%_ زعلان لاترضى ان كنت زعلان شكلك تدورها وياتك من الله_% - الصفحة 4

النعيمي · 02-14-2008, 05:19 PM

المشاركة الأصلية كتبت بواسطة حمامة

[align=center]

وعليكم السلام ورحمة الله وبركاته

بالنسبه للصلاة للاسف لو شي مباراة ولا شي بتشوف
الناس يتراكضون عشان يحصلون لهم مكان في الملعب
والصلاة ما بتشوف حد يركض عشانها لين المسيد الا
من رحم الله مثل ما يقولون وعن البنات الله يهديهم
نسو الدين والحشمه نصهم وقاموا يهتمون بالكشخه والخربطان
وهذا صار اهم شي عندهم للاسف هذا كله من سبب التربيه
الغلط الله يهدي الجميع وتسلم يمناك عالموضوع الطيب^^[/align]

فعلا الإفتقار الى الدين طريق للهلاك والعياذ بالله ( هلاك الأمم )
0

ربنا لاتؤاخذنا بما فعل السفهاء منها
0
0

تسلمين على المرور الكريم والمداخلة الطيبة اللي تثري الموضوع
0
0
اخوكم / النعيمي __DEFINE_LIKE_SHARE__

النعيمي · 02-14-2008, 05:31 PM

المشاركة الأصلية كتبت بواسطة Qanes ALreem

[align=center]][®][^][®][وعليكم من السلام والرحمه ...][®][^][®][

والله الحال يسرك * ومن صوووبك ؟؟ ..

( موقف المسجد ) ..

والله هالمنظر موجود في كل ارجاء الامارات * والمفروووض ان الانسااان يبدأ يومه بالصلاه و الدعء و الاستغفاااار * واللي يقهرني ان بعض الشباب يسهرون لين الفجر ويوم يأذن الاماام ع طووول يسيرووون يرقدووون بدون ما يصلووون * اونه تعبانين ...

( بنات المسلمين ) ..

ما أقدر أقووول إلا الله يهديهن ويهدي اهلهن اللي مخلينهن ع راحتهن ..

( الأبناء العاقون ) ..

عاااد كل شي ولا عقوووق الوالدين * المفروووض ان الريااال يحط والديه في عيووونه ويحترمهم مثل ما ربوووه وكبروووه ...

( قانون التدخين ) ..

هيه والله هالشي يستوي واشووفه وااايد* المفروووض ان الرقااابه تكون أكثر شده ..

( المجلس الوطني الاتحادي ) ..

ما شفت منهم لا حق ولا باااطل لين الحين ...

( شباب آخر زمن ) ..

المفرووض هالنوعيه من الشباب ما يظهروون من البيت لأنهم عااار ع مجتمعنا الااماراتي * وهالنوعيه انتشرت بشكل كبير * الله يهديهم ..

( شئ مؤسف ) ..

صدقت ياخوي * الحين قنواتنا تهتم بالغناء و الطرب * لكن شي براامج هااادفه بس مش كثيره ...

تسلم يمناااك ع الموضوووع الرااايع ...

تقبل مروووري ...

][®][^][®][Qanes ALreem][®][^][®][[/align]

هلا والله باخوية قانص الريم

قضية عقوق الوالدين وخصة ( الأمهات ) زادت وايد ها لأيام للأسف
وانا شفت ها الشي بعيني ..
تخيل اني اعرف وحده حرمة عوده في بوظبي عايشة بروحها مع انه عيالها
فالإمارات ومعرسين ..
ومايزرونها شرات مانقول ( الا فالسنة حسنه)
..

وبالنسبة لقنواتنا صحيح في زخم كبير من الأغاني والكليبات
الحمد الله قنواتنا الإماراتية مهتمه في المواطنين والبرامج الإجتماعية
والدينية ..الخ ، ولكن نحن بحاجة لسد ثغرة التوعية ونملاءها بالحملات التوعوية
المطلوبة ..

قال رسول الله صلى الله عليه وسلم :
من دعا إلى هدىً، كان له من الأجر مثل أجور من تبعه لا ينقص ذلك من أجورهم شيئاً،
ومن دعا إلى ضلالةٍ، كان عليه من الإثم مثل آثام من تبعه لا ينقص من آثامهم شيئاً !

0
0

تقبل تحياتي

0

اخوك / النعيمي __DEFINE_LIKE_SHARE__

ظبياني عكس القانون · 02-14-2008, 05:56 PM

مووضوع رائع من اخ عزيز احب كتاباته وردوده

وموضووعك يلتمس اموور مهمه وقضااياا تستوي للاسف عند المسلمين وفي دوله خليجيه ..

صــلاة الفجـــــــر ... لو السالفه على صلاة الفير خير ونعمه الناس يهملووون اغلب الصلواات .. صح اكثر صلاة الفير .. بس هم يهملوون اغلب الصلوات ..

ولبس البنات .. ربي يستر عليهن ويهديهن .. وماقوول غير .. الرقااابه ثم الرقااابه ثم التربيه .. ثم الرشــد ... البنت بدون اهلها اكيييد بتظييع

وغلاء الاسعااااار والجنسيه ... ماقول غير هذاا اختياارهم في اعضااء المجلس .. بس للأسف ملينا من كثر مانرمس ولا محد يرد علينا

القنوات ... فساااد × فسااااد ... وعلى الاهل مرااقبه عيالهم وخصه الصغاريه تراا القنوات تغزو عقوولهم ... ومالناا سلطه عالقنوات بس على عيالناا ..

وموضووعك حــلووو .... وجميل ..

وسلمت يالشيخ .. __DEFINE_LIKE_SHARE__

النعيمي · 02-14-2008, 10:20 PM

المشاركة الأصلية كتبت بواسطة وزيرة الحب

[align=center]صباااااااااااااااااااااااااااااااااح الخير للغايبين عن الساااحه
نحن بخير ونعمة .................... باااقي الأخبار من صوبك؟؟؟؟؟؟؟؟؟؟؟

وين اعتقد اكثر عن اسبوعين ................ هن اسبوعين و يوم ونص وساعتين وثلاث ثواااني..........ههههههههههه..............انا قلت انقطع عندك الإرسال وإلا القناااة خربااانه.........او القمر الصناااعي ما طايع يلقط ذبذباااتك...........ههههههه

اهم شيء انه الارسال رد............... والمذيع الحين يكلمنا من وراء الميكرفووون....................حياك الله النعيمي

اولاً: تسلم على طرح المميز.............. وعلى هالمواقف الاجتماااعيه اللي في صلب حياااتنا اليوميه......................
خلنا ناخذ الموقف بموقفه........................ونقول بسم الله

الموقف الأول.........................
((( المســــــــــــــــ صلاة الفجرــــــــــــــــــــــــــيد))):

للأسف الشديد انه هالصلاة نادراً ما تلقلى احد يواضب عليها...........بحكم انه ما يرومون ينشون الفجر................بس لو عندهم دوااامااات وإلا شغله حزت هالوقت بتلقاااهم يترابعووووون.............بس باااجر كل واااحد فيهم بيقول ياليتني وياليتني..............وحبيت اضيف نقطه بعد عشااان موضوووع المسيد.................الله ىمرنا بالؤضوووء عشان كل صلاة من باب الطهارة وانه لازم نقابل رب العالمين بمظهر حسن..................بس البعض وليس الكل............ياله اي كلام وسار وصلى............يعني الكندوره لو شوي وصخه هب مشكله............بس تعال لو هو ساير عزيمة وإلا مواعد ربعه ..........بتلقى ذيج الكندوره اليديده اللي جنها توها ميوبه من الخيااااااااااااط وذيج النظااافه والعطورات اللي تنشف من مسيرة يوووم.............عشااان شو عشان يكون شيفه جدااام اللي سايرلهم...............وليش الواحد منهم ما يسوي جيه وهو ساير يقابل ربه ويعبده ؟؟؟؟ منوه اولى بهالنظافه وحسن المظهر....مش رب العالمين.....................هذا مقصووودي

الموقف الثاااني..............................
((( بنـــــــــــــــ المسلمين ـــــــــــــــــــــــــــــــــــات)))

ان لم تستح فا فعل ما شئت...............هذا حال هالبنااات.............هن ما فكرن برب العالمين وبشو قااايل.........ولا فكرهن بأهلهن............ ولا بأنفسهن...........همن شكلهن ومظهرهن..............وكيف يجذب انظااار الشباب..............اللي ما يخاف من الله خاااف منه..............

الموقف الثالث:
((( العــــــــــــــــقــــــــــــــــــــــــــوق)) ):

"رضاء الله من رضاء الوالدين"...................هذيلا اهم شيء في الدنيا بعد رب العالمين...........الواحد جاان ما بيخدم امه وابووه بيخدم منوه...........ما يكفى انهم ربونا وسهروا علينا.......... وطلعونا باحسن ما يكون.........ليش ما يستاهلون منا انه نعطيهم عيوونا**************ولكن اللي يعق في امه وابووه لا تتريا منه خير..........ورب العالمين تراااه فوووق ...........اذا الواحد لاهله جيه باجر عياله ما بيحسنون فيه لانه ما زان باهله............
وعلى طاري هالمووضوع.............هاي القصيده تكفي الموقف وتوفيه:::

العين عنـدي تـرى ياصـاح همالـه.........من شوف عودا شكى من صدة عيالـه
يشكي على من ؟؟عياله والدمع يـذرف........من البكـى والحـزن ذا نـالٍ حالـه
يقول ماعـاد فيهـم مـن لفـى يمـي............مافيهم اللي صفالـي والحمـل شالـه
قفو وانا وسط داري وامسـح الدمعـه..........امسح دمـوعٍ علـى الخديـن همالـه
جالـس وحيـدٍ ولابـه مـن يحدثنـي..............ومن كان مثلـي انـا يابـوك عزالـه
في صغرهم كم تعبت وذقت انا الحسره........اشقيت نفسـي وهـذا اخـر الحالـه
تعبت وذقت الكدر من شان انا اسعدهم.......وجرعت جور الزمن في عدهٍ اشكالـه
وعملـت حتـى بشغـلٍ مايناسبـنـي...........من شان مايقال هـذا جـوع اطفالـه
واصبحت رحال من ديره الـى ديـره......... متعرضٍ اللزمـن ياصـاح واهوالـه
وابعدت عن ديرتي ثم عشت انا الغربه........ وصبـي عينـي لذيـذ النـوم مانالـه
اسهر واحاتي اطفالٍ رحت انـا منهـم........ صغـار مايعرفـون الوقـت ومحالـه
كم صلفقتني الليالـي واتعبـت حالـي....... منها فقدت الشبـاب وضاعـت امالـه
واليوم قفى شبابـي وقفـت اضعونـه ........وعصر الصبا راح مني وقفت ارحاله
طعنت با السن وجسمـي مايساعدنـي........ والشيب جايـر وفينـي وثـق حبالـه
وحتى تجاعيد فـي وجهـي تسابقنـي........ والجلـد الليالـي غـيـرت حـالـه

الموقف الرابع:
((( التــــــــــــــــــدخـــــــــــــــين))):

الرقااابه هب إلا على ها الرقااابه وين عن كل شيء صاير في البلاد...........الحين هالانجليزيه..........ما تنظر شرااات عيالنا ما ينظرووون...بسبت هالتدخين...........المفروووض على البلديه انه تحطي مراقب على كل قااانون يصدر ...ويتمون وراه هالموضووع يشوفونه يطبق من قبل النااس وإلا لا..................والقااانون على الكل اجنبي وإلا مواطن..

الموقف الخااامس:
((( المجلس الــــــــــــــــــــــمنـــــــــــــــسي))):

ليش نحن عندنا مجلس وطني ........اول مره اسمع؟؟؟؟؟؟..............عيل دااامه موجووود .............وينه عن اللي صاير في هالدوله............لا زياده نفرح فيها......ولا اسعار تريحنا...............ولا قوانين تندرس...........ولا شكااوي حد يسمعها................عيل مجلس وطني او اتحادي.....(((ما طااح إلا انبطح)))............عل شو؟؟؟؟؟...............التجااار لعبين لعبهم......ناااس حالتهم تعباانه ...الناس نستهم والدوله نستهم بس الزمن ما نسااهم............ابناء مواطنااات وين حقوقهم...........مش امهم من ابناء هالدوله................ليش هذا كله؟؟؟؟؟؟؟؟؟؟؟؟
انته اصبر يالنعيمي.........حتى المينو اللي في الدكان اللي الحين بنص....بيصير بربيه ونص.........وبعدين بربيتين...............وهل من مزيد؟؟؟؟
يا مجلسنااااااااااااااااااااا تعااااااااااااااااال واسمعناااااااااااااااا علك اتريحناااااااااااا................

الموقف السااادس:
(( شبااااااااااااااب اول الزمن))

هنيه حدث ولا حرج...............وين الرجوله وين المعاااني والمذاااهب......؟؟؟؟ وإلا كل شيء غريب ودخيل على مجتمعنا...نسير نسويه......والله ما شيء احلى من خلقه رب العالمين............الحين الشباب ساروا يضاربون البناات على الصالونااات....................حواجب وبدكير ومنكير.....وحماااااااااام مغربي .........شو تبا اكثر عن جيه؟؟؟؟؟
هذا بيت شعر رووعه يرمس عن الرجوله:

ما انا للقول الذي ليس بناافعي
ويغضب منه صااحبي بقؤول
ولست بمبدئ للرجال سريرتي
ولا انا عن اسرارهم بسؤل
ولا انا للحديث يوماُ سمعته
من هاهنا إلى هاهنا يجول

الموقف الساابع:
((( البرامج الهــــــــــــــادفه)))

عااااااااااااااااده عن البرامج لا تخبر............التيلفزيوووووووون فاااضي بس يسون برااااااااااااااااااااامج هدااامة هب بناءه............بس الحمدالله الحين في بعض البرامج اللي صارت تخدم المجتمع وتخدم قضايااه........ولكن بعدها البرامج الهابطه مسكره على كل القنوااات............وما اقول غير الله يعينا على هالزمن.............وعلى هالافكاااااااااااااار اللي دخلت مجتمعنا..........

ادري اني وووووووووووووووووايد اتفلسفت............وخذت الصفحه كلها...........السمووووووووووووووحه على هالكلام كله..........بس موضوعك شدتني وطلعت حرتيه في كل موقف...............

هذا وقبل مداخلتي لك...............مذيعنا المتالق

خويتك...................من وراء مكتب الوزاره[/align]

مساء النور والسرور

ماشاء الله عليييييج ياوزيرتنا ، انتي طال عمرج وزيرة البرنامج برنامجج
خذي راحتج
عاااااااده بتخبرج ( انتي متأكده ان بس ها اللي فخاطرج ) ؟!!
خخخخخخخخخ

بخصوص الصلاااااة
فعلا اللباس والنظافة لهم ميزان في الوقف امام الله عزوجل في التوجة للقبلة

وبخصوص المجلس الاتحادي
انا ارفع قلمي لأني اشوف (برنامج استديو 1) يهتم اكثر ويعالج اكثر عنهم
وبسرعة تفوق عنهم ..
واحب اقول ان المجلس امانة وليس مجرد سوالف وتجمع ..
زيادات الأسعار ترتفع اغلبية المواطنين محصلين زيادة والآخر لا
والكثير من المقيمين على ارض الدولة لاتندرج تحتم الزيادات !!
شو ها الظلم ؟!!!

وبالنسبة (لعقوق الوالدين ) ماشاء الله عليج كفيتي ووفيتي وصح الله منطوقج

0
0

والباجي ماقصرتي فيهم ، وانا مستانس من ها التفاعل منكم كلكم
وخصة انكم تكتبون بإسهاب وها لي يسمونة الكتابة من القلب
0
0

تقبلي تحيات
اخوج المذيع

النعيمي لــ قناة محروم الفضائية __DEFINE_LIKE_SHARE__

النعيمي · 02-14-2008, 10:38 PM

المشاركة الأصلية كتبت بواسطة انا شمس المحبه

[grade="FFA500 FF6347 008000 4B0082"]عليكم السلام ورحمة الله وبركاته[/grade]

يسعدني اني اكون متواجده في متصفحك وارد على كتاباتك الرائعه والمتقنه في السرد والإيضاح

كلامك كله على العين والراس وكله صح 100 % بس مانقدر نسوي شي غير انا ندعيلهم بالهدايه

والله يرحمنا برحمته

[grade="00008B FF6347 008000 4B0082"]اختك شمس المحبه[/grade]

مشكورة اختية ع المرور الكريم
وحياااج الله
0
0

اخوكم / النعيمي __DEFINE_LIKE_SHARE__

المواضيع المتشابهه
الموضوع	كاتب الموضوع	المنتدى	مشاركات	آخر مشاركة
مين زعلان؟؟؟يدخل هنا	محروم.كوم	منتدى أخبار المواقع والمنتديات العربية والأجنبية	0	11-16-2009 01:20 AM
صور للجرو شعلان	محروم.كوم	منتدى أخبار المواقع والمنتديات العربية والأجنبية	0	09-16-2009 08:30 PM
صور للجرو شعلان	محروم.كوم	منتدى أخبار المواقع والمنتديات العربية والأجنبية	0	09-16-2009 08:20 PM
اليكساء زعلان علي ؟؟؟	محروم.كوم	منتدى أخبار المواقع والمنتديات العربية والأجنبية	0	08-29-2009 04:40 AM
لو زعلان ادخل	محروم.كوم	منتدى أخبار المواقع والمنتديات العربية والأجنبية	0	07-04-2009 06:30 AM