رواية اكشن:(ماهو العيب فيك العيب فيني؟؟يوم حبيك) - الصفحة 4

memowla · 02-02-2014, 04:22 PM

وووووووووووييييييييييييييييييينننننننننننننننننننن نننننننننننه __DEFINE_LIKE_SHARE__

دااانه غير · 02-02-2014, 04:56 PM

المشاركة الأصلية كتبت بواسطة memowla

وووووووووووييييييييييييييييييينننننننننننننننننننن نننننننننننه

حبيبتي من ججدددددددددد سووري كنت مشغوول الويكند ومااقدرت اكتب بكتب ان شاء الله خلال هذا الأسبوع يوم بخلصه على طوول بحطيه
__DEFINE_LIKE_SHARE__

memowla · 02-10-2014, 05:37 PM

حبيبتي ممكن تكملين الرواية لو فاضيه الحين بليز. __DEFINE_LIKE_SHARE__

دااانه غير · 02-10-2014, 06:12 PM

المشاركة الأصلية كتبت بواسطة memowla

حبيبتي ممكن تكملين الرواية لو فاضيه الحين بليز.

حبيبتي الساعه 8:30 بالظبط ولا أقل بنزل بارت انتظرني
سوووري واايد على تأخير عندي واايد امتحنات
اسمحلي __DEFINE_LIKE_SHARE__

دااانه غير · 02-10-2014, 06:52 PM

.
البارت 3
.
وصلت الشركه نزلت بهدوئها المعتاد والغرور باين على عيونها
دخلت وهي تمشي بغرور والكل يطالعها ابتسمت بطرف ورفعت عيونها وهي تشووف سكرتير المدير وااقف لأستقبالها
ميثة:السلام عليكم
السكرتير:وعليكم السلام
ميثة:انا الظابطه ميثة وين المدير خالد
السكرتير:تعالي ويايه
ميثة مشت وياه وهي ملاحظه نظرات الموظفين لها
وصلت له وبعد السلام
خالد:تعرفين اكيد خبرج مايد
ميثة:اكيد
خالد:الحين بيبدأ الإجتماع
ميثة:يلا
مشت هي وياه ودخلوا شافت الشرطيين واقفين ابتسمت لهم وهم ابتسموا لها وهم لابسين الزي الإماراتي
يلست ويلسوا يجهزوا كل شي
دخلوا الوفد ومدير الأعمال دخل بشموخه وابتسامته الخبيث اللي شافتها ميثة
قال:السلام عليكم
الكل رد السلام
ويلس وضيفه خالد وبدى الحوار عن الشغل وكيف وياه وألخ..........
ميثة اشرت انهم يبدؤوا العرض
بدؤو العرش وميثة قربت من مدير الأعمال (منصور)
مشت صوبه ويلست عداله وبدت تتدلع وهو مستانس بدون مايحس سحبت الأوراق اللي فيها الصفقه وعطتها المحامي اللي يعرف اذا الورقه مزوره ولا صحيح وكيف بيكسبون الصفقه
خذها وبدى يقرأ
وميثة بعدها تسوولف وتتدلع
شويه وأشر لها انها مزور
ميثة وقفت وسحبت بطريقه سريعه من جيبه المسدس وهي متأكد ماعنده سلاح يوقف ضدهم
اشتغلن الليتات
وقالت:أرفعوا ايادييكم
الكل مستغرب والشرطه طلعت المسدسات ومنصور خاف قال:تستغلني ياخالد
خالد ساكت ويطالعه ببرود
ميثة:هي يستغل يالمروج المخدرات جيمس
جيمس (منصور):نعم انا مب مروج مخدرات
ميثة:انت منتحل شخصية المشهور جميس فيلتون اكبر تاججر مخدرات والله انك ذكي
منصور:جلبه حقير خداعه
ميثة:تحسبني بكلامك بيأثر فيني لاء القوا عليه القبض ياشباب
الشرطه بدت تأخذهم وااحد ورى وااحد
ميثة راحت وياهم مركز الشرطه وبدلت ويلست وياهم
بدى التحقيق هي ورائد راشد
رائد راشد:منووو مديركم
منصور ساكت
راشد:منووو مديركم يالحيوان
ميثة:ممكن استاذ رااشد تطلع برع وانا احل الأموور
راشد:يعني تقوولي اني مااعرف لهم انتي الحرمه اللي ماتعرفين وانا الريال اللي اعرف
ميثة:ممكن تطلع انا مكلف بالمهمه فلا تخرب عليه
راشد طالعها بحقد وطالع منصور بشراره وطلع
ميثة يلست جدامه:منصوور منو مديركم؟؟؟
منصور ساكت
ميثة:منصور منو مديركم
منصور:ادواردوا
ميثة:اسمه الإماراتي اللي منتحل فيه شخصية ادواردوا
منصور سكت مره ثانية
ميثة:انزين انت تكون ربيع ادواردوو او تابعه انا مثل ماشفت ملفك ان ادواردوا دمر شركتك فعشان جي قررت انك تكون وياه
منصور:لا واايد وياه
ميثة:اها والحمول اللي توصلنا من بريطنيا هي هيروين صح
منصور سكت مره ثانيه
ميثة:كيفك لاترمس بيي مره ثانية وبرمسك
زقرت بصوت عالي:ياااشرطي
دخل الشرطي وشل منصور اللي يطالع ميثة بغضب مكبوت
ميثة زفرت ويلست تطالع فوق بهدوء:متى برتاح وبفتك من هذا الشغل واللي زاد الطين بله ان اختي تطلقت ومعاد لهم مكان يعيشووا فيه ولا اقدر اشتري شقه والشقق واايد غاليه يارب رحمتك
دخل الشرطي ضرب التاهيه لها وهي تطالعه
الشرطي:طال عمره يبغيج
ميثة:المدير
الشرطي:هي نعم
ميثة:تقدر تروح
الشرطي راح وميثة قامت ودخلت شافت خالد يالس ويا المدير
ميثة:السلام عليكم
خالد والمدير:وعليكم السلام
ميثة:بغتني طال عمرك
المدير:يلسي يابنتي
ميثة يلست
المدير يطالع خالد:تفظل
خالد ابتسم:يزيد فظلك وطالع ميثة والله ماادري شوو قوولج غير مشكووره واايد انج خلصتني من وااحد شرات جيمس وهو معروف بمكره... وانتي تستاهلين واايد مني بس هذي الهديه مني لج
ميثة:السموحه مااقبل هدية مصلحه انا هني عشان احمي وطني مب اخذ مصالح من غيري
خالد كبرت بعينه ابتسم:لا مب قصدي قصدي هذي علاوه من مركز الشرطه
ميثة مدت اييدها بتردد واخذتها
المدير ابتسم:ومكافأه على اللي سويتيه انا برقيج من ظابطه لين رائده (رائد)
ميثة بفرحه:والله
المدير:هي يابنتي
ميثة:مشكوور والله مشكور ومشكور استاذ خالد
خالد بأبتسامه:العفو ولوو انتي تستاهلين
ميثة بفرحه لايمكن توصفها:ممكن اطلع طال عمرك
المدير:تقدرين
ميثة طلعت بسرعه وهي طايره من الفرح والوناسه
راحت الفندق وهي تبي تخبر خواتها
ركضت ودخلت الغرفه بقووه مما ادى الا إفزاع كل اللي فالغرفه
ميره ومريوم بصراخ:بلااااااااااااااج
ميثة:ويهد لاتصرخون وبصراخ اكبر قووووووووولووووووووووو مبروووك
ميره ومريوم:مبروووووووووك
ميثة:ترقيت وحصلت على علاوه وااااااااااااااااااااااي ونااسه
ميره ومريووم بفرحه:ونااااااااااااااااااااااااسه
وقامو ينطوا ويرقصوا وميثة تهز ومستانسه
ميثة:على هذي الفرحه بنطلع اليوم من الفندق وبنروح شقه بستأجرها
مريم:هي احسن من هالفنادق اللي تييب المرض
ميثة:صدقج
رن فون ميثة برقم غريب
شافته وعقدت حواجبها استنتجت انه من المركز الشرطه
ردت:الووو
:الوو ميثة
ميثة بأستغراب:منوو
:ميثة انا علي
ميثة بملل:خير
علي:ميثة والله مب قصدي بس انا احبها واغار عليها
ميثة بهدوء:اسمعني عدل خلى الأموور شويه تتعدل بعدها برمسك بالموضوع
علي بهدوء اكثر:ان شاء الله
ميثة بندت وزفرت بهدوء وخواتها راحووا يرتبوا الأغراض
رتبوا وكل شي طلعوا من الفندق وتوجهوا للشقه
مشت لين الريال اللي تستأجر منه الشقه
ميثة:بجم هذي الشقه
:ب 150 الف
ميثة بتفكير:واذا اشتريتها
:ب300 الف
ابتسمت وهي عندها اكثر من هذا العدد:بشتريها
:اذا بتشترينها لازم تروحين للصاحب العماره وهذا صاحب العماره فشركته الحين
ميثة:اوكي عطني عنوانه
:خذي
راحوا البنات للشقه وميثة طلعت ووصتهم على نفسهم قبل ماتطلع
وصلت لشركه
ميثة:شركته هذي الله وايد احب هذي الشركه ومنتوجاتها
مشت والكل يطالعها بأستغراب والكل يدور فبالهم
(هل هي فتاة ام فتى)
وصلت طالعت سكرتيرته الشقرى
ميثة (وععع اكيد هذا حريمي وعع عليه)
جان تقول لها:المدير هني
السكرتيره:يب عندك موعد
ميثة:لاء بس بعطيه شي وبطلع
السكرتيره:اصبري برمسه وبخبرج اذا يأذن لج بدخول
ميثة:يااهي حاله
السكرتيره رمسته وقالت لميثة:تقدرين تدخلين بس خمس دقايق
ميثة:اوكي
ميثة دقت الباب ودخلت كان عاطينها ظهره ويدور فالأدراج
ميثة سكتت حتى سلام مااسلمت ماعرفت شوو تبدأ
قال:خلصني شوو تبغين
ميثة (هذا صوت مؤلووف لي منوو يربي)
الريال مل من سكوتها التفت لها
وهنا كانت الصدمه على الأثنين
ميثة بقرف:انت
الريال بصدمه وعصبية:انتي
ميثة:وييييييع كيف قدرت اييك ماادري
الريال:انتي ياللي ماتستحين يالي تعطيني نظرات
ميثة (والخيبه بطيحه على مصيبه) شلت بنفسها بتشرد
بس اييده كانت اسرع
الريال:لا لا ياحلوه ماابتروحي مكان لين مااتشربين شي وابتسم بخبث
ميثة:هد اييدي بعدك مااعرفتني عدل
الريال:ماابخليج اول اعتذري عن النظرات الوصخه وبعدين بخليج
ميثة بغرور:واللي خلقني والله مااعتزر
الريال:ترى بسووي شي لج بتندمين عليه
ميثة بثقه:جرب
الريال:انا حمدان ولد محمد ال........ انتي جي ترمسيني وليش ياي هني تبين وظيفه بعطيج بس ياحلوه تمتعين
مااحس الا بكف على ويهه
ميثة:الحمدالله اعرف ربي وانا ماوصخه لدرجه افر عمري عليك ياللي ماتسوى انا ييت اعطيك بيزاتك لأني بشتري الشقه
حمدان ابتسم بألم خفيف:حلال عليج بس انا براويج
ميثة رمقته بنظرت احتقار وطلعت من الشركه وهي تسبه وتلعن بوو سابع أسلافه على حقارته المعتاده
.
الشوق الحين بيبدأ
والحب الحين بسيطر اللعبه
لكن هل ستنتهي اللعبه بمجرد الحب
لا انتظروا
الأجزاء القادمه
.
تحياتي:دااانه غير
ابي أرائكم وتوقعاتكم
__DEFINE_LIKE_SHARE__

المواضيع المتشابهه
الموضوع	كاتب الموضوع	المنتدى	مشاركات	آخر مشاركة
و اللي يحبني؟ ما يبكيني ، مآ يزيد بخآطري الضيقهـ لو العيب فيني❤️	M7d shratii	مدونات ويوميات الاعضاء Blog	71	03-16-2014 08:48 PM
العجب العجب ما بين جمادى و رجب /حالة مناخية غير مسبوقه /امطار تاريخيه الاسبوع المقبل	محروم.كوم	منتدى أخبار المواقع والمنتديات العربية والأجنبية	0	04-22-2013 11:10 AM
العيب ماهو في الزمآن , العيب ف نفـــِوس البشر	Royal Ľ ♥ v ề ~	عدسة الاعضاء , كاميرا الاعضاء	8	09-12-2010 12:59 PM
للبيع العيب فيني وليس في الكاميرا هههههه	محروم.كوم	منتدى أخبار المواقع والمنتديات العربية والأجنبية	0	01-06-2010 04:20 PM
للبيع العيب فيني وليس في الكاميرا هههههه	محروم.كوم	منتدى أخبار المواقع والمنتديات العربية والأجنبية	0	01-06-2010 04:10 PM