نظراً لظروف الدراسه
ما قدرت أكتب
.
.
كتبت بارت بس ما عيبني
حسيته مش شيء
إعذروني
.
.
كنت ناويه اكتب بالويك أند
بس إمتحاناتي من الاحد لين الخميس الياي
فماكو وقت
.
.
=))
بإذن الله بعوضكم مرة ثانيه
وسوري

البارت الحادي والعشرين
.
.



بو حمدان :"يكلم الحرمه اللي داخله مع ذياب" أنتي لييييييييش يايه اهنيه


كانو توهم ينتبهون للحرمه اللي موجوده


بو مهره: عبدلله شتباها . .


"يقاطعه"


بو حمدان: أنتو ما قلتو أنكم متربين منها ومن سواتها" يطالعها" شحقه يايه اهنيه شو مافيج مذهب!!!


يديـه:"يصرخ لدرجه ان الكل نقز" عبدلله


بو حمدان إطالعه والكل إطالع يديـه عسب يرمس


يديـه: عبدلله أنت إتبريت منك قبلها ورضيت عليك .. وأخوك سالم "قصده بو مهره" بعد والحينه كلكم ساكنين ببيتي كلكم تحت جناحي .. مهما غلطو العيال يظلون قطعه من يوفنا بنحن لها وماعمرنا نقدر نقسى عليهم نقسى ونقسى وعقب بنرضى لانهم قطعه مناا .. وهذي بنتي "يسكت شوي ويرد يكمل" بنتي الوحيده فيكم . . وهي ما غلطت هيه سمعت كلام ريلها ريلها كان دوومه سفراته لبرع ودوومه ويا الشغل .. فكان معاها حق لو تبعد عنا وبعدين البنت دايم تكون لريلها ومن تتزوج تنسى اهلها .. "يطالع بو حمدان " مب شرات الأولاد المفروض هم اللي يباروون ويدارون أمهاتهم وأبهاتهم "يطالع بنته" وديمه إميـه قربي


قربت من ابوها وباست راسه وو حضنها وعقب سارت صوب أمها ونفس الحاله بس بزياده عاد يدووه لازم " الغبنه " تخونها


مثايل كانت تتطالع سلطان وإبتسمت له مستانسه ان في شي إنحل عنها أن في شي كان بيووفها وطلع


ما كانت تدري كيف يات وديمه اهنيه بس استانست وتمت طول الوقت مبتسمه


ذياب اللي كان ببباله شي يسويه بس ما سوااه


وديمه " هيه ام هيا " سمعت من حد قريب لها عن بنت اخوها وقالت اكيد هذا الوقت المناسب اللي تقرب مرة 2 من اهلها وخاصه بعد ما توفى زوجها


.


.


بعد أسبوع


مثايل متحرقصه ويالسه تعابل بغرفه الضيوف عساس مهره ترتاح فيها وما تقعد تتحرك وايد وترتبها وماخلت شي ما سوته مزرت الغرفه سارت شرت سرير للبنوته لونه وردي ورتبت السرير وحطت الشراشف ونزلت جم غرض لمهره من غرفتها ويا سلطان


خلود:"ترتب بدل للبنوته" أحس هالثياب بتطلع كبيرة حييييييل ع البنيه حليلها بتغووص فيها


علايه:" يايبه البخور" هههه حليلها بتغوص شرات يوم يغوصون بالماي ..>!!


مثايل: ههههه "تتطالع المبخر" شوهذا!!


علايه: يدووه تقول بخرو الغرفه شوي


خوله: مب زين عالياهل


مثايل: ممم ماعليه علايه خلاص الغرفه تبخرت طلعيه برع "تتطالع خوله" من الحينه لين يوصلون بتكون الريحه و الدخان خف


فطامي: هيه صح


مثايل:"تتطالع البنات" يلا طلعو برع أجوف إستحليتوها السالفه صارت اللمه بدال تحت بغرفه مهااري يلا خل نطلع


خوله: "تتأكد كل شي أوكي" ممم يلا نطلع


.


.


طلعو ونزلو تحت عأساس مهااري توصل ع العصر


علايه: مثووول اوصفيلي أحم وديمه عمتج


خوله: "تتطالعها بنظره" أحيدها عمتج بعد


علايه: ادري زين بس ما تعودت


خلود: أنا شوي اذكرهم كنا مرات نلعب ويا عيالها أحيد عندها ولدين


مثايل: هيه خليفه وفيصل ووهيووونه


فطامي: ماشا الله العائلة الكريمه عندها


علايه: ترا هيه الأسرار كلها عندها


مثايل: "إكتفت بإبتسامه جانبيه" ممم عقب بقولج "تقوم" الحينه بروح شوي وبرجع


وتروح عنهم


علايه: تعااااااااااااااالي وين سااااااااااااايرة


.


.


قاعده تعاند بسلطان ما تبا تطلع من المستشفى


سلطان:"تغصص" يا بنت الناااااااااااااس شحقه عاد


مهره:" ترد ع السرير" مابا كيفي مابا ما بطلع من غير بنتي


أم خالد: يا بنتي يا مهره يا حبيبتي البنيه قاصره ومحتاجه رعايه


مهره: "بعصبيه " يعني انا ما روم أرعاها " تعلي صوتها" انا اروم ارعاها اكثر عنهم



سلطان: زين زين بنكلمهم بس انتي يلا تزهبي


مهره:"بحزن صايره نفسيتها ع اي شي تتغير " يعني من اسبوع ما جفتها ولا مرة ويوم اقول يقولون ما يرومون يطلعونها من الغرفه ويوم اقول بسير لها يقولون لا انتي تعبانه ماحبكم " تعلي صوتها" ماااااحبكم "وغطت ويهها بإيدها"


سلطان حز بخاطره وخلاها وسار


.


.


فجر: وليدااااااااااان


وليد: "راقد" .....


فجر: "تهزه" يعني شوو ماكو دوام قلنا كيفك خذ إجازة ترتاح بس عاد كله راقد عني ما يصير



وليد: ....


فجر: ولييييييييييييييييييييييد


وليد: ...


فجر:إففففففففف " لفت بتروح"


جان يسحبها وإطيح ع السرير يمه


فجر: إيييي


وليد:"يلمها" أحبج


فجر:"تدز صدره" إيي عيب


وليد: "بهمس" عيب لاه "بهمس أكثر " ترا ريلج


فجر: قووم قووم قلنا نطلع ولا نقعد برع قووووووووم


وليد: وين بناتي حبيباتي


فجر: "تبتسم" راقدات


وليد:"بخبث" عسب جي تبيني اقوووم "يغمز لها"


فجر: "بحيا" إييي يلا قووم "وتقوم عنه


وليد: ماكوو قوومة


"يرد يسحبها عاد هالمرة لمها بقوه حاولت تفج منه بس ماكوو وليد رص عليها"


Cut


.


.


قاعده ويا عيالها


خليفه: يعني انتي سرتي لهم


أم خليفه"وديمه": هيه سرت


فيصل: "بعصبيه" إميـه شقايل تسيرين لهم شقايل


أم خليفه: فييييييييييصل أحيد انا امك " بعصبيه" قاعد تعلي صوتك علي أنا


فيصل حس ع عمره انه كان معلي صوته


فيصل:"يبوس راسها" آسف الغاليه


هيا:"بعالم آخر" إمايه جفي مثووووووول


خليفه:"بإستغراب" مثووول


هيا: هيه " ترد تتطالع امها" جفتيها


أم خليفه: هيه جفتها بسم الله عليها تجنن دخلت فوااادي


خليفه: منو هاي


أم خليفه: بنت اخوي


فيصل: إمايه محد سمعج كلمه محد طردج


خليفه: ليش جي تقول


فيصل: لان ما عمرنا سمعنا عنهم بس يوم صغار وعقب قطعوونا شمعنى الحينه يعني


أم خليفه: " تتنهد" خلاص انسو الماضي ياعيال


هيا: هيه صح " بوناسه زايده" نحن عيال اليوم


خليفه: هاا كله عسب " يقلد صوتها" مثوووول


أم خليفه:"تغير الجو" لاا لا لا دخيلك صوتك مب لايق عليه يكون رقيق


فيصل: ههههههههههه يابو عليك صح


خليفه:"إستحى" ما عليه امايه وانا بجرج وجذه تسوين بي


ام خليفه: هههه


.


.


قاعد يتمشى ع البحر يتذكر اللي صار له قبل ساعتين


" كان قاعد بالصاله وطلعت له امه إطالعته بنظرة وخلته وسارت عنه


سألها: وين سايرة إميـه


أمـه: أنت اخر واحد يرمس ماني امك


قالها: اميـه شحقه هالكلام الحينه ولا وليد ولدج بس "بحزن" ابا اعرف ليش ما إطيقيني ليييييييش


قالت له: تبا تعرف ليش تبا تعرف !! لاني يوم ربيت فيك أبوك توفى بنفس اليووم عرفت انك ويه النحس


وقالت كلام وايد وايد يعور الفواد


خلاها ورجع غرفته و كلمتين بس تتردد ع مسامعه


ويه النحس


ويه النحس


ويه النحس


ما حس بعمره إلا نغزة قوويه يم قلبه عورته


مسك قلبه بقووووووه ورص عليه


رد إنسدح وغمض عيونه بقوه لين حس ان النغزات راحت "


تنهد بصمت وهو يناظر البحر


مسك قلبه ... الله يخليك تم في رووح بهالدنيا تحبها تبيها تكفى ياقلبي لا يصير فيني شي مارووم ع بعادها مابي اخليها


قرب منه بخوف لما جافه ماسك قلبه


حد إيده ع كتف سيف مما خلا سيف يلف يجوفه


سيف:"ينزل إيده" هلا فلاح شدراك اني اهنيه


فلاح: قاعد اتصل بك ما ترد قلت اكيد إنك إهنيه "يطالعه عين بعين" بلاك فيك شي


يلف عنه سيف ويعطيه ظهره وو جابل البحر


فلاح:"يكمل" سيييييييييييف صار شي قلبك عورك


سيف: لا ماصار شي


فلاح: عيل شوفيك


سيف:"يتجدم للبحر ويقعد ع السييف" ماشي قلت ايي اهنيه اشم شويه هوااا


فلاح: متاكد


سيف: هيه


فلاح:" يروح يقعد يمه" قلت يمكن مثايل مطنشتنك هههه


سيف: هيه مطنشتني بس عادي "يطالعه" إلا انت بلاك ليش تدورني


فلاح: "يتنهد "ماشي


سيف: ههههههه


فلاح: بلاك تضحك


سيف: أكيد أنت اللي مطنشتنك غلا صح هههههههههههه


فلاح: ههههههههههههههه شو دراك هههههه


سيف: ماشي إحسااااااااااااااااااس


فلاح: ههههههههههههههههه


.


.


تم يتمشى ويتمشى بالمستشفى تقريباً يمكن دار عليه مرتين ولا ثلاث مب عارف شو يسوي


خايف يقولها اللي صاير تتعب ولا شي أبد مب عارف كيف يصارحها بالموضوع لا واللي بالبيت ومزهبين كل شي كيف يقولهم اللي صاير


.


.