|
OoO بيّض الله وجهِك إبعِد .. وفَّت طِعُونِك كثير OoO // كان قِدامي الفَرَح وكانت أحزاني وراي .. لين شِفتك وإنعِكس كِل شي وما عيَّنت خير .. يا كِثرهُم يُومي إخترتِك وسلَّمتِك سماي .. ما وصِل غِيرك مُكانِك وحدِك بصدري تطير .. كنت أمير وكان قلبك في وسط إيدي عصاي .. ليـــه تعصانــي وترمي نفسك لذاك الوزير .. من غموضك ما فهمتك إنت علي وإلا معاي .. في الزمن كل شي جايز وصار اللي ما يصير .. في بداياتك سندتك .. ليه تبدي منتهاي ..؟! يعني قصدك تكسِر اليَد الوفيَّه..! يا حقير .. يسعِد جُروحِك وغدرك بَس لا تجرح مساي .. لأنه جرحك ما توقعته / وحبِّيت بضمير .. يا أعز إنسان جارحني .. ويا مَبدَأ شقاي .. يا أقرب همومي علي ياللي مِن فرحي تغير .. يا وفاك اللي عرفني وصار هايم في عناي .. يا قبيلة حزن تبـــــدي بَس ما فيها أخير .. كنت أجي عِندك وأتعَب وألْمَح المُوت بخُطاي .. والطريق اللي يودِّي لِك .. أنا أدري خطير .. ما حِسبت إحساب شيٍ كانت عيونك مُناي .. بعت خلق الله عشانك والخطا مِنِّي كبير .. وكان باقي لي مَعَزَّه عِندِك .. إثبت لي غلاي .. بيّض الله وجهِك إبعِد .. وفَّت طِعُونِك كثير .. هذا حدِّي في غرامك وهذا هو والله جزاي .. نامَت جُروحِك في قلبي تِصبَح جُروحِك بخير .. // |
---{ الله .. الله صح منطوقج يالغلا على كل كلمه صراحه أبيات ولا ارووع ما عليج زود والله وحياج في الاستراحه منورتها من اولها لتاليها اقتباس:
سلمت يمينج .. يعطيج ربي ملايين العوافي لا تحمرينه من يديدج الحلوو دمتي بخير وعافيه خويتج شموخ عراقيه }--- |
أبيات ولا أروع ثانكيوووو ع المجهود يسلمووووووووو |
صح الله اللسانج الشيخه ابدعتي الشيخه وعساج ع القوه |
يسعِد جُروحِك وغدرك بَس لا تجرح مساي .. لأنه جرحك ما توقعته / وحبِّيت بضمير .. مــــــــــاشاء الله تبارك الرحمن...عين الله تحرس يااخويتي صح الله منطوقك الغاوي...وربي انك مصر الابداع والهامه تصدقين والله اني انبهرت بكل بيت قريته..... ماشاء الله عليك..والله منطوقك رهيـــــــــــــب.... ماادري..والله لو امدح لين باكر مابخلص..... يعلني مااخلى من كل يديدن من صوبك...الله لا يحرمنا ابداعاتك يعطيك ربي كـــــــــل عوافي الكون..... تقبليــــ مروريــــ اختك (انا بدويه) |
| الساعة الآن 07:20 AM |
Powered by vBulletin® Copyright ©2000 - 2025, Jelsoft Enterprises Ltd.
Content Relevant URLs by vBSEO 3.5.2 TranZ By
Almuhajir