تركني حبيبي وزوجوني اياك غصب - الصفحة 31

يا ما بكيت على الاطلال · 05-17-2014, 03:38 AM

البارت اليديد :

يدوه : ليش بعد كل ه السنين طلعتي مره ثانيه

*: يعني لين متى بتم بعيده عن انظار الناس

يدوه : شو تبين الحين

*: ابي ولدي

يدوه : مالج ولد عندنا

*: ما تقدرين تحرميني من شوفت ولدي

يدوه : الحين نحن منحرمج من شوفت ولدج يا ساره!! مب انتي الي خليتي كل شي وراج وقلتي ما تبين شي من الماضي

ساره : انتي تعرفين زين يا سلامه ان كل الي صار مب بارادتي

يدوه : كل ه السنين الي مرن ما تغير فيج شي, من يوم يومج ما تحشميني

ساره : انتي الي بديتي اول, نسيتي كلامج قبل!!

يدوه : الكلام الحين ما منه فايده, انتي شو تبين بالضبط

ساره : ابي ولدي سعيد

يدوه : اضني حتى ما تعرفين شكله

ساره : بس الحين عرفته

يدوه : على ما اضن سمعتي رده من قبل

ساره : انا ما ابي حد يوصلي كلام بنايبه عنه , انا ابي اسمعه بنفسي يقول ما ابيييج

بعد اسابييع من الاحداث

حمد : والله لين الحين ما لقولها أي اثر

عمر : الله كريم ياخويه مالكم غير الصبر

حمد : مشكور الغالي ما تقصر

عمر "كنت ءاشر بعيوني على وليد" : هذا شو وضعه!!

حمد : ههههههههههههههههه مثل ما تجوفه , ما غير ماسك خريطه الرحله ويحلل وين ممكن تختفي الطياره

عمر : عند الله

حمد : ههههههه مستولنا شارلوك هولمز

سلطان : هولمز مال اول , توقوموري احين

وليد "عطيته بنظره" : توقوموري ها يا كاسبر

سلطان : ههههههههههه الحين شو يخص كاسبر

وليد : يخصه يخصه انته شدراك يا العنز

سلطان : الحين انا عنز يالتيس

وليد : ع الاقل تيس ذكر مب عنز

سلطان : جليييييد

وليد "ضربته بالاوراق ع راسه" : يوم ما تعرف ترد لا تسااب

سلطان : جلييييييييد

وليد : قوم قوم قوم روح بيتكم, شو تسوي في بيتنا

سلطان : بيت عميه يوم يكون بيتك ذييج الساعه اطرد ع كيفك

وليد : وانته قلتها بييييت ابويه يعني بيييتي يلاااا برع يا سرطعوون

سلطان : جلييدوووه

عمر : الله يعينك , هذيلا دووم صدعه جذي

حمد : يوم تجتمع سذاجة سرطعوون وسخافه جلييد اكبر صدعه ع مستوى العالم تستوي هنيه في بيتنا

ام عبد العزيز : مب ناوي ترجع حرمتك

عبد العزيز : الله يخلييج يا مييه لا تفتحين ه السيره مره ثانيه خاصه يوم تجوفيني مروق

ام عبد العزيز : يا ولدي ما يصير جذي العيال متلتهين

عبد العزيز : دخييلج ياميييه لا تصدعيلي راسي انا مرتاح جذي, والله يوم راحت كل شي تغير وانفتح في ويهي

ام عبد العزيز : وعيالك

عبد العزيز : امييه عيالي بيتمون عندي

ام عبد العزيز : يعني ما بترجعها

عبد العزيز : انا وريما ما نصلح لبعض

مايد "كنت اشرب كوفي وتصحف المجله" : الحين حسيييت

عبد العزيز : اقوول انته لا تدخل في حياتي

مايد "سويتله طااف, شليت الكوفي وطلعت خاري"

ام عبد العزيز : ع وين

مايد : تعكر الجو هنيه احتاج اتنفس هوى نقي

عبد العزيز : جفتييه جفتيييه ولدج هو الي يتسبب لعمره

ام عبد العزيز : الولد ما قال شي غلط

عبد العزيز : خلج انتي جي دووم ادافعين عنه ه الابزي , نحن مالنا رب

ام عبد العزيز : استغفر الله

ابو عبد العزيز : اسمعني زين يا عزيز كل ولا ماايد عندي

عبد العزيز "قاطعته" : خلاص خلاااص والله فهمنه ترا كانت مجرد غلطه وذليتني علييها , هذا ولدك الا طبيب عيوون لو كان ملياردير شو بتسوي

ابو عبد العزيز : يلي ما عرفت شلونا ربيك عدل

ديالا : اووهين عليينا وهذا دووم عندنا

نصور : اششش لا يسمعج الريال وتفضحينا عنده

ديالا : ياخي ما قلت شي غلط, 24 ساعه في بيتنا ما صارت ياخي , يعني الواحد ما يقدر ياخذ راحته في بيته

نصور "سكرت ع حلجها " : اش اش ويا لسانج هذا الطويل الي يبيله قص

يوسف : ابويه ليش عموه ما تحب راشد

نصور "عضيت ع لساني " : اسكت انته لو ماسمع الريال بيسمع

يوسف : خله يسمع

نصور : ها زين يوم علمتي الولد قلت الادب

ديالا : هههههههههههههه عااش يسووف والله انته فاهمني عدل , وبعدين اذا سمع شو بيستوي يعني

يوسف : يخافه يزعل

ديالا : يبي يزعل يزعل هذي الحقيقه

ناصر "مسكت النعال" : بتسكتون انتوا الحين ولا اضربكم بالنعال ا

يوسف : حد يضرب بالنعال عيل !! الناس تمسك الخيزرانه ولا بلااش

ديالا : شدراني عن ابووك

ناصر : هين احين برويكم كيف الخيزرانه يا لي ما تستحون

ديالا "شردت" : انا مايخصني هذا ولدك

يوسف : هيه الحين حطيها ع راسي يالجلبه

ديالا : اهــــــــــــــــــــــــــــــــــــــــــــــــ ـئ احين انا جلبه ياحماار

يوسف : انا حمار يالبقره

ديالا : انا بقره يالثور

يوسف : انا الثور يالبغام

ديالا : انا البغام يالبغل

يوسف : انا البغل يالوحره

ديالا : يعيييييج يالضب مالقيت غيير الوحره

ناصر "يبت الخيزرانه" : انا مب عارف من وين تيبون ه الحركات الوصخه يالسبلاان

ديالا "شردنا انا ويسوف برع" "كرخته ع راسه" : انته ليش ما تحترم عمتك يالسبال

يوسف : لو سمحتي عن الغلط

ديالا "كرخته مره ثانيه" : طااع منو يتكلم

يوسف "مسكت راسي وين ضربتني" : ايييي يعوور شكلج ما جربتي شقد يعور

ديالا : اهــــــئ يالحمار ناوي تمد ايدك علييه

يوسف : ارجووج لا تقلبينها دراما

ديالا : وطلعلك لساان بعد

يوسف : الحمد لله فيني لسان ليش انتي ما عندج!!

ديالا : يا ظرافت دمك ترى كلش ما يضحك

عامر: انته كيف تسوي جذي!!

عمار : مالك خص

عامر : شو مالي خص

عمار : انته لا تدخل فالموضوع

عامر : انته متأكد انك تحب

عمار : موضوعنا مب عن الحب, بعدين الشي الي اسويه انا انته مالك شغل فيه, اسوي في بنات الناس الي ابييه , حرمتك بنتك انا ما يخصني فيهم وبنات الناس ما يخصك فيهم

عامر : انته صدق وقح وقليل ادب

عمار : انا بس طرشت صور قلت عني قليل ادب, لو ارتبكت جريمه شرف شوبتسوي

عامر : الحين جدامي تروح تقول الحقيقة لريال

عمار : انته شخصك!!

عامر : اذا ما سويت الي اقولك اياه , حبيبت القلب بتعرف كل شي

عمار : هههههههههههههههههههه مايهمني لان هذاك اول

عامر : اوك بنشوف

الدانه "كنت توني طالعه من الجامعه تعبانه ابي ارقد, مشيت متجهه للباركنات الا وسياره كانت بتدعمني, طحت ع الارض من التعب, نزل راعي السياره يتنازع

: انتي حووله ما تجوفين جدامج؟ !!

الدانه "سويتله طااف من التعب"

تنهد الريال : قومي يابنت الناس بوديج المستشفى شكلج ما يبشر بالخير

الدانه "التفت ادور سياره سعيد, بس مالقيتها غريبه بالعاده ما يتاخر واذا ما بيييي بيدق تلفون ولا بيطرش رساله" "نشيت بووقف لكني رديت وطحت, من الصدمه او من التعب والله ما ادري

الريال: جفتي قلتلج بوديج المستشفى

: خيييير شصااير

الدانه : سعيييييد

سعيد : تقدر ترووح

بعد ما راح الريال

الدانه "على طول نشيت وحظنت سعيد" : خفت واايد

سعيد "ببرود" : الناس اطالع "ركبنا السياره وعطيتها عطاي من العصبيه"

الدانه "بعصبيه" : اذا في كلام تبي تقووله ماله داعي تكتمه

سعيد : اااااااش سكتي هب رايقلج

الدانه "بتعب ممزوج بضييج" : حتى الحمد لله ع السلاامه ماقلتلي اياها

سعيد سويتلها طاااف

الدانه : سعيييييييد ارمسك

سعيد "زعجت" : لييييييييييييييييييييش كنتي يالسه ع الارض!! شو يسوي هذااك الريال واقف عندج

الدانه : هيه جذي ابيييك ما احبك يوم تكتم الكلام

سعيد : انا اول مره اجوف ناس وقحيين مثلج

الدانه : بتعتذرلي ترااك عن المعامله السيئه والكلام البذيء

سعيد : ممكن تشرحيلي الي جفته قبل لا افقد اعصابي

الدانه : على اساس انك الحين ما فقدتنهن

سعيد : الداااااااااااااااانه

الدانه "بجيييت" : لا تزيدها عليييه الحين انا بعدني مب مستوعبه الي صاار, بداال ما تقولي الحمد لله ع السلامه يالس تصارخ علييه, انا اليوم جفت الموت بعيني , الريال الي كان واقف برع كان بيدعمني لو مب الله ستر, انته ليش تفكيرك رااح لبعييد , اصلن كل الي صاار صاار بسبتك, كذا مره رحت برع اجووفك اذا يت وما احصلك

سعييييد "عطيييييت بريييك قوي فجأه" : انااا اسف

الدانه : اعتذارك مش مقبوول, والحين ممكن توصلني البيت

ديالا : اوووووووووف والله ملييت انا مب يالسه هنيه اكثر من جذي

يوسف : انزين منو جابرنج تيلسين هنيه

ديالا : يسووف ترااك والله صاير قليل ادب

يوسف : انزين وانا شو قلت الله يعافيني

ديالا : كل يوم طالعلنا بحركات يديده , انته رايح المدرسه تتعلم شي مفيد ولا تاخذ دروس كيف تصير ساذج

يوسف : اقول اقول بدال ما تعطيني ماحاظرات سخيفه , طلعيني احسن , وديني المووول عشيني ع حسابج خليني استانس

ديالا : نش نش يلاا خلنا نروح ناخذ ماكدونلز

يوسف : والله!!

ديالا : هيه يلا خلنا نشرد قبل لا يجكونا ويغصبونا ناكل من اكل البيت

يوسف : تحيا العمه ديااالااااا

ديالا "طبعا تسللنا لين الباب عشان ما يجكنا نصور ويلعنا لعاان"

حمدان : على ويين ياااا هيييييي

ديالا "وانا اهمس ليسوف بسرعه" : يسوف يسوف لا طالعهم اونك ما سمعتهم, خلنا نتجاوز الباب وبعدين نطير ع السياره

يوسف : اوك عموه

حمدان : ايييييييييييييي هنيييه, انا ارمسكم

ديالا "مشينا سرعه صوب الباب على اساس ان ما سمعناهم ويوم طلعنا برع ركضنا صوب السياره"

حمدان : ابصم بالعشره انهم سموعوني االحيوانات لكن سولي طااف, اذا ما كاانوا مخططين ع شي ما يكون اسمي حمدان, نش نش خلنا نجوفهم قبل لا يختفوون

ديالا : كفك كفك يسووف

يوسف : هيييي نجحنااا

ديالا : سرعه سرع اركب قبل لا يطلع حمدان, لانه مستحيل يصدق انه ما سمعناه, لوبعده الاصمخ بيسمع

حمدان : يااا حيواانات وقفوا

ديالا "وانا اضحك مع صريخ من الحماس والتوتر" : سرعه سرعه يسووف قبل لا يمسكنا , طااح المفتاح ع الارض يوم كنت بدخله فالباب وييت بشله لكن حمدان زخني

حمدان : يا الحيوانه على وين شاارده , وليش مسوتلي طااف وانا ازقرج

ديالا : والله والله ما سمعنااك

حمدان : لو بعدني خديه ما صدقت

ديالا "شل حمدان المفتاح" : حمدان حمدان عااد , عطني المفتااح خلني ارووح

حمدان : لاااا مااشي

ديالا : يلا عاااد قبل لا يطلع نصوور ويلعنا لعاان

حمدان : اهاااااا الحين فهمت , مسوين مصيبه وتبون تشردوون

ديالا : لا مب جذي السالفه , بس يعني نحن نبي نروح نتعشى من المطعم واذا جافنا نصور ما بيخلينا

حمدان : ياي من البنقال اناا

ديالا : حمداان عااد يب المفتاح

حمدان : ماكوو مفتااح , وتعشوا فالبيت

ديالا : عاد لا تتنيذل علينا , والله خاطري اتعشا من مااك

حمدان : امييه قايله لاحد يتعشا من برع الليله

ديالا "جفت نصور طالع من البيت " : يسوف يسوف انبطح نصور طالع برع لا يجوفنا

حمدان بنذاله : نـــااااااااا

راشد "غطيت ع ثمه"

ديالا : طاااع الحمار كان يبا يخبر نصوور

حمدان : رشوود يا حيوان

راشد : حرام عليك

حمدان : شو حرام هذيلا اكيد مسوين مصييبه عشان جذي يبون يشردوون السالفه مب سالفه عشا

ديالا : انته ليش جذي نذل , حتى لو مسوين مصيبه لا تكون نذل لهدرجه

حمدان : والله لو كانت اول مره ماعلييه

ديالا "عصبت" : والله خاطري من ماااك سديت نفسي الله يعافيني

يسوف : ههههههههههههه توها تقول حركات سذااجه

حمدان : وانت ياحيوان يوم ازقرك ليش ما رديت عليييه

يسوف : جب جب مخرب علينا الطلعه

حمدان : اقول انقلع جدامي

يسوف "لحقت ديالا" : الله يعافيني

راشد : هههههههههههههه شفيهم هذيلا ويا الله يعافيني

حمدان : اقول امش امش بعد انته داخل لا يبرد العشا

راشد 0_0: الله يعافيني

في بيت ابو عبد العزيز

مروان "كنا كلنا يالسين ع العشى وكل واحد ياكل ببرود, اكره العشى يوم يكون على ه الحال, انسدت نفسي, ولهت على سلاامي الي راحت تعيش في بيت يدووه والسبب مجهول, غريبه ابويه ما قال شي على ه الموضوع, لان بالعاده اذا كان الموضوع عن سلامه ما يسكت ابدا, غريب ما قال شي بالعاده مستحيل يسكت ويخليها تنتقل

مروان "نشيت" : بالعافيه عليكم

ام عبد العزيز : مروان ولدي ليش قمت!!

مروان : شبعت اميييه

ام عبد العزيز : انته كلت اصلن

مروان : ما ابييي, يلا انا رايح عند نواف ما برقد هنيه اليوم

ابو عبد العزيز : عزييز

عبد العزيز : هلا ابويه

ابو عبد العزيز : انته لين متى بتم جذي

عبد العزيز : شو سويت !!

ابو عبد العزيز : متى بترد حرمتك

عبد العزيز "فريت الملعقه ونشيت" : بالعافيه عليكم

ابو عبد العزيز : عزيييييييييز انا ما خلصت كلامي

مايد : ابويه لا تعب نفسك, هذا قليل ادب ما بيرد

ابو عبد العزيز : انته شخبار الدراسه وياك!!

مايد : الحمد لله كل شي تمام

ابو عبد العزيز : هيه ولدي شد حيلك ورفع راسي جدام العرب

مايد "ابتسمت مجامله" : ان شاء الله ابويه

: شصار ع الموضوع

عادل : خلاااص انسى سلامه

: شوووه

عادل : الصفقه الي امبينا انتهت "نشيت بروح لكنه مسك ايدي"

: كيف يعني انتهت

عادل "وانا اطالعه بنص عين" : نزل ايديك

: انزين فهمني على الاقل

عادل : يعني مافي سلاامه

"وانا ازاعج" : كيييف مافي سلاامه , الاتفااق الي امبينا شصاارله

عادل : لا ترفع صووتك عليه, مافي سلامه ومافي اتفاق

: هين يا عادل يصير خير

عادل "رفعت ايدي عند ويه" : تهددني هاااا, رووح لاااه لا عاد تخليني اجوفك مره ثانيه

: بعتها علييه صح!! كم عطااك

عادل : هههههههههه ترى مب بس انته الخسران حتى انا خسرت

: لا تقولي الحين طلعت لك المشاعر الخال وبنت اخته

عادل : اووه ياااا أي مشاعر هذي الي تتكلم عنها!! عند الفلووس مافي شي اسمه بنت اختيه

: يعني شو افهم من كلامك

عادل: يعني ما كو سلامه ما كو فلووس

: انزيييييييين ليييش

عادل : لان سلاامه عند عمها علي

: انزين وخير وعمها علي, شو بيسوي يعني

عادل : ما بيسوي شي, بمجرد اتصال واحد على قوله اخوانا السورين وبيحسب الله ما خلقك هههههههههههههههههههههه

وفي شارع 90 على احدى طاولات ستار بوكس "هدى وبثينه يالسات

هدى : ماااا توقعت انصدمت يوم جفته

بثينه : منو هووو

هدى : الي خرب حياتي كلهااا

بثينه : انزين منوو

هدى "نشيت من على الطاوله وضربت ايديني على الطاوله" : اخوووووووووووج عمااااااااااار

بثينه : شوووو !!

هدى "وانا ابجي" : هيييييه اخوج عماار الجلب هو الي نهى حياتي "طحت ع الارضوانا ابجي بحره" نهى كل شي فيها كل شييييييييييييي

نصور : يسووف روح زقر عمتك

يوسف : والله ابويه زقرتها كذا كره ما طااعت

حمدان : ههههههه شكلها خاايفه منك

نصور "باستغراب" : خاايفه مني؟!!

حمدان : هيه

نصور : خايفه مني ليش!!

حمدان "قلتها بطريقه عبييطه" : يعني انته مش معصب منها!!

نصور : وليش اعصب منها , شو سوت عشان اعصب منها

حمدان : يعني انته مش معصب مش معصب

نصور : قلتلك لاااااااااااااا

ام ناصر : فكوونا الحين من هالسيرره وتعشوا

حمدان : بالعاافيه علييكم

ام ناصر : تعاال كل وين بترووح

حمدان "وانا اللوحلها بايدي" : ما ابي عشا

راشد : مشكورين على العشاا

ام ناصر : وانته وين بتروح بعد!! , ما كلت شي

راشد : بسني خاالوه , انا جذي عشااي ما احب اكثر

ام ناصر : انزين تعال ايلس ويانا

راشد : بجووف حمداان

حمدان : ليش ما تعشيت

راشد : شبعت, "ضربته ع جتفه بالخفيف" وين بتروح

حمدان "كنت ارقى على الدري" : بروح اطيب بخاطرها "لفيت وطالعته" : تعااال اذا تبي

راشد "لحقته"

حمدان " دشيت الملحق مالها, كان مظلم وطبعا المكان مقلوب فوق تحت, مريت من بين الاشياء الي على الارض, جفت الباب مفتوح شويه وطالع منه ضوء, كان صوت التلفزيون عالي, دشيت وجفتها منسدحه على الكنبه ومغطه ريولها, محطيه ايد على خدها والايد الثانيه ما سكه فيها الريموت" : ديااالااا

ديالا " بدون ما اتحرك, طالعته ورديت اطالع التلفزيون"

حمدان "رحت عندها وشليت راسها وحطيت ايدي تحت راسها وخليتها في حظني" : شسم المسلسل الي تجوفينه

ديالا "استحيت من الحركه الي سواها وخاصةّ جدام راشد, عدلت وضعيتي" : عن المصاخه حمدان, تراني بخبر حرمتك

حمدان "كرختها ع راسها" : هذا جزاتي بعد ياي اراضيج

ديالا : مستحيل ارضى

حمدان : لييش

ديالا : لاني يوعاانه اووووفر, واذا ما يبتلي عشا من المطعم ما بسامحك

حمدان : انزين شو تبين من مااك

ديالا "طاالعته بنص عين"

حمدان : هههههههه خلاص خلااااص نسيت ان اذا طلع شي من خاطرج تزعلينه , انزين قوليلي من أي مطعم تبيين

ديالااا : ابي ستييك

حمدان : من أي مطعم انزين

ديالا : مااادري مشكلتك المهم تيبلي ستيييك

حمدان "وقفت ويريتها" : نشي غيري ملابسج منتعشى برع

ديالا : حمدااان بليييز مالي خلق لطلعه , انته روح ويبلي عشا

حمدان : يااخي حتى انا ما تعشيت وراشد بعد ما كل عدل, خلينا نروح ونشل يسووف ناكل برع وخلاف نروح السينيما

ديالا : تدري اني ما احب اروح السينيما اذا ما كانت على الاقل بنت وحده وياي

حمدان : شرايج ادقين لبرعج الاجانب ونتعشى كلنا برع

ديالا "شقييت الابتسامه من الوناسه" : والله صج!!

حمدان : هيه ما اتمسخر

ديالا : يعني مااارك

حمدان "قاطعتها" : هيه هيه ومره وحده تعرفيني على ه المارك الي ذليتينا به

راشد : انا سمحولي برووح البيت

حمدان : رشووود عااد عن المصااخه, مافي روحه للبيت اليوم, بتسهر ويانا وخلاف بتبات عندنا

توقعاتكم :

اكتبوا كل توقعاتكم
__DEFINE_LIKE_SHARE__

sweet-RAK · 05-17-2014, 05:30 PM

تريا التكملة حبيبتي بنتظارج لا طولين
ما عندي توقعات __DEFINE_LIKE_SHARE__

Amooon_Alnahdi · 05-30-2014, 07:56 PM

فأنتظظااااارج .
__DEFINE_LIKE_SHARE__

MarymoOwh · 06-01-2014, 08:55 PM

الروايه جممميلا شرات ويهج اتمنى تكملينها فديتج . ومقدرين اذا عندج ظروف بس لاتطولين __DEFINE_LIKE_SHARE__

la6oof · 06-09-2014, 03:05 PM

Oh my god this part is awesome

waiting you __DEFINE_LIKE_SHARE__

المواضيع المتشابهه
الموضوع	كاتب الموضوع	المنتدى	مشاركات	آخر مشاركة
رحل الغالي عني و تركني وحيدة	ضحية زمانـــــي	شعر و خواطر	6	03-20-2012 12:57 AM
ذا اللغز في الحيرة تركتي تركني ’’’	محروم.كوم	منتدى أخبار المواقع والمنتديات العربية والأجنبية	0	02-04-2012 12:10 AM
^_) يا مسافر عني عمان )_^___ تركني وحيد___	أمير الحزن	شعر و خواطر	3	08-07-2009 11:35 AM
إلى من تركني وحيدة	محروم.كوم	منتدى أخبار المواقع والمنتديات العربية والأجنبية	1	06-01-2009 02:44 AM
تركني بعــز احزانــي ... ~	AlNseem	تصاميم الاعضاء	34	04-06-2009 05:17 AM