لو يهون الحب قدرك ما يهون..لان عيني غيرك انته ماترى... - الصفحة 11

●● 5аηƒσσš ●● · 05-03-2008, 12:13 PM

حطي البارت اللي عقبه اليوم بدال باجر مب احسن خخخ

بس والله فيني فضول شو بيستوي ><" __DEFINE_LIKE_SHARE__

m3soolat · 05-08-2008, 03:46 PM

يلاآآ نتريآآ الباآآآرت اليآآي بأحر من الجمر

الله يكون في عونهم

قمضووني حتى ان دمعت عيني

.... __DEFINE_LIKE_SHARE__

ذبحــ الحب ــني · 05-09-2008, 03:45 AM

الشيخه وين البارت والله اتريا بفارغ الصبر واااايد بطيتي علينا __DEFINE_LIKE_SHARE__

ريامي · 05-09-2008, 05:10 PM

وهذا البارت لعيونكم

..........

الجزء التاسع

الصبح الساعه تسع ونص
طلع من غرفته ومعورنه حال اخته من يومين ما طلعت من حجرتها وباب حجرتها مسكر وما انفتح ولاحد سأل عنها ويمكن ما كلت شي..احترت اسير ادق الباب ولا لأ ما بيكون لها بال وهيه فاقده ولد اخوها ومثل ما قالولي انها اتحبه وايد ودايما تتضارب وياه...لكني اتجرأت ورحت صوب باب حجرتها وتوني رافع ايدي بدق الباب......انفتح باب الحجره إلي حذالها

..اتروعت لكني ارتحت يوم شفت روضه مبتسمه.........
شهاب يضحك:هههههه زيغتيني...
روضه ابتسمت
شهاب:اشحالج..
روضه: الحمد الله بخير ربي يعافيك ...انته شحالك
شهاب:نشقح وننطح
روضه فخاطرها : سبحانه الله ...الله خذ عنا حارب وعوضنا بهالاخوان الطيبين
شهاب:حوووه وين وصلتي
روضه: هااه وياك....
روضه فهمت انه شهاب رايح يريد يخفف عن الريم وانحرج يوم شافها
روضه بحزن:حاولت وياها ما ترد عليه...حاول وياها يمكن ترد عليك ..من يوم ما خبروها ما طلعت من حجرتها
شهاب ارتاح انها فهمته وأشر ع حجره الريم:امممممم يعني عااادي

روضه مبتسمه:أكـــيد ..مب انته اخوها
شهاب ابتسم وراحت عنه روضه وارتاح وااايد حق روضه طلعت وايد طيبه وحنونه ع اخوانها.......وفهم انهم تقبلوهم يكونون اخوانهم بس الله يعين باقيه الريم يمكن ما متقبله السالفه....ودقيت الباب
ودقيت الباب
.................
ودقيت الباب
....................
وشهاب مستمر فدق الباب لين تطفر وتفتح الباب
ودق الباب
..........................
وبعده يدق
...............
الريم طلعن ينونها منوه هالغبي يدق ولا يرمس وطفرت من كثر الدقيق ...حاولت اطنش بس صدعها....ولوهله ارتجف قلبها... وياها شعور انه حارب يدق الباب ...ابتسمت ابتسامه كلها امل انها تفتح الباب وتشوف حارب جدامها...ويكون مقلب وكلامهم اخرطي ...بس يوم فتحت الستاره ووايجت وشافت خيمه العزا...اتأكدت انه مستحيل يكون مقلب...(واندق الباب) عقدت حياتها ...الريم:اووووووووف منووووه؟؟؟
شهاب ابتسم:.............
ويدق الباب
الريم عصبت:منووووووووووه ما ناقصين مصخره
شهاب فرحان انه رام ينطقها
ودق الباب
............
وفجأه اذكرت شخص وااايد كان بعيد عنها فهالمده وهيه محتاجه له اكثر عشان يخفف عنها بس للأسف ما شافته فهالمحنه وقالت يمكن يكون هوه هالشخص إلي يدق الباب...لاااااا شعوريا نقزت من ع الشبريه وربعت صوب الباب ..مسكت المفتاح بتفتح ...بس ترددت ...
ودق الباب...
ودمعت انه هالشخص نساها ف هالمده وهيه محتاجه له
الريم وهيه متسانده ع الباب وتصيح :الله يسامحج يا عليوه خليتيني هالفتره اروحي وانا احسبج بتكونين فيايه... محتاجتلج...والله محتاجتلج ...حارب راح يا عليوه ... راح وخلاني ...ويلست عند الباب ومغطيه ويهها بيدينها وتصيح
شهاب اتصنم وهوه يسمع الريم تصيح ما كان بينه وبينها إلا الباب فاصل وكان خاطره يدخل ويخفف عن اخته ويهديها ....
الريم تشاهق من الصياح وشهاب خاطره يزخ هالعليوه من كشتها واييبها عند الريم << مسكين حاله الحبيب ما يدري انه هالعليوه هيه نفسها إلي قلبه اتصنم من شافها وسمع منطوقها.......
......................................
شهاب بحنان:الريم فجي الباب
الريم رفعت راسها بسرعه باستغراب ما عرفت الصوت بس اذكرت اخوانها وعرفته وابتسمت وصلبت عمرها بتعب ومشت دموعها وفتحت الباب...
شهاب ابتسم ذيج الابتسامه إلي ترد الروح:اشحالج الريم
الريم تبتسم ابتسامه سخريه فخاطرها :شوهالهبل يعني كيف بيكون حالي من عقب حارب...
شهاب:حسن الله عزاج
الريم:.............
شهاب اتضايق ليش ما ترد عليه
شهاب بجديه:الريم ترا إلي تسوينه بعمرج أكبر غلط...ولو انج صدق تحبين حارب ما كنتي بتسوين جذاك..ترا إلي تسوينه يعذبه اكثر...ألحين وخصوصا هالأيام روح المرحوم تتجول بينكم بيحزن وبيزعل يوم بيشوف حالتكم جذاك
الريم فكرت بكلام شهاب وسرحت تتذكر
حارب و حركاته..ابتسامته..شكله يوم يكشخ ما يحب حد يغلبه بالكشخه...شموخه ...حواجبه إلي شبه متقارنه...الحده إلي فعيونه ..كانت تتذكر كل تقاسيم ويهه وتبتسم...
شهاب حب يطفرها:ترا عند البدو بالذات عيـــب إلي تسوينه...
الريم شقت الحلج وطلعت غمازتها لأنها تموووووووووووت فقصيد حامد زيد
شهاب:حشى سيري كليلج شي مستويه قب اسكريم
الريم ابتسمت: انشــــالله
وبعدين طلع شهاب عنها وسار صوب الخيمه لازم يكون موجود وياهم خلاص صار واحد من اهل البيت........
يلس فالخيمه واستمل الناس كلهم يطالعونه وكأنهم مستغربين وجوده فخيمه العزا من ثلاث أيام وهوه يحضر العزا..طالع ساعته وكانت الساعه عشر ونص وزع نظراته ع الموجودين استغرب يوم شاف ربعه منصور وسهيل ..معقوله يايين يعزوني بوفاه ولد اخوي ..بس انا بعدني ما خبرتهم اني حصلت اهليه..شدراهم هذيلا ..احسن لي اروح صوبهم...
شهاب:السلام عليكم
الشباب :وعليكم السلا والرحمه
واتخاشموا الشباب ...وكل منهم مستغرب وجوود الثاني
منصور فخاطره:غريبه شهاب ليش راز ويهه فهالعزا وهوه ما يعرفهم
شهاب فخاطره:غريبه ليش سهيل ومنصور يايين معقوله عرفوا اني حصلت اهليه.....بس بعدهم ما عزوني.....
شهاب:وينكم امررره ما تنشافون لعنبوكم سألوا قولوا عندنا ربيع بننشد عن احواله......
سهيل:ههههه لازم انته تنشد عنا مب نحن...عادي بندفعها فاتوره تلفونك لا تستخسر علينا بو الشباب
شهاب:ههههههه عنلاتك شو قالولك زطي...اخبارك منصور
منصور وبعدهن علامات الاستفهام ع راسه:الحمد الله ما نشكي باس
شهاب:وياحيبه...تعالوا بتتفولون
سهيل ومنصور فجوا حلوجهم لأن شهاب يرحببهم جنه من اهل المرحوم
شهاب استغرب:بلاااااااااكم؟؟؟
منصور:شهااابوووه انته تعرف المرحوم
شهاب استغرب:هيه تراهم هليه...ولا انتوا ليش يايين
سهيل يرفع ايدينه:لحظه...لحظه...خلوني استوعب...شهاب الحين انته حصلت بيت ابوك..صح؟؟
شهاب مستغرب:صح
سهيل:وانته الحين تعرف المرحوم...صح
شهاب:صح
سهيل:والفيلا إلي حذال الخيمه صار بيتكم صح
شهاب:صح
سهيل:وانته تصير اخوا سعيد إلي ولده المرحوم حارب...صح
شهاب:بعد صح
سهيل:يعني انته شهاب محمد المنصوري ولد خال مانع راشد المهيري..صح
شهاب:ماااانع؟؟؟؟منوه هذا ما اعرفه تراكم واايد تطرونه منوووه هذا ؟؟؟
منصور:اهااااااااا وانا اقول ليش شهاب راز الفيس فالعزاا....اثاريك من الاهل
شهاب:وانا بعد بتخبركم دامكم إلا توكم تعرفون انه المرحوم ولد اخوي ...ليش يايين العزااا....
منصور:هههههههه يا طويل العمر انا اصير ولد عم مانع إلي ولد خال سعيد يعني ولد خالكم...يعني نحن يايين نعزي سعيد فولده وانته طلعت اخوووه والله صراحه صدفه غريبه؟؟؟؟؟؟؟؟!!!!!!!!!!!
ويلسوا الشباب مع بعض ياخذون علوم بعض ويخبرون شهاب عن المرحوم....وع الساعه 11 اتفرقوا الشباب سهيل ومنصور عزوا وطلعوا وشهاب يلس شوي وبعدين طلع صوب موتره وهوه يفكر منوه هالمانع إلي دايم الشباب يطروله اياه وقرر انه يشوفه ويتعرف عليه ...واذكر انه سيارته امبنجره وراح صوبها واتحسر بيبدل التاير المبنجر بالإسبير<<اونه بيتعبل اروحه...
شهاب يرمس عمره:يا انا يا التاير..,,وحسر يدين كندورته وبدا يتعبل
.............................................
.........................
ام عبدالله:يله بنتي قومي شوفي الشغالات حملنه الغدا فالسياره
عليوه:هيه امايه اشرفت عليه كله زهبنه
ام عبدالله:الغاليه زقري اخوج وقوليله يوديه بيت خالج
عليوه:انشاالله امايه
..................................
عليوه:مانع قوووم بسك رقاااد اتقولك امي قوم وصل الغدا بيت خالي محمد
ومانع ما يرد عليها
عليوه:منوووووووع قووووم بيخطف وقت الغدا فضيحه فيهم انته ما تشبع رقااااد...
نش بسرعه من الضيجه وفتح الباب بسرعه:انتي يالساحره ما تخلين حد يتهنى برقاده...لعنبوج خليني ارقد برتااااح
عليوه من بعيد:اهــب مب رقاااد هذا.. جانك من امس رااااقد ولا شبعت حتى انك ما رحت العزااا اليوم...
مانع:جـــب يالخايسه ما يخصج فيني ورض الباب ورد يرقد
عليوه:اووووووووف منك يالرقاااااااد
بعد حنه ورنه ولعوزه نش مانع بالغصب وواصل حده من الضيجه وراح يوصل الغدا بيت خاله
................................................
فكرت بكلام شهاب زين وعرفت انه إلي سوته غلط وضيعت وقتها بدل ما تقرى ع روحه وتصلي وتطلب له الرحمه والمغفره من رب العالمين
الريم:اخخخخخخ والله اني يوعانه ...بروح المطبخ بشوف جان شي عيشه ولا شي بايت فالثلاجه بسخنه.......
ويوم نزلت تحت حست عمرها جنها مب شايفه قسمهم الارضي من زمان وتمت تمشي شوي شوي وتتخيل كل مكان حارب واقف فيه وتتخيله يالس عالكنبه تتخيله يشاوت الكوره عاليدار وتتخيله منسدح ويطالع التلفزيون...
الريم:الله يرحمك يارب الله يسامحك ما دريت بغلاك عندي
وفتحت الثلاجه وطلعت كيك وسخنته ويلست تاكل وعاطيه الباب ظهرها
ودخل شهاب متحسر ويدينه كلهن حلط اسود من التاير وفرح يوم شافها تحت فالمطبخ معناته كلامه اثر فيها....
شهاب: اشحالج ريمااني
الريم ابتسمت لأن شهاب هوه إلي قنعها بكلامه وطلعها من حزنها...
الريم ابتسمت:الحمد الله بعدنا عايشين
شهاب:فديت هالابتسامه ...هيه جيه اباج ما توقفين عند اول عثره فحياتج بعدها الدنيا مستمره تاخذ ناس نحبهم ومتعلقين فيهم لاكنها تعوضنا بدون ما نحس...
الريم:مشكووور شهاب انته إلي طلعتني من حزني انا قلت خلاص الدنيا انتهت من خذت حارب عناااا
شهاب:لا شكر ع واجب يله شو بتعطيني
الريم:ههههههه انته شو تبا...اطلب وانا بنفذلك
شهاب:اممممممم انا صراحه ميت يووووع من أصبحت ما كلت شي
الريم دزت الصحن صوبه:اتفضل
شهاب يقدها:اونه اتفضل...يله بسرعه لقميني ما تشوفين ايديه وصخات هكووه الرنج صكيتيه بعين اخترب..
الريم تتذكر موقفها الاول وياه:ههههههههه حرام عليك والله ما فيني عين شو قالولك ام سعيد.....
شهاب:لاااااا ام خمااااااس
الريم مسكت كيكه كبيره شوي وضحكت وفراسها خطه شريره
الريم:يله شهاب فج حلجك......
شهاب فتح اثمه مسكين ع نياته والريم تخشله كيك وهوه يأشرلها بس خلاص وهيه تخشله.....ويلسوا يضاحكون ع بعض ...بس في شخص انصدم يوم شافهم جيه وهم مب حاسين بوجوده
.........: شوووووووووه هذا ؟؟
التفت شهاب ع الشخص الي يتكلم ويريد يتكلم بس مب قادر لان اثمه متروس والريم ما تقصر تخشله اكثر
الريم : يمدحونه السلام
مانع معصب من الي شافه جدامه ويصارخ : جب انتي .... يله داخل .... ذلفي من جدامي ....(اصلا مانع دخل المطبخ يزقر البشاكير يشلون الغدا صوب الخيمه)
الريم منصدمه من كلامه ... كيف يهزبها وهيه فبيت ابوها بس طنشته.... واعتبرته مب موجود ... وجان يغص شهاب .... وتربع الريم وتيب عصير وتشربه ...

الريم : اشرب شهاب فديتك ...
مانع خلااص واصل حده منها ...كيف تأكل واحد غريب وجدام عيونه وطنشته يوم كلمها ولا سمعت رمسته ... والازيد انها الحين قاعده تشربه جدامي عيني عينك ولا مسويتلي اعتبار ... وجان يعصب ازيد يوم شافها هيه وهوه يتبادلون الابتسامات .... و مسك مانع شهاب من عقم كندورته والريم منصدمه شوه يسوي هذا!!! ... اكيد مانع ين !!! .....

الريم وهيه تحاول تخوز ايدين مانع من على شهاب وهيه تصيح تشوف اخوها بيختنق وتخاف انها تخسره مثل ما خسرت حارب وهيه ما صدقت حصلت حد مثل طبايع حارب الله يرحمه

الريم وهيه تصيح : مانع ... دخيلك بطله ... مانع دخيل والديك بطله

مانع : انته شوه تسوي اهنيه ؟؟؟ يله ارمس ... ولا اربط لسانك .....

والتفت مانع بسرعه ع الريم ومعقد حياته والشرار يطلع من عيونه : جب انتي ... يله روحي داخل بسرعه ... ذلفي ما اريد اشوف رقعت ويهج ...

الريم منصدمه وتصيح : حرام عليك .... والله بتقتله .... شهااااااااااب .... مانع دخيلك بطله .... بيموت .... ماااااااااانع
شهاب ما قدر يستحمل دموع اخته و دز مانع عنه ووصخ له كندورته بحلط السياره ......

شهاب : الريم ... حبيبي ... لا تصيحين ... هذوه انا ما فيني شي ... اصلا كنت بدزه من الصبح بس خفت اوصخ كندورته ...
الريم تلفت صوب مانع ومعصبه : انته ليش تسوي جذيه ؟؟؟ تريد تقتله ؟؟؟
مانع معقد حياته : وانتي ما فكرتي شوه بتقول عنج الناس يوم تدري انه متخلبج بالمطبخ رواحكم وقاعده تلقمينه و تضحكين فيااااااااه
شهاب عصب من كلامه : وانته شوه دخلك ؟؟؟ ومنوه انته عسب تقول هذي الرمسه عنها وعني ... هاااااااه ارمس
مانع : اكون الي اكون بس ما ارضى اشوف بنت خالي فهذا الموقف الماصخ
قاطعه شهاب : جــــــــــب .... ولا كلمه .... ولم ثمك واطلع برااا المطبخ بسرعه ....
الريم : شهاب عيب هذا ولد خالي .... عيب تطرده من بيت خاله ...
شهاب : عيل عايبنج يقول عنج جيه ؟؟
الريم : شهاااااااب ..... بس
شهاب يقاطعها : روحي داخل البيت وانا بتفاهم ويا هذي الاشكال ...
.......................................

هنيه نهايه هذا البارت والاحداث اليايه مثيره واااايد
الريم شو بتسوي؟؟؟؟

مانع شو فكره عن الريم بعد الي شافه؟؟؟

شهاب شو بيسوي وكيف بيتصرف؟؟؟؟

هاذي الاسئله اجوبتها فالجزء العاشر
^ .^.....^ .^ __DEFINE_LIKE_SHARE__

غلا ++ · 05-10-2008, 03:22 PM

ولله اني ابا ابجي ليش ماتنزلين البارتات بسرع __DEFINE_LIKE_SHARE__

المواضيع المتشابهه
الموضوع	كاتب الموضوع	المنتدى	مشاركات	آخر مشاركة
عندما لاترى فى الحياه غيرك ... انت وحدك	محروم.كوم	منتدى أخبار المواقع والمنتديات العربية والأجنبية	0	09-28-2009 03:30 AM
كل شي يهون عند الحريم الا هذه!!!	راعـــ الــحــب ـــي	الإستراحه العامة	28	09-19-2009 07:02 AM
كله يهون عشان خاطره	محروم.كوم	منتدى أخبار المواقع والمنتديات العربية والأجنبية	0	07-13-2009 10:30 AM
كل شي يهون عند الحريم الا هذه!!!	محروم.كوم	منتدى أخبار المواقع والمنتديات العربية والأجنبية	0	06-07-2009 02:40 AM
يهون عليك ....	أمير الحزن	شعر و خواطر	4	05-31-2008 07:51 PM