| ||||||
 |
| | LinkBack | أدوات الموضوع | انواع عرض الموضوع |
01-24-2013, 11:38 PM
| رقم المشاركة : [ 6 ] |
| عضو جديد |  roo7ii t7bk <<< انتي الي كلج ذوق والله ,, اقدر دعمج حبيبتي ,, ربي لا يحرمني من تواجدج ف صفحتي الريم المزروعي << فديتج غلاي تواجدج اسعدني وايد ... الحمدلله ان الرواية عيبتج وانا اوعدج بالأحلى يا حلااااا ^^ ... لاتحرميني من تواجدج فديتج __DEFINE_LIKE_SHARE__ |
|
| |
 |
|
01-26-2013, 03:01 AM
| رقم المشاركة : [ 7 ] |
| عضو جديد | السلام عليكم ورحمة الله وبركاته شحالكم ؟؟ بنزل البارت 3 ان شاءلله .. اتمنى لكم قراه ممتعه .. ونرجع مع " اهل الغراآمـ "  ........................ الجزء الثالث: هاجر" كنت قاعده ويا فطيم وميره بنتها ...فديتها هالبنت احبها وايد.. احسها تشبهني ... انتبهت ل فطيم اختي .. من يات وهيه سرحانه ومبين على ويهها الظيج.. ربي يعينها ..الصراحه .. فرق بين حالها الحين وحالها قبل 3 سنين .. اذكر كلامها عدل يوم كانت توها عروس.. فطيم بابتسامه : ماتتخيلين الزواج شكثر حلو هاجر .. خاصه لما تعيشين ايامج ويا الشخص الي كنتي تحبينه و تتمنينه .." تتنهد" آآآه .. احس اني مرتاحه .. مرتاحه وايد .. الحمدلله .. انا بابتسامه : فديتج اختي .. عسى ايامج كله راحه .. الله يخليكم لبعض ولا يغير عليكم فطيم بثقه: مستحيل .. مستحيل يتغير علي هجور .. محمد يحبني.. يعشقني .. اصلا هو قالي امس .. قالي انه كان يتمناني من زمان ومب مصدق اني صرت حلاله انا بابتسامه : الحمدلله.. قولي الحمدلله فطيم براحه : الحمدلله .. الحمدلله .. "وتبتسم" .. عقبالج انتي وسلطان ان شاءلله هيييه صح .. سلطان ولد عمي ... نسيته !! .. اصلا من زمان ماشفته .. صح ان نحن عيال عم بس مانتلاقى وايد .. بحكم ان سلطان مب فالبلاد ..يدرس بالخارج .. متفوق بدراسته من ايام المدرسه .. ماشاءلله عليه.. حتى فالثانويه كان علمي!! .. ياب نسبه عاليه .. 96 % .. كيف يابها ؟؟ .. انا كنت ادح دح واكل الكتب اكل, كل الي قدرت عليه 89% !! .. وكنت فرحانه فيها بعد .. يالله الحمدلله على كل حال .. بس مب جنه طول برع البلاد وايد؟؟ .. صار له 6 سنين وماكان يرد البلاد الا فالمناسبات .. من عيد لعيد بس .. هو اكبر عني بسنتين .. يعني مممم .. عمره 24 الحين .. اكيد هاي اخر سنه له وبيتخرج .. لحظه لحظه !! .. اخر سنه وبيتخرج !!.. يعني اول مايرد البلاد بيفكر بالعرس .. لاااااااااا .. مابا .. مابا اعرس .. انا ماعرف سلطان عدل .. ماعرف كيف طبعه .. يمكن اعرف محمد اكثر عنه!! .. سلطان من خلص ثانويه سافر وماسمعت عنه شي مووول .. اخر مره شفته من سنه .. العيد الي طاف .. كنت ف بيت يدي .. دخل علينا سلم وعايد على يدي وطلع .. حتى ماسلم علي ولا جنه شافني .. خقاق !! .. ولا يمكن خجول ؟؟.. ماعرف .. ماعرف شخصيته كيف ؟؟.. كيف ارتبط بواحد ماعرف شي عن طبعه !! ... بصراحه .... ظلم !! ....افففف .. تعبت من افكاري الي توديني وتييبني ونتبهت ان فطيم اختي بعدها سرحانه ... الله يعينها ويهدي لها محمد يارب .. مابا مصيري يكون نفس مصيرها ابد .. انا : فطيم فطيم انتبهت علي : هلا هاجر انا : شو رايج ترقدين عندنا اليوم ؟؟ ... اصلا من زمان ماسهرت وياج ولا خذنا علوم بعض .. بعدين انا متولهه على ميروه وايد وخاطري ارقدها ف حظني اليوم .. فطيم : ومحمد!! قلت فخاطري .." بعدج تفكرين فراحته يا فطيم وهو مب مفتكر فيج .. فديتج حبيبي .. " انا : مافيها شي .. اتصلي الحين وخبريه .. ماظن يقول شي!! فطيم : اوك .. اتصلت فيه بس شكله مارد عليها .. كالعاده !! فطيم بظيج : خلاص اوك .. بطرش الدريول اييب ملابس لميره .. مايبت لها ملابس وراحت ... اكيد راحت تصيح .. ماتحب تصيح جدام حد .. ها طبعها من زمان ........................... الريم " طلعت من الميلس بسرعه ...احرجني واااااااااااااااايد.. يعرف اني استحي منه بس مايودر حركاته مووول .. وقفت عند الباب وخذت نفس طويييييييييييييييييل ... آآآاه يا قلبيي ... قلبي يدق بسرعه احسه بيوقف والله ... حطيت ايدي على قلبي وانا اكلمه بصوت مسموع " اهدا .... اهدا شوي ... هذا سعيد... هذاحبيبك الي كنت تتمناه من زمان .. اخيرا .. اخيرا صار من نصيبك " ... خل اروح اوصي الخدامه تزهب العشى ..الريال يووعااان .. توني بروح بس حسيت بإيد تمسك ايدي وتشدني .. رفعت راسي بسرعه .... و شفته .. سعيد.. لصق فيني وااايد.. وقال : وهذا..." شل ايدي وحطها على صدره ..وهمس " ..والله ... والله .. ماتمنى غيرج يسكنه والله طالعت عيونه واحس بنظراته الي بتذبحني .. والله بتذبحني .. نزلت راسي انا : سعيد سعيد .. رفع راسي وقال : عيونه انا بخوف : سعيد هد ايدي خلاص .. اخاف حد يشوفنا سعيد: شو يعني !! .. انتي حرمتي و محد يقدر يقولي شي !! انا بموووووت بموت من المستحى خلاص .. لو وقفت معاه دقيقه زياده ماعرف شو بيستوي فيني .. سحبت ايدي منه ايده بقو وقلت بارتباك: انااآآ.. انا بسير ازهب لك العشى .. " وشردت" .......................... خليفه" احللللللللللى سهره سهرتها الصراحه .. شو هالبنات ؟؟.. شو هالمزايين ؟؟.. والله يعقن الطير من السما .. كل وحده فيهن تقول للقمر خووووووز انا بيلس مكانك .. بس هاي .. ممممم هاي الي شعرها اسود وطووووويل .. احلى وحده فيهن .. عيبتني .. رقصها حلوووو .. وجسمها يذبح .. اشرت عليها بمعنى تعالي .. يت بسرعه بدون اعتراض امل بدلع : هلااا انا : هلا بالحلوين .." وقلت بحزم" .. انتي شو سالفتج ؟؟ امل تبطل عيونها و تتصنع البرائه: انا ؟؟.. انا شو سويت ؟؟ رديت عليها بمكر : قولي شو ماسويتي !! .. " حطيت ايدي على قلبي " تعبتيني .. وتعبتي هذا امل بدلع اكثر : فدييييييييييته هذا .. " ومسكت ايدي " .. انا بداويه انا نشيت ونشت امل وياي : عيل تعالي .. راويني كيف بداويه ؟؟ ودخلنا داخل .......................... غايه" اتصل له من ساعه وللحين مايرد علي .. معقوله من حشرة ربعه ماسمع التلفون؟؟ .. والله يمكن !! ... انزين انا ماياني رقاد .. ماتعودت ارقد الا بعد ماسمع صوته... ماغمض عيوني براحه الا بعد مايقولي " تصبحين على خير حبيبي " .. عودني على شغلات كثيره والحين ماعرف اتصرف بدونه !! .. افففففف .. شسوي الحين؟؟.. كلهم رقوود ... بفتح اللاب وبطالع لي فلم لين يتصل خليفه .. بس مب هندي .. بسني صياح .. بشوف فلم مصري .. ولا لا .. مسرحيه .. بدور على مسرحيه لطارق العلي .. خل اضحك شوي!! ........................... خالد " دشيت البيت شفت هجور وفطيم وميره منسدحات فالصاله .. يطالعون التلفزيون .. ههههههه .. ضحكت عليهم .. من زمان ماشفتهم جي .. بعد ما عرست فطيم هاجر كله بروحها .. حتى مرات افكر استعيل بموضوعي انا وغايه عشان تونس هجور فالبيت شوي .. بس للاسف !! بعدها تدرس .. ابوي الله يرحمه قبل وفاته كان معزم يخطب لي غايه وكان مفاتح عمي بالموضوع .. بس بعد ما توفى الله يرحمه .. اجلنا الموضوع شوي .. لين تخلص غايه دراستها وتتخرج .. بس عمي وعدني وقال .. " محد بياخذ غايه غيرك انت يا خالد " .. استانست وايد .. غايه بنت عمي جميله وخلوقه ومافيها عيب .. يعني هالبنت الي يتمناها كل شاب .. وبعدين " الاقربون اولى بالمعروف".. يعني وين بحصل احسن عنها !! .. رديت اطالع خواتي شفتهن راقدات .. لا والله !! .. الحين منو يوديهن فوق ؟؟.. ماروم اشلهن .. كل وحده امتن عن الثانيه .. هههههههه .. بشل ميره فديتها وبوعي هالخبايل .. انا ازاعج : هجووووووووووووووووور .. فطيييييييييم محد رد !! رديت ازاعج وارفس هجور عالخفيف : نشي ياااااااااااااااا حيوانه هجور بظيج : هااا .. هاااا .. هاااااااااااااااااااااااااااااااااااااااا انا : حد يرقد هني ؟؟ يلا اشوف سيري غرفتج وقومي فطيم وياج .. انا بشل ميره فوق هجور تتافف: اففف .. انزين ... حد يوعي الناس جي ؟؟ شو هالدفاشه ؟؟ ... عوذ بالله ... الله يعينها غايووه !! غايه !! ردت ف بالي مره ثانيه .. اصلا شكلي بنام اليوم وماشي ف بالي غير هالـ غايه !! ......................... منصور " وصلت الشقه وانا تعباااااااااااااااااان وولهاااااااااااااااااااااااااااااااان ..مب عليها بس !! حتى على الصغيرون .. ماشوفهم وايد .. وادري مقصر بحقهم وايد وايد .. بس مب بايدي !! هيه تعرف ظروفي زين وانا فهمتها كل شي قبل لانتزوج .. وبصراحه !! .. هيه وايد متفهمه .. وتراعيني وايد .. فتحت باب الغرفه شوي شوي .. حصلتها راقده ومرقده ميود فحظنها .. يااااااااااااااربي .. شكثر ولهت عليهم .. الود ودي اتم وياهم دووووووووم ومافارقهم دقيقه .. بس مجبور !! فصخت كندورتي وطحت وياهم عالسرير .. حسيتها نشت .. رقادها خفيف!! رغد: منصور !! قلت وانا اطالعها بحب : عيون منصور رغد : متى اجيت؟ انا .. اقلدها : هلأ اجيب رغد بابتسامه : اشتقنالك انا : وانا بعد.. " حضنتها بقووووو " .. ولهت عليكم واااااااااااااااااايد رغد بخوف وترفع راسها من حظني : شو قلت لاهلك .. وين قلتلهم راح تنام ؟ حطيت ايدي على ويها وانا اطالع شفايفها وقلت : قلتلهم بنام عند مرررتي رغد بدلع : منصوووووور .. بطل مزح .. بتكلم جد .. شو قلتلهم ؟؟ انا : ماقلت شي حبيبي .. اهلي رقود الحين ومحد بيحس اني مب فالبيت .. بعدين مب تقولين " وارد اقلدها ".. اشتقنالك !! ... وين الوله ؟؟ .. ماشوف شي ؟؟ رغد استحت ونزلت راسها : اييه .. والله اشتقنالك كتير .. حتى ميود .. عم يبكي كتير .. بدو البابا انا واقرب منها اكثر : وانتي ؟؟ .. ما بدك البابا ؟ رغد تضحك : ههههههههههه .. بدي اياه .. وبتمنى يضل عنا دوووم آآآه فديت ضحكتها .. انا بهمس : انزين قولي بحبك رغد سكتت و بعدها تطاع تحت : انا : قولي رغد .. ولهت عليها .. ماسمعتها منج من زمااااان رفعت راسها طالعتني وقالت : بحبك طالعت شفايفها وهيه تنطقها.. و قلت : فدييييييتج ......................................... ميثه" ناشه من الصبح .. احس بنشاط .. نزلت تحت شفت امي يالسه تقرا قرآن .. احب تلاوتها .. صوتها حلو ماشاءلله .. يقولون صوتي حلو انا بعد .. طالعه على امي فديتني .. من ايام المدرسه كانت ابلة الدين تخليني انا الي اقرا دووم ..تقولي صوتي دافي ويريح .. كنت استانس وايد.. تميت يالسه اسمع امي لين خلصت قرايتها .. امي .. تسكر المصحف : صدق الله العظيم.. " شافتني وقالت " .. ماشاءلله ناشه من الصبح .. غريبه !! انا اوني مبووزه : امي ماعرفنالج الحين !! ... " نشيت وحطيت راسي على ريولها " ... لو نشيت متاخره بتقولين ماتشبعين رقاد .. ولو نشيت من وقت بتقولين غريبه !! .. مايعيبج شي مريووووم؟؟ امي فجت عيوني : مريوم !! " وتضرب راسي خفيف " .. يالسباله .. اصغر عيالج انا تقولين لي مريوم مسودة الويه !! ضحكت واوني ادلع عليها : ههههههههههه امي عاد .. شو فيج انتي !!.. ادلعج انا ... بعدين انتي ليش تكبرين عمرج ؟؟ ترا بعدج صغيره .. ولا تبين ابوي يتزوج عليج ؟؟ امي وماعيبها الموضوع : بسس بسس .. صخي .. لاتطرين هالسوالف لا يسمعج ابوج الحين ضحكت عليها : ههههههههههههههههههههههههههههه خافت خافت ... اصلا ابوي وين بيحصل غرشوووب مثلج .. وافديييييييييت هالعيون انا ... اصلا انا كل شي حلو فيني خذته منج .. صوتي وعيوني وشعري وبياضي وخشمي و .. " دش عبدالله اخوي وقاطعني .. " عبدالله : خيبه خيبه ... كل ها خذتيه عن امي .. عيل شو خليتي لي انا ؟؟ .. اصلا انا اجمل واحد فالبيت وبشهادة الكل .. صح مريوم ؟؟ ... " وباس راس امي " امي تتافف : بعد قال مريوم .. انا ماعرفت اربيكم شو !! .. جب انته وياها .. ويلا تعالو تريقو .. ابوكم تريق وطلع من الصبح انا : شو ريوقكم ؟؟ امي : خبز خمير صارخت بوناسه : اللللللللللللللللللللللللللللللللللللللللللللللللل للللللللله عبدالله : عافان الله .. انا ابا اعرف شي واحد بس !! ... انتي هالاكل الي تاكلينه وين يروح ؟؟.. تاكلين اكل .. بس ماتمنين مول .. " ويحيس بوزه اونه متجزز " .. يابسه عافان الله رفعت حواجبني وانا اتخقق وقلت : انت شعرفك ؟ .. ها جسم عارضات الازياء ..وبعدين .. هاي يسمونها رشاااااااااقه .. رشاقه .. تعرف شو يعني رشاقه ؟ ... طبعا ماتعرف لانك بختصار ..متين ههههههههههههههه وتربعت بيلستي وبديت اكل بشراااااااااااااااااااااااهه ... يميي كيف لذيييييييييييييذ !! ........................ سعيد" كنت ضابط المنبه عالساعه 10 .. ابا اودي الموتر الوكاله المكيف خربان وفطست من الحر امس .. امس !! .. على طاري امس " ابتسمت " .. تذكرت عشاي ويا الريم امس .. فديتها .. شليت تلفوني واتصلت فيها الريم : الو انا .. ابتسمت : صباح الحب الريم استحت : صباح الخير انا : ههههههههه .. ريماني .. حبيبي خاطري اتصل مره وتصبحين علي مثل كل العشاق .. اقولج صباح الحب تردين صباح الخير؟!! .. حبيبي قولي صباح الشوق .. صباحك ورد .. صباحك سكر حبيبي .. اي شي يبرد خاطري انزين!! ريم وبتمووووت حيا : انزين .. آآآ.. " وبتردد " ... صباح الخير ححبيبي غمض عيوني وسكت شوي .. آآآه .. احبها .. احب كل شي فيها .. احب صوتهااا وخاصه لي قالت "حبيبي" .. سعيد: ريماني الريم : هلا سعيد: ولهت عليج .. عادي اي بيتكم اليوم بعد؟؟ الريم : ههههه سعيد: فديت هالضحكه الريم سكتت : انا : الريم الريم: لبيه اانا بصدق : احبج الريم ... والله احبج ......................................... عبدالله" كنت يالس اسمع سوالف امي وميثه وانا متملل .. مممم طبعي بيتوتي .. احب احوط بس مب وايد .. ومب مكون صداقات كثيره .. يعني من البيت للدوام ومن الدوام للبيت زائد حواطه خفيفه .. كنت افكر وين بحوط اليوم.. لين قطع تفكيري صوت تلفون ميثه ... ما ياخذني الا الموت .. الا الموت .. وغيره مايفرقنا معاك العمر كله يااا عسى يومي قبل يومك وعد ماغيب عن عينك .. ماغيب .. وعد مارخص محبتنا حبيبي ساعة الفرقى أبيها آخر همومك طالعتها بنظره معناها .. شو هالرنه الخايسه ؟؟ .. وبعدين !! انا كم مره منبه عليها لاتحط رنة تلفونها اغنيه .. لو رن تلفونها فالسوق مثلا ؟؟ .. هالبنت ماينفع وياها الكلام .. يبالها ضرب .. . انتبهت على شاشه التلفون .. " حبي الاول والاخير يتصل بك " .. توني بسالها بس سمعتها تقول ميثه : اوووه هجور متصله احم .. حسيت اني غصيت .. هجور !!.. تميت ساكت وانا اسمع ميثه باهتمام ميثه: هلا والله .. بخير الحمدلله ... شحالج انتي ؟؟.. مديم يارب .. والله ماشي يالسه فاضيه .. انتي شو تسوين ؟؟... هييييه شحالها فطيم عساها بخير ؟؟ .. فديييت ميروه والله تولهت عليها... انزين شو رايج تيين بيتنا ؟ .. يلسي وياي شوي وييبي ميره ة وياج بعد .. ابا اشوفها ... حراااااااااام عليج هجور والله ملااااااااااااااااااااااانه .. انزين مابتتاخرين اقعدي شوي وعقب روحي .. اوك بسويلج ورق عنب ... والله بسويلج ماقص عليج .. خيبه ماتيين بلاش انتي لازم بمقابل ... هههههههههههه .. افففف انزين انزين عن الحشره ... اوك .. يلا مع السلامه ميثه : امي هاجر بتي تقعد وياي شوي امي : حياها الله فديتج .. البيت بيتها مممممممم هاجر بتي؟؟ .. يعني .. يعني ماشي طلعه اليوم!! .. واصلا انا قلت قبل .. انا مب مال طلعه !! .. انا بيتوتي !! نشيت رحت غرفتي وانا افكر فهاليوم .. كيف بشوفها ؟؟ .. ابا اشوفها .. يارب يارب اشوفها .. .......................... نهاية البارت |
|
| |
| |
|
01-26-2013, 03:14 AM
| رقم المشاركة : [ 8 ] |
| عضو جديد | حبيت اقول شي فخاطري ..
__DEFINE_LIKE_SHARE__
 مممم .. آرائكم وردودكم فروايتي تهمني وايد .. يعني .. يهمني اعرف لو حابين الرواية او لا ؟؟ .. حابين اني اكملها ولا اتوقف ؟؟ الاحظ ان عدد المشاهدات 55 مثلا .. بس للاسف 2 من الاعضاء علقو على الرواية بس !! اتمنى انكم ماتبخلون علي بردودكم حتى لو نقد لو اي شي انا اتقبله بصدر رحب ^^ .. بس ابا اشوف تفاعلكم بالقصه ولو شوي .. والسموحه منكم اختكمــ شــووقـ |
|
| |
| |
|
01-26-2013, 10:06 AM
| رقم المشاركة : [ 9 ] |
| عضو جديد  | ياااااااااااااي وناااسسة البارت.
واايد حبيييته ، وان ششالله عبدالله يشوف هاجر ^^ .. وبخصصوص المشاهدات معليه حبيبتي كل بداية رواية جيه لكن عقب راح ازييد باذن الله .. ويعطييييج العاافيه ، اسستمري بهذا الابدااع=) __DEFINE_LIKE_SHARE__ |
|
| |
| |
|
01-26-2013, 02:03 PM
| رقم المشاركة : [ 10 ] |
| عضو جديد | البااارت وااايد حححلوو
__DEFINE_LIKE_SHARE__
|
|
| |
| |
|
| مواقع النشر (المفضلة) |
العرض العادي
| |
المواضيع المتشابهه | ||||
| الموضوع | كاتب الموضوع | المنتدى | مشاركات | آخر مشاركة |
| المرور""""""""للايجار """"""" فالمرور """"""4 شقق.. غرفتين+3 غرف ((65الف_150الف)) | محروم.كوم | منتدى أخبار المواقع والمنتديات العربية والأجنبية | 0 | 01-20-2012 04:10 PM |
| بلاك بيري تورش 9860 فل تتش مع بن ممير """""""""""""""""""""" | محروم.كوم | منتدى أخبار المواقع والمنتديات العربية والأجنبية | 0 | 10-28-2011 11:00 AM |
| """"""""مطلوب لكزس lx570 الدفع كاااش """""""""" | محروم.كوم | منتدى أخبار المواقع والمنتديات العربية والأجنبية | 0 | 07-19-2010 03:50 AM |
| """""""""""""""""""""""""""فساتين زفاف راقية ومميزة """"""""""&am | محروم.كوم | منتدى أخبار المواقع والمنتديات العربية والأجنبية | 0 | 07-13-2010 12:00 AM |
| """""للبيع باترول سوبر سفاري موديل 99 ديزل """"""""" | محروم.كوم | منتدى أخبار المواقع والمنتديات العربية والأجنبية | 0 | 04-28-2009 02:40 PM |
الساعة الآن 03:01 PM
- اخبار رياضية
- اخبار الامارات
- اخبار ريال مدريد
- اخبار برشلونه
- العاب فلاش
- مسلسلات وافلام
- مسجات
- فيديو كليبات
- سيارات للبيع
- ارقام سيارات
- ارقام هواتف
- هواتف للبيع
- حيوانات للبيع
- قوارب ويخوت للبيع
- ملابس واكسسوارات
- ساعات ومجوهرات
- اناشيد اسلامية
- نغمات اناشيد
- نغمات اسلامية
- ادعية اسلامية
- رقية شرعية
- قران كريم
- ديبيات اسلامية
- اذكار المسلم
1 2 3 4 5 6 7 8 9 10 11 12 13 14 15 16 17 18 19 20 21 22 23 24 25 26 27 28 29 30 31 32 33 34 35 36 37 38 39 40 41 42 43 44 45 46 47 48 49 50 51 52 53 54 55 56 57 58 59 60 61 62 63 64 65 66 67 68 69 70 71 72 73 74 75 76 77 78 79 80 81 82 83 84 85 86 87 88 89 90 91 92 93 94 95 96 97 98 99 100 101 102 103 104 105 106 107 108 109 110 111 112 113 114 115 116 117 118 119 120 121 122 123 124 125 126 127 128 129 130 131 132 133 134 135 136 137 138 139 140 141 142 143 144 145 146 147 148 149 150 151 152 153 154 155 156 157 158 159 160 161 162 163 164 165 166 167 168 169 170 171 172 173 174 175 176 177 178 179 180 181 182 183 184 185 186 187 188 189 190 191 192 193 194 195 196 197 198 199 200 201 202 203 204 205 206 207 208 209 210 211 212 213 214 215 216 217 218 219 220 221 222 223 224 225 226 227