˚؛◦ஐاشعلت في القلب ولاعـهஐ ˚؛◦ - الصفحة 19

+[ حكومة قلبي ]+ · 07-20-2011, 04:17 PM

Part 11

ف المزرعه

طحنون و مايد وراشد:مرحبا السااااااااااع
اليده والبنات:مرحبتين
سلامه يالسة فالصالة وكان مايد يطالعهاااا
طحنون :يالله انا استأذن بسير البيت
راشد: وانا بسير بنسدح
اليده:ربيه يحفظكم.. وانا بعد بوطي راسي
ميود:يالله بباي
الميث وسلامه :الله وياكـ..انا بسيررر فوق شوية
سلامه:خذيني ويااااج
اليده : وانا بتم ميلسه روحي
سلامه بوزت: لا بتم خلاص
عاد محد فالصالة غير سلامه ومايد طبعا كل حد دورله حجة وطلع من الصالة
سلامه تطالع التلفزون ولا يخصها في حد بس حست انه حد يطالعها
يوم صدت حصلت مايد يطالعهاااا وسرحان في عيونها ..
سلامه تبا تستنذل طبعا كان حذالها قوطي كلنكس شلته وفلعته
مايد:اااااااخ ياهرمه
سلامه:هههههههههههه
مايد سار يلس حذالها وتربع
سلامه:يالله بالستر من صغر الصاااااااااااااالة ياي متفيزر حذالييه قلن الاماكن ولا شوي
مايد: لا بس قلت هني براد شوي
سلامه:اي براد المكيف هناك هب هنه
مايد غير السالفه وتم يغني

أحبك حيل أنا لكن أبدعي لك يا رب تموت ....
سلامه فجت عينها
يا رب تموت فيني حيل مثل ما أنا ميت فيك ....
شو هالاغنيه بعد
تعيش العمر في راحة وأنا عايش في وسط الموت ...
حوووو بس مابا اسمع موت وموت فال الله ولا فالك بتغني دور غنيه حلوه
أدور للقاء فرصة أحاول أستغلها فيك
أناديلك وأنا أدري معك ما عاد ينفع صوت
ولا عاد اللقاء في بالك ولا عاد الهوى يعنيك
أحبك حيل أنا لكن أبدعي لك يا رب تموت
يا رب تموت فيني حيل مثل ما أنا ميت
أقرب منك وتبعدني وشوقي في البعاد يزيد
وبس ترجع من غيابك بتبدى في غياب جديد
أقرب منك وتبعدني وشوقي في البعاد يزيد
وبس ترجع من غيابك بتبدى في غياب جديد
ولمن صرت أنا جنبك أشوفك مادري ليه بعيد
وأحس إنك ما بين أيدي وأدورك بس ما الآقيك
حبيب العمر في بعدك إذا إنتَ غبت أنا ما أبيه
ولا في شي من بعدك يريح قلبي ويهنيه
حبيب العمر في بعدك إذا إنتَ غبت أنا ما أبيه
ولا في شي من بعدك يريح قلبي ويهنيه
إخذ أيامي وسنيني وعطني يوم أعيش لك فيه
أبيك تحس في حضني وكل اللي تبي أعطيك
عااااااااااااااااااااشوووووووووو هاتيلي ماي ريجي نشف

...

سلطان يتريا وديمه تطلع من عند الدكتوره
وديمه : بس دكتوره انا كنت اخذ حبوب منع مابا احمل بنتي بعدها ماكملت سنه
الدكتوره: مافي مشكله هذي إرادة الله شو بدك تؤولي
وديمه: والنعم بالله بس انا مابا
الدكتوره: مايصير هالحكي قولي الحمد الله غيرك ماعندوو
وديمه: الحمد الله
طلعت وديمه وهي مويمه
سلطان: ها حبيبي شو بلاج زعلانه شو فيج شو قالت الدكتوره
وديمه: بلاك سلطان مافي شي.. ياي بديخل عندها لكن يودت ايده
وديمه: مافي شي حبيي بس ضغطي نازل وشوي ارهاق
سلطان يووود ويها : اكيد ماماتي ..
وديمه هزت راسها بمعنى هيه..وباسها ع راسها

..

سيف وعبد العزيز يدرسون ف استراليا بس باقيلهم اسبوعين وبيردون استراليا

سيف: ياربي ابا اخلص طفرت باقيلي سمستر واحد بس مو هب فايج بروجكات قد شعر راسي
عبدالعزيز: بتفتك مابقا الا الجليل .. انا باقيلي وايد اشياء الله المستعان
سيف: الله يعنين بس.. الا عزوز البنت الي تدرس ويانا من وين
عبدالعزيز: اي وحده منهن.. الصراحه في وحده كل ماشوفها اتخبل مب جمال عليها ماشاء الله
سيف: مب طويله وايد دوم تيلس ف الكوفي ع الزاويه وبروحها ماشوف عندها ربيعات كاسره خاطري
عبد العزيز: انزين اتعرف عليها
سيف: اانته تعرفني ماداني هالسوالف
عبدالعزيز: ادريبك بس ماعرف شو اقولك
سيف: وانته الي متخبل ع جمالها راعية البلاد ولا
عبدالعزيز: هيه
سيف: انزين كيف رمستها
عبدالعزيز: سويت عمري ماشوفها ودعمتها ياخي زين ماطارات
سيف: هههه اونك تبا تلقط وياها الاوراق والكتب
عبدالعزيز: هي عاد شو اسوي قمنا نقلد المسلسلات

رن فون عبد العزيز ولا الميث متصله وحط سبيكر ويالس يتعصم
الميث: حبيبي .. سيف يالله محلات صوتها
عبدالعزيز:هلا قلبي شحالج
الميث :بخير دامك بخير.. عزوزي
عبدالعزيز: هلا قلبي.. شل الاسبيك
الميث: امايه تقول تعالو العزبه كلنا بنتيمع المره الي طافت محد منكم يا الا طحنون ولد عمو موزه وخليفه وانتو ليش مايييتوو حرام عليكم يدوو تباكمم تتيمعون عندها ع الاقل كل ويكند
عبدالعزيز:اووو انا كيف نسيت .. قوليلهم اني كنت بزي وجي انزين يلا باي

سيف: منو هذي
عبدالعزيز:هذي حبيبت القلب الميث
سيف: حشى كم وحده عندك
عبدالعزيز: الله يخسك هذي الرضيعه.. يلا قم زهب قشارك بنسير انبات ف المزرعه خلنا نتونس شوي قبل السفر مافينا ع امايه
سيف:اها ..ان شاء الله __DEFINE_LIKE_SHARE__

^غايه^ · 07-20-2011, 08:20 PM

يعطييج العاافيه الغلااا ...

و نتريا الاكشناات الي بتستوي ...هع هع __DEFINE_LIKE_SHARE__

+[ حكومة قلبي ]+ · 07-20-2011, 10:53 PM

الله يعافيج حبوبه __DEFINE_LIKE_SHARE__

+[ حكومة قلبي ]+ · 07-24-2011, 01:41 AM

Part 12

أصبر ياقلبي وأنتظر خل الحزن مكتوم

كل المعاني تغيرت وأتضحت الصوره

صار الصدق في هالزمن مثل الوفا معدوم

ونفوسنا تجرحت والفرحة مكسورة

كل المبادئ تنشري واللي معاه يسوم

حتي المشاعر ارخصت والكلمة مهدوره

مر الاسبوع وقرب موعد الملجه

وديمه ترمس خليفه ف الفون

خليفه: ماقدر اقول لـ امايه شي ياختيه
وديمه: توكل ع الله ياخليفه وانا حاولت اقوللها تقولي مايخصلج ولا تتدخلين
خليفه: اه ياختيه لو تعرفيني شقا ضايج
وديمه:صدقني حبيبي حاسه فيك انا وياك مابخليك لين يروحون
خليفه: فديتج ياختيه الله لايحرمني منج

ويدخل عليه طحنون

طحنون:ها المعرس شخبارك
خليفه: يلا عيل بخليج الحين باي
طحنون: خليفه منو ترمس
خليفه: وديمه
طحنون: اها ياخي والله ضايج ابا اعرس
خليفه: فكني من الصدعه بروحي ضايج ومالي بارض لشي امرره
طحنون: لا حول شو فيك ياريال
خليفه: دخيلك اظهر الي فيه مكفني وقول ل امايه اني راقد

طحنون ظهر عنه وسار صوب امه

ام خليفه: ها وينكم تعالو تغدو
طحنون: خليفه راقد
ام خليفه: اخوك مب ع طبيعته فيه شي
طحنون: يعني امايه واحد مايبا يعرس وتخطبوله وتسون كل شي على هواكم ماتبون الواحد يضيج
ام خليفه: جب ولا كلمه
طحنون يصارخ: صدق امايه انا اقولج من الحين مابسكت والله اني ماباخذ حد غير بنت عمي احمد واليوم برمس يدي
ام خليفه تصيح

طحنون: عيل تيوزوني وحده ماعرفها ولا شايفنها ماتدرين بحالته بس عسب خاطرج سكت لانج غاليه علينا ماقال بكسر شور امايه
ام خليفه: شو تباني اقول ل ام سعيد خبرني شقا بجابلها اقولها خلاص خليفه مابا
طحنون: والله مايخصني تقولين ماتقولين شي راجع لج بس امايه اذا خويه تم ضايج واستوابه شي .. قاطعه خليفه .. طحنون سكت وسار فوق

خليفه: بس بس ببببببببببببببببببببببببببس خلاص يكفي والله يكفي الله ياخذ العرس ان شاء الله شو فيكم ليش هذا كله
ام خليفه:حرام عليكم ابا افرح واشوف عيالكم قبل لاموت وتصيح
خليفه: خلاص امايه لاتضيجين بعمرج الله يعطيج طولت العمر ماقلت شي انا تراني ساكت

دخلت وديمه وام سلطان وسلامه وفطامي
وام عبد العزيز وبناتها

وديمه :شو بلاج امايه
ام خليفه : مسحدت دموعها بطرف الشيله وسلمت عليهم
خليفه: ماشي مستانسه اني بعرس
وديمه تتطالعه بطرف عينها : اها

وشوي ام شهاب تدخل ويا غايه

وديمه سارت ويا البنات فوق يتعدلون والحريم يلسوو يدخنون البيت

طبعا الملجه ف بيت ام خليفه لانه هي الي طلبت هذا الشي

ووصلت راعية الصالون وسارت فوق وريم سارت فوق ويا وديمه

طبعا خليفه لين الحين مب عارف منو هالبت بس يعرف انه من طرف ربيعة امه

طحنون يزقر جيسي
:jesy where is my kndorh
jesy: in the next room

طبعا هي خربطتت وحطتها ف حجرة وديمه

قريب المغرب

طحنون واقف بوزار وفانيله صوب حجرة وديمه كلهم
خلصو ونزلو وغايه ووديمه اخر ناس ديمه كانت شماسي ملعوزتنها

وديمه :غايه فديتج شليها شويه
طحنون يدق الباب: وديمه عطيني كندورتي هالخديه معلقتنها عندكم
وديمه ترمس غايه شليها شوي حبيبتي : طحنون انا بتمكيج ماصدقت حد يخلص
عسب يود شموس كل حد خلص الا انا
طحنون: يعني شو اتم جذه .. اففف
وديمه: غايه البسي شيلتج وعطيه كندورته فكـيـنا من صدعته
طحنون: اف مابغيتي تفجين قفط يوم جاف غايه خـذ كندورته وطلع
وديمه: غايه وديها عن خالها وانتي نزلي تحت

غايه قافطه مب عارفه شو تسوي
طحنون: لبس كندورته بس ماتغتر
شماسي اول ماشافته تمت تناقز
غايه: شكلها تباك
طحنون شل شماسي : الي شالنها مايبوني يعني باس شماسي امواااح فديت الي يبا خاله
غايه يايه تروح طحنون بند الباب وتساند عليه
طحنون: غايه بقولج شي
غايه زايغه وقلبها يدق مب عارفه شو تسوي لو حد عرف ولا سمعهم
طحنون: غايه شو فيج لاتخافين مابسوي بج شي غايه انا اباج دخلتي قلبي من اول ماشفتج ماعرف شو سويتي فيني دخيلج جوفيني ورفع راسها بيده يالله محلات هالويه مابا حد يشوفج
غايه مستحيه مب عارفه شو تقول وفنفس الوقت متروعهه
طحنون: غايه دخلتي قلبي بدون هود ولا هدا
غايه ماتعرف شو تقول بس تقول ف قلبها وانا بعد اباك ودخلت خاطري واحبك
طحنون : فديت الي مستحي انا يلا سيري تحت وشوي شوي اوكي حبوبه

عند ريم عدلوها ولبست هالفستان

وروج احمر مايل للعنابي مكياج لبناني خفيف وايد كانت وايد حلوه
ومسوين لها مسكه ورد جوري ابيض

خليفه مب عارف شفا يجابل البنت ويفكر كيف بيعيش وياها
وسرح ف ريم الي مايعرف اسااسا هي بتكون حرمته

ويا وقت التوقيع قبل لايدخل عليها

ف الميلس اليد وسعيد وخليفه وطحنون وخواله الي هم بوسلطان وبو عبدالعزيز وبو شهاب وعيالهم

خليفه يالس عدال يده و سعيد
اليد: بالبركه فديتك منك المال ومنها العيال
خليفه يبتسم ليده: الله يبارك فيه

وودو الدفتر عند الحريم

ووقعت وتوكلت ع الله

كانو مسوين طاولات وكراسي ف الصاله وهم بس عازمين الاهل
وكوشه صغيره معدلينها نفس لون الباقه

ودخلت ريم ع زفة

http://www.youtube.com/watch?v=G3TGa...eature=related

ودخلت ويلست وتصورو البنات ورقصو لين ما قالت ام خليفه خل يدخل خليفه واليد وسعيد

دخل اليد وخليفه وسعيد
وكان خليفه منزل راسه لانه مستحي كل الصاله حريم
والصاله جنها قاعه عسب الطاولات
ويوم قرب يوصل رفع راسه وانصدم حتى ماقالها مبروك
ولا قال شي من الصدمه وقف عدالها وسلمو عليه وباركولهم عقب لبسها الخاتم وهو يرتجف والعقد والساعه وهي لبسته الساعه

خلوهم يسيرون الميلس ويلسو بروحهم

__DEFINE_LIKE_SHARE__

^غايه^ · 07-26-2011, 02:46 AM

بلييييييييييييييز كمليها انا عايبتني >>>اباا اعرف شو بيصيييييير خلااف ؟؟؟

و يعطييج العااافيه خيتوو ^^ __DEFINE_LIKE_SHARE__

المواضيع المتشابهه
الموضوع	كاتب الموضوع	المنتدى	مشاركات	آخر مشاركة
˚ஐ˚◦ شبّهـًت عـًوٌد المُوًز شًروًاه ياًلليً رًبَا وسًطً البًسًاتيًنً ◦˚ஐ˚	مزيون بوظبي	التراث والحضارة	19	07-03-2010 01:53 AM
ஐ˚◦ ๑ ◦˚ஐ مبروووووك الزواج ஐ˚◦ ๑ ◦˚ஐ	محروم.كوم	منتدى أخبار المواقع والمنتديات العربية والأجنبية	0	05-27-2010 03:20 AM
ஐ˚◦ ๑ ◦˚ஐ مبروووووك الزواج ஐ˚◦ ๑ ◦˚ஐ	محروم.كوم	منتدى أخبار المواقع والمنتديات العربية والأجنبية	0	05-27-2010 03:10 AM
إهداء :: لـبـنـت :: سويزلاند ::ஐ˚◦ احـ ـلىَُ وأرَوع صورَُ لـِ سَويزلانـدَُ ˚ஐ˚◦	♕ وليد الجسمي ♕	سفر وسياحة	24	01-21-2009 07:19 PM
◦˚ஐ˚◦ خليط الحبر ◦˚ஐ˚◦	جدم التحيه جدامك فجراويه	الإستراحه العامة	12	07-25-2008 01:40 PM