رواية اكشن:(ماهو العيب فيك العيب فيني؟؟يوم حبيك) - الصفحة 2

روحي مشتاقه · 01-21-2014, 09:31 PM

روعه البااااارت

ف انتظار البارت الياي

تكفين لا تبطين __DEFINE_LIKE_SHARE__

memowla · 01-22-2014, 03:07 PM

weeeeeeeeeeeeeeeench __DEFINE_LIKE_SHARE__

دااانه غير · 01-22-2014, 03:30 PM

المشاركة الأصلية كتبت بواسطة روحي مشتاقه

روعه البااااارت

ف انتظار البارت الياي

تكفين لا تبطين

مشكووره حبيبتي وأسعدني ردج ان شاء الله بنزل اليوم باارت
هاليومين انا مشغووله فديتتج
أوعدج اني احطي باارت وطويل بعد ماابقصر فالبارت لأني مرتب افكاري بس ابي ردود تبرد القلب اوكي
كووني بالقرب دائمن
اختج:دااانه غير
__DEFINE_LIKE_SHARE__

دااانه غير · 01-22-2014, 04:22 PM

علي برجفه:مااابطلق
ميثة بهدوء:طلق بالزين ياااولد عمي ولابتشووف
صرخ علي:شوو بتسوي يعني انتي حرمه مااتقدرين عليه
ميثة طلعت من جيب بنطالها الرصاصات وعبت السلاح وأشرت مره ثانيه عليه:بتطلق ولا
علي أرتجف
ام علي صرخت وطاحت تحت ريوول ميثة:لايبنتي لاياميثه طلبتج لاقتليه لاتقتليه وطالعت ولدها علي طلق طلق ياابوي
علي طالع ميثة وطالع زوجته وقال بإنكسار وبذل وهوان:انتي طالق يامريم
مريم انهارت وركضت ودخلت قسمها
ميثة نزلت السلاحه وقالت:كفوو ياولد عمي وطالعته من فووق لتحت باجر أبيك تمر عليه المركز ابي ورقة الطلاق توصلني واذا مااوصلت ترى حسابك عسير ورمقته بنظره قويه ونزلت
دخل ولد عمها خليفه وهو يغني:هلا بالي لفا قلبي ياهلا
شاف ميثة واقفه ببرود وتطالع الفراغ وام علي تصيح بهدوء وبوعلي يطالع الوضع ببرود
خليفه بخوف خفيف:شوو صاير
بوعلي ببرود قامت:مااشي اخووك طلق بنت عمك
ميثة بصرخه هزت البيت:انتي لين متى بتم جي لاحسيب ولارقيب والله لأطلع من البيت ومااطب بيتك استغفرالله نفسيات ترضى ترضى بنتك تتطلق انا اختي مسكين يتيمه مالها فالهدنيا غيري وتقوول جي مب حراام عليك خاف ربك فيها والله انك مااتستاهل وفوق هذا كله تبي فلووس مني تخسي والله ماانزل مستوايه لواحد حثاله مثلك وطالعت بنظرات مرعبه وطالعت صوب الدرج
وصرخت بقووه:مريووووووووووووم وميرووه
نزلن مريووم وميروه:نعم يااأختي
ميثة:جهزن أغرااضكن بنطلع من البيت
مريووم وميروه طالعن ميثة وكأنهن يقوولن وين بنروح
ميثة:مااتسمعن رتبن بسرعه الأغراض انا اترياكن تحت وطالعت عمها اللي بعده يطالع الوضع ببرود مستحيل اعيش عند ناس مااعندها ذمه وضميره
مريم وميروه راحوا فوق
وميثة راحت الغرفه بدلت ونزلت (ميثه على فكره مااتلبس شيله ولاعباه لأن شكلها ولد )
خليفه:يابنت عمي هدي اعصاابج وين بتروحين والحين بعز الليل اوكي بتروحي الفندق بس مب دووم بتيلسي
ميثة:عادي الله كاارمني بفلووس انا بعطيهم كل فلووسي مااهمني بس المهم مااأعيش هني
خليفه هز رأسه بدون رضى وهو يعرف بنت عمه مستحيل ترد عن قرارها
نزلن خواتها
ميثة من شافتهم قامت باست رااس حرمت عمها:ان شاء الله يالغاليه ازورج
أم علي ابتسمت بحزن:ان شاء الله يابنتي عاد ها اتصلي لي واذا محتايين شي اتصلووا ولايردك شي
ميثة ابتسمت وباست مره ثانيه راسها:مشكوره يالغاليه ويزاج الله خير
وطالعت خواتها يلا نروح
سارن ميروه ومريم وباسن رااس حرمت عمهم وسلموا على عمهم سلام بارد وطلعوا من البيت
.
هل ستتغير حيات ميثة
وهل سيجدون مكانن للمؤوى
.
طلعوا وبسياره يالسين وميثة تمشي بسياره نص سااعه مااتعرف وين تروح
ميروه بملل:ميثووه وين بنروح
ميثة طالعتها:ماادري مريووم مااعندج اقتراح الصراحه انا مااعرف لين الفنادق انا حدي الدوام والبيت
مريم تفكر:امممم هي نروح فندق روتانا
ميثة:فكره حلوه يلا
مشت بالسياره وهي متوجه للفندق وصلووا الفندق ونزلوا
ويتمشون وهم يسلفوون ويضحكوا سارت وحجزت لهم غرفه وحده لأن واايد غاالي الحجز
ميثة:مريووم ساروه روحن فووق انا الغرفه انا بروح اييب لي كوفي وبيي
ساروه ومريوم:ان شاء الله
مشن وراحن فالأنصنصير
ميثة راحت وأشترت كوفي وركبت الأصنصير
ميثة:امممم اي طابق انا اتذكر يا 4 يا 5 بسير الرابع وبعدها بسير الخامس
ظغطت على الطابق الرابع وصلت ودخلت فالممر شافت ريال لابس روب فخم بنفسجي ومطرز بالذهبي وفأييده زقاره ويرمس بالأنجلزي فالفون
طالعته بإحتقار كبير والريال بند وقال بعصبيه:عمى بعينك شوو تطالع
ميثة رفعت حاجب ورمقته بنظره حاده وتبي تروح مسكها من اييدها بقووه وسحبها صووبه ويلس يطالع شكلها يطالع شعرها الأسود الغامق وعيونها الوساع الخضر قال:ليش تطالعني بالهطريقه يالغجري
ميثة سحبت اييدها بقووه وقالت:أشووفك تلمسني مره ثانيه والله لأعبي مخك أرصاص
الريال:اووه طلعتي بنت تصدقين شكلج شراات الرياييل ليكوون بويه وععع شذووذ
ميثة عطته نظره حاده وقالت:وكلن يرى الناس بعين طبعه ومشت بغرور وركبت الأصنصير وسارت الطابق الخامس شافت رقم غرفتهم وسارت صوبها ودخلت كانت حلوه وبسيطه وقالت بداخلها (الحمدالله حصلنا لنى مؤوى يؤوينا لكم يوم بس ياترى لين متى وبتم هني) قطع تفكيرها
صوت أختها مريووم:ميثووه ليش تأخرتي
ميثة كشرت:افففف لتذكريني
مريوم:وش صار
ميثة حكت لها السالفه
ميروه:الجلب وععع الله يقرفه يحسب الفندق فندقه لابس روب ويتمشى فالممر
ميثة بغمووض:ومنوو يدري يمكن فندقه
مريم:كلام منطقي
رن فون ميثة برقم غريب شكت أن الرقم من الشرطه قالت بخاطرها (انا عمري ماابستريح)
ردت بهدوء:الوو
:الو السلام عليكم
استغربت:وعليكم السلام منو وياي؟؟
:ميثووه مااعرفتيني
ميثة ابتسمت وطالعت ميره:ميدوووو
مايد:شو ميدوو اسمي ماايد
ميثة ضحكت:ههههه وتغايض ميروه نعم حبيبي ميوودي متصل تبغي شي ولاتسأل عن أخباري
ميره سارت صوبها ووطت على ريوولها
ميثة بألم:اخخخخخخخخخخخخخخ
مايد بخووف:ميثووه بلاج
ميثة لووح:هذي الدبه ميرووه تغار عليك يووم أدلعك يت ودااست على ريله ماايسوى كل هذا الحب لميوود وتصارخ لين ميرووه اللي شويه وبتعطيها كف ياااحلوو عطنى شويه من هالحب وترد ترمس ميوود يااخي انت مخشعنها تخشيع
ميره عصبت من الخاطره وتطالع ميثة بتهديد وميثة مطنشه
مايد:هههههههههههههههه والله انتي سووالف انزين انا مااتصل لج ابغيج بشغله ياابنت عمي
ميثة:امر ياولد عمي
مايد:باجر بيوون وفد بريطاني بس اللي يشتغلون إماراتيين احنا يوم سمعنا عن شركتهم أستغربنا أول مره نسمع عنها انا كلمت المدير وقال لي انج تيين باجر الإجتماع وتعرفي هذيلا شوويبووا بظبط احس انهم يبوا يسرقوا الشركه ومديره مب ياي لأنه مسافر أسبنيا
ميثة بشك فالموضوع:خلاص تم انا من بااجر ببيي الشركه بس عطني عنوان شركتكم
مايد:ال............. اوكي تعالي لاتنسين
ميثة:تم ولايهمك ارقد وانت مرتاح انا الحين مصدعه برقد ويحلها باجر ألف حلال
مايد:نووم العوافي وو سلملي على الأهل
ميثة تنغز:على الأهل ولا على ناس خخخخ
مايد يغايض:هي سلملي على ميرووه وقولي ليها ولا أقوول سوي سبيكر
ميثة سوت سبيكر وهي تضحك
مايد برومنسي:نووم العوافي حبيبي ميرووتي وان شاء الله تحلمين فيني وخوذي عنج هالدعله ميثة لأنها مستهجن للحب يااقلبي انتي أحبج لاتنسيني
ميثة سكرت وهي ميت ضحك على شكل ميرووه قالب ألوان ومريووم منطره من الضحك معنها حزينه علشان طلقها بس دومها ترضى بالواقع وتقول (الحمدالله على كل حال)
ميثة تمددت تحت:انا برقد لاتزعجوني وراي باجر دوام
ميروه ومريوم:ان شاء الله اختي
ميثة ابتسمت وبندوا الليت
ميثة غمضت عيونها على شان ترقد تردد فأذنها (وصيتي لج يابنتي حافظي على خواتج
وصيتي
وصيتي وصيتي
حافظي عليهم
حافظي عليهم
)
ميثة ابتسمت وقالت بهمس:ياابوي أرقد وأرتاح فقبرك خواتي بخليهم بعيوني يابوي
تنهدت بألم من ذكران موت ابوها
وتمددت ورقدت من التعب واليوم الشاق اللي مر عليها
.
في اليوم الثاني
.
أحيانا المرء يعيش عيشتن ممزوجه بالحب بالفرح بالحزن بالإنكسار اما هناك ناس يعيشوا فقط لأرواح أخرى
.
قامت الصبح وتسبحت وقومت خواتها
ومسكت الفون اتصلت للمدير المركز
رد بصوت ناعس:الو
ميثة:الو السلام عليكم
:وعليكم السلام هلا ببنتي ميثة
ميثة:هلا فيك يااطويل العمر بغيت ارمسك بموضوع
:امري يابنتي
ميثة خبرته كل شي:وبغيت كم شرطي يروح المركز انا بخبره الخطه اللي سويتها بس ابا الشرطيين يلبسون الزي الإماراتي
:تأمرين
ميثة بشك:يااطويل العمر من قال ولد عمي شكيت انهم مروجين المخدرات لأني سمعت أنهم يسرقوا الشركات ويحطونها لهم ويأخذون بالأخص المصانع عشان يقدروا يوصولن المخدرات للإمارات بدون محد يحس
المدير:صح كلامج انتي بس أقبضي عليهم وبعدين يصير خير
ميثة:ان شاء الله تأمر بشي
المدير:لايبنتي ابغي سلامتج
ميثة ابتسمت:مع السلامه
المدير:مع السلامه
ميثة طالعت مريوم:ميمي حبيبتي
مريوم:نعم ياقلبي
ميثة:ابغيج تطلعين لي عباه وشيله وابغيج تكشخين تخلني مثل السكرتيرت المدير
مريوم:تامري
وقامت ترتبها وتعدلها ولبست عباه ورتبت الشيله وشلت شنطه
ميثة:خلاص برايج انا برووح
ميروه طالعه من المطبخ وصفرت:اوووووووووه منووو هذا الحلو وقامت تغني هذا منوو هذا الحلو
ميثة بصوتها العذب:من نظره دوخني وعلقني بشباكه
ميرووه:اوف يالقمر اول مره اشووفج بالهلووك ليش مااتطلعين من دواامج هذا السم وتصيرين انثى احلى عليج الأنوثه
ميثة:احمممم ادري يااقلبي يلا براايكم بروح عند شغل وطالعت ميروه بعدين تبني أوصل سلام لميدوو
ميروه بعصبيه:انقلعي يااالحيوانه هذا يزااتي أتغزل فيج
ميثة:ههههههههههههههه ومشت عنها
شوو بيصير؟؟
والريال اللي شافته ميثة هل بيكون له دوور؟؟
ومايد صدق يحب ميره ولابس يحب يلعب بأعصاب ميره؟؟
وميثة
ميره
مريم
مايد
خليفه
بوعلي
أم علي
علي
شوو رايكم بشخصياتهم
وبس ودي لكم :دااانه غير
لاتحرموني من ردودكم الجميله
__DEFINE_LIKE_SHARE__

دااانه غير · 01-22-2014, 04:24 PM

السمووحه السمووحه اذا كااان قصير كتبته توني وعلى السريع ان شاء الله بنزل لكم بارت أطول وأحلى إنشاء الله
ودي لكم:دااانه غير
__DEFINE_LIKE_SHARE__

المواضيع المتشابهه
الموضوع	كاتب الموضوع	المنتدى	مشاركات	آخر مشاركة
و اللي يحبني؟ ما يبكيني ، مآ يزيد بخآطري الضيقهـ لو العيب فيني❤️	M7d shratii	مدونات ويوميات الاعضاء Blog	71	03-16-2014 08:48 PM
العجب العجب ما بين جمادى و رجب /حالة مناخية غير مسبوقه /امطار تاريخيه الاسبوع المقبل	محروم.كوم	منتدى أخبار المواقع والمنتديات العربية والأجنبية	0	04-22-2013 11:10 AM
العيب ماهو في الزمآن , العيب ف نفـــِوس البشر	Royal Ľ ♥ v ề ~	عدسة الاعضاء , كاميرا الاعضاء	8	09-12-2010 12:59 PM
للبيع العيب فيني وليس في الكاميرا هههههه	محروم.كوم	منتدى أخبار المواقع والمنتديات العربية والأجنبية	0	01-06-2010 04:20 PM
للبيع العيب فيني وليس في الكاميرا هههههه	محروم.كوم	منتدى أخبار المواقع والمنتديات العربية والأجنبية	0	01-06-2010 04:10 PM