˚؛◦ஐاشعلت في القلب ولاعـهஐ ˚؛◦ - الصفحة 18

+[ حكومة قلبي ]+ · 07-16-2011, 06:54 PM

انتظروني قريباا

˚؛◦ஐاشعلت في القلب ولاعـهஐ ˚؛◦

__DEFINE_LIKE_SHARE__

^غايه^ · 07-19-2011, 12:35 PM

يعطيج العافيه اختي... و عسى ربي يوفقج و يسهل أمورج ^^..

و مبروك التخرج الغلااا .. __DEFINE_LIKE_SHARE__

+[ حكومة قلبي ]+ · 07-19-2011, 02:15 PM

الله يعافيج ان شاء الله
وياج ربي يوفقج الجميع ان شاء الله

الله يبارك ف حياتج حبوبه عقبالج __DEFINE_LIKE_SHARE__

+[ حكومة قلبي ]+ · 07-19-2011, 04:15 PM

Part 9

الميث : غايووه انتي يلسي ولا تتحركين بروحج ميهوده
غايه: لا عادي ماعليه بسوي السلطات انا
فونها يرن

غايه : عليكم السلام هلا بابا .. الميث وابويه عليج بابا قالت امممف عليج

غايه طلعت لسانها : وطحنون يدوخ ورا المطبخ ويسمعهم
بو شهاب: هلا حبيبتي شحالج شو صحتج قالولي ميهوده
غايه: الحمد الله الحين اهون عن قبل بس الصداع يسير ويرد

بوشهاب:زين الحمد الله .. مسكينه امج بعد ضاربنها ويع ف ظهرها وهب طايعه تسير الدختر
غايه : ليش اصلا ماما دومها عنيده خلاص بابا مر عليه اليوم انا بقنعها لانه عاطينها موعد ولاده الاسبوع الياي

بوشهاب: ماعليه عندي شغل خلاف بمر عليج ولا برمس شهاب يمر عليج امايه تنشد عنه بعد مافينا ع زعلها
غايه : ههههه هي بابا خل شهاب ايي توه راشد يا ولد عمي مايد امبونها زعلانه من شافته نست كل شي

فطامي استانست ..
بوشهاب : ياميه هذا واجب لو ف الاسبوع مره انتو قطعتوهم بسبب امتحاناتكم لكن الحين فاضين لو تباتون كل ويكند ماعندي مانع
غايه: ان شاء الله بابا تعرفني يوم افضى اقولك ودني ع العموم بابا انا ف المطبخ امايه قالت انزهب الغدا و سلم ع ماما وايد وبوسها عني .. اموااااااح احبك باباتي

بوشهاب : ان شاء الله حبيبتي تغدي عدل ورتاحي طوووطووط

غايه : يالله ماعرف ليش جي اففففف

الميث: بلاج وارمه ..توج تتدعين بابا وماما خل تسمعج امايه
غايه: ههههه لا بس يوم يسكرون مايقولون باي سيده يبندون ف الويه
الميث : ههههههههههههه هي والله

غايه كانت تسوي سلطه بالروب و سوت سلطه جرجير وحطت فيها جبن وسوت فته والبشاكير يساعدنها
اما الميث تحطط ف الصحون روب و اجار وتقطع بصل وفلفل ورويد ... تعرفون الشباب لازم ع الغدا هالاشياء
اما سلامه تغسل الفواكه وفطامي اختها تقص اليح

...

راشد: هوووود هووود
سلامه : حوووو صبر .. بلاك جذه بنات هنه

راشد: شو عرفني المهم تعالي شوي اباج ف سالفه
سلامه : امر
راشد: بخصوص اليازيه ابا اعرف شو السالفه
سلامه: تبا شور اختك الي تحبك وتخاف عليك ..
راشد: هي اكيد.. منو لي غيرج يعتي
سلامه : عليها سوالف مالها اول ولا تالي ف اتمنى انك ترمس ابويه وتقوله يرمس ابوها ان ماشي نصيب ولا رمس امايه..راشد لمصلحتك مب لاني مادانيها لانك بتعيش وياها ونحن مانتنزل اناسب هذي الاشكال

راشد: ها ليش شو مستوي ..
سلامه : بلا ليش وهالاسئله
راشد: خلاص ان شاء الله .. الله لايحرمني منج ياسلامي وباسها ع راسها وحضنته

رن فونه.. سلامه : والله ماترد عليها

راشد: هذا شهاب.. مرحبا حي الله القاطع
شهاب: الله يحيييك بوسنيده شحالك علك بخير اسمحلي والله وايد ضاغطين عليه عطوني اجازه اسبوع وانا خاري
راشد: ياينك .. ع الخط مايد.. هلا ميود
مايد: اهلين وينك انته
راشد: انا ف المزرعه انته وينك
مايد: انا ف بيتنا عقب شوي بيييكم مشغول شويه .. منو عندكم ..؟

راشد:اها زين .. طحنون وشهاب اممم بعدني ماشفت حد لين الحين .. يطلع ف ويه طحنون

مايد: اها اوكي سلم انا يايينكم خلاف إلى القاء عزيزي

راشد: باي.. صدق اهبل

طحنون: الله حيهم
راشد: حييييك ويتخاشمون ><

اليد: اميه سلامه قومي فديتج ازقريهم
سلامه : انشاء الله.. غايو سيري المطبخ هاتي لبن وماي وبارد

...

شهاب: هود هود
اليد: هدا هدا.. مرحبا بالغالي

ويحب يده ع راسه شحالك ابويه علك بخير تولهت عليك
اليد: بخير فديتك.. بروحك قاطع ماتتنشد عن حد
شهاب: اسمحلي والله ضاغطين عليه والحين عاطيني اجازه اسبوع وقلت بيييكم
اليد: شحالها امك شو ماربت ولا بعدها
دخلت يدته: وحبها ويلسوو
شهاب : لابعدها بس تعبانه شوي
اليده : الله يسهل عليها..
اليد وشهاب : امين

البنات تغدوو ع الطاوله والريايل تحت بس شوي بعيد

شهاب سار يغسل ايده جاف فطامي صوب المغاسل

استحت ونزلت راسها

شهاب: شحالج فطامي
فطامي: بخير شحالك انته
شهاب: يوم انج بخير انا بخير.. زعلان منج انا وايد
فطامي: ليش شو سويت انا
شهاب: ماتسألين عني ماتدخلين المسن الحين
فطامي: كنت مشغوله بـ الامتحانات
شهاب الله يوفقج: بتسيرين صف كم
فطامي : ثاني ثنوي
شهاب: يالله باقي سنتين وبتفتكين ان شاء الله
فطامي : ان شاء الله .. وانته خلصت دوره
شهاب : لاا وين انا الحين عندي اجازه اسبوع وبرد اسافر لندن عندي دوره شهرين وبرد

فطامي نزلت دمعتها وروحت

لو كان عندي شور بحط ممنوع
محضور ماتطلع حدود الامارات
احس من فرقاك في خافقي روع
ياسيدي من عقبكم كيف بابات
معلوم ان البعد والقرب مشروع
عند الملا في حزة الصيف عادات
لكن قلبي من المعاليق منزوع
واحس في صدري من الضيق شدات

شهاب فديت دمعتها يالله كيف اموت فيها بحاول ارمسها ب الفون
اممم يعني عقب سنتين بكون 22 سنه وهي بتكون مخلصه يالسلام .. يبالي ارمس يدي من الحين

طبعا شهاب اخو غايه ماشاء الله عليه حلو وايد طويل اطول عن ابوه ووسيم لا ابيض ابيض ولا اسمر يعشق الرياضه وهو مدرب رياضه ف المعسكر

وهي حلوه بعد.. قصيره توصل تحت صدره

طحنون وراشد وشهاب ومايد واليد يالسين يسولفون ودخل عليهم احمد الي هو ابو شهاب

والبنات مع بعض

غايه يتها الحاله ورد راسها يعورها تمت مغمضه عينها وقفت وردت يلست كانت بتطيح

فطامي:غاييو بلاج

غايه: احس بدوخه
فطامي: انزين ارتاحي شوي سارت تيب لها ماي

شهاب كان يشرب اورنامين وجافها: اممم شو تبين .. هو واقف جدام الثلاجه
فطامي: ابا ماي حق غايو
شهاب: وليش غايو ماتروم تيب لعمرها
فطامي: تعبانه
شهاب يعرف انه اخته دوم تتعب: شو بلاها
فطامي: تتشكا من راسها
خذت ماي وسارت

شهاب سار الميلس

بو شهاب يسولف ويا اليد وياقطعهم
شهاب: السموحه منكم
اليد: ها ابويه بتروح
شهاب: لا ابويه بس بودي غايه الدختر .. طحنون فز قلبه
اليد وبو شهاب : بلاها
شهاب: اشوفها وايد تتعب
دخلت اليده: مامن شر ابويه بلاكم
حبها ع راسها : الشر مايييج امايه بس بودي غايه بشوف شو سبب هالويع الي ايييها
اليده: زين تسوي هب زين الاهمال الواحد يتابع صحته سير ازقرها
طحنون توه بيطلع.. اليد : سير ازقر بنت عمك

طحنون: ان شاءلله

طحنون قلبه يدق: غايه
غايه لبييه: هلا
طحنون حس من شكلها تعبانه: عمي احمد يباج
غايه : بابا هني
طحنون: هيه
غايه : ان شاء الله
طحنون فخاطره فديت الي يسمع الرمسه

__DEFINE_LIKE_SHARE__

+[ حكومة قلبي ]+ · 07-19-2011, 06:58 PM

Part 10

ف بيت بو سلطان

ام سلطان: وديمه شو بلاج اميه مصفره جذه وضعفانه
وديمه : مادري عموه ضاربتني دوخه وشماسي دوم تسهرني هب طايعه ترقد تصيح من الويع توه يضرهن ضروسها
ام سلطان : يعينج الله عيل جان وديتيها الدختر
وديمه :وديتها وعطوها ادويه عسب بطنها بعد والحما
ام سلطان شلت شماسي تمت تلاعبها ودخل عليها سلطان

حب راس امه ويلس عدال حرمته: شخباهم الحلوين
وديمه: الحمد الله
ام سلطان شلت شماسي وسارت تبا تخليهم بروحهم
سلطان : شو فيج ماماتي شو يعورج هب طبيعيه
وديمه: مادري حبيبي احس بتعب يمكن لاني مارقد واسهر وايد ويا شماسي
سلطان : قومي غناتي بوديج الدختر
وديمه : لابابا مايحتاي برقد الحين وبصبح بخير
سلطان شلها ووداها الحجره ولبسها عباتها وسارو المستشفى

ف بيت موزه ام خليفه ترمس ام سعيد ف الفون: محبا الغاليه فديتج اسمحيلي كنت مشغوله شوي
ام سعيد: ماعليه فديتج امريني
ام خليفه:مايامر عليج عدو ولا ظالم بغيت اخطب ريم ل خليفه
ام سعيد: والله مابنحصل حد احسن عنكم وبدون ماتقول شي ماعندنا مانع

ويدخل طحنون ويحبها ع راسها
ها امايه : شو بلاها الحلوه مبتسمه دوم ان شاء الله
ام خليفه: خطبت لخوك وعقبالك ان شاء الله
طحنون: خطبتيله منو هذي سعيدة الحظ
ام خليفة: خطبت له بنت ربيعتيه
طحنون: وهو يدري ولا
ام خليفه: شو يخصه هو ماله شور

دخل خليفه وسلم عليهم
خليفه: بلاكم
طحنون: ماشي يلا بسير ارقد

خليفه ياي بيسير زقرته امه
ام خليفه: حليفه ابويه تعال شوي
خليفه:هلا امايا شو بغيتي فديتج
ام خليفه: الغالي انا وسكتت ..بس من داخلها فرح ونفس الوقت مرنبكه
خليفه: امايه شو فيج ارمسيي فيج شي
ام خليفه: يابويه انا خطبت لك والملجه الاسبوع الياي
خليفه: شووو امايه منو قالج ابا اعرس ليش ماشاورتيني
ام خليفه: كلمتي وحده ورمستهم واتفقنا ع كل شي والبنت ماعندها مانع
خليفه: بس .. قاطعته لابس ولا شي انا بتكفل بكل شي لاتخسر مررره من جيبك انته ولدي وانا بفرح فيك رمست العمال بيحطون لك ورق جدران وباخذ لك اثاث يديد اليوم اختار الالوان بس مابا اسمع ولا كلمه قوم سير تعشى وحد راسك وارقد ورانا شغل باجر
خليفه منصدم من الكلام الي سمعه يحس انه الدنيا ادور به

بيت موزه فوق 5 غرف واكبر غرفه غرفة امه بتعدلها وبتعطيها خليفه لانه فيها صاله وكل شي وعدالها مطبخ تحضيري وغرفة ملابس وهي بتنزل تحت والغرفه الثانيه بترتبها لطحنون وبتفتحها مع بعض

..

ام سعيد: ريم تعالي حبيبتي
ريم يلست عدال امها وسعيد توه داخل
ام سعيد: سمعي حبيبتي ياج خطيب وانا وافقت والملجه الاسبوع الياي
سعيد: بس امايه ماخذيتي شورها
ريم بدت دموعها تنزل:مابا اعرس بعدني صغيره ليش امايه ليش
ام سعيد : ابا افرح فيكم منو لي غيركم عقب ابوكم انا رديت ع الحرمه ماروم ارفض لها طلب هذي الغاليه
ريم سارت غرفتها
سعيد: ومنو هذا الي خاطبنها
ام سعيد:خليفه ولد موزه حرمة المرحوم ربيع ابوك .. خليفه
سعيد: والله والنعم فيه ريال ماشاء الله اخلاق ماعليه رمسه انا برمسها ماعليج امايه ربيع ربيعي هو
ام سعيد: قوم سير رمس اختك اقنعها مابا اتفشل جدام الحرمه

..

سعيد يدق الباي ع اخته
دخل عيلها شافها تصيح
سعيد: ريم ماما هذي سنة الحياه وهذا نصيبج صدقيني انا مابرضى ازوجج واحد ماعرف ولا شي ولا ف هذا السن الريال بيحطج ف عينه وبيعوضج عن كل شي
اعرفه عدل حنون وقلبه طيب ع ابوه الله يرحمه صدقيني احس انه هذا الريال المناسب الي بيسعدج وبيصونج
ريم:بس انا مابا اعرس انا مرتاحه جي
سعيد:لين متى يا حبيبي لين متى قوليلي ها قولي ماتبين تفرحين امج ماتبين تيبين ولد وتسمينه ع ابوي وتفرحين امايه
ريم: امبلا بس ماعرف
سعيد: انا بقولج صلي استخاره وخبريني انزين يلا تصبحين ع خير فديتج
..

شهاب يالس يحاتي اخته خايف يطلع لها شي ف راسها ولا ..
شهاب: اعوذ بالله منك يابليس
غايه: شهاب يلا نسير
شهاب : لحظه .. ودخل عند الدكتور

شهاب : هلا دكتور طمني عليها
الدكتور : مافيها شي بس لازم تاكل منيح وتتغذى الدم نازل عندها وعملت لها اشعه لكن الحمد الله مافيها اشي اما الصداع احتمال يكون صداع نثفي
شهاب : الحمد الله وهذا شو
الدكتور:صداع يجي لنصف الراس له مسكن لازم تبتعد عن الازعاج والاضواء القويه هيدي ادويه كتبتلها على كل علبه
شهاب: تسلم مع السلامه

غايه: حشى هذا كله دوا
شهاب يوم بتهتمين بعمرج وتاكلين مابيصيبج شي
غايه: يقول وزني نازل ودمي نازل اففف
شهاب:كم بعد وصل احيده 50
غايه: لااااا الحين 44.5
شهاب: عافان الله مجاعه
غايه: جبببب ههههههههه __DEFINE_LIKE_SHARE__

المواضيع المتشابهه
الموضوع	كاتب الموضوع	المنتدى	مشاركات	آخر مشاركة
˚ஐ˚◦ شبّهـًت عـًوٌد المُوًز شًروًاه ياًلليً رًبَا وسًطً البًسًاتيًنً ◦˚ஐ˚	مزيون بوظبي	التراث والحضارة	19	07-03-2010 01:53 AM
ஐ˚◦ ๑ ◦˚ஐ مبروووووك الزواج ஐ˚◦ ๑ ◦˚ஐ	محروم.كوم	منتدى أخبار المواقع والمنتديات العربية والأجنبية	0	05-27-2010 03:20 AM
ஐ˚◦ ๑ ◦˚ஐ مبروووووك الزواج ஐ˚◦ ๑ ◦˚ஐ	محروم.كوم	منتدى أخبار المواقع والمنتديات العربية والأجنبية	0	05-27-2010 03:10 AM
إهداء :: لـبـنـت :: سويزلاند ::ஐ˚◦ احـ ـلىَُ وأرَوع صورَُ لـِ سَويزلانـدَُ ˚ஐ˚◦	♕ وليد الجسمي ♕	سفر وسياحة	24	01-21-2009 07:19 PM
◦˚ஐ˚◦ خليط الحبر ◦˚ஐ˚◦	جدم التحيه جدامك فجراويه	الإستراحه العامة	12	07-25-2008 01:40 PM