| ||||||
| قصص و روايات تهتم بالقصص المنقوله وقصص الاعضاء الطويلة والقصيرة |
 |
| | LinkBack | أدوات الموضوع | انواع عرض الموضوع |
04-27-2013, 11:52 PM
| رقم المشاركة : [ 36 ] |
| عضو جديد |  البارت الثالث عشر :
__DEFINE_LIKE_SHARE__
عاامر : دخيييلج بثنيه ريحيني من عذاب الضميير , ابا اعرف كل شي عنها بثينه : ليش ؟! تراها ما تهمك عامر : احبهاا والله احبها وهي كرهتني فييها بثينه : حتى لو قلتلك ما بتصدق الي بقوله عامر : اذا انتوا كلكم صدقتوها انا ليش ما اصدقها ؟! بثينه : ولد عمها ما صدقها , كيف بتصدقها انته عامر : انتوا ليش صدقتوها عيل ؟! بثينه : لان هدى مستحيل اتسوي هـ الشي , نحن واثقين فيها عامر : عيل ليش انا ما بصدقها بثينه : لان الدليل الي بتجوفه ما بيخليك اتصدق عامر : بثييينه لا تحيريني , انتوا ليش صدقتوها مع ان في دليل , والمنطق يقول لا تصدق الا الي تجوفه بعينك بثينه : وانته قلتها ما تصدق الا الي تجوفه بعينك , ونحن ما جفنا شي غير صور , والصور مجرد صور , هه عادي انا ممكن اسوي الف صوره مفربكه , ونحن صدقناها لان وهدى اذا قالت لا يعني لا , وبعدين هدى مب غبيه لـ هدرجه عشان اتسوي مثل هـ الاشياء يوم انها بترتبط بواحد ثاني عامر : خبريني السالفه كلها , مثل انتوا ما عرفتوا انا بعد لازم اعرف بثينه : تعرف حرمة عبد العزيز ؟! عامر : لا بس سمعت عنها بثينه : كانت اعز ربيعات هدى وتعرف كل شي عنها , طبعا هدى وثقة في هـ الانسانه وكانت اتقولها كل شي , وكانت اتخبرها دوووم عن عبد العزيز , يوم درت ريما ان هدى بتتزوج عبد العزيز تم تقولها واايد اشياء عن عبد العزيز عشان ما تتزوجه عامر " قاطعتها وقلت " : مثل شو مثلا بثينه : ان عبد العزيز مغازلجي وكان يغازلها وهي كانت ساكته وما خبرت هدى عشان ما تجرحها بس يوم وافقت هدى ع عبد العزيز قالت لاااااااء لازم اخبر ربيييعتيه عشان ما تتورط وياه بعد الزواج , وقالتلها ان عبد العزيز يحبها (ريما) بس اهله غاصبينه ع بنت عمه وهو بيتزوجها (بيتزوج هدى) بس عشان يقرب منها (ريما) و بعد كم من شهر يطلق هدى وياخذ ريما, هدى شكت فـ الموضوع , ومره عبدالعزيز كان في بيتهم وريما كانت بتي عند هدى , ويوم راحت تستقبلها ; بالصدفه جافتهم برع واقفين و ريما ادقول لعبد العزيز لا تتزوجها انا احبك وهي ما تحبك , هي تخونك مع واحد ثاني وانا بثبتلك هـ الشي عامر : وطبعا الست هدى واجهتها وريما هددتها وصار الي صار ,ههههههههه اي فلم هذا الي قاعده تسردينه , ع فكره السيناريو واايد حلو بس مشكلته وايد متكرر فـ المسلسلات , يعني موضته جديمه خ تجرب واحد غيره عند وليد : وليييد : والله العظيم شي مهم ما اقدر اقولك ليش , بس انته ترجمها اليه سعيد " وانا رافع حياتي " : متأكد انها مالتك ؟! وليد : هب مالتيي , مالت ربيعي ولازم نعرف شو مكتوب فيها , تعرف انته لازم يعرف شو المكتوب قبل لا يوقع عليها ويتورط سعيد " قريتها وانا شاك , يغربل بلييسك يا وليدوه مكتوب اسم سياف عليها " وليد : هااااا قولي شو مكتوب فيها سعيد " قلت خلني اسوي فيه مقلب و ءادبه عشان ما يسك شي هب له مره ثانيه , قلت وانا امثل العصبيه " : وليييدوه من وين يايب هـ الورقه ؟! وليد : هااا , ليش ؟! سعيد : يا حيوان تدري ان هـ الورقه تودييك في ستيين داهيه وليد " شكييت فالموضوع بس نبرته كانت جديه ": كيييف ؟! سعيد : يا حيوان هذي الورقه لو طاحت فـ ايد الشرطه وحصلت صاحبها علييه السلاام وليد " انا هب فاهم السالفه بس اوني ويااه " : جففت قلتلك ان الورقه مهمه, اساسا انا كنت شااك , الحمد الله ان ما وقع عليها الولد , بس قولي شو مكتوب فيها سعيد " كنت بنقع ضحك بس قلت خلني اكمل المسرحيه واجوف اخرتها ويا ولييدوه الي ما يتوب ابدا , حتى وهو في هـ المواقف يجذب " : هذي ورقه اذا وقعت عليها بتصير ارهابي , يعني اذا وقت بتكون وموافق ع كل شي بيستوي وتسلم نفسك لـ هذيلا النااس وليد : احلللف ؟!! سعيد : حد يدري بـ هذي الورقه غيرك انته وربيعك وليد : لا لا مااحد يدري , عطني عطني اياها سعيد : لا حبيبي ما بعطيك اياها , انا لازم اعق لا ليش اعق احرق هـ الورقه وليد : بس سعيد : لا بس ولا شياته , انته تبا تورطنا وليد : هذي الورقه هب ماالتيي , انا جذبت علييك , هذي مالت سيافوه الجلب , وصلت المواصيل لـ هدرجه عشان يسير ويا الارهابيين , هذا لين وين يبا يوصل سعيد : احللف , سيااااااف !! ما اصدق وليد : اذا ما تصدق احين دقله خله ايي , هذا يبا يورطنا سعيد : دقله خله ايي احين " وليد دق ع سياف ومطيت التلفون منه عشان اثبتله ان السالفه صج , وكملت تمثيلي ع سياف بعد عشان ما يشك وليد بأي شي " : سيااافووه يا الجلب وينك ؟! سياف : بسم الله بلااك , حتى ما قلت الو سعيد : سررررعه تعال بيت يدووه سياف : ايييه اشعندك اتزااعج سعيد : تعال بيت يدووه احين وبتفهم شو الي صاير فـ المول : عمار : لا تعصبي ياخي ربيع عمار : انته بلاك جذي مدمغ , خاف ربك يا ريال عمار : خايف ربي قبل لا اجوف ويهك ربيع عمار : هه بااين , ترا خوانها بيقتلونك والي تسويه فـ البنت حرااام , انته قاعد تطعن في شرفها هذا ما يرضي الله ورسوله عمار : فكني من صدعتك ولا تستويلنا مطوع ربيع عمار : استغفرك ربي واتوب اليك نواف : يا خي طفرتنا ماشي غير هـ المول اتيبنا له , الله يطول عمر بوراشد مسوي عشره بدال الواحد مروان : انته الي طفرتبنا, من الصباح يالسلنا تتحرطم اطنطينيطيناانااااطيينووو , اعنبوا ريح لسانك خلـــــــــه يتنفس شويه نواف : ياخي من صجي , ليييش يايبنا هـ المول ليييييش مروان : انااا ياييي هذا الموول عشان اضااارب , ياااخي خاطري اصفع حد , وان ما سكت بصفعك انته نواف : انت ليييش مشكلجي جذي مروان : اقول اسكت اسكت ودور وياي الجلب الي ما يتسمى , اليوم ان ما دفنته فـ المول ما اكون انا مروان نواف " هذا الي كنت خايف منه " : شو تبا الرياال , خله في حاله مروان : طااااع قال خله في حاله قال , ابووويه هذا اذا ما سويتله جنازه لا صارت ولا استوت اليوم ما برتااح نواف : ميراانوه خله ما دام انه ما سوى شي مروان : شو ما سوى شي !!! قوووول شو الي مااسوه " جفته الجلب يالس يزقر ع زاويه وسرت صوبه وما اجوف شي جدامي من العصبيه , انا لازم اوقفه اليوم عند حده ومستعد ادخل السجن لو اضطريت " نواف : مريااااانووووه يااااحمااااار هدي " ركضت وراه وانا ازعج ع الناس " : ياااا جمااعة امسكووه هذااا خبله بيقتل الريال " الناس اطالعني وهب فاهمه شي , ومريانوه الجلب يوم جافني اركض ركض صوبهم " عبدالله " ربيع عمار " : ايييه عمار نش نش خلنا نسيير عمار : ليش ان شاء الله تو الناس , اعنبوا ما مدالنا نوصل الا وقلت نش نش عبدالله : قوووم سرعه قلتلك , ما تجوف هذا الريال ياي صوبك مسرع عمار " دققت في ملامحه " : ههههههههه وشو بيسوي يعني نواف : مرواااااااااان استهدي بالله ,لا تتهور و تنزل مستواك لواحد ما يستاهل تفالت الهنيدي حتى مروان " كنت معصب وطنشت كلامه , ما حسيت بعمري الا اهجم ع عمااار " عبدالله " حاولت احيز امبينهم لكن كانوا اقوى عني وتكفخت " نواف " اول ما وصلت , هجمت عليييهم وفرقت مروان عن عمار " : فقتك يا النسر لو بعدك حرييم ,اعنبوا كان غلبوك هذيلا المفلع عبدالله : ياخي شو اسوي يييت بحيز عن هذا حصلتلي كفخه من هذا وعااد تجوفها اييدي منكسره ما رمت احياز امبيينهم مروان : نوااااف يالجلب قلتلك بطلني نواف : هب امبطلنك عمار : ههههههههه فكه فكه خلني اجوف شو بيسوي مروان " استفزني بكلماته وما حسيت بعمري الا الف ايدي ع رقبته وظهره لاصق في صدري " : لا حد يقرب ولا والله لاقتله نواف : مروااااان بطل الريال , جووف ويهه شغادي عبدالله : يا ريال استهدي بالله , خنقت الولد , خلنا نحل الموضوع بالهداوه عمار " حاولت ابطل عمري منه لكني ما قدرت , طاح ع العوق " مروان : قلتلك من قبل , بعد عن اختيه ولا والله لاقتل , لكنك ما سمعت لتهديداتي وقايللك من قبل انا يوم اهدد انفذ , انته جنيت ع عمرك نواف " الناس تجمعت علينا , ما قدرت اسوي شي , حتى لو ابا اقترب منه ما بقدر لان هو وراه اليدار وكلنا جدامه , يعني لو كان حد وراه كان اهون , وكل ما قربنا منه زادت قبضته ع عمار " : مروااان هدي , الله يخلييك هدي , جووف الريال ويهه زرق , خلنا نحل الموضوع بالهداوه عبدالله : صدقني الي تباه بيصير , بس فج الريال مروان : لااااااا تقربوون نواف : ما تركتلي غير هالمجال في بيت ابو ناصر : ناصر : فديييتج والله علني لا خلا ولا عدم ديالا : OMG, I’m really embarrassing ناصر : والله بردلج الخدمه دبل ديالا : ولووو واجبي ناصر : بس متأكده من قرارج !! ديالا : هيه والله , انتوا ما عليكم غير تستمتعون ناصر : فديييتج ياليت كل البنات مثلج , بس اخافهم يعذبونج ديالا : اصلن يوسف ووضحة يسمعون الكلام , صح ؟! يوسف ووضحة : هيه يوسف ووضحة " عيال ناصر اعمارهم , 10 و8 سنوات بالترتيب " بعد ما روح ناصر: ديالا : اممممممم شو نسوي احيين ؟! يوسف : عمووه دخيييلج لا تشغليلنا اغاني وتلعبينا رياضه والله نحن هب يهال ديالا : عيل شو نسوي ووضحة : هي مليينا , نبا نسوي شي غييير ديالا : انزين عطوني افكار يوسف : شرايج اتحوطينا بسيارتج ديالا : فكره حلووه بس للاسف سيارتيي خربانه يوسف : لااااااا , عيل شو بنسوي ديالا : I don’t know !! وضحة : هيييييييييييييييييييه حصلتها ديالا ويوسف : شوو !! وضحة : انظهر النقازيه ونخليها اتعبي هوا ونحن اروح نترس السطل ماي وصابون وبعدين نصعد السطل لين فوق ونكبه ع النقازيه كلها وبجي يوم بنزحلق بنزحلق اسرع يوسف : والله انج خطيييره ديالا " كنت خايفة من الفكره ومتحمسه في نفس الوقت , خايفه انهم يطيحون من فوق ومتحمسه لاني ولاول مره بلعب ع النقازيه , كنت اجوفها فالملاهي بس ما جربتها " : امممممممممم بس الفكره خطييره يوسف : يلااا عموووه بما ان يدي محد ديالا : ليش ؟! ابويه اذا جافكم ما يخليكم ؟! ووضحة : لااا عادي يخلينا بس لو جافنا محطين ماي وصابون ياويلنا ديالا : اهااااااااا ما دام جي السالفه عيل خلاص ما بنلعب يوسف : عمووووه عاااد ووضحة : يلااا عااد قبل لا اييي عميه سالم , ترا اذا جافنا حزتها بيهزبنا , خلينا نجهز كل شي قبل لا ايون وبعدين ما بيقدرون يسون شي ديالا " يوم قالت ان سلوم بيعصب , حبييت اسوي الي قالوه عشان اذا قال شي اضارب ويااه " سالم : يا ريال تعشا عندنا اليووم راشد : خلها يوم ثاني سالم : لا والله , والله ي تتعشى عندنا راشد : سلوووم انا اليوم ما رديت البيت , خلها يوم ثاني سالم : اذا ع خالتييه انا برمسها " دييزته داخل البيت " حمدان : يا حيوانات بتتكسروون , انزلوا يوسف ووضحه " كنا ننقز فوق " : لا ما بننزل حمدان : لا لا لا , لا تناقزون , شوي شوي يوسف " تزحلقت وما توقعت بتزحلق بهذي السرعه " : عميه حمدان قوووووووووووووووم حمدان : اااااااااااااااااااااخ , يعلك الحووم كسرت ظهرييه يوسف : ااااي ما توقعتها بتكون جذي حمدان " كرخته ع راسه بسبب غبائه " : يالغبي تراك محطي صابون , اكيد بتكون سريعه كيف تباها تكون عيل !! يوسف : ااااي يعور حمدان : تستاهل , ديالااا انزلي ونزلي وضحووه الجلبه ويااج , بس انزلوا من الدري و شوي شوي ديالا " حسيت بالخوف , الدري يزحلق اخاف تتزحلق ريلي واتعور وتتعور وضحة وياي " : لااا حمداان ما اقدر حمدان : شو لا حمداان ما اقدر , بطيييحن وبتتكسرن ديالا " وانا ازاعج " : حمدااااااااان اخاااف , ريولي ما يطيعن يتحركن حمدان " اضحك ولا اعصب مدري " : لا تتحركن احين بييكن وضحه " استغليت الفرصة وتزحلقت " : يااااااااااااهووووووووو حمدان : وضوووووووووووح سالم : اسمع اسمع هذا زعيييج حمداان راشد : هيه والله , بسألك عيال نصور عندكم ؟! سالم : هيه ليش ؟! راشد : لاني سمعته يقول وضوووح سالم : عيل الجلبه مسويه مصييبه , دووم تلعوز حمدان , لو منه بصفعها مدري ع شو متحملنها راشد : خلنا نجوف شـ صاير سالم " ربعنا صوب صوت الصريخ " حمدان : يسوووف يالجلب تعال اهنيه يوسف : مابي مابي ماااابي حمدان : يا حمار لا تصعد " بس الجلب صعد ولا سمع الكلام " ديالا : يوسف خلاص عااد اسمع الرمسه يوسف : هههههههه تبيني ادزج ؟! ديالا : لا لاااا لاااااا مابي يوسف : يالخوافه , والله لدزج عيل ديالا " صارخت بصوت عالللي جااد ان الشعبييه كلها سمعتنا " : يسوووووف لااااااااااا تقرب مني حمدان : يوووسف والله العظيم ان دزيتها بقلصك بـ السياااره , انته خبييل تبا تكسرها , ويلااا انزل " رقييت اول دريتين وبغيت اطييح , حااطين صاابون من الخاطر " سالم : حمداان شصااير , خيييبه شو هذا ليش المكان كله ماااي حمدان : هذيلا الجلاب حاطين ماي وصابون سالم : منو هـ الحيوان صاحب هـ الفكره وضحة : ايييه لا تسب راشد : هههههههههههههههه ديالا " وانا ازاعج ع يسووف الجلب " : يوووسف لااا , امااانه لاااا يوسف : نييييييهااااا ما توقعتج خوافه لـ هالدرجة حمدان " كل ما ارقى اتزحلق " : سلوم اسبقني انته فوق وامسك هذااك الجلب سالم " سبقت حمدان " يوسف : لا ترقى ولا تراني بدزها سالم : رشوود انته اوقف جدام الزحلقاانه عشان تقلل من الاصابات الي بتصير راشد : ههههههههههه , انزين انزين وضحة : عميه سلووم والله انك غبيي قال اصابات قال سالم : ما عليه يالجلبه خليني انزل واراوييج واطلع منج هـ الزقله انتي واخووج حمدان : انا بوقف اهنيه عشان لا سمح الله اذا حد طااح اكون هنيه سالم " يوم وصلت , يسوف الجلب دز ديالا و فر عمره وراها " : يسووووووف يالجلببب ديالا : لااااااااااااااا " وجااان اطييح ع الرياال " راشد : ااااااااااي ديالا : سوووري والله سوووري راشد : لا عاادي ديالا " يوم جفت الريال انصدمت واختفت الابتسامه ما توقعت يوم من الايام اجاابل راشد في بييتنا " راشد " انصدمت يوم جفتها بس في نفس الوقت فرحت انها طاحت علييه , بس استغربت شو اتسوي ديالا اهنييه " حمدان : الحمد الله ع السلاامه سالم " تزحلقت " : ياااااااااااااااااااااي تصدقوون واايد حلوو , حمدان رشوود جربوا لا يفوتكم حمدان : طاااااااع لا له ما مستغني عن روحني انا , بااا اعرس سالم " خليت عمري مستانس , ما بقولكم ما ستانست لاني اذا قلت لا بكون اجذب عليكم , بس بالغت فـ السعاده شويه عشان ازخ يسوف الجلب و وضووح , ومسكتهم " : احيييييييين شو اسوييبكم وووبسرعه ديالا " رتبنا كل شي ودخلنا دااخل البيت , يوسف و وضحة حصلو هزبه من سلوم وحمدان " : خلاااص اساسا انا صاحبة الفكره حمدان : لااا دفعييين عنهم سالم : اصلن وضووح الجلبه اعترفت , بس ماا علييه انا بخبر نصوور عن الي صاار " حست اذن يسووف " وانته اتعرفه ابووك يوم يعصب يوسف : لاا لاا لاااا دخييلك اخر مره ديالا : لااا لاا , لا تخبرون نصووور كانوا امانه عندي بعدين بيقول انا هب اهل للثقه سالم : اهااااا السالفه جذي يعني , خلاص هـ المره بطوفها راشد كنت اصاصر حمدان : اقوولك هذي مربييه تشتغل عندكم ولا مستأجره ؟! حمدان : ههههههههههههههههههههههههههه والله انك فله سالم : اييييه بلااكم تضحكوون خبرونا نبا نضحك بعد حمدان : اسمع اسمع ولد خالتك شو يقول , اون هذي مربيه تشتغل عندكم ولا مستأجره , يقصد ديالا سالم : هههههه الله يغربل بلييسك ديالا : مااااااااايضحك سالم : هذي اختيه يا الغبي ههههههههههه رااشد : شووو ؟!! اختكم ؟! كييف ؟ في بيت ابو عبدالعزيز : الدانه : احللللفيييييييييي !!! دلال : كااااارهه نفسيييي ولايعه جبدي الدانه " وانا احطي ايدي ع بطنها " : ياااااااااي بيصير في بيييتنا بيبي يدييييد دلال : قوووومي عني الدانه : بلااااج انتي هب مستانسه ؟! دلال : هـ الولد ما ابييييبه بنزله لا تفرحيين وااايد الدانه : ايييييه شو هـ الرمسه بعد !! دلال : مستحييل اييب ولد مغصووبه عليييه الدانه " حركت راسي بطرييقه غبييه " : كييف يعني ؟! شتقصدين دلال : تس قومي عني ريييحتج خااايسه , مدري كييف سعيد متحملنج الدانه : اهـــــــــــــــــــــــــــــــــــــــء يا حيوااانه شو هالكلاام , لا تخليني ارفسج احيين هناك , ريحتي احلى عن رييحتج دلال : ارفسييني يكوون احسن , يعني بسقط الولد بدوون تعب و عملياات الدانه : طاااااااع انتي من صجج احيين ؟! دلال : وتجوفيني متفييجه امزح ويااج الدانه : حشى مايسوا علييه هـ السؤال الي سألتج ايااه , لا تحطيين حرتج فيني دلال : لازم تتحمليني هـ الفتره الدانه : انزين قوليلي شبلاج , ليش ماتبيين اتييبين هـ الولد !!!! دلال : قلتلج تراني ما ابي ولد مغصووبه علييه الدانه : انزيييين كيف مغصوبه علييه دلال : اونج يعني ما تدري , تستهبلين يعني الدانه : اهــــــــــــــاااااا , يعني هاها هو هي دلال : لا , هو هي هاها الدانه : مسخفــــــــــج دلال : يعني شتبيييني اقوولج !! تبيني اقولج ان خالد هجم عليييه ع سبت انه استفزني فـ الكلام وقلتله انته هب ريال , قال احين بعلمج كيف تكون الرجوووله وصار الي صار الدانه : اويييييييه , ما توقعت كل هذا يظهر من خلووود , انزين احين هو يدري انج حامل ولا لا ؟! دلال : لاااااا ما يدري وما بيدري الا يوم انزل الولد , ابا الكل يدري بالحمال, بحرق قلبه مثل ما حرق قلبييي الدانه : ماا يحتاي كل هذا , بعدين عادي هوو ريلج دلال : يعل سعييد يسوي فييج مثل ما سوا فيني هـ الي ما يتسمى , عشان اتحسين فيني الدانه " كرختها ع رااسه وعصبت " : فاااااال الله ولا فااالج , اصلن سعوود احسن من ريلج المنتف , يحبني ومستحيييل يسوي فيني جذي دلال : يعني تعاايريني لاني ما تزوجت عن حب الدانه : مب قصدي جذي , وبعدين والله محد غصبج علييه وقالك تزوجيه , برووحج وافقتي علييه وخذتيه برضاااج دلال : بداال ما تخففين علييه يالسه تناجريني جني الا عدييلتج , اعنبوو استحيي انا اختج ميود " دشييت الصالة وجفت الدانه و دلوول يتناجرن " : اييييييييييه بلاااكن تتناجرن كنكن دياااي الدانه : جووووف اختك من الصبح مستلمتني قاااعده تهازب , معصبه من ريلها وتفش خلقها فينا دلال : انـــــــــــا الدانه " وانا اقلدها " : لاااااا اناااا ميود : خلاااص خلاااص " في هـ اللحظة دش عبدالعزيز وحرمته الصالة , شليت بعمري وظهرت من البيت , صارلنا شهور ما ارمس بعض من بعد السالفة , ما عاد يهمني هو الي فضل حرمته عليييه " " الحين كل ما ايون عندنا انا اطلع من البيت بكبره , لان اول فتره كنت يوم اجوفهم اروح ع طول غرفتيه وما ارمسهم ابدا بس الحيييه ريموه تجرج الكل عليه وادقووول اني اتحرش فيها , عشان جذي اظهر من البيت وما ارد الا نص الليالي " " وايد اشياء تغيرت في حياتي , اشياء للاسوء واشياء للاحسن , اناا مليت وابا ارجع حياتي العادية , اااااااااخ بس لو يرجع الزمن 4 سنوات وراا , بس اربع سنوات " " رن تلفوني في هـ اللحظة " مايد : هلاااااا سطعووون " هذا سلطان ولد عميه " سلطان : مااا شاء الله ما شاء الله , كل شويه تحذف حرف من اسميييه , اليوم سطعووون وباجر شو !! مايد : سطووووووون هاهاهاهاااااااااااااي سلطان : لا والله مايد : بس بذمتك هب حلووو , فكر فكر فيييها , سطوووون , سطوووووووووون , س طوووووون هههههههههههه سلطان : جااااااااااااااااااااااب مالت عليييك مايد : هههههههههههههههه خلاص خلاص سلطان : اصطلب مايد : بصطلب خلااااص خخخخخخ سلطان : هاااا وين ؟! مايد : والله ماشي توني ظاااهر من البيت سلطان : يااا حمااااااار يا خاااين وييين راايح وشحقه ما دقولي ؟!! مايد : بسم الله , والله توني ظاهر من البيت , وبعدين لا يكون حرمتيييي انته عشان تحاسبني ع الدخله واليييه سلطان : هييييييييه حرمتك , وانته تتشرف مايد : وعيييييييييييييج ما اتخيل والله ,, صج صج ما اتخيل شكلك , تخيييل وياااي شوي , سلطاااااااان حرم ميووووود " هزيت راسي بالنفي " وعييييييييييييييج شي مقزز سلطان : الله لا قاااله , اناا بروحي ما اتشرف , لوعت بجبدي مايد : ولا انااا ما اليه الشرف سلطان : مشكووور ولد العم مايد : الله يبااارك فييييك سلطان : هههههههه يا الاهبل اقولللك مشكوور هب مبروووك مايد : هااا , خخخخخخخ ما انتبهت سلطان : انته دوومك جذي مفهيي , كل شي عندك بالمقلووب , يوم انقولك قول العفوو , تقولنا شكرا ههههههه ويوم انقلك مبروك اتقولنا مشكوووريين ويوم انقولك شكرا ادقولنا الله يبارك فييكم ههههههههههههههه ش مشكلتك انته فـ الحياه مايد : مضاااربييين , لاااا تيلس تعيييب عليييه , شو اسووي الله خالقني جذي وكل شي اسويه بالمقلوب , سلطووووووون تذكـــــــــــــر من عابا ابتلــــــــــــى سلطان " وانا اغير الموضوع " : خلنااا احييين من كل هذا , انا طبعا ما دقييت ع الفاضي مايد : ادريييبك انت مصلحجي , صدق من قال وقت المصالح تجيييك الكلاب مشتااقه سلطان : وانت قلتها الكلااااب هاهاهاهااااااا هب الشيييخ سلطان ماايد : اسكت اسكت لا ايينا الجمس الاسود احين سلطان : يااا ربييي ليش دووم اطلعنا عن محور الموضوع مايد : خف عليينا يا استاذ اللغة العربييه سلطان : جب ما برد عليييك , يلااا تعاال بييتنا مسوين عزييمه مايد : لااا والله , من متى !! اكييد بعد ما كلتوا الكيييكه ياي تعزمني سلطان : يااا حيوان خل عنك هـ السخاافه ولا تقااطعني , تعال بييتنا مسوين هـ العزييمه عشاانك مايد : ومنو عاازم غيييري ؟! سلطان : بعد منو عاازم , مييري خدامتنا و اميييه و رشوووه وعبدالرزاق دريولنا , انته هذا مستواك مايد : مسسسسخفك , صج صج منو عازم ؟! سلطان : مب عاازم حد , امييييه قالتلي خل ميود ايي يتعشى عندنا مسويله الاكل الي يحبه , طبعا رشوووه اول وحده مرتزه و المزه هدووي بعد اما رشوود الجلب محد , ومنو قدك الوالده مشتاقتلك تبييي اتجووفك ومسوتلك طاوله فيها من اشهى المأكولات مايد : ياااااااااااي احيييين يااانكم صاااروخ , فديييتها والله هي الي فاااهمتني , بس غرييبه رشوود وين ؟! بالعاده في هـ الوقت موجود سلطان : اكييد يا عند حبيب القلب اخوك او عند الحب سلووم مايد : منوو ناايف ؟! سلطان : هيه مايد : مسسسخفك , لو سمعوك بيجتلونك , وبعدين شو هـ الرمسه يـ الخايس حب وما حب , عبالك شاذين مثلك سلطان : جب جب محد غييرك الشاااذ ويلا خمس دقايق عندك , ان تأخرت بسكر باب بييتنا مايد : اذلني يعني سلطان : هييييييييييييييه مايد : حيوااان سلطان : جب ولا دقول حيوان مره ثانيه ولا تراني صج بسكر الباب عنك ميود : بذلني يعني !!! تراا عموووه الي مسويه الاكل هب انته , وبتفتح الباب غصب سلطان : شووو نسوي يا بوك منفتحه مادام السلطات ورااك ميود : هااا تراني سجلتك وبروييه عمووه سلطان : اقووول تعال بيتنا وانته ساااكت ميود : حماار سلطان : جلب ميود : لا عصفوور سلطان : ما يضحك ميود : حد قالك اضحك سلطان : جب ميود : جب يا ملعون الصيير ؟؟!! هاااااا عيل " وبندت التلفون في ويييهه , وشخطهاا ويلل لبييتهم " اما عند سياف : سياف " كنت في غرفتيييه من سدح ع الشبريه وافكر بالي صاار في بيت يدووه " سياف : هااااااا سعوووود شصاااير ؟! خوفتني يا رياال سعيد " تجدمت من ولييدوه " : ههههههههههههههه ترا اخوووك الملقووف حصل هـ الورقه في غرفتك وشلها يباني اترجمله " وخبرته بالي صااار " ولييد : حتى انته يا سعوود ما عااد يتأمن فييييك , وبعترف بس هـ المره اني كلت المقلب سياف " كنت معصب بس الحمدالله ان سعيد ما ترجمله , هذا ولييدوه ان درى بيكبر السالفه وهي صغييره وبيبهرها بعد , وما بيتركلي المجال عشان ابرر موقفي " : جوووف قسم بالله ان دشيييت غرفتييه مره ثااانيه يا وييلك , هـ المره بعدييلك اياها بس المره الثانيه ان شلييت شي هب لك لي تصرف ثاني ويااك وليد : حسستني والله , مدري عاد شو بتسوي سياف : لا تخلييني ادفنك احييين سعيد " مسكت سيااف , لان كان صج بيصفع ولييد " : خلااص يا ريال سامحه هـ المره سياف : انا ساكتلك لانك ياااهل واحمد ربك ثم اشكر سعيد اني ما دفنتك اليوم وليد " سويتله طاف ورحت اطفر بالعيووز " سياف : مشكوور سعووود ع الخدمه سعيد : افا عليييك , ولا تعصب منه هذا ياااهل وتعرف عااد اليهاال , نحن يوم كنا قده كنا جذي ملقوفين شراته سياف : لا ما علييك بس حبيت اعطيه درس , ومشكوور ع المقلب الي سويته في وليد سعيد : هههههههههه لو جفت شكله كان شويه وبيصيح , تصدق ولييد يحبك كااان خايف علييك , عباله صج متورط ويا الارهابييين سياف : ههههههههه خله يخاف شويه سعيد : لو سمعته شو قالي , ليييش سياف يسوي جذي ؟! ليش مايفكر الا في نفسه اذا هو هب خايف ع نفسه في ناس غييره تخاف عليه وتحاتيه , ابا افهم ليش سوا جذي !!! ترا اذا ع التمثييل انا مستعد اقنع ابويه واسوي المستحيل عشان يوافق بس ما يورط عمره ويا هذي الاشكال سياف : هههههههههه من صجك ؟!! سعيد : هههههههه هيه وقال وايد اشياء ويلس يلعن ع الشخص الي ساعدك تتعرف ع هـ الاشكال , يا ريال زين ما وقف قلبه كان يرتجف ويهلوس ارهابيين ارهااابييين سياف : ههههه والله هـ الوليد تحفه بس يستاهل الي سويته فيييه سعيد : الا تعال انته من صجك بتوقع ع الورقه ؟! سياف " تنهدت وقلت " : هيه خلاص انا اتخذت قراري سعيد : واهلك ؟! ما فكرت في امك ؟! سياف : فكرت فيييهم, بس من حقي اجوف مستقبلي , انا حلمي التمثييل ويتني الفرصه لين ريولي ومستحيل ارفضها سعيد : لا تنسى ان رضا الله من رضا الوالدين سياف : مصييرهم بيقتنعون , احيين ولا بعديين انا عندي حلم ومن سابع المستحيلات اودره سعيد : الله يوفقك ان شاء الله , وان شاء الله يقتنعون سياف " وانا اغمزله " : عاااد نبيي وقفتك ويانا سعيد : هههههه افا علييك انا اول وااحد , الا خبرني كيف حصلت ع هـ العرض الخطيييير سياف : تصدق انا بروحي ما كنت متوقع , كنت ادور فالنت ع شغل فـ الاعلام , وجفت اعلان يبون واحد حق تسجيلاات صوتيه , ويوم سرت وقابلت الريال , اختبرني ونجحت وقالي انته عندك صوت مميز بالاضافه لوسامتك , انته ما تفكر تصيير مغني ؟! او حتى ممثل قلتله : بصراحه الغناء مستحيييل بس التمثييل هدف من اهدافي قالي : انا ناقصني شخص لدور للمسلسل الي ابا انتجه , شرايك اتجرب ؟! قلتله ليش لاا , جربت و انذهل من آدائي وقالي : انت الشخص الي كنت ادور علييه, عندك جيييك مفتوح وحط الرقم الي تبااه قلتله : والله ودي اني اكون وياكم واليه الشرف اني اخذ هـ الدور بس اسمحلي انا ميولي اجنبي قالي : والله انته آدائك رهييب وشو المشكله اذا مثلت عربي خليجي ,ما ابي اخسر شخص مثلك قلتله : ولا انا قالي : يعني مافي مجال ابدا عشان تاخذ الدور ؟! قلتله : ودي بس لو مثلت خليجي الوالد بيوافق وما بيرضى اني امثل اجنبي لو شو ما صار وانا حلمي امثل اجنبي قالي : انزين انا عندي لك عرض ثاني لفلم اجنبي انا احد مخرجيينه , انا بساعدك عشان تمثل اجنبي بس بشرط انك اتمثل هذا الدور , وهذا المسلسل ما راح ينعرض احين , انته بتنشهر عن طريق الدراما الاجنبيه وبعدين بتدخل الساحه الخلييجية وعطاني الورقه قبل جذي شهرين او ثلاثه , بمثل فلم اجنبي وقالي من بعد هـ الفلم الي بينعرض بتيني عروووض مذهله لو نجح الفلم , بعد ما انشهر في الساحة الاجنبيه بدش الساحة الخليجيه سعيد : تسااهل ولد العم , ان شاء الله بكون واايك وبدعمك سياف : مشكور وما تقصر , ما بنسالك هـ الجميل سعيد : ههههههه خلاص شرايك اصيير مدري اعمالك سياف " خذت الفكره بجديه " : وليييش لاا سعيد : حبيبي هههههه اتخيل شكلي اختارلك من العروض الي بتيك ههههههه سياف : صج وليش لاا سعيد : حبيبي والله , بس ما عندي خبره في هذا المجال في بيت ابو عامر : جواهر : عمووور انته الوحيد الي تقدر اتوقفه عن حده عمر : وييين اقدر اوقفه عند حده , ما جفتي اخر مره شصار !! زين يا حرمه اني احين هب مترقد فـ المستشفى جواهر : هههههههههههههه تصدق انته انساان فضيييع ياخي ما قد جفت واحد يعترف بالي يصيرله لو واحد ثاني بيقول يخسي والله ما بيقول زين احين اني هب مترقد فـ المستشفى ههههههه عمر : اضحكي اضحكي , هذا الصدق انزين , اخوووج بعيييير وانا ما روم علييه , يوم عامر ما قدر يوقفه عند حده , انا بوقفه جواهر : انزين ابويه ليش ما يقوله شي ؟! عمر : ابويه بروحه مسكيين ما يرومله , بيييبله الجلطه بعيد الشر عنه جواهر : الله يطول في عمره ان شاء الله , بس مهما كان يعني المفروض عمار ما يسوي جذي اذا رمسه ابويه عمر : حبيبتي عمار كان دلوع ابووج , ابووويه الي مكبر راااسه , صدقيني هذا اخووج هب طبيعي , لازم يودونه لـ دكتور نفسي جواهر " تمييت افكر والوم عمري , يمكن انا السبب للحاله الي وصللها عمار , كنت دووم اقوله المريض النفسي والمعقد ومن هـ الاشياء و كان يحط في خاطره و يضايق حتى احيانا استغرب من ردت فعله يقوم ويروح من البيت بدون ما يقول اي كلمة , يكون حزين ويفكر بلي قلتله اياه , لو واحد ثاني كان دفني " عمر : اييييييييييه وين رحتي جواهر " نشيت بروح حجرتيه " عمر : بسم الله بلااااااااااااج , وين رايحه جواهر " بدا كل جسمي ينتفض , ابا اروح تغطى باللحاف ع شبريتيه , تأنيب الضمير اثر علييه " عمر " جواهر تغيرت 360 درجه , بدت تنتفض بشكل هستيري , قمت ومسكتها , خفت علييها مدري شصارلها " : بسم الله عليييج شيااج جواهر : تعبانه احس عمري بطييييح عمر " ضميتها لصدري ورصيت عليها " : اااااااااااااش هدي , لا تخافين جواهر " غمضت عيوني وما حسيت بالدنيا " عمر " انصدمت , شياها فجأه , بصراااحه مت من الخووف , اغمى عليها بين ايديه ويلست اصاارخ " : ابووووووووويه اميييييييييه الحقووو علييينا " حطيت صبعي ع رقبتها بجيييس نبضها بس ما حسيت باي نبض , عطول شليتها ورحت المستشفى " امااااااااا في مركز الشرطه : ظابط الشرطه بعصبيه : شوووووووووو الي جفتتته فـ المووول , ابا احين تفسير مروان " كنت ازاعج ومش مهتم بشرطي الي كان معصب ويصارخ علينا " : ليييش ما خليتوني اقتله الظابط : اسسسسسسكت ولا والله اعقك احيين فـ السجن بدوون تحقيق نواف : مرواان خلاااص هدي مروان : انته جب كله بسبتك لو هب متصل للشرطه كاان احييين قتلته وافتكييت منه الظابط : مروااااان هذا اخر انذااار " لفيت ع نواف وقلت " انته الوحيد العاقل فييهم , ممكن تتعاون وياي وتجاوب على اسئلتي نواف " تم يسألني وانا اجاوبه " الظابط : هذا الشي المفروض اتحلونه بين العايلتييين , بما ان كل الشهود ضد عمار , ياااااا شرطي الشرطي : نعم سيدي ضابط الشرطه : هذا وهذا حطهم فالسجن مروان : اناااا شو يخصني , هو المفروض برووحه يدخل السجن ضابط الشرطه : شلهم من جدامي نواف : بس يا حضرت الظابط ما يصيير جذي , انا دقييتلك عشان اتوقف الضراابة امبيينهم مب عشان اتعقهم فـ السجن ظابط الشرطه : اذا ما سكت بعقك ويااهم عمااار : عبووود يالجلب بدال ما توقف ويايه توقف ضدي عبدالله : اسمحلييه حتى لو ربييعي بس انا بوقف ويا الحق وياما نصحتك ما سمعت لنصييحتي عمار : يا الخاين ظابط الشرطي : يا شرطي شو تسوي لين احين ما شلييتهم من جدامي مروان : ما علييه ياا نواافوه يالجلب , خلني اظهر وارااويك نواف : مرووووون اسمحلي دخييلك ما كنت ابا الموضوع لـ هدرجة يوصل مروان : جب جب لا ترمسني نواف : مرواان عاااد , والله بسوي المستحيل عشان ما تم اهنييه مروان : خلاااااااص انا زعلت لا ترمسني لمدة اسبووع نواف : مروااان عاااااااااد , تحيدني ما اقوى ع زعلك ظابط الشرطه : لاااااااااااا , بعد تحااضنوا , شرطي هذا بعد شله وياااهم نواف : مااا يصيير هذا هب عدل ظابط الشرطي : يلا جداامي اجوووف نواف : زيين احيين مروان : تستااهل , احسسسسسن الله فوووق , الحمد الله لك يا رب ارسلت منو يونسني نواف : نذذذذل , خل يدتي احيين اظهرك من السجن ظابط الشرطه : تحررركواااا مروان : لاااا دز انزين ظابط الشرطه : انته بسجن انفراادي بتنعق مروان : لاااااا تكفى خفت نواف : اسسسكت يالسخييف , انا ما ابا اتم بروحي نواف و عمار في زنزانه , ومروان فزنزانه بروحه نواف و مروان يتناجرون من بعيد مروااان : اناا برااويك يا النذل اقسم بالله ما تتغدا في بيتنا لمدة اسبووع نواف : لاااا تكفى ميت ع غدااكم انا مروان : حقيييير وااحد , انته المفروض ما ترمس , انا هنييه بسبتك نواف : اللـــــــــه اصلن انا هنيه من تحت راااسك الشرطي : خلاااااااااااااااص اسكتوااااا اماااا عند عبد الله : انزين والحين شو بيستوي ظابط الشرطة : باجر الصبح بظهرهم عبد الله : وااايد يعني خلهم ساعتيين ع الاقل ظابط الشرطة : بتعلمني شغلي ؟!! لا تخليني اعق وايااهم احيين عبدالله : خلاص خلاص بسسسكت صباح يوم الجمعة فالمستشفى : سعيد " كان عندي موعد فـ المستشفى , والدكتور الي يعالجني ربيعي, تعرفت عليه في لوس انجلوس, كنت ادرس طب في امريكا, يلست سنتين وما قدرت اكمل ورديت البلاد , طبعا الدراسه هناك كان كورس دراسه وكورس تدريب ,وخلال تدريبي فـ المستشفى تعرفت عليه هناك , كان دوم يشجعني بس للاسف ما قدرت اكمل ورديت البلاد , تدرون هناك الدراسه وايد صعبه , بس انا ما خسرت شي من هـ التجربه , بـ العكس اللغة الانجليزيه عندي بيرفكت , وعاااد كل شي نصيب في هـ الدنيا " الدكتور : سعييييييد لازم حد يعرف بـ لي فييك , ع الاقل شخص وااحد يوقف وياك ويساندك سعيد : مااالك شغل فـ هالموضوع , انته بس سو الي عليك الدكتور : اذا ما خبرت حد , صدقني انا بخبر ابوووك بنفسي سعيد : ماا تقدر لاني ما صرحت لك , ومن واجبات الدكتور احترام خصوصية المريض الدكتور " تنهدت وقلت " : مسكتني من ايدي الي تعورني سعيد : ماادرست سنتين في امريكا ع الفاضي الدكتور : ههههه انته ما تذكر الا مثل هـ الاشياء " تغيرت ملامحي للجديه وقلت " سعييد انا مستعد اتحااكم وادخل السجن , اذا ما بدقول لاهلك اسمحلي انا بقولهم , مثل ما يكون من حقوق المريض على الدكتور انه يحترم خصوصية , حمايه المريض من واجبات الدكتور سعيد : ههههههه مستعد تخسر مهنتك ع سبتي الدكتور : مستعد , الدكتور مهمته يحافظ ع حياة المرضى سعيد " قاطعته وقلت " : لين اخر لحظه الدكتور : تصدق ما شاء الله علييك , لو كملت دراسه كنت بتكون دكتور ناجح , بس عندي فضول ليش قبل اخترت مهنة الطب سعيد : ههههههههه اخترتها عشان الناس يوم يجوفوني يقولون : اووووووه جوفوا فلان بن فلا دكتوور ما شاء الله عليه الدكتور : عليييه يا سعيد سعيد : هههههههههه عيل قولي شو السبب اذا ما كان هذا السبب ؟! الدكتور : لانك تبا تعالج نفسك بنفسك وتعالج كل الناس الي في مثل حالتك سعيد " بتحدي " : وشو الي يثبتلك هـ الشي الدكتور : لان لو كملت دراستك كنت احين بتكون جراح قلب سعيد : هههههههههه ما شاء الله علييك عندك مواهب فالتحقيق , للحظة اني شكيت انك المحقق كونان هب الدكتور ---** الدكتور : سعيد بسألك سؤال وجاوبني , ليش ما كملت دراسه؟! لا دقولي صعبه لان هـ السبب ما يدش العقل سعيد : ولااا شي بس جذي ما حبيت اكمل الدكتور : ما حبيت اتكمل ولا يأست ؟! سعيد : كله نفس المعنى الدكتور : لا تفكر ان مرضك ماله علاج , بالعكس انا ببذل كل جهدي ع سبت اتكمل حياتك طبيعي سعيد " ابتسمت " الدكتور : بسم الله شفييك سعيد : انا رديت من امريكا وكنت عارف ان وراي دكتور بيقدر يحقق الي كنت ابا احققه , انا كنت ابا ادرس طب بس عشان اعالج نفسي واعالج الي مثلي , ما كنت ابا ادرس لاني احب الطب نا ميولي له علاقة بالطيارات, لكن من قابلتك و قابلت مهارتك عرفت ان الدنيا بعدها بخيير , قررت اجوف مستقبلي و ما افقد الامل , وكل واحد له نصيبه في هـ الدنيا وانا نصيبي خذته الدكتور : وانا مثل ما قلتلك بسوي الي اقدر علييه سعيد : وانا واثق من هـ الشي الدكتور : انزين والحين لازم انحل الموضوع , لازم اتخبر حد من اهلك سعيد : ههههههه تطمن ابويه يعرف , الحيين ممكن ادقولي شو الي بتعرضله بالضبط بس لا تخش عني شي الدكتور : بقولك بكل صرااحه وما ابيك تفقد الامل , كل الي ابييه منك انك تعطيني ثقتك سعيد : وانا عطييتك الدكتور : قبل لا ارمس ممكن تجاوبني ع اسئلتي وبكل صراحه سعيد : والي هيه الدكتور : تاكل عدل ؟! سعيد : لا الدكتور : ودرت شغلك ؟! سعيد : لا الدكتور " بديت اعصب شويه , انا قايلله يودر شغله ويكتفي بدراسته , لازم ما يضغط ع عمره " : تلتزم بأدويتك سعيد : لا الدكتور : سعيييييييييييد سعيد : هااا بلااك ؟! الدكتور : ليش ما تسمع الرمسه , ما وردت شغلك ولا تاكل عدل حتى ادويتك ما تاخذهن , انته كيف تبي تتعالج وتوقف ضد هـ المرض سعيد : ياخي تدريبي ما احب اكل واايد , وشغلي انا ما اقدر اودره الدكتور " قاطعته وقلت بعصبيه " : انزين ادويتك ليش ما تخذهن ؟! ليييش ما تلتزم بادويتك على الاقل ؟! سعيد : والله احيانا انسى اخذهن الدكتور : هذا هب عذر , سعيييييد انا جذي ما اقدر اساعد , انته لازم تسمع كلامي وتلتزم بادويتك سعيد : انزين خلاص هدي , ما يحتاي كل هـ العصبيه الدكتور : امبلاا يحتااي انته ما تعرف خطورت هـ الشي , حاالتك اسوء عن قبل سعيد : انزين خلاص ما صار الا الخير الدكتور " زاعجت من القهر " : اي خير يا سعيد اي خييير ؟! انته ليش جذي مستهتر, انته وصلت لمرحله ان قلبك ممكن يوقف في اي لحظة نهاية البارت رايكم في الشخصيات : مروان , نواف عبدالله , عمار عمر , جواهر الدانه , دلال ديالا , يوسف ووضحة حمدان وسالم و راشد مايد و سلطان واخيييرا سعيد توقعاتكم للبارت القادم *لكم حرية التعبيير |
|
| |
 |
|
04-27-2013, 11:55 PM
| رقم المشاركة : [ 37 ] |
| عضو جديد | طبعا البارت طويل وما يمديلكم تقرونه فـ اسبوع يعني يبيلكم اسبوعين وانتوا تقرون فيه 
__DEFINE_LIKE_SHARE__
|
|
| |
| |
|
05-02-2013, 02:13 PM
| رقم المشاركة : [ 38 ] |
| عضو جديد  | تسلمين خيتوو على البارت وايد حلوو
__DEFINE_LIKE_SHARE__
|
|
| |
| |
|
05-04-2013, 08:22 PM
| رقم المشاركة : [ 39 ] |
| عضو جديد | السلام عليكم الصراحة كل البارتات روعة ونتريا البارت القادم و الله يوفقج ان شاء الله __DEFINE_LIKE_SHARE__ |
|
| |
| |
|
05-04-2013, 09:21 PM
| رقم المشاركة : [ 40 ] |
| عضو جديد | أختي متى ان شاء بتنزلين البارت ؟!
الفضول يذبح ههههه __DEFINE_LIKE_SHARE__ |
|
| |
| |
|
| مواقع النشر (المفضلة) |
العرض العادي
| |
المواضيع المتشابهه | ||||
| الموضوع | كاتب الموضوع | المنتدى | مشاركات | آخر مشاركة |
| رحل الغالي عني و تركني وحيدة | ضحية زمانـــــي | شعر و خواطر | 6 | 03-20-2012 12:57 AM |
| ذا اللغز في الحيرة تركتي تركني ’’’ | محروم.كوم | منتدى أخبار المواقع والمنتديات العربية والأجنبية | 0 | 02-04-2012 12:10 AM |
| ^_) يا مسافر عني عمان )_^___ تركني وحيد___ | أمير الحزن | شعر و خواطر | 3 | 08-07-2009 11:35 AM |
| إلى من تركني وحيدة | محروم.كوم | منتدى أخبار المواقع والمنتديات العربية والأجنبية | 1 | 06-01-2009 02:44 AM |
| تركني بعــز احزانــي ... ~ | AlNseem | تصاميم الاعضاء | 34 | 04-06-2009 05:17 AM |
الساعة الآن 02:19 PM
- اخبار رياضية
- اخبار الامارات
- اخبار ريال مدريد
- اخبار برشلونه
- العاب فلاش
- مسلسلات وافلام
- مسجات
- فيديو كليبات
- سيارات للبيع
- ارقام سيارات
- ارقام هواتف
- هواتف للبيع
- حيوانات للبيع
- قوارب ويخوت للبيع
- ملابس واكسسوارات
- ساعات ومجوهرات
- اناشيد اسلامية
- نغمات اناشيد
- نغمات اسلامية
- ادعية اسلامية
- رقية شرعية
- قران كريم
- ديبيات اسلامية
- اذكار المسلم
1 2 3 4 5 6 7 8 9 10 11 12 13 14 15 16 17 18 19 20 21 22 23 24 25 26 27 28 29 30 31 32 33 34 35 36 37 38 39 40 41 42 43 44 45 46 47 48 49 50 51 52 53 54 55 56 57 58 59 60 61 62 63 64 65 66 67 68 69 70 71 72 73 74 75 76 77 78 79 80 81 82 83 84 85 86 87 88 89 90 91 92 93 94 95 96 97 98 99 100 101 102 103 104 105 106 107 108 109 110 111 112 113 114 115 116 117 118 119 120 121 122 123 124 125 126 127 128 129 130 131 132 133 134 135 136 137 138 139 140 141 142 143 144 145 146 147 148 149 150 151 152 153 154 155 156 157 158 159 160 161 162 163 164 165 166 167 168 169 170 171 172 173 174 175 176 177 178 179 180 181 182 183 184 185 186 187 188 189 190 191 192 193 194 195 196 197 198 199 200 201 202 203 204 205 206 207 208 209 210 211 212 213 214 215 216 217 218 219 220 221 222 223 224 225 226 227