مشتاقلك موت ياللي طول غيابك ذبحني الشوق وانته عني مو داري من تأليفي

غرنوقه العين · #1 10-25-2008, 03:16 PM

السلام عليكم حبييت اكتب قصه يديه بعنوان
((مشتاقلك موت ياللي طول غيابك ذبحني الشوق وانته عني مو داري))

اول شي بنبدا بالشخصيات
عايلة سعيد محمد ال.......ي
سعيد عمره 44 ريااال والنعم فيه قد كلمته عصبي بعض الأحيان يحب عياله مووت وهم اهم شي في حيااته
..

مريم حرمة سعيد وهيه طيبه وحبوبه وايد تحب عيالها بس بسرعه تعصب عمرها43 سنه
..

محمد عمره 22 سنه يدرس بالخارج في بريطانيا غرشووب عيونه عسليات ظاهر ع اخته مهرووه شعره لين رقبته كشخه لونه يااي ع الشووكلت يحب اليووله ويحب الشعر والدراجات مخطوب حق بنت عمه طحنون اسمها ((ميره)) و يحبون بعض وماخذين بعض عن قصة حب عنده سيارة four twelve سوده وعليها عاكس رقمه ثلاثي لونه احمر
..

سهـيل 19 سنه اول سنه كليه مع ولد عمه طحنون أسمه ((احمد)) عيونه بنياات ظاااهر ع ابووه شعره اسود لين رقبته
كشيخ يحب يغاازل هوووه واحمدوووه ,يحب الشعر والسيارات ويحب الدراجات ويحب اليووله, عنده سياره SLR
لونها اسود عليها عاكس رقمها رباعي لونه احمر
..

مهره 18 سنه ثانويه عااامه مع شمووس بنت عمها طحنوون ,تحب النت وتحب ترمس في الفوون, وكله مغاايض ويا اخوها هزاعووه, عيونها عسليات وواسعاات شعرها لين ظهرها لونه شوكلت وخصل عسليه, وهيه بيضه بس مب واايد, تحب تلعب مااتحب تدرس , عنيده اللي في راسها بتسويه ,تحب ابوها واايد وتحترمه وهوه مايرفضلها طلب, وحاطه تقويم لونه احمر واسود لونها المفضل, تعرف تسووق بس سهييل مايخليها تسووق
..

هزاع 16 سنه ما يحب الدراسه ظااهر ع أخته مهرووه كله غيااض 24 سااعه ويا مهرووه, عيوونه عسلياات شعره شوكلت
يحب يلعب في البلي ستيشن ويحب الدراااجاات واايد يحب العزب و البوش اانساان مستهتر لأابعد الحدوود
..
سلطان 14 سنه عيونه بنياات كشييخ يحب الدرااسه شاااطر وحاط تقوييم لونه فوشي يحب مهرووه وفطوووم و عليووه وااايد ويلعب وياا فطووم ومايرفضلها طلب
..
فطوووم 10 سنوااات حلوه كتكووته عليها غززوووز روعه
ما تحب تسيير المدرسه تحب تيلس في البيت وكل يووومين تغييب وتغااار من عليوووه واايد بدرجه فظييعه
..

عليووه الخالق الناطق مهرووه تشبه مهرووه وواااايد تقولوون هيه مهرووه يوم كانت صغيره عمرها 6 سنواات حبووبه ودلووعه شوي , تحب فطووم لاكن فطووم دايما تضاربها
..

عايلة طحنون محمد ال.......ي
طحنوون 43 سنه يحب عيااله واايد عصبي شويه. رياال في الوااقف الصعبه
..
منى 42 سنه حرمة طحنوون حلوه وتحب عيالها واايد
..
ميرووه 20 سنه تحب محمد واايد تدرس في جامعة بوظبي
تسوووق سيااره porsche cayenne
بيضه وعليها مخفي تحب الكشخه وتحب ربيعتها مووزه دايما وياها
..
أحمد عمره 19 سنه ويا سهييل كشيييييييخ احلى وااحد فالعائله عيونه عسليات يحب المغاازل شعره لين رقبته لونه اسود حاط تقوييم لونه اصفر وفووشي يحب الشعر والدراااجات والسياارت ويحب اليووله يدرس في الكليه تخصص it
عنده سيارة zonda
لونها رصاااصي وعليها عااكس رقمه رباعي احمر
..
شموووس 18 سنه تحب تلعب وماهمتها الدرااسه مع مهرووه في كل شي تحب اتشووف التلفزوون ومووتها وحيااتها النت
حاطه تقوييم ولوونه احمر واسود مطقممه ويا مهرووه
شعرها قاصتنه دقراديه يكوون ممن تحت خفييف ومن فوووق غليييض لون عيونها بنياات ناعسااات
..
منصووور 16 سنه كسلااان ما يحب يدرس كله يحااوم
يحب يرووح العزب ويا هزااعووه يحب مهرووه (حب اخواان)
كله وياها وييلس وياها ومراات يرووح عند هزااع
..
غاااليه 13 سنه تحب سلطاان شااطره وكتكووته تحب الدراااسه تبى تستوي دكتووره
..
مباارك 11 سنه يحب يلعب ما يحب يرووح المدرسه نفس فطووم ويحب يغاايضهاا واايد وهيه تنقهر منه
..
روضه ربيعة عليووه وفي صفها عمرها 6 سنواات دلووعة ماماتها وباباتها

..
هاااي أهم الشخصيااات

بداية القصه
في بيت سعيد
مهروه : افففف شو الحااله انا ملااننه
هزااع : مهرووه خلاااص سكتي حشرتيني تراااج
مهروه: انزيين قوووم ظهرني
هزااع : وين تبيين ترووحين حضرتج
مهروه: ابا اسيير كارفوور أخذلي حلوياات واخذلي افلاام

هزااع : اوكيه بتصل اول شي ع سهيلووه
مهروه : انا برمسه اوكيه
هزاع: اوكيه
مهروه تتصل ع سهيل
مهروه: الووو
سهيل : هلا مهروه شحاالج
مهروه: انا بخيير وسهااله شحاالك انته وعلوومك إنشااءالله بخييير
سهيل : يعله دووم انا والله بخيير وسهااله
مهرووه: سهييل ممكن طلب
سهيل : أمري تدلل
مهرووه : ابا اسيير كارفوور أخذلي حلوياات واخذلي افلاام عادي
سهيل: منو يرووح ويااج
مهرووه: هزاااعووه وسلطان
سهيل: شلي بعد فطووم وعليووه

مهرووه: يعني عااادي ارووووح
سهيل: هيه عاادي رووحي بس لاتبطوون عندج بيزاات؟؟
مهرووه:هيه عندي ويكفن بعد ثانكس سهييل يلاا بباي
سهييل : ولكم باااي
مهروووه: هزااااااعووه قووم ازقر سلطان وخله يتلبس
هزاع: لييش تصاارخيين هالكثر
مهروه: سهيلووه واافق نرووح
هزااع: انا هب ساير
مهروه: لييييييييييش!!
هزااع: إذا تبيني ارووح قولي لي هزااع فديتك قم رووح ويااي
مهرووه: مابذل عمري برووح ويا سلطاان
هزااع : براايج ولي
مهرووه : سلطاان حبيبي بترووح ويااااااي
سلطااان: هيه برووح ويااج
مهرووه : رووح اتلبس , وانا بعد بلبس عبااتي وبيي
سلطااان : اوكيه
هزااع رااح حجرته وتلبس ونزل وساار ركب السيااره ويلس جداام , مهرووه راحت لبست عباتها المسكره وحطت اقلووس وجحلت عيونها وعدلت شعرهاا ولبست شيله ملونه وراحت تلبس نعاال وشلتلها شنطه تليق ع النعال والشيله
مهرووه نزلت تحت وهيه تغني: مشتاقلك موت ياللي طول غيابك ذبحني الشوق وانته عني مو داري
أذكرك كل يوم وامووت وأحيابك واقوول وينك تجي تسأل عن اخباري
أحمد : احم احم
مهرووه مفتشله : هلا أحمد سمحلي ما شفتك
أحمد : لااا عاادي
مهروه مش متعودة ترمس احمد أصلا لأنها تستحي منه
أحمد : مهااري بغيت اسألج سهيــل وين
مهرووه: سهــيل عند ربعه
أحمد: أها سمحيلي أزعجتج
مهرووه: لاعاادي
أحمد : انا بسيير سلمي ع الواالده
مهرووه: إنشاااءالله يبلغ
أحمد: مع السلااامه
مهرووه: مع السلاامه
أحمد سااار سياارته وسلم ع هزاااع لانه كاان برع و رووح
مهرووه: فطاامي عليووه وينكن
فطاامي: هلا مهااري
مهرووه: يلا بنرووح وين عليوووه
فطاامي: يالسه تتسحى
مهروه: قوليلها يلا بسرعه
فطاامي : اوكيه
مهرووه ركبت السيااره جاان تشووف حد متغتر
مهرووه: هزاااعووه شو تسوي قلت مابترووح
هزاع: قلت حراام اخلي اختي ترووح رووحها ويا الصغااريه
مهرووه : قوول انك تبى ترووح
هزاااع: ما بقوول كيفي
مهرووه: كيفك يا أخي حل عن ويهي
سلطان يااي يركب جداام
هزااع : إيه وين بتركب انا هنيه
سلطان: انزين ماشفتك حشى كلتني
مهرووه: سلطاان فديتك ازقر الخداامه والبناات
سلطان: حاضريين للطيبيين
مهرووه: فديت روووحك انا
سلطاان زقر الخدامه ويّن البنات معااه
الخداامه ركبت ورااء هيه و عليوووه
فطاامي ومهرووه و سلطان ركبو في السيت الثاني
وهزااع جدااااااااام
مهرووه : جعفر يلااا رووح كارفوور وشغل السي دي وحط سي دي 6ترك 1
هزااع: ع كييفج هووه انا بشغله وبحط ع كيفي عوفتيني أغنية مشتاق لك مووت
مهرووه: ع كيفي أحط اللي ابااه مالك خص يالدب
هزااع: مااشي انا شغلته انا اللي بتحكم فييه كيفي
مهرووه: لاتخليني أعصب عليييك
سلطاان: بديتواا الحفله مالتكم تونا طالعيين
هزاع : انته جب مالك خص
سلطااان:لا تسب والله أضربك
مهرووه: هزااع لاتسب
هزااع حط المياسي أغنية الغيره
ويالسس يغني ويااه::::

أكبر بلاء لي صارت الغيرة عذاب
واللي تحبه من غلاك يشك فيك
هذا دمار الحب هو أكبر مصاب
يقتل معاني الحب في خلك و فيك

ياللي غرامك مرني شوق وغياب
يا كم شكيت من التجافي و اشتكيك
و إنت على رغم الوله زدت العتاب
سلمتلك قلب من أعماقه يبيك ، والله يبيك

بصبر علشانك و لو ذقت الصعاب
بس الرجا ارفق على من مهتويك
بصبر علشانك إلى يوم الحساب
لا تترك الغيرة تزيد ، أموت فيك

مهرووه : زين جيه ما خليتني أسمع الأغنيه محجووز يوم بنردد بسمع اغنتي اللي اباها وانا حجزت ما يخصني
هزاااع: طووفي جداامي
مهرووه: جب يلا جب أخر زمن انته تتحكم فيه
سلطاان: خلااص مهااري نزلي فديتج
هزاااع : يلا طووفوو جداامي
هزااع رااح مسك ايديين اخته مهرووه
وسلطاان مسك ايدين فطامي و عليووه
هزااع: مهرووه انتي تدريين اني أحبج صح
مهرووه: هيه ادري بس انته واايد تعصبي
هزاااع : آسفه مهااري
شلو تروولي ودخلو السووق اللي تحت في كاارفوور
ورااحو سيده صووب الحلوياات ما خلو حلاوه ما حطووها
بعدين رااحو عند الجبسااات وشتروا بعدين رااحو صوووب الأفلااام وخذولهم كمن فلم مهرووه خذت افلاام رومانسيه وآكشن سلطاان وهزااع خذو مال آكشن وكووميدي والبنياات الصغاار خذواا ماال يهاال
مهرووه عطت الخداامه فلووس وخلتها ترووح تحااسب وهم رااحو تهااني الخلليج
مهرووه: هزااع فديتك شوف هالدبدوووب كيووت
1000: جني سمعت اسمي
2000:هيه
مهرووه: هزاااااع
1000: اقوولك اسمع اسمي
مهرووه: هزااع
1000: هلا اختي انا هزااع بغيتي شي
مهرووه : لامابااك انته انا ابا اخووي
هزاع: آسف اختي تحسبتج تزقريني
مهروه: لا حصل خيير
هزااع العوود رووح هووه وربيعه
مهرووه: انته وين رحت
هزااع أخوها: كنت جداام اشووف الألعااب
مهرووه :اها , انزين ماقلتلي شو رايك بهالدبدووب
هزااع: كشخه يجنن
مهرووه: اوكيه بشتريه
ردوا البييت نزلوو من السيااره
دخلو دااخل البييت كانت السااعه 9ونص فليل
ام محمد : وين كنتواا
مهروه: كنا في كارفوور
ام محمد: اها انزين سيروا غيروا ملابسكم ونزلو ابووكم بيي بنتعشى
مهرووه: اوكيه
رااحو بدلو وصلو صلااة العشااء ونزلو لقو باباتهم تحت
ابو محمد : هلا بعياالي الغااليين
عيااله : هلا باباه شحالك
ورااحو يحبوونه فووق رااسه
مهرووه:يا سعيد ياويل حالي من هوى حالتي يا سعيد متعبه ومعثووره الخبر ياني تركته مااباه قلت اصونه يالهوى واشووره
ابو محمد: هههه كملي ابا اسمعها
مهروه: ياقلب كافي هاجسي وياه كيف انسى من هوه نوري بنوره قلت هوه ياناس نسمات الحياه اذا قالولي عزمت ازوره
ابو محمد: كملي
مهروه:يا حب طمني محبي وش بلاه غاب طول الوقت ما يتني علومه ياسعيد يا ويل حالي من هوى حالتي يا سعيد متعبه ومعثووره الخبر ياني تركته مااباه قلت اصونه يالهوى واشووره يا سعييد
ابو محمد : عااشت مهاااري فديت منطووقج انا
يعلني ما انحرم منج
مهرووه: فديتك ياباباه امووت فييك
ام محمد : فديتج يامهااري تسلمي ع هالصووت
ابو محمد: وينه ولدج سهييل ما أشووفه
ام محمد: انته تدريبه عند ربعه وماايي إلا الفير
ابو محمد: هاذا اللي بييني
ام محمد : خله براايه
..
في بييت طحنوون محمد ال....ي
..
ابو أحمد: أحمد شوو قلت عن الساالفه
أحمد : ابوووي بس بعدني صغيير
ابوو أحمد: احمد انا ابااك ادييير شركااتي وإذا ع الدرااسه خلها تولي
احمد: ابووي خلااص انا مواافق اشتغل
شمسه : باباه انزيين خلني اشتغل ويااكم
ابوو أحمد: انتي بنت هوه رياال
مييره: باباه هووه صغيير حراام والله حراام
ابو أحمد: حرمة مكه من الكافريين
منصووور: خلوو يشتغل انتوا شولكن خص
غااليه: عااد انته لو قالولك جيه سيده بتواافق
منصووور: جب انتي جب ما لج خص
ام أحمد: سكتوااا كلكم انا ابا اسمع راااي أحمد
أحمد ومبين عليه الزعل: خلاااص انا مواافق
ام أحمد :احمد متأكد
أحمد: هيييه اميه متأكد
ام أحمد :انزين أيلس تعشى
أحمد: لا ما ارييد بسير سهيل يترياااني عند الربع
ام أحمد : خلااص فدييتك اللله يحفظك
احمد: مع السلاامه
الكل : مع السلاامه
شمسه: حلييلك يا احمدووه
ميرووه: حرام اللي سويتووه هدمتوا حيااة الولد
ام أحمد : داام هووه رااضي شو لج خص
ميرووه: مع السلااامه
ميرووه سااارت فووق
رن تلفوون ميرووه المتصل قلبك
ميرووه فرحت واااااااااايد
ميرووه: الوووو
0001: فديت هالووو شحاالج حبي
ميرووه: بخييير وسهاله ياقلبي شحاالك انته شوو الدرااسه
0001: تماام والله و إذا ع الدرااسه ترااني أمشي الحااال وبرجع بعد كمن اسبووع تعرفيين اني متوله علييييج مووت
ميرووه: محمد حتى انا شتقتلك وااااااااااايد وااااااااايد
محمد: فديت روحج انا يعلني ما انحرم منج
ميروووه: حبيبي احبك مووت
محمد: انا أكثر
ميرووه: لا انا
محمد: لاانا
ميرووه: لا انا
محمد: لاانا
مييرووه: خلاااص انته بس انا أحبك
محمد: فديت قلبج انا
ميرووه : حمووود متى بتيي خلااص طفرت
محمد: إنشااءالله بعد كمن اسبووووووع
مييرووه: كاني كنا
محمد: فديتك انا
ميروووه: أحبك انا
محمد: ابا اعرس بج انا<< لووول
ميرووه:هههههههههههههههه
محمد : فديت هالضحكه انا
ميرووه: حموود حبيبي ادرس وشد حيلك انزيين
محمد : إنشااءالله من عنووني فديتج بخخلييج ألحيين لاني بسيير اتعشى سي يوو
ميرووه : سي يووو احبك اموااااااااحه
محمد : مع السلاامه امواااااااااحتيين

إذا عيبكم بنزل البااارت الثااني __DEFINE_LIKE_SHARE__

°•.شامسيهـ وصلاويهـ.•° · 10-25-2008, 03:31 PM

تسلمين ع الطرح

القصه طر

نقرب البارت الياي لا تطولين الغلا

تقبلي مروري

__DEFINE_LIKE_SHARE__

~~" ما ينحنيـ راسيـ "~~ · 10-28-2008, 02:22 PM

مشكورة ع الطرح والقصة لول روعة __DEFINE_LIKE_SHARE__

مجنني بحبه · 10-31-2008, 02:50 PM

القصهــ رووووووووووووووووووعهــ ....

تسلمين يااا الغااليهـــ ...
نتريااا الباااااارت لا تبطين علينااا .... __DEFINE_LIKE_SHARE__

» βỊη άℓ đόόŁα « · 10-31-2008, 03:16 PM

تسلمي اختى ع القصه وربي يعطيج الف عافيه

ولا تحرمينا من طرحج المميز __DEFINE_LIKE_SHARE__

المواضيع المتشابهه
الموضوع	كاتب الموضوع	المنتدى	مشاركات	آخر مشاركة
هلا ياللي غيابك متعب حــالي ..~	›• غَنٍجَ اڷشاُمً ‹•	الشعر المنقول	13	03-07-2010 11:34 PM
يـديـد الـفـنـان.. أحـمـد الـهـرمـي ( مشتاق لك موت ياللي طول غيابك )	تحبني ومعذبني	نغمــات للهــواتف	86	03-28-2009 04:37 AM
๑ في غيابك الناس ماتت وانته الباقي ๑	س™	الشيوخ و رؤساء الدول	17	09-08-2008 05:56 PM
تصميمي ... { مشــتاق لك موت ياللي طول غيابك }	الـــرزيـــن	تصاميم الاعضاء	47	09-01-2008 05:03 PM