§»يا قلب«§

داعمة قطوة · #1 03-03-2008, 03:31 PM

ها البارت الاول

..الجزء الاول..

..يا قلب وين اتروح عني معاهم يا قلب مالك في المجف في نبر بوح تعلن عن العصيان و تتبع خطاهم ما كنهم قبل امس خلوك مذبوح..

اتعرفون ليش انا اخترت هاي البداية بالذات؟؟..

..تابعو القصة و بتعرفون السبب..

>>و بعد هاي الليلة الغريبة نشت ميروه و هي نص راقدة و نص واعية كيف جذة ما ادري..نشت ع صوت البشكارة اتواعيها عسب انها اتسير المدرسة..

ميروه:يااااربييييييييية مابا انش مابا انش خليني ارقد

كومارو:مييييرااا انتي في لازم قوم عصان انتي في روح مدرصاااه ولد أأم مال انتي اليوم في ييجي حق انتي في مدرصااه

ميروه نشت بسرعة:هااااه!!اي ولد عم؟؟؟؟؟

كومارو:صلطان منو قيرة<<قيرة ولا سكانة هاهاها

ميروه:هييييه انا من 7 اشهور مب شايفتنة

..و يلست اتفكر بس صوت كومارو المزعج خرب عليها..

كومارو:يلا يلا قوم قوم

ميروه و هي لااايعه جبدها و في خاطرها اتشل كومارو و اتفرها من فوق البيت..<<خيبة مجرمة

ميروه:اووووووووففففففففف انزيييييييين انزيييييييين بنننش بنش

..و بعد ما نشت سارت اتلبست و اتكشخت..<<خيبة عرس عرس

..و بعد ما لبست نزلت و سلمت ع امها و حمدانوة<اخوها((ميروه الرابعة و عندها 3 اخوان و اختين اسم اخوها العود هزاع و عمرة 24 و هو يدرس برع..و الثاني محمد و عمرة 19 و هو ثاني سنة جامعة<<بعد سنتين و بيفتك..و حمدان 18 و هو اول سنة جامعة<<يحليله متعذب هع..و بعدهم ميروه هي 17 سنة و هي صف ثالث ثنوي..و بعدها مريم هي قد ميروه في العمر بس اصغر منها في المرحلة و هي معرسة و بعدهم كلهم..ميثا و عمرها 13 و هي صف سابع<<يحليلها توها اعدادية لول))

ميروه و هي نازلة:صباح النور و الياسمين و العنبر و النرجس و الفل

خالوة:صباح النور و السرور

حمدانوة:اصبحنا و اصبح الملك لله الواحد القهار

ميروه:هاهاها نوت فاني آآت اوول

حمدانوة:ههههه مثقفة الاخت ههههههه

ميروه:بعد ما يضحك

خالوة:بس بس تونا ناشين

ميروه سارت و باست راس امها:انا آسفة امايه السموحة منج والله هذا حمدانوة الدب الي بدا

حمدانوة:يااا الشلقا انا رشيق و معضل و بنات الشامخة متخبلات عليه<<اصلاً ما تمت بنية في بوظبي و ما اتعرف عليها

خالوة:ها مياري بتتريقين؟؟

ميروه:لا امايه فقدت الشهية

حمدانوة:اوف انا بسير تامريني بحاية امااايه<<علا ع صوتة يوم قال امايه نذل والله

خالوة:لا فديتك بس اتحمل ع عمرك

حمدانوة:انشاااء الله يلا ميروه بباي ماي سيس

ميروه:بباي ماي برو

..توة يتضاربون و الحين شحلاتهم والله هاييلة مخبل..

ميروه:يلا امايه انا بعد اخليج

خالوة:اتحملي ع عمرج الغالية و ترا رشود بيمر عليج اليوم

ميروه:هااااه ليش؟؟كومارو الغبية قالت ان سلطان بيمر عليه

خالوة:لا لا هاي مخرفة لان الدريول مشغول و هو اصلاً بيي بيتنا اليوم و حتى سلطون بيي

ميروه:اها اوكي خلاص بباي^^"

خالوة:مع السلامة

..و طلعت ميروه و في راسها الف شي و شي و سارت و ركبت السيارة و هم طالعين من البيت سارت و سلمت ع البودي غاردات الي هم حمد-احمد-عبدالله-جاسم -محمد-سالم..

..و يوم وصلت المدرسة قابلت شلتها الي تتكون من ميمي-سلامي-ودوم-فطوم-ستروبري-توتة-نونو و يلسو يسولفن لين ما دق جرس الحصة الاولى<<بدت اللوعة و مرن حصتين و استوت الحصة الثالثة..

الحصة الثالثة قبل لا يخلص الدوام بـ 3 دقايق و 10 ثواني و بعد ما شلو الاوراق من البنات<<حشا حاسبة الوقت

ميروه:اوففففففففف

ميمي:بلاج انتي اليوم كله تتأففين؟؟

ميروه:مقهورة

ميمي:افا!ليش؟

ميروه:اول شي لان رشود بيمر علينا و ثاني شي لان هو و سلطون اليوم بيون بيتنا

ميمي:هااااااااه ميروه لا تتمصخرين قولي والله؟؟

ميروه:والله><"

ميمي:الله يعينا اليوم شكلنا ما بنتهنى

ميروه:ميمي حياتي الله يخليج اسكتي عنا

..و جان جهنم آآآ اقصد ابلتهم اترز ابويها..

احياء و اموات<<هاي ابلة الاحيا:ميرا الشامسي و ميرا النعيمي عن ايش بتحكو؟

ميروه:هاه لا ابلة ولا شي بس عيبنا لبسج اليوم من يون شارتنة؟؟<<صيييييووووووووطااااخ البنات يبون يضحكون بس ميودات عمارهن مب من شي من خرط ميروه ع الابلة

احياء و اموات:من مول الامارات.عن جد؟

ميروه:هيه ابلة

احياء و اموات:ما بيهم هادا الحكي دلوأتي يلا سيبونا بنحكي عن الفصل التاني<<من قالت المعلمة جذة البنات لاعت جبودهم خاصة ميروه و ميمي

ميروه و هي اتساسر ميمي:اونه من مول الامارات اشكرة من سوق اليمعة

ميمي:هههه اشك الصراحة ههههه

ميروه+ميمي:ههههههههه<<بصوت عااالي

احياء و اموات:طب انتو ليه قايين المدرسييه دام انكو بتخربو ع البنات يلا عند الاخصائية اودامي

ميروه:لا لا ابلة آخر مرة

ميمي:الله يخليج ابلة

..و جان يرن الجرس..

احياء و اموات:هادي المرة فريتو بس المرة التانيية حأوريكو كيف بتتعاملو معاي في الحصة

..و طلعن البنات..

ميروه:اوف جهنم تاكلها

جان نص بنات الصف يرفعن ايدينهم:ياااارب الله يسمع منج

ميروه:هه والله انتو....

مريم:شو تقصدين بـ....

ميروه:ما اقصد شي يلا بنات نظهر عن يطيح البوكس اهنيه

..و طلعت ميروه و شلتها من الصف..

..و تمن يسولفن و ميروه خبرتهم بالسالفة و جذة خلص الفصل الاول من الدراسة بعد الحش و النقير ويا بنات المدرسة هههههعععع..

..و خلص الدوام بدون اي شي مهم..

..و ميمي و ميروه يتريون رشود ايي و يشلهم..

ميروه:والله ها متفيج الحين يتأخر حر موت طلع اخس عن راعي الدكان

ميمي:اوففففففف ميروه انا ميتة من الحر بننشوي يا بوج

..و جان اتدش رنج سبورت سودة 2008 سوبر جارج و من المخفي ما يبين شي..

..و نزل الولد الجامة و يلس يزقر ميروه و ميمي و هم مب مستوعبات السالفة و يحاولون يعرفون منو ها..

..تتوقعون منو ها الولد؟؟

..و شو بيكون موقف ميروه و ميمي منة؟؟

..و شو بيستوي من احداث و من مواقف يوم سلطان و راشد بيسيرون بيت قم ميروه؟؟

..و ها كله في البارت الياي.. __DEFINE_LIKE_SHARE__