرقص....بعد شو تشوفين؟؟
الريم:مالت عليج محد يسألج ....
روضه:الله يهديج انتي تستهبلين...ماتشوفيني شو اسوي
الريم:اووووف ملل...
روضه:دووومج انتي ملانه
الريم:انا بروح اتسبح ...استوت ريحتي كلها شعوااااط
روضه:نعيمـــاً مقدما
الريم وهي طالعه:الله ينعم عليج ويطول اذنيج ههههههههههه
روضه:هههههههه عنلاتج

توها طالعه من الحمام(الله يعزكم) من كثر ما هيه ملانه لبست وكشخت وفتحت باب الحجره تبا تطلع واتعثورت بشي وطاحت....
الريم:اخخخخخخخ ...اختربت كشختيه
وصدت اتطالع شو عثورها...فجت حلجها يوم شافت كيسه فيها 5قواطي ديو...
الريم:ههههههههه فديــــــــت ولد اخوي الطيب....
.................................................. .........
تنهدت تنهيده طلعت آهاتها وهيه تتذكر هالموقف ويا حارب...ومستغربه من عمرها لأنها مانزلت منها ولادمعه من خبروهم بالخبر...
.........................................
(روضه)...بعد هيه نفس الشي منصعقه من هالخبر المفاجئ بس ما كانت مثل الريم..بالعكس خلت إيمانها بربها قوي..وكانت هيه إلي تهديهم وتخفف عنهم حزنهم وفقدانهم لحارب...يعني باختصار كانت ماشاالله عليها قويه ايمان بعكس إلي تم يصيح واييون وإلي انعزل عنهم وإلي قطع العيشه....
.................................................. ..........
أما (اليازيه) ....آآآآه ياليازيه ...الله يعينها من سمعت بالخبر تمت مثل المينونه ومب مصدقه انها فقدت غناتها وروحها وشمعه بيتها #$@ حارب#$@ تمت اتصيح صايح ولا صياح الامه إلي فقدت زايد ...حتى بنتها هملتها بهالفتره وصارت روضه هيه إلي تعتني بها واداريها ..وتمت اتلوم سعيد على انه خلاه يبات برى البيت....

فاليوم الثاني من العزا فالليل دخل سعيد قسمه بعد ما راحوا الناس من الخيمه
وراح يشوف مزنه بنته لانه من يومين ما شافها فدخل حجرتها ويوم طاحت عينه ع شبريه حارب ارتجف قلبه وتنهد تنهيده فيها حزن الدنيا كلها وقال فخاطره((آآآآآآآآآه يا حارب .... رحت وخليتني من دون سند وعون ....آآآآآه يا سندي آآآآآآآآآآآآه)) وراح صوب شبرية بنته بس ما لقاها فخاف انه يفقدها مثل ما فقد اخوها فراح بلا عقل صوب حجره النوم يسال اليازيه عنها

فتح الباب و شافها منعزله وقاعده اطالع صورته وحاضنه كنتدورته وتصيح وتمتم بكلام ...
اليازيه : وينك يا نور عيني رحت وخليتني ... وانا الي كنت ابي اشوفك بلباس العسكريه وانا اترياك الخميس والجمعه عسب اشوفك..واشوفك معرس واشوف عيالك..(وتصيح).....

وراح سعيد صوبها ويلس مجابلنها ومسك ايدها وضغط عليها بالقوي عسب يحسسها بوجوده معاها وانه مستحيل يخليها
سعيد بحنان : اليازيه ....
اليازيه تصيح وما ترد عليه
سعيد بجديه: اليازيه ... اسمعيني ... صح انه حارب راح
اليازيه ويزيد صياحها وتمط ايدها : انته السبب ... كله منك ....كله منك
سعيد ما رد عليها عسب اطلع الي فخاطرها وترتاح
اليازيه وتصيح وتضرب سعيد بالخفيف ع صدره : كله منك ... لو ما انته خليته يروح عني ....كله منك ... انته السبب
ومسكها سعيد بقو عسب تهدي شوي وقعدت اتصيح فحظنه صياح يقطع القلب وقالها لما سكتت وما ينسمع غير صوت شهقاتها من كثر الصياح
سعيد بحنان : اليازيه ... حبيبي ... انتي تحبين حارب مثل ما انا احبه ... وهوه الي اختاره الله سبحانه وتعالى من بينا .... وانتي مؤمنه بقضاء الله وقدره وانا اعرفج حياتي قويه وما يقص عليج الشيطان بسهوله ... وبدال هذا الصياح كله ترحميله و ادعيله واقري عليه قرآن فديتج....
اليازيه وهيه تشاهق : سعيد والله ما اقدر اتخيل اني ما بجوف حارب مره ثانيه ... ما بيقولي امي انا ييت من المدرسه ... ما بيقولي امي انا بروح ويا عموه الريم عند خالي سلطان وخالتي منى.... ما بيقولي امي انا يوعان ...ما بيقولي امي انا تعبان ... والله ما اقدر ... هذا غناتي..تعرف شو يعني غناتي
سعيد : والله ادري انها صعبه عليج ... بس شوه بتسوين؟؟؟ ... هذا قضاء الله وقدره ....صح كلامي ولا ؟؟؟
اليازيه : صح .....بس
سعيد : بس .... بس شوه ؟؟؟
اليازيه : ما اقدر والله ... وردت تصيح
سعيد : افااااااا ... حبيبي خلاص عاد ردينا حق الصياح .... يله قومي غسلي ويهج وتعوذي من ابليس ... وصلي ركعتين ع روح ولدنا ...
وترفع اليازيه عيونها صوب سعيد وتقول : انشا الله
سعيد وهوه يشوف عيون اليازيه حمرا ومتورمه من كثر الصياح
سعيد : يعلني افدا هالعيون .... هاااااااه ترا اقولج من الحين هاذي اخر مره اشوفج تصيحين ... ما يهونن عليه هالعيون اشوفهن فنايين حمر ...ولا تراني بعدين بموووووووووووووووووووووووووووووت وتفتكين مني
اليازيه بترجي : سعيد دخـــيل والديك ما تيب طاري الموت ع لسانك
سعيد : هالكثر تحبيني ؟؟؟
اليازيه : هيه
سعيد يريد يغير مزاجها : قولي احبـــــك ؟؟
اليازيه : ما اريد... خلاص قلت هيه
سعيد : ما اصدق كلمه هيه ... قولي احبـــك
اليازيه عارفه حركات سعيد وعسب ما اطول سالفه غلاسته الي ما تخلص
اليازيه بهمس : هيه ... احبــــك
سعيد يحط صبعه فاذنه : ما اسمع ؟؟ عيدي...
اليازيه : سعيد خلاص ... تراني قلت
سعيد : ما سمعت ....قولي احبك مووووت
اليازيه بصوت مسموع : احبك مووووت
سعيد : ههههههه فديت روحج
وقامت اليازيه تغسل ويها وتتوضى عسب تصلي ركعتين ع روح ولدها وتترحم عليه وتدعيله بالمغفره من الله عزوجل..وانشاالله بيكون طير من طيور الجنه
.................................................. ......
منصور متفاجأ:لااااااااا تقووووووول........في ذمتك
ناصر : هيه نعم..
منصور:انا لله وإنا اليه لراجعون ...الحين انته متأكد حارب ولد سعيد...هذاك الصغير ما غيره....
ناصر:الله يرحمه يا رب...لو تشوف سعيد ...حليله والله انه يكابر..ولو تشوف حالته يوم دفنوا المرحوم...والله انه يقطع القلب ...خصوصا يوم نزلوه في الحفره ...حليله ما رام استعبر...يله الله يكون فعونه

منصور يتنهد: الله يكون فعون الجميع..
ناصر:وين انته الحين؟؟؟
منصور:انا امبوني ياينكم انا وسهيل ...بس شكلي الحين برد
ناصر بجديه: منصور استح ع ويهك وتعال عز سعيد فولده
منصور:اوووف ياخي مااحب مكان فيه حزن
ناصر: يله نترياكم وسلم ع سهووووول
منصور حط سبيكر:...ما اسمعك عيد مره ثانيه
ناصر:اقولك نترياكم وسلم ع سهوووول
سهيل عقد حياته:عنلااااات صداك يا نصور..اصغر عيالك تقول سهووول
ناصر:ههههههههه اوووه انته هنيه
سهيل:لااا هناك
ناصر:يله بسرعه نترياكم..
.........................................
طبعا كانت ظروف بيت بو سعيد قاسيه جدا لكن بوسعيد عند كلمته وعاتب عياله يوم انهم اتأخروا وما يابوا اغراضهم
وعشان جذاك الحين شهاب وذياب يسكنون فبيت بو سعيد وتحديدا في قسم البنات لأنه فيه غرف زياده....
..............................................

***** ثالث أيام العزاااااااااااا*****
الصبح الساعه تسع ونص
طلع من غرفته ومعورنه حال اخته من يومين ما طلعت من حجرتها وباب حجرتها مسكر وما انفتح ولاحد سأل عنها ويمكن ما كلت شي..احترت اسير ادق الباب ولا لأ ما بيكون لها بال وهيه فاقده ولد اخوها ومثل ما قالولي انها اتحبه وايد ودايما تتضارب وياه...لكني اتجرأت ورحت صوب باب حجرتها وتوني رافع ايدي بدق الباب......انفتح باب الحجره إلي حذالها
....................

هاذي نهايه الجزء الثامن...

الريم بتتقبلهم شهاب وذياب كاخوان لها؟؟؟

وروضه شو بيكون تعاملها وياهم؟؟؟

وااايد اشياء بتصير بس اترقبوها فالبارت الياي __DEFINE_LIKE_SHARE__

ذبحــ الحب ــني · 04-29-2008, 03:10 AM

مشكوره اختي والله قلبي معورني عليهم ولو سمحتي لا تتاخرين علينا بالبارت الياي واتمنى انه يكون اطول عن جيه __DEFINE_LIKE_SHARE__

{ حامي دار بوسلطان , . · 04-29-2008, 09:32 AM

السلام عليكم ورحمة الله وبركاته
~*¤ô§ô¤*~شكورة اختي عالبارت صدق أنا صحت معاهم يوم توفا حارب~*¤ô§ô¤*~ __DEFINE_LIKE_SHARE__

{ حامي دار بوسلطان , . · 04-30-2008, 12:29 PM

*·~-.¸¸,.-~*أفففففففففففففففففففف بعدج مانزلتي البارت

يلا عاد ورانا امتحانات

نزلي القصة مره وحده ههههههههههههههههههههههه*·~-.¸¸,.-~* __DEFINE_LIKE_SHARE__

المواضيع المتشابهه
الموضوع	كاتب الموضوع	المنتدى	مشاركات	آخر مشاركة
عندما لاترى فى الحياه غيرك ... انت وحدك	محروم.كوم	منتدى أخبار المواقع والمنتديات العربية والأجنبية	0	09-28-2009 03:30 AM
كل شي يهون عند الحريم الا هذه!!!	راعـــ الــحــب ـــي	الإستراحه العامة	28	09-19-2009 07:02 AM
كله يهون عشان خاطره	محروم.كوم	منتدى أخبار المواقع والمنتديات العربية والأجنبية	0	07-13-2009 10:30 AM
كل شي يهون عند الحريم الا هذه!!!	محروم.كوم	منتدى أخبار المواقع والمنتديات العربية والأجنبية	0	06-07-2009 02:40 AM
يهون عليك ....	أمير الحزن	شعر و خواطر	4	05-31-2008 07:51 PM