تدري حبيبي انكتب اني احب منك العتب
عاتبني اكثر لو تبي حتى اذا مافي سبب

الله يا محلا شعوري وانا حس اني ضروري
وفعلا يهمك حضوري واني حبيبك انحسب


راشد" ياخي مادري ليش يوم اجوفها انسى كل شي"


نواف" مقهوووور، هذا وايد زودها من الصبح يطالعها، شسالفته!!"

راشد" انتبهت ان في حد يطالعني، اوووه العله نوييف، طالعته بنظره يعني خييير
شتبي!! في شي!؟"

نواف " عيونك يا الحبيب"

راشد : سمحلي انا ما افهم لغة الاشاره لان عمري ما تعاملت مع معاق

نواف "نعمممم هذا شو يالس يقول؟!! كأنه يالس يهيني!!" : اوووه انته تعرف ترمس؟! وانا من زمان عبالي عندك مشكلة بالكلام

راشد "تريا عليه شويه يالجلب, ان ما عرفتك قيمتك ما اكون راشد" : يلا ما عليه زين اهم شي اني عرفت انك مب معااااااق "شددت على كلمة معاااااق"

سالم" ما قدرت امسك نفسي, انفجرت ضحك عليهم" : هههههههههههههههههههههههههههههههههههههههههههههه والله انكم هبلااان, ما كأن امهاتكم خوات

راشد ونواف "ما حصلي الشرف"

حمدان: انتوا بلاكم , كأن كل واحد فيكم مقتوله قتيل ؟!

راشد: سلامتك, تدري عاد " اشترت على نواف" انا مب وايد ويا هذا عشان جذي ما اعرف عنه شي وما جفته يرمس ففكرته معاق

سالم: اخس يالجذب

راشد: جب جب انته ما يخصك

سالم: لا انته اليوم ما تتقارب

راشد: زين يوم عرفت

سالم: كريييه

راشد: مب مني من الاشكال الي يالس وياها

سالم: ايييييه ما كأنك مصختها وااايد!!

راشد: لا حوول انزين انا يمكن ما قصدتك

حمدان " وانا اعرف منو يقصد" : اهييي لا يكون تقصدني انا

سالم: هيه ع بالي, اذا حمدان صدقت

حمدان: ايييه جب, احترمني اكبر عنك

سالم: ان شاء الله عميه "حبيته ع راسه"

راشد: والله انك قووو

حمدان "وانا احرك حياتي فوق تحت" : جفت!! اعلمك انااا

سالم: اقووول لا تخليني اندم على الي سويته

ديالا: هههههههههههههههههههههههههه

راشد "لفيت في ه اللحضة صوبها, جذبتني ضحكتها, ضعت في ملامح ويهاا"

نواف "انااا خلااااص وصلت حدي, بقووم بكسر راسه احيين وجداام الكل"

ديالا "استحيت لف راشد وطالعني, خلاني انزل راسي غصب, بس اوووف لييش يا ديالا لييش سويتي جذي, احين بيفكر بتفكير ثاني"

نواف "هذي لا يكووون , قطع تفكيري سخافت سلوووم"

سالم:فديييت الضحكه ياربي, عذااب والله عذااب, لو ماكنت سلوم كان خذتج

ديالا: ههههههههههه اهبل, قصدك اخوويه

سالم: طاااع, بسامحج بس عشان يتمتيني بضحكتج

ديالا: سلووووم عن السخافه, تراك تخوفني جذي

سالم "حكيت راسي بطريقة غبيه, لاني ما فهمت قصدها" : شووو!! كيف؟ ما فهمت

ديالا: هههههه اهم شي انك ما فهمت

سالم: والله لتقولين , شو كنتي تقصدين

ديالا: ما اقصد شي

سالم "رحت صوبها, وابتسمت بخبث لاني اخيرا فهمت الي كانت تقصده"

ديالا: سلووووم

سالم: ههههههههه

حمدان: يا منحرفين انتي ويااه

ديالا "نقزت وتمسكت بحمدان" : والله انا ما يخصني هو المنحرف

سالم: طااااااع لا والله, اصلن انتوا يالبريطانيين اصل الانحراف

ديالا: حدك عاااد, بريطانيا خط احمممممر

سالم: خفي علينا

ديالا: اسمحلي عند بريطانيا ما اخف

سالم: اوك لا تخفين مع الايام بتخفين

ديالا: لا تحاول,تشوف الذره كبر شو!! بريطانيا كل شي بنسبه لي, مستحيل حبها ينقص ربع ذره في يوم

سالم: بييج الي بينسيج بريطانيا وطوايفها

ديالا "مافهمت شو يقصد, طالعت حمدان" : هذا شو يقصد!!

حمدان: ما علييج منه, "طالعت سلوم" ايييه سلووم لا تخرب البنت يا حيوان

سالم: ههههههههه انزين انا ما قلت شي

حمدان: لا ما قلت شي, المهم عييب ترمسها عن ه المواضيع

سالم: قال عيب اووونه, عااادي ما فيها شي, ما قلت شي كبير

ديالا "وانا اشد حمدان من كندورته" : حلفتك بالله تقولي معنات طوايفها؟!

حمدان: ههههههههه انتي اثاريج زييرو , ما تعرفين عربي واايد

سالم: هههههههههههههههه والله اختك الي يسمعها وهي ترمس بيتحراها زلمه

حمدان: هههههههههه


ديالا: ايييييييييه جب لا تتمسخرون علييه

حمدان وسالم: اسف

ديالا: خلاااص سامحتكم, انزين قول شو معناتها

حمدان: خلييج منهاا, كلاام فاضي

ديالا: حمدااان عااااد, تراني بقول لابويه

سالم: حمدااان دخييلك قولها شو معناها انا ما اعرف افهم حد, فهما لا تسير عند ابويه وتعيدله الجملةكلها ويغسلني غسال بالعصا

راشد ونواف: ههههههههه

راشد ونواف "ما كملت ضحكتي من سمعته يضحك"

ديالا "هذيلا شي امبيينهم"

حمدان: ما بقولها

سالم: حمدااان عااد

حمدان "احرك حياتي غياضا له" : لااااااااااااء

راشد: it means Britain and everything has related to its

سالم: خف علينا يا البريطاني

نواف "ضحكت عشااان اقهره" : هههههه

راشد "بقهر" : جب جب لو قلتلها بالعربي ما بتفهم عشان جذي قلتها بالانجليزي لانها بتفهم واسهل شرحها من العربي

سالم: خخخخ خلاص انا اسف

راشد: لاااا احين اسف, صدق من قال افعل خيرا تلقى شرا

سالم: والله والله اسف

راشد: خلاص سامحتك

ديالا: so who’ll make me be like that? Haaaa

سالم: ايييييه لا تصارخييين

ديالا: say yalla who that?!

سالم: ما بقووول

ديالا: ok I’ll tell my dad

سالم: الله يهديك يا راشد ليش ترمسها بانجليزي نحن نبيها تنسى وترمس عربي, حوو حوو تعالي خلاص ما بقولج

حمدان: هههههههههه عيل بتييك الحين

ديالا: yalla tell me

سالم: ارمسي عربي اول

ديالا "سويت حركة دوم اسويها لامييه يوم ابي شي وما توافق اول شي وبعدين توافق"

سالم: طااااع تعابير ويهاا, لا تسوين ه الحركه تقهرنييي والله

راشد " امووت انااا , ما اقدر ايلس ثانية وحده, احسن اسير البيت قبل لا اسوي شي وانفضح"

ديالا: يلااا قوول

سالم: انا قلتلج تعالي ما بقولج ما قلت تعالي بقولج

ديالا "بترجي" : سااااالم عااد والله تعبت , قولي وخلصني

سالم: امري لله, يعني ان شاء الله يوم بتاخذين اقصد بتتزوجين اعرفج اذا قلت باتخذين ما بتفهمين, المهم يوم بتتزوجين واحد اماراتي ان شاء الله بينسيج بريطانيا وطوايفها

حمدان: يا حيوااان لا تقول ه الرمسه للبنت, انته ما تفهم

سالم: ما تجوفهاااا صدعتني

ديالا " ااااخ لييش اصريت انه يقولي, حمرييت , اصلن انا يوم يطرون لي سالفة الزواج, اتوتر, حطيت صبعي ع النظاره ورديتها, انا يوم اتوتر اسوي جذي وهذي الحركه فضحتني"

حمدان: هههههههههههههههه

ديالا "حمدان انتبهلي, اساسا هو يعرف كل تصرفات" : حمداااااااااااااان

حمدان: خلاص خلاص والله خلاص

سالم : ليش ضحكت

حمدان: ماشي, ما يخصك

ديالا "عشان اسلك ع الموضوع" : اصلن منو قالكم اني بتزوج اماراتي!! انا غير البريطاني ما بتزووج

حمدان: هيه ما علييه

نواف: اصلن غير ولد عمج ما بتاخذين

سالم: هذا الي مصدق عمره

حمدان: هههههههههه

ديالا: قصدك غير ولد خالي ما اخذ

نواف: هيه يصير خير بنرغدج عند الغرب

ديالا: ولد خالي مب غريب

نواف: ولد خالج ولا مب ولد خالج المهم ما بتاخذينه

ديالا "عصبت" : انته منووو عشان تقولي اخذ هذا ولا ما اخذه, بعدين حتى لو ما كان ولد خالي باخذه يعني باخذه وما تقدر تمنعني

نواف "بقهر" : لا تحاولين بريطاني ما بتاخذين

ديالا "خلاص انفجرت بعصبيه , انا ما احب يعاملني جذي" : باخذ بريطاني غصبن عنك, انته مالك كلمه عليه, والبريطاني ما فيه شي ريال حاله مثل اي ريال, انته هب احسن عنه


نواف: جبببب لا تصارخين

حمدان: خلاااص اسكتوا

ديالا: قال ما بتاخذين بريطاني قال, ترا البريطاني يقربلي مني وفيني, دم البريطانين يمشي فعروقي مهما حاولت

نواف: ذليتينا ب هالبريطاني, الله عاد ويا ه البريطاني

ديالا: انا ما فهمت كلامك بالحرف الواحد لكني فهمت المضمون, اصلن انته البريطاني ما طوله

نواف: نعم نعم شقلتي

ديالا: قلت الي قلته

حمدان: ديالا خلاااص

نواف: انتي قليلة ادب امج ما عرفت تربيج

ديالا: حدددددك الا امييه, ع الاقل ربتني احسن من تربية امك لك

نواف "طبعت كف ع ويها"

ديالا "انقهرت لان حمدان وسالم ما حركوا ساكن" : حقييييييير, تغلط ع الناس وما ترضى الناس تغلط عليك

نواف: كلمة زياده وكف ثاني بييج

حمدان: نواااااف خلاص, ترها ختيه بعد لا تنسى

ديالا "رحت لاني خلاص بصيح"

راشد: يلا شباب انا بروح "لحقتها بدون ما احس"

ديالا "طلعت برع عند المريحانات, وقفت ع المريحانه وبديت اتمريح وانا واقفه , غمصت عيوني وازاعق بصوت عالي عشان اطلع القهر, يوم اضايق احب اسوي, بس مع ذلك نزلن دموعي, كل ما اصارخ ازيد السرعه لا ارادي لدرجه اني طحت ع ورى, فتحت عيوني"

راشد "بعصبيه" : تبين تكسرين عمرج!! انتي بعدج ما صحيتي عدل, واذا نكسرتي حلمي الكسر يتجبر

ديالا "كان راسه فوق راسي وكان وايد قريب, ابتسمت" : شكرا لانك مسكتني

راشد "ما اعرف اعصب ولا اضحك" : عايبنج الوضع

ديالا "بدون احساس وبجراه ما اعرف من وين يتني" : هييييه



: خلاص, انته يبها تعيش عندكمو بعدين انجوف شو بنسوي

2: جوف انا بسوي المستحيل عشان ايبها, واول ما ايبها تنفذ اتفاقنا

: يوم اتوزجها بتوقع ع ورقة و ع طول المبلغ بيكون في حسابك

2: لش بعد التوقعي

: هههههههههه يا حبيبي التوقيع لازم عشان ما اطالبني باي مبلغ بعدها

2: ما يحتاي كل هذا, انا باخذ المبلغ وما بطالبك بعدها باي شي

غمزتله وانا اصحك : ههههههههههههههه عليه, انا اعرفك عدل , انا وانته من نفس الطينه



في بيت اليده

وليد "بملل" : يدوووه تعرفين شصار؟!

يدوه: شصار؟!

وليد: ما صار شي

يدوه: شو قلت!!

وليد: ما قلت شي؟!

يدوه: هااا شووو قلت

وليد: انتي تسمعين الي تبينه وتخلين الي ما تبينه

يدوه: هااا شو قلت!! وشوووووو صااار؟!!

وليد: يا حبج للفضول

يدوه "كرخته ع راسه" : ما تستحي انته!!

وليد: ااااااي يعوور, يدووه عااد, يوم اقولج تخلين الي تبيينه وتسمعين الي تبيينه

يدوه: تراني اعرف حركاتك عدل, لا تحاول تتستهبل

وليد: ليش محمد يحبني !!

يدوه: منو ما يحبك

وليد: انتي

يدوه: ع اساس انج ادور محبتي

وليد:انا اقول ولدلج طالع ع منووه, اثاريه طالع عليج

يدوه: اي ولد

وليد: ابويه

يدوه: اكييد تراني امه بيطلع عمنو مثلا!!

وليد: انزين تدرين شو سوابي ولدج!!

يدوه: شو سوابك؟!

وليد: هزبني هزاب العمى وكان بيرشني رش بالعقال

يدوه: لييييييييييش!!

وليد "وانا اكسر خاطر يدوه" : لاني فتحت عن البوش

يدوه: دوااك تستاهل اكثر, اشعنه تفتح عن البوش, ما معبل على راسك

وليد: يدووووووه انا اباج توقفين وياي مب ضدي

يدوه: لا له يوم بتعصب بابوك ما بوقف وياك

وليد: قولي لانه ولدج هب لاني عصبتبه

يدوه: لا له انا اوقف مع الحق, لو غلط عليك بوقف وياك حتى لو كان ولدي, مثل ما هو ولدي تراك انته حفيدي

وليد "حبيتها ع راسها وحضنتها" : ايييييوه يدووه انا احبج والله يوم تقولين حفيدي

يدوه: خوووز عني خنقتني

وليد: فدييت الي يستحون

يدوه: وليدووه يوز عني وخلني راضيه عليك

وليد: بيوز عنج بس بشرط تاخذين حقي من ابويه

يدوه: ويديه, شو سوى بعد ابوك

وليد: يدوووه تراني قلتلج, هزبني

يدوه: لا لا تستاهل محد قالك تتعبل فالعزبه ع كيف كيفك

وليد: يدووه يرضيج انا لو ما جفتهن يبغمن ما طلعتهن والله والله, لا تنسن تراهن بهايم حتى هن يبن يشمن هوا

يدوه: الله اكبر علييك, اصلن البوش من متى يباغم؟!

وليد: يييه يا يدوه زمان اول غير عن زمانا, ومانا الحيوانات تمردن, ع زمانكم القطو يشرد من يجوفكم, اما الحين يحط عينه في عينك كانه يقول منو الي فينا بيشرد

يدوه: والله انك خبله, البهايم يتمن بهايم

وليد: بهايم ع زمانكم, لكن ع زمانا تعلمن وصار تفكيرهن يجاري تفكيرنا


سلامه "جذبني اسلوب وليدوه مع يدوه, وليد اكثر انسان يقعد يسولف وياها, يحبها ويحب يتحرش فيها ويطفربها وبالاخير يراضسها لان ما تهون عليه, الله يديم المحبه امبينهم ولا يغيره عليها, لان يدوه مسكيينه تحس بالوحده, اكثر واحد مسلنها وليد, رحت ويلست وياهم" صح يدووه والله بخبرج سالفه صارتلي مع القطو الاسود

وليد: حي الله بالسلامي الحلوه, جفتي يدووه حتى سلامي حاسه بهذا الشي, الا انتي

يدوه: كلكم هب صاحيين

وليد: انزين اسمعي اول

سلامه: اشكرك والله, خلها تسمعني اهئ اهئ لان الكل يطنشني يوم ابي اتكلم

وليد: هههههههههه والله يا بنت العم انا الا شراتج

سلامي: ههههههههههههههههههههههههههه

يدوه: سلاامه بنيتي شو كنتي تبين تقولين

وليد "غمزت لسلامه" : اشتغل الفضوول

سلاامه: ههههههههههههههه

يدوه: بترمسون ولا لااا

وليد: زعلت زعلت, سلامي خبريها قبل لاتعصب علينا وتمرغنى بالعصا

انضم لليلسه, حمد ونايف وميود ومروان وسلطون, سلطان ما ارح بيت خالته لانه كان طالع ويا ميود من الصبح

سلامه: الله يسلمج عاد تدريبي اكره القطاو ف كنت مره رايحه المطبخ الفليل الساعه 2 لاني كنت حدي يوعانه ما رمت ارقد من اليوع, جهزتلي الاكل يوم يييت بطلع من المطبخ الا احصلج قطو اسود عيونه زرق, خفت منه الا اوني خليت عمري هب خايفه, رغته وما خليت صوت كلب ما قلدته, وهزبته هزاب الا انه ما حرك ساكن ولا رمشله عين, بس تم يطالعني شرات المتنح, حسيت ما منه فايده الي اسويه, وعطيتها بشرده للبيت

الكل : هههههههههههههههههههههههههههههههههههه

يدوه: غربلج الله , زين ما سوابج شي

سلامه "كان نايف يطالعني وهو مبتسم" : ههههههههه الحمد لله عدت على خير

نايف "هههههههه الحين عرفت ليش ذيج المره يايه صاروخ البيت, يوم سألتها قالت خفت من الظلام ههههههههههههههههه مادريت انج يا سلامه تخافين من القطاو"


سعيد كنت ارمس تلفون

سعيد "معصب" : ليييش ما خبرتي امج!

: اووه سعيد, ما ابي اسبب مشاكل لاميه, تعرفهم زطوط

سعيد: هب كييفهم, هذيلا لازم حد يوقفهم عند حدهم

: يعني منو مثلا؟!

سعيد: يتحرون ما وراكن اهل؟! ابويه موجود وكل عمومتي موجودين

: امييه ما تبي تقول لحد عشان ما تسبب المشاكل بين العايلتين

سعيد: هذيلا ما بيكفون شرهم, هب معناته ابوج ميت يعني الهم كلمه عليج, خلاص انتن لازم تنتقلن واتن تعيشن عندنا هنيه , محد فالبيت الا انا ويدوه وابويه, البيت متروس غرف, وانتن هب كثركن الا ثنتين

دانية: امييه ما بطيع

سعيد: ليش ما اطيع, هذا بيت امها

دانيه: سعيد دخييلك رمسها انته وعميه واقنعوها, والله العيشه هناك كرف ومعاناه

سعيد : خلاص حبيبتي لا تشلين هم , ويلا تعالن تاخرتن واايد

دانيه: فدييتك والله الحيين ياينكم طيرااان

سعيد: اذا ما عندكن حد اييبكن, بيكن احين

دانيه: لا فديتك انته تعبان, مانبي انتعبك, اصلا الدريول يااا

سعيد: قولوله يقولك بابا سعيد لا تسرع

دانيه: ههههههههه اوكيك باباه

سعيد: الله يحفضكن, انتبهله يوم يسوق, دريولكم خديه, واذا تبوني ابدله لا تستحن قولن

دانيه: ما تقصر والله

سعيد: دااانيوووه

دانيه: عيونها

سعيد: هب تكشخين واايد, لان البيت كله عيال

دانيه: لا ما عليك, كلي ع بعضي سمبل اليوم

سعيد: بجوف السمبل يوم اتيين


الدانه "مقهووره, يرمسها جدامي بعد, ليش صرت جاسي يا سعيد"

سعيد "جفتها اطالعني, ابتسمت "

الدانه "ابتسملي ولا انا حوليت؟!"

سعيد "تقربت منها" : لازم نتكلم

الدانه "استانست وايد بس في نفس الوقت خايفه, عورني بطني "



سياف : ههههههههههههههههههههه لا باجر الفليل ان شاء الله

ابو عبدالعزيز: ضروري يعني

سياف: هيه عميه ضروري, هذا مستقبلي

ابو عبدالعزيز: بس امك هب راضيه

سياف: ان شاء الله بترضى لين باجر

ام خالد: للللاااااا انا هب راضيه ولا برضى بعد

سياف "رمست بقهر" : سويت الي تبونه وما عارضت, تخليت عن حلمي, دخلت طيران وانتوا عارفين طبيعة شغلي وما اعترضتوا بالعكس دعمتوني, الحين تمنعوني اني اكمل شغلي!! ترى هب بكيفي هذي رحلة عمل, وافقتي ولا لا انا بسير فأحسن ترضين من البداية

ام خالد: انا هب مرتاحه ل هسفره, انا ما ابييك تبتعد عني

سياف: انا لازم عيل ببتعد, لازم ءاسس مستقبلي عشان اقدر اعيش, يعني انتي ما بترتاحين الا يوم ابتعد عنج ويصيرلي شي كله لانج مب راضيه عليه؟! اذا تبين هذا الشي والله بحققلج اياه



: اصلن عافها الخاطر, بس بسوي شي في بالي وبعدين بخليها في حالها هههههههههههههههه

2: ههههههههه لهدرجة يعني

: هيه, واكثر, انا كنت اباها بالطيب, لكن الحين خلاااص ما ابيها خير شر, باخذ انتقامي وبعدين بااااااااااي

2: هههههههههههههههههههههههههههههههههه








: مااا يبيني

2: شو بتسوين احين

: مادري مادري, والله مشتاقتله, ابا اجوف شكله كيف تغير يوم صار كبير

2: الله يعينج والله

: كيف اخليه يسامحني؟! والله كنت مجبوره اني اخليهم

2: الله يسامح من كان السبب

: الله لا يسامحه الله لا يسامحه فرقني عن الي احبهم




: جوااهر يلااا عااد

جواهر: والله الاوضاع متوتره فالبيت

: يا ربي كل مره تتعلثين ب شي

جواهر: مهووووووووور شفيييج!! ياخي منو ما يبييي يطلع ويجوف الدنيا, منو ما يبيي يستانس ويا ربعه, حراام عليج, ليش ما تقدرين وضعي

مهره: انتي ليش ما تتفرغين لنفسج؟!! لين متى بتمين ادارين كل الي فالبيت!! هم اضني حتى ما يهتمون لوجودج

جواهر "تنهدت" : خلييها مستووره, محد غير عمور فديته الي مهتم فيني

مهور: مااالت عليينا لا حبيب ولا صدييق

جواهر: اعنبوج كل البنات الي حولج وتقولين ماشي صديق, عيل شو تقولين عني

مهور: ههههههههههه هذيلا بس حق الوناسه, ولا ما عندي حد اشكيله واقوله الاسرار غييرج

جواهر : الله يعيين, انزين ما قلتيلي شصار ويا الحب!! اعترفتيله

مهور: اسكتي عني, بمووت والله بموت اذا ما اعترفتله

جواهر: انزين شو المانع!! اعترفيله

مهور: اخاافه ما يبادلني الشعور

جواهر: انزين انتي شو بتخصرين, اعترفيله

مهور: مادري والله

جواهر: ولا مره كلمتييه؟!

مهور: لااا بس اسمع اخباره من اخووه

جواهر: ههههههههه الاخو يدري وهو الحبيب ما يدري

مهور: جفتي كييف عااد, "تنهدن" ااااااااااه

جواهر: هههههههههه بلاج بعد

مهور: الحب بيسافر

جواهر: احلفي متى!! كيف عرفتي؟!

مهور: اخووه قالي, باجر فليل طيارته

جواهر: يالهبله عيل لازم تقوليله, ما تدرين شو بيصير يوم بيسافر, بعدين ما بتخسرين شي, يمكن بعد هوو يحبج

مهور: لا تعطيني الامل

جواهر: يالهبله انتي اعترفيله شو خسراانه, تراج بعدين بتندمين يوم بيسافر

مهور: خلاااص, بدورلي طريقة عشان اجوفه

رايكم توقعاتكم للبارت القادم : ......< يحمسني اكثر

ديالا:
راشد:
نواف:
حمدان:
سالم:
يدوه:
وليد:
سلامه:

نايف:
سعيد:
دانيه:
الدانه:
سياف:
ام خالد:
جواهر:
مهره:

من القائل:

: الله لا يسامحه الله لا يسامحه فرقني عن الي احبهم, منو الي يرمسون عنه؟

: اصلن عافها الخاطر, بس بسوي شي في بالي وبعدين بخليها في حالها هههههههههههههههه , على شو ناوي ياترى؟!

: خلاص, انته يبها تعيش عندكمو بعدين انجوف شو بنسوي

2: جوف انا بسوي المستحيل عشان ايبها, واول ما ايبها تنفذ اتفاقنا