%_ زعلان لاترضى ان كنت زعلان شكلك تدورها وياتك من الله_% - الصفحة 4

النعيمي · #1 02-14-2008, 11:50 PM

المشاركة الأصلية كتبت بواسطة *نظره مني تسدك*

السلام عليكم ورحمة الله وبركاته

نحن بخييييير وسهاله ما نشكي باس والله الحمد والشكر
من صوبك يالنعيمي عساااااااااك بخير

حي الله المذيع المتألق ماشاء الله عليك دومك متميز في مواضيعك

يالله مع ان الشيخه وزيره ما قصرت وما اروم نرد عقبها تحليل كامل ههههههه بس عاد لازم نجاوب ونرد ع موضوعك ..........

موقف المسيد

هيه والله صدقت الحين الواحد بالضرابه يسير يصلي صلاه الفير في المسيد لااااااااا ويا ريت بس يقوم ويصلي الأردى انه ينام في المسيد ^^
والله الغالي انا يوم اسمع سوالف بووويه ع الشباب اللي ينامون في المسيد وما يقومون لين ما تشرق الشمس ايلس اضحك عليهم لأنه الصرااحه شي مضحك ومبكي بنفس الوقت لو كل مسلم حافظ ع صلاته ما بتلقى الكفار يستضعفونا بهالسهوله...

بنات المسلمين

هههههههههههههههه حافظ عليهن
تعرف شو يا خوويه السبب هب منهن من اهاليهن اللي شايفين كل شي ولا يرمسونهن كنهن غرب لا حشيمه ولا مستحى استغفر الله العظيم

عقوق الوالدين

آآآآآآآآآآآآآآآه يا قلبي ع عقوق الوالدين استغفر الله العظيم حد يروم يعصي هله اللي ربوه واتعبوا عليه والله ماشي رحمه في العيال
اهم شي انفسهم وبس وين راح كلام الله تعالى "وبالوالدين احسانا"
حسبي الله ونعم الوكيل....

التدخين

انا اكره ما عندي حد يدخن كبير ولا صغير ريال ولا حرمه ما احبهم احسهم يهدمون اعمارهم والقهر انهم يعرفون انه دمار للصحه ويعاندون اعمارهم
والرقابه حافظ عليهم امحق من رقابه
البارحه قسم بالله يالسه ع التلفزيون ولا اشوف دعايه سجاير اوونه مكتوب تحت انه سبب رئيسي لأمراض القلب والسرطان
انزين تعرفون هالشي وليش تعاندون "حسبي الله عليهم"

المجلس الوطني الاتحادي

احمممم حممم تبا توهقنا انت خخخخخخخخخخ
الإرتفاع في الأسعار كل يوووووووم ويزيد وع قوله وزيره ههههههههههااااي المينو اول بنص وبيغدي بدرهمين شي يقهر ويعور القلب
ولا ابشرك قالوا بيرفعون سعر العيش " الأرز " عز الله كدينا خير
يا حافظ ع اللي ماسكين هالمسؤوليه ولا يسوون شي غير انهم منظر بس....

شباب آخر زمن

خخخخخخخخخخ الصراااحه وش اقول غير الله يهديهم الحين الشباب مستويين شرات البنات والله يوم تمشي في مكان عام ما تعرف من اخت الثاني خخخخخخ لو ان البنت لا بسه عبايه بتقول ع اللي عدالها اختها استغفر الله العظيم
حافظ ع شباب زمن اول قمه في الرجوله والأخلاق.....

القنوات الفضائيه

الواحد صار يمل من شي اسمه تلفزيون وما يعرف شو يطالع والله الغالي مره ابووويه كان بي**ر التلفزيون بسبه اغنيه لوحده هههههههههههه
لا الحمدالله ربك ستر وما **ره بس تم اسبوع التلفزيون مطفي ومحد شغله بسبه هالبرامج الغنائيه وغير الهادفه.....
الله يهديهم

سلمت يالنعيمي ع الطرح الغاوي عساك ع القوه واسمحلنا ع التفلسف ماشاء الله عليك طرحت قضايا وكل قضيه ارووحها موضوع
تقبل مروري اختك.... نتريا الحلقه اليايه

وعليييج السلام ورحمة الله وبركاتة

ماشاء الله عليكن ، اشهد ان محد مقصر فالموضوع وصدقتي
كل فقرة روحها موضوع وهذا ان دل على شئ فهو يدل على ( احمم احمم)
الحنكه والدهاء اللي بحوزتي الكم خخخخخخخخخ

ربي يسلمج بخصوص ارتفاع الأسعار ، المينو صدق اتريوا شوية على قولة
وزيرتنا بيرتفع ، اذا الكلن** ارتفع والله يعزكم بامبرز الأطفال
صدق تخيلوا اصحاب الدخل المحدود ا الأقل شوية من وين بيحصل له
ع سبة يصرف على اسرتة
( راتب عامل مصري في محل احذية يصل الى 800 درهم )

وهو هب مسكن هله عنده لأنه هله في مصر

( لاحول ولا قوة الا بالله ) ...

0
0

وانا طال عمرج مالوم الوالد يوم انه يبا يهردم التلفزون
ع سبة انه يخاف عليكم من الحثالة واللوث اللي تبثة فضائياتنا للأسف(العربية)
0
0
وموقف المسيد اللي خبرج عنه الوالد ( هو موقف من مواقف) هههههههههه
والله الواحد لو يعود عياله على الصلاة من الصغر ( والحزم معهم)
لتعودوا ، لأن الصلاة على التعود ، ومن تعود عليها ماراح يأثر فيه
اي شيطان ( ربية يبعده عن اليميع )
0
0

مشكورة اختية نظرة ماقصرتي على التجاوب والمداخلات الطيبة
في مواضيعي ، واتريوا مني المزيد من جعبتي لكم
0
0

اخوكم /النعيمي __DEFINE_LIKE_SHARE__

النعيمي · 02-14-2008, 10:20 PM

المشاركة الأصلية كتبت بواسطة وزيرة الحب

[align=center]صباااااااااااااااااااااااااااااااااح الخير للغايبين عن الساااحه
نحن بخير ونعمة .................... باااقي الأخبار من صوبك؟؟؟؟؟؟؟؟؟؟؟

وين اعتقد اكثر عن اسبوعين ................ هن اسبوعين و يوم ونص وساعتين وثلاث ثواااني..........ههههههههههه..............انا قلت انقطع عندك الإرسال وإلا القناااة خربااانه.........او القمر الصناااعي ما طايع يلقط ذبذباااتك...........ههههههه

اهم شيء انه الارسال رد............... والمذيع الحين يكلمنا من وراء الميكرفووون....................حياك الله النعيمي

اولاً: تسلم على طرح المميز.............. وعلى هالمواقف الاجتماااعيه اللي في صلب حياااتنا اليوميه......................
خلنا ناخذ الموقف بموقفه........................ونقول بسم الله

الموقف الأول.........................
((( المســــــــــــــــ صلاة الفجرــــــــــــــــــــــــــيد))):

للأسف الشديد انه هالصلاة نادراً ما تلقلى احد يواضب عليها...........بحكم انه ما يرومون ينشون الفجر................بس لو عندهم دوااامااات وإلا شغله حزت هالوقت بتلقاااهم يترابعووووون.............بس باااجر كل واااحد فيهم بيقول ياليتني وياليتني..............وحبيت اضيف نقطه بعد عشااان موضوووع المسيد.................الله ىمرنا بالؤضوووء عشان كل صلاة من باب الطهارة وانه لازم نقابل رب العالمين بمظهر حسن..................بس البعض وليس الكل............ياله اي كلام وسار وصلى............يعني الكندوره لو شوي وصخه هب مشكله............بس تعال لو هو ساير عزيمة وإلا مواعد ربعه ..........بتلقى ذيج الكندوره اليديده اللي جنها توها ميوبه من الخيااااااااااااط وذيج النظااافه والعطورات اللي تنشف من مسيرة يوووم.............عشااان شو عشان يكون شيفه جدااام اللي سايرلهم...............وليش الواحد منهم ما يسوي جيه وهو ساير يقابل ربه ويعبده ؟؟؟؟ منوه اولى بهالنظافه وحسن المظهر....مش رب العالمين.....................هذا مقصووودي

الموقف الثاااني..............................
((( بنـــــــــــــــ المسلمين ـــــــــــــــــــــــــــــــــــات)))

ان لم تستح فا فعل ما شئت...............هذا حال هالبنااات.............هن ما فكرن برب العالمين وبشو قااايل.........ولا فكرهن بأهلهن............ ولا بأنفسهن...........همن شكلهن ومظهرهن..............وكيف يجذب انظااار الشباب..............اللي ما يخاف من الله خاااف منه..............

الموقف الثالث:
((( العــــــــــــــــقــــــــــــــــــــــــــوق)) ):

"رضاء الله من رضاء الوالدين"...................هذيلا اهم شيء في الدنيا بعد رب العالمين...........الواحد جاان ما بيخدم امه وابووه بيخدم منوه...........ما يكفى انهم ربونا وسهروا علينا.......... وطلعونا باحسن ما يكون.........ليش ما يستاهلون منا انه نعطيهم عيوونا**************ولكن اللي يعق في امه وابووه لا تتريا منه خير..........ورب العالمين تراااه فوووق ...........اذا الواحد لاهله جيه باجر عياله ما بيحسنون فيه لانه ما زان باهله............
وعلى طاري هالمووضوع.............هاي القصيده تكفي الموقف وتوفيه:::

العين عنـدي تـرى ياصـاح همالـه.........من شوف عودا شكى من صدة عيالـه
يشكي على من ؟؟عياله والدمع يـذرف........من البكـى والحـزن ذا نـالٍ حالـه
يقول ماعـاد فيهـم مـن لفـى يمـي............مافيهم اللي صفالـي والحمـل شالـه
قفو وانا وسط داري وامسـح الدمعـه..........امسح دمـوعٍ علـى الخديـن همالـه
جالـس وحيـدٍ ولابـه مـن يحدثنـي..............ومن كان مثلـي انـا يابـوك عزالـه
في صغرهم كم تعبت وذقت انا الحسره........اشقيت نفسـي وهـذا اخـر الحالـه
تعبت وذقت الكدر من شان انا اسعدهم.......وجرعت جور الزمن في عدهٍ اشكالـه
وعملـت حتـى بشغـلٍ مايناسبـنـي...........من شان مايقال هـذا جـوع اطفالـه
واصبحت رحال من ديره الـى ديـره......... متعرضٍ اللزمـن ياصـاح واهوالـه
وابعدت عن ديرتي ثم عشت انا الغربه........ وصبـي عينـي لذيـذ النـوم مانالـه
اسهر واحاتي اطفالٍ رحت انـا منهـم........ صغـار مايعرفـون الوقـت ومحالـه
كم صلفقتني الليالـي واتعبـت حالـي....... منها فقدت الشبـاب وضاعـت امالـه
واليوم قفى شبابـي وقفـت اضعونـه ........وعصر الصبا راح مني وقفت ارحاله
طعنت با السن وجسمـي مايساعدنـي........ والشيب جايـر وفينـي وثـق حبالـه
وحتى تجاعيد فـي وجهـي تسابقنـي........ والجلـد الليالـي غـيـرت حـالـه

الموقف الرابع:
((( التــــــــــــــــــدخـــــــــــــــين))):

الرقااابه هب إلا على ها الرقااابه وين عن كل شيء صاير في البلاد...........الحين هالانجليزيه..........ما تنظر شرااات عيالنا ما ينظرووون...بسبت هالتدخين...........المفروووض على البلديه انه تحطي مراقب على كل قااانون يصدر ...ويتمون وراه هالموضووع يشوفونه يطبق من قبل النااس وإلا لا..................والقااانون على الكل اجنبي وإلا مواطن..

الموقف الخااامس:
((( المجلس الــــــــــــــــــــــمنـــــــــــــــسي))):

ليش نحن عندنا مجلس وطني ........اول مره اسمع؟؟؟؟؟؟..............عيل دااامه موجووود .............وينه عن اللي صاير في هالدوله............لا زياده نفرح فيها......ولا اسعار تريحنا...............ولا قوانين تندرس...........ولا شكااوي حد يسمعها................عيل مجلس وطني او اتحادي.....(((ما طااح إلا انبطح)))............عل شو؟؟؟؟؟...............التجااار لعبين لعبهم......ناااس حالتهم تعباانه ...الناس نستهم والدوله نستهم بس الزمن ما نسااهم............ابناء مواطنااات وين حقوقهم...........مش امهم من ابناء هالدوله................ليش هذا كله؟؟؟؟؟؟؟؟؟؟؟؟
انته اصبر يالنعيمي.........حتى المينو اللي في الدكان اللي الحين بنص....بيصير بربيه ونص.........وبعدين بربيتين...............وهل من مزيد؟؟؟؟
يا مجلسنااااااااااااااااااااا تعااااااااااااااااال واسمعناااااااااااااااا علك اتريحناااااااااااا................

الموقف السااادس:
(( شبااااااااااااااب اول الزمن))

هنيه حدث ولا حرج...............وين الرجوله وين المعاااني والمذاااهب......؟؟؟؟ وإلا كل شيء غريب ودخيل على مجتمعنا...نسير نسويه......والله ما شيء احلى من خلقه رب العالمين............الحين الشباب ساروا يضاربون البناات على الصالونااات....................حواجب وبدكير ومنكير.....وحماااااااااام مغربي .........شو تبا اكثر عن جيه؟؟؟؟؟
هذا بيت شعر رووعه يرمس عن الرجوله:

ما انا للقول الذي ليس بناافعي
ويغضب منه صااحبي بقؤول
ولست بمبدئ للرجال سريرتي
ولا انا عن اسرارهم بسؤل
ولا انا للحديث يوماُ سمعته
من هاهنا إلى هاهنا يجول

الموقف الساابع:
((( البرامج الهــــــــــــــادفه)))

عااااااااااااااااده عن البرامج لا تخبر............التيلفزيوووووووون فاااضي بس يسون برااااااااااااااااااااامج هدااامة هب بناءه............بس الحمدالله الحين في بعض البرامج اللي صارت تخدم المجتمع وتخدم قضايااه........ولكن بعدها البرامج الهابطه مسكره على كل القنوااات............وما اقول غير الله يعينا على هالزمن.............وعلى هالافكاااااااااااااار اللي دخلت مجتمعنا..........

ادري اني وووووووووووووووووايد اتفلسفت............وخذت الصفحه كلها...........السمووووووووووووووحه على هالكلام كله..........بس موضوعك شدتني وطلعت حرتيه في كل موقف...............

هذا وقبل مداخلتي لك...............مذيعنا المتالق

خويتك...................من وراء مكتب الوزاره[/align]

مساء النور والسرور

ماشاء الله عليييييج ياوزيرتنا ، انتي طال عمرج وزيرة البرنامج برنامجج
خذي راحتج
عاااااااده بتخبرج ( انتي متأكده ان بس ها اللي فخاطرج ) ؟!!
خخخخخخخخخ

بخصوص الصلاااااة
فعلا اللباس والنظافة لهم ميزان في الوقف امام الله عزوجل في التوجة للقبلة

وبخصوص المجلس الاتحادي
انا ارفع قلمي لأني اشوف (برنامج استديو 1) يهتم اكثر ويعالج اكثر عنهم
وبسرعة تفوق عنهم ..
واحب اقول ان المجلس امانة وليس مجرد سوالف وتجمع ..
زيادات الأسعار ترتفع اغلبية المواطنين محصلين زيادة والآخر لا
والكثير من المقيمين على ارض الدولة لاتندرج تحتم الزيادات !!
شو ها الظلم ؟!!!

وبالنسبة (لعقوق الوالدين ) ماشاء الله عليج كفيتي ووفيتي وصح الله منطوقج

0
0

والباجي ماقصرتي فيهم ، وانا مستانس من ها التفاعل منكم كلكم
وخصة انكم تكتبون بإسهاب وها لي يسمونة الكتابة من القلب
0
0

تقبلي تحيات
اخوج المذيع

النعيمي لــ قناة محروم الفضائية __DEFINE_LIKE_SHARE__

انا شمس المحبه · 02-14-2008, 11:29 AM

[grade="FFA500 FF6347 008000 4B0082"]عليكم السلام ورحمة الله وبركاته[/grade]

يسعدني اني اكون متواجده في متصفحك وارد على كتاباتك الرائعه والمتقنه في السرد والإيضاح

كلامك كله على العين والراس وكله صح 100 % بس مانقدر نسوي شي غير انا ندعيلهم بالهدايه

والله يرحمنا برحمته

[grade="00008B FF6347 008000 4B0082"]اختك شمس المحبه[/grade] __DEFINE_LIKE_SHARE__

النعيمي · 02-14-2008, 10:38 PM

المشاركة الأصلية كتبت بواسطة انا شمس المحبه

[grade="FFA500 FF6347 008000 4B0082"]عليكم السلام ورحمة الله وبركاته[/grade]

يسعدني اني اكون متواجده في متصفحك وارد على كتاباتك الرائعه والمتقنه في السرد والإيضاح

كلامك كله على العين والراس وكله صح 100 % بس مانقدر نسوي شي غير انا ندعيلهم بالهدايه

والله يرحمنا برحمته

[grade="00008B FF6347 008000 4B0082"]اختك شمس المحبه[/grade]

مشكورة اختية ع المرور الكريم
وحياااج الله
0
0

اخوكم / النعيمي __DEFINE_LIKE_SHARE__

سلمى · 02-14-2008, 02:28 PM

[align=center]مرحبااا السااااااااااااااع اخويه النعيمي
بخير عساك الخير
مواقف مؤلمه ذكرتها
الي نسمع فيه ونشوفه من عقوق للوالدين ، استهتار بأرواح الناس ،
التهاون في أمور الدين ، هجر المسااجد ، الخمول ، ال**ل ، تضييع الوقت
في أمور تغضب رب العالمين كل هذا يحز ف الخاطر ويدمي القلب
بس شوووه بيدنا الموازين مقلوبه في زمنــا الصح غلط والغلط صح
عند شبابنا مافي توعيه ولا رقابة ..
بختصااااااااار الدنيا فوضـــــــــــــــهـ ..
وفلأخير المنهـ ع من هداهـ اللهـ
دووووم مواضيعك هادفهـ مشا الله عليك
تنااااااقش مشاكلنا بأسلوب راقي وبدون تجريح
كل التحية والشكر لك ويعطيك مليون عافية

نرقب الزود منك [/align] __DEFINE_LIKE_SHARE__

أدوات الموضوع
مشاهدة صفحة طباعة الموضوع أرسل هذا الموضوع إلى صديق
انواع عرض الموضوع
الانتقال إلى العرض العادي العرض المتطور الانتقال إلى العرض الشجري

المواضيع المتشابهه
الموضوع	كاتب الموضوع	المنتدى	مشاركات	آخر مشاركة
مين زعلان؟؟؟يدخل هنا	محروم.كوم	منتدى أخبار المواقع والمنتديات العربية والأجنبية	0	11-16-2009 01:20 AM
صور للجرو شعلان	محروم.كوم	منتدى أخبار المواقع والمنتديات العربية والأجنبية	0	09-16-2009 08:30 PM
صور للجرو شعلان	محروم.كوم	منتدى أخبار المواقع والمنتديات العربية والأجنبية	0	09-16-2009 08:20 PM
اليكساء زعلان علي ؟؟؟	محروم.كوم	منتدى أخبار المواقع والمنتديات العربية والأجنبية	0	08-29-2009 04:40 AM
لو زعلان ادخل	محروم.كوم	منتدى أخبار المواقع والمنتديات العربية والأجنبية	0	07-04-2009 06:30 AM