رّوآية " اهل الغـراآمـ " - الصفحة 10

إسبشل غير · 03-13-2013, 05:00 PM

متحمسييييييين للبارت اليااي
حمستينا بما في الكفاااية
ممكن تحديدين يوم للبارت

الله يوفقج إن شاء الله __DEFINE_LIKE_SHARE__

الريم المزروعي · 03-15-2013, 03:01 PM

شواااااق نبا بااارت وييييينج ؟؟

=( __DEFINE_LIKE_SHARE__

كلي ذوق وغلا · 03-15-2013, 04:18 PM

الققصصه رووعه ..

اترياا الباارت ححياتي والله تححمسسين !! __DEFINE_LIKE_SHARE__

شــووقـ · 03-17-2013, 01:22 AM

بنات ماعرف بلاه المنتدى مايدخلني من امس وكله يظهرلي لقد تجاوزت العدد المسموح له بالزياره ..

ادري تاخرت عليكم انا اسفه
البارت زاهب بنزله ان شاءلله
السموحه منكم ...

__DEFINE_LIKE_SHARE__

شــووقـ · 03-17-2013, 12:56 PM

[align=center]رواية "اهل الغرآآمـ" [/align][align=center]

[/align]
[align=center]

البارت الثامن:

.............................

خليفه"

من شوي طلع الدكتور من عندي وقالي ان باجر بيرخصني من المستشفى .. اخيرا!! .. اكره المستشفيات وايد ماطيق اقعد فيها دقيقه وانا صارلي اكثر عن اسبوع هني!! .. كنت احس بالم فكل جسمي بس احاول اقاوم ومابين هالشي عسب ماقعد فالمستشفى اكثر .. مسوين لي جبس بايدي معناته بتكون لي كم مراجعه بعدين .. ها كله مايهمني بس الي مضايقني شي واحد بس!! .. المرحوم اندفن وانا ماشفته .. ماحضرت لا الدفان ولا العزا !! .. اضاربت وياهم ويلست اصارخ عشان يطلعوني بس الدكتور مارضا .. غمضت عيوني وانا اذكر اخر لحظه كان معاي .. اذكر كلامه عدل ونظرة عيونه .. كان يوصيني كان يبا يقولي شي بس مافهمت عدل ماقهمت شو قصده !! ...

.......

سعيد : خلليييفه

خليفه : انااااا هنييي تحمل سعيد تحمل شوي بسسس

سعيد : ميييثه اختيي خليفففه ميييثه

خليفه : بتشوفهاااا بتقووم بالسلامه وبتشوفهااااا .. بس لاتتكلم لاتعب عمرك دخيييلك

سعيد بصعوبه ياخذ النفس: منصصوور مميييثه

شقته يشششهق ويشهق ويشهق كانت روحه تطلع وهو بين ايدي وانا اصرخ باسمه..

خليفه : لاااااااااا سعيييييييد لااااااا دخييييييييييلك ياربيييي دخيييييييلك سعييييييييييييييد شوفني سعيييييييييييييد

يلسست اهزه من جتفه بقوووووو وانا ازقره ابااا ينشش ابااااا يرد عليييي اباااااا يطالعني ابااااااااا يطمنييييي .. ليش ساااااااااااكت لييييييش؟؟ ليش مايكلمنيييي توه كان يكلمني ليش مايبطل عيوووووونه يشوفني لييش مايتنفس لييييش !!

خليفه يصرخ : لااااااااااااااااااااتسكت سعيييييييييد كلمنيييييييييييييييييييييييي شوووووووووفنييي انا خلوووووف شووووفنيييييي سعيييييييييييييد

.......

كانت دموعي تنزل على خدي غصبن عني كل ماذكر الي صار .. رصيت على اسناني وايدي من القهر .. اقرب شي كان مني جهاز الضغط والقلب .. دزيته بقوووو ويلست اصارخ .. قامو يتراكضون الممررضين خايفين .. قرب مني واحد منهم يبا يعطيني مهدئ بس صرخت عليه جان يخاف وطلع وهو يتحرطم .. دقايق ودخل عبدالله

عبدالله بخوف : خليفه .. شومستوي؟؟

خليفه يصارخ : ابا اطلع ابا اطلع الحيييييييييييييييييييييييييييييييييييييين

عبدالله : خلوف شو ياك اذكر الله !! .. توني سالتهم برع قالو بيظهرونك باجر!!

خليفه بعصبيه : مابا اتريا لين باجر .. طفرت وانا يالس هني ماقدر اتصرف ماقدر اسوي شي!!

عبدالله : شو عندك انزين انت ماتشوف صحتك كيف !! ايدك مكسوره ورضوض فكل جسمك

خليفه : مايهمني .. ابا اطلع الحين عبدالله .. عندي موضوع ابا اخلصه ماروم اتريا

عبدالله : موضوع شو؟؟

خليفه : من اطلع بتعرف كل شي

عبدالله: انزين انته هدي واذكر الله الحين .. خلاص اصبر شوي مايت على يوم واحد يعني خلوف !!

خليفه:

عبدالله: المهم انته شو تحس اليوم ان شاءلله احسن؟؟

خليفه يجذب: هيه زين مافيني شي

عبدالله: تجذب على منو انته؟؟ .. كليت فواد الدكتور وانته تقوله طلعني طلعني .. ترا لو صابك شي برع انته بتتحمل المسؤوليه

خليفه: مابيصيبني شي ان شاءلله

عبدالله : زين على راحتك

خليفه بتردد : عبدالله

عبدالله: امر

خليفه: منصور ولد عمك يا العزا ؟

عبدالله مستغرب: هيه اكيد يا .. ليش تسال ؟

خليفه: لا بس جي اسال

عبدالله : قول شو عندك لاتيلس تجذب !!

خليفه: ماينفع الحين باجر تعال خذني من هني وانا بفهمك كل شي ان شاءلله

عبدالله : زين ان شاءلله .. يلا عيل انا بروح عنك تامر على شي؟؟

خليفه : سلامتك عبدالله بس لاتتاخر علي باجر

عبدالله: اسميك مستعيل .. مابتاخر لاتحاتي .. يلا مع السلامه

خليفه: فداعة الله

يلست اسمع صوت التلفون وهو يهز فوق الطاوله .. ماطالعت الشاشه لاني اعرف انها هيه الي تتصل ..غايه .. تنهدت " أأأه" .. سبحان الله .. كنت مقرر اني افتح معاها موضوع العرس هاك اليوم .. بس كل شي تغير بعد ماصار الحادث .. ادري انها تحاتي وادري انها ذابحه عمرها صياح وادري انها غبيه ممكن تسوي بعمرها اي شي بسس بس انا ماقدر ارد !! .. طول هالفترة فالمستشفى وانا اذكر كلام سعيد عدل .. اذكر نصايحه واذكر خوفه علي .. انا مب اناني والله بس انا اباها بالحلال ومابا ارد امشي بالدرب الخايس الي كنت فيه !! .. بعدين انا فيني حره وقهر ومابرتاح الا يوم يرتاح المرحوم فقبره .. الي شاغل بالي الحين شي واحد بس .. اشوف هالمنصور الحيوان وافهم منه كل شي وشو الي صار بينه وبين المرحوم هاك اليوم !!.. بديت احس بالم بايدي شكله مفعول المسكن خلص .. دقيت عالجرس وياني الممرض بسرعه حليله خايف ..طلبت منه مسكن ابا ارتاح واغفى شوي و الفقير مثل ماطلبت منه عطاني .. غمضت عيوني مره ثانيه وانا استرجع ايامي مع المرحوم ..

......

خليفه يزخ سعود من ريوله : اقولك مابخليك تروح يعني ماتروح

سعيد: خلوف خوز عن ويهي متاخر عالحرمه والله وانته يالس تتمصخر

خليفه : ماتمصخر .. اقولك اغااار عليك ليش ماتحس فيني !!

سعيد : هههههههههههههه والله بالنعال بهفك والله

خليفه: كل يومين نطيت عند الحرمه .. افاااااا سعود نسيت صديقك الصدوق ..

سعيد: هيه نسيت نسيت

خليفه : افا والله افا .. الحين ماتعيبك اليلسه وياي لااا .. صدق المثل لي قال من لقى احبابه نسى اصحابه

سعيد ميت ضحك : ههههههههههههههه

خليفه : اضحك اضحك ماعليه يالهرم انا براويك

سعيد: الحين الي يسمعك يوم بتعرس مابتسوي سالفه للحرمه مول .. هذا ويهي جان شفناك

خليفه: خسي والله .. "يغمز بعيونه " .. انته الحب.. انته الاصل .. انا يوم عندها وعشرين عندك

سعيد: عوذبالله هههههههههه ماباك انا مرخصنك ماعليه

خليفه : ياخي سعود جد والله ... طفران قسم بالله .. عن المذله ياخي .. قم بنلعب بلاي ستيشن

سعيد: مب الحين انزين .. بسير بيت عمي بتعشى وبي اسهر عندك

خليفه : ايييييه ماعرفك انا شو .. لو سرت مابترجع انته .. اصلا انته ماتطلع من البيت الا من يروغونك

سعيد : هههههههه خسي والله .. هو صدق ان منصور ناشبلي نشبه .. بس ماعليك مرتب اموري طال عمرك

خليفه : بس خووووزو عنه .. يوم اقولك انته مب هين ماتصدقني .. ومسوي عمرك مطوع بعد .. روح روح دربك خضر

سعيد : هههههههههه تربيتك طال عمرك .. يلا فارج ..

خليفه : تشاوووووو

سعيد: تشااااو

......

....................................

هاجر"

نزلت من السياره بدخل بيت قوم ميثه .. وعدت ميثوه ايلس وياها اليوم احاول اغير من نفسيتها شوي وبنفس الوقت الحرمه الي كلمت ميثه عنها بتي اليوم بعد عسب تقرا على خالو ام ميثه .. مسكينه خالو الله يصبرهاا ويعينهاا يارب .. رفعت الغشوه عن ويهي اول مادخلت البيت بس وقفت لما شفته يالس بالسياره .. شكله راقد !! .. بتستغربون مني بس ماعرف شو الي خلاني قربت منه اكثر؟؟ .. يمكن بغيت اطمن عليه خاصه بعد الي سمعته من ميثه .. مممم تدرون !! .. اول ماشفته قلبي عورني عليه والله شكله تعبااااان تعبان وايد .. طالعت ويهه عدل لاحظت دمعه واقفه على طرف عيونه شكله كان يصيح .. وضعفان .. ومبين عليه التعب والارهاق .. كسر خاطري والله .. بسس ..بس لحظه!!.. بطل عيونه .. لااا .. لالا .. لالالااااااااا .. شو هااا ماكان راقد !!.... وين ارووح انا الحين ويييين ؟؟؟.. صديت بسرعه ابا اركض من القفطه بس وقفني صوته..

عبدالله: هاجر

لااااااااا ياربي دخيلك شو هالمواقف الخايسه الي اطيح فيهاااااااااااااا بمووووت !! ...

عبدالله: لاتروحين .. اتريي شوي

غمضت عيوني من الخوف واحس بقلبي يدق طببببل..

عبدالله: كنت اترياج تيين

يترياني !!...يترياني انا !!

عبدالله: لاتزعلين من كلامي .. بس.. بس انا محتاجج

احم .. خلاص انا بيغمى علي والله .. ماروم اتنفس

عبدالله: لاتقولين شي انا ماباج تقولين شي بس انا تعبان ومحتاج حد يسمعني ..

قلبي عورني عليه والله.. عبدالله صدق تعبان ومبين من صوته ..

عبدالله بتردد: انا .. انا

سكت !!

عبدالله:اا نا ..اا..وولا شي خلاص .. انا اسف ..

خطف صوبي بيروح ..

هاجر: عبدالله

عبدالله صد بسرعه :

قلت بصوت يدوب ينسمع..

هاجر بارتباك : عععظم الله اجرك

شفته يبتسم بحزن ونزل راسه ..

عبدالله: الدوام لله

هاجر:

عبدالله:

هاجر بخوف: اا انا ييت اشوف ميثه وو وبتي الحين حرمه تقرا على خالو شوي

انا شو يالسه اقوووووول الله يغربلني .. بصيييح والله

عبدالله: ادري .. قالت لي ميثه .. يزاج الله خير على وقفتج وياهن

نزلت راسي مرتبكه ..

هاجر : ممما سويت شي

احس بصوتي يرقص رقص من الخوف ..

عبدالله: امي تعبانه وايد وماعرف شسوي معاها !! ..

رفعت راسي اطالعه طاحت عيني بعينه.. رديت اطالع تحت بسرعه

تنهد ورد كمل ..

عبدالله: انا مب ملحق على حد ..امي من صوب وميثه من صوب وابووي من صوب ..

كان يتكلم كلمتين ويسكت ويرد يكمل ..

عبدالله: وانا .. انا مب متحمل فراقه بعد والله ..

حسيت نبرة صوته تغيرت .. رفعت راسي شفت عيونه غرقانه دمووع

عبدالله: تعرفين .. احس اني مخنووق

هاجر:

عبدالله: انا كل يوم ارقد بغرفته

نزلن دموعي .. قلبي عورني

عبدالله: مرات احس ان سعيد مامات .. احسه راح فتره بس بيرجع ..

هاجر: الله يرحمه

عبدالله: تدرين.. انا مالوم امي ابد .. اذا نحن مب مصدقين الي صار كيف امي !!

هاجر: الله يصبرهاا

عبدالله: انا احاول ايوم عمري وايد مابا احسسهم اني ضعيف عسب مايضعفون وياي .. مابا احسسهم بغيابه ابد ابا اعوضهم ابا كون لهم انا سعيد وانا عبدالله وانا ولدهم الي يقدرون يعتمدون عليه ..

هاجر: عبدالله

تجرات شوي وحاولت اريحه بكلامي

هاجر: تعرف ميثه شو قالتلي

عبدالله: ؟؟

هاجر: ميثه تقول انها من تشوفك ترتاح و تاخذ قوتها منك انته.. شوفتك فالبيت تريحهم وتصبرهم وايد وخاصه انك قريب من سعيد الله يرحمه .. خبرتني انك رمستها هاك اليوم وتقوول ان كلامك خفف عنها وااايد .. حتى خالوووو .. صح ان غياب المرحوم متعبنها بس انته هني و غلاتك عندها من غلات سعيد.. وقفتك وياهم تاكد انك بتعوضهم عن كل ثانيه يحسون بغياب سعيد فيهاا .. لاتضعف.. اصبر عبدالله .. هاي فتره بس .. فتره وبتعدي باذن الله .. ها ابتلاء وربي يختبر صبركم فيه .. انا ادري ان هالشي صعب عليك وايد .. بس انت قدهاا وربي معاااك لاتحس انك بروحك ابد

كنت اتكلم وويهي يحمر ويحمر واحس بحراره تسري فكل جسمي .. تم ساكت وتميت ساكته انا بعد لين كسر سكوتنا وقال

عبدالله: مشكوره

هاجر: على شو

عبدالله: كنت محتاي اسمع حد الي فخاطري .. مشكوره انج سمعتيني .. السموحه منج غثيتج

هاجر: مسموح اخوي

عبدالله: كححح كحح كحح

خيبه ويهه احمر من الكحه شو ياه ؟؟.. جنها ماعيبته كلمة اخوي

عبدالله باحباط: اخوج ؟؟

هاجر: ها !!

ياربي يالاحراااااااااج يارب تنشق الارض وتبلعني يارب اختفي ياربي بصيييييح

هاجر بسرعه : ااانا تاخرت على ميثوه .. السموحه منك

ركضت داخل ..

هاجر بصوت مسموع : اخر مره ايي هالبيت اخر مره اهئ اهئ اهئ

ميثه: ليش؟

هاجر: وي بسم الله .. خرعتيني يالحيوانه

ميثه : ههههه .. شو فيج تربعين

هاجر بارتباك : ااا مماعرف شفت شي برع خفت ييت اركض

ميثه: وعشان جي ماتبين تيين بيتنا ؟؟

هاجر : هيه .. كله ينون

ميثه: هههههه توج تدرين

هاجر منصدمه : صدق !! .. عندكم ينون

ميثه : هيه عادي كل يوم نشوف شي اصلا .. خلاص تعودنا

هاجر بتمون خوف : بذمتج !! ...

ميثه : هيه .. زين بعد بتي هالحرمه الحين تقرا قرآن .. اطيرهم عنا شوي طفروبنا

هاجر : شووووووو !! .. خوزي عني والله ماتميت هني والله برجع

ميثه : ههههههههههه تعالي تعالي وين سايره

هاجر: تخبلت شو اتم هني وتقولين بيتكم متروس ينون .. لا فدديتج انا اخاف من هالسوالف يلا باي

ميثه : هههههه اسولف وياج يالسباله .. بسرعه ينقص عليج انتي

هاجر: الله يغربلج

ميثه : ههههههه تعالي تعالي دشي

هاجر: خالو وين

ميثه تتنهد : وين بتكون يعني .. بالغرفه

هاجر: بسير اسلم عليها

ميثه: حياج تعالي

يلست عندهم شوي وعقب يات الحرمه ويلست تقرا على خالووو قرآن .. كانت تصيح وتصارخ فالبدايه بس عقب يلست تسمع وهيه ساكته ودموعها تنزل بهدووووء .. كان صوت الحرمه مريح وايد سبحان الله .. راحت عقب ما اتفقو وياها انها تيي بشكل يومي لين يتحسن وضع خالو شوي .. يلست اسولف ويا ميثووه وحسيت ان نفسيتهاا احسن عن قبل الحمدلله .. خليتها توصلني لين برع بعذر اني خايفه من الينون .. وانا بالاصح خايفه اني اتصادف ويا عبدالله مره ثانيه واطيح فموقف يفشل اكثر واكثر .. تصادفت ويا خالد اخوي فالبيت بس كان مستعيل بيسير عند ربيعه .. ماشفت حد فالصاله قررت اتصل لفطيم تيي تقعد وياي شوي وبالمره اشوف ميره حبيبتي لاني تولهت عليها وايد

.................................................

فاطمه"

ركبت السياره وانا متوجهه للمكان الي قررنا نتلاقى فيه .. مابغيت الدريول يوصلني لاني مابا محمد يعرف عن هاللقاء ابدا .. كنت احاول اسيطر على اعصابي كثر ما اقدر وانا اسوق .. خليت ميره عند الخدامه وعموه بعد ماوصلني اتصالها

........

منال بدلع : السلام عليكم

فاطمه: وعليكم السلام

منال: شحالج فطيم؟

فاطمه: بخير الحمدلله .. منو ويايه؟

منال: معقوله ماعرفتيني!!

فاطمه: لا والله ماعرفتج !!

منال: غريبه ماعرفتيني وانتي صارلج فتره تحرقين تلفوني وانا مارد عليج ههههه

سكت شوي افكر بكلامها .. منو الي اتصلها من فتره وماترد !!... ممممم لحظه !!.. راعية الصور ماشي غيرها ؟؟

فاطمه تتصنع البرود : اهااا.. انتي الي اطرشين صور حقي .. هيه عرفتج .. بس ليش داقه من رقم ثاني؟؟

منال: فديتج انا عندي ارقام من رقم .. وادق من الي اباااه

ماشاءلله ارقااام مب رقم ولا رقمين بعد .. من دلعها تخيلت شكلهااا

فاطمه ببرود اكثر : شحالج؟

منال: بخير دامج بخير فديتج ..

فاطمه: دوم .. ماقلتيلي شو مناسبة هالاتصال ؟؟

منال بدلع يقهر : هههههههه داقه اخذ رايج بالصور .. شو رايج .. حلوه صح؟

فاطمه: اختصري ..

منال تتصنع الغباء : اختصر شو ؟

فاطمه : لين وين تبين توصلين .. ؟؟

منال: لمحمد

الحيوانه بقوة عين تقولهاا !! ...

فاطمه: ممممم شو رايج نتلاقى!!

منال : ممممممم وليش لا .. نتلاقى فديتج

فاطمه: انا فاضيه الحين وين اقدر اشوفج؟؟

منال: ههههههه مستعيله شكلج .. عالعموم وانا بعد فاضيه .. نتلاقى بالكافيه بالمول

فاطمه: خلاص اوك .. اشوفج

وسكرت التلفون بدون ما اسمع ردهااا .. يلست انافخ فمكاني وانا ميييته قهر .. مستفزه الحيوانه تقولي فويهي تبا توصل لمحمد ريلي !! صدق قلة ادب .. زقرت الخدامه عطيتها ميروه ونشيت بسرعه اجهز

.......

وصلت المول وخذت نفس طوييل وعاهدت نفسي مابين لها ضعفي ابد .. شكلها قويه ومابا اطلع انا بدور المسكينه .. رن تلفوني عبالي هيه بس طلعت هجور اختي ..

هاجر: هلا فطيم

فاطمه: هلا هلا هجور

هاجر: شحالج؟

فاطمه: بخير فديتج

هاجر: فطام تعالي يلسي عندي ويبي ميروه وياج .. بموت من الملل

فاطمه: هجور مب الحين عندي شغل وانا طالعه اصلا ..باجر بيبها عندج ان شاءلله

هاجر: بس انـ

وصلني خط ثاني من ست الحسن

فاطمه: يلا هجور فديتج بكلمج عقب ..باي باي

سكرت عن هجور ورديت عليها بسرعه

فاطمه : هلا

منال: اهلييييين .. شكلج غيرتي رايج مابتين هههههه؟؟

فاطمه: لا فديتج انا هني بس ماعرف وين يالسه..

منال: هههههه برفعلج ايدي .. تشوفيني ؟؟

شفت وحده مثل ماتخيلتها بالضبط .. كان البف الي مسوتنه اكبر عن ويهاا وتاشر لي بدلع وهيه تبتسم .. سكرت الفون فويهاا وتجدمت صوبهاا .. مطيره حواجبهااا وتارسه ويهاا مكياج .. مادري وين تباا !!

منال: وييييي ماتوقعت تكونين منقبه !!!

فاطمه: حكم القوي عالضعيف شسوي؟؟ .. تصدقين عاد ماكنت منقبه بس من تزوجت محمد ثاني يوم لزم علي اتنقب.. على قولته " حلااالي مايشوفه غيري " .. هههههه

حسيتها انقهرت واتفاجات بردي لها .. يمكن توقعت اني اصيح واترجاها تودر محمد !!

منال تحاول تدارك الموقف: ههههههه هيه ادريبه هو طبعه جي غيووووور وايد

مدت ايدهاا

منال بابتسامه : وياج منااال

فاطمه : وانا فاطمه .. مثل ماتعرفين طبعاا

منال: اكيد .. انا اعرف عنج كل شي .. محمد مايخش عني شي ابد

فاطمه: حلووو .. حلوه الصراحه بين الاثنين

منال: ههههههه اكيد الصراحه اساس كل شي .. بس شكله محمد مايصارحج فوايد اشيا

السباله تبا تقهرني ... انا براويج

فاطمه : هههه محمد مايحب يغثني .. يعني الاشيا الي مالها لازم مايطريهااا .. مايحب يخرب جوناا

منال: اها

ابتسمت.. شكلي غلبتها للحين .. حسيت اني فمباراه تصدقون !! .. اثنين \ صفر لصالحي

فاطمه : ندخل فالجد ؟؟

منال: شوووورر

فاطمه: دقيتيلي من رقم ثاني عسب محمد مايعرف انج اتصلتي فيني صح؟؟

منال: ههههههههه ذكيه

فاطمه: هههههه لاتحاتين حتى لو دقيتي من رقمج الي محمد يعرفه انا ماكنت ناويه اقوله انج كلمتيني

منال: عالعموم حتى لو مادقيت انا .. محمد ناوي يفاتحج بالموضوع قريب

فاطمه: موضوع شو؟

منال بابتسامه: موضوع زواجنا انا وياه

شووو؟؟ ... زواج !!.. محمد يبا هاااي ؟.. يعني مب علاقه عابره وبس ناوي يتزوجهاااا!! .. صدمتني .. والله صدمتني .. انا ادري ان محمد يعرفها بس هاي مش ذوق محمد ابدااا .. انا اعرف محمد عدل .. مستحيل يرضا ان هاي تكون حرمته وام لعياله !! ..

فاطمه: والمطلوب مني!!

منال: تختصرين الموضوع علينا

فاطمه: كيف؟

منال: تطلبين الطلاق

نعععععم .. الحين هاي الخايسه يايه تقولي انا اطلب الطلاق بقوة عين وبكل ثقه !!

فاطمه: وليش انا الي اطلبه؟.. ليش ماتطلبين انتي من محمد انه يطلقني

منال:

سكتت .. ممممممم .. تقريبا فهمت السالفه ..

فاطمه : ههههههه شكلج مب قادره توصلين له صح

منال: ههههههههههه بالعكس انا وصلته ومن زمان ومحمد يمووت فيني وانا واثقه من هالشي

فاطمه: لو انتي مثل ماتقولين متاكده من حب محمد .. جان ما طرشتي صوركم من وراه تحاولين تخربين علاقتي معاه !! .. وجان ماتصلتي فيني وشفتيني وتطلبين مني انا الي ابادر واطلب الطلاق .. جان خليتي محمد الي يتصرف ليش تتصرفين انتي!!

منال بارتباك: لا بس انا حبيت اختصر الطريق على محمد

فاطمه: شوفي منال بقولج شي .. انتي يمكن جذبتي انتباه محمد .. و يمكن لفتره كنت انا بعيده عنه شوي قدرتي تسحبينه صوبج .. بس صدقيني محمد عمره مابيكون لج انتي .. لانج باختصار مش من النوع الي يحبه

منال: شو قصدج .. احترمي نفسج يا فطيم وانا ماغلطت عليج!!

فاطمه : انتي ماغلطتي علي فعلا .. انتي بس حاولتي تدخلين بين اثنين متزوجين وبينهم عيال .. انتي تبين تلعبين بالنار وداشه لعبه ماتعرفين شو عواقبهاا فالنهايه .. عالعموم .. انا قد هاللعبه الي ناويه تلعبيهااا وماعندي مانع ابدااا .. بس اتمنى انج تكونين انتي قدهااا!!

منال: ههههههه انا قدهااا وصدقيني مثل ماقدرت الفت انتباهه واجذبه مثل مااعترفتي بلسانج .. اقدر املكه كله واخليه مايشوف غيري وينسااااج للابد مثل مانسااااج الفتره الي تقولين عنهااا .. دامج ناويه تدخلين لعبه والسالفه فيها تحدي انا بعد ماعندي مانع .. وتذكري انج انتي الي طلبتي هالشي وماحبيتي تختصرين على نفسج المشاكل !! ..

فاطمه: قلتلج .. انا عمري مافكرت اخلي وحده مثلج فبالي " طالعتها من فوق لين تحت " .. بس انا حابه اثبت لج انج اخترتي الشخص الخطأ ..

نشيت وانا امد ايدي ..

فاطمه : اشوفج على خير منااال .. ميره بنتي تتريااني .. فرصه سعيده

منال بابتسامه : وانا اسعد

خليتها وانا القهر ياكل قلبي اكل .. عمري مافكرت ان محمد ممكن ينزل مستواه لهالدرجه !! .. عمري ماتوقعت ان يفضل علي وحده مثل هاي !! .. بس انا دخلت وياها بتحدي ومش ناويه اخسره ابدا .. محمد ريلي وحبيبي ومثل ماضاع من ايدي باهمالي انا برجعه لي مره ثانيه ..

........................................

غايه"

مشيت فممر قسم الرجال فالمستشفى وانا احس بطيح من ريولي ماتشلني .. كنت متغشيه واحاول اطالع من تحت الغشوه رقم الغرفه الي عطوني اياها الممرضين لما سالتهم عن غرفه خليفه ال** .. ماعرف شو قاعده اسوي بس فقدت الامل خلاص .. خليفه مايرد وشكله مب ناوي يرد وهو الي خلاني اضطر اسوي هالشي .. وصلت عند الغرفه والحمدلله ماسمعت اصوات داخل .. يعني بروحه !! .. انزين والحين شسوي ؟؟.. انا بعمري ماشفت خليفه وكنت قريبه منه جي!! .. بس والله العظيم مب قادره اتحمل ابا اطمن عليه ابا اشوفه بعيوني واسمع صوته .. خذت نفس طويل ودخلت الغرفه بدون مادق الباب .. اول ماشفته شهقت .. حطيت ايدي على حلجي بسرعه اكتم شهقاتي ودموعي تنزل بغزاره .. كان راقد بس شكله متعور وايد .. كانت ايده مجبسه وجروح على ويهه ووايرات بكل صوب حواليه .. نزلت الغشوه وتقربت منه اكثر .. ماكنت اتحكم بتصرفاتي ابدا وماكنت افكر بشي!! .. الي اعرفه واشوفه ان خليفه حبيبي طايح جدامي بهالمنظر!! .. يلست عداله عالكرسي اونا مب قادره اوقف دموعي .. كان راقد ومب حاس بشي موول .. رفعت ايدي الي ترجف ويودت ايده المجبسه وحركت اصابعه ..

غايه بهمس: خليفه

مب حاس فيني .. ليش ماينش!!.. هو راقد ولا فيه شي؟؟

غايه تصيح : خليفه انا غايه .. تسمعني؟؟

غايه: خليفه دخيلك رد علي انا ماقدر ارقد انا ماتنفس والله انا ميته خوف عليك حبيبي .. طمني دخيلك.. طمني ورد علي .. تسمعني؟؟

حسيت باصابعه تتحرك بين ايدي .. رصيت عليهم

غايه تصيح مثل اليهال : خليفه .. خليفه لاتخليني بروحي دخيلك انا ماروم دونك .. خليفه نش الله يخليك نش .. خليفه انا والله مابزعلك ابد خلاص ولا بزعل منك .. سو الي تباه عادي مابقولك شي ولا بحاسبك .. بس دخيلك نش خليفه لاتخوفني اكثر عن جي نش ..

كنت اكلمه واصيح وارص على ايده اباه يحس فيني .. كنت خايفه وايد وايد .. يلست اقرا عليه شوي وادعي ربي وايد واترجاه يشفيه ويرجعه لي .. قربت شفايفي من اصابعه وبستهاا خفيف وقلتله احبك قبل لا اروح .. مسحت ويهي بايدي وبللت شفايفي احس بتعب فظيع من كثر ماصحت .. نشيت بروح وفكرت اسال بطريجي الممرض عن حالة خليفه .. اذكر ان سلطان قال انه بخير وان بيرخصونه جريب بس شو الي غيره شو الي يخليه مايحس بالي حوله!! .. رديت تغشيت وطلعت من الغرفه .. شفته فويهي .. تشللت .. كان يطالعني .. يطالع عيوني وعيووونه حمررر .. عرفني .. شافني .. نظراته كانت تخوف .. ماقدرت احرك فيني شي ولا حتى رمش عيوني .. حسيت الدنيا سودت فويهي وان هاليوم يومي خلاص

؟: تحركي جدامي

غايه:

؟: تحركي مابا ارفع صوتي

غايه:

تجدم صوبي ويودني من جتفي بقو وقام يسحبني ..

؟؟: تم ساكته ولاتنطقين بكلمه ..

..................................

نهاية البارت

[/align] __DEFINE_LIKE_SHARE__

المواضيع المتشابهه
الموضوع	كاتب الموضوع	المنتدى	مشاركات	آخر مشاركة
المرور""""""""للايجار """"""" فالمرور """"""4 شقق.. غرفتين+3 غرف ((65الف_150الف))	محروم.كوم	منتدى أخبار المواقع والمنتديات العربية والأجنبية	0	01-20-2012 04:10 PM
بلاك بيري تورش 9860 فل تتش مع بن ممير """"""""""""""""""""""	محروم.كوم	منتدى أخبار المواقع والمنتديات العربية والأجنبية	0	10-28-2011 11:00 AM
""""""""مطلوب لكزس lx570 الدفع كاااش """"""""""	محروم.كوم	منتدى أخبار المواقع والمنتديات العربية والأجنبية	0	07-19-2010 03:50 AM
"""""""""""""""""""""""""""فساتين زفاف راقية ومميزة """"""""""&am	محروم.كوم	منتدى أخبار المواقع والمنتديات العربية والأجنبية	0	07-13-2010 12:00 AM
"""""للبيع باترول سوبر سفاري موديل 99 ديزل """""""""	محروم.كوم	منتدى أخبار المواقع والمنتديات العربية والأجنبية	0	04-28-2009 02:40 PM