المشاركة الأصلية كتبت بواسطة دااانه غير

	ههههههه حبيبتي تسلمين على الآراء الجميله انتي بعدج مااشفتي القصه الحقيقيه لاتستعجلي بالأموور شغل ميثة بويديها لدااهيه انا بنزل ان شاء الله يوم الخميس بارت طوويل وبحطي فيه أفكار ومع البراتات برووحج بتعرفين كل شي وميثة:مااتقدر توقف عن الشغل لأن محد بيصرف على خواتها غيرها وهي ماافسن القانوني عشان تحصل معاش تقاعد واذا تزوجت حمدان منووو بيشووف خواتها كووني دائمن بالقرب فديتج

	المشاركة الأصلية كتبت بواسطة يتيمة حبيبي

	هلا دانة .. شحالج .. بصراحه اهنيج على هالاسلوب والموهبة .. امممم احس ميثا بتحب حمدان عن خاطر بس حمدان بيكون بخدعها وبعد ماتتعلق فيه بيقولها انه كان ينتقم منها على الكف .. اتريا البارت الياي بفارغ الصبر .. اختج .. يتيمة حبيبي ..

مشكوووره واايد على المرور
يسدعني ردج
والله انتي اسلووبج الأحلى
يمكن يكون توقعاتج صح ويمكن لاء
ان شاء الله بنزل بارت خلال هالأسبوع
تحياتي لج:دااانه غير

.


البارت 4


.


قامت من الرقاد الفون ازعجها


:اووف انا قايل لهم اليوم ماابداوم طالعت الرقم


شافت (توأم روحي)


ابتسمت من تذكرها:ريووم وش بلاها متصله غريبه انقطعت اخبارها من سنين


بند الفون


جان تشله واتصلت


ردت ريوم:الوو


ميثة:هلا والله اووف ريووم متصل شوو طاري


ريم:ميثة ميثة وصاحت


ميثة بخوف وهي تيلس عدل:شوو فيج ريييم


ريم:مااقدر ارمسج فالفون ابي اتقابل وياج


ميثة:وين


ريم:الساعه 4:00 العصر فستار بوكس في دبي مول


ميثة:اوكي


ريم:باي ميثووه


ميثة:باي


وبندت


وتنهدت تخلص من السالفه تطلع لها سالفه ثانيه


تذكرت البارحه ابتسمت على طوول


دقايق


ووصلها مسج


(ياصباح النور والرزق الحلال


ياصباح فيه كل اللي تبي


~.~


ياجمال الصبح يامعنى الجمال


ياصلاة الله على وجه النبي


.~. صبحج الله بكل خير..)


ميثة ابتسمت وقالت وهي تتنهد:والله انك عشق ياحمدان بس وبذاكائها المعتاد هل هذا كله لعبه تلعبها عليه اما انك صدق تحبني كل بيبان مع الأيام وانا بطريقتي بعرف هل هو حبك حقيقي لي او انه لعبه انت لعبنها


قامت من مكانها وراحت الحمام تسبحت ولبست بنطلون جنز اسود وقميص طويل ابيض وفوقه جاكيت اسود ولبست الكاب وطلعت من الغرفه شافت مريوم تصيح وميروه عدالها وتهدي فيها


ميثة تنهدت من الخاطر اليوم المشاكل طايحه على رأسها


ميثة:شوو مستوي


مريوم:ميثة انا حامل حامل بولد علي وصاحت بقووه


ميثة بهدوء:وليش تصيحي وش فيه علي


مريوم:ميثة انتي تعرفين ان علي مابيخليني لين ماايخذ ولده وانا ماابي علي علي انسان فيه حاله نفسيه


ميثة بهدوء يلست وهي تفكر:مريوم انتي بترجعين لعلي


مريوم بصراخ:مااااااااااااااابي ارجع


ميثة بعصبيه:لاتصرخي وش ذنب الياهل يعيش ام وابوو منفصلين كيف نظرت الناس له انتي عاايبنج انا عاايشين فشقه بنات برووحهم عااااايشين فشقه الله يعلم وش بيصير بس الله يستر علينا انا مااطوول الحياه بدوم لكم انا وراي مهام انا احتمال اسافر برع الدوله عندي اشغال واايد انا لي حياتي الخاصه انا ابي اعيشها من دوون حواجز خلاص مريوم انا اللي بتصرف


طلعت بسرعه من البيت


وهي بقمت العصبيه وتحس الدموع تجمعن فعيونها وين ترووح وين بتسير


ركضت تحت وركبت السياره وهي مااتشووف شي تبي تموت تبي تفتك من هذي الحياه تبي تنسى كل اللي صار


وصلت للمقبر نزلت وطاحت على ركبها وهي تطالع المقبره


صرخت بكل الم:اااااااااااااااااااااااااااااااااااااااااااااا ااااا


وصاحت وهي تصاارخ:ياابوي انت خلتني فالهدنيا اتحمل روحين انا برووحي مب قادره اتحمل مسؤووليه نفسي كيف اقدر اتحمل مسؤوولية بنتين ياابوي انا مااعشت مثل أي انسانه ان انسانه تبي تقتل عمرها بأي طريقه انا الحين مااعرف اذا انا ولد ولا بنت اه ياابوي اه بس اقوول الله يرحمك


نزلت راسها ودموعها تنزل شرات الشلالات اللي عاشته مب شويه ماادرست مثل مااتبي ماعشت مثل ماتمنت لا اشتغلت بوظيفه متعبه تهدد للخطر


قامت بكل إنكسار مشت لسياره وركبت بهدوء وهي تطالع وتحس بتعب مسحت دموعها وشربت ماي وغسلت ويها مشت بالسياره


رن فونها شافت (حمدان)


طنشته وشلت الفون واتصلت لعلي


علي:الوو


ميثة:الوو هلا علي ابغيك تيي جميرا صوب البحر بسرعه اوكي


علي:اوكي


بندت وتوجهت صوب بحر جميرا


وصلت ونزلت ولبست نظاره عشان مايبين الدموع


مشت وراحت ويلست مالها الا دقايق تشووف


علي بهيبته وطويل لابس(كندوره بيضه أقطريه وغتره حمره ولابس ساعه مااركت ارماني) وهو يتلفت يدور عنها اشرت بأييدها ويا صوبها


علي:السلام عليكم


ميثة ببرود:وعليكم السلام


علي:شحالج ميثة


ميثة:بخير من صوبك


علي:الحمدالله تمام


ميثة:انا يبتك هني عشان ارمسك بموضوع مهم ياعلي


علي بخوف:وش فيها مريم


ميثة ابتسمت:ماافيها الا العافيه بس ودي اكلمك بخصوص موضوعها


علي:امري يابنتي عمي


ميثة:علي مريم حامل


علي منصدم ومستانس:حامل مريووم حامل


ميثة:هي ومريم راافضه العيش وياك لأنك شكاك بس بسألك علي انت فيك مرض نفسي


علي بهدوء:لاء اعاني من ظغووط نفسيه


ميثة:نصيحه مني خذ لك إجازه سافر برع الدوله روح لدكتور نفسي روح عن نفسك غير من شخصيتك غير من تعاملك روح شهر شهرين اللي تحب حرمتك بتكون عندي اذا انت صدق تحبها غير نفسك للأحسن سافر مكه والله احسن مكان بترتاح فيه بتناجي ربك والله يعطيك اللي فيه الخير لو مريم خير لك بترد لك ولو مريم شر لك ماابترد لك والله على كل شيء قدير


علي ابتسم:مشكووره واايد ياميثة على نصيحه وانا واايد احب اسمع نصايحج وانتي انسانه فاهمه وعاقله يابنت عمي انا حبيت اختج من زمان وللحين احبها ولو ماحبها مااكان اصيريت عليها


ميثثة ابتسمت:كلام حلوو وبنت عمك بترجع لك وبرضاها لأن قلبها بعده يحبك ونصيحه ثاانيه :لاتحكم على شي وانت مااعرف شوو هو سببه ويوم بتعرف ذيك سوى اللي تبيه اوكي


وووقفت


:والله يعطيك فيه الخير


وقف وابتسم:مشكوره واايد على نصايحج وان شاء الله ترد لي مريم وولدي


ميثة:ان شاء الله وبتحذير بس اذا صار شي يااعلي وخلى مريووم تتضايق انا اللي بسعى بتدميرك مب هي


علي:ان شاء الله


ميثة مشت ببرود وهدوء وعكس اللي فداخلها من راحه وفرحه انا بيي انسان يديد بيملي حيات اختها وريل اختها


ركبت السياره



وتوجهت صوب المول دخلت ودخلت المحلات ويلست تشتري لها بدل واشترت لها كم شووز وكم من بدله


وراحت تتغدى فالمطعم (ماكندونلز)


طلبت ويلست تأكل وهي تفكر رن فونها


شافت حمدان


ردت بهدوء:الوو


حمدان:هلا والله بالغرشووب شفتج بالموول ياالسه تزطي


ميثة:انت وين


حمدان يحطي اييده على كتفها:ورااج


ميثة ابتسمت:ايلس ايلس شخبارك


حمدان:الحمدالله تمام من جداج الغاليه


ميثة تنهدت بتعب:الحمدالله


حمدان حط اييده على اييدها:احسج متضايقه


ميثة تنهدت:شوو اقوولك ياحمدان


حمدان بكل حنان:شووصاير ياميثة


ميثة:اختي حامل


حمدان:اللي تطلقت


ميثة:هي ورحت ورمست ريالها واتفقت معاه والله ياحمدان لوتحس بالمسؤووليه اللي عليه بتكره عمرك عندي اختين ماقدر اركز بشغلي وهم برووحهم فالبيت الحين انا هني افكر شوو يسوون عمي طمعان بفلوسي وانا رمست ولد عمي ان ايي ويأخذ حرمته بعد فتره طالعت حمدان وعيونها كلها حزن اخاف اموت ولا يصير شي يبعدني عنهم بعدين وين بيرحوا وش بيسووا محد يدري غير ربك


حمدان قال بكل حمدان:خلي ايمانج يالله كبير ياميثة وياميثة انتي قوويه مب أي حد يقدر يهزمج ميثة انتي كافحي لجل توصلي اللي تبيه وربج بيسهلها


ميثة ابتسمت وحطت اييدها على اييده ورصت اييدها:مشكور حمدان


حمدان:العفووو ولوو حرمتي


ميثة ولعت:جبب


حمدان:ههه تستحي حرمتي



ميثة بدلع:حمدووون


حمدان:لا انا جي ادووخ


ميثة:هههه حبيبي


حمدان:لا لا انا جي بتهور وهني بعد


ميثة بغرور:جاان تقدر انا ميثة مب حي الله


حمدان:لا لا ماابسوي فيج شي بتقتليني


ميثة:ههههههه لهدرجه


حمدان:ووززود محطينج ببالي انج شريره وتبي تقلني


ميثة فجت عينها:خيييييييبه


حمدان:هههه حبيبتي انتي اصلا الدنيا كلها بنسبه لي


ميثة طالعت عيونه الصادق وابتسمت له


حمدان حس انها شاك من حبه فأبتسم اكثر وعيونه كله اصرار وثقه انها يحبها


يلسوا يسلفوا وميثة خبرت حمدان ان عندها موعد ويا ربيعتها بعد شويه


.


ابي ردوود ماابيها سطحيه


صح مااكتبت واايد


بس كتبووا احساسسيكم عن الشخصيات


وانا بكمل ان شاء الله باجر


وبتعرفون في الأحداث اليايه


(منو هذي ريم


وشوو تبى من ميثة


وش بيصير لين ميثة وحمدان


وعلاقت ميثة وحمدان كيف بتصير قويه ولاضعيفه


كل فالبارت القادم ان شاء الله


)


تحياتي:دااانه غير


يتبع ......