أنا وأنت ، وسما بوظبي تجمعنا / بقلمي - الصفحة 21

عاشقة زماني · 02-24-2014, 03:18 PM

واصلي الغالية __DEFINE_LIKE_SHARE__

عناد بوظبي · 02-25-2014, 05:49 PM

مشكورين ع الردود و التفآعل و السموحـه من الجميع لأني انشغغلت وآيد وماقدرت انزل البآرت
وان شاءالله بنزله احين ، واسمحولي مره ثانيه لأني مآظن آقدر ارد ع تعليقآتكم ، بحاول ارد عليهم فأقرب وقت ..

ومنورين ، آتمنى إنكم تعذروني ، بحكم الظروف ! __DEFINE_LIKE_SHARE__

عناد بوظبي · 02-25-2014, 06:09 PM

البــــارت الثــــاني عشـــر

\
/
\
/
\
/
\

"فالسيـاره مع خلـوف - طبعـًا غصبـًا عني "
خليفه : شفيج خايفه هههه ؟
ندى : جـب ..
خليفه : ههه ريلاكس شفيج ..
ندى : أوفف ياخي اسرع شوي ابي أوصل بسـرعه ..
خليفه : لهالدرجه ؟
ندي"قاطعته" : ايي ايي لهالدرجه ، يالله دوسـه خل نوصل .. !
خليفه : " .. زآد من سـرعته لين مآوصلوآ البيت "
" ندى نزلت من السيآره وصكت البآب بأقوى ماعندها"
خليفه : بـل جلعتي الباب .. !
ندى : أحسسسن "ومشت مسـرعه نحـو الفيلآ .. ودخلت كالعاده لقت زينب فويهها "
زينب : ماشاءالله مع منو رآده ..
ندى : هه مع البوي فريند مآلي ! "وهي تقول فداخلها ، مع منو يعني أوف "
زينب : طالعـه ع امج بعد لازم ، مابتطلعين غير عنها ..
ندى " طوفت لـ زينب ورآحت غرفتها بدلت و تسبحت و صلـت ، وعقب قعدت تجيك ع فونها "

" رن فـونها "
ندى : ألـو ؟
.. : هلا نيدو ..
ندى : منـو ؟
.. : ماعرففتيني شو ؟
ندى : أوه علآييه صح ؟
عليا : علييج ننور ..
ندى : ههه من وين يبتي رقمي ..
عليا : من سآرووه ..
ندى : انتوآ مب متضآربين .. ؟
عليا : لالا ، خليت ربيعتي تكلمها وجي ..
ندى : اهـا .. زين اخبارج علايه ؟
عليا : تممام وانتي ؟
ندى : الحمدلله .. إلا أقولج شصآر ع الموضوع اليوم ؟ فصلوكم ؟
عليا : اييي بنت اللذين فصلتنننا 3 أيــام ..
ندى : شيت كل ها عشان ضرآبه ..
عليا : أقولج كانت بتفصلنا اسبوع بس أبويه كلمها ..
ندى : أمبييه .. والله اسسفه وايد ..
عليا : لا عادي والله ماحصل شي .. واصلن وناسه إجازه رسميه هههه ..
ندى : طع هذي .. وبتخليني برووحي ؟
عليا : أوه صـح .. همم زين امشيي مع ربيعتي ..
ندى : اي ربيعه ؟
عليا : اللي قعدتي مككانها اليوم ، لان كآنت غآيبه ..
ندى : أوكك خل اتداوم بآجر. .
عليا : افا عليج احين بكلمها ، زين نيدو عطيني بن كودج ..
ندى : أوك بدزلج إياه فمسج ..
عليا : أوك نيدو آترياج ..
ندى : أوكيك يالله بيبآي ..

ندى " وسكرت عنها ،طرشتلها بن كودي وضآفتني ع طول .. كـان نك نيمها ( علوش ) > بس بالإنجليزي .. ~ اما انا تعرفونه نكي صح ؟ نيدو .. بس بالانجليزي .. المهمم علوش كآنت محطيـه صورتها دي بي ، يعني شعرها بدون ويهها "

ندى"كتبتلها" : ولكمم .. افا ليش محطيه صورتج ؟
عليا"كتبت" : أوه ، تبيني ااغيرها ؟
ندى "كتبتلها" : لا قصدي ماتخافين حد ينشرها ولا شي ؟
عليا"كتبت" : همم لا اصلن ماضيف إلا اللي كلوز وياهم ..
ندى"كتبتلها" : زين حتى لو ، هالشي مايسمحلج إنج تحطين صورتج ..
عليا"كتبت" : زيين سوري بغيرها ..
ندى"إكتفيت بـ فيس مبتسم "

" قعدنا نسـولف لين السآعـه 8 ، سمعت صووت آبويـه يدخل البيت فـ كتبتلها برب و رحت لـه طيرآن اتشكى من الدريول "

بورآشد : زيين ليش مآيآج الدريول ؟
ندى : مممادري يبآ " لآزم تزيد بهارات" تخييل تميت فالسكول لين السآعـه 7 >خرط ..
بورآشد"بخوف" : حبييبتيي نندى وممننو خذآج ؟
ندى : يبا تخييل خليفه يـآ ويبيني اركب معاه عقب الللي سواه هاك اليوم ولـه عين بعد"وسوت عمرها تصيح بدلع" ..
زينب"يايه من بعيد" : يمما منج يالنسسـره !
ندى"تكمل" : يبببا تخيل إنه تم يهددني طول الطريج . . أصلن كنت تعبانه وأصيح لأن تحريت ان محد بيي يشلني .. يبا لو ماتببوني بروح عند عمي ، اصلن خلاص بروح عنده انتوا ماتبوني ..
بورآشد : يمما حبيبتي ياندى ماعليه انا اراويج فالدريول اححين ولاتزعلين ..
ندى : وو خليفففه بعد ..
بورآشد : منن عيوني ..
ندى : يببا حتى حرمتك "زينب ع طول اتطالعت ندى تبي تخوفها بس ندى كملت" حرمتتك قعدت تصآرخ علييي و قالتلي روحي غرفتج ومابيج تطلعين منها لين مايي ابوج ، وغلطت ع امي بعد وقالت إنها ماتبيني وو بتفرني فالشارع ..
زينب : انننا ؟ بسسم اللله علي يالجذذابه انتيي ..
ندى :يبا انا ماجذب .. !!!!
بورآشد "إلتفت لـ حرمته" : بنتي مآتجذب يآ زنوب .. ! "وإلتفت لـ ندى" يما حبيبيتي انتي احين روحي فووق وانا بتفاهم معاهم ..
ندى : لا يبا ابي اسير المكتبه اشتريلي دفآترر !
بورآشد : زين صبري أول بهزب الدريول ع بال ماتروحين تبدلين ..
ندى : ان شاء الله ، مشكور يبا "وباسته ع راسـه " يبا لاتنسى تهزب خلوف ، وو حرمتك ..
بورآشد : إن شاءالله يابنتي ، حقج مابيضيع دامي موجود !
ندى \ " رححت فوق و مفتخره بـ تمثيلي وخرطي هه ! استاهل جآئزه الأوسكـار الصرآحه بس هممم ماييون إلا بالعين الحمره .. انا اراويكم يا زنوب و خلوف بدت الحرب بينا يـا أنا يا أنتوآ !! - بدلت ثيآبي لبست عباه مسكره بدون نقش أو اي شي ، بس ككانت ايدها وآسعه وقطعتها حرير .. و رحت لـ غرفه ميره وسيف -تراهم فـ نفس الغرفه - كـانوا نايمين فـ ماحبيت أزعجهم .. خلاص بتوكل ع الله وبروح بروحي .. "

- فالسيـاره ، دقيت لـ ساره وسألتها عن احسن مكتبـه فـ بوظبي لأني مادل شي ، وطبعـًا اخوها كان حذالها يتسمـع .. فـ قآلتلي أروح مكتـبه جرير اللي فالميـنا قالتلي هنـاك يبيعـون كل شي .. -

" وصصلت للمجمع اللي فالمينا -ماعرف شو اسمه- ، نززلنـي الدريول عند الباب الرئيسي .. دخلت المجمـع قعدت أمشي لين مـالقيت المكتبـه جدآمي .. كـانت زحمـه نوعـًا مـا ،، يعني فيهـا بنـات وشبآب .. قعدت أحوس لين مآلقيت الـ notebooks اللي ابيهم اشتريتلي كمن وآحد حق كل الموآد وبعدهـا جذبني سكشن الروآيات .. كآن عندههم وآيد روآيات مع إني مب من عشـاق الروآيات بس جذبني الشي .. قعدت أمشي بينهم واتصفح الروايات اللي كنت انجذب لـ عنوآنهم .. أو حتى صورت الغلاف .. فـ من وجهه نظري اللي يجذبني فالروايات الغلاف والعنوآن ! أهم عنصرين ..اخترتلي كمن روآيه وبعدها شفت وآحد مد لـي روآيه ، الروآيه المشهوره(أحببتك أكثر مما ينبغي) ، رفعت رآسي عشآن آشوف الشخص .. كآن حمدان بإبتسآمته ، كان لابس شورت جينز وتي شيرت ستآربكس ..وكآب آخضر -نفس لون شعار ستآربكس- كنت آتفحصه بعيني لين مآقطع علي وقآل "
حمدآن : أنصحج تقرين هالروآيه ..
ندى"آستحيت لأنه مآدلي الروآيه بإيده وانا سآحبه عليه فـ خذتها بخجل وقلت " : إن شآء الله ..
حمدان : همم انتي تحبين الروآيات ؟
ندى : أأ ، لآ .. بس شكلي بقضي أوقات فرآغي فيهم عشان مآحتك فـ مرت ابوي ..
حمدان : أحسلج .. زين تعاليي الجهه الثاني شي روآيات أحلى ..
ندى "مشيت ورآه وقعدت اختآر وهو معآي .. "
حمدآن : هذذي بعد شكلها حلـوه ..
ندى : لآ غلافها كئيب !
حمدان : هههه ماعليج من الصوره ..
ندى : لالا شوفلي غيرها ..
حمدان : تدرين انا أحب الروآيات وآيد ..
ندى :"وهي تتصفح إحدى الروآيات وتقلب فالصفحآت " صج ؟
حمدان : إيي من زمان وانا اقرآ ..
ندى : همم شو الحلو فيهم ؟
حمدان : آمم كيف افهمج ؟ يعني يوم تقرين تحسين إنج فـ جو ثآني وعآلم ثاني .. تحسين إنج تعيشين وياهم لحظـه بـ لحظه .. حتى مآتحسين بالوقت وانتي تقرين ..
ندى : شكلي ببدأ أجرب ..
حمدان : وانا شكلي ببدأ اكتب ..
ندى : أننت ؟ تكتب روآيه ؟ "وضحكت وعقب كملت " عن شو ؟
حمدان"حط عينه بعينها وقال " : عنـي انا وانتي !
ندى"بلعت ريجها" : اناا وانت ؟ " ع اساس نحن عايشين قصه حب ؟ "
حمدان : شفيج ؟ مب احين بكتب .. تعرفين ليش ؟
ندى"بفضول" : ليش ؟
حمدان"إبتسم وقال" : لأن مآكتملت الروآيه ! ومآبي روآيتي يكون فيها اجزآء نآقصه !
ندى: زين يوم بتكتمل خلني البطله ! "وآبتسمت بخجل"
حمدآن: من عيوني ! زين يالله ماخلصتي !
ندى : إمبلا احين بحآسب وبطلع ..
حمدآن"مدلها اغراضها اللي كان مآسكنهم عنهـا وقآل" : زين تحملي بعمرج وو آنآ بروح عشآن مآسببلج الحرج .. وو عن حد يشوفنآ ويفهمها غلط !
ندى"وانا ناقصه حد يشك بأخلاقي ؟" : أوك ..
" خلصت و طلعت ولقيت الدريول يترياني ، طبعـًا ماتكلم ولا قالي شي مع إني تأخرت وايد ! شكله خآيف لأن ابوي هآزبنه هههه .. المهم رديت بيتنا و قعدت آقرآ الروآيات وطبعـًا بديت فـ اللي حمدان عطاني اياها -احببتك اكثر مما ينبغي- "
ندى : -كانت الروآيه مجرد احداث .. يعني تذكرلنا مواقف ورآ بعض مما خلاني أتملل - .. آه ، اشك إن روآية حمدان بتطلع أحلى عن هذي بوآيد .. *اعتذر من كآتبه الروايه بس هذا رايي الشخصي ومآقصد اي شي ثاني* .. " حطيت الكتب فـ إحدى الأدراج … وبعدها طحت ع ظهري ع السرير وقعدت اتطآلع سقف الغرفه و تهت بـ افكآري لين مآقطع علي صوت مسج . . نقزت ورحت لـ فوني اللي كان ع الجرج .. كآن المسج من رقم غريب "

050*** : - نص المسج-

رفعي رآسج للسمآ وشوفي نجومها ..
ركزي نظرج و تأملي كيف حآلها ..
وخلي النظر على شبيهج قمرها ..
ياللي وسط الظلآم والحشآ ينيرها ..
لا يغرج كبر السمآ وسوآدها ..
اللي يهم إنها تجمع الحبيبه وحبيبها ! \ بقلمي

- وكآن مكتوب فـ نهايه الرسآله / حمدآن -

"ندى إحممرت وردت عليه بمسج "

أنا مآني بحبيبتك يآحمدآن ..

لاتمثل دور العاشق الولهان ..
اسمحلي ترآ شكلك غلطـان ..
أو يمكن تطآلع السمـا وحيران ..
تبي تكمله لرآويه جنـآن !

وتبيني أعطييك فكره ؟
أو حآدث يكون ذكره ؟
أو حتى موآقف حلـوه ؟
عشان تبدأ بالروآيه بكره ! \ بقلمي

- حمدآن إنصدم منها .. مآتوقع إنها نفسه تعرف تكتب .. فـ طرشلها -

حمدان : ههه صح لسآنج خلاص لا تتكلمين بالاشعآر .. بس صدقيني يا ندى كل مآشوف السمآ اتذكرج واستآنس إنج رجعتي من دبي .. احس إنج قريبه وايد ..
ندى" رديت عليه وعآد كنت فالبلكونه وآقفه أتأمل السمآ" : صح بدنك ياحمدآن ! حتى انا مرآت احس نفس الشي .. ويوم اتطالع السمآ وجي !!
حمدان : شفتي كيف ؟ سمآنا وحده .. شعور جميل .. أنا وآنتي وسمآ بوظبي تجمعنا ..
ندى : هههه صح لسانك يالشاعر ..
حمدان :تتحرينها قصيده شو هههه .. زين يالخبله تصبحين ع خير يالله نامي وراج مدرسه !
ندى "تتطالع الساعه ، مع إنها كانت تبي تحقق مع حمدان من وين يايب رقمها و إلخ بس استعيلت و ردت بـ " : وانت من اهله ..

" اليـوم الثآنـي ، " ~

ندى " كالعـاده قمت متأخخر ! توضيت وصليت ع السريع وعقبها لبست قميصي ومريولي و حبيت آغير تسريحتي ! فـ سويت ذيل حصآن حآولت أرفعه قدر المستطآع لأن شعور يعور يوم أقعد و انسى إن شعري طويل فـ اقعد عليه ! أي يععور .. حتى يوم أرفعه للأأسف مآشي فايده لانه طويل بس أحلى علي يوم أخليه جي ذيل حصآن ! المهم ربطت شعري ونزلت قصتي *القذله* وحطيتلي جحآل آسود .. وقلوز وردي .. وبعدها نزلت لـ غرفـة الطعآم "
ندى : صبباح الخيـر ..
بورآشد : صباح النور حبيبتي .. قممر مآشآءالله ..
ندى : "نزلت رآسي بخجل ورديت" طالعه على أبوي ..
بورآشد"بآسها ع رآسها" : فديتها انا بنت ابوهـا .. يالله باباتي مآشي وققت ..
ندى" شليت ويآي كوب كرك وو كروسون-ع اساس أكلهم فالطريج- .. وطلعت لإتجاه السيآره طبعًا الدريول يترياني شفت فـ طريجي خلوف ، اتطالعني بنظره ورديت عليه بنظره تحدي .. وبعدها ركبت السيآره .. "

ندى : أقولك عبدالجليل ، لاتتأخر عليي . . تعال قبل لا يخلص الدوآم بنص سآعه ..
عبدالجليل : بـس مـاامـا زينـب ..
ندى"قاطعته" : لو ماييت ترا بخبر عليك بابا خل يفنشك ..
عبدالجليل: زين ماما ..

ندى " كملـت ريوقي .. وبعدها نزلت السكـول .. "

الاخصائيه : شرفتي الشيخه ندى ؟
ندى : إيي ليش شصآر ؟
الاخصائيه : لا ابد مآصآر شي بس طآفت حصتين وحضرتج توج واصله . .
ندى : زين أبله آسفه آخر مره ..
الاخصائيه : منو موصلنج .؟
ندى : الـ Driver
الاخصائيه : عشتوآ .. ! زين تعالي وقعي ع هالتعهد
ندى : تعهد عشـان تأخرت ؟
الاخصائيه : ليش تبين فصل ؟
ندى : بل بل .. لا خلاص بوقع التعهد ..
" ندى ؛ وققعوني ع تعهد و دقوآ ع ابوي وسالفه بس لأني تأخرررت حصتين !!!! عيل لو ييت فـ نص الدوآم شو بيسوون ؟ هه وفوق التعهد عطوني 5 نقآط سودآ .. > احس اني فالمرور ! المهم وعطوني ورقـه عسب اروح الكلاس "
ندى : خلاص ماشي بعد شي ثاني ؟
الاخصائيه : لا يآ حضرة جنآبج .. تقدرين تروحين ..
ندى : زين مع السلامه .. " ورحت للكلاس "

- دخلـت الكلآسْ ، كآنْ عَلينا "رِياضياتْ" مسْ كآثرين ، -

ندى : Good Morning ..
المس : Oh nada Good morning sweety why are u late ?
ندى : sorry i just came !
المس : Ok dear i will forgive u today but don't do it again .. u can go to ur seat
ندى : أوك ثآنكيو تيجر .. "ورحت لـ مكآني ،اللي هـو بجآنب ربيعة عليا اللي ماعرف شو آسمها حتى .. كآنت تشبـه عليا تقريبـًا يعني نفس الستآيل الشعر القصير المنتف بس شعرها كان أسود ونفس طريقة طويها لـ كم ايد القميص و نفففس الاسآور الرجآليه و ريحة العطر الرجآلي اللي كآنت تفوح منهـا *بس كآنت ريحته جميله!* - سحبت الكرسي وقعدت بعد ماتفحصتها وهي بعد كآنت تطالعني بتأمل "
.. : انتي ندى صـح ؟
ندى : ايي ، انت ربيعة عليا ؟ شـو آسمج .
.. : ايي انا ربيعتها .. اسمي .. رنا .. رنوي ..
ندى : عاشت الاسامي يآ رنا ..
رنا : عاشت ايامج ..
" ندى \ رنـا ، فيها وآيد من عليـا وحتتى فالدرآسه احسهم نفس الشي ! كانت شاده حيلها وتكتب وتحل مع المـس ، كـان هالشي ايجآبي خلاني انا بعد انتبه للمس ، فـ تميت أحل مسآئل وحاله وخلصت الحصه ويآ وقت البريك .. "
رنا "وقفت ورآحت لـ جهه ندى": بتمشين معآي صـح ؟
ندى : ايي .. "ووقفت ندى .. "
رنا"تطالع شعر ندى" : وآو مآشآءالله عليج شعرج طويل حييل ..
ندى"آحمرت" : ابيي اقصه بس مخلتنه لأن اميي جي شعرها ..
رنا : لاا شو تقصصينه خليه والله طرر ..
ندى : من ذوقج حبيبتي .. أصصلن بخليه جي ..
رنا : أحسسن والله يجنن .. ماشاء الله .. اححين البنآت كلهم بيقعدون يطآلعون شعرج ..
ندى : هههه امبيه خلاص برفعه ..
رنا : لالالا خلييه .. ماعليج منهم احسن جي تقهرينهم ..
ندى : هههه زيين .. يالله تععالي نتمشى " ورحنـا نحآوط فالسآحه"
رنا : مآتبين تشتريلج شي من الكانتين ؟
ندى : لا احسن البريك الثآني ..
رنا : همم زين امس عليوه عرفتج ع الشله ؟
ندى : لآ .. مادري يمكن سلمنا عليهم .. لان سسلمنا ع وايد بنات ..
رنا : وحده طويله شعرها نفس عموري .. و ثنتين توأم .. ووحده سمرا شوي ومسويه شعرها سبآيكي..
ندى : لآلآ مآذكر شفتهم ..
رنا : زين تععالي هم يقعدون فالكآنتين ..
"ندى \ ورحنـا للكآنتين .. كآنوآ قآعدين ع زآويه و حسيتهم ربشه كآنت وحده منهم تغني -هذيج الطويله- و البآقيات يصفقون ويطبلون - للعلم كلهم صف 12 اكبر عنا بسنتين.. "
امون"الطويله" : أووه رنووش .. وصصلت ..
"بنآت الشله إلتفتوآ لنـا وققآموا كلهم يوو سلموا ع رنا وحضنوها"
مريوم"وحده من التوأم" : ممابغيتي اتداومين يالكلبه ..
رنا : شسسوي تعآيززت ..
ريم"التوأم الثانيه" : وو اكيد عليوه غايبه ؟ كلبآت ما اتداومون ويا بعض كل مره وحده فيكم تغيب ..
رنا : هههه هذييج مفصووله .. مب بايديها ..
خلود"السمرآ" : شيت ليش شـ سوت هالمره ؟
رنا"اشرت ع ندى اللي واقفه معاها" : مآشي بس فزعـت لـ نيدو ..
" البنآتت اتطالعوآ ندى .. "
امون : ياويلي ع هالنيدو تعالي خل نسلم عليج . .!
ندى " آقتربت منهم وسلموآ علييها "
خلود : جنه اول مره نشوفها ؟
رنا : ايي صح ماعرفتكم ، هذي ندى الـ *** ..
مريم"شهقت": أووه والنعم والله ..
امون : حركات بعد وحده من قوم الـ ** فسكولنا ..
ريم : ايي والله منوره السكول ياقلبي ..
ندى"ابتسمت"
امون : قعدوا قعدوا ويانا بنطربكم ..
رنا : لآآ نيدو تستحي بعدها يديده هههه ..
امون"اتطالعت ندى" : تترانا مانعض والله .. قعدي لاتخآفين ..
ندى " قعدنا انا ورنا مع الشله وكآنوآ مستطربآت ومسوين جو فالكانتين .. "

سآره " رحت الكآنتين ويآ ربيعآتي عسب نشتريلنآ عصآيـر .. انصدمتتت يوم شفت ندى مع شلـة البويـآت .. ! يعني العاده البويات مآيمآشون الا بويات نفسهم -هالمعروف فـ مدرستنا- واحين ندى مرابعتنهم ؟ ندى ليكون بتصيرين وحده منهم ؟ .. مريت صوبهم بس ندى ما انتبهت لـي كآنت مستآنسه معاهم فـ طلعت من الكانتين وانا افككر فيها "

"عند المستطربـات اللي جآلبين الكانتين جلسات وناسه"
خلود : يالله صففقه .. صفقه ..
امون : طيني طيني ، طيني ورور ..

"الاخصآئيه يت من ورآهم "
الاخصآئيه : طييني فصصل انتي وياها !! يالله كللكم ع الادداااره .. !!!!!

" فـ مكتب الاخصآئيـه .. "

امون : بننات شفتوها كيف يوم قالت طيني فصل ..
خلود : ههههه هيي لحنتها بعد ..
ريم : حسييتها شوي وبتقوم ترقص ههههه ..
مريم : مآحسسيتوآ من زمان مادخلنا مكتبها المعففن ..
امون : ايييه والله ..
رنآ : ايي والله ههه ، دوم تخلينا لين مانخيس ..
امون : اييي والله حتى حفظنا مكتبهآ حفظظ ..
خلود : عاد الله والمكتب الله يخليج ههه غرفة يدتي احلى عنـه ..

- طبعـًا البنـات متعودآت ع الوضع فـ ضحك وعآدي اما ندى فـ كآنت شوي خآييفه -

امون : رنوش شفيها ربيعتج صآآخه ..
خلود : شكلها خآيفه ..
رنا : لالا "وإلتفت لـ ندى " ندى شفييج ؟
ندى : مماعرف ..
رنا : ترآ عادي ليكون خايفه من عيوز النآر هذي ؟
ندى : لالا .. بسس هي شو بتسسويلنا ؟
رنا : ماشي يَ قلبي بس بتعطينا اجازه رسمييه هههه ..
امون"صرخت" : بننات يت يت العيوز ..

" ووقفوآ كلهم أونهم مآسووآ شي وطبعًـأ النظره البريئه "

الاخصآئيه : وبعد مره ثانيه انتي ياندى !
امون : ترا نحن اللي كنا نغني مب ندى ..
خلود : ايي والله ندى حتى ماسمعنا صوتها ..
مريم : ولا حتى سمعنا صفقتها ..
ريم : ايي والله هي الوحييده اللي ماسوت شي ..

الاخصآئيه : وي بسم الله كلتوني !!! وبعدين هي ماعندها لسآن تتكلم ..
ريم : نحن لسـانها !
مريم : ايي والله ..
خلود : وي فدييتنا !
الاخصآئيه : صج قليلات ادب ..
ريم : حششآ ماقلنا شي .. !!
امون : عفان الله ع كل شي قليلات ادب ؟ اي شي نسويه يعني قلة ادب ..
الاخصآئيه : وترآددوني بعد ياللي ماتستحون ؟
رنا : انتي تسألين ونحن نجاوبب !
خلود"اضافت ع الجمله وقالتها بـ هبال" : طآل عمرج ..
امون"دقت خلود وهمستلها": ههه يالكلبه مب وقتـه ..
الاخصآئيه : الحمدلله والشكـر !! زين تعآلوآ وقعوآ .. وانتوآ كلكم فصل 3 ايآم واحين بنتصل ع اهاليكم ..
امون : بسس 3 اييام ؟ انا استانست اجازه واجازه ..
الاخصآئيه : آمنه ! مصختيها ترا ..
امون : آوف زين ماقلت شي ..
ريم"بصوت واطي" : حشى معسكر مب مدرسه ..
مريم : ايي والله ..
خلود : أهم شي انهم يوزعون اجازآت ع اي شي ههه ..
رنآ : وناسه بنلحقق عليوه ..
امون : شرآيكم باجر الصبح نطلع هههه ؟
خلود : ايي والله فكره ..

الاخصآئيه : انتوآ وببعدين معآكم ؟ شفييكم تتسآسرون !
خلود : مآشي مس نمدحج ..
الاخصآئيه"ابتسمت>صدقت الخبله"
خلود : وي حتى وهي تبتسم تجآعيدها مبينه ..
ريم : امانه ماتذكرج بـ يدتج ؟
خلود : هههه ايي والله ..

" وبعد مآوقعوآ البنـات سآروا الكلاس ياخذون شنطهم وبعدها قعدوآ فالرسبشن يتريون آهلهم .. "

امون : نندى تراج مانطقتي بـ ولا كلمه !
ندى : مآعرف شو اقول ..
خلود : نحن مخوفينج ؟ ترا لو خايفه من السبآيكي بنزله هههه ..
ندى : لالا هههه عادي . . بس مب متعوده ع الوضع ..
خلود : زين لحظه بسويلج جو .. "وبدت اتطبل ع الطآوله اللي جدامهم"
امون : آححم .. جييت وش جآآبك حبيبي ..
خلود : مننن بعد طول المغيبي ..
امون : من بعد ططول المغيبي ..
ريم : وييع ويع ..
مريم : يالمغغغبراات شهالاغنييه الجديمه..
رنا : شعرفهم هذيل .. خلود طبلي لحن ثاني ..
خلود " Dj ماشاء الله هههه "
رنا : صصوفي يأ صصوفي ..
مريم : لالالا الا هالاغنيه ..
امون : ايهي اذيتونا انتوا مب ويه اغاني ..
ندى : كح .. اغنيلكم ؟
امون : ياليت تطربينا بصوتج الذبوحي .. !
ندى " احمرت وسكتت"
خلود : زين جي سويتي فالبنت ؟ احين ولا بتتكلم .. !!!
رنا : هههه ندى حبيبتي غني ماعليج من امون هي جي تتغزل ف كل حد ..
امون : انتوا ايه بسكم خل البنت تغنى . .
ندى : ترا ماعرف اغاني خليجيه !
رنا : عادي عادي اي شي . .

ندى "كحت شوي عدلت صوتها وبدت تغني " :

- أغنيهOnly Hope -

There's a song that's inside of my soul.
It's the one that I've tried to write over and over again
I'm awake in the infinite cold.
But you sing to me over and over and over again.

So, I lay my head back down.
And I lift my hands and pray
To be only yours, I pray, to be only yours
I know now you're my only hope.

- هالمقطع الأول بس ^ -

ندى "سكتت واحمرت "
" البنات صفقوا لها وبدوا يصفرون "

امون : ياوييلي انا ..
ريم : مب كأني سامعه هالاغنيه من قبل ..
مريم : ايي حتى انا ..
" عقب مريم وريم صرخوآ مره وحده "
ريم : هذذذي هييي !
مرييم : اييي مال المسلسل الكوري Dream high ؟
ندى : ايي اوه حتى انتوا اتطالعون كوري ..
امون : ويي عاد احين شو يفكنا ، طلعت ندى من جماعتهم ..
ندى : هههه اي جماعه ؟
امون : قوم الككوري الله يعين ..
ريم : نندى تعرفين كوري ؟
مريم : زين شفتي مسلسل Boys over flowers ؟
ريم : وي وي ، تعرفين الممثل Kung hyun jong ؟
مريم : وآي وآي فديتهم .. تعرفين IU ؟
ندى "سآكته اتطالعهم مستغربه ! كيف انفجروآ عليها بالأسأله "
خلود : هههه ايييه خرعتوا البنيه مايسوا عليها ..
رنا : ندى ماعليج منهم خبايل سسويلهم طاف ..
مريم : ايييه حرام عليج رنوش خلننا نشوفها ..
ريم : نيدو يالله جاوبيي ..
ندى : هههههه ، ايي اعرفهم بس مآتابع وايد ربيعتي كانت تحبهم فـ كنت آطالع معاها ..
ريم : زين زين تعـرفيـ . .
خلود"قاطعتها" : رييمووه شش شش ، مابتوقفون قوم الكوري ..
رنا : ههه ايي واخرتها متخبلين ع واحد يشبه خدآمتنا ..
خلود&امون & رنا : هههههه ..
خلود : يبتييها صح ..
ريم : ايييه لاتطنزون حلوين ترا ..
خلود : حلوين عندج حبيبتي ..

أمون "صرخـت مره وحده وقالت بصوت عالي " : بننننات ششوفووا ها خللوف ربيع مهور .. " واشرت ع خليفه أخو ندى "
خلود : ايي واللله ها هووو ..
ريم : مممايستححي بعد ياي بـ قواة عين ! من عقب اللي صار آخر مره ..
مريم : مايتوب هذا ..
خلود : ولا بيتوب بعـد ، وآحد حقير مثل هذا وين بيتوب !! ؟
امون : وجع الله ياخذه !
" البنآت مآعدا ندى" : آممين !
رنا"إلتفتت لـ ندى اللي تغيرت ملامح ويها " : ندى شفيج ؟
ندى"بصوت متقطع" : هـ ـ ـذا ،
خلود : "قاطعتها" ليييكون تعرفففينه !؟
ندى"بحسره" : هذا أخوي ! ياخلود !
" البنآت بصوت وآحد وبصدمه" : أخخخوجج !!!
امون : لالا مستحيل اكيد تتمصخرين صح ؟
مريم : هههه لا وين هالاشكال بعيد عنكم حبيبتي انتي بنت الـ ** ولا نسيتي !
ريم : ايي والله قصوره ها بعد يطلع من قوم الـ *** ..

خليفه " شآفهم من بعيد ، كان ياي ياخذ ندى لأن الاداره دقوله - عسبت الفصل"
- البنآات * من شافوا خليفه إنتبه لهم وياي صوبهم ع طول كل وحده حطت شيلتها ع راسها *
خليفه "آقترب وصرخ ع ندى " : ننننندى !! ماتووقعتج تماشيين هالاشككال وانا اللي اتححراج محتررمـه !!! بس هيهات انتي وين والاحتترآم وين ولا عمرج بتعرفييينه !!!

نهــآيـــــــــــة البــــــارت الثاني عشـر . .
أتمنى أن ينـال إعجابكم . .
بإنتظار تعليقـاتكم و آرائكم و توقعـاتكم . . __DEFINE_LIKE_SHARE__

راقيه باسلوبي · 02-25-2014, 07:23 PM

البارت روعههههههه

بصراحهههه الله يعين ندى

نتريا البارت الياي __DEFINE_LIKE_SHARE__

راقيه باسلوبي · 02-26-2014, 04:13 PM

وينج طولتي فانتظار البارت الياي __DEFINE_LIKE_SHARE__

المواضيع المتشابهه
الموضوع	كاتب الموضوع	المنتدى	مشاركات	آخر مشاركة
روآيــة * ..تفدآگ ” عين تحبگ وأنت موجود ~ ويفدآگ [..♥قلب..] يذگرگ وأنت . غ`ـآيب``	Bora	قصص و روايات	254	07-05-2016 02:49 AM
كن حذراً :لاتأكل وأنت غاضب أو وأنت حزين	محروم.كوم	منتدى أخبار المواقع والمنتديات العربية والأجنبية	0	12-13-2011 04:11 AM
(( تفسير قوله تعالى : ( فَلا رَفَثَ وَلا فُسُوقَ وَلا جِدَالَ ف ))	ذيبہـة شّےـوِٱمِےـسًے	الإسلام والشريعة	13	11-10-2011 11:35 PM
مطلوب رقم بوظبي 9110 أو 9111 بوظبي	محروم.كوم	منتدى أخبار المواقع والمنتديات العربية والأجنبية	0	08-31-2010 12:10 PM
توقف المطر وموت الحيوانات وموت الطيور وزياده الأسعار وانهيار الأسهم وخسوف القمر.. وال	محروم.كوم	منتدى أخبار المواقع والمنتديات العربية والأجنبية	0	08-09-2009 11:40 AM