OoO بيّض الله وجهِك إبعِد .. وفَّت طِعُونِك كثير OoO

][Qـــطـــر][ · #1 02-09-2008, 07:55 PM

//

كان قِدامي الفَرَح وكانت أحزاني وراي ..
لين شِفتك وإنعِكس كِل شي وما عيَّنت خير ..

يا كِثرهُم يُومي إخترتِك وسلَّمتِك سماي ..
ما وصِل غِيرك مُكانِك وحدِك بصدري تطير ..

كنت أمير وكان قلبك في وسط إيدي عصاي ..
ليـــه تعصانــي وترمي نفسك لذاك الوزير ..

من غموضك ما فهمتك إنت علي وإلا معاي ..
في الزمن كل شي جايز وصار اللي ما يصير ..

في بداياتك سندتك .. ليه تبدي منتهاي ..؟!
يعني قصدك تكسِر اليَد الوفيَّه..! يا حقير ..

يسعِد جُروحِك وغدرك بَس لا تجرح مساي ..
لأنه جرحك ما توقعته / وحبِّيت بضمير ..

يا أعز إنسان جارحني .. ويا مَبدَأ شقاي ..
يا أقرب همومي علي ياللي مِن فرحي تغير ..

يا وفاك اللي عرفني وصار هايم في عناي ..
يا قبيلة حزن تبـــــدي بَس ما فيها أخير ..

كنت أجي عِندك وأتعَب وألْمَح المُوت بخُطاي ..
والطريق اللي يودِّي لِك .. أنا أدري خطير ..

ما حِسبت إحساب شيٍ كانت عيونك مُناي ..
بعت خلق الله عشانك والخطا مِنِّي كبير ..

وكان باقي لي مَعَزَّه عِندِك .. إثبت لي غلاي ..
بيّض الله وجهِك إبعِد .. وفَّت طِعُونِك كثير ..

هذا حدِّي في غرامك وهذا هو والله جزاي ..
نامَت جُروحِك في قلبي تِصبَح جُروحِك بخير ..

// __DEFINE_LIKE_SHARE__

ж شـمـوخ عـراقـيـه ж · 02-10-2008, 01:49 AM

[align=center]---{ الله .. الله

صح منطوقج يالغلا على كل كلمه

صراحه أبيات ولا ارووع

ما عليج زود والله

وحياج في الاستراحه

منورتها من اولها لتاليها

يسعِد جُروحِك وغدرك بَس لا تجرح مساي ..
لأنه جرحك ما توقعته / وحبِّيت بضمير ..

يا أعز إنسان جارحني .. ويا مَبدَأ شقاي ..
يا أقرب همومي علي ياللي مِن فرحي تغير ..

وهالبيتين يبتيها على العووق

سلمت يمينج .. يعطيج ربي ملايين العوافي

لا تحمرينه من يديدج الحلوو

دمتي بخير وعافيه

خويتج

شموخ عراقيه }---[/align] __DEFINE_LIKE_SHARE__

عيناوية فديتني · 02-10-2008, 01:27 PM

أبيات ولا أروع ثانكيوووو ع المجهود

يسلمووووووووو __DEFINE_LIKE_SHARE__

بنت الـحـمـايـل · 02-10-2008, 06:17 PM

صح الله اللسانج الشيخه

ابدعتي الشيخه

وعساج ع القوه __DEFINE_LIKE_SHARE__

***نفحـــــة العــــود*** · 02-10-2008, 07:05 PM

يسعِد جُروحِك وغدرك بَس لا تجرح مساي ..
لأنه جرحك ما توقعته / وحبِّيت بضمير ..

مــــــــــاشاء الله تبارك الرحمن...عين الله تحرس يااخويتي

صح الله منطوقك الغاوي...وربي انك مصر الابداع والهامه

تصدقين والله اني انبهرت بكل بيت قريته.....

ماشاء الله عليك..والله منطوقك رهيـــــــــــــب....

ماادري..والله لو امدح لين باكر مابخلص.....

يعلني مااخلى من كل يديدن من صوبك...الله لا يحرمنا ابداعاتك

يعطيك ربي كـــــــــل عوافي الكون.....

تقبليــــ مروريــــ اختك (انا بدويه) __DEFINE_LIKE_SHARE__

المواضيع المتشابهه
الموضوع	كاتب الموضوع	المنتدى	مشاركات	آخر مشاركة
وسط حزن كبير مخرج فلم ((معتقلي المعامير)) في ذمة الله	محروم.كوم	منتدى أخبار المواقع والمنتديات العربية والأجنبية	0	06-09-2010 09:15 AM
صور فقع زبيدي ليبي -تبارك الله كبير مرة	محروم.كوم	منتدى أخبار المواقع والمنتديات العربية والأجنبية	0	02-03-2010 08:24 AM
[طلب] بنر كبير جزاكم الله الجنة	محروم.كوم	منتدى أخبار المواقع والمنتديات العربية والأجنبية	0	07-01-2009 04:50 PM
مووشكيل كبير الله كبيير	هيام الامارات	طلبات البرامج والشروحات وحل مشاكل الحاسب الآلي	3	04-23-2009 11:36 AM
بيّض الله وجــه الأيــام والحـظ البخيـــل	دبر عمرك	الشعر المنقول	21	10-06-2008 04:05 AM