بيّض الله وجــه الأيــام والحـظ البخيـــل

دبر عمرك · #1 09-23-2008, 06:57 AM

[align=center]السلام عليكم ورحمة الله وبركاته

الله اكبـر كلمـا شفـت قامـات النخيـل
.....انحنت مدري من الوقت وألا مـن شقـاي

ادري ان الفرق واضـح ولا يبغـى دليـل
.....بس أعاين مستواهـا وأعايـن مستـواي

ادري ان الوقت عابر وانـا عابـر سبيـل
.....وادري ان الرزق مقسوم وان الموت جاي

وادري ان البدو لولا القسـاوة مـا تحيـل
.....وادري ان لذة زماني تعـدت مـع صبـاي

وادري ان ما كل عين ن على المرقب تخيل
.....وادري ان ما كل نجم ن ينوّر في سمـاي

كلمـة ن باقولهـا والثقيـل اصلـه ثقيـل
.....ما تزعزعه الشدايـد ولا زوكـة عصـاي

بيّض الله وجـه الايـام والحـظ البخيـل
.....علمتني منهـم اصحابـي ومنهـم عـداي

علمتني كيف اميّز عميـل ن مـن عميـل
.....علمتني كيف اشيّـد علـى العـزّة بنـاي

علمتني كيف افرّق نهيق ن مـن صهيـل
.....علمتني كيف يزعج هل المشـرق عـواي

علمتني كيف اناضـل علـى درب الجميـل
.....علمتني كيـف اكـبّ الـردا واهلـه وراي

علمتني بأن مـا فيـه شـي ن مستحيـل
.....علمتنـي كيـف اطلّـع مـن العلـة دواي

علمتني عـزة النفـس لـو مانـي ذليـل
.....علمتني كيـف بالصبـر احقـق مبتغـاي

علمتنـي شـي مالـه شبيـه ولا مثـيـل
.....علمتني الصدق وقت الزعـل وألا رضـاي

علمتني كيف كـل ن يحصـل لـه بديـل
.....ألا دينـي ثـم داري وصحبـة والــداي

علمتنـي حسبـي الله ونـعـم الوكـيـل
.....كيف تضحك لي بوجهي وتطعن في قفـاي

العذر ثم العـذر لـو غـدا قافـي طويـل
.....البقـا لله عالـم بيانـي مــع خـفـاي

يا الاهي يا الاهـي لـك الشكـر الجزيـل
.....طالبك يا رب الاربـاب تحسـن منتهـاي

الختام ازكى صلاة ن علـى طـه الخليـل
.....عد ما شالت وحطـت فـي الدنيـا يـداي

دبر عمرك[/align] __DEFINE_LIKE_SHARE__

عيناويه 1 · 09-23-2008, 10:20 AM

تسلم اخوي على القصيده الجميله

الله يعطيك ألف عافيه يارب __DEFINE_LIKE_SHARE__

" مملوحة الفآل " · 09-23-2008, 10:33 AM

~{

علمتني كيف اناضـل علـى درب الجميـل
علمتني كيـف اكـبّ الـردا واهلـه وراي ..

صح الله لسآن الشآعر ملآيييييييييييييييين ..

في ذمتي آنهآ عالعوق وآبيآت في قمة الروعه ..

تسلم يالطيب عالنقله المتميزهـ وعسآك عـ القوهـ ..

همسه : آخوي ولاعليك آمر آذكر آسم الشآعر ولاهنت ..

}~ __DEFINE_LIKE_SHARE__

ورد جوري يفوع وجناته · 09-23-2008, 10:44 AM

هلا وغلا

طرررررر الصرااحه

صح للسان قايلها وتسلم يمينك الشيخ ع النقل المميز والله يعطيك العافية __DEFINE_LIKE_SHARE__

ولهانة · 09-23-2008, 02:34 PM

تسلم اخوي ع هالابيات الرائعة وربي مبدع ذوووووووووووووووووووووووووووق في الاختيار يعطيك الف عااااااااااافية ولا تحرمنا من جديدك الراقي

وبالتوفيق دووووووووووووووووووووووووووووووووووووووووووووووووو وووووووووووووم __DEFINE_LIKE_SHARE__

المواضيع المتشابهه
الموضوع	كاتب الموضوع	المنتدى	مشاركات	آخر مشاركة
المجــال مفتوح للمحاوره ..حياكم	محروم.كوم	منتدى أخبار المواقع والمنتديات العربية والأجنبية	0	07-05-2009 03:40 AM
غربـــــــــة الأيــام	it’s my life	قصص و روايات	7	06-13-2009 07:00 PM
هــل رآيت وجــه فرعون	нīтłёŕ єℓиђάяĭ	عجائب و غرائب	26	02-04-2009 11:33 PM
OoO بيّض الله وجهِك إبعِد .. وفَّت طِعُونِك كثير OoO	][Qـــطـــر][	الشعر المنقول	10	02-18-2008 06:47 PM