%_ زعلان لاترضى ان كنت زعلان شكلك تدورها وياتك من الله_% - الصفحة 5

بنوتة uae · 02-14-2008, 10:51 PM

يعطيك العافيه اخوي على الموضوع الرائع

بس شو انسوي اونه تطور واكثر شي انا اشوف البنات اشكال والوان في الكليه عبالهم الاجنبي هب ريال ولا وحده تظهر من غير شيله على راسها
الله يهديهم
وتسلم __DEFINE_LIKE_SHARE__

النعيمي · 02-14-2008, 11:50 PM

المشاركة الأصلية كتبت بواسطة *نظره مني تسدك*

السلام عليكم ورحمة الله وبركاته

نحن بخييييير وسهاله ما نشكي باس والله الحمد والشكر
من صوبك يالنعيمي عساااااااااك بخير

حي الله المذيع المتألق ماشاء الله عليك دومك متميز في مواضيعك

يالله مع ان الشيخه وزيره ما قصرت وما اروم نرد عقبها تحليل كامل ههههههه بس عاد لازم نجاوب ونرد ع موضوعك ..........

موقف المسيد

هيه والله صدقت الحين الواحد بالضرابه يسير يصلي صلاه الفير في المسيد لااااااااا ويا ريت بس يقوم ويصلي الأردى انه ينام في المسيد ^^
والله الغالي انا يوم اسمع سوالف بووويه ع الشباب اللي ينامون في المسيد وما يقومون لين ما تشرق الشمس ايلس اضحك عليهم لأنه الصرااحه شي مضحك ومبكي بنفس الوقت لو كل مسلم حافظ ع صلاته ما بتلقى الكفار يستضعفونا بهالسهوله...

بنات المسلمين

هههههههههههههههه حافظ عليهن
تعرف شو يا خوويه السبب هب منهن من اهاليهن اللي شايفين كل شي ولا يرمسونهن كنهن غرب لا حشيمه ولا مستحى استغفر الله العظيم

عقوق الوالدين

آآآآآآآآآآآآآآآه يا قلبي ع عقوق الوالدين استغفر الله العظيم حد يروم يعصي هله اللي ربوه واتعبوا عليه والله ماشي رحمه في العيال
اهم شي انفسهم وبس وين راح كلام الله تعالى "وبالوالدين احسانا"
حسبي الله ونعم الوكيل....

التدخين

انا اكره ما عندي حد يدخن كبير ولا صغير ريال ولا حرمه ما احبهم احسهم يهدمون اعمارهم والقهر انهم يعرفون انه دمار للصحه ويعاندون اعمارهم
والرقابه حافظ عليهم امحق من رقابه
البارحه قسم بالله يالسه ع التلفزيون ولا اشوف دعايه سجاير اوونه مكتوب تحت انه سبب رئيسي لأمراض القلب والسرطان
انزين تعرفون هالشي وليش تعاندون "حسبي الله عليهم"

المجلس الوطني الاتحادي

احمممم حممم تبا توهقنا انت خخخخخخخخخخ
الإرتفاع في الأسعار كل يوووووووم ويزيد وع قوله وزيره ههههههههههااااي المينو اول بنص وبيغدي بدرهمين شي يقهر ويعور القلب
ولا ابشرك قالوا بيرفعون سعر العيش " الأرز " عز الله كدينا خير
يا حافظ ع اللي ماسكين هالمسؤوليه ولا يسوون شي غير انهم منظر بس....

شباب آخر زمن

خخخخخخخخخخ الصراااحه وش اقول غير الله يهديهم الحين الشباب مستويين شرات البنات والله يوم تمشي في مكان عام ما تعرف من اخت الثاني خخخخخخ لو ان البنت لا بسه عبايه بتقول ع اللي عدالها اختها استغفر الله العظيم
حافظ ع شباب زمن اول قمه في الرجوله والأخلاق.....

القنوات الفضائيه

الواحد صار يمل من شي اسمه تلفزيون وما يعرف شو يطالع والله الغالي مره ابووويه كان بي**ر التلفزيون بسبه اغنيه لوحده هههههههههههه
لا الحمدالله ربك ستر وما **ره بس تم اسبوع التلفزيون مطفي ومحد شغله بسبه هالبرامج الغنائيه وغير الهادفه.....
الله يهديهم

سلمت يالنعيمي ع الطرح الغاوي عساك ع القوه واسمحلنا ع التفلسف ماشاء الله عليك طرحت قضايا وكل قضيه ارووحها موضوع
تقبل مروري اختك.... نتريا الحلقه اليايه

وعليييج السلام ورحمة الله وبركاتة

ماشاء الله عليكن ، اشهد ان محد مقصر فالموضوع وصدقتي
كل فقرة روحها موضوع وهذا ان دل على شئ فهو يدل على ( احمم احمم)
الحنكه والدهاء اللي بحوزتي الكم خخخخخخخخخ

ربي يسلمج بخصوص ارتفاع الأسعار ، المينو صدق اتريوا شوية على قولة
وزيرتنا بيرتفع ، اذا الكلن** ارتفع والله يعزكم بامبرز الأطفال
صدق تخيلوا اصحاب الدخل المحدود ا الأقل شوية من وين بيحصل له
ع سبة يصرف على اسرتة
( راتب عامل مصري في محل احذية يصل الى 800 درهم )

وهو هب مسكن هله عنده لأنه هله في مصر

( لاحول ولا قوة الا بالله ) ...

0
0

وانا طال عمرج مالوم الوالد يوم انه يبا يهردم التلفزون
ع سبة انه يخاف عليكم من الحثالة واللوث اللي تبثة فضائياتنا للأسف(العربية)
0
0
وموقف المسيد اللي خبرج عنه الوالد ( هو موقف من مواقف) هههههههههه
والله الواحد لو يعود عياله على الصلاة من الصغر ( والحزم معهم)
لتعودوا ، لأن الصلاة على التعود ، ومن تعود عليها ماراح يأثر فيه
اي شيطان ( ربية يبعده عن اليميع )
0
0

مشكورة اختية نظرة ماقصرتي على التجاوب والمداخلات الطيبة
في مواضيعي ، واتريوا مني المزيد من جعبتي لكم
0
0

اخوكم /النعيمي __DEFINE_LIKE_SHARE__

النعيمي · 02-15-2008, 12:12 AM

المشاركة الأصلية كتبت بواسطة سلمى

[align=center]مرحبااا السااااااااااااااع اخويه النعيمي
بخير عساك الخير
مواقف مؤلمه ذكرتها
الي نسمع فيه ونشوفه من عقوق للوالدين ، استهتار بأرواح الناس ،
التهاون في أمور الدين ، هجر المسااجد ، الخمول ، ال**ل ، تضييع الوقت
في أمور تغضب رب العالمين كل هذا يحز ف الخاطر ويدمي القلب
بس شوووه بيدنا الموازين مقلوبه في زمنــا الصح غلط والغلط صح
عند شبابنا مافي توعيه ولا رقابة ..
بختصااااااااار الدنيا فوضـــــــــــــــهـ ..
وفلأخير المنهـ ع من هداهـ اللهـ
دووووم مواضيعك هادفهـ مشا الله عليك
تنااااااقش مشاكلنا بأسلوب راقي وبدون تجريح
كل التحية والشكر لك ويعطيك مليون عافية
نرقب الزود منك [/align]

مرحبا مليووون

ونعم الساااااااع

حياج الله ختية سلمى ، مشكورة على المداخلة والإضافات الكريمة منج
0
0

تقبلي تحيات
0
0
اخوج النعيمي __DEFINE_LIKE_SHARE__

مزيونة بوظبي · 02-15-2008, 12:18 AM

مشكور اخوي كل الي قلته صح والله يعطيك الصحة والعافية __DEFINE_LIKE_SHARE__

آ۶ـشڨ ڎآڪ }›،. · 02-15-2008, 01:26 AM

وعليك السلام ورحمة الله وبركاته

يسرك الحال ** ومن صوبك .؟

كل كلمه قلتها نلتمسها الحين في مجتمعنآ

لكن للأسف آنته تتكلم وغيرك يشكي ويرفع صوته وغيره يضم صوته لصوتك --{ لكن للأسف منو اللي بيسمع وان سمعوا يقولك "هذا حال الدنيآ "

آن كآآن هالحآآل مستمر --{ عز الله مـ ح ـد بقى

من سآلفة تجنيس لسآلفة الاسعار المرتفعه .............الخ

تدخين --{ ليته بس ع الاجانب مالنآ ومالهم لكن والله تشوف صبًي زين منه فيه طول ماخذلك زقآآره ويدووخ والدنيآآ كوول عنده

ولا الحين صآآروا يبعيون بالزقآره الوحده بدال باكيت كامل --{ الله يرحمنآ برحمته

بنآآت --{ وآآيد سآآلفة البنات طايحه هالايام بناطلين برموده والشيله جنها متسفره مب متحجبه والميك آب وغيره وغيره وغيره وهذا كله لشوو سووووق --{ مايرزى عليه اشتري حايتيه وانا بهالشكل ""الله يستر علينآآ ""..

عآآق --{ عادي وصل البعض منهم يزقر ابوه "آبو فلان " واحد من الربع مش ابوه هذا لو مازقره بأسمه "الله يقدرنآآ ع طاعتهم*** ورضا الله من رضآآهم "

صلآآة الفير --{ركعتين الفجر خير من الدنيآ ومافيها

الله يقدركم ع صلآآتها جمآآآعه ** ويصلح اللي يفوتها ** ترآآها بركه من رب العالمين

هذآآ والله آعلم ببآقي القضآآيا اللي مانطرحت

ربك المستعآآآن

يعطيك العافيه ع الموضوع --{ السموحه منك كتبنا مقآآله مب رد ^^ __DEFINE_LIKE_SHARE__

المواضيع المتشابهه
الموضوع	كاتب الموضوع	المنتدى	مشاركات	آخر مشاركة
مين زعلان؟؟؟يدخل هنا	محروم.كوم	منتدى أخبار المواقع والمنتديات العربية والأجنبية	0	11-16-2009 01:20 AM
صور للجرو شعلان	محروم.كوم	منتدى أخبار المواقع والمنتديات العربية والأجنبية	0	09-16-2009 08:30 PM
صور للجرو شعلان	محروم.كوم	منتدى أخبار المواقع والمنتديات العربية والأجنبية	0	09-16-2009 08:20 PM
اليكساء زعلان علي ؟؟؟	محروم.كوم	منتدى أخبار المواقع والمنتديات العربية والأجنبية	0	08-29-2009 04:40 AM
لو زعلان ادخل	محروم.كوم	منتدى أخبار المواقع والمنتديات العربية والأجنبية	0	07-04-2009 06:30 AM