˚؛◦ஐاشعلت في القلب ولاعـهஐ ˚؛◦ - الصفحة 16

+[ حكومة قلبي ]+ · 07-27-2010, 04:16 PM

المشاركة الأصلية كتبت بواسطة عيناوية وأفتخر

روووعه البااارت

كملي القصه

بس بليز لا تتأخرين ^^

يعظيج الف عافية

ولا تحرمينا من يديدج ^_^

انتي الاروع حبوبه

ان شالله افا عليج بس

بشوف المشاركات محد يشارك من جذه تأخرت وايد

وسالفة مرضي

السموحه منج __DEFINE_LIKE_SHARE__

رشفة وفا · 07-29-2010, 05:12 AM

مرحباااااااااااا
كشخة البارت خويتي

يلا نتريا الباجي
لا تغيبين وايد ترا الاحداث تفتقدنا خخخخخخخخخخخ
نتريا الباااااارت خويتي __DEFINE_LIKE_SHARE__

+[ حكومة قلبي ]+ · 08-02-2010, 11:00 PM

تسلمين ع المرور

ان شاء الله __DEFINE_LIKE_SHARE__

+[ حكومة قلبي ]+ · 08-05-2010, 06:27 PM

part 8

طحنون ف الموتر يتسمع اغاني
وقطع عليه الاتصال رقم غريب
طحنون : الو
: الوووه
طحنون : هلا منو
:
طحنون : الوو منو
: طوط طوط

طحنون رد اتصل
: الو
طحنون : اختي عن الاستهبال وماله داعي يعني
: اويه طحنون بلاك
طحنون : وتعرفين اسمي بعد
سلامه : انا سلامي شو فيك هههه
طحنون : اووه هلا سلامي شو غيريتي رقمج
سلامه : ههه اهلين لا هب رقمي ماعندي رصيد
بس حبيت اقولك امايه تقول هات بارد وكراتين ماي
طحنون : اها ان شالله جي 10 دقايق وبيي الا بتخبرج رشود وينه ماله حس قاطع مستوي؟!
سلامه : مادله والله بتصل به عقب شوي
طحنون : خلاص عيل قولي لمايه انا ياي اتريووني لاتتغدون
سلامه : اوكي فمان الله
طحنون: ربي يحفظج

اكـيـد رقـم غايه هــذا
يـاربي فديتها انــــا
تم حفظ الرقم
ايــــــــها ياغــايه شو سويـتـي فيـه

عرفت قبل لاتعرف عليك..رسمتك في خيالي حلم غالي
قبل عيني تشوفك والتقيك..احبك ياخيالن في خيالي
انا شفتك وشفت الحب فيك.. وكنه الي ماضالي ما مضالي
احبك واندفع لك واهتويك..نعم اموت فيم ولا ابالي
اذا قلبي بنبضاته نسيك..عيوني بالمحبه لك تخالي
يضيج من الهوا صدري واجيك ..ويصرخ هاجسي فوق احتمالي

YouTube - ‫ظ…ظٹط*ط¯ ط*ظ…ط¯-ط¹ط±ظپطھظƒ -ط¹ط§ط´ظ‚ط© ط¹ظ„ط§ط،ط³ط¹ط¯‬&lrm;

راشد : السلام عليكم
سلامه : وعليكم السلام شحالك my broo
راشد : بخير ربي يسلمج ..وينج انتي مختفيه
سلامه : دوم ياربي .. والله موجوده انا ف المزرعه ويا قوم يدي
راشد : اها اباج ترمسين اليازيه لو ماعندج مانع
سلامه : شووو تباني ارمس منو ؟
راشد: اعتقد سمعتي
سلامه : تخسي الا هي تباني ارمسها شو تحيدني هاااا
راشد : ليش .. سلامه شو فيج شو الي خلاج تقولين تخسي..
.. راشد وايد اوكي ويا سلامه وهي تعرف اليازيه اكثر عنه

سلامه : تعال المزرعه وبقولك
راشد : ياربي دقايق وبيي
سلامه : اترياك عيل
سلامه: هي صح طحنون بيي يتغدا هنه تعال ايلس وياه تغدو ظربه
راشد : خلاص انزين يــاي فمان الله
سلامه : ربي يحفظك

راشد ياربي شو الي خلاها جي تقوول عن اليازيه

رن فونه وهي تتصل

راشد يفكر ارد عليها ولا لا

راشد : الوو
اليازيه : هلا حياتو
راشد: اهلين
اليازيه: شخبارك حبيبي
راشد: بخير وسهاله انتي شحالج
اليازيه : دوم ياربي امم بخير
راشد: اسمع صدعه عندج
اليازيه: ها لا ماشي بس انا ف المول ويا ربيعاتي
راشد: شووو سرتي المول وليش ماقلتيلي
اليازيه: نسيت والله كنت بقولك بس انشغلت شوي
راشد : اها جي يعني خلاص برمسج عقب باي
اليازيه: ليش
راشد: اعتقد سمعتي شو قلت صح ولا لاااااااااااااااااا
اليازيه : هد اعصابك لاتصارخ عليه هب ياهل عندك
راشد: سكر ف ويهااا ... اففف محد بيمرضني غيرها

اليازيه: اويه
ربيعتها : شو فيج فاجه ثمج
اليازيه سكر الفون ف ويهي
ربيعتها : افا ليش .. فخاطرها تقول احس الي تسوين فيه هب شوي
اليازيه : ماعرف اول مره يسكر ف ويهي >>خله يولي الف غيره

انسير صوب موزه ام خليفه وطحنون ووديمه <؛ اذكركم .. ههه

امايه امايييه
موزه ام خليفه : عونج امايه
وديمه : حبتها ع راسها وعقبها سلطان حبها ع راسها
سلطان : شحالج عموه
موزه ام خليفه: بخير ربي يسلمك فديتك شحالك انته شحال امك وابوك
سلطان : عله مديم فديتج والله كلهم بخير مايشكون باس
موزه : الحمد الله .. عيل امايه ميلسه ف العزبه
سلطان : هي هههه ويا شيبتها حليلهم يستانسون ف العزبه وعندهم ختيه سلامه والبنات
موزه : فديت امايه والله متولهه عليها لكن وين روحي تعبانه ولا بسير ايلس عندها
وديمه : فديتج امايه اجر وعافيه .. الا امايه ماقلتيلي شو عن البنت الي بتخطبينها ل خليفه
سلطان: منو بتخطبوله
موزه: ويدي سلطان نسيت
سلطان : لاعمو بس ذكريني
موزه: البنت الي قلتلي عنها خطبيله
وديمه : شووو انته قلتلها
سلطان : هييييي صح انزين البنت اتناسبه

وديمه : شو اشوفك تتطالع بنات ووتتنقى لخويه شو عرفك انها تناسبها منو هذي امايه
موزه : صـــــــــ ولا كلمه شو الرمسه بعد شاورني فديته وقالي خطبيها لخليفه ترا خليفه مثل خوه شو هالرمسه بعد امفففففف عليج
وديمه:
سلطان : قرصها .. حبيبي انا ماشوف غيرج انتي حبيبي وبس بخبرج السالفه من انكون ارواحنا
وديمه انززين
موزه: شماسي الغاليه فديتها والله...الصغاريه يخوزوون الضيج امررره عنك
سلطان: هي فديتها والله مونستنا
موزه:يلا عيل هاتولنا ولد
وديمه :لا امايه ماروم وحده وتعبانه عليها وااااايد
سلطان: ان شالله عمو ماطلبتي

بيت عبد العزيز

ام عبد العزيز اتزهب الغدا
وبو عبد العزيز يطالع الاخبار

حدر عليهم مايد

مايد: السلااااااااااااااااااااام عليكم
ام عبدالعزيز:خسك الله روعتني زين ماطاح عن يديه الصحن

بو عبد العزيز: وا فديت الي تروع انا استويلج صحن
مايد: هههههههههههههههه والله تنفعون تمثلون ف فلم تركي يمدحونه
بوعبدالعزيز: تستهبل انته
مايد : حبه ع راسه شحالك الوالد علك بخير
بو عبد العزيز: والله الحمد الله شحالك انته
مايد: والله بخير يابويه اتصلو فيه قوم امايه فطيم يبوني اتغدا عندهم لكن اتعذرت امايه حاطه ف خاطرها من متى ماتغديت ف البيت
بوعبد العزيز:فديت خاطرها والله شعنه تخلي غناة الروح تزعل ها ماتستحي انته تزعل حبيبتي
مايد:هههههه وابوووووي انا شو بعد هالرمسه لا عاد الوالد انا اغار جي شو خليت لعيالكزعلت انا
بوعبد العزيز: ههههه ويا راسك تتدلع حرمتك بدلعك وبتسويلك الي تباه شو بعد
مايد: جان زين عندي حرمه ابا اعرس
امااااااااااااااااااااااايه ابا اعرس خطبولي
بوعبدالعزيز: لاتصارخ تروعها روحه قلبها مايستزيد
مايد: امايه تعالي ولدج ميهود
ام عبدالعزيز: بسم الله عليك حبيبي شو تانس
مايد: قلبي يامايه قلبي
ام عبدالعزيز: ماعليك شر مافيك شي الحمدالله قومو يلا الغدا زاهب سير ازقر اخوانك
مايد يصارخ : عليااااااااااااااااااااااا شمااااااااااااااااااااااا هزااااااااااااااااااااااااااااع حان وقت الغداا حسب التوقيت المحلي لبيت بو عزوززززززززززززززززز

بوعبدالعزيز: بس بسسسسسسسس صمختلنا اذونا حشا اعقل تبا تعرس اعقل
مايد: ان شالله هع..

صوب المزرعه

طحنون وصل وينزل الاغراض صوب المطبخ ووايد اكياس ف ايده

غايه ف المطبخ بس هو ما انتبه لها

غايه: طحنون
طحنون صد صوبها استانس انها نطقت اسمه

طحنون : عونج
غايه : عانك الرب
طحنون: امري بغيتي شي
غايه: لا سلامتك بس حبيت اساعدك
طحنون: لاماعليه اروم اشله
غايه سوت له طاف وسارت تشل البارد من الدبه
طحنون ياربي فديتها نفاعه هب وديمه اقوللها شلي شي برطمت

غايه: طحنون في شي بعد ولا بس
طحنون : لا ماشي مشكوره ع الخدمه تعبناج
غايه :العفو لاتعب ولا شي يلاعيل بسير
طحنون: ربي يحفظج

راح راح براح روحي صاحب الوجه الصبوحي
لجل عين الي احبه غني يالورد الصدوحي
غني غني ياحمايم لاتخلي الشوق نايم
مع ذعاذيع النسايم حركي وجدي ونوحي

اليده فطيم تتحرطم ويا البشاكير

غايه : امايه لاتعصبين فديتج وحبتها ع راسها امريني شو بغيتي
اليده فطيم: فديتج امايه بتخبل انا من هالبشاكير عنبو الساعه ثلاث الا ربع وهب مزهبين السماط.. سفرة الاكل.. جي شو بتغدا العصر ولا شووو

غايه: لاتعصبين انا وسلامي والميث بنزهب الغدا انتي سيري ارتاحي
راشد هود هود
اليده هدا

اليده فطيم : مرحبا ابويه راشد
راشد: هي امايه راشد
اليده فطيم: يالله يابويه ماتقول بسلم ع امي بنشد عن حالها
راشد نزل راسه السموحه امايه اوعدج اني اييج واسلم عليج كله ولا زعلج امايه اهم شي رضاج
اليده فطيم دموعها تنزل ماشفت راشد من فتره

راشد: امواااااااح ع راسج واليوم بتغدا عندج ولا تزعلين
اليده فطيم : فديتك ي
الغالي الاكل مسواي لك امرره .. اتحب راشد لانه مسمينه ع ابوها .. انته الغالي انته ابويه
راشد: فديتج امايه عيل ابويه وينه
اليده: مادله جنه ف الدرب ياي ساروو يصلون من يظهر من المسيد يسير عند الشواب ويتيلس وياهم لين وقت الغدا

ويدخل عليهم اليد هزاع وطحنون

راشد: السلام عليك ابويه
اليد هزاع: عليك السلام والرحمه حي الله بوسنيده القاطع
راشد: السموحه منك ابويه شحالك شو صحتك
طحنون وراشد >< يتخاشمون

اليد : بخير وسهاله عايشيين
راشد: الله يعطيك الصحه والعافيه يابويه
طحنون : اسميك انك قاطع
راشد : انته بعد روحها امايه زعلانه
اليد : دومها زعلانه صح فطيم
كلهم ههههههه
اليده: شعنه ما ازعل عيالي هذيل اتوله عليهم

طحنون : فديتج امايه لاتغارين هزاع بيعصب خلاف منو بينفعج
اليده: هزاع اصغر عيال
اليد : هههه بعدني شباب من جذه يقولي هزاع يصغرني ههههه
راشد: فديتك يدي سوالف
اليده: لاتتفداه
طحنون : شو امايه تغارين
اليده :جي مااغار ريلي حلالي بو عيالي
راشد : ياويل حالي انا
طحنون: هذا الحب ولا بلاش
اليده شو بلاش بعد ريلي احبه حلالي

طحنون : ماقلت شي يدوه اطري هذا الحب الحقيقي جي قصدي

اليد: ايها يافطيم اتسمعي

http://www.4shared.com/audio/fEx_9IyT/__-____.htm

لـي حبيـب آحبـه بـروحـه دون سبـه يزعـل بروحـه !!

كنـه إلاّ يـريـد تعذيـبـي !!يا عسى روحي فـدى روحـه

بس حسافه وكسرة الخاطـر !!ما طرى له في الهـوى خاطـر

وان طلبتـه يجبـر الخـاطـرقال : نهرك !! ذوقه ملوحه !!

حيـث لنـي متـيـم بحـبـه ولا جبرني حب غيـر حبـه !!

وليت حبنـي مثلمـا آحبـه !! وانطبع اسمـي وسـط لوحـه

شل معلاق الحشـا وشطـه !!واستفاد الغيـر مـن شطـه !!

ورغم انـي ساكـن بشطـه !!ضامينْ كني علـى سيوحـه !!

نازل ( بميناء الحشا ) راسي !! والـوداده خاضـعٍ راسـي !!

ودامه إلاّ ( تاج ع راسـي !! ) من ؟! يعق التاج !! ويتوحه !!

اليده فطيم :

كــــــــــــــــــــــــــتـ __DEFINE_LIKE_SHARE__

+[ حكومة قلبي ]+ · 08-06-2010, 10:43 PM

[align=center]
مابكمل البارت ماشوف حد يرد

تقرون الا جذه اسمحولي
[/align] __DEFINE_LIKE_SHARE__

المواضيع المتشابهه
الموضوع	كاتب الموضوع	المنتدى	مشاركات	آخر مشاركة
˚ஐ˚◦ شبّهـًت عـًوٌد المُوًز شًروًاه ياًلليً رًبَا وسًطً البًسًاتيًنً ◦˚ஐ˚	مزيون بوظبي	التراث والحضارة	19	07-03-2010 01:53 AM
ஐ˚◦ ๑ ◦˚ஐ مبروووووك الزواج ஐ˚◦ ๑ ◦˚ஐ	محروم.كوم	منتدى أخبار المواقع والمنتديات العربية والأجنبية	0	05-27-2010 03:20 AM
ஐ˚◦ ๑ ◦˚ஐ مبروووووك الزواج ஐ˚◦ ๑ ◦˚ஐ	محروم.كوم	منتدى أخبار المواقع والمنتديات العربية والأجنبية	0	05-27-2010 03:10 AM
إهداء :: لـبـنـت :: سويزلاند ::ஐ˚◦ احـ ـلىَُ وأرَوع صورَُ لـِ سَويزلانـدَُ ˚ஐ˚◦	♕ وليد الجسمي ♕	سفر وسياحة	24	01-21-2009 07:19 PM
◦˚ஐ˚◦ خليط الحبر ◦˚ஐ˚◦	جدم التحيه جدامك فجراويه	الإستراحه العامة	12	07-25-2008 01:40 PM