˚؛◦ஐاشعلت في القلب ولاعـهஐ ˚؛◦ - الصفحة 5

+[ حكومة قلبي ]+ · 07-01-2009, 03:40 PM

part3

اشكر الي ساعدوني ف البارت

(وديمه سايره صوب سلطان)
وديمه:سلطوني عادي اسير عند امايه متولهه على شماسي تبا تشوفها

سلطان :خلاص حبيبتي تلبسي انا بوديج
وديمه:ان شالله يلا لين ماتسير تحر الموتر بكون مخلصه

(فبيت موزه ام خليفه)
جوسي زهبي العشا حطيه ع الطاوله
دخلت وديمه شاله شماسي
سارت وديمه جدا الصاله وتشوف ام سعيد
وديمه:السلام عليكم خالوه
ام سعيد: وعليكم السلام مرحبا ببنيتي
وديمه:مرحبتين خالو شحالج
ام سعيد:بخيرالحمد الله ومن صوبج
وديمه:يسرج الحال
ام سعيد: ماشالله ع البينه
وديمه :هذي شمسه
سلمت ع ريم وشويه يت امها وسلمت عليها
وديمه:امايه سلطان بيحدر بيسلم
سلطان:هود هود
ام خليفه :هدا هدا بويه
سلطان: السلام عليكم عمو شحالج عساج بخير
ام خليفه:وعليكم سلام بخير ربي يعافيك
سلطان: شو صحتج ان شالله احسن
ام خليفه: والله الحمدالله علا كل حال
شحال ابوك
سلطان: الحمد الله اليوم ابويه شويه صابه هبوط لكن الحين اشوى
موتر خليفه هنه وينه راقد ولا
خليفه :كح كح انا هنه ههه
سطان: هه هلا وبولد عمي حبيبي شحالك
خليفه:ههه اسكت عن تسمعك ودوم
سلطان هي والله..(وديمه)
وديمه:نعم..
سلطان :تعالي شويه
وديمه:هلا خلوف شحالك
خليفه:بخير اشقح وانطح
وديمه:ههه دوم
سلطان: هاتي شمسه
وديمه:شماسي عند ريم
وديمه :يلا برايكم بنيلس نتعشى الحين
ام خليفه :تفضلي ختي

نشوو يتعشون (وريم تمت يالسه صوب الممر ويا شماسي
ريم تلاعب شماسي وخليفه مر صوبها
ريم مستحيه ومتروعه
شماسي شافت خالها استانست قامت تناقز على ريول ريم
قام خلوف وشلها)
خليفه :يلا ريم قومي جان تبين عشا وعقب شلي شماسي
(ريم ساكته وماترمس)
امايه تعالي شويه
ام خليفه:ها حبيبي
خليفه:امايه اقول حق ريم سيري تعشي ماتطيع
ام خليفه:جي امايه قومي تعشي
ريم:خالو شبعانه تراني شاربه عصير وماكله حلاوه
ام خليفه:يالله هذا مساعه قومي يالله
ريم:لاخالو مابه بس منسده نفسي خلاص

(تعشو ويلسو ف الصاله يشربون قهوه وجاي وعقب روحوو
سلطان يرمس خليفه وخليفه سرحان)

سلطان:حووو ارمسك انا
خليفه:هاها شو تبا
سلطان:بلاك ياخي
خليفه:دخلت خاطريه
سلطان :منو دخل خاطرك شوتخرف انته
خليفه:منو غيرها الي كانت هنه
وديمه:سلطان يلا بنروح شماسي رقدت
سلطان: انتي تجدمي انا بلحقج

(سار سلطان جدا عمته عسب يسلم عليها
رد خطوتين عمو برمسج ف موضوع قبل لاخليفه ايي)

ام خليفه:خير ان شالله
سلطان:شفتي هالبنيه الي كانت هنه
ام خليفه:بلاها
سلطان:خليفه من شافها وهو هب ويايه شكلها دخلت خاطره
واباج تخطبينها له بدون لايعرف واذا قالج منو لا تخبرينه امرررره وقوليله جان تبا رضايه تاخذها اباج اتلعوزينه
ام خليفه:انته متاكد انها دخلت خاطره
سلطان: هي عمو متاكد
ام خليفه:تم وانا امه
سلطان:يلا عيل انااترخص فمان الله
ام خليفه:مع السلامه فديتك

الميث :سلامي باجر بنسير العزبه
سلامه:يالله ماورا علينا من متى ونحن نتريا نسير العزبه
الميث:من زمان ماسبحت ف الحوض
سلامه:تعالي وين غايووو اذا ماخبرتها بتزعل مافيي عليها
الميث :انتي دقيلها انا ماعندي رصيد

(سارت سلامه تتصل لغايووه)
غايه:الووو
سلامه:هلا غايوو شحالج
غايه:بخير وسهاله
سلامه:عله حالن مديم غايووه باجر بنسر العزبه جان بتين ويانا خبري عمي
غايه:امم ان شالله يوافق
سلامه:ان شالله

(دخل عليهم بو عبدالعزيز)
بوعبدالعزيز:ياربي يالميث قرووو ماتيلسون انتو
الميث:ابويه خلنا نستانس عنبو كله ف البيت تولهت ع ابويه العود وامايه فطيم
ام عبدالعزيز:خلهم فديتك انا بسير وياهم وباخذ ام سطان جان امنه تروم بعد بناخذها

بوعبدالعزيز:يالله شو بنسوي باجر الصبح زاهبين
مايد:السلام عليكم

(كلهم عليكم السلام)
مايد:ها ماشالله وين بتسيرون باجر الصبح
الميث:بنسير العزبه
مايد:ويا منو
بوعبدالعزيز:عجب يعني بتسير ويا منو ويا ريلها يعني
مايد:يالله متى بيي وبيفكني منها
الميث:جي غناتي يالسه ع راسك
مايد:لا ع قلبي بس اباج تعرسين عسب اعرس

(سلامي حدرت عليهم):السلام عليكم
اول ماحدرت مايد قبله فز من شاف غناته الي ماشافها من شهرين
كلهم عليكم السلام
بو عبد العزيز هلا ببنت خويه:شحالج حبيبتي
مايد يطالعها
سلامه:بخير الحمدالله عمي
بوعبدالعزيز:يالله ياسلامه من متى ماشفناج عنبو ماتقولين بسلم ع عمي انا بحسبت ابوج
سلامه:اسمحلي عمي انشغلت بالامتحانات
بوعبدالعزيز:مسموحه فديتج يلاقومو تعشو انا بسير جدا الميلس

(ساروو يتعشون ومايد يطالع سلامه والميث حست بهالشي بس صخت
وهي تعرف انه يحبها بس ماخبرتها تباها رروحها تعرف
اليوم الثاني الصبح نش بو عبدالعزيز وسار جدا ولده)

بوعبد العزيز:عزووز
عبدالعزيز: لبيه يابويه
بوعبدالعزيز:قوم فديتك بسك رقاد بنسير العزبه صوب يدك
عبدالعزيز:ان شالله بخلص وبنزل

سلامه:ميثوو شو تسوين ف الحمام حشا خلصتي الماي
الميث:اتلبس الحين بخلص
ظهرت الميث من الحمام
وسلامه يالسه تحت
سلامه: الحمد الله ع السلامه
الميث: ههه يلا لاتتأخرين
سلامه:شووو انتي خستي والحين تقولين لاتتأخرين هذا ويهي ان ظهرت بسرعه
الميث:ههه يلا نعيما مقدما انا بسير اتريق تعالي عقب ماتخلصين
نزلت الميث تحت وسلامه حدرت الحمام تسبح
بلكونة مايد مفتوحه وبلكونة الميث مفتوحه وحجرهم حذا بعض
عقب ماخلصت سلامه يالسه تنشف شعرها وتغني
عل روحي فدوة عيونك ياحبيبي وانته الغالي العمر ماباه من دونك
سمعت حد يزقر
عفدت من البلكونه

مايد فيه القلب بس محد يعرف
مايد:سسلامه بموت
سلامه:مايد شو فيك شو يعورك
مايد:عطيني دوايه ف السده ولا تخبرين حد عشان خاطريه
سلامه:مايد شو فيك
عطته الدوا وغرشة الماي
مايد:اسمحيلي تعبتج
سلامه:مسموح
مايد: اظهري قبل لا حد يحدر
سلامه:مابااظهر لين اتقول شو فيك
مايد:قلبي يعورني شويه حلفتج لاتخبرين حد
سلامه:ان شالله من عيوني بس انته تحمل ع عمرك وخذ دواك
مايد :فديت عيونج
سلامه استحت وروحت

الميث :ماشالله هالكثر ف الحمام
(سلامه سرحانه وتفكر في مايد)
الميث:سلااااااااااامي
سلامه:ها هاشو شو مستوي
الميث:يوم ازقر قولي نعم طال عمرج
سلامه: تخسين
ام عبدالعزيز:يلا يلا عن هالرمسه الزايده قومن حطن الاغراض ف الموتر
البنات:ان شالله
حطن الاغراض وركبو وتوكلو
بوعبدالعزيز وحرمته وهزاع وعلي ولد عمه احمد وفطيم في موتر بو عبدالعزيز
وفي موتر عزوووز الميث جدام وسلامي وراها والبشاكير وساروو صوب العزبه
صوب اليد هزاع بو مايد
بو مايد:يالس ف العزبه ويا البيادير يقولهم ينظفون ويهتمون ب الخيول والهوش
ام مايد:الغالي تعال تريق مسويتك خبز جباب
بو مايد:يالله تسلم يديج غناتي
ام مايد:يلا تريق عسب تاخذ دواك اباك امرره شرا الخيل تربع
بومايد:وين يافطيم مافينا صحه شوبنا الحمد الله ع كل حال
ام مايد:بعدك شباب فديتك)<<يحليلهم يغازلون بعض)

(صوب بيت بو سطان)
بوسلطان:مريم يلا انقفظي تأخرنا
ام سلطان:يالله يايه اسحي فطيم
بوسلطان :عيل وين رشوود
ام سلطان: مادريبه ..يمكن ويا مايد ولد اخوك
بوسلطان:برايهم بيلحقونا يدلون الدرب
(بوسلطان ركب موتره وياحرمته وبنته فطيم وتوكلو جدا العزبه
صوب عزووز
عزووز يرمس ويا سيف
والميث ترمس ربيعاتها عسب اين العزبه)
__DEFINE_LIKE_SHARE__

عيناوية وأفتخر · 07-01-2009, 04:16 PM

ما شاء الله عليج تكتبين قصص هههههههههه ^^

انشاء الله بقرااها وبعطيج راااي بس انتي لا اطولين نزلي البارت الرابع اوكي هههه

بس احسهاا حلووة من عنوووانها ^^ __DEFINE_LIKE_SHARE__

حكومة الغلا · 07-01-2009, 06:40 PM

يسلمووووووو حبوبه ع البارت __DEFINE_LIKE_SHARE__

» βỊη άℓ đόόŁα « · 07-01-2009, 11:56 PM

وعليكم السلام ورحمة الله وبركاته

مرحبا بالحكوومه

ابداعx ابداع

بدايه موفقه الغاليه

والقصه وايد حلووه

وعيبتني

وللامام ان شاءلله

ولا تحرمينا من كتاباتج الجميله __DEFINE_LIKE_SHARE__

¬» ξـنيدـہۧ ٱڷگــģن · 07-02-2009, 12:14 AM

الصراااااحه القصه روووووعه روووووووووعه

ما شاء الله عليج تعرفين تكتبييييين قصص

تسلميييين حبووووووبه عـ الطرح الغاااااوي __DEFINE_LIKE_SHARE__

المواضيع المتشابهه
الموضوع	كاتب الموضوع	المنتدى	مشاركات	آخر مشاركة
˚ஐ˚◦ شبّهـًت عـًوٌد المُوًز شًروًاه ياًلليً رًبَا وسًطً البًسًاتيًنً ◦˚ஐ˚	مزيون بوظبي	التراث والحضارة	19	07-03-2010 01:53 AM
ஐ˚◦ ๑ ◦˚ஐ مبروووووك الزواج ஐ˚◦ ๑ ◦˚ஐ	محروم.كوم	منتدى أخبار المواقع والمنتديات العربية والأجنبية	0	05-27-2010 03:20 AM
ஐ˚◦ ๑ ◦˚ஐ مبروووووك الزواج ஐ˚◦ ๑ ◦˚ஐ	محروم.كوم	منتدى أخبار المواقع والمنتديات العربية والأجنبية	0	05-27-2010 03:10 AM
إهداء :: لـبـنـت :: سويزلاند ::ஐ˚◦ احـ ـلىَُ وأرَوع صورَُ لـِ سَويزلانـدَُ ˚ஐ˚◦	♕ وليد الجسمي ♕	سفر وسياحة	24	01-21-2009 07:19 PM
◦˚ஐ˚◦ خليط الحبر ◦˚ஐ˚◦	جدم التحيه جدامك فجراويه	الإستراحه العامة	12	07-25-2008 01:40 PM